عـــيدية متأخرة كم يوم ...

إلي كل من عرفتهم بهذه المساحة .. واصبحوا يمثلو لي الكثير ، كل من لم استطع التواصل معهم خلال هذا العيد
جميـــــــــــــــــــــــــــــــــــعكم
وإلي ......................................................... وتاني .........................................

وحلمت عصفورين لذاذ ركــــّن في شجرة
برتكانة
غنن تقول الواطة عيد مالت طرب بي خفه
بانه
وحلمت بي
رشّّت إيدين الفل أريـــــــج ضحكت سعيدة
السيسبانه
واللوحة ابلـــــــغ ما تكون نخلــــــــة بتونّس
سنديانه
حلمت بي
وحلمت إني بحبها ... وبغني ليها وكت تنوم
أو تصحي فيني بحسها
بتحبها؟؟؟
النخلة هي البتعزها
والاّ الحبيبة السنديانة
حلمت بي

العزيز/ علاء تمبس

كل سنة وانت طيب ومعك نحلم بوطن شامخ
كـــــــــــــــــــــل سنة والجميع بخير
ما احلـــــــــــــــــــــــــى اهــــداء

علاء ..سلامات ..مشتاقين ..كل سنة وانت طيب وربنا يحقق كل أمنياتك

بنت النيل ..
مليون سلام وكل سنة وانت طيبة وربنا يحقق كل امانيك ..
وبركه في الشوفه .. وفي العيد الجابك لينا من تاني

العزيز فيصل دوسه ..

وانت اطيب وربنا يحقق كل امانيك .. واماني كل الاحرار بوطن معافي

الولد السمح ... ود البلد ... ولادة السرور ... أخو الأخوان ... عشا البايتات ... تعرف يا تمبس تاني شنو (سمح) وبشبهك؟؟ موية النيل بكل ذلك الجمال والرقة والعذوبة ...

انتظرناك في الشرقية ....
عبرك تحياتي وتهاني العيد لكل الرائعين في الرياض ...

كل سنة وأنت بألف خير تمبس والجاية (عريــــــــــــــــس مجرتك)

العزيز ونادر جدا جدا ..
نادر
كل سنة وانت طيب والقابله علي مزاجك .. وكيف كيفك .
طبعا
من يوم الخميس ومع ظروف الشغل عرفت انو برنامج العيد معاي اكبر مشكلة ممكن تواجهني قررت فقط اني اكون ( كائن بيتي ) الزمن كان ممحوق معاي قسمتو ما بين النوم والخروج ليلاً ( كلوطواط ).
البركة يانادر من حفنة الاصدقاء البيواسوك في محن زي دي ..
برنامج الشرقية قايم وما متنازل عنو في اي لحظة بتلقوني معاكم
تحياتي الشديدة للوالدة واتمني انها تكون بكل خير الدنيا...

يا سلام يا لذيذ يا رايق انت
تمبس يا نسيبي
كنت فين في العيد
بس عيدية رهيبة وممتعة كثر منها
وعيد سعيد وكل سنة وانت

ابو النسب حمزاوي
كل سنو وانت طيب يازعيم ويديك الفي مرادك ..

قاعد ياخ ما مشيت اي مكان .. ابوجهينة ، والخال ، واحمد حنين ، وشدو
والباقي نووووووووم وقرف ..

اتصل علي ضروري جدا عندي وصية ليك من اواخر رمضان ما لامي فيك .. انت عيدت في فينا والا شنو ؟؟

صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 tmbis

ازيك ياعلاء ولا اجد ما اقوله لك سوى خلى بالك من نفسك ولو حببت ان تقابل تلقانى هناك ياملك انت 00
كم ساشتاق اليك هنا00

الحبيب تروتسكي ..

الذكري ..
هي كل ماتجمل ايامنا وما تبقي لنا من متنفس لاستنشاق عبير الاصدقاء

كل لحظة وانت بكل خير .. وايامك كلها اعياد ..



انتظرني بي هناك ..

الحبيب علاء تمبس

كل عام وانت والجميع بخير

ونسأل المولي تحقيق أحلامكم وأمانيكم


المخلص

أحمد الشايقي

العزيز جدا أحمد الشايقي ..
وانت بألف خير وربنا يحقق كل امانيك ..دون استثناء
افتقدتك والجميع في العيد ..

Quote: كل من لم استطع التواصل معهم خلال هذا العيد

مااااا مشكلة نرجى العيد الجاى...

كافى البلا حتى جارى العزيز!!!!!!

لكن برضو كل سنة وانت طيب يا علاء..

على العموم امسك 4595849

تمبس
كنت عارف نسمات العيد بتجيبك
ليك ولود الجبل كل التحايا العاطرة

قمرة وشمس يازول مالي المكانين
جد
سواك وما قبحك من كل نبع
ورد
يا زي منو شبهك فات الشبه
والحد
حتى السمح شفنا وشوف الجميل
مشهد
روح الشروق إنته .. مرق القمر من
خد
دخل الغروب بنته الخد شمس
بالجد
قمرة وشمس يازول مالي المكانين جد سواك وما قبحك
من كل نبع ورد
انا وانت والايام يا ضحكة في
السرمد
يا طلة عز الطل نتلاقي من غير
وعد
باب الفرح يفتح شباك حزن
ينسد.

ودالماحي ..
عامل كيف معاك .. العيد ..؟

جميل الهادي وانت وكل مواسم الاعياد ..

كل سنة وانت طيب

Quote: امسك

ما تمسكني اي حاجه ..

برنامجك كان زي الفل الظاهر لي .. ما تقول لي كنت في البيت ولا في الحاجه البيقولو عليها الرياض دي
يا كمان .. ضارب كعك العيد ما تعمل فيها مجنون وما فاهمني
كل سنة وانت طيب .. وقبل السنة الجاية ( عـــــريس ) قصرت معاك ؟؟؟

عليك الله كان لقيت جارك اسالو قول ليهو العيد كان عامل كيف معانا ..
وبعدين تعال....

انا قاعد اشرح ليك لييه ؟؟
اصلك وليد توفيق ؟؟

تمبس ناثر البهجه

كل سنه وانت طيب والقابله لامى

تهديداتك ديك بوظت اعصابى جدآ، ما تهظر كده تانى

محتاج ليك تساعد فى كيفية نقل الاغانى من كاسيت لي cd ممكن ننسقا بالميل

تحايا يا لطيف

Quote: عـــيدية متأخرة كم يوم ...

ولو برضو مقبوله



ليك وحشه يا وله

اهلين ياابو الرور ..

كل سنة وانت طيبة ..
وما تشوفيش وحش وااااصل

يعني تاني الواحد ينزل الاغاني ولنكات الحفظ برضو والا شنو ؟؟
عارفه
في واحد ثقيل جدا هو ما ثقيل خالص
مزرزرني بي حكاية لنكات الحفظ دي .. قلت ليهو
( ابيت )
الا بطلب رسمي من الجندرية ..
يا كمان
راوية تخدمك
رايك شنو ؟؟ انا رافع يدي غايتو ومستمتع بي ساديتي تجاهو لانو بستاهل

عصام .. وينك يامنقه
والله بفتش ليك بالفتاشة
كل سنة وانت طيب

برنامج النقل والتحويل ده ساهل جدا .. برسل ليك يا ترسل لي يا تجيني الماسينجر علشان الشرح يكون سريع وعملي وطوالي

يعني افهم انو زوغتك دي كلها ( هيروشيما مني ؟؟ )

اها اذا بقيت داخل الماسينجر اديني رسالة سريعةعلشان ادخل ليك
اتفقنا يامواطن ؟؟
في انتظار رسالتك

أخونا تمبس / كل سنة وانت طيب وكل عام وانت بألف خير وانشاء الله العاقبة شملك ملموم فرد كوم ،،،،

معليش متاخرة بس انا اصلي كدي دايما متاخر ،،،،

محتاج ليك كمان في استشارة فنية يعني وكان اديتني رقمك انشاء الله بتصل عليك يا جميل ،،

وشكرا علي العيدية رغم اني ما سمعتها بس مادام منك اكيد انها عيدية جميلة باحساسك

اخووك شروووم

الصديق الغالي

علاء


كل سنة وانت طيب

والجاية زي ما عايز





قرجة

الحبيب إلي نفسي قرجة
كل سنة وانت طيب ويحقق امانيك ، وصلتني رسالتك الانيقة وكانت احلي عيديه في اليوم داك
( بوساتي ) للامورة الصغيرة وربنا يحفظه..

شرووووووووم
ملموم فرد كوم دي خبطه اعلامية قديمة جدا زي تصريحات ( نانسي عجرم ) الاخيرة مع اني ما عارفه قالت شنو بس حساده مني ساكت
كل سنة وانت طيب يا شرووم..اتوقعتك في ( الكيته ) بتاعت رمضان ما ظهرت برضو العيد الجاب الناس لينا ما جابك .. يا جيت متأخر زي جيتك دي
0502432079 ده الرقم .. اي لحظة تهف ليك ان شاء الله الساعه 100
علي الاقل نسمع صوتك عامل كيف بعد رمضان

[IMG][IMG]

كل سنه وانت طيب ياتمبس

وربنا يحقق ليك وللاسرة الكريمة كل الامنيات..



نوف

كل سنة وانت بكل خير والعيد الجاية تتحقق كل

الامنيات والامانى الحلوة ونكون كلنا فى بلد المليون ميل سالمين امنين ، امين

العيدية موصولة عبر هذا البوست الرائع الى المتالق دوما صلاح شتات

وحبيب الكل معتصم والمناضل دوسة واحمد حنين الصامد ابدا وكل العقد الفريد بالبورد 0

تمبس السمح....نحن عيدنا هنا انت عيدت كيف؟؟؟
ليكم وحشة يا اولاد الهرمة....ود وراق ما زال بالدويم والى الان لم
يشبع جبنة وسوف نتلم كلنا يوم الجمعة الجاية وانشاء الله لمت
حبيبك...وسوف تفنقدكم...نحيانى لكل (الاوغاد) اقصد الاولاد
ودقاسم حمزاوى وليد399 معتصم شتات ود الشيخ ابوجهينة ترهاقا
ولياب البعيو حبيب بلدو وليد هانى ميادة الصادق خليفة حنين
ويا تمبوس السودان منقة بس....والبتاع من العباسية رخيص ومتوفر
بكميات تجارية...والبلوم فى فرعو غنى؛؛؛؛؛؛
لكم الود اجمعين........

تمبس ما تنسى نصار الحاج وقرنفل وديموكراسى

انــااكل شعيرية سكره كتير ياموووووووج يرضيك ؟؟
عرفنا انو معدلات اسعار الاقاشي في العباسية وصلت السماء .. اما بالنسبة للبتاع ،، فابشرك اننا بصدد زرع شجر من الباسطة لمقاومة التصحر لانو الرياض بدت تمطر والشتاء علي الابواب
والحاجه التانية فاتتك احلي لمه في رمضان وانا اكتر واحد فقدتك طبعا بالرغم من انو الخال قال فيك خطبة عصماء .. انا قلت الخال ده بعد شوية يشيل ليهو سيف ويقفل شارع اسواق بن دايل بي فوق
عملنا منتدي ( افتراضي ) خالص في سكن معتصم ، الجديد وقام المدعو ( دكين ) بتعليق جريدة حائطية زي بتاعت الابتدائي بعد تخصيص مساحة حرة للجميع ليمارس فيها اسقاطاته بحرية تامة مخصصة ليك مساحة معانا الكويس في الجريدة دي أنو ما فيها دفع اشتراكات .. والاجمل من كده انو في فكرة من دكين أنو معتصم يقوم بطابعة نسخة مفتاح لكل عضو انا ح اعمل ليك نسخة علي حسابي
اسماعيل وراق قول ليهو كتر لينا من الجبنة والفسيخ وتحياتك لي كل اشباب بنوصله يا مووووج وكل سنة وانت طيب
لكن الظاهر لي ما جاي تاني مش ؟؟

Quote: وقام المدعو ( دكين ) بتعليق جريدة حائطية زي بتاعت الابتدائي

تمبو

حكوا لي بحكايه الجريده دي

لاقيت دكين قلت ليهو لو مزنوق ليك في كتابه تعال البورد رقبتنا سداده

من العين دي قبل العين دي

لكن لسه مزرقن قال فاضل ليهو سبعه شهور

الغريبه لابنقصوا لا بزيدوا


لوووووول

Quote: لاقيت دكين قلت ليهو لو مزنوق ليك في كتابه تعال البورد رقبتنا سداده

ده بتزنق ؟؟
كان التزنق الباقي بتمو موية
طبعا ماسك يدو من الكتابة وشغال وصف بس لمن سخنت معاهو .. نجر الجريدة اللذيذة دي
والله بقترح انك تشوفيها بنتصرف ليك غايتو
وممكن نعمل ليك عمووووود معانا
بس كان عترت ليك حاجات في الجريدة دي علي مسوؤليتك ومسؤولية رئيس التحرير لووووووووووووووووول

بالمناسبه حقي ثابت بالشفعه

ياخ كنا متابعين معاكم

بس جهازي فيهو مشكله يا تمبو بالمناسبه

عملت ليهو تحميل للويندو من اول وجديد لكن بيقول لي مافي سي دي او ماقادر يقرا السي دى

وما عارفه اعمل شنو

Quote: بالمناسبه حقي ثابت بالشفعه

ما عندك اي مشكلة .. بس جيبي معاك طوبتك ..باعتبار انك جكاسية واحده بس

اها حكاية أنو السي دي ما راضي يتقري ليك حاولي اعملي System Restore واذا ما ظبط معاك ادخلي علي الـ Device Manager في الـ System وشوفي السي دي روم لونه شنو كان لقيتيها اصفر .. معناته موضوعه مستحمي محتاج تعريف من جديد يا كمان تكون انفصلت فيهو اي توصيلة داخلية مع المظر بورد ..
انتي ضربتي بيهو شنو البتاع ده ؟؟؟
كان ما اتحلت رسلي لي .. انا حسع طالع
او نتلاقي الصباح

حبيبنا شــدو
كل عام وانت بخير وشكرا للحظات الجميلة وكرمك الفياض
اتمني مرور شتات ومعتصم وحنين بهذا البوست لبادلوك التهاني
واتمني ان تتحقق كل الاماني بعودة الامن والسلام في كل شبر وكل مساحة شكنها سبح الموت والدمار وعاست فيها ايادي الخونة دمار وسلب وقتل وتدمير..
تحياتي عبرك للاسرة الكريمة

نـــوف
كل سنة وانت طيبة والقابله زي ما عايزه
ليك
تحيات الاسرة والتمنيات الطيبة
ان شاء الله الهــادي حامد ده يكون ظابط معاك

وانت بخير
وجعل كل ايامك اعياد

كل سنة وانت طيب يا استاذ صلاح شرنوبي وربنا يحقق كل امنياتك

وانت طيب يا تمبس ، بس الزول ده منو ؟؟؟

ما قال ليك قمرة وشمش ياتاج
يعني لازم الزول ده تجيب سيرتو ؟؟؟
كل سنة وانت طيب والسنة الجاية ان شاء الله نشيل اي كاس

تمبو الغالي..

عيد سعيد عليك وعلى كل الحواليك..





تخريمة: انا طالباك عيدية متأخرة كمان في بوست أوقات للقلب..

أغنية: I'll always love u للرائعة ويتني هيوستن..

بلاي يارجــاء جاية بالليل خالص
وعاشر يوم في العيد وتقولي لي كل سنة وانت طيب ؟؟
مع انها متأخرة بس مقبولة منك
I'll always love u
البوست ده شايفو بس الايامات دي يارجاء اللياقات تعبانه من رمضان وتعبو اديها صنة
وبتلقي كل حاجه تمام
وفي حاجات تانية كمان بتستاهل بوست كامل

تمبس كل سنة وأنت طيب
وربنا يحقق الأماني
والعيد مبارك على كل البورداب

كبسيبة..
حمد الله علي السلامة ياظلامي فاقدنك والله
كل سنة وانت طيب .. والجاية زي ما عايز

Save@Pc

عزيزي علاء
مقبولة منك مهما تأخر الميعاد

واللوحة ابلـــــــغ ما تكون نخلــــــــة بتونّس
سنديانه

تخيل هذا المنظر