Post: #1
Title: بورداب الخرتوم وضيوفنا الكرام .. رحلة إلى توتي
Author: عبير خيرى
Date: 01-25-2006, 02:54 AM
.
رحلة تجمعنا مرة أخرى بوجوه رأيناها خلسة
على أراضي الحنينة توتي التي ضمتنا عدة مرات في صدرها الرحب
الزمان : الثلاثاء 31/1/2006م الساعة العاشرة والنصف صباحاً
التجمع : معدية توتي من الجهتين أمدرمان والخرطوم
ملحوظة : الثلاثاء 31/1/2006م عطلة رأس السنة الهجرية .
تخاريم :
1/ ناذر الخليفة : العود وصاحب الصوت الذهبي .
2/دريمز وأنا بنت النيل : حضوركم مهم جداً (إلهام جيبي معاك الأولاد)
3/سمرية : بكلم ليك ناس هناي كان ما جيتي .
4/ الجريفاوي : بنات أبو ساندرا عليك .
5/كان إتذكرت حاجة بجي صادة .
6/ إنتهازي : جيب معاك الحاجات الفاتت كلها .
7/ سهى : جيبي معاك الحاجات الفاتت برضو .
8/ إسماعيل حميم : أضرب لي ضروري .
9/ سفيان نابري : كلم خضر وأي زول في متناول يدك .
10/ نجود حسن : شايفاك غاتسة حضورك مهم .
11/ إيهاب الطيب : مالك غاتس وبتصل عليك ما بترد.
خاص ببورداب الخرطوم فقط :
الشير 25.000 جنيه
|
Post: #2
Title: Re: بورداب الخرتوم وضيوفنا الكرام .. رحلة إلى توتي
Author: نجود حسن عبد الرحمن
Date: 01-25-2006, 03:23 AM
Parent: #1
عبيييييييييييير
اكيد حانجى بس الترحيل يكون باليخت الرئاسى والا مابنجى
تخريمة
قديتى جيبنا ياخى
|
Post: #3
Title: Re: بورداب الخرتوم وضيوفنا الكرام .. رحلة إلى توتي
Author: محمد امين مبروك
Date: 01-25-2006, 04:03 AM
Parent: #2
11- م.مبروك
جيب معاك اليخت الرئاسي .............................
|
Post: #4
Title: Re: بورداب الخرتوم وضيوفنا الكرام .. رحلة إلى توتي
Author: منتصر حسن محمد
Date: 01-25-2006, 04:29 AM
Parent: #3
سلام بورداب الخرتوم
ضيوف الولايات الجابهم العلاج في الخرتوم
يجو ولا ما يجو والشير بتاعهم كم
ولا يلازموا زولهم العيان
ود زبيدة
|
Post: #5
Title: Re: بورداب الخرتوم وضيوفنا الكرام .. رحلة إلى توتي
Author: م. سيد احمد قدورة
Date: 01-25-2006, 04:53 AM
Parent: #4
الاعزاء بورداب الخرتوم ، طبعا انا انتقلت حديثا من بورداب الرياض لبورداب الخرتوم ، واحسن حاجة الواحد حيقابل بورداب الخرتوم للمرة الاولى.
بس ما عارف الواحد يدفع الشير لى منو وكيف ترتيبكم ومتى الدفع ، طبعا نحنا ناس دفع ساكت، وهل الجلسة اسرية ؟ عفوا على هذا السوال ودا طبعا فى السعودية سوال مهم جدا.
|
Post: #11
Title: Re: بورداب الخرتوم وضيوفنا الكرام .. رحلة إلى توتي
Author: الفاتح وديدي
Date: 01-25-2006, 03:02 PM
Parent: #5
| Quote: بس ما عارف الواحد يدفع الشير لى منو |
أما سؤالك غريب يا أبو السيد ياخي!!
غايتو عذرتك لأنك حسب ما قلت دي أول مرة ليك تقابل بورداب الخرتوم.. بالعموم رسل لي وصف البيت عشان أصلك واستلم منك الشير.. خصوصاً إنو الدنيا أربعاء وعقاب شهر.. طبعاً في العادة المغتربين قاعدين ناخد منهم بالهارد كارانسي.. يعني زي 50 دولار كدة معقولة..
قلت لي نتلاقى وين؟
عبير: أطلعي منها!!
|
Post: #22
Title: Re: بورداب الخرتوم وضيوفنا الكرام .. رحلة إلى توتي
Author: عبير خيرى
Date: 01-28-2006, 09:12 AM
Parent: #11
Quote: Quote: بس ما عارف الواحد يدفع الشير لى منو
أما سؤالك غريب يا أبو السيد ياخي!!
غايتو عذرتك لأنك حسب ما قلت دي أول مرة ليك تقابل بورداب الخرتوم.. بالعموم رسل لي وصف البيت عشان أصلك واستلم منك الشير.. خصوصاً إنو الدنيا أربعاء وعقاب شهر.. طبعاً في العادة المغتربين قاعدين ناخد منهم بالهارد كارانسي.. يعني زي 50 دولار كدة معقولة..
قلت لي نتلاقى وين؟
عبير: أطلعي منها!! |
بما أن السرقة حللّت شرعاً في هذا العهد وسميت بمسمى "مشّي حالك"
بحذرك يا وديدي تمشي حالك
هذا تحذي رسمي من وزارة الصحة ... عموم الفتيحاب
|
Post: #36
Title: Re: بورداب الخرتوم وضيوفنا الكرام .. رحلة إلى توتي
Author: محمد الامين محمد
Date: 01-30-2006, 03:44 AM
Parent: #5
انت ادفع بعد داك اسال _الجلسة اسريه خااااصة بيت الخرتوم لكن ممكن نديك حق اللجوء الاجتماعي
|
Post: #6
Title: Re: بورداب الخرتوم وضيوفنا الكرام .. رحلة إلى توتي
Author: مشتاق
Date: 01-25-2006, 05:44 AM
Parent: #1
البورداب الحلوين
المره الفاتت فاتتنا المره دي معاكم
لكن السؤال ممكن نجيب معانا ناس تانين
فرد يعني!!
|
Post: #7
Title: Re: بورداب الخرتوم وضيوفنا الكرام .. رحلة إلى توتي
Author: أحمد الشايقي
Date: 01-25-2006, 06:04 AM
Parent: #1
عـبـيـر,
ما عـندنا حـظ
شكلناكدا حنرجع نهائي,
ياخي انتو ما بتنفاتو
سلامات للجميع,
أحمـد
|
Post: #8
Title: Re: بورداب الخرتوم وضيوفنا الكرام .. رحلة إلى توتي
Author: م. سيد احمد قدورة
Date: 01-25-2006, 06:49 AM
Parent: #7
يعنى نقول بختنا نحنا الرجعنا نهائى
|
Post: #9
Title: Re: بورداب الخرتوم وضيوفنا الكرام .. رحلة إلى توتي
Author: Waly Eldin Elfakey
Date: 01-25-2006, 07:03 AM
Parent: #8
انا من بورداب الخرطوم
يا اخت عبير.....
لكن الاجازة الاثنين ام الثلاثاء ؟
|
Post: #10
Title: Re: بورداب الخرتوم وضيوفنا الكرام .. رحلة إلى توتي
Author: ABDELAZIZ MAHADY
Date: 01-25-2006, 07:09 AM
Parent: #9
hi frinds happy new year i well be ther
|
Post: #13
Title: Re: بورداب الخرتوم وضيوفنا الكرام .. رحلة إلى توتي
Author: م. سيد احمد قدورة
Date: 01-26-2006, 10:29 AM
Parent: #10
يا عبير، وديدى دا قال ليك اطلعى منها.
انتى زى الطلعتى منها كدا ، للانك ما رديتى علينا وانتى صاحبة الفكره.
يا جماعة ورونا نتلاقى كيف عشان ندفع الشير.
|
Post: #25
Title: Re: بورداب الخرتوم وضيوفنا الكرام .. رحلة إلى توتي
Author: عبير خيرى
Date: 01-28-2006, 09:35 AM
Parent: #13
.
.
يا أبو السيد الولد الاسمو وديدي ده أنساهو
هذا رقم هاتفي
0911607098
|
Post: #12
Title: Re: بورداب الخرتوم وضيوفنا الكرام .. رحلة إلى توتي
Author: ahmed abdelati
Date: 01-26-2006, 10:28 AM
Parent: #1
نشر في في موق سودانيات
..............
امدرمان
تلك المدينة-الحبيبة- التي احببتها منذ لحظة ميلادي- بل اكاد ان اجزم بانني احببتها قبل
ذلك بكثير اذ انني احببتها ( مذ كنت غراما في عيني امي وابي) كما فعل قبلي سيف الدسوقي..... وكانت تكاد تقتلني الغيرة عندما اري الراحل علي المك يغازلها
كنت احبها وتحبني ( ولو كان لي بعير لاحب ناقتها)
حتي اتي هؤلاء(ومن اين اتوا هؤلاء) لست ادري ولكن اغلب الظن انهم اتو من صلب ابي سفيان والحجاج وزياد ابن ابيه
اتوا وكأن كل مبرر اتيانهم التفريق بيني وبين تلك الحبيبة.......
ماذا فعلوا بها ولها حتي صوروا لها اني لست سوي عدو في ثوب صديق؟؟ فصدقتهم لان االمؤمن صديق( والشريعة لها بالظاهر)
لم تكتفي بهجري بل لفظتني
حملت حقيبتي وذهبت حيث تتقاذفني المنافي
سنين عدة وانا بعيدا عنها ورغم ذلك لم تكن بعيدة عني اذ انها كانت تسكنني علي الدوام
حاولت كثيرا ان ابادلها جفاء بجفاء...كنت احيانا انجح في ذلك ولكن الصراع في داخلي كان يقتلني بصورة يومية
الان وبعد ان وهن العظم مني واشتعل القلب هما
اعترف امامكم باني لم اعد قادرا علي ذلك البعاد الذي كنت ومازلت مجبرا عليه
اذن سامزق الهويه الوحيدة التي احملها(بطاقة لاجيء) واعود الي احضانكم اعود الي تلك الحبيبة التي كنت اغني لها يوما ما
انا اتيقن من تالاك ولا اسف ولا ندمان علي اعمر السفكتو معاك
ولكني ساعود اليكم( حطام انسان موسم بي شقا الدنيا ومقسم قلبو في الاحزان)
فهل ستقبلوني بهذه الحالة
ساعود اليكم لابحث معكم عن احمد عبد العاطي(الزمان)
فهل ستساعدونني في البحث عنه؟؟؟؟؟؟
وان وجدتموه فحتما ستجدونه مهشما فهل تساعدونني في اعادة ترميمه من جديد ؟؟؟[
بورداب الخرطوم
ما احوجني الان اليكم!!!!!!!
احمد عبدالعاطي
|
Post: #14
Title: Re: بورداب الخرتوم وضيوفنا الكرام .. رحلة إلى توتي
Author: عصام عبد الحفيظ
Date: 01-26-2006, 02:49 PM
Parent: #12
ازييك .....
وهل نحن نجى
ولا خلاس العدد تم
سلام
|
Post: #15
Title: Re: بورداب الخرتوم وضيوفنا الكرام .. رحلة إلى توتي
Author: عزيز
Date: 01-26-2006, 03:12 PM
Parent: #14
الأخت الأديبة عبير خيرى
لك التحية والود
ستينع ثمار توتى بكم
تنسموا جمالها وتمتعوا بحدائقها..
وأتصلى بألأخ إسماعيل حميم حتى يجمعكم بأبن عمه الأديب والشاعر الأمين أحمد عبدالرحيم (عدس) ودكتور الصديق عمر الصديق وبقية مجموعتهم من الأدباء والفنانيين والمغنيين وأكيد سيكون لليوم طعما ومذاقا آخر ..
أخى أبو يسن فنانا العظيم عصام عبدالحفيظ
بكم دوما يزدان المكان الوان .. ودوما لكم مكان .. أذكرونا عند ضفاف النيل سيبلغكم كم نحبكم..
عبدالعزيز خطاب
|
Post: #16
Title: Re: بورداب الخرتوم وضيوفنا الكرام .. رحلة إلى توتي
Author: م. سيد احمد قدورة
Date: 01-27-2006, 02:52 AM
Parent: #15
يا حميم انا فى الخرطوم وعاوز اجى الرحلة دى ، لكن شايف الجماعة ما معبرنى ، وصاحبة الفكرة عبير ماردت علينا.
قلنا نشوف صاحبنا حميم.
ورينا كيف ووين نتلاقى بالله.
|
Post: #17
Title: Re: بورداب الخرتوم وضيوفنا الكرام .. رحلة إلى توتي
Author: ناصر محمد خليل
Date: 01-27-2006, 03:51 AM
Parent: #1
فاتتني كل اللقاءات السابقة لظروف خارجة عن الإرادة لكني سأحاول جاهدا الحضور هذه المرة عسى أن أحظي بالتعرف على البورداب هنا .
ناصر
|
Post: #18
Title: Re: بورداب الخرتوم وضيوفنا الكرام .. رحلة إلى توتي
Author: محمد الامين محمد
Date: 01-27-2006, 12:11 PM
Parent: #1
عبير انا عيان وما بقدر غير توتي مافي محل شكلك عندك زكريات في توتي لكن ما اخوفك عندي حبيبته ماتت في بحر توتي _ نجود اذيك ونفسي اقابلك وناس لندن بسلمو عليك انا شايل همك تصل من سوبا الساعة كم يعني تقومي صبح ومن الظهر تتوكلي سفيان انت اخوي الكبير وكلتك تحرس لي الجماعه ذي حارس المرمي _ناذر الاتومسفيري ماتقول جاي بالعود وحتغني لسيف الجامعه
|
Post: #19
Title: Re: بورداب الخرتوم وضيوفنا الكرام .. رحلة إلى توتي
Author: shazaly gafar
Date: 01-28-2006, 00:37 AM
Parent: #18
لكم جميعاً
تحية بى نكهة الجروف
الرقيقة عبير
دخولك هنا يجعلنا ننشق عبير (توتى) مسبقاً
ويؤكد فينا روعة الوعد المرتفب .
|
Post: #20
Title: Re: بورداب الخرتوم وضيوفنا الكرام .. رحلة إلى توتي
Author: معتصم دفع الله
Date: 01-28-2006, 07:05 AM
Parent: #1
شنو يا جماعة إسمنا كان مكتوب بقلم رصاص ؟؟؟
ما جايييييييييييييييين ..
|
Post: #21
Title: Re: بورداب الخرتوم وضيوفنا الكرام .. رحلة إلى توتي
Author: صديق الموج
Date: 01-28-2006, 07:17 AM
Parent: #1
Quote: خاص ببورداب الخرطوم فقط :
الشير 25.000 جنيه |
عبير الشير مادام قدر ده ما تشتروا ليكم امجاد
وبعدين يا قدورة ما يغشوك الدولار بقى بى 50جنيه يعنى ادفع ليهم 500 دولار بس
عبير بعدين الموضوع ده( قسم الله )وكده اصلوا قدورة مسطح وفرحان بالرجعة. يعنى
اضربوا طيركم وكده،،،
|
Post: #23
Title: Re: بورداب الخرتوم وضيوفنا الكرام .. رحلة إلى توتي
Author: عبير خيرى
Date: 01-28-2006, 09:21 AM
Parent: #21
Quote: عبير الشير مادام قدر ده ما تشتروا ليكم امجاد
|
يا صديق الموج إزيييييييييك
داير تقلبها مش ؟
إنت كان ما جيت هنا وشفت الهاصل ألينا
وقمت جاري الجرية الياها
 
|
Post: #24
Title: Re: بورداب الخرتوم وضيوفنا الكرام .. رحلة إلى توتي
Author: عبير خيرى
Date: 01-28-2006, 09:26 AM
Parent: #21
.
الشاذلي
إزيك
القاء أكيد قائم بس يوم الثلاثاء لأنو أذاعو الإجازة الليلة
سأسعد كثيراً بلقائكم
عبير
|
Post: #26
Title: Re: بورداب الخرتوم وضيوفنا الكرام .. رحلة إلى توتي
Author: الملك
Date: 01-28-2006, 10:48 AM
Parent: #24
...
...
ممنوع إصطحاب القطط 
...
...
الشير على حسب الحجم
|
Post: #35
Title: Re: بورداب الخرتوم وضيوفنا الكرام .. رحلة إلى توتي
Author: نجود حسن عبد الرحمن
Date: 01-30-2006, 02:01 AM
Parent: #26
ود الملك
| Quote: الشير على حسب الحجم |
يعنى انت فرررررررررى
|
Post: #37
Title: Re: بورداب الخرتوم وضيوفنا الكرام .. رحلة إلى توتي
Author: محمد الامين محمد
Date: 01-30-2006, 04:02 AM
Parent: #35
نجود ممكن يكون الشير عن طريق تحويل رصيد خاصة ناس السعودية يعني دي زي الفيز كارد عندهم ولاشنو
|
Post: #27
Title: Re: بورداب الخرتوم وضيوفنا الكرام .. رحلة إلى توتي
Author: صديق الموج
Date: 01-28-2006, 10:52 AM
Parent: #1
| Quote: إنت كان ما جيت هنا وشفت الهاصل ألينا |
الهاصل لينا شوق وحنين تواخيهم حسادة نحن بها موصومون،،
|
Post: #28
Title: Re: بورداب الخرتوم وضيوفنا الكرام .. رحلة إلى توتي
Author: إسماعيل التاج
Date: 01-28-2006, 11:10 AM
Parent: #1
صديق الموج
أدفع لي معاك، كويس؟
وين مختفي؟
عبير الدنيا
والله الأشواق ليك ما ليها حد. وحاسدنكم عدييييل كدا وظاهر المسألة فيها مؤامرة.
|
Post: #29
Title: Re: بورداب الخرتوم وضيوفنا الكرام .. رحلة إلى توتي
Author: صديق الموج
Date: 01-28-2006, 11:29 AM
Parent: #1
Quote: صديق الموج
أدفع لي معاك، كويس؟
وين مختفي؟ |
اسماعيل التاج تحياتى..انت قايل انا سعيد قدر ده فانا مازلت بالقشورية..يحلنا الله،،،
|
Post: #30
Title: Re: بورداب الخرتوم وضيوفنا الكرام .. رحلة إلى توتي
Author: Muna Khugali
Date: 01-28-2006, 12:06 PM
Parent: #29
طـيب يا عبيـر أنـا ـاية وعـاي شـفعي التـلاتة أدفـع بـرضـو مية ألف?
لازم أعـرف عشان أعـرف بأقـدر أجـي ولا لأ...
مـني
|
Post: #33
Title: Re: بورداب الخرتوم وضيوفنا الكرام .. رحلة إلى توتي
Author: عبير خيرى
Date: 01-29-2006, 08:19 AM
Parent: #30
.
الرائعة منى خوجلي
تجي إنتي وكل البتحبيهم وخلي الدفع على بورداب الخرتوم
.
يا بورداب الخرتوم هوي ..
الدفع من بكرة
بعد الساعة 3 عصراً سأجوب شوارع الخرطوم بحثاً عنكم
عبير
|
Post: #31
Title: Re: بورداب الخرتوم وضيوفنا الكرام .. رحلة إلى توتي
Author: إسماعيل التاج
Date: 01-28-2006, 12:33 PM
Parent: #1
عزيزنا صديق
أدفع أولاً وبعدين نشوف إنت وين.
ههههههههههه
بعدين شوف دعوة عبير
(رحلة تجمعنا مرة أخرى بوجوه رأيناها خلسة).
ممكن الخلسة دي تحصل عليك.
|
Post: #34
Title: Re: بورداب الخرتوم وضيوفنا الكرام .. رحلة إلى توتي
Author: عبير خيرى
Date: 01-29-2006, 08:25 AM
Parent: #31
.
سمعة
إزييييييييييييك
مشتاقة ليك شديييييييييييييييييييييييييييييييييييييييييييييييييييييييييييييييييييي
ما تمتيت الدال عشان ما بتكفي الشوق
والله ما مؤامرة
لكن جات كدة
المرة الفاتت كنا معتمين على إتنين إنت عارفهم
قاموا خستكو بالموضوع
بعدين إنت زعلان ليه ما إنت حتكون معانا
عبير
|
Post: #32
Title: Re: بورداب الخرتوم وضيوفنا الكرام .. رحلة إلى توتي
Author: خالد العطا
Date: 01-28-2006, 07:42 PM
Parent: #1
ممكن تتأجل الرحلة والتجمع الطيب ده للاسبوع الجاي عشان اكلم الكفيل واعمل خروج وعودة واسلم الاقامة واستلم الجواز والقاه منتهي امشي السفار عشان اجدده يقول لي ادفع ضرايب وزكاة ومساهمة وانا داخل السفــــــــــــــــــــارة يكون قضيت اكتر من سنة في الموضوع ده ...
بي حســــــــــــــادة كده ........... حظكم والله حاسد وبقران كمان
مع تمنياتي لكم بقضاء يوم جميل ودوام المحبة والالفة بينكم وعذراااااااااااا للاطالة
|
Post: #38
Title: Re: بورداب الخرتوم وضيوفنا الكرام .. رحلة إلى توتي
Author: Muna Khugali
Date: 01-30-2006, 04:40 AM
Parent: #32
عـبيـر ممكـن أجـيب قـروشـي معاي في الرحـلة?
وبعـديـن أنـا عامـلة ليـكـم صـينيتين كـبار بسـبوسـة..فمـا تشـتروها مـع الباسطـة..
ملحـوظـة..لـن يـؤثر ذلك علي الشـير بتـاعي في الرحـلة ..
مـني
|
Post: #39
Title: Re: بورداب الخرتوم وضيوفنا الكرام .. رحلة إلى توتي
Author: نجود حسن عبد الرحمن
Date: 01-30-2006, 06:40 AM
Parent: #38
Quote: أنـا عامـلة ليـكـم صـينيتين كـبار بسـبوسـة..فمـا تشـتروها مـع الباسطـة..
|
مونى
سلامات
مادام جايبة صينيتين تعالى ساى بس
الشير بتاعك على وبالمرة تغطى لى لانو جاتنى سفرية كدة لمدنى بكرة
بس اكون دايناك صينية بسبوسة سمح؟؟!!
|
Post: #40
Title: Re: بورداب الخرتوم وضيوفنا الكرام .. رحلة إلى توتي
Author: gamal elsadig
Date: 01-30-2006, 07:04 AM
Parent: #38
الاشقاء الاماجد بورداب الخرطوم
كل عام وانتم بخير .....
ظروف (ابوية) واخرى (وطنية) قد تمنعنا من حضور جمعكم الرائع
عبير :
لك التحية واسف ان لم اتمكن من لقائكم في المعدية هذه المرة ..
علي كل اليكم بعض الارشادات :
1/ المرسى تم تحويل مكانه من امام قاعة الصداقة الى المنطقة الواقعة
بين الحدائق ومسجد الشهيد اي غرب الانقاذ النهري علي النيل
* الجاي من الخرطوم ينزل بالقرب من بنك السودان الجديد ويتجه شمالا
وكذلك للقادم من امدرمان بالكبري الجديد اما القادم بالكبري القديم
ينزل امام مسجد الشهيد .
2/ المرسي في توتي ايضا تم تحويله الى الغرب قليلا .
3/ الجاي بمعدية امدرمان ينزل في خور ابوعنجة .
* الرجاء تحديد زمن للتجمع في المرسى ...لتسهيل الحركة الى الجزيرة
* هل الجنينة هي نفس الجنينة السابقة (جنينة نميري) ؟؟؟
* اذا وجدت جنينة من الناحية الجنوبية الشرقية للجزيرة افضل من ناحية
الحركة والوصول ... (رأس الجزيرة ) من الناحية الشرقية الايام دي في
غاية الروعة (بيتش ) ...
* تلفون (يوسف ) صاحب البوكس هو 0911239761
* في المرسى من جهة الخرطوم يمكن السؤال من الاخ (احمد شبارقة )
(الفلكة) (المعدية) اسمها (الاصالة) ...
كما ذكرت الظروف قد تجبرني للتواجد خارج توتي ....
علي كل حال : طبتم وطابت لكم توتي ...
عبير : التلفون عندك لو في اي مشكلة ؟؟؟
مع تحياتي
جمال حسين
|
|