*** رودا الحــــــــــــــــــاج ..

*** رودا الحــــــــــــــــــاج ..


28-11-2004, 11:38 PM


  » http://sudaneseonline.com/cgi-bin/sdb/2bb.cgi?seq=msg&board=121&msg=1138465162&rn=0


Post: #1
Title: *** رودا الحــــــــــــــــــاج ..
Author: tmbis
Date: 28-11-2004, 11:38 PM



اليوم دعنا نتفق
لا فرق عندك أن بقينا أو مضيت
لا فرق عندك أن ضحكنا هكذا كذبا وإن وحدي
بكيت
فأنا تركت أحبتي ولديك أحباب
وبيت
وأنا هجرت مدينتي وإليك يا بعضي
اتيت
وأنا اعتذرت الناس والطرقات والدنيا
فما انفقت لي من أجل ان نبقي وماذا ..
قد جنيت
وانا وهبتك مهجتي جهرا فهل سرا
نويت
....
اليوم دعنا نتفق ..دعني أوقع عنك ميثاق الرحيل
مرني بشي مستحيل
قل لي شروطك كلها
إلا التي فيها
قضيت
إن قلت أو إن لم تقل ..انا قد مضيت


Post: #2
Title: Re: *** رودا الحــــــــــــــــــاج ..
Author: ابو جهينة
Date: 29-11-2004, 00:15 AM
Parent: #1

يديك العافية يا تمبس.. كلام جميل جدا ..

Post: #6
Title: Re: *** رودا الحــــــــــــــــــاج ..
Author: tmbis
Date: 29-11-2004, 01:01 AM
Parent: #2


جميل وبسيط يا ابوجهينة.. كل مقطع عبارة عن غيبوبةطبعا قاصد المجربين الحكاية دي .
يعدين لاحظ الالقاء .. السهولة في توصيل الفكرة ..
اكيد يا استاذ سرحت معاها

Post: #3
Title: Re: *** رودا الحــــــــــــــــــاج ..
Author: بحر سماحه
Date: 29-11-2004, 00:21 AM
Parent: #1

العزيز timbs
بالأمس تابعت المقطع حيا
ولكن التساؤل ما المقصد
وهل هو أعلان انفصال
أم ماذا ؟؟؟

Post: #16
Title: Re: *** رودا الحــــــــــــــــــاج ..
Author: tmbis
Date: 30-11-2004, 00:10 AM
Parent: #3


بحر سماحة ..
تعرف انا لي فترة ببحث عن اي عمل صوتي لي استاذة روضة الحاج ..
ودائما حظي تعيس جدا
بدون مقدمات لقيت العمل ده قدامي علي التلفزيون وبالصدفة خزنتو في الحال وكنت سعيد جدا .. ومستمتع ..

هوفعلا اعلان انفصال .. لكن من النادر أنو يكون الانفصال بالطريقة الجميلة دي .. دي معناته انفصلت من الدنيا كلها.. الا هو..وبرغم الانفصال المعلن

Post: #4
Title: Re: *** رودا الحــــــــــــــــــاج ..
Author: حمزاوي
Date: 29-11-2004, 00:23 AM
Parent: #1

رهيب يا تمبس يا نسيبي
رهيب والله رهيب
الله يبارك فيك

Post: #5
Title: Re: *** رودا الحــــــــــــــــــاج ..
Author: زول ساكت
Date: 29-11-2004, 00:49 AM
Parent: #4

روضه ياتمبس روضه

شكراً كتير على نقل هذا الجمال

Post: #7
Title: Re: *** رودا الحــــــــــــــــــاج ..
Author: Sidig Rahama Elnour
Date: 29-11-2004, 01:12 AM
Parent: #5

تمبس العزيز
روضة الحاج هي بنت مدينتنا كسلا ،،، ودفعة بالفرع
ورغم أنتمائها السياسي إلا انها شاعرة مكتملة تاخذك غصباً عنك الى تذوق معاني الكلمة
خذ مقطعاً منها اذا أحببت
أحتجت أن القاك ،،، حين تربع الشوق المسافر وأستــراح
وطفت أبحث عنك في مدن المنافي السافرات بلا جنــــــاح
كان إحتياجي أن تضمخ حولي الأرجاء ،،، يا عطراً يزاور في الصباح
أن تجيّ اليّ مسبحاً ،،، تخفف وطأة الترحال أن جاء الــــــــرواح
وعجبت عجبت (كيف يكون إرتحالي لربعٍ بعد ربعك ؟ في زمانٍ يا ربيـع العمـر لاح )
كيف إنعتاقي ؟ كيف يا وجع القصائد في دمي ؟ والصبر منذ الأن غــــــــــادرني وراح
إحتاجك الفرح الذي يغتال في توجسي ويمنحني بريقاً لونه لون الحياة وطعمه طعم النجاح

Post: #19
Title: Re: *** رودا الحــــــــــــــــــاج ..
Author: tmbis
Date: 30-11-2004, 00:52 AM
Parent: #7

أحتجت أن القاك ،،، حين تربع الشوق المسافر وأستــراح
وطفت أبحث عنك في مدن المنافي السافرات بلا جنــــــاح
كان إحتياجي أن تضمخ حولي الأرجاء ،،، يا عطراً يزاور في الصباح
أن تجيّ اليّ مسبحاً ،،، تخفف وطأة الترحال أن جاء الــــــــرواح
وعجبت عجبت (كيف يكون إرتحالي لربعٍ بعد ربعك ؟ في زمانٍ يا ربيـع العمـر لاح )
كيف إنعتاقي ؟ كيف يا وجع القصائد في دمي ؟ والصبر منذ الأن غــــــــــادرني وراح
إحتاجك الفرح الذي يغتال في توجسي ويمنحني بريقاً لونه لون الحياة وطعمه طعم النجاح

صديقي صديق ..
ما اجمل كلمات روضة واصدقها.. من اقصي نواحي القلب ..
Quote: كسلا
مدينة في خاطري ..وإن لم ازورها.. جادت بالحلنقي ومن بساتينها بروضة الحــاج ..
دعنا نتفق معها كلمات نقيه صادقة .. ونختلف في الانتماء بنفس النقاء..

Post: #18
Title: Re: *** رودا الحــــــــــــــــــاج ..
Author: tmbis
Date: 30-11-2004, 00:18 AM
Parent: #5


زول ساكت ..

والله منور بشكل ..وبركة في الشوفه
حمد الله علي السلامة هنا وهناك ..

وهنئا للاشياء الجميلة بيك لما توصلك ..

Post: #17
Title: Re: *** رودا الحــــــــــــــــــاج ..
Author: tmbis
Date: 30-11-2004, 00:13 AM
Parent: #4


ابو النسب حمزاوي ..
ان شاء الله طوالي تداوم علي الاستمتاع بالحاجات الجميلة دي ..
وزي ما قلت ليك اامر بس ..

Post: #8
Title: Re: *** رودا الحــــــــــــــــــاج ..
Author: abas
Date: 29-11-2004, 01:20 AM
Parent: #1

اليوم دعنا نتفق
لا فرق عندك أن بقينا أو مضيت
[ لا فرق عندك أن ضحكنا هكذا كذبا وإن وحدي
بكيت ]
[ فأنا تركت أحبتي ولديك أحباب
وبيت ]
وأنا هجرت مدينتي وإليك يا بعضي
اتيت
وأنا اعتذرت الناس والطرقات والدنيا
فما انفقت لي من أجل ان نبقي وماذا ..
قد جنيت
[وانا وهبتك مهجتي جهرا فهل سرا
نويت ]
....
اليوم دعنا نتفق ..دعني أوقع عنك ميثاق الرحيل
مرني بشي مستحيل
قل لي شروطك كلها
إلا التي فيها
قضيت
[إن قلت أو لم تقل ..انا قد مضيت ]


والله ده العزاب زاتووووووووووو

والجرسه

والشاكوووووووووووووووووش

Post: #10
Title: Re: *** رودا الحــــــــــــــــــاج ..
Author: فضيلي جماع
Date: 29-11-2004, 03:04 AM
Parent: #8

يسعدني أن أتاح لنا المنبر الحر فرصة مطالعة هذه القصيدة الرائعة للشاعرة روضة الحاج..وزاد سعادتي متابعتي للإلقاء الذي تكرم "تمبس" بنقله صورة حية من برنامج تليفزيوني فيما يبدو. إنّ أكثر ما يشدني إلى شعر روضة -الذي أتابع مقتطفات منه هنا وهناك- مقدرتها اللغوية وامتلاكها لناصية العروض. صحيح أنّ بعض أصداء المحدثين من الشعراء العرب تطفو على كتابتهابين حين وآخر ‘ لكن منّا يدعي الإجادة والتفرد دون التزود من خبرة من سبقوه؟ كلنا رضعنا من معين من سبقونا وما نزال.

الشاعرة روضة الحاج من الأصوات القوية في الجملة الشعرية الجديدة في بلادنا. وقد لفتت انتباهي منذ أمد ليس بالقصير‘ وأحسب أنها سترفد الساحة بعطاء متفرد وجديد‘ لا يخالجني في ذلك أدنى شك.

موقعهافي الخارطة السياسية؟ لم أشغل نفسي كثيرأ بهذا الأمر وأنا أنتهز أي فرصة لأستمع أو أقرأ قصيدة لها‘ طالماأنني - حتى كتابة هذه السطور - لم أقرأ لها شيئاً تلبس فيه قناع المخبر السياسي أو المادح في بلاط الحاكم. ولو جاز لي أن أتوجه بنصح من أحب فيها هذا العطاء الراقي فإنني أقول لها: سخري غناءك لشعبك في عصرالشعوب‘ وما التقى الشاعر والسلطة إلا وكان جواد السلطة هو الرابح وكان الشاعر هو الخاسر الأكبر. كوني أنت في مملكتك ‘ فهذه أنظمة لا تستحق غير الصفع.

وإلى الإخوة والأخوات روّاد هذا المنبر: لا تحاكموا أياً كان بصبغته السياسية ما دام ذاك خياره وما دام يثري الساحة دون تغول على حق الآخرين أو محاولة عزلهم. تذهب الأيديولوجيا وتبقى الكلمة الحرة شامخة أبية. ويا روضة سجلي أنني من معجبي شعرك.

Post: #22
Title: Re: *** رودا الحــــــــــــــــــاج ..
Author: tmbis
Date: 30-11-2004, 01:03 PM
Parent: #10


استاذي واستاذ الأجيال فضيلي جماع ..
جميل أن نلتقيك هنا في هذه المساحة .. ومن معك من اساتذه كنا نقرأهم حروف علي ورق نحلم ان نلتقيهم يوما حتي في الطرقات..
نقلت هذا اللقاء الحي للاستاذه روضة الحاج بمحض الصدفة ..وكنت اتابع من البعد تجربتها وتفردها عن من هم في الساحة برصين الكلام والاداء المتقن والحضور العالي ..


Quote: وإلى الإخوة والأخوات روّاد هذا المنبر: لا تحاكموا أياً كان بصبغته السياسية ما دام ذاك خياره وما دام يثري الساحة دون تغول على حق الآخرين أو محاولة عزلهم. تذهب الأيديولوجيا وتبقى الكلمة الحرة شامخة أبية. ويا روضة سجلي أنني من معجبي شعرك.

هذه رسالتك واضحة يا استاذنابما فيها من تواضع العلماء .. اتمني أن تكون ميثاق ينظم حتي نهج خلافاتنا .. واتمني أن نري روضة كما نتمني
شكرا استاذي مجددا لوجودك معنا

Post: #20
Title: Re: *** رودا الحــــــــــــــــــاج ..
Author: tmbis
Date: 30-11-2004, 01:02 AM
Parent: #8

اليوم دعنا نتفق
لا فرق عندك أن بقينا أو مضيت
لا فرق عندك أن ضحكنا هكذا كذبا وإن وحدي
بكيت
فأنا تركت أحبتي ولديك أحباب
وبيت
وأنا هجرت مدينتي وإليك يا بعضي
اتيت
وأنا اعتذرت الناس والطرقات والدنيا
فما انفقت لي من أجل ان نبقي وماذا ..
قد جنيت
وانا وهبتك مهجتي جهرا فهل سرا
نويت
....
اليوم دعنا نتفق ..دعني أوقع عنك ميثاق الرحيل
مرني بشي مستحيل
قل لي شروطك كلها
إلا التي فيها
قضيت
إن قلت أوإن لم تقل ..انا قد مضيت

عباس ..
الله في ..

Post: #9
Title: Re: *** رودا الحــــــــــــــــــاج ..
Author: الصادق خليفة
Date: 29-11-2004, 02:47 AM
Parent: #1

تمبس : كيفك

خلصت لي الموضوع ولا لسع

بالله عليك روضه الحاج ده نزلها على برنامج ثاني ريل بلير او امكن ذلك ويندوز مديا يعمل لدي ولكن متقطع

Post: #23
Title: Re: *** رودا الحــــــــــــــــــاج ..
Author: tmbis
Date: 30-11-2004, 02:57 PM
Parent: #9


الصادق خليفـــة ..

لســع .. ومعاها معليش كبيرة جدا .. بكره ان شاء الله كل شي تمام ..اتصل علي الصباح ضروووووري جدا في تفاصيل ناقصة ..
وبعدين مسالة البرنامج دي محلولة مع انو مفترض يشتغل معاك طوالي الملف لانو الميديا بلير ده اسهل برنامج لانو بنزل ليك علي الوندوز طوالي .. بس حاول اعمل ابديت ..
يا كمان اديها طلة .. اديك البرنامج بيريحك شديد ..

Post: #11
Title: Re: *** رودا الحــــــــــــــــــاج ..
Author: Mahmoud Mustafa Mahmoud
Date: 29-11-2004, 03:47 AM
Parent: #1

تمبس يا فنان يا ذواق... يديك العافية
ملاحظة بالنسبة للنص... في آخر سطر:
باقي لي زي أشتر شوية كدا من ناحية موسيقى... وعلى الرغم من إني ما عارف النص الصحيح شنو لكن يتخيل ناقص ليهو (إن) ... شفت إن دي،،، تجيب ليك كثافة الموسيقى طوالي.. وكدي جرب أقراها بالطريقة دي بالله:

إن قلت أو (إن) لم تقل .... أنا قد مضيت..
لي قدام

Post: #24
Title: Re: *** رودا الحــــــــــــــــــاج ..
Author: tmbis
Date: 30-11-2004, 03:17 PM
Parent: #11


Mahmoud Mustafa Mahmoud

اهلين يا محمود..
فعلا اشتر شديد جدا .. طبعا انا اعتمدت علي السمع من القصيدة .. وكتبتها بره ونسقتها وفي التنسيق ده الظاهر لي قامت الـ ( إن ) راحت فيها .. ليك العتبه وللاستاذه روضة ..
اها شوفه بعد التعديل ..

والشي التاني ..
مرحبيك شديد .. في البورد...
تشرب حاجه والا نخليها المرة الجاية ؟؟

Post: #12
Title: Re: *** رودا الحــــــــــــــــــاج ..
Author: Mahmoud Mustafa Mahmoud
Date: 29-11-2004, 03:51 AM
Parent: #1

تمبس يا فنان ي

Post: #13
Title: Re: *** رودا الحــــــــــــــــــاج ..
Author: Mahmoud Mustafa Mahmoud
Date: 29-11-2004, 03:52 AM
Parent: #1

تمبس يا فنان ي

Post: #14
Title: Re: *** رودا الحــــــــــــــــــاج ..
Author: حبيب نورة
Date: 29-11-2004, 02:06 PM
Parent: #13

تمبس يا مصيبة
هسة عليك الله قصايد روضة الحاج دي كلها ما لقيت واحدة تجيبها غير دي
يعني دة أعتبرو تضامن مع البنت... الحريقة
انا شامي ريحة مناخ الاراضي المنخفضة في البوست المصيبة دة
خلاس ما مشكلة و أنكأ عميقات الجراح كلها
انشاء الله ما بِرت ياخ
و اليوم دعنا نتفق يا تمبس
الحصل حصل
وانا مقيّل في البوست دة ممكن تكون نورة في نص الدرب
جواة الحروف برضو مقيّلة و بايتة

Post: #15
Title: Re: *** رودا الحــــــــــــــــــاج ..
Author: Dr. Moiz Bakhiet
Date: 29-11-2004, 02:21 PM
Parent: #14


روضة الحاج
صوت شاعري جميل وإذاعية متمكنة أرجو ألا يهزمها الإنتماء و تغطيها شمس الظلال عند الغروب.
لتبق يا روضة امرأة تمنح المطر عافية السحاب وتهب الأرض حدائق الأصيل والعبق..

شكراً تمبس على منحنا مناخ الأراضي المنخفضة كما قال الحبيب «حبيب نورة» وهو حافي الجراح ومثقل بالنوى.. والعمق.. والصباح ........


Post: #26
Title: Re: *** رودا الحــــــــــــــــــاج ..
Author: tmbis
Date: 30-11-2004, 04:02 PM
Parent: #15



Quote: صوت شاعري جميل وإذاعية متمكنة أرجو ألا يهزمها الإنتماء و تغطيها شمس الظلال عند الغروب.
لتبق يا روضة امرأة تمنح المطر عافية السحاب وتهب الأرض حدائق الأصيل والعبق..


دكـــتور المعز ..
نجم آخر في سماء حقيقة روضة .. لتمنحنا مزيدا من الصحو ..وكل الحقيقة ..

نورت الروضة يا د.

Post: #25
Title: Re: *** رودا الحــــــــــــــــــاج ..
Author: tmbis
Date: 30-11-2004, 03:39 PM
Parent: #14


حبيب الغالية ..
والله تتخيل أنو دي القصيدة الوحيده القاعد افتش ليها من سنين .. ولي حظك العامل كده زي حظي ده تقوم تقع فيك ..
يعني متفقين مقدما.. وفي شوية تضامن ..بس من غير بيعه معلنه..

وبعدين داير اقولليك حاجه ..
الاراضي المنخفضة ديك ياحليلة .. بقت مزروعة ( ضريسه ) مرات مرات بيغشاها همبريب ..بس ما قاعد اعتمد عليهو شديد..
طبعا عارف اخوك عامل كيف .. مش كده؟؟

Post: #21
Title: Re: *** رودا الحــــــــــــــــــاج ..
Author: Salwa Seyam
Date: 30-11-2004, 02:47 AM
Parent: #1

Quote: سخري غناءك لشعبك في عصرالشعوب‘ وما التقى الشاعر والسلطة إلا وكان جواد السلطة

هوالرابح وكان الشاعر هو الخاسر الأكبر. كوني أنت في مملكتك ‘ فهذه أنظمة لا تستحق غيرالصفع.



شكرا يا استاذ فضيلي علي كلماتك القوية.

شكرا يا تمبس علي اتاحة الفرصة للسمع.

Post: #27
Title: Re: *** رودا الحــــــــــــــــــاج ..
Author: tmbis
Date: 30-11-2004, 04:26 PM
Parent: #21


شكرا يااستاذه سلوي لمرورك من هنا ..

Post: #28
Title: Re: *** رودا الحــــــــــــــــــاج ..
Author: AlRa7mabi
Date: 01-12-2004, 08:44 AM
Parent: #1

روضة .. شاعرة ملهمة .. يتدفق الكلم الرطب من بين ثناياها نثراً ونظماً .. هيناً .. ليناً .. ناعماً .. هامساً .. ينفذ الي حيث مبتغاه ..

تمبس يا صائد الدرر ..

رحمابي

Post: #29
Title: Re: *** رودا الحــــــــــــــــــاج ..
Author: tmbis
Date: 02-12-2004, 00:35 AM
Parent: #28


Quote: روضة .. شاعرة ملهمة .. يتدفق الكلم الرطب من بين ثناياها نثراً ونظماً .. هيناً .. ليناً .. ناعماً .. هامساً .. ينفذ الي حيث مبتغاه ..


منور ياسيد الاسم ..
وزاهية الروضة بي طلتك البقينا نشوفه في السنة مرة

Post: #30
Title: Re: *** رودا الحــــــــــــــــــاج ..
Author: ولياب
Date: 02-12-2004, 01:04 AM
Parent: #29

رائعة أنت يا روضة ،،، رائعة في كلماتك وفي حروفك وفي القاءك ،،، رائعة أنت في أي أنواع والوان الطيف السياسي ،،، رائعة أنت يا روضة . لا يهمنا شئ ،،، سواء أنك رائعــــــــــــــة

ورائع أنت يا تمبــــــــــــس ،،، يا جالب الروائع ،،،


Post: #33
Title: Re: *** رودا الحــــــــــــــــــاج ..
Author: tmbis
Date: 03-12-2004, 09:49 AM
Parent: #30


وليــــاب ..
سلامات .. وليك وحشه بقينا ما بنشوفك ..

متفق معاك في كل كلامك .. بقي بس نفرق بين التفاصيل والاختلاف والاتفاق دائما متوازيات مع بعض ..من بداية الكون..

Post: #31
Title: Re: *** رودا الحــــــــــــــــــاج ..
Author: خال فاطمة
Date: 02-12-2004, 01:36 AM
Parent: #1

Quote: فما انفقت لي من أجل ان نبقي وماذا ..
عمــــــــــــــري ...

Quote: إن قلت أو إن لم تقل ..انا قد مضيت
امضي وعين الله ترعاكي ..... واتركيني للذكرى ( تذكار عزيز قلبي شايو آسى وجراح )...


روضة .. شاعرة مجيده تلمس الواقع المعاش .. وتترجمه لشعر جيد .. كما قال: أديبنا فضيلي ( ننظر في الكلام المنظوم .. مع غض النظر اتفقنا أو اختلفنا مع الشاعر سياسياً ) .. ( نتعلم من .. المحجوب و زروق .. اسدان في البرلمان .. وحبيبان خارجه )

تمبــــــــــــس .. رائع .. ورائع .. ورائع .. بالتلاته ..

Post: #32
Title: Re: *** رودا الحــــــــــــــــــاج ..
Author: حبيب نورة
Date: 02-12-2004, 06:12 AM
Parent: #31

up

Post: #34
Title: Re: *** رودا الحــــــــــــــــــاج ..
Author: تولوس
Date: 03-12-2004, 10:21 AM
Parent: #32

الحبيب تمبس
سلام يافردة وكل الشوق
ودائما مبدع

تحياتي للاخت الاستاذة روضة الحاج وشكرا للرائع دوما الاستاذ فضيلي جماع
Quote: مدينة في خاطري ..وإن لم ازورها.. جادت بالحلنقي ومن بساتينها بروضة الحــاج ..
دعنا نتفق معها كلمات نقيه صادقة .. ونختلف في الانتماء بنفس النقاء..

ويافردة ظبطت ليك اسطوانة اثيوبي حلوة جدا انشالله تعجبك

Post: #35
Title: Re: *** رودا الحــــــــــــــــــاج ..
Author: هاشم نوريت
Date: 03-12-2004, 10:24 AM
Parent: #34

Tmbis
Dabaywa
ya 3assl

Post: #40
Title: Re: *** رودا الحــــــــــــــــــاج ..
Author: tmbis
Date: 03-12-2004, 10:48 AM
Parent: #35



هــاشم نوريت
( لبابوا ) .. بتنفع هنا الكلمة دي والا كيف

غايتو انا مشتاق ليك اكتر منك ..لكن ما شديد

Post: #39
Title: Re: *** رودا الحــــــــــــــــــاج ..
Author: tmbis
Date: 03-12-2004, 10:42 AM
Parent: #34


تولوس ؟؟؟
مشتاقين اول حاجه ..

انت ما عايز تجي مش ؟؟
Quote: ويافردة ظبطت ليك اسطوانة اثيوبي حلوة جدا انشالله تعجبك

جيب الحاجات دي معاك وما تنسي لي محمد البدري ..

وتعال بكره الصباح عازمك حاجة حلوة

Post: #37
Title: Re: *** رودا الحــــــــــــــــــاج ..
Author: tmbis
Date: 03-12-2004, 10:38 AM
Parent: #32


حبيب نورة .
لسه قاعد؟؟

7up

Post: #36
Title: Re: *** رودا الحــــــــــــــــــاج ..
Author: tmbis
Date: 03-12-2004, 10:34 AM
Parent: #31


خــال فاطنه..

قبضتك ..
بركه في الشوفه..

Quote: بالتلاته

وتلاتة وتليتين مني لي رودا الحــاج ..الجابتك

Post: #43
Title: Re: *** رودا الحــــــــــــــــــاج ..
Author: خال فاطمة
Date: 03-12-2004, 11:06 AM
Parent: #36

Quote: خــال فاطنه..
قبضتك ..
بركه في الشوفه..
Quote: بالتلاته
وتلاتة وتليتين مني لي رودا الحــاج ..الجابتك

يعني اسديت .. حقك .. تذكر .. بوست .. أغنية .. متألم معاك .. للخالدي ( في سودانيات العملاقة)..
عملت ليك مصيدة ... بالخالدي .. والحين تردها لي بروضه ..

يا حلـــــــــ ـــــــــو...


Post: #46
Title: Re: *** رودا الحــــــــــــــــــاج ..
Author: tmbis
Date: 05-12-2004, 00:18 AM
Parent: #43

Quote: يعني اسديت .. حقك .. تذكر .. بوست .. أغنية .. متألم معاك .. للخالدي ( في سودانيات العملاقة)..
عملت ليك مصيدة ... بالخالدي .. والحين تردها لي بروضه ..


لســه يا خال فاطنه .. تاني ملف ( بمبان )من روضة حتي بعدداك افكك

Post: #38
Title: Re: *** رودا الحــــــــــــــــــاج ..
Author: مريم بنت الحسين
Date: 03-12-2004, 10:39 AM
Parent: #1

واااااااااااااااااااااااي يا تمبس بالغته عديل كده.. والله بكيت ...



ما شاكوش والله... بس الزولة دي من شدة ما شاعره.. لما بتوصل الاحساس لي جوووووووه.. وتخليهو هناك... يا زول هوي ما تشيل حالي.. قلنا تأثرنا..


بنت الحسين

Post: #41
Title: Re: *** رودا الحــــــــــــــــــاج ..
Author: tmbis
Date: 03-12-2004, 10:55 AM
Parent: #38



مريم ..
ياخ في رئيسة بتبكي ..

طبعا قريت ردك الأول ..قبل التعديل ..ورديت لي رد وجيت لقيتك عدلتيهو ..
والله عايز اقول ليك راسك فيهو كم ( غرزة )
..
لكن بي صراحة انا ما ماثرة معاي .. كلامه ده كلو ما حارقني ولا حاجه

لكن لما اجي ادخل البوست ده ..قاعد اقفل الصووووووت شان ما اسمع

Post: #42
Title: Re: *** رودا الحــــــــــــــــــاج ..
Author: مريم بنت الحسين
Date: 03-12-2004, 11:03 AM
Parent: #1

عاد ما بسألك يا تمبس... ياخ انت مالك ومال التعديل بتاع كلامي.. بركه اللحقتك.. عرفتك حتكتب ليك شي مشاتر

بنت الحسين

Post: #44
Title: Re: *** رودا الحــــــــــــــــــاج ..
Author: حبيب نورة
Date: 03-12-2004, 11:14 AM
Parent: #42

تمبس
صراحة كدة انا بطالب انو البوست دة
يودوهو الأرشيف طوالي
يا أخوي ما بنقدر علي التلتلة و البهدلة دي
ما زماااااااااان قلنا نسينا
جايي تاني تسأل عني ليه!!!
ما خلاص ريد و أنتهي و طول عمري ما بسأل عليه
في ستّين ياخ ::

Post: #48
Title: Re: *** رودا الحــــــــــــــــــاج ..
Author: tmbis
Date: 05-12-2004, 01:11 AM
Parent: #44


حبيب نورة ..

Quote: يا أخوي ما بنقدر علي التلتلة و البهدلة دي

قوي قلبك ..
الشاكوش ..الما بجنن بيقوي القلب ..

( حكمه فاشلة ) والقاله زاتو( كضـــاب ) ..

Post: #47
Title: Re: *** رودا الحــــــــــــــــــاج ..
Author: tmbis
Date: 05-12-2004, 00:54 AM
Parent: #42


مريــــم..
غايتو انت كان خليتيهو من غير تعديل كان كويس ..
لكن براك اتحسستي وجبتي الهوا..
لكن بي صراحة
امس بالليل سمعت الملف ده بالليل خالص .. وعملت ليهو مؤثرات صوتية .. واتضح لي جليــاانك ....
كنت بتسمعي كويس في القصيدة من فوق بس بدت ورطتك من .. انا كم أخاف عليك من لون الدماء والكلام الجاي تحت....

Post: #45
Title: Re: *** رودا الحــــــــــــــــــاج ..
Author: singawi
Date: 04-12-2004, 10:16 AM
Parent: #1

تمبس يا قريبي

وذو الشوق القديم وإن تعزى *** مشوق حين يلقى العاشقينا

روضة الحاج

مملوكك لكني ... سلطان العشاق
أعترف أن كلماتك تلسعني في العصب الحي
أعترف أن حروفك تختلط بأنسجتي
تخترق النخاع وتضيء الدواخل
السكتة عندك دوزنة
والقحة منك دندنة

أشهد أن لا إله إلا الله
وأشهد أن محمداً رسول الله ( ص )

وأشهد أنك شاعرة

تمبس أخوي
الوجع دا ما تدينا لنك حفظه
والكاتل الله والبحيي الله
وفي أمان الله
والليلة نومنا على الله

Post: #49
Title: Re: *** رودا الحــــــــــــــــــاج ..
Author: tmbis
Date: 05-12-2004, 01:20 AM
Parent: #45

ود عمي سنجـــاوي ..
سلامات
وكل سنة وانت طيب .. معليش .. فقدت رقم تلفونك في الهاتف القديم ..
Quote: أعترف أن كلماتك تلسعني في العصب الحي
أعترف أن حروفك تختلط بأنسجتي
تخترق النخاع وتضيء الدواخل
السكتة عندك دوزنة
والقحة منك دندنة

ما خليت حاجه ياسنجاوي ..

امس انا بعيد من الشبكة ..لقيت خبر نومك ده الليلة الصباح ..
اها اوعه يكون السهر البعرفو ..
غايتو ياسنجاوي روضه دي فتشت لينا الناس جنس تفتيش
امسك لنك الحفظ ..بس ما تكتر علي السمع .. خوفي عليك من الادمان .. والبلد دي ما بيدو فيها ( فاليوم ) بالساهل ..

Save @ PC

Post: #50
Title: Re: *** رودا الحــــــــــــــــــاج ..
Author: معتصم دفع الله
Date: 05-12-2004, 01:59 AM
Parent: #49

تعرف يا تامبا

في نفس اليوم دا أنا فتحت التليفزيون ..
وكنت متابع لبرامجه من غير العادة ..
فجاءة أطلت روضة الحاج بحضورها الجميل ..
ولشدة فرحتي على طول ضغطت على ذر التسجيل دون أن أعرف ما تنوي أن تقوله ..
فكانت هذه القصيدة الرائعة روعة روضة الحاج ..
متعها الله بالصحة والعافية ..



ولك كل الشكر يا مفجر الروائع ..

Post: #53
Title: Re: *** رودا الحــــــــــــــــــاج ..
Author: tmbis
Date: 06-12-2004, 03:11 PM
Parent: #50



معتصـــــــــم
..
الحظ اول مره يعمل لي كده والواحد تاني كان عارف بيحصل الحاجات الحلوة دي .. بيزوغ من الشغل بدري ..
بالمناسبة
بوست روضه ده جاب لي حاجات كتيرة في الطريق من السودان لي روضه
احجز نسختك من بدري ..

نعيما
انتو بقيتو تحلقو من وراي والا شنو ؟؟؟

Post: #51
Title: Re: *** رودا الحــــــــــــــــــاج ..
Author: مريم بنت الحسين
Date: 05-12-2004, 08:48 AM
Parent: #1

براااااااااااااااااي نكته بهد ما غتس.. معليش يا جماعه... العفو والعافية


حتـــــــى جعــــــلتك معلماً.... فبغيـــــره لا أُستــــــدل!!!!!















ان قلـــــــــــــت أو لم تــــــــقل.... أنا قد مضيت!!!


يمين بالله الزوله دي شاعره!



بنت الحسين

Post: #52
Title: فروضة..تمتلك جياد الكلمات,,,,
Author: Ehab Eltayeb
Date: 05-12-2004, 06:34 PM
Parent: #51

تمبس:

ان الابحار في عوالم روضة الحاج امر يحتاج

الي الكثير من الصبر والجلد..

فروضة شاعرة تمتلك جياد الكلمات..

وتقف علي صهوتها..

لها منا آلاف التحايا..وكل الود

وفي إنتظار اي اصدارة لها..

وكان عندك مزيدا من التسجيلات الصوتيه فالحقنا بها

شكرا تمبس لهذا الابداع

Post: #55
Title: Re: فروضة..تمتلك جياد الكلمات,,,,
Author: tmbis
Date: 06-12-2004, 03:36 PM
Parent: #52


ايهـــاب العزيز ..
Quote: ان الابحار في عوالم روضة الحاج امر يحتاج
الي الكثير من الصبر والجلد..
فروضة شاعرة تمتلك جياد الكلمات..
وتقف علي صهوتها..

دايما براهن عليك في مسالة القصائد دي ..
ودايما الكلمات الصادقه ..بتصل إلي ابعد مكان في الروح ..
روضة تمتلك ناصية الكلمة الصادقة .. وامكانيات اخراجها والتعبير عنها بصورة جيدة .. الكلمة منها تاثرك وتقصد اماكن الحواس .. وتمتلك حتي احساسك وتجبرك ..علي معايشة الحالة لدرجة توقعك لي انها ممكن تقول شنو تاني ..
موعود ياايهاب بكثير من الاعمال للاستاذة روضة .. واكيد ما ببخل بيها علي محبي روضة وهذه المدرسة المتفردة ..

Post: #54
Title: Re: *** رودا الحــــــــــــــــــاج ..
Author: tmbis
Date: 06-12-2004, 03:21 PM
Parent: #51


Quote: يمين بالله الزوله دي شاعره!


وحساسه جدا يامريم..ومؤلمه شديد .. وحاجات كتيرة تاني ..

Post: #57
Title: Re: *** رودا الحــــــــــــــــــاج ..
Author: Tumadir
Date: 06-12-2004, 03:47 PM
Parent: #54

هذا ما ينقص الكثيرات من الشاعرات

الالقاء الجيد..

بعد الشعر الجميل

لكن اننى اتساءل: هل هناك رجلا واحدا يستحق "كل هذا العناء"؟؟

مجرد تساؤل!!

ويا تمبس انتو بتحفظوا لنكات الفيديو دى كيف ونحن صورة ما بنقدر ننزلها؟؟

Post: #58
Title: Re: *** رودا الحــــــــــــــــــاج ..
Author: tmbis
Date: 07-12-2004, 01:14 AM
Parent: #57


تعرفي ياتماضر ..
في اتنين ..
روضة الحاج .. وزولة اسمها ( سعــادة عبد الرحمن ) وبالمناسبة انا دايخ علشانه وبوعدك بيها هنا ده في البورد .. ( كاش ) زي ما قال قرمبوز ..
سعادة وروضة لحدي الان اكتر اتنين مقتنع انهن بيوصلو فكرة القصيدة بي كل ابعاده ( وبيورطوك ) في مكان الانسجام ( والتغمص ) .. يعني ممكن تحسي القصيدة وتعايشيها اكتر من ( ستات ) الحق زاتو .. او ( ستات ) الوجعه.. ده حسع ما موت عديل الكلام ده
لاحظي معاي ..
في زول علي ايدك الشمال في الفيديو مدنقر وخاتي ايدو في راسو .. ( متغمص ) مش كده ؟؟
لاحظ شد الانتباه في ملامح الناس دي ..
كدي لاحظي لي انا زاتي .. ( حبيب نوره وبت الحسين)
...
Quote: لكن اننى اتساءل: هل هناك رجلا واحدا يستحق "كل هذا العناء"؟؟

فـــي ....

Quote: ويا تمبس انتو بتحفظوا لنكات الفيديو دى كيف ونحن صورة ما بنقدر ننزلها؟؟


بقيتي مستنكحه بشكل



Post: #56
Title: Re: *** رودا الحــــــــــــــــــاج ..
Author: Ehab Eltayeb
Date: 06-12-2004, 03:44 PM
Parent: #1

تمبس:
شكرا ليك يا حبيب.. ودوما انت سر للابداع..

تخرج لنا نفيس الدرر.. من الاعماق..

ومن طرف الشنط ...وطرف الشنطه دا بجهجه الناس صاحبي حبيب نوره
عرفناه هو معترف

لكن نحنا في الرئيس بت الحسين الناكرهLoooooooooL

Quote: بوست روضه ده جاب لي حاجات كتيرة في الطريق
من السودان لي روضه ...احجز نسختك من بدري


اها طبعا انا حاجز نسخي من هسه

تحايتي ,,,

Post: #59
Title: Re: *** رودا الحــــــــــــــــــاج ..
Author: مريم بنت الحسين
Date: 07-12-2004, 10:29 AM
Parent: #1

Quote: لكن نحنا في الرئيس بت الحسين الناكرهLoooooooooL


إيهاب الطيب.. وانا أقول إنت العاقل فيهم... انا ما خلصت من تمبس جيتني إنت...
ياخ الابداع ده إلا الزول يكون مشكوش!؟؟


والله ناطور في الدمازين ما تلقاها في فترة ولايتي...


بنت الحسين

Post: #64
Title: Re: *** رودا الحــــــــــــــــــاج ..
Author: tmbis
Date: 21-12-2004, 07:23 AM
Parent: #59



ايهــاب الطيب ..
انا في قائمة الانتظار لمجموعة من الاعمال للاستاذة روضة ..
ليك نصيب الاسد .. وبعناية خاصة..
وايضا محبتي ..


مريم .. انا بعيد من النت لي كم يوم اول ما دخلت الليلة كان في بالي اول شي اعملو اعلق ليك البوست ده فوووق .. اها لقيت زيكوو سبقني

Post: #60
Title: Re: *** رودا الحــــــــــــــــــاج ..
Author: zico
Date: 20-12-2004, 10:06 PM
Parent: #1

اليوم أوقن أنني لن احتمل !!

اليوم أوقن أن هذا القلب مثقوب .. ومجروح .. ومهزوم

وان الصبر كل …

ولوح لجة حزني المقهور .. تكشف سوقها كل الجراح وتستهل

هذا أوان البوح يا كل الجراح تبرجي

ودعي البكاء يجيب كيف وما وهل

زمنا تجنبت التقاءك خيفة .. فأتيت في زمن الوجل

خبأت نبض القلب

كم قاومت

كم كابرت

كم قررت

ثم نكصت عن عهدي .. أجل

ومنعت وجهك في ربوع مدينتي .. علقته

وكتبت محظورا على كل المشارف .. والمداخل .. والمطارات البعيدة كلها

لكنه رغمى اطل ..

في الدور لاح وفى الوجوه وفى الحضور وفى الغياب وبين إيماض المقل

حاصرتني بملامح وجهك الطفولى .. الرجل

أجبرتني حتى تخذتك معجما فتحولت كل القصائد غير قولك فجة

لا تحتمل ..

صادرتنى حتى جعلتك معلما فبغيره لا استدل

والآن يا كل الذين احبهم عمدا أراك تقودني في القفر والطرق الخواء

وترصدا تغتالني .. انظر لكفك ما جنت

وامسح على ثوبي الدماء

أنا كم أخاف عليك من لون الدماء !



***

لو كنت تعرف كيف ترهقني الجراحات القديمة والجديدة

ربما أشفقت من هذا العناء ..

لو كنت تعرف أنني من اوجه الغادين والآتين استرق التبسم

استعيد توازني قسرا ..

وأضحك حينما ألقاك في زمن البكاء

لو كنت تعرف أنني احتال للأحزان … أرجئها لديك

واسكت الأشجان حيث تجئ .. اخنق عبرتي بيدي

ما كلفتني هذا العناء!!

ولربما استحييت لو أدركت كم أكبو على طول الطريق إليك

كم ألقى من الرهق المذل من العياء ..

ولربما .. ولربما .. ولربما



خطئ أنا

أنى نسيت معالم الطرق التي لا انتهى فيها إليك



خطئ أنا

أنى لك استنفرت ما في القلب ما في الروح منذ طفولتي

وجعلتها وقفا عليك ..



خطئ أنا

أنى على لا شئ قد وقعت لك .. فكتبت

أنت طفولتي .. ومعارفي .. وقصائدي

وجميع أيامي لديك



***

واليوم دعنا نتفق

أنا قد تعبت ..

ولم يعد في القلب ما يكفى الجراح

أنفقت كل الصبر عندك .. والتجلد والتجمل والسماح

أنا ما تركت لمقبل الأيام شيئا إذ ظننتك آخر التطواف في الدنيا

فسرحت المراكب كلها .. وقصصت عن قلبي الجناح

أنا لم اعد أقوى وموعدنا الذي قد كان راح

فاردد على بضاعتي ..

بغى انصرافك لم يزل يدمى جبين تكبري زيفا

يجرعني المرارة والنواح

اليوم دعنا نتفق

لا فرق عندك أن بقينا وان مضيت!

لا فرق عندك أن ضحكنا هكذا - كذبا -

وان وحدي بكيت!

فأنا تركت أحبتي ولديك أحباب وبيت

وأنا هجرت مدينتي واليك - يا بعضي - أتيت

وأنا اعتزلت الناس والطرقات والدنيا

فما أنفقت لي من اجل أن نبقى؟!!

وماذا قد جنيت ؟؟!!

وأنا وهبتك مهجتي جهرا

فهل سرا نويت؟؟!!!

اليوم دعنا نتفق

دعني أوقع عنك ميثاق الرحيل

مرني بشيء مستحيل

قل لي شروطك كلها .. إلا التي فيها قضيت

أن قلت وان لم تقل

أنا قد مضيت … !!!

Post: #65
Title: Re: *** رودا الحــــــــــــــــــاج ..
Author: tmbis
Date: 21-12-2004, 09:02 AM
Parent: #60

اليوم أوقن أنني لن احتمل !!
اليوم أوقن أن هذا القلب مثقوب .. ومجروح .. ومهزوم
وان الصبر كل …
وتلوح لجة حزني المقهور .. تكشف سوقها كل الجراح وتستهل
هذا أوان البوح يا كل الجراح تبرجي
ودعي البكاء يجيب كيف وما وهل
زمنا تجنبت التفاؤل خيفة .. فأتيت في زمن الوجل
خبأت نبض القلب
كم قاومت
كم كابرت
كم قررت
ثم نكصت عن عهدي .. أجل
ومنعت وجهك في ربوع مدينتي .. علقته
وكتبت محظورا على كل المشارف .. والموانئ .. والمطارات البعيدة كلها
لكنه رغمى اطل ..
في الدور لاح وفى الوجوه وفى الحضور وفى الغياب وبين إيماض المقل
حاصرتني بملامح وجهك الطفولى .. الرجل
أجبرتني حتى تخذتك معجما فتحولت كل القصائد غير قولك فجة
لا تحتمل ..
صادرتنى حتى جعلتك معلما فبغيره لا استدل
والآن يا كل الذين احبهم عمدا أراك تقودني في القفر والطرق الخواء
وترصدا تغتالني .. انظر لكفك ما جنت
وامسح على ثوبي الدماء
أنا كم أخاف عليك من لون الدماء !
***
لو كنت تعرف كيف ترهقني الجراحات القديمة والجديدة
ربما أشفقت من هذا العناء ..
لو كنت تعرف أنني من اوجه الغادين والآتين استرق التبسم
استعيد توازني قسرا ..
وأضمك حينما ألقاك في زمن البكاء
لو كنت تعرف أنني احتال للأحزان … أرجئها لديك
واسكت الأشجان حيث تجئ .. اخنق عبرتي بيدي
ما كلفتني هذا الشقاء!!
ولربما استحييت لو أدركت كم أكبو على طول الطريق إليك
كم ألقى من الرهق المذل من العياء ..
ولربما .. ولربما .. ولربما
خطئ أنا
أنى نسيت معالم الطرق التي لا انتهى فيها إليك
خطئ أنا
أنى لك استنفرت ما في القلب ما في الروح منذ طفولتي
وجعلتها وقفا عليك ..
خطئ أنا
أنى على لا شئ قد دفعت لك .. فكتبت
أنت طفولتي .. ومعارفي .. وقصائدي
وجميع أيامي لديك
***
واليوم دعنا نتفق
أنا قد تعبت ..
ولم يعد في القلب ما يكفى الجراح
أنفقت كل الصبر عندك .. والتجلد والتجمل والسماح
أنا ما تركت لمقبل الأيام شيئا إذ ظننتك آخر التطواف في الدنيا
فسرحت المراكب كلها .. وقصصت عن قلبي الجناح
أنا لم اعد أقوى وموعدنا الذي قد كان راح
فاردد على بضاعتي ..
بغى انصرافك لم يزل يدمى جبين تكبري زيفا
يجرعني المرارة والنواح
اليوم دعنا نتفق
لا فرق عندك أن بقيت وان مضيت!
لا فرق عندك أن ضحكنا هكذا - كذبا -
وان وحدي بكيت!
فأنا تركت أحبتي ولديك أحباب وبيت
وأنا هجرت مدينتي واليك - يا بعضي - أتيت
وأنا اعتزلت الناس والطرق والدنيا
فما أنفقت لي من اجل أن نبقى؟!!
وماذا قد جنيت ؟؟!!
وأنا وهبتك مهجتي جهرا
فهل سرا نويت؟؟!!!
اليوم دعنا نتفق
دعني أوقع عنك ميثاق الرحيل
مرني بشيء مستحيل
قل شروطك كلها .. إلا التي فيها قضيت
أن قلت وان لم تقل
أنا قد مضيت … !!!



ابو الزيك ..
شكرا يامنقه للنص الكامل ..
عندك اي حاجات تانية من الاعمال دي ؟؟

Post: #61
Title: Re: *** رودا الحــــــــــــــــــاج ..
Author: Elnadeef
Date: 20-12-2004, 11:40 PM
Parent: #1

Thank you ya tmbis, simply beautiful

Post: #62
Title: Re: *** رودا الحــــــــــــــــــاج ..
Author: Osman Hamid
Date: 21-12-2004, 00:56 AM
Parent: #61

العزيز تمبس
الاعزاء المتداخلين
شكراََ لكم جميعاً, وبخاصة الاخ تمبس صاحب البوست,,,,
حقاَ روضة من الاصوات الجديدة, في المشهد الإبداعي والشعري بخاصة, في السودان, ولقد استمعت لها عدة مرات, في الفضائية السودانية,,,, ولكن ما يدهشني هو كيف يستقيم, لشاعرة بكل هذه القدرات, إن تؤسس لنفسها علاقة مع السلطة, بهذا الشكل, حتي كادت ان تصبح, عند الكثيرين, بشاعرة الإنقاذ بحق,,,وهي عندي لا تختلف من حيث الموقع, من علاقات الجبهة, لا تختلف عن قيقم وشنان, وهم من مغنيي الانقاذ الاشاوس والاصلاء. والفكرة واحدة, هي هي..
الاستاذ فضيلي اشار الي طرف الموضوع بشكل ما, وهو شكل فيه من الود والظرف الكثير, وقد صدر فعلاَ من استاذ له حب خاص عندي, وهو والذي يستطيع بقدراته الفذة ان يميز ما بين الكتابة الشعرية, وكتابة السلطة,,,, فقد قال الاستاذ فضيلي انه لا يعرف عن خلفيتها السياسية, ولم يسمع عنها, لكني اقول للاستاذ فضيلي:
ان روضة تتغني للسلطة, وقد كانت اول مشاهدة لي لها, كانت في مشاركتها, في واحدة من مهرجانات ( الحكومة), بليبيا, قبل أكثر من عامين. وقد كان بحق فعلاَ احمق, وشعراَ ركيكاَ( يعني شعر حكومات),,,, وهو نفس الموقف ونفس الحالة التي ساقت فراج الطيب (عليه الرحمة), بان يتغني بالبشير(أنت ياعمرو ....تلك القصيدة الشهيرة).. قبل وفاته بقليل, وبهذا ومنذ تلك اللحظة, ولانها(اي اللحظة), هي لحظة مواجهتي الاولي لشعرها, واستماعي لها, وانت تعرف مدى تاثير استماعك الاول, ودهشتك الاولي, من موقف ما, وما لذلك الموقف من حضور في مجمل ذاكرتك السمعية, منذ تلك اللحظة, فقد اعتبرتها عندي, بشاعرة البلاط الاولي, وياليته من بلاط...
لا أعرف كيف يتغني هؤلاء الشعراء للحكومات, اي حكومات كانت؟
ولا اريد ان افتح حواراَ نظرياَ طويلاَ, في موضوع علاقة المبدع او المثقف بالسلطة, فهذا ليس, موضوعي الرئيسي هنا علي اية حال. وإن كان ذلك يتقاطع مع ما كتبته.
عذراَ إن كان كان بعض كلامي قاسياً, ولكنها الحقيقة, والتي تقبل عندي الحوار بكل تأكيد.
شكراَ تمبس, علي مساهماتك, والتي دائما , تسعدني واجد فيها ما يفيد
شكراَ للجميع
عثمان

Post: #63
Title: Re: *** رودا الحــــــــــــــــــاج ..
Author: المكاشفي الخضر الطاهر
Date: 21-12-2004, 02:30 AM
Parent: #1

الاخ تمبس
بارك الله فيكم وجزاكم الله خيرا

الاخ تمبس
الاستاذة روضا الحاج
نفاخر بها ونتحدي بها اعتى الشعراء فى العالم فهي درة السودان بل ودرة المرأة السودانية


قف : لك التحية ياتمبس

Post: #66
Title: Re: *** رودا الحــــــــــــــــــاج ..
Author: مريم بنت الحسين
Date: 21-12-2004, 09:41 AM
Parent: #1

Quote: مريم .. انا بعيد من النت لي كم يوم اول ما دخلت الليلة كان في بالي اول شي اعملو اعلق ليك البوست ده فوووق .. اها لقيت زيكوو سبقني



عاملين علي لوبي حضراتكم؟؟



حسي الله بسألكم، نكتوهو من ياتو بير البوست ده؟

بنت الحسين

Post: #67
Title: Re: *** رودا الحــــــــــــــــــاج ..
Author: Akoc Wol
Date: 21-12-2004, 10:40 AM
Parent: #66

MR Timbis,


Ustaza RODA AL HAJ IS GREAT POETESS,BUT UNFORTUNATELY SHE REDUCED HERSELF TO BE A REGIME POETESS(SHAIRA AL BULAT),REGIMES COMES AND GO ,BUT THE NATIONS REMAIN.




Akoc

Post: #68
Title: فوق
Author: وليد محمد المبارك
Date: 22-12-2004, 08:29 AM
Parent: #1

روضه يا لعابة

فوق