** دكتور ..ابكررررررررررررررررررررررر

** دكتور ..ابكررررررررررررررررررررررر


15-04-2004, 10:03 AM


  » http://sudaneseonline.com/cgi-bin/sdb/2bb.cgi?seq=msg&board=121&msg=1138465825&rn=0


Post: #1
Title: ** دكتور ..ابكررررررررررررررررررررررر
Author: tmbis
Date: 15-04-2004, 10:03 AM

عندما تنتابني موجة من الحمي .. تمر أمامي صورة جدي ( حسن ) كان عادة يحملني علي كتفيه .. لم يحدث أي تطور في نظام دورتي الدموية غير أن كليتي اليمني مرت بها كمية لا يستهان بها من المياه المالحة .. بعد آخر مرة لفظت فيها بقايا المياه المفلترة المالحة من داخلي علي فمه المفتوح وهو يرفعني إلي أعلي.
لا انتظر كثيرا ..
بعد عودته أدخل يدي الصغيرة في عمق جيبه الأيمن حيث ثمار شجرة المانجو الطازجة..
....
في طريقي إلي سوق الموردة .. كان دائما يستوقفني صوت ( عم عبد الله ) " المبصر " ينطلق صوته الرخيم من عتبة صنعت خصيصا من أجله بالقرب من منزل " ناس عم إبراهيم الحلبي " يرسل صوته مرتلا سورة مريم .. يصطدم صوته بالناحية المقابلة بجدار منزل " دكتورة نادية " المارين في طريقهم إلي سوق الموردة يدخلون تحت تأثير ذبذبات حبال ( عم عبد الله ) الصوتية .. ( عم عبد الله ) يمكن أن يجعل " جسمك يكش " .
عند انتهاء دافوري المغربية .. يكون ( عم عبد الله ) في انتظاري واقفا بعد أن صلي المغرب.. بيده اليسري عصا .. وبيمناه مسبحة من ثمار اللالوب وركوة من الفخار ..عندما أقترب منه ممسكا بيده يهتف .. ما شاء الله .. ما شاء الله نعبر الطريق سويا إلي أول خور ابوعنجة عند مدرسة البنات الابتدائية يودعني بصالح الدعاء .. تسكنني طمأنينة غريبة .
....
خالتي ( حرم ) لا تحب الثرثرة كثيرا عكس إدمانها للقهوة بالزنجبيل .. الزنجبيل يصيبني بالاكتئاب .. ( وأبو الشهيق ) .. عندما تأتي ( أمي حرم ) (لا اعرف أن اناديها بغير أمي حرم) .. عندما تأتي لزيارتنا أحرص دائما علي الاّ افارقها حتى في ساعات النوم .. وعندما نسير معا إلي السوق الشعبي في تجاه عودتها إلي البلدة استطيع أن أري رأسها من اعلي ..زولة قصيرونة وقلبها ابيض ..اضع يدي علي راسها.. ممازحا .. ترد ضاحكه
قبل بداية كل رمضان ترسل لي بطيران الخطوط السعودية طرد محمل " بالرقاق ، والحلو مر ، والفول المدمس " أمي لا تنسي أن تزودني بالفسيخ .. أنا ..أحب .. الفسيخ..
في مكالمة هاتفية أخبرتني أختي أن أمي حرم .. عند كل زيارة لها ..وأنا بخارج السودان .. وهي تستعد للعودة .. تجهش بالبكاء .. تحن إلي أن أوصلها السوق الشعبي .. أو ربما فقط أن أكون بالجوار ...
..
ما أصعب أن نشتهي الأشياء .. ولا نستطيع ملامستها ..
علي ( التعتر ) لي .. دخلت صباحاهذا المكان اختلطت معي الأشياء .صدي حبال عم عبد الله الصوتية .. أمي حرم .. جدي حسن .. صحت بأعلي صوتي

يا دكتور ابكرررررررررررررررررررررررررر



Post: #2
Title: Re: ** دكتور ..ابكررررررررررررررررررررررر
Author: THE RAIN
Date: 15-04-2004, 10:13 AM
Parent: #1

صباح مخضر وسمح

ليك يا تمبس يا سمح

والله العظيم كلنا إشتياق للزول الباهى د. أبكر

تعرف يا علاء، الزول ده فيهو كميه من الصدق ما عادية ابدا

الصدق ده فيهو/ جواهو ، مش عنده وبس

Post: #7
Title: Re: ** دكتور ..ابكررررررررررررررررررررررر
Author: tmbis
Date: 17-04-2004, 07:49 AM
Parent: #2

صديقي المطر
صباحك نديان ... ومفرهد ..
...
الواحد يامطر لما..يوظف الصدق الفيهو في حب الناس .. شكل الحياة بيكون اجمل ..
وبيكون هو مميز ..
انت قايل حب الناس ده ليه يامطر .. ما انعكاسات بياض قلب الواحد . في تفاصيلو .. ابتسامه مرسومة .. بشاشة
وسكينة .. وكلمة طيبة ..
البوست ده يامطر تتخيل .. جاب لي الزول الجميل رحمابي ..
سمعني صوتو..
رغم ظروفو الصعبه .. الا انو بيفتش برضو معانا لي دكتور ابكر
وبينده عليهو باعلي صوت ..

Post: #3
Title: Re: ** دكتور ..ابكررررررررررررررررررررررر
Author: ghurba
Date: 15-04-2004, 10:15 AM
Parent: #1

وانا معك ابحث عن الزول الجميل ..افتقده... واشتاق لحروفه... وادرك انها معتركات الغربه هي التي تحجبه عنا
فمتي تعود يا د.ابكر
غربه..

Post: #4
Title: Re: ** دكتور ..ابكررررررررررررررررررررررر
Author: Ali Alhalawi
Date: 15-04-2004, 11:42 AM
Parent: #3

تمبس .. ما أجملة نسج الحرف عندك

د. النور هذا السامق السامى .. كلنا نترقب إطلالته نحن أولاد قرف

Post: #5
Title: Re: ** دكتور ..ابكررررررررررررررررررررررر
Author: خالد الحاج
Date: 15-04-2004, 01:32 PM
Parent: #4



لا عدد سيحصي الأمنيات الذابلة
علي خطو الجياع
علي الذاهبين إلي الوطن
ما يقوله الصمت
ما يسجله فضح الخطي والتحاريش
ما أهملته المقولات القديمة، ما دونته المدائح والقرائن
ما شوهته قرائن الأحوال
علي طبل الملوك..
ما شيدته المعرفة علي مدن الرحيل
والزمن المقطع من خلاف
......
.........
..............
الصبر مفتاح الذهول.

(كلثوم فضل الله)


علاء..
هذا بوست برائحة القرنفل..
يقتالك الحنين يا إبن أختي، هذا هو قدر الناس الجميلة!!
نشتاق مثلك لكل جميل ودكتور أبكر الموجود بقوة رغم غيابه..
نمد أيادينا وترتفع عقيرتنا معك بحار النداء
أبكر آدم إسماعيل نصدر صوت بحتنا للتائهين أغنية طويلة.


Post: #6
Title: Re: ** دكتور ..ابكررررررررررررررررررررررر
Author: sign
Date: 15-04-2004, 06:01 PM
Parent: #5

دكتور أبكر من الدعامات الفكرية للمنبر..غيابه يعد خسارة كبيرة..فعلها قبلا ..ظننته غادر..فأسعدني بعودته ..عد يا أستاذ..ان كان الألق الذي يكسو كلماتك يغيب عن ناظرك ..فهو يمنعنا بطغيانه أن نري ما دونه..
خالد

Post: #12
Title: Re: ** دكتور ..ابكررررررررررررررررررررررر
Author: tmbis
Date: 17-04-2004, 06:08 PM
Parent: #6

sign
محبتي
اتمني معك ان يكون د. ابكر بالجوار ..فقط يعيد بع من ترتيبه من اجل العودة .. بقوة
هو يعلم ان مكانه الطبيعي بيننا.. مهما تعددت الاسباب..
تشكر ياخالد..

Post: #11
Title: Re: ** دكتور ..ابكررررررررررررررررررررررر
Author: tmbis
Date: 17-04-2004, 05:29 PM
Parent: #5

الخال ..
ما اعذب ..حروف كلتوم الندية ..
اكتشافات د. ابكر مش كده ؟؟؟
بديت مشروع ووقفت في نصو .. الحصل عليك شنو ؟؟

بعدين ياخال .. حاول جرب كان قدرت تقعد يوم كامل من غير حنين .. وريني
يكون ده قدرنا كده ؟؟

Post: #10
Title: Re: ** دكتور ..ابكررررررررررررررررررررررر
Author: tmbis
Date: 17-04-2004, 05:21 PM
Parent: #4

العزيز ..علي الحلاوي ..
شكرا .. لزوقك ..وكلامك الجميل
ولتفقدك معانا د. أبكر ..
وان شاء الله نجيك في حاجه كويسه .. وما يكون رايح منك زول ..

Post: #8
Title: Re: ** دكتور ..ابكررررررررررررررررررررررر
Author: tmbis
Date: 17-04-2004, 04:43 PM
Parent: #3

غربة

اتمني معك ان تزول كل مسبات عدم عودة دكتور ابكر ..
ويكون بيننا ...

Post: #9
Title: Re: ** دكتور ..ابكررررررررررررررررررررررر
Author: dreams
Date: 17-04-2004, 04:57 PM
Parent: #8

تمبس

بالله انت بتحب الفسيخ

كان كده الجماعة دقسو
.
.

ومن لا يفتقد ذاك الرائع الذى ترك (احلامه فى بلاد الشمس)

الله يجيبو طيب

Post: #13
Title: Re: ** دكتور ..ابكررررررررررررررررررررررر
Author: almohndis
Date: 17-04-2004, 07:35 PM
Parent: #1

كان غيرك اشطر
الفسيخ راح فيها
والجماعه اتغدو
بيهو قبل تمبس
اتعش بيه
لكن العوض عند
اهل العوض فى الشرقيه
ماتنسو فى رساله تانيه
بعد ثلاث اسابيع كترو
الشطه وكلم رجا
كردفان المره الجايه
ماينسو ليمون توتى كمان

ومعليش ان خرمنا عن بسسب الصدفه
له التحية دكتور ابكر نحن ايضا
فى انتضار المدن المستحيله

Post: #14
Title: Re: ** دكتور ..ابكررررررررررررررررررررررر
Author: عاصم الحزين
Date: 17-04-2004, 08:32 PM
Parent: #13

تمبس .... ياااااه ..... خلّيت جناح الوجع ينفرد ... يا لطولة غيابك يا صديقي ابكر عن هذا المكان !!!!؟
اذكر احلامك بعد تعبٍ و نيف و تسكّعك المملؤ بالمعرفة في قلوب الاصدقاء الذين تشتتوا .
اذكر نهارات الحوارات تلك حين كنت تشق الطريق للقهوة بعد طول قعاد مع اصابعك المتورمه بفعل الضربات المتلاحقه علي ازرار الكي بورد.
اذكر الدلنج ذات خريف وقت كان معي( خالد جاغوار ) عليه الصبر علي رحيله ، و اذا بنا نفاجأ بك تجلس القرفصاء علي اسنّة الاحجار الصغيرة للارض المتدلنجة بك وبساكنيها ، ضحكنا فرحناً ، وضحكت حنيناً ، ثم كلّنا اصابتنا ضاد الضحك عندما عرفنا ان كل هذا الجلوس كان للاستماع و الاستمتاع لاغنية رائعه يؤديها مغنّي غامض و نبّهتك لبعض تناقضات الاجتماعي و السياسي في البلد .
كم حندكت ( الفرشايه ) بك يا صديقي ، و كم في منزل الرائع التشكيلي النحّات ( بليا ) اغمضنا عين العادي وتسكّعنا في ازقّة المختلف/الموحش/المحرّم/الجميل/المدهش و شربنا كاسات القصائد وسكرنا بالحوارات الدسمة باضاءاتها للاودية المتنوعة من اقاليم الفكر و المعرفة .
وينك يا ابكر
سافر (بليا)
اختفي(ايهاب)
مات (خالد)
مات (نزار جلاب)
وانت ذاتك كلما شوارع المسانجرات والايميلات لا اجدك.
وانا ذاتي علي قاب فترين او احزن لفقدي المتكرر للاصدقاء وبطرق لئيمة لا تناسب كل الحب الذي كان ، كل الاحلام التي ما زالت تركض في البال .
و هنا كم كنت اشبع بيدك تكتب .
يا ريت لو طلّيت و خلعتنا بك معنا مرّةً احلي هنا .
و
سلام حتي مطلع الامر

Post: #21
Title: Re: ** دكتور ..ابكررررررررررررررررررررررر
Author: tmbis
Date: 18-04-2004, 05:38 PM
Parent: #13

يادريمز وياالمهندس ..
مكسب
اقعدو اتغالطو لي اون لاين ..
انا غايتو .. مرات قاعد اخون الامانات .. قبلما تصل لي اصحابه ..




غايتو بتحبو التخريمات دي بشكل
جنكم تخريمات

Post: #15
Title: Re: ** دكتور ..ابكررررررررررررررررررررررر
Author: بدرالدين شنا
Date: 18-04-2004, 07:04 AM
Parent: #1

رررررررررررررررررررررررررررررررررررر
الحبيب علاء تمبس
تحياتي واشواقي
أسمع عليك الله شيل (الراءات) ديل زيد بيهن راءات د. أبكررررررررررررررررر لأنه هذا الأديب الدكتور يستاهل أكتر من كدا
عجبتني الطريقة الكتبت بيها البوست
ربنا يديك العافية

Post: #17
Title: Re: ** دكتور ..ابكررررررررررررررررررررررر
Author: ود شندي
Date: 18-04-2004, 10:32 AM
Parent: #15

تمبس ، تمبس ،،
بيت العجوز وين

تعرف يا بو التنابس
اول مره اعرف اسمك علاء!!!

والعلاء زادك علووو

ودي حقيقه الرائعون وحدهم القادرون علي صنع الدهشه


وقبل دا كلو بدور اقول ليك كلك حلو

Post: #16
Title: Re: ** دكتور ..ابكررررررررررررررررررررررر
Author: waleedi399
Date: 18-04-2004, 10:17 AM
Parent: #1

فسيخ يا دكتور أبكر عفواً " دستور" يا دكتور ابكر والله انا لوعارف الموضوع كدا كنا خلصنا عليه

من امس وزي ما قال المهندس عثمان كنا اتغدينا بيه قبل ما تتعشى بيه المهم ما خليت لينا حاجة

كدا نبل بيها ريق جفاف كربتنا آههها عفوا اقصد غربتنا معليش الليلة بقينا نلخبط في الكلام اصلو

الفسيخ دا فيه سحر غريب وعجيب نودعه ولسان حالن يقول:

سكارى عند رؤيته

حيارى عند ذكراه

يجهجهنا بدكوته

اذا اخلصت في سواه

بالهناء والشفاء يا زعيم وانشاء الله ينفعك والشقي سيبوه لي


الوالي

Post: #18
Title: Re: ** دكتور ..ابكررررررررررررررررررررررر
Author: ايهاب
Date: 18-04-2004, 10:34 AM
Parent: #16

كل التحايا ليك يا تمبس
والله نفقتده معك
دايما انت سباق لكل ماهو جميل يا جميل

Post: #19
Title: Re: ** دكتور ..ابكررررررررررررررررررررررر
Author: الجندرية
Date: 18-04-2004, 11:00 AM
Parent: #1

يجي وين يا علاء ؟!!!!
انت ما شايف الحاصل ؟
معقول دا البورد ؟ !!!!

Post: #20
Title: Re: ** دكتور ..ابكررررررررررررررررررررررر
Author: ود شندي
Date: 18-04-2004, 04:07 PM
Parent: #19

الجندريه

هل نقف مكتوفي الايدي عن اعمار كسلا الجميله!؟!؟

Post: #22
Title: Re: ** دكتور ..ابكررررررررررررررررررررررر
Author: الجندرية
Date: 19-05-2004, 08:51 AM
Parent: #20

ود شندي العريس
والله عاد اعمار كسلا
دايرلو نفير
ونفير يختى د. ابكر
ياهو الما عمر
كلامك صاح
وياريتو يجي

Post: #23
Title: Re: ** دكتور ..ابكررررررررررررررررررررررر
Author: Abdel Aati
Date: 19-05-2004, 09:41 AM
Parent: #22

الشوق عارم لدكتور ابكر

عادل

Post: #24
Title: Re: ** دكتور ..ابكررررررررررررررررررررررر
Author: Zoal Wahid
Date: 19-05-2004, 01:03 PM
Parent: #1

في كل يوم ادس فارة كمبيوتري في كل المواقع السودانية التي التقطها لعلي اعثر على الكنز د. ابكر

عشاق قلمك المسنون بالروعة يكاد يقتلهم الشوق

Post: #25
Title: Re: ** دكتور ..ابكررررررررررررررررررررررر
Author: tmbis
Date: 19-05-2004, 04:26 PM
Parent: #24

الاحباب
عاصم الحزين
بدرالدين شنا
عمده ودشندي
وليد الوالي
ايهاب ..هوووووووووبا
اماني
عادل عبد العاطي
زول واحد
...

عميق محبتي .. ومعكم من أجل استاذنا د. ابكرادم اسماعيل..

Post: #26
Title: Re: ** دكتور ..ابكررررررررررررررررررررررر
Author: ودرملية
Date: 19-05-2004, 09:42 PM
Parent: #25

سلامات
تمبس
من يومك راقي وجميل
...
البينا نحن شوق وحنين
والبينا نحن كلو هين اريتو هو يبقي طيب
ووالله العظيم اكثر مااشتاقه هو حرف لهذا الرهيف الحريف الخريف
د.ابكر ادم اسماعيل
نشتهيه مذ الدرس الاول والي ان نصل الي اخر الدروس
شفيف للغاية
والله له مني كثيف الدعاء في ان يكون بخير وصحة جيدة وان يكون قلمه كما عهدناه دوما بلسم لجراحات عتيقة
واتمني ان تكون كل احواله في تمام وكمال
وله مني المحبة الصادقة ولكل الغائبين قسرا او طواعية
وعشان خاتر البلد والريد المتلتل كتف الحنين جواي
بقولو تعال يابرق قبلي واختف عمي الدنيا ورطب جوف ارض مغبونة حرقة وشوق
د.ابكر
بالله تعال لينا وبتلقانا دائرة شوق ومركز ريد كبير في رجاك
....
تمبس
كل يوم يمر هنا في البورد اكتشف فيك اشياء جديدة مجملها بهي وسمح
واتمني ان اعيش كثيرا حتي تظل اكتشافاتي في توارد وثراء
لك الود المقيم اقامة حرة بلا كفيل

Post: #27
Title: Re: ** دكتور ..ابكررررررررررررررررررررررر
Author: tmbis
Date: 22-05-2004, 09:44 AM
Parent: #26

ودرملية
مليون سلام ..


اخجلتني عباراتك الجميلة في حقي ..وعاجز عن الشكر واتمني دايما اكون في محل كل ما هو جميل ويلاقي احترام واستحسان الكل ..
وأرجو ان تلاقي كلماتك الجميلة المقصود .. وتصل إلي استاذناالجيلي د. ابكر .. اينما حل .. وتسهم في اعادته .. بيننا لاننا في انتظار الكثير من قامة مثل استاذنا ابكر ..


اكرر شكري ودرملية



د. ابكر
هل عدت ياخال ؟؟؟

Post: #28
Title: Re: ** دكتور ..ابكررررررررررررررررررررررر
Author: عاطف عبدالله
Date: 22-05-2004, 03:11 PM
Parent: #27

د.أبكر أيها الرجل الجميل
كم نفتقدك
شكرا تمبس لهذا النداء الحار
ونتمنى معك ومع كل محبي هذا الرجل الشفيف أن يعود ليزين البورد بيراعه الآثر ولغته الرصينة وفهمه العميق للأشياء
نتمنى أن لا تطول غيبتك عنا يا د. أبكر آدم إسماعيل

Post: #30
Title: Re: ** دكتور ..ابكررررررررررررررررررررررر
Author: tmbis
Date: 24-05-2004, 10:03 AM
Parent: #28

اوووو

استاذ عاطف عبد الله ..
علنا نستجير بك من هذه الوحشه ..
..
هذتني عبارت د.ابكر وهو يعلن فقدك بصورة جميلة ..

لا اخفي سرا استاذ عاطف .. اتلصص لقراءة نصوص معينة .. في صمت ..
او
كلما تكتب


هل عدت لنا بدكتور ابكر ..

عميق محبتي ..

Post: #29
Title: Re: ** دكتور ..ابكررررررررررررررررررررررر
Author: ahmed abdul daim
Date: 22-05-2004, 03:56 PM
Parent: #1

الإخوة الكرام :

الرجاء التكرم بإعطاء عنوان أي موقع للدكتور أبكر و كتاباته و رجاء خــــــــــــــاص من لديه إطروحة الدكتور أبكر ( جدلية المركز و الهامش و إشكالات الهوية السودانية ) أن يرسلها لي عبر البريد الإلكتروني أو عبر هذا البوست و لكم جزيل الشكر .

my email is [email protected]

Post: #31
Title: Re: ** دكتور ..ابكررررررررررررررررررررررر
Author: Al-Shaygi
Date: 24-05-2004, 10:43 AM
Parent: #1



تمبس الحبوب

شوفت بس فسيخ دي فرملت عندها واتذكرت غدوة مع واحد صاحبي الله يطراه بالخير كانت صحن فسيخ ماكن وواحد تاني قدره شطة بالليمون وضاربين معاهم سبعة طارات رغيف أبو قرشين حق زمااااااااااان داك الرغيفة الواحدة تغديلها راجلين...

بالله بس فسيخ الوالدة ده كان جاك تديني منه حتى لو قدر حشوة سندوتش صامولي !!!

الله يديك العافية ,,,

عمك العجوووووووووووز