( أبو عركـي البخيت ووردي ) من أيّ كواكب الـملائكة أنت يا عركي ؟ ( دموع ، صور وغناء ملائكـي )

ربّنا يعنـي
أخد من كُلّ أتربة العالـم كدا إتعجنت كدا
وختّاها فـي مـحـمّد وردي
عشان كدا إنت بتعمل موسيقـى مـختلفة
إنت بتعمل غناء مـختلف
أفكارك فـي الـموسيقـى بالذّات مـختلفة
الـحاجة اللـي تُوّجت فـي أمريكا دي
بالشّكل الـهسّا دا
دي قمّة الغناء السُّودانـي
هسّا العملوا دا
لأنّـها دي
الكواليتـي دا ما موجود
الكواليتـي دا ما موجود
دي قمّة الـموسيقـى السُّودانيّة
أنا خائف علـى مـحـمّد وردي
أنا ما أكضّب عليك
خائف عليه
وبكاااااااااااء
بكلّمك بعد شويّة خلاص

.

الـجُّمعة الـماضية
إتّصل بـي الأُستاذ أبو عركي البخيت نـهاراً
ومن ضمن الـحديث
سألته مستفسراً إن كان قد إتّصل بالأُستاذ وردي
والذي خرج من الـمستشفـى فـي قطر اليوم السّابق
بعد عمليّة جراحيّة فـي الأُذن
فأخذ منّـي رقـمه فـي قطر
وإتّصل به مباشرةً
ونـهار الـجُّمعة إتّصل بـي عركي
ليـتحدّث بإهتمام عن قلقه علـى وردي
وعن مقتـرحاته للـحفاظ علـى إرثه الضّخم من الأعمال
وعن دوري لإخراج تسجيلات لوس أنـجلس للنُّور
منهياً إتّصاله بالدّموع والبكاء
وكان الـتّسجيـل أعلاه
جزء قصيـر جدّاً من حديث عركـي الطّويل
_______

حفظكما الله لنا عركي ووردي
يا فخر هذا الـجّيل


.

يا لؤى.. ربنا يديك العافيه

نحن نحب السودان الوطن .. لأن هؤلاء منه .. مِنا

ربنا يطول فى عُمرهم ويديه الصحه والعافيه

ونسأل الله شفاءً عاجلاً للقامه محمد وردى

...

كسره

حفلة عركى يوم الخميس كانت محطه هامه فى تاريخى الشخصى لروعتها

....

كسره تانيه

صورتكم إنت وأبو عركى أجمل من خلفيتها... بالتأكيد

شكراً لؤى

Quote: يا لؤى.. ربنا يديك العافيه نحن نحب السودان الوطن .. لأن هؤلاء منه .. مِنا ربنا يطول فى عُمرهم ويديه الصحه والعافيه ونسأل الله شفاءً عاجلاً للقامه محمد وردى

أُسامة العزيز
مساء الـخيـر

اللهُـمّ آميـن

Quote: كسره حفلة عركى يوم الخميس كانت محطه هامه فى تاريخى الشخصى لروعتها

يا أُسامة دا كان حفل خرافـي جد

Quote: كسره تانيه صورتكم إنت وأبو عركى أجمل من خلفيتها... بالتأكيد شكراً لؤى

شُكراً يا أُسامة
ولتسمح لـي بعد إذنك أن أهديك صورة عركـي أوّل أمس علـى جسر البحريـن








مودّتـي

هلا وحبابك المتفرد لؤي..
طولت الغياب فعلا المرة دي..
لكن جيت بالتقييييل...
حبابك الناس الغابت وجابت..
كمِّل.. كمِّل..

شكرا ليكم يالؤى على هدية ربيع2011

كان الحفل جميلا وابو عركى رائعا

تحياتى

تسلم لؤى.أبوعركى مبدع..بس فقدتو عفاف الصادق فى هذا الحفل...لك التحية.

شكراً يا لؤي حقيقة جيل أبو عركي ووردي جيل متفرد في كل شيء

حتى في حبهم وخوفهم علي بعض وأعظم دليل دموع الرائع ابوعركي

فلا أظن أن إحساس مثل هذا يمكن أن يكون متواجد بين الجيل الحالي من المطربين

كمان بشكرك مره ثانيه والمجموعة على الأمسية التي كانت فوق العادة وانطبعت على
الذاكرة فقد أبدع فيها ابو عركي ونقلنا إلي عالم أخر فحقيقة هذا الجيل لا يتكرر وإبداعه
المتفرد قل أن يجود به الزمان

http://www.youtube.com/watch?v=OEH6m8HF7oI

لؤى ايها العزيز والله لى كم يوم كده بسأل نفسى عنك واختفائك ياخى طمنا عليك بس ...
اكيد وردى وابو عركى قامتين لا يمكن تكررهما وربنا يديهم الصحة والعافية لانهم دايما مخللننا نفاخر بهما العالم بانهم من ارض السودان الطيبة

*****

تلفون وردي في الخاص يا لؤي
لو سمحت....

الله يديك العافية يا حنين


بالمناسبة
وردي سمعنا بعض تسجيلات كلفورنيا في جامعة ميريلاند
دكتور متوكل قريبي
ممكن نكون مجموعة لفك سوء التفاهم.....
تسجيلات كلفورنيا بتاعتنا نحن
دكتور متوكل و وردي عملوها لينا نحن
و نحن أصحابها

ودي يا لؤي

صديقي لؤى


احييك تحيه كلها اجلال وتقدير .


اثمن جهودك في محاولاتك لحفظ هذا الارث الانساني النبيل .


تحايا لا تحدها حدود للعملاقين.


يارب نشوفهم دائما فوق صحه وعافيه وابداع .


دمتم لنا .

Quote: صديقي لؤى احييك تحيه كلها اجلال وتقدير . اثمن جهودك في محاولاتك لحفظ هذا الارث الانساني النبيل . تحايا لا تحدها حدود للعملاقين. يارب نشوفهم دائما فوق صحه وعافيه وابداع . دمتم لنا .

مـحاسن
سلامات

لكِ الـتّحيّة
وربّنا يقدّرنا نـحفظ بعض هذا الإرث العظيـم
وتـحاياك تصل إن شاء الله
ربّـي يعافيك





تسلـمـي

نعم يا لؤي سؤالك وجيه

نحن جاتنا صدمة عركية عدييييل ولسع صدى الكلمات بترن فى آذاننا

الحفلة كانت جميلة بمعنى الكلمة ... لينا زمن وزمن طويل كنا مظلومين فى المنطقة الشرقية (ناس الرياض وعيني باردة عليهم مكوشين كل الفنانين)

شكراً لك وللمجموعة الماسية التى جعلت المستحيل ممكنا

كسرة:-

سامعين كلام تحت تحت أنه فى حفلة تانية ... إنشاء الله ما إشاعة بس

الصديق العزيز لؤي

تحايا وأشواق

اكن حب وتقدير وإحترام كبير للفنان أبو عركي البخيت لمواقفه الإنسانية تجاهـ زملائه الفنانين

الراحلين إبراهيم أبودية وبادي محمدالطيب وخليل إسماعيل في أيامهم الأخيرة وهو يصارعون المرض على

الاسرة البيضاء في المستشفى .

لذا لم أستعرب أخي لؤي ماسطرته عنه في هذا البوست وحقا من أيّ كواكب الـملائكة أنت يا عركي .

ربنا يحفظهم ويخليهم لينا وردي وأبوعركي.

كن بخير

Quote: الصديق العزيز لؤي تحايا وأشواق اكن حب وتقدير وإحترام كبير للفنان أبو عركي البخيت لمواقفه الإنسانية تجاهـ زملائه الفنانين الراحلين إبراهيم أبودية وبادي محمدالطيب وخليل إسماعيل في أيامهم الأخيرة وهو يصارعون المرض على الاسرة البيضاء في المستشفى . لذا لم أستعرب أخي لؤي ماسطرته عنه في هذا البوست وحقا من أيّ كواكب الـملائكة أنت يا عركي . ربنا يحفظهم ويخليهم لينا وردي وأبوعركي. كن بخير

عُـمدة العزيز
سلامات وأشواق

بالله عليك من لا يـكنّ كُلّ الـحُبّ والتّقديـر والإحتـرام لـهذا العركـي ؟
هكذا هو عركـي مع زملائه ومع كُلّ النّاس
الصّغير قبل الكبيـر
تواضع وأدب جـم وشهامة منقطعة النّظيـر
حفظهـما الله






مـحبّتـي

Quote: نعم يا لؤي سؤالك وجيه نحن جاتنا صدمة عركية عدييييل ولسع صدى الكلمات بترن فى آذاننا الحفلة كانت جميلة بمعنى الكلمة ... لينا زمن وزمن طويل كنا مظلومين فى المنطقة الشرقية (ناس الرياض وعيني باردة عليهم مكوشين كل الفنانين) شكراً لك وللمجموعة الماسية التى جعلت المستحيل ممكنا كسرة:- سامعين كلام تحت تحت أنه فى حفلة تانية ... إنشاء الله ما إشاعة بس

أخـي الفاتـح
سلامات

كُلّ النّاس إتبسطت من الـحفل والـحـمد لله
شكراً لك لتشريفك الـحفل
والشُّكر الـجّزيل لعركـي





تـحاياي

Quote: بالمناسبة وردي سمعنا بعض تسجيلات كلفورنيا في جامعة ميريلاند دكتور متوكل قريبي ممكن نكون مجموعة لفك سوء التفاهم..... تسجيلات كلفورنيا بتاعتنا نحن دكتور متوكل و وردي عملوها لينا نحن و نحن أصحابها ودي يا لؤي

هجّام
سلامات وأشواق

الـموضوع ليس بـهذه البساطة صدّقنـي
والـمسألة تـحتاج لـمعالـجة بشكل مـحدّد
لذا صبراً حتّـى تنقشع الظّلـمة




وُدّي

Quote: *****

أُستاذ جلال
سلامات

ألف شُكر





تـحاياي

Quote: لؤى ايها العزيز والله لى كم يوم كده بسأل نفسى عنك واختفائك ياخى طمنا عليك بس ... اكيد وردى وابو عركى قامتين لا يمكن تكررهما وربنا يديهم الصحة والعافية لانهم دايما مخللننا نفاخر بهما العالم بانهم من ارض السودان الطيبة

نور الدّيـن العزيز
سلامات
كيفك وكيف العيال ؟

أتّفق معاك يا عزيزي
فعلاً ما بيتكرّروا
الله يعافيك يا نور





مودّتـي

Quote: http://www.youtube.com/watch?v=OEH6m8HF7oI

ألف شُكر يا عبد الله

وللـمساعدة :-





تـحاياي

Quote: شكراً يا لؤي حقيقة جيل أبو عركي ووردي جيل متفرد في كل شيء حتى في حبهم وخوفهم علي بعض وأعظم دليل دموع الرائع ابوعركي فلا أظن أن إحساس مثل هذا يمكن أن يكون متواجد بين الجيل الحالي من المطربين

السّفّاح العزيز
سلامات

صدقت والله
دا جيل عجيب
وعركـي دا فلتة من فلتات الـجّيل دا

Quote: كمان بشكرك مره ثانيه والمجموعة على الأمسية التي كانت فوق العادة وانطبعت على الذاكرة فقد أبدع فيها ابو عركي ونقلنا إلي عالم أخر فحقيقة هذا الجيل لا يتكرر وإبداعه المتفرد قل أن يجود به الزمان

الشُّكر لك يا عزيزي
ولـمجموعة رفاعة فرداً فردا
الـحفل كان جـميلاً بكـم





مودّتـي

Quote: تسلم لؤى.أبوعركى مبدع..بس فقدتو عفاف الصادق فى هذا الحفل...لك التحية.

أبو السّباع
سلامات

أي والله صدقت
دكتورة عفاف فقدناها فـي الـحفل وفـي الزّيارة دي
بس سلامتها فوق كُلّ شـيء
ألف سلامة ليها







مـحبّتـي

Quote: شكرا ليكم يالؤى على هدية ربيع2011 كان الحفل جميلا وابو عركى رائعا تحياتى

يا دكتورة
سلامات

شكراً لـحضورك
والـحفل كان جـميل بكُلّ النّاس
وأهديك صورة عركـي ووردي الصّغيـر






مودّتـي

Quote: هلا وحبابك المتفرد لؤي.. طولت الغياب فعلا المرة دي.. لكن جيت بالتقييييل... حبابك الناس الغابت وجابت.. كمِّل.. كمِّل..

أيـمن العزيز
نـهارك سعيد

إنشغال شديد بس
لكن أهو بنـختفـي ونظهر
وبالفعل وردي وعركـي ذهب من العيار الثّقيل والثّـميـن





مـحبّتـي

يا صاحبي يا خاين

ولا تقول المسكين دا يجي يشرفنا

امبارح علي اثر دعوة كريمة من اخي شيخ العرب خالد المحرب

لابو عركي ود. عفاف التقينا مرة اخري واداني اخبارك

هو جميل وانت يا صديقي كذلك

ربنا يديم المحبه

الصمت ابلغ!
بالله الواحد يتكلم يقول شنو!
عركى ووردى!
ياخى دا جيل ما عنده قطع غيار
الله يديهم العافية وطولة العمر
يكفينا فخرا اننا عشنا فى عصرهم ورايناهم راى العين
تحياتى يا لؤى
جنى

وردى × أبو عركى

عجوه معطونه فى عسل

شكراً لؤى على الهديه

وربنا يحفظهم لينا.. ويحفظ ليك وردى الصغير

أبو عركى يزيِن جسر البحرين

شكراً لؤى

Quote: ممكن نكون مجموعة لفك سوء التفاهم

فكو الكجور أول.
سؤ التفاهم هين :D

لؤي العزيز

ما اجملك وانت كل يوم تثبت محبتك للفن وللمبدعين

ما انقاك وانت تؤكد كل يوم معرفتك لقدر هؤلاء الفنانيين العظام

ما ابهاك وانت تطمئننا علي انك الانسان الذي يتالم لآلمهم ويفرح لفرحتهم ويبذل كل ما في وسعه حتي يعيد لهم البسمة

في داخلك مشاعر تكفي كل البشر ليكونو اخيارا

شكرا لآننا استمعنا للفنان الكبير عركي يتحدث وان كان القلق والخوف علي استاذه الكبير الفنان محمد وردي يكسوان صوته

شكرا لانك جعلت الاكف تبتهل لله ان يشفي فناننا الجميل محمد وردي ويعيده لاهله ووطنه سليما معافي

ربنا يحفظك اخي لؤي ويحقق مقاصدك

Quote: الصمت ابلغ! بالله الواحد يتكلم يقول شنو! عركى ووردى! ياخى دا جيل ما عنده قطع غيار الله يديهم العافية وطولة العمر يكفينا فخرا اننا عشنا فى عصرهم ورايناهم راى العين تحياتى يا لؤى جنى

الله عليك يا جني....الله عليك

_
لؤي تحياتي
ما قادر أقرا التعليق بتاعك , الكتابة متداخلة شديد مع بعض, إحتمال يكون عندي بس والله أعلم
وكمان الصوت برضو..
لك كل التقدير يا لؤي.

Quote: الله عليك يا جني....الله عليك _ لؤي تحياتي ما قادر أقرا التعليق بتاعك , الكتابة متداخلة شديد مع بعض, إحتمال يكون عندي بس والله أعلم وكمان الصوت برضو.. لك كل التقدير يا لؤي.

هوّاري العزيز
سلامات

أها إن شاء الله مشكلتك إتـحلّت بعد مراسلتـي ليك ؟
ويا جـماعة للفائدة العامّة
دا نص رسالتـي لـهوّاري

Quote: هواري العزيز مشتاقيـن شفت مداخلتك في البوست بتاعـي فـي سودانيزاونلاين الكتابة متداخلة عندك والصّوت عشان معناها شغال بحاجة غيـر الإنترنت إكسبلورر الكودات الفـي البوست بتاعـي ما بتظهر ببرامج ناس قوقل كروم وموزيلا فايرفوكس والكلام دا فلازم تشوفها ببرنامج إنترنت إكسبلورر تـحاياي

تـحاياي

يا بختكم يا ابو ابو الورود


اما الدموع خليها لينا نحن ناس جده ( لينا الله وعيشة السوق )

Quote: Author: saadeldin abdelrahman

أبو السّعود
سلامات وأشواق

كلامك دا شليـل ولاّ شنو ؟






تقديـري

Quote: يا بختكم يا ابو ابو الورود اما الدموع خليها لينا نحن ناس جده ( لينا الله وعيشة السوق )

عبد الدّائـم
سلامات

يا عزيزي
حفل جدّة قريب
الـخميس البعد دا
يلاّ شد حيلك





تـحاياي

Quote: لؤي العزيز ما اجملك وانت كل يوم تثبت محبتك للفن وللمبدعين ما انقاك وانت تؤكد كل يوم معرفتك لقدر هؤلاء الفنانيين العظام ما ابهاك وانت تطمئننا علي انك الانسان الذي يتالم لآلمهم ويفرح لفرحتهم ويبذل كل ما في وسعه حتي يعيد لهم البسمة في داخلك مشاعر تكفي كل البشر ليكونو اخيارا شكرا لآننا استمعنا للفنان الكبير عركي يتحدث وان كان القلق والخوف علي استاذه الكبير الفنان محمد وردي يكسوان صوته شكرا لانك جعلت الاكف تبتهل لله ان يشفي فناننا الجميل محمد وردي ويعيده لاهله ووطنه سليما معافي ربنا يحفظك اخي لؤي ويحقق مقاصدك

إحسان العزيزة
صباحِك سعيد

الـجّـميـل هو حُبّ هؤلاء العـمالقة الذي زرعوه فينا
والنـقاء هو ما شيّدوه بدواخلنا
والأبـهـى هو هذا الغناء الـملائكـي الذي يظلّ يُرقِص أفئدتنا
مشاعري رسـمتها هذه الكوكبة
والشُّكر يا إحسان لـهذا الوطن الذي أنـجب وردي وعركـي وجيل الإبداع فـي سوداننا الـحبيب
شُكراً لأنّكِ أزهرتِ هذا البوست بـمرورك الأنيق وسطورك الزّاهية
يـحفظك والعندك ربّنا يا ستّ الذّوق




تـحاياي لأُسرتك الكريـمة

Quote: فكو الكجور أول. سؤ التفاهم هين :D

أخ مـحمّد عثمان بكري
سلامات

شاكر لك مرورك





تقديـري

Quote: أبو عركى يزيِن جسر البحرين شكراً لؤى

الشُّكر لك أنت يا أُسامة








سلمت

Quote: وردى × أبو عركى عجوه معطونه فى عسل شكراً لؤى على الهديه وربنا يحفظهم لينا.. ويحفظ ليك وردى الصغير

أُسامة العزيز
سلامات

تسلم يا راقـي
وإنت ما شفت الصُّورة الـسّمّاها عركـي ( الدّهشة )






مودّتـي

Quote: الصمت ابلغ! بالله الواحد يتكلم يقول شنو! عركى ووردى! ياخى دا جيل ما عنده قطع غيار الله يديهم العافية وطولة العمر يكفينا فخرا اننا عشنا فى عصرهم ورايناهم راى العين تحياتى يا لؤى جنى

حيدر يا عزيز
مساء الـخير

الواحد بس يقول :
غنّوا معانا






سلمت

Quote: يا صاحبي يا خاين ولا تقول المسكين دا يجي يشرفنا امبارح علي اثر دعوة كريمة من اخي شيخ العرب خالد المحرب لابو عركي ود. عفاف التقينا مرة اخري واداني اخبارك هو جميل وانت يا صديقي كذلك ربنا يديم المحبه

أبو الطُّرق العزيز
صباح الـخيـر

الـخيانة عملتوها إنتو فـي الرّياض قبلنا يا مـجرميـن
الضّربة الاستباقيّة كانت منّكم فقمنا بالرّد
وإن عدتـم عدنا
أوع بس يكون ودّ الـمحرب عرض لعركـي العرضة البالسّوط ديك ؟
لودّ الـمحرب ومدامه عفاف وأُسرته الفاضلة الـتّحيّة
ولك ولفوزيّة





والـجّمال يفوتك إنت يـمشـي ويـن ؟

تحياتي لهما وحفطهما الله

وين الحقوق يا عباس ؟

Washington, D.C

Washington D.C

كوستاوي يا راقي
السلام عليكم

بالله ارضي هذا الطفل واعطه ما يريده ولا تجعله يبكي هكذا...
قطعت قلبنا زاتو

لؤي أنت جميل والجابك لينا جميل وعزيز

وردي× ابوعركي
الجمال والروعة في بلادي
حقيقة أبتهجت بهذا البوست الجميل
موعودين يوم الخميس القادم بليلة من ليالي ألف ليلة مع الأستاذ القامة أبوعركي
يا ريت تشرفونا في الرياض يا لؤي
تحياتي لك واللأسرة الكريمة
وربنا يحفظ ليك وردي الصغير

Quote: لؤي أنت جميل والجابك لينا جميل وعزيز وردي× ابوعركي الجمال والروعة في بلادي حقيقة أبتهجت بهذا البوست الجميل موعودين يوم الخميس القادم بليلة من ليالي ألف ليلة مع الأستاذ القامة أبوعركي يا ريت تشرفونا في الرياض يا لؤي تحياتي لك واللأسرة الكريمة وربنا يحفظ ليك وردي الصغير

الـحبيب إلـى النّفس
الصّديق حبيب بلدو
سلامات يا راجل يا نقـي

جـميل إنت والله
ولن تتصوّر سعادتـي بصعودك إلـى الـمسرح لـتحيّتـي
الحفل كان جـميل بأمثالك
ربـنا يـحفظك إنت والعندك
وبيناتنا الـتّواصل أكيد





عميق الـمودّة العامرة

Quote: كوستاوي يا راقي السلام عليكم بالله ارضي هذا الطفل واعطه ما يريده ولا تجعله يبكي هكذا... قطعت قلبنا زاتو

أخـي زمراوي
سلامات

غايتو يا إنت مـلخبط وفاكر كوستاوي صاحب البوست
يا صور عركـي الـجّابـها كوستاوي دي حرّكت أشجانك
يا أنا كوستاوي





لك ولكوستاوي الـتّحيّة

Quote: Washington D.C

نصر الدّيـن كوستاوي
صباح الـخيـر

ياخـي دا راجل جـميل جـميل جـميل جدّاً





له ولك الـتّحيّة

Quote: Washington, D.C

هـجّام العزيز
صباح الـخير

ألف شُكر علـى الصّورة الـجّميلة
موعود أنا بأُمسية غنائيّة مع عركـي اليوم
والوقوف خلفه شرف وإحساس لا يوصف
الآن سأتـحرّك مسافراً





تـحاياي

Quote: وين الحقوق يا عباس ؟

عـمران
سلامات

كُلّيّة الـحقوق ولاّ شنو ؟
بالله هـي دي بتاعتك ؟
طيّب ما تلـم حاجاتك الـمـجدّعة عند ناس قوقل دي
أها الـخميس كيف ؟





تـحاياي للعيال

Quote: تحياتي لهما وحفطهما الله

أُستاذ يوسف
سلامات

ولك الـتّحيّة
حفظك الله





سلمت

هام ذاك النهر يستلهم حسنا والله ووالله ووالله لو غني وردي هذا المقطع فقط لكفانا يا سلااااااااام نحن عندنا اجمل غنا في العالم بس التواضع كاتلنا --------- يعني شنو شاكيرا ولا عجرم ولا عمرو دياب قصاد ناسنا ديل والله حتي المقارنة فقط فيها ظلم ليهم وبعد دا الاعلام العربي ولا بجيب سيرتنا

جميل الدواخل لؤى شمت

وردى وابوعركى بدران فى سماء الاغنية السودانية
وعركى يدوزن الحس والعصب بكلمات وغناء فوق السحاب
سوف نتحزم ونلتزم ليلة الخميس حضورا فى المحفل البهيج
شكرا لؤى لابحارك المتقدم فى عوالم ود البخيت الخاتيهو اللوم.

Quote: جميل الدواخل لؤى شمت وردى وابوعركى بدران فى سماء الاغنية السودانية وعركى يدوزن الحس والعصب بكلمات وغناء فوق السحاب سوف نتحزم ونلتزم ليلة الخميس حضورا فى المحفل البهيج شكرا لؤى لابحارك المتقدم فى عوالم ود البخيت الخاتيهو اللوم.

الأخ الفاضل أُستاذ نور الدّيـن الفحل
تـحيّة طيّبة

أتـمنّـى صادقاً أن تـمكّننـي الظّروف من الـحضور
عركـي الآن فـي الطّائرة متوجّهاً لـجيـزان
وسأتّصل بالأخ حجر للتّنسيق تيليفونيّاً





وُدّي وتقديـري

Quote: هام ذاك النهر يستلهم حسنا والله ووالله ووالله لو غني وردي هذا المقطع فقط لكفانا يا سلااااااااام نحن عندنا اجمل غنا في العالم بس التواضع كاتلنا --------- يعني شنو شاكيرا ولا عجرم ولا عمرو دياب قصاد ناسنا ديل والله حتي المقارنة فقط فيها ظلم ليهم وبعد دا الاعلام العربي ولا بجيب سيرتنا

أخـي عاطف
سلامات

صدقت والله
مشكلتنا سوء الـتّخطيط
وعدم الإلـمام بطُرق التّسويق لأنفسنا وإمكانيّاتناوتقديـم ما نـملك




تقديـري

Quote: أبوعركي البخيت: عن بعد المسافة وقربها بقلـم: لـمياء شـمّت كثير هو الذي سُطّر عن دور الإبداع وتشكلاته في المراقي العليا،وفي مدارك الذوق والوعي،وأنسنة الوجود.وإلى ما يجب أن يطمح إليه الفن كمشروع جمالي نهضوي،ينطلق من حيزه الثقافي الخاص إلى دلالته الإنسانية القصوى،لتنبلج شعاعاته من نقطة تعامد الجمالي التذوقي بالإدراكي الإنساني العريض.ويقع ذلك بلا شك ضمن حدود ما حاوله إدوارد سعيد،وهو ينقب عميقاً للإحاطة بتعريف المثقف،كذات متمللة مناوشة ومتجاوزة لليقينيات السهلة،لا تخضع بطبعها للمستقر بأعرافه وحدوده المسوّرة وأفكاره المقولبة وأنماطه الجاهزة.لذلك فأن قدرها أن تُسوّط وتنُفى وتُحرم من الحفاوة،بل وتُستهدف بالمقولات التصغيرية المبتذلة غير المسئولة،في أتون نزاعها الشاق والدائم مع الوصاية والأوصياء. ويمضي إدوارد سعيد ليتمم جهوده لإعادة تعريف المثقف المبدع بشكل إحاطي دقيق،بتركيز كبير على حرص المثقف الإنساني،رغم المناوئة والقهر،على التغلغل وراء التجربة المادية المباشرة،مستهدفاً تكريس الخير والمنفعة والوعي والحرية لمجتمعه.ووفقاً لذلك يبدو إدوارد سعيد مطمئناً إلى تعريف شريحة المثقفين كجماعة ملتزمة منهمكة في إنتاج التنوير والوعي،تربط مصيرها بحياة الإنسان وهمومه،على الرغم من حملات التشويه المنظمة،التي تثابر بمكر زعاف لأختزال صورة المثقف الذهنية إلى محض نموذج بوهيمي منخرط في محاربة الطواحين. ولعل ما ذكرناه يقودنا بخطوات واسعة إلى مشهدنا الإبداعي لمعاينة مشروع الفنان أبوعركي البخيت،في أفقه الإنساني الواسع،بجدارته الفنية،وشارته التنويرية،وعلو هامته الوطنية.خاصة وأن الأستاذ أبو عركي البخيت قد أعلن ضمناً بعودته الضافية عن إدراكه العميق لجسامة مسئولية الإبداع في هذه المرحلة بتأرجحاتها العنيفة،وعن تدبره لحقيقة أن كل أرض يرحل عنها النخل،تصبح سهلة مباحة لغزو عرائش المتسلقات الزاحفة ومسطحات العوالق الرخوة،وأن كل أفق يغادره النهار،تتمطى فيه العتمة،ويستوطنه العطن لا محالة. فهاهو أبوعركي يصعد ليمتلك صدر المسرح،فاذا بالحكايات تترى من هنا وهناك،تضج بها الأسافير وتتناقلها الألسن وتحرثها الأقلام.يهلل بعضها بعودة العافية للحواس،لتنعتق من المعاقرة الجبرية لطعم الرداءة، وبأنسكاب بهجة الألوان الأصيلة على تلك المساحات الملساء،التي أنفرد بها الرمادي حيناً من الدهر،فأنشب فيها قسوته،ودلق فيها بؤسه ومخياله المتقشف.وتعلو من هناك أصوات مستبشرة برزق إبداعي سخي،آت بعد أتراح المخامص،وتوالي مواسم الخصب الخاسرة،وتفشي جائحة (الأستسقاء)،تلك التي تجعل المهزول يكترش من إملاق.تنطلق البشارات في المدى برزق هو ثروة وجدانية هتون،لا يجوز أن نختلف على أقتسامها،فهي مبذولة بمحبة،تسري للجميع بعدل وسعة. حكايات وحكايات عن أبوعركي وهو يصدح هناك في صبر أم درمان،فاذا النفوس خلجان مفتوحة يتصاعد مدها،ليحكى وقائع إشهار عشق كتيم بين ثبج الماء وجاذبية القمر.وهناك الحكايا العجيبة عن أقيانوس الشتات الذي أختض ومسته الرعدة،حين أدرك الكل بوجدان جمعي أنهم في مرمى تراشق بذخيرة الشجن الحية. وتتوالى الحكايات من كل فج عن غناء ظاهره عذوبة وباطنه رحمة،تتغمد الذين ينتهبهم عصف المخاوف،في خيمة الوطن قليلة الأوتاد،وأولئك المبعثرون في كل وادٍ.فالكل في الخوف الجارح سواء،منذورون لجسامة الأحتمالات المفتوحة على مهب الآتي العاتي. يغني أبوعركي ل(يدخل رواكيبنا واوضنا)،يطوف بأرجاء البيت الكبير،يضمد أسواره المائلة ويمسح على ذلك الطائر الغر،الذي ظل يرتطم بالمرآة دهراً يحسبها باباً للخروج،يريح الأعين لبرهة من شقوة منادمة سراب الشاشات،يهدئ القلوب الواجفة من أجواء ركلات الجزاء الخطيرة، وخشونة اللاعبين القساة. ولا ننسى الحكايا التي زُفّت من داخل المسرح عن معارج التلقي،التي بلغت شأواً في التفاعل،ومنزلة في الحسن أرتسمت على الروح والمحيا،بما يعفي من تجشم تفسيرها.ليتحول بها المسرح القومي إلى كنف حميم رحيم،يتضام فيه الحضور بآصرة دفء أسري،ووحدة شعورية روحية النفح،عرفانية المقام،تعرج بهم لقطف رحيق متع فارعة.يحملهم الصوت إلى معارج أخرى فلكأن مئات الوجوه تلوح هنالك،فهذا الخليل(من شعاره دخول المآزق)،وذاك محمود درويش بتجربته الشاقة،التي كشفت للملأ سوءة (خوف الطغاة من الأغنيات)،وهو يأتمن رياح الغناء اللواقح على بذوره،فتحملها عبر المدى. ليستوي في مقام الهم الفادح الخليل ودرويش وأبو عركي ومارسيل خليفة،وهم يهدهدون أوجاع السامعين بأمنية عزيزة،وإن إختلفت الكلمات..(تصبحون على وطن)

---

Post: #61 Title: Re: ( أبو عركـي البخيت ووردي ) من أيّ كواكب الـملائكة أنت يا عركي ؟ ( دموع ، صور وغناء ملائكـي Author: نجلاء قرافي Date: 05-16-2011, 03:10 PM Parent: #60 اتلومته مادخلته البوست ده لما وصل هنا اصلا عركي ده بعتبره واحد من العيله من شدة حبي ليهو يعلم الله اما وردي الصغير ربنا يحفظه ويدرجه علي سلم المجد درجه درجه يارب

---

Post: #62 Title: Re: ( أبو عركـي البخيت ووردي ) من أيّ كواكب الـملائكة أنت يا عركي ؟ ( دموع ، صور وغناء ملائكـي Author: لؤى Date: 05-17-2011, 09:23 AM Parent: #61 Quote: اتلومته مادخلته البوست ده لما وصل هنا اصلا عركي ده بعتبره واحد من العيله من شدة حبي ليهو يعلم الله اما وردي الصغير ربنا يحفظه ويدرجه علي سلم المجد درجه درجه يارب نـجلاء سلامات ما فـي لوم وعركـي دا حبيب وقريب الكُل ربّـي يـحفظك والعندك يا رب تسلـمـي