Post: #1
Title: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: عبير خيرى
Date: 07-18-2006, 02:50 PM
.
الكثير من المسئولين والمشاهير في الخرطوم هم أعضاء في هذا المنبر
لماذا لا يحضرون لقاءاتنا ؟
علماً بأن الكثير منهم يكون أونلاين ساعة إنزال الإعلان باليوم المحدد للقاء .
- هي أم نحن دون المستوى الفكري أو المظهري ؟
يا ترى ليه ؟
جاوبو إنتو نيابة عني !!
|
Post: #2
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: jini
Date: 07-18-2006, 03:17 PM
Parent: #1
Quote: لماذا لا يحضرون لقاءاتنا ؟
|
هم شن طعمهم! هو فى السودان فى سيلبريتى!
يجوكم يخربوا ليكم جلساتكم بالله ناس فكينها فى نفسهم!
حضرت قبل شوية التجانى حاج موسى فى ابوظبى ورم فشفاشنا وفقع مرارتنا مخلوع من سماحة المذيعة اتعاور واتهابل زى التقول اول مرة يظهر فى برنامج تلفزيونى !
اتكلم عن الشهرة ووقال الناس كانت بتأشر عليهو دا شاعر الفنان فلان وهو كان لا يبحث عن الشهرة والله وخلقوا يعلموا التيجانى حاج شهرة ويموت فى الشهرة وجا لا بس ليهو جلابية وعمة تقول ماشى الشيخ أبوزيد يشترى ليهو خروف!
الله يديك العافية يا عبير هم الماقدركم بتواضعكم الجميل
جنى
|
Post: #5
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: عبير خيرى
Date: 07-18-2006, 09:34 PM
Parent: #2
.
جني إزيك
شكراً لمداخلتك
التجاني حاج موسى ده مورم فشفاشنا هنا بالبحصل في المصنفات
والله لا ورّاك
|
Post: #3
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: DKEEN
Date: 07-18-2006, 04:25 PM
Parent: #1
عبير
البورد ده صناعة غربة..
يعني بتاع ناس مالاقيه اهلها ومالاقيه صحابها الزمان ..
يدخله الكثيرين لانو مشتاقة لي سودانيين وونسة سودانيين وبحث عن علاقات مع سودانيين..
لذا تجمعات البورداب اكثر نجاحا في الغربة ..
وكلما اذدادت الغربة كلما ازداد التصاق البورداب ببعضهم
يعني مثلا نجد على مستوى العالم اكثر البورداب التصاقا هم بورداب السعودية
لانو وجعتهم في البلد دي كبيرة وحرياتهم محدودوة..
ففي اللقاءات الجميلة بنحاول نخلق بدائل اصدقاء غار بهم الوطن ..
وكلما اتسعت مساحات الحرية كلما قل التصاق البورداب ببعضهم
الى ان نجد ان بورداب امريكا مثلا ماعندهم قضية بي بعض تقريبا..
لذا فمن العبث انو اكون قاعد وسط اهلي واصحابي الاتربيت معاهم ومعاهم قضيت اجمل الايام واجي اباري لي ناس لاقيتم في نت..
اللهم إلا اذا ماكان عندي قدامى اصدقاء او ماعندي شغلة ..
اصلا مسالة بورداب الخرطوم دي مفترض ماتكون موجودة..
للخرطوم اشيائها الخاصة وعالمها الخاص ..
فلا تشغلون بال الخرطوم بالبورداب وحاجات الغربة دي ..
والزول الماعندو احبة في السودان واصدقاء يشغلونه عن صداقات النت دي احسن يراجع نفسو
والراجع نفسو ومالقى حلل اخير ليهو اليتخارج من السودان ده..
لو ماعندك اصدقاء صنعتهم في رحم الخرطوم بالخرطوم ..القاعد ليها شنو؟؟
|
Post: #4
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: عصام أحمد
Date: 07-18-2006, 04:39 PM
Parent: #3
| Quote: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟ |
لأنها كما أسميتيها أنت لقاءات عــــادية...!
يعني إنتي جاوبتي علي السؤال.
كان مفترض تقولي :- لماذا لا يحضر مشاهير الخرطوم لقاءاتنا الغير عادية.
مودتي
عصام
|
Post: #6
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: ود شاموق
Date: 07-19-2006, 01:53 AM
Parent: #1
الرطوبة يا عبير يا بتي الرطوبة.
|
Post: #7
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: Teeta
Date: 07-19-2006, 02:07 AM
Parent: #1
عبوره ازيك
طبعا نحن ما منهم لكن الناس ليها ظروفها واكيد معزورين ونحن عازرنهم وبتخيل لى القعده بتكون احلى لما ما يكون فيها زول مسؤل عشان الرجفه ما تكتر عموما اتمنى ان يشاركوا لانو والله لقاءات البورداب حلوه وبريئه واسريه خالص خالص بس الظروف الظروف ولك العتبى حتى ترضى
ام الاء
|
Post: #8
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: Salma Daoud
Date: 07-19-2006, 02:32 AM
Parent: #7
عبير يا عبير..
بصفتي من "المشاهير" حأجاوب بالنيابة عنهم...
مــــا قـــــاعدين تكلمـــــــــــــــــونا!!!!
|
Post: #9
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: حافظ عبدالعاطى احمد
Date: 07-19-2006, 04:16 AM
Parent: #1
غايتو انا برنامجى فل شديد
بالله تانى حارسل ليكم مديرالمكتب حقى
خلاس كويس
|
Post: #10
Title: Re: لماذا لا يحضر المشاهير من بورداب الخرطوم لقاءاتنا العادية ؟؟؟؟؟؟
Author: معتز تروتسكى
Date: 07-21-2006, 11:26 AM
Parent: #9
عبورة ازيك..
اولا انا ماعارف المشاهير ديل مقصود بيهم منو يعن اعضاء معنا هنا ولا زى مابقولو مشاهير المجتمع
المهم
امسكى فى كلام عمك دكين ده قوى..
انا معاهو الف..
لانو انا قناعتى لو استقريت فى الخرطوم تانى الله تعلم اكتب هنا..
Quote: البورد ده صناعة غربة..
يعني بتاع ناس مالاقيه اهلها ومالاقيه صحابها الزمان ..
يدخله الكثيرين لانو مشتاقة لي سودانيين وونسة سودانيين وبحث عن علاقات مع سودانيين..
لذا تجمعات البورداب اكثر نجاحا في الغربة ..
وكلما اذدادت الغربة كلما ازداد التصاق البورداب ببعضهم
يعني مثلا نجد على مستوى العالم اكثر البورداب التصاقا هم بورداب السعودية
لانو وجعتهم في البلد دي كبيرة وحرياتهم محدودوة..
ففي اللقاءات الجميلة بنحاول نخلق بدائل اصدقاء غار بهم الوطن ..
وكلما اتسعت مساحات الحرية كلما قل التصاق البورداب ببعضهم
الى ان نجد ان بورداب امريكا مثلا ماعندهم قضية بي بعض تقريبا..
لذا فمن العبث انو اكون قاعد وسط اهلي واصحابي الاتربيت معاهم ومعاهم قضيت اجمل الايام واجي اباري لي ناس لاقيتم في نت..
اللهم إلا اذا ماكان عندي قدامى اصدقاء او ماعندي شغلة ..
اصلا مسالة بورداب الخرطوم دي مفترض ماتكون موجودة..
للخرطوم اشيائها الخاصة وعالمها الخاص ..
فلا تشغلون بال الخرطوم بالبورداب وحاجات الغربة دي ..
والزول الماعندو احبة في السودان واصدقاء يشغلونه عن صداقات النت دي احسن يراجع نفسو
والراجع نفسو ومالقى حلل اخير ليهو اليتخارج من السودان ده..
لو ماعندك اصدقاء صنعتهم في رحم الخرطوم بالخرطوم ..القاعد ليها شنو؟؟ |
|
|