التشكيلي .. عمار منصور يا بورداب القاهرة ..

التشكيلي .. عمار منصور يا بورداب القاهرة ..


14-09-2005, 08:30 AM


  » http://sudaneseonline.com/cgi-bin/sdb/2bb.cgi?seq=msg&board=121&msg=1138461988&rn=0


Post: #1
Title: التشكيلي .. عمار منصور يا بورداب القاهرة ..
Author: tmbis
Date: 14-09-2005, 08:30 AM

الاعزاء
نـــادية عثمان
محمد عكاشة ...
باقي بورداب القاهرة ..
أخي الاصغر التشكيلي عمار منصور مشاركا في معرض تشكيلي بالقاهرة ممثلا السودان ضمن مجموعة من التشكيلين بعد فوز احدى لوحاته
سيقوموا بعرض اللوحات بدار الاوبراء
..
.
اتصلت بالاخت العزيزة رجاء العباسي ستتابع معهم وكالعهد بها اخت اخوان ومكملة كل شي
نادية اديتك كووول وتركت تلفونك معاهو ما عارفك عملتي معاهم شنو ؟؟
يا بورداب ..
ياريت لو تدعموا الشباب ديل
شباب صغار السن وطموحاتهم في السماء
ومنتظر ملاقاتكم بيهم وتعرفكم عليهم ..

Post: #2
Title: Re: التشكيلي .. عمار منصور يا بورداب القاهرة ..
Author: معتصم دفع الله
Date: 14-09-2005, 09:10 AM
Parent: #1

يفترض إنه مازن يكون مشى لي عمار على حسب كلامي معاهو ..
وأكيد سوف يقوم بالتنسيق معه في عملية التحرك هناك ..
وخلال اليوم بحاول أتصل مره أخرى عشان أعرف عمل شنو ؟..

أمنياتنا للأخ عمار وزملائه الفنانين بالتوفيق ..

خليك قريب ..

Post: #3
Title: Re: التشكيلي .. عمار منصور يا بورداب القاهرة ..
Author: tmbis
Date: 14-09-2005, 09:26 AM
Parent: #2


معتصم..
اتصلت علي مازن .. ومفترض يكونو قابلو بعض ..
لكن
عرفت انهم للاسف بيتحركوا في زمن ضيق جدا .. وعندهم خلل في التنسيق
وضبابية في كم حاجة
انا متابع معاهم ومع مازن
وبتمنى أن الامور تمشي معاهم على ما يرام.. وما يتنكسوا

Post: #4
Title: Re: التشكيلي .. عمار منصور يا بورداب القاهرة ..
Author: نادية عثمان
Date: 14-09-2005, 12:42 PM
Parent: #3

تمبس العزيز


اااااااااااااااااااااااخ


ياخى انت موش قلت لى اخوك اسمو محمد ؟!!

المهم بتتعدل

انا طبعا كنت عايزة افتح البوست ده بعد مااجمع معلومات كتارات لكن انت الشفقة كاتلااااااااااك ياتمبوسى !!


المهم اتصلت بنائب الملحق الاعلامى فى السفارة وقال لى انو الفنانيين ديل مفروض يصلوا السفارة اليوم لكن ماعارفة والله مشوا فعلا ولا لا ولسة متابعة مع الراجل ..




وتانى قمت اتصلت بالفنان التشكيلى المعروف والجميل جدا .. الذى اعتز بصداقته حسان على احمد وقال لى ايوة الشباب ديل وصلوا وانا هسة مارق ماشى عليهم فى الاوبرا ..


اها ولى هسة ماجاء

المشكلة انى قلت ليهو اخوك اسمو محمد حسب ماوقع لى فى اضانى لمن اتصلت بى بالتلفون ..

لكن مامشكلة ملحوقة انشاء الله

وسنوافيك ياتمبس بالاخبار بس انت شيل الصبر


سمح ؟!!