Post: #1
Title: مليان حزن ..... نص
Author: عبير خيرى
Date: 01-24-2006, 06:21 AM
.
مليان حزن
شايل جراحاتَك
تئن
مـ النيل خلاص
لافاك وهاجر للبعيد
وأنا من بعيد
شايل دميعاتك حُلُم
شايل دميعاتك لبن
زاد الطريق
يا شِعبة الوطن الحديد
لمتين حروفك ساكتة خوف
لمتين خريفك داسي مطرو
وعَرَقو خوف
لمتين عيونك
شايفة زي ما شايفة خوف
لمتين قليبك يرجف كلو خوف
خوف وخوف
خوف .. وخوف مليان وطن .
داير أشكي ليك
هجرة وليداتنا الخريف
جارين ورا النيل الأمان
شايلين دفاترهم إنملت
رصاص عساكر وبن وبان
حتى شارعنا الزمان
أصبح دموم
نسمة الفرح المعتقة بالصباح
صِبحت سَموم
وحدة السجم الرماد
قسمتنا لألف كوم
وكُلُّ كوم شايل جراحاتك نزيف
حاضن جراحاتك تئن
مـ النيل خلاص
لافاك وهاجر للبعيد
وإنزويت ..
لملمت فيك أعياد زمن
ذكرى محمود .. كم ركن
لملمت فيك ..
أمونة .. مصطفى ود أمين
الشالو فات بيهو الحزن .
عبير خيري
|
Post: #2
Title: Re: مليان حزن ..... نص
Author: عبدالغني محمد الحاج
Date: 01-24-2006, 07:10 AM
Parent: #1
العزيزة عبير
متي غادرت الاحزان منا مواطى الاقدام ومرمى البصــر؟؟
المهم ألا نفقد الامل في باكر
إني أري شجراً يمشي
وتحت الرماد وميض نار
وغداً تتفتح الورود....
|
Post: #3
Title: Re: مليان حزن ..... نص
Author: عبير خيرى
Date: 01-25-2006, 02:56 AM
Parent: #2
.
وردة
بجيك صادة
|
Post: #4
Title: Re: مليان حزن ..... نص
Author: عبدالرحمن عزّاز
Date: 01-27-2006, 11:39 AM
Parent: #3
Quote:
نسمة الفرح المعتقة بالصباح
صِبحت سَموم
وحدة السجم الرماد
قسمتنا لألف كوم
وكُلُّ كوم شايل جراحاتك نزيف
حاضن جراحاتك تئن
|
المبدعة ... عبير خيرى
أستعير كلمات مبدع آخر، قبانى
وأكتفى بقوله:
الصمت فى حرم الجمال جمال.
مذيد من الإشراق،،
|
|