البرامج السماعدة .. تحويل صيغ ملفات الصوت

أسم البرنامج
Hero Audio Conventer
خصائص عمل البرنامج
يقوم البرنامج بتحويل امتدادات الملفات الموسيقية المختلفة إلى عدة صيغ بعد التقليل من الحجم أو الزياده مع الاحتفاظ بجودة الملف.
يمكن التحويل من عدة مواضع بالجهاز ، حقيبة الملفات ، سطح المكتب ، والمحركات المختلفة..إلخ ، كما يمكن التحويل بسهولة من الـ CD وبالعكس يمكن حفظ الملفات بسهولة بعد ضغطها لتصبح مادة مسموعة بشكل جيد ، ويمكن الاحتفاظ بها بسهولة في محركات التشغيل المختلفة MP3 Player أو الاقراص الصلبة الأخرى بالاستفادة من صغر حجم الملف وجودته العالية.

مصيرك بكره تتعلم
وتعرف كيف بيكون الريد
وليه الناس ليه بتتالم

معتز

عارفك لابد لي في شبر موية ..
..
ماهو باين ... من العيون

الاخ تمبس
سلامات
اولا يا خي انا جاييك محول من دكتور عادل سجيمان بخصوص نقل الافلام الى المنبر
عازينك تفزع معانا
وشكرا كتير على على البرنامج

الأخ الأمين صديق ..
سلامات ..
..

Quote: اولا يا خي انا جاييك محول من دكتور عادل سجيمان بخصوص نقل الافلام الى المنبر

بس اوعه يكون قال ليك طالب الزول ده قروش بس
والله دكتور سجيمان اول من علمني قبل سنين اتعامل كيف مع ملفات الفيديو بعدما زودني بي مواقع مهمة ..
..
على كل حال يا المين اعتبر الموضوع منتهي بتاع الفيديو وح نعمل شرح مبسط من جديد وما تشيل هم .. وسلم لي معاك على دكتور سجيمان وقول ليهو ( السقط ) نزل في الرياض ابقى مارق ..
وأتمنى انو البرنامج ده تستفيد منو لانو مهم خالص ..

الله يسلمك يا تمبس
ومشكور مقدما ياها المحرية فيك
سجيمان اليومين ديل واقع المدايد في السودان
شغال شفط
وقال النت هناك تعبان وبعيد جدا قال لو عايز يمشى مقهى الا يودع اهلو

شكرا ليك انت يا الأمين
..
بس مشروع مدايد دكتور سجيمان ده ما واقع لي ..
عايز يصل لي شنو ؟؟

معليش يا تمبس قبيل ما قدرت ارد عليك كويس لاني في الكتب ودخلوا علي جماعة

Quote: بس اوعه يكون قال ليك طالب الزول ده قروش بس

لا والله ما قال طالبك قروش لكن قال لي شيل ليك ربطة جرير وامشي لي تمبس
على العموم انا معاك هنا في الرياض والتواصل بكون سهل انشاء الله

Quote: Hero Audio Conventer

البرنامج دا بعدين بنزلوا من البيت واكيد ممتاز انا كان لقيت في السي دي بتاع العملاق 11 برنامج ود عمو باين اسمو Hero video Conventer

Quote: بس مشروع مدايد دكتور سجيمان ده ما واقع لي ..

اما المدايد دي هو منبهر بيها لانو لقى البلد اتملت مدايد وبي كل الانواع
ما اطول عليك ومتظرين الشرح
وتسلم يا غالي

من ضمن الحاجات البتغلب اجاويدك تكتب ليك حاجة ما مقصودة وبعداك ما تقدر تصلحة براك ،، وتندم عليها..
يعني انا حسع زهجت من عنوان الموضوع ده وعمل لي نفسيات
البرامج السماعدة .. تحويل صيغ ملفات الصوت
..
يا بكري إذا في طريقة غير لينا كلمة السماعدة دي لي ( المساعدة )
بلاي ما تعمل نائم .. لانو الدقسة في العنوان شكلها ما لذيذ

تمبس

آاااي والله

أسألني منها في ده
وهل يكبر المرء عل أمه!

تحس كأنك بتسمع في سورة الكافرون في سنة أولي ابتدائي

اخوك كان فيها آينشتاين

راجنك بالباقي يا أسطى

Quote: تحس كأنك بتسمع في سورة الكافرون في سنة أولي ابتدائي

مش كدا عليك الله ؟؟
في الحصة التالتة طبعا..
.
.

السماعدة يا درفة ..

Quote: السماعدة يا درفة

سلكم سبركي يسيغر السنوان عناب

شفت ياحميدة علشان حركاتكم دي .. انا من الاول قلت لي بكري غير العنوان

Quote: حقيبة الملفات ، سطح المكتب ، والمحركات المختلفة..إلخ

ده منو؟؟؟؟ وكمان فيهاإلخ

يا تمبس ..
وووين البرنامج ..
انت داير تأكلنا حنك ولا شنو ..

اى حميد
داير ياكلنا حنك. .
وين حنهرب منو وين. .

بالاخضر والجيش نقلوه المعسكر. ..

ياحميدة ومعتز
انا عارفكم .. احتمال تعملوا زلزال هنا ..
زمان عندنا ترزي في حلتنا ( تمتام ) ..
عندنا زولة عجوزة الله يرحمه اتوفت .. اها الجماعة مشو ليهو علشان يظبط الكفن ..
شالو من الجماعة وختاهو على جمبه كدا .. وقال ليهم ..
تتت تعالوووا يوووم .. السبت
اها حسع انتو ياتنتظروا علشان ما نكلفت القصة دي
ياكمان تجو يوم السبت

منى عبيد
..
حظك سمح طبعا والحمد لله
يعني إذا كان الـ Quote الفوق ده .. كوجنتيهو
كان شلت حسك بي مزاج واهو من اللحظات البسيطة جدا الواحد بيلقى ليهو فرصة يمسك بيها زولة كيشة
لكن الظاهر عليك بتذاكري طوالي

حسع كان ظهرتي طوالي .. الله بيحاسبك يعني والا بيحاسبك

يــــا سيـــكو
.
.
البرنامج ده بقع ليك في ( عبك ) .. بيريحك من حاجات كتيرة ..
راجع بريدك .. وتابع الشرح دا ..

بننزل البرنامج من هنا
http://www.download.com

أو
من هنا

http://www.heroshare.com/newsletter/051118/index.html

المعلم تامبا ده
نزل البوست وشغال يرد علينا وداسي الحله تحت السرير
عايز ياكلنا حنك وينوم بالباقي شكلو!

لكن كان للحول بنرجاك


ومالك ماك ظاهر بي غادي

بلكتني ولا شنو.

والله انا مازول كعب ولا شكال لكن ااابدور الزراف

رقبتو غياااظة ياخ!

والله ياسعد الحلة قلنا نجيها الصباح زي الصباح ده علشان نقعد ليها بي مزاج
امس الدنيا ليل .. وطبعا زي ما عارف بتنعدم الرؤية
..
ظاهر بي هناك مرات مرات انت المافيش ،، والظاهر لي الزراف ممشورك
بس اعمل حساب الوقعه وكسران الضلوع

التسجيل
في حال تحميل البرنامج من الموقع
http://www.download.com
نستعمل البيانات التالية للتسجيل ..
name : 1234567890
s/n : uyu5-su11-5q1s-3t57

ومن الموقع:
http://www.heroshare.com/newsletter/051118/index.html
البيانات التالية:
User ID: 65743053
Register Key: 11y1-iq11-rkg9-evge
..
طبعا بنستعمل البيانات بعد فك الضغط من البرنامج عن طريق الضغط على الايقونة مرتين واتباع التعليمات ..

تمبس ( بالمناسبة تمبس دي شنو ؟؟) كيفك يا حبيبنا وعلك رايق

Quote: والله ياسعد الحلة قلنا نجيها الصباح زي الصباح ده علشان نقعد ليها بي مزاج امس الدنيا ليل .. وطبعا زي ما عارف بتنعدم الرؤية

ياخوي ياتمبس: انت شوفك بقى طشاش ،، يا حليلك حصل نفسك.

بعد تحميل البرنامج وفك الضغط تظهر ايقونة البرنامج على سطح المكتب بالشكل التالي:

..
وبالضغط عليها .. تظهر الواجهه للبرنامج والشكل العام:

..
وتظهر نافذة طلب تسجيل البرنامج .. وعندها يمكن استخدام البيانات اعلاه للتسجيل كما اتفقنا ..

شروووم
كيفنك ؟؟
..
يازول انا مشكلتي محلولة .. اشتريت لي نضارتين ..
لكن
في واحدين جيرانك هنا .. ( سوسو ) عديل كدا.. التقول بركاوي قديم

Quote: طبعا بنستعمل البيانات بعد فك الضغط من البرنامج عن طريق الضغط على الايقونة مرتين واتباع التعليمات ..

تمبس يا فنان يعني شنو الكلام الفوق ده إنت قايل كل المعاك هنا بيل جيتس وبيل كلينتون أخوك يا دوب أنطوان بيل ، ومع كلامك ده إلا نجتمع والسيدة حرمنا المصونة في معية الشياطين الثلاثة عشان نقدر نعمل فك ضغط عن طريق الضغط.

سؤال لله في بلاد أصبحت فيها الجكه (الجري أو الهرولة) لله وكل شئ لله إلا الصدقة أو الإحسان لي شوفني يا ناس أنا مقندل:
سؤالي زادك الله علماً وفهماً وصحة هو: كيف لي أو لغيري أن ينقل محتويات أشرطة كاسيت على الكمبيوتر دون الإستعانة بصديق أو نسخها على الـ CD أو حذف أغنيتين مثلاً ولا مانع من توصيل الكمبيوتر بالمسجل أو العكس

من الصورة الموضحة اعلاه نتبع الخطوات التالية والتركيز على الأيقونات بالدوائر الحمراء:
Options
بالضغط على الايقونة يظهر لنا مربع الحوار التالي :

نقوم بالتأشير على الخيارات كما موضح بالشكل المرفق ، وكلها تندرج تحت الخيار General
ولمتابعة الضبط ،، نقوم بفتح كل ايقونة موضحه في القائمة
Wave,MP3,Ra,Wma
.
.
Wave

نقوم بالضغط على الخيار Wave ويظهر لنا مربع الحوار اعلاهـ ونقوم بمحاكاة الشكل الموضح في الضبط ، إذا اردنا تحويل مكان حفظ الملف نضغط في الخيار Defaut OutPut لنحدد مسار حفظ الملف ..
.
.
ثم نتبع نفس الخطوة في ضبط الامتدادات MP3,Ra,Wma

مولانــا الملا عمر ..
فالتجك وتجري كما شاء الله لك ان تجري .. لكن تجنب كل ما ليهو علاقة بالطيران ..
اما عند الضرب على اي ايقونة فاضرب بماوس من حديد وليكن الضرب مذدوج ودبلل الكلكات علشان شغلك يطلع نضيف وتفك البرنامج بسهولة..
احيانا ياملا الضرب ينفعهم
وعليه ،، عندما تجد اي ايقونة زي دي
مطرفه اضربها من طرف .. واحسب أنك ما محتاج لي اي واحد من العفاريت التلاته ياامهم .. وادخرهم لي يوما فيه الايقونات اكبر ..

Quote: سؤالي زادك الله علماً وفهماً وصحة هو: كيف لي أو لغيري أن ينقل محتويات أشرطة كاسيت على الكمبيوتر دون الإستعانة بصديق أو نسخها على الـ CD أو حذف أغنيتين مثلاً ولا مانع من توصيل الكمبيوتر بالمسجل أو العكس

هنــا أرجو أن ابشرك أن البوست ده برنامج الملفات الموسيقية .. تسجيل ، معالجة ، تحويل ، تحميل وقع ليك في ( عبك ) ما عليك إلا وأن تاتي باكبر ( مخلاية ) حتى تضمن ( خم ) كل الحاجات هنا وتوديها دغرري لي كمبيوترك ..
وعلي بالطلاق تغني جنس غناء الايامات الجاية دي

العزيز/ تمبس


زادَك الله فضلاً على فضلٍ .. وفي ميزان حسناتكم يا " مان " ..

Quote: أو الاقراص الصلبة الأخرى بالاستفادة من صغر حجم الملف وجودته العالية.

سؤال : هل لهذا البرنامج قُدرة على تصغير حجم الملف الصوتي عند تغيير امتداد الملف ؟



مع التحية ،،

العزيز تمبس
كلمة شكرا دي شويه والله كنت محتاج لي البرنامج دا يشدة
والله بالجد الواحد يشكرك بشده

دقيقة يا مان

....
....


اجيب لى كرسى واجى

معلم تمبس


او ب.......ة
انا حاجز كرسى درس خسوسى كده
....
....
عشان انا ما بقهم الا بعد تعب
ــــــــــــ
بالمناسبة صاحبك داك الحمام عندوا كتير خالص بقى ما فايق لينا

ناجي ..

Quote: بالمناسبة صاحبك داك الحمام عندوا كتير خالص بقى ما فايق لينا

ااي عارفو ليك بطنو غريقة جدا.. وبعدين ام بيديك فرصة تعبر عن شعورك
بالنسبة لبرنامج ده والبرنامج التاني البي هناك ، ابراهيم قرمبوز يوم الخميس زرزرني في الماسينجر ، وقال لي كلو منك يعني ابوسبح يا ناجي .. سيك سيك معلق فيك انت
تابع البوست البي هناك علشان انا ناوي احدده مع قرمبوز ده ..
واقول ليك بي صراحة.. مع ابوسبح ذاتووو ..

صديقي العزيز
حسام يوسف ..
لا شكر على واجب .. راجع معاك العزيز محمدين .. وشوف بالمرة معاك البوست التاني بي هناك وإذا محتاج دفره قول عوووك ..

الأخ العزيز
محمد أبوجــودة وزارتنا البركة
يقوم البرنامج بضغط حجم الملف بشكل تلقائي يحدد فيه جدة الصوت العالية مع تصغير حجم الملف غلى اقصى درجة يمكن أن تتم ..
البرنامج قيم ومفيد في تحويل حتى الكثير من الملفات المعدلة ..
وسعيد لمتابعتك يا ابوجودة وسعيد ان تكون بالجوار

يا تامبا ويا ملك

عندي اقتراح ليكم ولعناية الأخ بكري بخصوص مكتبة للتقنية تحفظوا فيها مجهوداتكم دي والله...

حرام تقع الإرشيف...مرقتا صعبه بتبقى..زي بوستيك حق رفع الأغاني داك يا تمبس.

ما فيها فرقه ?

تمبس .. سلام مربع
غايتو المكاوة بتعرف ليها ..
بس برضو حا تظل قريبي وحبيبي تامبا

خلينا النمشي أجيب الكراس والقلم.. وان شاء الله المخ يصفى شوية عشان نفهم المحاضرة دي وبعدها اذا نجحنا من أول امتحان .. حا أهبك ليك دلوكة في المنبر دة

أما اذا كان التلميذ طلع شاطر ..
ما عندك معاي حل غير الخيارات التالية :

درس خصوصي عندي في البيت
أو .. امتحان مكشوف عندك في البيت

تسلم

انا
طبعا فى الشغل
دوام جمعة يامان
قلنا نقول فوق
مع الجماعة
عشان نحضر درس العصر
مدرس مصرى بقول للتلاميذ
الفهم عصر..
لانه عالم درس عصر بقروش
وعنده فيه نسبة
خالص ودى لك
عندى فكرة شركة (I.T)
او ( ISP) مساهمة
رايك شنو كل شىء عندنا
الفنيين والمبرمجين والمصممين وراس المال نقنع من ايجار 3 سنوات
مادام فى عالم العذوبية..وتتكل مع معتصم..
لكن الباقية حاجة واحدة واهم شىء..وعندنا مشاء الله
تخيل دا شنو...
سلام

يا ابوقوته ياهندسة
دا شنو يا ابوقوته العندكم دا .. وماجابو لينا ؟؟
طبعا زي ما شايف اخوك وحداني وحالتو تحنن اليومين ديل ..
عندك اي دعم ( عيني ) بنقبلوا ..
ادفر وما تشاور زول ..

العزيز ابو السيوف ود كلي ..
سلامات .. وعاشت المكاواة لما تكون اداة جميلة في يد الحبان ..
المرة الفاتت ما كلمتك والله جنس ( زنقة ) كانت خليها ساكت ..علشان كدا امكانية الحركة كانت صعبة ..
.
.
خياراتك دي كلها على العين والراس ..
بس كدي تابع براحه براحه .. وامسي البوست التاني بي هناك وهو البرنامج الناجح معاك تمام التمام .. يعني ده تكميلي فقط .. والبوست الرئيسي بي هناك الخاص بالتسجيل والتحويل .. وعلى العموم
الاتنين مع الشرح بيوصلوا ليك الفكرة
وخلي الباقي علي ..

يا سعد الدين
والله الاقتراح ممتاز موز شديد .. وفي برامج فعلا بتحتاج لي التوثيق والاحتفاظ زي ما معمول بيه في كثير من المواقع ..
الفكرة جميلة وتنفيذه .. اكتر جمال ..

تسلم يا تمبس
البرنامج جميل

تحياتي وودي

الجميلة طلتك يا هوازن ..
كيفنك يا هندسة ..

تصور يا تمبس السماعدة دي انا كنت قايلا اسم البرنامج!!


اها يا حبيب نزلنا البرنامج و منتظرين الشرح..

و ياريت لو اديتنا تفاصيل عن الفرق بين انواع الصيغ المختلفة لملفات الصوت من ناحية حجم الملف و جودة الصوت ..

و ياريت برضو كمان لو اديتنا من خبراتك في مسألة تحسين جودة الملفات الصوتية بواسطة Wave Editor


خالص الشكر

تامبا

و الشباب

متابعين

العزيز حافظ بشير ..

Quote: السماعدة

تتخيل الكلمة دي عملت لي خلل في البرنامج زاتو .. مع اني بكون حريص اراجع اي جملة قبلما ارسله ..
جميل أنو نزلت البرنامج وسجلتو .. والشرح طبعا خطوة خطوة علشان الفكرة تصل كاملة
بالنسبة للملفات المختلفة في شرح لي برنامج تحميل الأغاني في بوست آخر تعرضت لي ملفات مختلفة وه غالبا المللفات البتصادفنا وممكن نتعامل معاها .. شرح مبسط ومختصر طبعا صيغ الملفات كثيرة جدا وبتتفاوت من ملف لي ملف لكن دي ملفات مهمه أرجو اني اكون وضحت فيها بعص التفاصيل..

MP3
ملف صغير الحجم عالي الجودة سهل التشغيل في المحركات المختلفة ومن ضمنها محرك التشغيل في السيارات ، والـ MP3 Player .. إلخ
WMA Windows Media Audio
ملف أكبر حجماً من ملفات الـ MP3 ايضا عالي الجودة وخفيف وميزته أنه يشتغل في أجهزة الكمبيوتر مع برنامج Windows Media Player الملحق مع النظام التشغيلي في الجهاز وذلك دون الحوجة إلى أي برنامج تشغيلي آخر .
Real Audio ra
وهو ملف تشغيلي يتم تشغيله بواسطة عدة برامج يتم تحميلها وأشهرها برنامج Real Player ومن دونه لا يمكن أن يتم تشغيل البرنامج في الكمبيوتر ولذلك يجب علنيا التاكد أن البرنامج المذكور منصب بالجهاز ومتوافق مع آخرالتحديثات. ( معظم الذين لا يمكنهم الاستماع إلى الملفات الموسيقية بالبورد يعانون من مشكلة عدم تنصيبهم للبرنامج أو لم يتم تحديثه بالشكل المطلوب ) عليه يجب تحميل البرنامج وتحديثه للحصول على نتائج جيدة.

My dear Tambis and readers
Salam
I actively attanded all
the classes and I am trying to do my homework
No punishment please
This paragraph is not clear

نقوم بالضغط على الخيار Wave ويظهر لنا مربع الحوار اعلاهـ ونقوم بمحاكاة الشكل الموضح في الضبط ، إذا اردنا تحويل مكان حفظ الملف نضغط في الخيار Defaut OutPut لنحدد مسار حفظ الملف ....
ثم نتبع نفس الخطوة في ضبط الامتدادات MP3,Ra,Wma
, could yu please elaborate little
I got all the files and I will make the place ready for more soon
thanks

يا اللخو تمبس
عليك النبي اكان ما شفتي لي دكان بلوشي او ملح اشان انزل من برنامج DVD BURNER لXP
معليش للازعاج والشحدة

فيصل خليك قريب للباقي ..
.
.
عادل بلير
سلامات ..
يازول الشحدة حاجه تمام مش نوع من التعبير عن الشعور ؟؟
http://www.download.com/3120-20_4-0.html?tag=srch&nid=1...arch.x=31&search.y=9
كدي شوف الرابط ده واختار برنامج محدد ممكن تتعامل معاهو ووريني بعداك الحاصل شنو ؟

العزيز تمبس
ماقصرتب ..........ربنا يديك مرادك
والنبي أكان ما فلقتني بنمرة تلفونك عشان اجليك باتصال ...لزوم الشـكر

بلير البركة في الشوفــه

العزيز ياسيكو..
كويس انو متابع معانا الحصة .. المن غير دق وتسميع دي ..
وكويس انو قبلما ما نتقدم خطوة نوضح الخطوة الغير مفهومة
خلينا نركز في النقطة الغايبه عليك ..

Quote: نقوم بالضغط على الخيار Wave ويظهر لنا مربع الحوار اعلاهـ ونقوم بمحاكاة الشكل الموضح في الضبط ، إذا اردنا تحويل مكان حفظ الملف نضغط في الخيار Defaut OutPut لنحدد مسار حفظ الملف .... ثم نتبع نفس الخطوة في ضبط الامتدادات MP3,Ra,Wma

من الرسم الموضح :

..
.

- نضغط على الخيار Wave
- ثم Out Put Format لا نجري عليهاتعديل( الوضع الافتراضي مناسب ) وإذا أردنا أن نجري تعديل في معدل الصوت تابع السهم على اليمين للخيارات الأخرى.
- Defaut OutPut هذا المكان الافتراضي لحفظ الملف والذي يختاره البرنامج .. إذا أردنا تغيير المسار نستعمل مربع الخيارات على الناحية اليمني بالضغط عليه تظهر نافذة جديدة يمكن من خلالها اختيار مكان حفظ الملف حسب ما تريد:

- بنفس الطريقة السابقة والخطوات السابقة التي تعاملنا فيها مع الـ Wave في صف الرموز نتبعها لضبط باقي الفورمات MP3،Ra،Wma

Up

تمبس يا صاحبي

مشكووووووووووور ياغالي
وجدت عندك حل ورطة كبيييييرة


لك الود

شال ..
وعن فرقتك مسكين قلبي..
يا واد..


إنتظرناك الجمعة الفاتت...
وكنا راجينك..

بس ما عليك..

حقكم محفوظ..
إنت..


والهالك القادم...

أبو الشوش ..
يادفعه
..
يعني كدا مظبوط ونقلت الملفات ..؟ حالتو لسه ما تميتو
أنت بقيت خطر خالص

..
.
عبد الرازق ..
الجمعات الجايات اكتر من الرايحات ..
وحقنا ما قاعد يضيع بالساهل ..
بس التوصية مطلوبة

تمبس يا غالي

جيناك بعد غيبة

أنا قاعد من بدري في الكنبة الطيش وراجي الدرس بتاع تقليل حجم ملفات الفيديو ولسع ما هببتتو لنا

فدحن يا فردة
هنـــــــــــــــدي ولانأكل باســـــــــــــــطة

لك ودي
وليد

UP

عجب ..
حمد الله الف على السلامة ..
وفاقدنك .. ومرسالنــا ياريتو يكون وصل ..


ياسيكو
تعبناك معانا يا عم الحاج لكن اكتشفت انو الموقع البحمل فيهو الصور شغال على مزاجو مرات تظهر ومرات تختفي علشان كدا .. عملت اعادة للتحميل في السيرفر بتاع هنا .. وياريت تستمر فترة لحدي ما الشرح ينتهي ..

كيفية عمل البرنامج :
بعد الانتهاء من كل العمليات أعلاهـ ، نأتي للمرحلة العملية والتي تتعلق بإدراج الملفات داخل البرنامج وتحويل الصيغ المختلفة إلى الخيارات المتاحة بالبرنامج ، علماً بأن البرنامج يقوم أيضاً بضغط الملفات خاصة عند التحويل من صيغة Wave
ويقوم بتحويلها إلى ملفات اقل حجماً عند التحويل لصيغ MP3 ، Ra ، Wma
التي تظهر على الناحية اليسرى من البرنامج ، وبالعكس من نفس الملفات بصيغها السابقة وحجمها الصغير إلى Wave.
ملاحظة:
قمت بالتركيز فقط على الملفات MP3 ، Ra ، Wma لأهميتها في الحفظ واستخدامها الشائع في المنتديات.
- الخاصية المتفردة التي يتميز بها البرنامج عن غيره من العديد من البرامج أنه يقوم باستجلاب الملفات من المواضع المختلفة بجهاز الكمبيوتر ومن الـ CD مباشرة ويقوم بتحويل الملفات التي سبق أن تم حفظها على صيغة Tracks وهي ميزة قل أن توجد في الكثير من البرامج الأخرى ، لكن بالمثل أيضاً هناك العديد من الملفات التي يصعب التعامل معها ويجب ملاحظة ذلك كالملفات التي تكون على صيغة Real Presentation

عمليات التحويل ..
-نقوم بالضغط على ايقونة Add File ثم نختار Location Files لتحديد مكان الملف المراد التعامل معه.

-تفتح لك نافذة لتختار مكان الملف سواء كان داخل جهاز الكمبيوتر أو في محرك الـ CD ويمكن تحديد مكان الملف بالضغط على الخيارات على يسار الشكل أو كما موضح على أعلى الشكل، نقوم بالبحث على الملف المطلوب وتحديد مكانه نقوم بالضغط عليه وسوف يتم إدارجه مباشرة في المكان الطبيعي له ويظهر اسم الملف ، نضغط على الخيار Open وسوف يقوم بفتح الملف مباشرة داخل البرنامج ويظهر بالشكل أدناهـ وهي خطوة تمهيدية لبداية عملية التحويل .. ( لأحظ أن الملف بالامتداد Wma ) وسنقوم بتحويله إلى الخيار Wave.

-بعد أن أصبح الملف معد لعملية التحويل نقوم بالضغط على أيقونة To Wave ستنفتح نافذة أخرى جديدة بها بيانات العملية لاحظ لحجم الملف الطبيعي في الشكل قبل التحويل ( 9.21MB ) ولاحظ لحجم الملف الافتراضي بعد التحويل ( 59.56MB ) إذا عاد الملف إلى حجمه الطبيعي ...
-أضغط OK لتنفيذ العملية ، وستنفتح لك نافذة أخرى وفيها سير العملية ويبدو واضحاً بالتدرج الخطي وفي الأسفل الحالة بالنسبة المئوية .
-يمكن وقف عمليات التحويل بالضغط على Stop Converting على يمين الشكل.

-بإتباع الخطوات السابقة يمكن تحويل كل صيغ الملفات المختلفة



تم الشرح

Quote: تم الشرح

شكرا نبيلا لك


بس عندي طلب : كود ملفات الموسيقى( بوست تاني ) ماشغالة( error )

وياريت يشغل mp3 وrm


وتسلم يامان وتعبناك معانا .

تمبس تخريمة صغيرة:

أحدث جهاز أي بود 60 جيجابايت مع إمكانية تشغيل الفيديو
السعر 400 دولار
مين يبارز
الحاجات دي تصلنا متين بس!

Quote: الحاجات دي تصلنا متين بس

أنت اكتبه يا راكوبة .. ونحن بنقراها ،،
لكن كان لقيت لي واحد .. والله إلا اقسمو معاك النص ياراكوبة
تلتين قيقا ،، لي تلتين قيقا..

العزيز ود المايقومــا ولايهمك ..

<**EMBED SRC=http:/www.bayanit.com/upload/protected/Nsinak.ra VOLUME=35 WIDTH=235 HEIGHT=69 TYPE=Audio/x-pn-Realaudio-plugin EXTS=RA RAM MASTERSOUND CONTROLS=LARGECONSOLE AUTOSTART=TRUE>

حاول استعمل الكود ده بعدما تفك التشفير بمسح ( النجمتين ) على ايدك اليمين والنجمتين + علامة " على ايدك اليسار نهاية الكود .. ونزل الاغنية بيشتغل معاك طوالي ..بس عملية النقل لازم تكون دقيقه

Quote: النجمتين

أي شي ولا النجمتين ديل

Quote: أي شي ولا النجمتين ديل

كديسة بتنفع

الأخ tmbis

احيي جهدك المبذول في هذا البوست المفيد.. وقد حاولت الاستفادة وتنزيل hero audio من موقع download.com بس اتفاجأت أن النسخة الموجودة حاليا بالموقع هي اصدار احدث من الاصدار الذي اوردت السيريال بتاعه..






وفتشت لمن دخت وما حصلت سيريال ولا كراك..
ارجو المعونة منك..
ولك خالص التقدي

العزيز اشرف السر ..
يظهر أنو في اصدارة جديدة..
لكن حاول تنزل الاصدارة القديمة لانها ساهلة وغير معقدة ..
وعلى كل حال إذا حبيت الاصدارة الاخيرة حاول تستعمل البيانات دي ..

Name:TEAM ViRiLiTY
Serial:31q7-in9j-zr5p-ts79

العزيز : tmbis

شكرا على المواكبة التكنولوجيه اتابع كل ما تاتي به الى هنا من برامج

احتاج الى برنامج يقوم بتحويل فايلات الwav الى midi

ارجو الافادة

تمبس
دبايوا
شكرا للمجهود المقدر وهل يمكننى تنزيل الفيدو ايضا بنفس برنامج الصوت