اهــداء .. تلفون العالم حوّل .. محمد وردي ..

اهــداء .. تلفون العالم حوّل .. محمد وردي ..


09-22-2004, 09:17 AM


  » http://sudaneseonline.com/cgi-bin/sdb/2bb.cgi?seq=msg&board=121&msg=1138465227&rn=0


Post: #1
Title: اهــداء .. تلفون العالم حوّل .. محمد وردي ..
Author: tmbis
Date: 09-22-2004, 09:17 AM

في العام 2000 بالولايات المتحدة الأمريكية ( نيويورك ) تغني الأستاذ محمد وردي ولأول مرة برائعة الأستاذ محجوب شريف تلفون العالم ..
وكان كعادته الأستاذ محمد وردي يحّول الكلمات الصعبة إلي ألحان خالدة لتتداول بين الاجيال تتبدل وتتغير مع مرور الايام محتفظه بمكانه لها مميزة في القلوب والوجدان.وخارطة الفن السوداني

اهـــــــــــــــــــداء ...
للأستاذ محمد وردي .. المناضل أستاذ الاجيال محجوب شريف
استاذي أبوجهينة
أستاذ أحمد ساطور ( ترهاقا )
الأستاذ لقمان حسن همام
أخي الحبيب عمر منصور
العبقري أحمد باص
لؤي الفنان
Kostawi
الحميم .. معتز تروتسكي
دريمز
د. أيمان أحمد ، رجاء وراوية العباسي ، الجندرية
تماضر
ولكم جميعا

مقدمة الأستاذ لقمان حسن همام
  

مقدمة الأستاذ محمد وردي


تلفـــــــون العالـــــــم



للتشغيل .. أضغط علي الملف المطلوب

Post: #2
Title: Re: اهــداء .. تلفون العالم حوّل .. محمد وردي ..
Author: Raja
Date: 09-22-2004, 09:41 AM
Parent: #1











تمبًو الغالي..

لغاية ما أرجع تاني..

ميرسي خالص..

ليك وحشة بجد..

Post: #4
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-22-2004, 10:18 PM
Parent: #2

ابو الراء
صباح الورد لما يفتح .
والوحشه
ااااااااااد كده ..
خبرك شنو ؟؟
اسمعي الحاجه دي بي رواقه كده ..
وارجعي علي راحتك

Post: #3
Title: Re: اهــداء .. تلفون العالم حوّل .. محمد وردي ..
Author: الجندرية
Date: 09-22-2004, 09:46 PM
Parent: #1

شكراً يا علاء
وشهل معاي في موضوع ايملات الناس ونصوصهم

Post: #5
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-22-2004, 10:29 PM
Parent: #3

اماني ..
صباحك خير ..

معاك في التشهيل ...
اها سعادة عبد الرحمن اتضح انها في القاهرة مع ناس فرسان في الميدان وأول ما تصل اعتبري الموضوع منتهي ..
اسماعيل الاعيسر قيد البحث والتفتيش في عضمو ده ..

معانا شاب ممتاز هنا اسمو يوسف حمد النيل .. عندو مجموعة شعرية صدرت هنا بالرياض
ح انسق مع معتصم .. وممكن تلقيهو في البريد طوالي في اقرب فرصة استلمو ..

Post: #6
Title: Re: اهــداء .. تلفون العالم حوّل .. محمد وردي ..
Author: الجندرية
Date: 09-22-2004, 10:42 PM
Parent: #5

علاء شكراً ليك

ما دام يوسف حمد النيل معاكم في الرياض
شوف لي طريقة تواصل معاه تلفون والايميل افضل طبعاً

Post: #7
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-22-2004, 11:06 PM
Parent: #6



حسع من دربي ده بتصل ليك عليهو .. وادعي ليهو معاك بالشفء
ليهو تلاتة ايام بيعاني من مغص كلوي حاد .. قبل يومين كنا معاهو لي ساعات متاخره
وامس كانت عندو موجات صوتية واشعة وتحاليل
ربنا يواليهو بالعافية .
ح اديك الايميل والتلفون .. حسع ح اتصل عليهو ..

Post: #8
Title: Re: اهــداء .. تلفون العالم حوّل .. محمد وردي ..
Author: نصار
Date: 09-22-2004, 11:49 PM
Parent: #1

يا سمي

تشكر يا بديع....لكن لو الجندرية مشغول بموضوع تجميع اعمال الادباء الشباب و نست ما تسألك عن لنكات الحفظ نحنا حقنا يروح،،،
كدي شوف الموضوع

مع الود

Post: #24
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-24-2004, 11:54 PM
Parent: #8


استاذ علاء الدين نصار ..
عشت يا شريكي .. وعاشت الاسامي ..
طبعا يانصار لما .. نزلت الاغنية كنت في حالة من التركيز والفوضي مع بعض ..نسيت فيها حتى انزال الاكواد وغالبا لما تلقي اي عمل من غير لنك حفظ فهو عبارة عن ( شرك )..
طبعا الخميس والجمعه عادة بكون ما موجود .. لكن راوية قامت باللازم .. اضغط للحفظ في بوست راوية وتكون طالبني ...

Post: #9
Title: Re: اهــداء .. تلفون العالم حوّل .. محمد وردي ..
Author: almulaomar
Date: 09-23-2004, 00:07 AM
Parent: #1

وكعادتك أخي تمبس تتحفنا بكل هذا الجمال لك المودة والتقدير

Post: #25
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-25-2004, 00:09 AM
Parent: #9



الحريف الملا عمر .. اطال الله (عمره)..
من لطائف الامور .. ومحاسن الصدف الجميلة ان يررن هذا الجرس ( ويدق ) عندك ويستقر هذا اللحن بكلماته الصادقه في دواخلكم ويلامس ما فيكم من (سلوك) حتى وإن كانت ( وير لس ) ..
ومن محاسن حظي أن أكون عامل السنترال..

لا اشك ابدا في احساسك العميق في ( تفنيط ) الاشياء .. بي وعي ..

عشت ياملا .. وربنا يقدرنا دائما علي توصيل ( اسلاكك ) .. ودوزنة احساسك ..

Post: #10
Title: Re: اهــداء .. تلفون العالم حوّل .. محمد وردي ..
Author: معتز تروتسكى
Date: 09-23-2004, 01:14 AM
Parent: #1

خالص التحايا...

تمبس حزن الشتاء..

معقوله الصقيع يبدا من غيرك...

والتلج يحرد فصل غيرك شتاء....

ياصديق يارفيق يازميل..

ضلوعى الان تتلاشى مع انغم وردى..

وتلفون محجوب شريف يرن ليس فى اذنى بل فى كل البقاع..

تمبس ياهذا الجميل..

معقوله بس فى ناس كده ..

تمبوستى...

اشاركك الابتهاج ببعض ماعندى دليل..

لتكتمل الصوره التى يرسمانها..

محجوب شريف ..ووردى..

وتعلقها انت..

فكم جميل هذا المثلث..




تلفـــــــــــون العـــــــــــالم حول

تلفون العالم حوِّل
إتنين وتلات أصفار
البرق هناك
مستني
والشمس على
استنفار
فلنزحف نحو
النور
لو ننحت بالأظفار
من حقنا نحلم
بي عالم
بي عالم
يتسالم
ضدَ التسليح
الخبز .. الحريات
المكننة
والتلقيح
لن نقبَل بالمعتاد
العكننة والتبريح
العدل بلا تمييز
الحظر على
البمبان
العطر مهب الريح
دوران الأرض
مراجيح
والشفع لؤلؤ منثور
سادين السكَّة
أناشيد
ما دين الدنيا
بساتين
ورداً..قمصان
وفساتين
والنهر بيعمل زقزاق
من خضرة وحفلة
ياسمين
ناساً جينا تم زيناتم
جنياتم خِلقة
وأخلاق
شبت حبت من لسَّعَ
في الخاطر شوق
وحنين في عيون
العُشاق...
كم مُدُناً طيَّ
الأشواق
حاراتا حتملا
الأسواق
وشوارع تجري
ملايين
لِسَّع في سنَن
الأقلام
أنفاس الناس القِدام
وخُطى الأقدام
في القرن الواحد
وعشرين
من خير الأرض
الممتد
تنعم أفواه
ومناقير
والحبّه ظلال
وعصافير
والخطوة بتبقى
جماهير
والهمسة بتبقى
هتافات
تتفكك لعب
أطفال
وأسرّة وإسعافات
آفات
فتكت بالسلم
جنازير
وتقرب بينَّا
مسافات
كنا بنمشيها
محاذير
وتفرهد ياما
ثقافات
تتنفس حق
التعبير
لا رجعة لظلمٍ
قد فات
تلقوه هناكَ
ملفات
فى ركن القرن
العشرين
إلقاء القبض على
الخوف
الخلا النسمة
أعاصير
والشجر الأخضر
أوتاد..
من حَقنا إننا نحلم
لن نقبل بالمعتاد
نتماسك أيدي
ونرتاد
القرن الواحد
وعشرين
شُبَّاكاً جنب
الشُباك
آفاقاً ذاتَ مصابيح
تلفون العالم حول
...
لا شك االرقم
!! صحيح



شكرا حزينا تمبس..
وجايين راجعين..

Post: #26
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-25-2004, 00:22 AM
Parent: #10


معتز تروتسكي .
صديقي النبيل .. لهذا الموسم ..

هانت تفتح خطوط الضو علي هذه الصورة لتبدو أكثر وضوحا كما أرادو لها..
وتمنحني مجددا حميمية اللقاء وانتظار طلتك البهية ياصديقي
كن دائما كما اشتهيك .. اينما كانت المساحات الجميلة اجدك ..


معتز
انا دائما اجدك
لا
اقبل الزهول
يكفيني فقط وعيناك مغمضه

Post: #11
Title: Re: اهــداء .. تلفون العالم حوّل .. محمد وردي ..
Author: لؤى
Date: 09-23-2004, 01:56 AM
Parent: #1

الجميل علاء تمبس

ياله من صباح جميل وانا أستهلّه بهديّتك الورديّة هذه والموشّحة بكلمات أستاذنا محجوب ، وصوت الحبيب لقمان .. لك كُل التقدير وكل الحُب أيّها الراقى ..

لم أكن أعلم أنّك شقيق الأخ عمر ، وده موضوع داير ليهو قعدة ..تحيّاتى الحارّة له .

لك الوُد والثناء ياعلاء


ـــــــــــــــــــــــــــــــــــــــ
[email protected]

Post: #12
Title: Re: اهــداء .. تلفون العالم حوّل .. محمد وردي ..
Author: dreams
Date: 09-23-2004, 02:22 AM
Parent: #11

Quote: إلقاء القبض على
الخوف
الخلا النسمة
أعاصير
والشجر الأخضر
أوتاد..
من حَقنا إننا نحلم
لن نقبل بالمعتاد



من حقنا نحلم .. بصبح لكل شعاع ضوء فى شمسه معنى ولون

لن نقبل بالمعتاد ... بنهار تدحره غيوم تحجب نوره

بالحلم سنكون على غير المعتاد ويكون نهارنا اكثر اشراق


تسلم يا تمبس

واسمح لى اهديها معاك لكل من ذكرت

واضيف لهم زول افتقده بشدة اسمه ..........رحمابى

يسلم محل ما كان

Post: #13
Title: Re: اهــداء .. تلفون العالم حوّل .. محمد وردي ..
Author: عوض الله الفولانى
Date: 09-23-2004, 04:21 AM
Parent: #12

تمبس الرائع

بصراحة كدا الشاعر ألأصيل محجوب شريف من شعراء بلادى

المهمشين من أعلام ألأسلاميين الذين فرضو أنفسهم علينا

فهو كتب أجمل القصائد التى تحمل أسمى المضامين وتغنى

بها اروع الفنانيين ألا انها ظلت حبيسة فى الوجدان...

و اليكم واحدة من روائعه تحت عنوان (قزازة دم)

واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة


و تســـلم يا تمبس

Post: #14
Title: Re: اهــداء .. تلفون العالم حوّل .. محمد وردي ..
Author: Tumadir
Date: 09-23-2004, 04:53 AM
Parent: #13

تمبس الجميل

تعرف انا محجوب شريف بحلم اتقمص روحو

روماااانسى
ومضىء
وراسم شخيت واضح وصريح بين فكرتو
وفكرة عداه وصحبتو

ضوء
تفاؤل
وانبهار بالطفل
وحسن ظن بحقيقة الكائن الانسان واسرار غنيتو

انا اكون محجوب شريف يارب؟ اكون مخلوقه من طينتو وقماشو ومهجتو؟

ياريت

شكرا تمبس على وردى ومحجوب شريف والتلفون المتفائل دة (لكن ظاهر عليه دسكونكتد...السنه دى)

حب شديد ليك

ويافولانى اسمها اظن رزاز الدم

انا اخرجتها مع طفلات حلوات لتلفزيون السودان

زمااان

Post: #15
Title: Re: اهــداء .. تلفون العالم حوّل .. محمد وردي ..
Author: Rawia
Date: 09-23-2004, 08:05 AM
Parent: #14

حسه الواحد يقول ليك شكرا كيف

على قول الحزين

اعضيك في طرف كرافتتك ديك

عامل قيافتك دي

وزوقك الماليهو حد

وبعدين انا سالتك انت لي ما رديت

اللنك لي شبيهي........
والجندريه مع التمنيات بالتوفيق
لنك مقدمه الاستاذ لقمان حسن


لنك مقدمه الاستاذ وردي



لنك تلفون العالم

Post: #35
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-29-2004, 06:19 AM
Parent: #15

رايوة ..
انا كنت برضو عايز اقوليك .. شكرا ..لي حاجات كتيرة جدا ..
لكن لقيت بدل ما اعضي الشوق في انفو اخليهو يعمل زي ما عايز
....
عارفه ياراوية ..
انا ح ارد ليك .. لكن اوف لاين .. مش لما اللقاك ؟؟

وبقيتي تذاكري من ورانا .. لنكات داخل لنكات ..

ياخ اتصلي ياخ


Post: #33
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-29-2004, 01:10 AM
Parent: #14

تماضر .. الصاحبة

الووووووووووووو
وبعرف انك برضو بتقدري علي كده ..

تقريبا نفس الجينات وصفات الحب الوراثية
للطفل ، للتفاؤل، للحياة ، للانسانية ..
قادر يكتب محجوب شريف .. ويصور ويناضل ويكافح ..
وانت قادرة... ياهو قاعده تقدري تترجمي لي واقع ساهل وبسيط ..


اتغمصي علي راحتك .. بس اديني معاك ..


عارفه انو في شوق ؟؟؟

Post: #32
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-28-2004, 10:56 PM
Parent: #13

عوض الله الفولاني ..
مليون سلام ...

محجوب شريف مدرسة للنضال وللانسانية تتلمذت عليها اجيال .. علم وثقف وهذب بكلماته في حب الوطن .. وكل يوم بيزيد اصرار ومتمسك بي ثوابتو وما بتزحزح .. رغم كل التنكيل وكل التهميش.. سيظل محجوب شريف علم من اعلام النضال وقامة وطنية من الصعب تجاوزها.

(رزاز الدم حبابك) ... زي ما قالت تماضر وهي قصيدة من القصائد الثورية الجميلة ...
ح اسمعك ليها بي صوت كورال الحزب الشيوعي السوداني في احتفاله بأحد الاعياد ..شارك في الكورال العديد من الاساتذة الفنانيين .. وفي مقدمتهم الاستاذ الراحل المقيم مصطفي سيد احمد وامال النور
شكرا تاني لي كلام محجوب شريف وشكرا لمرورك.


  

Post: #30
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-25-2004, 11:02 PM
Parent: #12

Quote: من حقنا نحلم .. بصبح لكل شعاع ضوء فى شمسه معنى ولون


دريمز ..

ومن حقنا نحلم .. ونحلم ونحلم .. وح يبقي كل حلمناحقيقة.

Post: #27
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-25-2004, 00:30 AM
Parent: #11


ابو اللول ..
طبعااخدته فترة طويلة محتار أنو هذه التحفة الفنية ما مرت عليك .. رغم انك دائما في مكان الملفات الخطيرة دائما والاعمال المميزة للاستاذ ..
بيناتنا كلام كتير ياابواللول .. بس كدي نلقي القعده دي ..
وانا راجيك

Post: #16
Title: Re: اهــداء .. تلفون العالم حوّل .. محمد وردي ..
Author: mahdy alamin
Date: 09-23-2004, 08:41 AM
Parent: #1

الرائع الجميل
تمبس

مازلت تتحفنا بكل ما هو جميل ومتميز من اعمال الفنانين والمبدعين السودانيين

التحيه والشكر الكبير ليك

مع تحياتي
مهدي الأمين

Post: #36
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-29-2004, 06:34 AM
Parent: #16

مـــهدي الأمين ..
الساحة الفنيةالسودانية .. عامرة بالعديد من الاساتذة والرموز الفنية العظيمةالذين قدموا الكثير ومازالوا يقدمون .. ألوان مختلفة من الفنون الغنائية تعدد اجيال وتنوع مدارس .. كلمات ، الحان ، توزيع ، أداء .. أعمال خالدة ما لقت حظها من النشر . وفي الجانب الآخر أيضاأعمال ركيكة رتيبة لا ترتقي باللزوق السوداني .. سيطرت ولي فترات طويلة علي الساحة وعلي اعلامنا المسموع والمرئي ..
بحاول بكل جهدي أن أنقل واسلط الضوء علي الكتير من الاعمال المختلفة .. والنادر منها . والحمد لله الكثير منها بيأدي الغرض المطلوب ووجودك من ضمن من مروا بهذا العمل المشترك واتفاعلوا معاهو اكبر حافز للمواصلة في الطرح ..
تحياتي وعميق حبي للتواصل.

Post: #17
Title: Re: اهــداء .. تلفون العالم حوّل .. محمد وردي ..
Author: إيمان أحمد
Date: 09-23-2004, 09:41 AM
Parent: #1

تمبس
يجازي جمايلك جَمال!
ويعمر قلبك دايماً
نبهني صديق غالي للبوست والإهداء.

تسلم روحك الغالية، ويسلموا لينا وردي ومحجوب شريف عشان يعلمونا الكتير.
لك ألف وردة وشكرا لكل من مروا من هنا
إيمان

Post: #18
Title: Re: اهــداء .. تلفون العالم حوّل .. محمد وردي ..
Author: منذر نقدالله
Date: 09-23-2004, 11:00 AM
Parent: #17

تمبس لا بلاي
وينك ياحبة ارسل وافتح الخطوط
عمر ماقادرين نلم فيهو
حول

Post: #19
Title: Re: اهــداء .. تلفون العالم حوّل .. محمد وردي ..
Author: Bushra Elfadil
Date: 09-23-2004, 11:16 AM
Parent: #18

شكرا يا تمبس على هذا العمل المفرح . محجوب شريف لا يكتب بالقلم بل يخرج لنا غلالة حرير روحه النقية شعرًاً

Post: #20
Title: Re: اهــداء .. تلفون العالم حوّل .. محمد وردي ..
Author: Kostawi
Date: 09-23-2004, 11:33 AM
Parent: #19

tmbis
يا رائع.
طبعا كانت ليله من أجمل الليالى.
طربنا و حزنا ثم رقصنا و هتفنا.

Post: #40
Title: Re: اهــداء .. تلفون العالم حوّل .. محمد وردي ..
Author: tmbis
Date: 10-02-2004, 06:27 AM
Parent: #20

فعلا يانصر ..
كانت ليلة من أجمل ليالي الاستاذ وردي بتعيد ذكري الاعمال الخالدة للاستاذ في عدن والكويت .. وحفلات الميدان الشرقي بجامعة الخرطوم ..
كان حضوركم جميل .. وحزنكم اجمل ياكوستاوي

Post: #39
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-29-2004, 07:24 AM
Parent: #19


مليون شكر ليك دكتور بشري الفاضل .. ولتوقيعك في سجل الاستاذ محجوب شريف ..

( يبدو أن مياها كثيرة قد مرت من تحت الجسر ونحن لم نلتقي )


من ضمن القصاصات المفرحة الموبوءه بالحميمية ..


وما زلنا في انتظار ما تجود به علينا

شكرا مجددا يا دكتور لمرورك

Post: #38
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-29-2004, 07:06 AM
Parent: #18

منذر ؟؟؟؟
زهجان منك انا ..
حوّل ..


رسلت ليك مليون ايميل ..
حول تاني..

اتصل شان تعرف الحاصل بالتفصيل .. برضو حول


الكلام ده ياخواجه ممكن تقراهو من الشمال لليمين جني وجن الكتابة بالانقليزي بتزهجني

حوووووووووول

Post: #37
Title: Re: اهــداء .. تلفون العالم حوّل .. محمد وردي ..
Author: tmbis
Date: 09-29-2004, 07:00 AM
Parent: #17

ايمــــان أحمد ..
القومه ليك وكل ورود الدنيا وانت تخلقي جو من الالفه .. وتعيدي في ترتيب الفوضي ..
لا اخفي عليك سر .. يا ايمان بوستاتك الاخيرة قمة من الجمال ساهمت بقدر كبير في اعادة التوازن ومحاولة الرجوع للجو الصحي المعافي في البورد ..
اتفق معاي الكتير من الصحاب .. وهم يكنون ليك كل المحبة ..


كوني كما انت .. وما تغيبي
وليك كل محبة الدنيا ...

Post: #21
Title: Re: اهــداء .. تلفون العالم حوّل .. محمد وردي ..
Author: ahmed haneen
Date: 09-24-2004, 12:51 PM
Parent: #1


رائع يا تمبس
وبس
مش عارف اقول حاجة

Post: #22
Title: Re: اهــداء .. تلفون العالم حوّل .. محمد وردي ..
Author: sari_alail
Date: 09-24-2004, 07:25 PM
Parent: #1

Dear tmbs

that party in NYC 2000
i have the tape ]
but iwant to ask is that part one or part two

your
sari_alail

Post: #23
Title: Re: اهــداء .. تلفون العالم حوّل .. محمد وردي ..
Author: ابو جهينة
Date: 09-24-2004, 11:10 PM
Parent: #22

جوال تمبس حول .. علاء منصور في الخط
تحياتي لك يا ود منصور ..
ة تشكر على هذه التحفة

بالله شوف كلام محجوب شريف دة :

Quote: في القرن الواحد
وعشرين
من خير الأرض
الممتد
تنعم أفواه
ومناقير
والحبّه ظلال
وعصافير
والخطوة بتبقى
جماهير
والهمسة بتبقى
هتافات
تتفكك لعب
أطفال
وأسرّة وإسعافات


تسلم علاء

و أنا أهديها بدوري لكل الناس الفي الشتات .. رجالا و نساءا و أطفالا

Post: #28
Title: Re: اهــداء .. تلفون العالم حوّل .. محمد وردي ..
Author: معتصم ود الجمام
Date: 09-25-2004, 02:03 AM
Parent: #23

الجميل جدا
تمبس لك الود
اسمع انا جيت من السودان
لي شهر وشويه طبعا بحمل معاي
ليك اشواق ببو وبعض من شوارع امدرمان الجميله
المهم جبتا معاي حاجات كتيره جميله وعاوزك يوم
على المسنجر عشان نتشار في توصيله ليك
انا هناك عملتا توسيق لتجربة سيف عثمان ود المعهد
كما هناك رحله مصوره فيديو وفي سيدي غنا فيها هشام كمال وسيف وببو
الجيتارست الرائع
لك الحب معتصم
وتشكر خالص على تلفون العالم

Post: #41
Title: Re: اهــداء .. تلفون العالم حوّل .. محمد وردي ..
Author: tmbis
Date: 10-02-2004, 07:45 AM
Parent: #23


حنين ..
اروع من رائع .. كل العمل كلمات ، لحن اداء ، استماع .. وهو دائما وردي


ساري الليل ..
العمل عندي في CD الاغنية تحديدا في نهاية الجزء الأول .. وبداية الجزء الثاني .. لكن بالنسبة لي الفيديو ما متاكد تماما منها ..


ابوجهينة ..
الوووووووووووو ...... ؟؟؟؟؟

؟؟؟؟؟؟
الحاصل شنو بالضبط يااستاذ .. طمنا

Post: #29
Title: Re: اهــداء .. تلفون العالم حوّل .. محمد وردي ..
Author: بلدى يا حبوب
Date: 09-25-2004, 08:05 AM
Parent: #1

تمبس
وبدورى اهديها لك شكرا على اظهار هذا العمل الرائغ
تحياتى

Post: #31
Title: Re: اهــداء .. تلفون العالم حوّل .. محمد وردي ..
Author: Habib_bldo
Date: 09-25-2004, 11:24 PM
Parent: #29


الأستاذ علاء تمبس الرائع
محبتي ليك ما رايحة بلاش
طالما بتتحفنا بمثل هذه الروائع

Post: #34
Title: Re: اهــداء .. تلفون العالم حوّل .. محمد وردي ..
Author: Tumadir
Date: 09-29-2004, 01:21 AM
Parent: #31

Quote: اتغمصي علي راحتك .. بس اديني معاك ..


عارفه انو في شوق ؟؟؟




تمبس انت فى التغمص والشوق ولا فى الدموع؟؟؟

انا بحب الاغنية دى بشكل؟؟ اخرجتها يا تمبس مع اربعه بنات حلوااات وفنانات لما كنت فى السودان وقدمناها فى التلفزيون..غناها لينا الملحن زاتو عباس عمر...لبستهم ازياء فرحانه ...ورسمت ليهم حركة تعبيرية افتكر انها كانت موفقه ...وقعدت مع مخرج التلفزيون اخرجها للتلفزيون شكرالله بالمناسبة ورسمنا حركة الكاميرا ....لمحة لمحة...طلعت جميلة والله

امنيتى فى الدنيا اشوفها تانى...

شكرا شكرا