Post: #2
Title: Re: ** أنا بالنهار ما كنت في***
Author: فتحي البحيري
Date: 03-16-2004, 07:20 PM
Parent: #1
يديك العافية
ياتمبس المعني بكل ما هو جميل ومدهش
اليومين ديل لغاتنا ذاتا (ملغمة)
لما قريت (انا بالنهار ما كنت في) وما التفتا لي نجوم الروعة حافها
استيقظت حواسي التوترية
وقت يا اخوانا في زول سرق باسويرد الزول داولاشنو؟؟
اتاري الشغلانة كدا
وومزيدا مزيدا
ههههههههههه (انا بالنهار ما كنت في!)
|
Post: #7
Title: Re: ** أنا بالنهار ما كنت في***
Author: tmbis
Date: 03-16-2004, 08:06 PM
Parent: #2
يا فتحي .. تتخيل انو أنا من أمس بعافر ما بين الكمبيوتر .. والكوكيز .. والباص وورد .. وانا ضايع في النص .. ومسجون يعني نكرني عديل كده .. قربت افتح بلاغ للرأي العام .. في باص ووردي ..
شكرا يافتحي ياخ لي كلامك اللطيف ده .. وشكرا لي انك في ..
بس وريني البضحكك شنو ؟؟
|
Post: #3
Title: Re: ** أنا بالنهار ما كنت في***
Author: منعمشوف
Date: 03-16-2004, 07:24 PM
Parent: #1
لكن صادف يا تمبس انا بالنهار كنت فى
وحضرت الشابين الشحمانين ديل وطربت بالجد وإنتشيت
طيب ما تخلينا نحفظ الدرر دى .. تشكر يا جميل مجدداً
|
Post: #8
Title: Re: ** أنا بالنهار ما كنت في***
Author: tmbis
Date: 03-16-2004, 08:18 PM
Parent: #3
منعمشوف .. مكرر ..اشحم واحد ..
قف .. انا الحاجات الحلوة دي كلها قاعده تفوتني .. قف ..قاعد اجي متاخر طوالي بالذات بالنهار ..
وحكاية الحفظ دي الليلة ما مافي .. خليها لحدي بكره الصباح ..
تعرف يامنعم ..كود الحفظ ده بقي عامل زي القلوبيه.. بلاهي تاني يامنعم بالنهار اقعد في البيت وانتظر البرنامج ده بيجيب حاجات شحمانه
|
Post: #4
Title: Re: ** أنا بالنهار ما كنت في***
Author: Rawia
Date: 03-16-2004, 07:40 PM
Parent: #1
اسم ابوهو ماضرورى
المهم نضمه سمح
|
Post: #12
Title: Re: ** أنا بالنهار ما كنت في***
Author: tmbis
Date: 03-16-2004, 09:02 PM
Parent: #4
خطير عديل ياراوية ..
وانت زاتك السمع السمح ده يوم بيعوقك
|
Post: #5
Title: شكرا يا تمبس
Author: توما
Date: 03-16-2004, 08:00 PM
Parent: #1
يا سلااااااااااام
وعلي العموم انا جد عرفتو ده بالنهار بي وين بيكون لو بالنهار في مره قال انا بالنهار ما كنت في
شكرا يا تمبس وانا كمان اتكيفت منو شديد
ادينا نصبنهم عندنا
توما
|
Post: #14
Title: Re: شكرا يا تمبس
Author: tmbis
Date: 03-16-2004, 09:11 PM
Parent: #5
كتاكت ..يا توما
كيفنك ...
وينك انت ياخ ؟؟ طبعا مافي طريقة للتمليح ده بالنسبة للكود وكده ..عندي فكرة اعملوا كاتم صوت
رايك شنو ؟؟؟ كدي صباحاتو بي خير .. لي باكر كان بقينا حيين
|
Post: #6
Title: Re: ** أنا بالنهار ما كنت في***
Author: mohammed alfadla
Date: 03-16-2004, 08:01 PM
Parent: #1
amshi yaaaaaaaaaa
3amil lena fiha tmbis ow shino
tatla3 akho 3ammar mansor
ow mush kida bs
sa7ib 3imad babbo
laaaaaaaaa 7awlaaaaaaaa
kef tamam
|
Post: #9
Title: Re: ** أنا بالنهار ما كنت في***
Author: منعمشوف
Date: 03-16-2004, 08:32 PM
Parent: #6
ما بيناتنا يا تمبس متين ما رينا يقدرك أعملا
طبعا بابكر الصديق ده انا متابعو من زمن محراب آداب وفنون
والذى كان يبثه تلفزيون الجزيرة أواخر السبعينات،فهو جدير بالاحترام
الفاضلابى وتمبس طلعتوا أصحاب عماد ببو، يا أخوانا الجنا ده ولدى عديل وقبال يجى المعهد وكان صديق ولازال للشوَّافة، سلموا لى عليهو
|
Post: #10
Title: Re: ** أنا بالنهار ما كنت في***
Author: خالد الحاج
Date: 03-16-2004, 08:36 PM
Parent: #9
تمبس...
يا حرقتي ويا طيب رفاتي ومنتهاي..
جننت خالك جن..
ويا منعم محل ما يكون الجمال ألقاك سبقتني.
|
Post: #11
Title: Re: ** أنا بالنهار ما كنت في***
Author: منعمشوف
Date: 03-16-2004, 08:54 PM
Parent: #10
لكن يا صديق الجنوب الوِليد تمبس ده ما شحمان عديل، أين انت يا سمندلاوى لتسمع
وانا متابعو من زمان .. سمعت المكساج العملو فى البوست التانى بتاع أبداؤود
دى أسى يقروها طلاب قسم الإذاعة كيف؟ صعبة مش؟ لانو الأحساس ما بقروهو ولا شنو يا جَنُّون
|
Post: #13
Title: Re: ** أنا بالنهار ما كنت في***
Author: حبيب نورة
Date: 03-16-2004, 09:03 PM
Parent: #10
تمبس... أزيك يا أخوي
مالك يا زول شالتك نومة
واللا شنو ؟؟ تاني ما تساهر
في المسينجر مع زول خليك
شاطر نوم من بدري واتغطي
كويس وما تنسي تشرب اللبن
لووووووووول
كيفك يا أنيق و شكرا علي
الكلام اللزيز دة والله رجعنا
لي مسافات بعيدة و مشينا معاه
مشاوير كنا فاكرين انو خطانا تعبت
منها لكن نعمل شنو دي شوية الحنية
الفضلت جوانا وليك التحية وتسلم
|
Post: #20
Title: Re: ** أنا بالنهار ما كنت في***
Author: tmbis
Date: 03-17-2004, 10:55 AM
Parent: #13
Quote: شاطر نوم من بدري واتغطي
كويس وما تنسي تشرب اللبن |
الله بيسالك ياحبيب نوره كان بشرب اللبن وانوم بدري دي حالتي ؟؟
الما عارف يقول بطاطس ..
غايتو باقي الحنية الفضلت ليك دي .. ( كنكش ) فيها قوي بتنفعك لي قدام والله .. لانو كان راحت منك ما بتلقاها عند زول .. وكان فضل ليك باقي منها .. اعمل لي داون لوود .. في الماسينجر ...
يديك العافية يالزيز ..
|
Post: #18
Title: Re: ** أنا بالنهار ما كنت في***
Author: tmbis
Date: 03-17-2004, 10:47 AM
Parent: #10
ياخال ..يعني يرضيك كان اجن انا براي ؟؟
ما الكلام البيهبش في الصميم ده هو المشكلة زاتو ... هو خليني انا ده ..كان شفت هاشم ده وبيقول في كلامو ده .. بتعرف ليه قال .. يا حرقتي وياطيب رفاتي ومنتهاي . وحاجات تانية كتيرة ..
انا قلت ليك الكبر حصل والقلب خفه .. ما داير تصدقني
|
Post: #17
Title: Re: ** أنا بالنهار ما كنت في***
Author: tmbis
Date: 03-17-2004, 10:39 AM
Parent: #9
يا منعم ..صباح الورد ..
اصوات وانامل من اجمل البرامج الممكن الواحد يخسر ليها أي حاجه .. واستاذ بابكر الصديق طبعا .. غير انو فنان ..بيعرف برضو يختار ناس فنانيين خالص .. لكن يا منعم محراب الاداب والفنون دي انا اتذكرو ليك كيفن حسع دي .. انا بتذكر ( الليث الابيض ) بس وطشاش ..طشاش ..ح اجدع ليك تلفون ببو .وهو مدعوك شغل دعك شديد .. وهو معانا هنا في البورد بالمناسبة ..لكن ظروفو فجأة اتلخبطت .. وح يرجع قريب ...
الملفات جاهزة للحفظ ياشحمان ..اعفص من طرف بس ..
ممكن تصبني برضو ياتوما .. قشة ما تعتر ليك ...
انا بالنهـــــــار مــــــــا كنت في
Save@Pc
رايـــــــــك شنــــــــــــــــــــو......
Save @ PC
|
Post: #16
Title: Re: ** أنا بالنهار ما كنت في***
Author: tmbis
Date: 03-17-2004, 10:21 AM
Parent: #6
يا فاضلابي ..
انا امبارح بالليل كتبت ليك كلام هنا ده ..وديتو وين ؟؟
والا كلام الليل بمحاهو النهار ؟؟
بدل ما تكتب بالانجليزي كده .. وتتعبنا معاك .. اكتب عند الجيران الفي الوورد بالعربي وتعال جيبو هنا ده .. انا حسع قاعد اعمل كده من امبارح .. وببو كل يوم يتصل علي ويخسر طلطاشر جنيه .. ويقول لي في الحاجات الحلوة حقتك.. مش قلت ليك قال لي ياخ ( أوسلو شنو ) ؟؟
|
Post: #15
Title: Re: ** أنا بالنهار ما كنت في***
Author: waleedi399
Date: 03-16-2004, 09:20 PM
Parent: #1
تعرف يا تمبس انا ذاتي بالنهار ما كنت في,، رأيك شنو.
طبعاً عودتنا على ابداعاتك الغنائية والشعرية- يا أخوي عارفك ما
بتغني لان صوتك يعني ماشين خالص لكن الشئ البتقدمو دايماً جميل ودا ما
شئ غريب عنك لكن زولك دا اقصد يعني الشاعر هاشم الما عارف اسمو
أبوه دا استايلو في الكتابة والاداء والصوت زي الشاعر محجوب الحاج
شاعر أغنية "نسمة العز" يا سماحة زي ما بقولوا أهلنا فوله وانقسمت
نصين وكمان أنا افتكرو هو لكن طلع ما هو، على العموم يا أبو العلاء
يا تمبس الله يفتح عليك ويديك العافية.
أخوك الناسيه/ وليد احمد
|
Post: #22
Title: Re: ** أنا بالنهار ما كنت في***
Author: tmbis
Date: 03-17-2004, 11:14 AM
Parent: #15
ولي ي ي ي ي ي .
انت برضو عملت ليك دريبات بالنهار والا شنو ؟؟؟
تعرف ..
هاشم ده صوتو قريب جدا لي اسماعيل الاعيسر .. ومن ناحية التعبير ..والإلقاء... يعني بتحس كده أنو قاعد يوصل ليك في الحاجه الجواهو بي تفاصيله الدقيقه خالص .. بل وعامله شنو جواهو .. وطبعا ده الفرق ما بين زول بيكتب ويتحسس ويلقي ..ويشاركك احساسو.. وما بين الزول البيكتب حاجتو وما يقدر يوصله ليك بي جوانبه كلها.. وإذا تأملت المفردات تمام يتقدر تتابعه طالعه من ياتو مكان جواهو ..
غايتو ما تزعل مني ياوليد ..نسمة العز دي عندي حساسية معاها ما عارف لييه ...
لكن إذا قدرته لقيت ليك طريقة وسمعته .. اسماعيل الاعيسر بيكون كويس ...
في انتظار تلفوناتك ...
الله يخليك .. يا زول يارايق
|
Post: #19
Title: Re: ** أنا بالنهار ما كنت في***
Author: الزنجي
Date: 03-17-2004, 10:47 AM
Parent: #1
يا حروفى ذكريهم ان قلبى محتويهم
ولو غياب لحظة يعلم الله اموت فيهم
لك الود كلوا اخى تمبس
|
Post: #21
Title: Re: ** أنا بالنهار ما كنت في***
Author: ود العجمى
Date: 03-17-2004, 11:07 AM
Parent: #1
تمبس
نقول شنو يعنى ؟
لكن خلينى اول شى اهديها لاحمد "فوتاكا" بالقاهرة . انشا الله يكون فى ويسمعها .
|
Post: #23
Title: Re: ** أنا بالنهار ما كنت في***
Author: ابو جهينة
Date: 03-17-2004, 12:01 PM
Parent: #21
حاجة ما تنتهي يا باشمهندس
|
Post: #24
Title: Re: ** أنا بالنهار ما كنت في***
Author: Ibrahim Algrefwi
Date: 03-18-2004, 12:06 PM
Parent: #1
بالنهار ما كنته في
كان في القمر وكلتو شان يحي السمر
وسمر النهار فيك احلي شئ
حتي النجوم جاتك ملفحه بالغيوم
وعلي العموم رسلت ليك ليل بالنهار
وعليك تنقي وتصطفي من تاني جد حيتعرفي
انا وين بكون لو بالنهار ما كنت في
وطيب ما قلنا
الزول ده اسمو هاشم الكتااااااااااب ياتمبس
|
Post: #25
Title: تمبس شكرا شكرا للتوثيق والتصبين
Author: توما
Date: 03-18-2004, 09:26 PM
Parent: #1
كلك كده....
اسمعو..اسمعو..اسمعو..
ده الكلام
تمبس شكرا شكرا للتوثيق والتصبين
توما
|
Post: #26
Title: Re: ** أنا بالنهار ما كنت في***
Author: بدرالدين شنا
Date: 03-19-2004, 05:01 AM
Parent: #1
الحبيب القريب تمبس
تحياتي وأشواقي
الشاعر الجميل المرهف دا ظهر عبر برنامج أصوات وأنامل وفي المرة الأولى وفي الإعادة في المرتين أنا كنت في وإستمتعت غاية الإستمتاع فشكري لك يا تمبس وإنت دائماً تأتي بالثمين وتنصف المبدعين لك حبي
العزيزة توما
إزيك جنس زيكة
أنا فرحت بي عودتك شديد
سلامي لأم دقرسي وكل الطيبين
|
Post: #27
Title: Re: ** أنا بالنهار ما كنت في***
Author: tmbis
Date: 03-20-2004, 09:43 AM
Parent: #26
العزيز الزنجي ..
بهديك تاني الكلام الجميل ده .. والقومه ليك..
كان في القمر وكلتو شان يحي السمر
وسمر النهار فيك أحلي شئ ...
يا عجمي ..
ما عندك حاجه تقوله ..
إن شاء الله " فوتاكا " يكون سمع معانا .. وحقو بالمناسبة دي تخطف رجلك مركز الشباب بتلقي الزول الاسمو هاشم ده ..والكلام ده طبعا ما بالنهار ..لانو ما بتلقاهو
كان لقيتو حاول اطلع منو بي حاجه ..
استاذ ابوجهينة ..اشكر احساسك .. منور البوست يادكتور
قرمبز صاحبي ..
اسمع علي العموم دي قاله كيف الزول ده ... بمنتهي الطيبة ..وبراحه خالص ..طبعا ده بعد ما فتر عديل كده ..
صاحب الزول ده ياخ ..واطلع لينا منو بي حاجات ..
توما ..
حاجاتي الصبنتيها دي عافيها ليك وتنفعك .. خليك قريبه في حاجات تانية في السكة ..
الجميل جمال جد ..
بدرالدين ..
الاحرام ده متلفح بيهو لحدي الآن ..البرد ده ما بيتعبك لكن ..
انا بقي برنانمج اصوات وانامل ده من البرامج الرئيسية عندي .. ببطل ليهو أي حاجه .. لانو هو البرنامج الوحيد الممكن تنتظرو ي كل لهفة .. لانو بابكر الصديق ده بيجيب الحاجات الكويسه بس ..
في اخبار جديدة من الخواجه ؟؟
|
Post: #28
Title: Re: ** أنا بالنهار ما كنت في***
Author: walid taha
Date: 03-20-2004, 10:54 AM
Parent: #1
طـــيب باللــــيل كنت وووويين؟
بالجد والله وينك؟ عشاك اكلو دكين الجقلان واداها بكية
بنجيك كان حيين
|
Post: #29
Title: Re: ** أنا بالنهار ما كنت في***
Author: Tumadir
Date: 03-20-2004, 06:19 PM
Parent: #28
قررررررررررب يغتس يا تمبس رفعتو ليك ..لانك
بالنهار ما كنت فى............
|
Post: #31
Title: Re: ** أنا بالنهار ما كنت في***
Author: tmbis
Date: 03-20-2004, 08:08 PM
Parent: #29
بالنهار ما كنت في ياتماضر فعلا..
لكن تاني يوم من العصرية رجيتو .. بي كل اصرار ..
تتخيلي هاشم ده بيشبه ل حد بعيد اسماعيل الاعيسر .. في حلقتو معاك لما كنت في السودان .. مع انو ما حضرته لاني برضو كنت ( بافي ) لكن حكوها لي .. ومواعدني بي كمية بتاعت اعمال جديدة فضلت منتظره .. ولقيت هاشم د واتشبكت فيهو ..
اظهري ياخ ..
|
Post: #30
Title: Re: ** أنا بالنهار ما كنت في***
Author: tmbis
Date: 03-20-2004, 08:02 PM
Parent: #28
اول حاجه ياوليد (المؤمن .. تاني ما بيكرر بتاعت الجبال ديك مرتين فاهمني ) ؟؟
يعني كفاني رحلة الشتاء والصيف .. علي ضوء القمر .. في حديقة الغزلان .. يعني انت كنت جادي دايرني اجي احضر ليك حفلة بين جبلين ؟؟ دي حفلة والا غزوة اصلو ..
تاني كان دايرني ..اعملوها في الشيراتون ... يا انتركونتننتال .. والعشاء بلاهي يكون بوفية شان تضيع الفرصة علي صاحبك ده ..لانو طوالي ماكل حقي .. وهاضم حقوق الجار ..
حقيقه ياولي .. لما تتصل بحكي ليك ..فقدكم كان عامل كيف ..
|
Post: #32
Title: Re: ** أنا بالنهار ما كنت في***
Author: walid taha
Date: 03-21-2004, 09:01 AM
Parent: #30
تمبس يا حبيب ..
فعلا الشغلة كانت اشبه بالغزوة لانو الغنايم كانت كتيرة
وعشاك كان معاى وفطرتا بيهو يوم الجمعة( الصحن الذى نجا من براثن ذلك الثعلب) ...تصدق صاحبك داك اديتو الكروكى غلط برضو جا...
تقول لى شيراتون وماريوت ؟ده يجيك مغمد!
شرفنا بالحضور الانيق الذى كان فى كامل هندامه الرائع ود الشيخ..شفت خسارتك فادحة كيف؟
بين الجبلين فقدنا رجال
دمت عزيزى وبينا كول
|
Post: #33
Title: Re: ** أنا بالنهار ما كنت في***
Author: Raja
Date: 03-21-2004, 04:01 PM
Parent: #1
العزيز تمبو..
ياااااااااااااه رجعتني لي كم سنة كده كانو من أجمل سني عمري..
منعمشوف.. هي نفس الأيام الحلوة الذكرتها..
ووالله انا ما كبيرة قدر ده..
لازم اتذكر الصديقة المذيعة سلمى محمد الحسن وصوتها العذب..
|
|