عبد الرازق الطالب .. شفر البوست

عبد الرازق الطالب .. شفر البوست


01-06-2005, 00:51 AM


  » http://sudaneseonline.com/cgi-bin/sdb/2bb.cgi?seq=msg&board=121&msg=1138462205&rn=0


Post: #1
Title: عبد الرازق الطالب .. شفر البوست
Author: tmbis
Date: 01-06-2005, 00:51 AM

امير الجماعة احمد الريح، والمكر السئ!

المتابع للبوست اعلاه ..
بامكانه الرد فقط بالضغط علي ايقونة Reply
ويظهر في العرض اسم آخر متداخل .. لكن لا يمكن مطالعة مداخلته إلا عن طريق الضغط علي ايقونة ( إقراء المشاركات في شكل سلسلة ) ،
ثم
اختيار اي مداخله بالضغط عليها لقراءتها ...



Post: #2
Title: Re: عبد الرازق الطالب .. شفر البوست
Author: محمد حامد جمعه
Date: 01-06-2005, 00:55 AM
Parent: #1

صدقت يا تمبس ...

لا يمكن الوصول اليه .... حاليا

Post: #4
Title: Re: عبد الرازق الطالب .. شفر البوست
Author: A.Razek Althalib
Date: 01-06-2005, 01:02 AM
Parent: #2

تامبا...
ولدك.. يا أبو علاء...
هلا والله...
وينك يا راجل...
هلا ود جمعة...

Quote: شفر البوست

غريبة.....
البوست ده...
غضب الله نزل الله عليهو...

بس ما عليك...
ده أهم بوست...
قاعد...
بيعري في حلف الباطل...
بقوم...

بحاول معالجتو من عندي هنا...


والباقي عليكم يا شباب...


قلتو شنو...
في حل عقدة البوست...



البغيضة دي....?

Post: #6
Title: Re: عبد الرازق الطالب .. شفر البوست
Author: tmbis
Date: 01-06-2005, 01:08 AM
Parent: #4

يا عبد الرازق ..
غايتو الله اعلم البوست ده تاني تقوم ليهو قايمه

كدي حاول لكلكو من عندك
وامسح مداخلتك الاخيرة ..
احتمال







يتصلح

Post: #5
Title: Re: عبد الرازق الطالب .. شفر البوست
Author: tmbis
Date: 01-06-2005, 01:04 AM
Parent: #2

انا عملت فيهو ( تيست كول ) يا كمندان

برضو
ما فصل



اكيد في ناس بلقو الاسم معلق فوق ولما يدخلو ما بيلقو حاجه..
واكيد في ناس طبعا عايزه تعرف الكورة كم ،، لي كم


حقو الواحد يجيب ليهو مكرفون ويذيع البوست ه على الهواء مباشرة ..

Post: #3
Title: Re: عبد الرازق الطالب .. شفر البوست
Author: Sidig Rahama Elnour
Date: 01-06-2005, 00:58 AM
Parent: #1

تمبس سلام

هسع أنا بسال في نفسي وأعتبرت الكمبيوتر بتاعي علق ، وحاولت مرة تانية وقلت دي يمكن كرامات شيخ رزقة ضد خصمه بشبش ولكن جيت أنت أنقذت الموقف

سلام ياباشا وما قلت بتكولنا (Call)

Post: #7
Title: Re: عبد الرازق الطالب .. شفر البوست
Author: tmbis
Date: 01-06-2005, 01:28 AM
Parent: #3

سلام ياعريس

وحمد الله الف على السلامة

يوم الجمعة كنا متغديين مع عمران .. ولمة لذيذة بتاعت اصحاب .. وطبعا اسمك كان في النص كده حايم وطبعا عارف شكل الشمارات بعد شاي العصرية بتكون عامله كيف ..

والله بتحتاج ليك ( تقزه ) عديل ياصديق مش ( تكويل )


غايتو اتوقعنا كمية كده

Post: #8
Title: Re: عبد الرازق الطالب .. شفر البوست
Author: A.Razek Althalib
Date: 01-06-2005, 01:33 AM
Parent: #3

Quote: برضو
ما فصل
خلاص يا تامبا..
فصلناهو تفصيلاً...
سيد الحوش خشى قدامي...
ورتب حالو ...


Quote: حقو الواحد يجيب ليهو مكرفون ويذيع البوست ه على الهواء مباشرة ..


خطيرة منك...

يا خطيرررررر....



بكرة الخميس...

Sidig Rahama Elnour
تحياتي يا الغالي...

Quote: كرامات شيخ رزقة ضد خصمه بشبش ولكن جيت أنت أنقذت الموقف

يا زول عينة ....
بشاشا...
دي ...
دي ذاتها ...
عينة أرقط...
بتلاقي...
القيامة بتقوم وتلاقيهم...
لسع واقعين غلاط...

لا بودي ولا بيجيب...

من عينة...
كيف يحي العظام وهي رميم...


وكيف تبلغ القلوب ....


الحناجر.........

Post: #9
Title: Re: عبد الرازق الطالب .. شفر البوست
Author: Tabaldina
Date: 01-06-2005, 01:53 AM
Parent: #1

..
.
Top Urgent
Hi Tamab
b'cos the subject of this post is already expired, let me put this private msge 2 u I sent u a text msge, but report information said
ur are NOT received, Plz text me back
I lost Doma contact #. ID mail & Riyadh group emails
Can u forward 2 me Doma # immediately and email me later
if u need help ask Dakeen

Thx in advance
Best wishes 2 all

Tab

Post: #10
Title: Re: عبد الرازق الطالب .. شفر البوست
Author: tmbis
Date: 01-06-2005, 02:41 AM
Parent: #9

عبد الرازق ..
حقو تضبح في البوست البي هناك داك
انو الريس بي جلالة قدرو عدلو

ليك



يا تبلدينا..
وبعدين معاك ياخ في موضوع الانقليزي ده ؟؟
ما قلنا ليك الخواجيه دي اطلع بيها مشوار مشوارين كده الابيض خليها تعرف حاجه وبالمره شوف لينا طريقة كيبورد عربي .. والله ( قومت ) النفس دي ماعاجباني ليك .. وانت اصلك ( فيك فرد طقاق ) .. وباقي عمر..


انت رسلت بي ياتو خط ؟؟ ممتحنا معاك كل يوم مروح ليك جوال يا تبلدينا..
شوف ده
0502432079 لحين اشعار آخر
ورسل هنا yashoogy(at)hotmail.com

بالنسبة لي عناوين ماما دوما لي فترة بحاول اتصل عليها مالاقي طريقة..

بشوف ( دكتور ) دكين الليلة واتوقع نتيجة كويسه خلال اليوم ده .



Post: #13
Title: Re: عبد الرازق الطالب .. شفر البوست
Author: Tabaldina
Date: 01-06-2005, 03:59 AM
Parent: #10

..
.
خلاصى عملتوهو تكية.. مابطال خلونا نطلع من الكتاتيح البره دى
ووين القهوة..

Quote: ما قلنا ليك الخواجيه دي اطلع بيها مشوار مشوارين كده الابيض خليها تعرف حاجه وبالمره شوف لينا طريقة كيبورد عربي .. والله ( قومت ) النفس دي ماعاجباني ليك ..


ياخى طلعنا بيها مشوار فركة كعب لقارسيلا كبكابية
بقت زى الفشفاش..
بعدين وطو صوتكم محمد سليمان يسمع يطلعنى أمنجى..ويلحقنى ودشاموق
أنا ما عارف المناضلين دى من أين يستقوا المعلومة..
الظاهر فى مفهومهم كل موظفى UN و NGO's عملاء وامنجية
ياربي كوفى معانا..!!??

نفس الرقم يا تامبابس الظاهر كنت مسكروه هى هى هى هى حلوة
قال مسكر قال.. بالله دى لغة تقعدوا فيها..
تعالو الجنينة!!

Quote: وانت اصلك ( فيك فرد طقاق ) .. وباقي عمر..

يبقي الفارووووق ...
عجبتك

بريدك فى الطريق..

Post: #11
Title: Re: عبد الرازق الطالب .. شفر البوست
Author: حمزاوي
Date: 01-06-2005, 02:59 AM
Parent: #1

يا تبلدينا
دا انقليزي يا مرسي
يا لذيذ يا رايق

شباب الله
الراجل العجوز محمد ود حامد/ تمبس/أبورزقه/صادق/تبلدينا
تلعبونا معاكم ولا نطرشق ليكم الكورة
ما قالوا عليك ولاعة
ولع ولع ولع فن
حلوين ذي دول يزوروني انا ماقايل
مش كدا يا تمبس
سلامي الخاص لدكين صاحب الطيور

مشيت ادخل ما لقيت طريقة اخوكم سواق دريكسون ساي
بالله شركونا معاكم في الشكلة الكاربة ديك
في الليلة ديك
قال الدليل عندي قال

Post: #12
Title: Re: عبد الرازق الطالب .. شفر البوست
Author: A.Razek Althalib
Date: 01-06-2005, 03:27 AM
Parent: #11

تمبس/صديق رحمة/محمد جمعة/تبلدينا/حمزاوي...
وكل الرائعين...
شايلين قليب...
ملان حنان....
Quote: عبد الرازق ..
حقو تضبح في البوست البي هناك داك
انو الريس بي جلالة قدرو عدلو

ليك

ضبيحة..
بس...
هينة...
كان كده...
لكن أنا البيضبح لي منو...
مشينا نعدلوا...
لقينا سيد الحوش دخل قبلنا...
بيتفقد..
المهم...
الحصل خير...
وزيادة الخير خيرين...
إلا ...
إلا بس الدخلة التانية ما عرفتها...
لشنو...؟
تعرف يا حمزاوي...
أنا إنجليزي تبلدينا...
ده..
بذكرني بواحد كان معانا ....
إسمو أبو علب...
كلو إختصارات سمرايز...
بخليك تفتكرو بيكتب من واشنطون...

بس إنجليزي...
شاتات... مظبوط...
ولذيذ...
ما هو حق علب....
منتهية الصلاحية...


ده منو ده....
القال الليلة عندو....
على كل حال...



جيتاً جيت...

Post: #14
Title: Re: عبد الرازق الطالب .. شفر البوست
Author: Tabaldina
Date: 01-06-2005, 04:08 AM
Parent: #11

..
.
Quote: يا تبلدينا
دا انقليزي يا مرسي


دا اسمو نيو لانغويتش ياعمووو
عارف كل ما أشوف اسمك بتجينى جوعة
وبتذكر اسماك عمو حمزة..
لكن جرب تحميرة ود الموردة الأسمو تمبس
يدو طاعمة..
ودا السبب انو هو كدا ونحن كدا

شووق الشوق إتجدد تانى..