نضحي وللا ما نضحي...!!!

كـل عام والجمــيع بخير وعافية

اليوم الوقفـــة

والاسئلة حـيرى وليس من مجـيب

( نضحي وللا مانضــحي ) ؟؟؟؟

الخير أخوى
ضحى وعليك بام فتفت
كل عام وأنت بخير

اخشى ان يتعامـل الناس مع ثقافـة (موت الجماعة عرس )

في ظـل هـذه الظروف التي اصبح اعلامنا فيها معتما وفاقدا

للمصداقية.....وشبح الحمى النزفية حاملا عصاه يحدق لكم

من الضحايا.

الخير كل سنة وانت طيب
رجعت الليلة المساء لقيت عدد (1) خروف في البيت لكن أنا معتزل الحكاية دي
لانه الناس دي ما مضمونة أي زول يقول على مسئوليتي .. وما المسئولية هنا مقصود بيها شنو..

يا حسين
حم دالله على السلامه
أنا داعيك فطور معاى بجاى
الخروف خروفى أنا
وأنا مسؤول منو
لو حصلت ليك أى حاجه على مسؤليتى
تاكل سآآآآآى
راسو حنعملو نيفه
وكمان موارع سليسيون وأديدس
يا أولادى ما تخلو الحنكشه دى
مرض حمى الوادى المتصدع دى نحن فى الباديه بنسميها ( أبو دميع)
وعندنا كمان مرض (أم سدير) وهى كلها أمراض مشجعه لذبح البهيمه وأكلها
مافى شيتا ولا سما بعقب النار
حسىىىى أنا ولدى الكبير عمل ليهو طابور
وحرش الجماعه فى البيت
قلت لبهم مخيرين
بكره بذبح خروفى
أضحيه حلال
وبقسم للجيران
وباكل زين
والاعمار بيد الله

الاخ حسين محي الدين

كل سنة وانت طيب وكل خروف والناس اطيب

Quote: رجعت الليلة المساء لقيت عدد (1) خروف في البيت لكن أنا معتزل الحكاية دي

خروف خالي كمونية لا طعم له في الضحية....فيا سيدي احسن اعتزال الخرفان من اعتزال الدنيا

لك وللاسرة اطيب الامنيات.

معليش هذا البوست نزل غلط هنا
آسف .
قور

ولا تفكر حتى ولا تحاول

Quote: ولا تفكر حتى ولا تحاول

ما دعاني لفتح هذا الخيط..مكالمة اجريتها مع صديق لي يعمل
في الحقل الطبي في السودان... سمعت فيها من الانباء العجب العجاب
وقد قطع شكه بيقين-وهو الطبيب- انه سوف لن يضحي في هذا العام
لكن الشيئ المؤسف حقا هو لماذا تتكتم وزارة الصحة عن اخفاء المعلومات
كاملة لكافة المواطنين حتى يعلموا بحقيقة هذا المرض المحدق والذي ربما
يودي بحياة كثير من الناس...الهذا الحد رخصت الحياة عندهم؟؟



لله درك يابلد يسترخص فيك ولاة امره حياة الناس.



ودمتم بوافر الصحة

يا زول ضحى سآآآى
أت ما جعلى ولا شنوه
عليك بالمرارة وأم فتفت
يا خوى ما تسمع كلام الدكتوره منيرة دى
أصلا من ما ألله خلنى راكب فى تورى دا وباكل فى خرفانى سيتا واحد ما جانى
أفو الرجال يضحو
وات تقعد تبارى بجاى وبجاى
شقلك دا خوف من الموت

ابو القاسم يا اخوي

طيب الله اوقاتك بكل خير والسنة الجاية ضابح تور

Quote: يا خوى ما تسمع كلام الدكتوره منيرة دى

طبعا كلام الكتورة هو ما سناخذ به بل وسنعتبره فتوى رسمية

وانت يا عمي اضرب ام فتفت دي واقعد منطط عيويناتك من الخلعة



نحن يا ابو القاسم كفانا خلع ( بضم الخاء)

امنياتي للجميع بالسلامة

الخير
ما تنسى المرارة وأم فتفت
والشربوت
هذا الأخير هاضم
وأتخيل انه قاتل لكل الفيروسات

الخير أخوى
تقعد تبارى لى كلام الدكتورات
لقايت ما يفوتك العيد
حسى حكاية انفلونزا الطيور دى طلعت كلام ساكت
يعنى المعنى بقول نحن هنا فى باديتنا دى بنسميها (أمجيقى)
الجداده ما نأكلها الا وكت تصيبها أمجيقى
يا خوى مافى سما عقب النار
أكل ساكت على مسؤليتى

الخير كيفنك ؟؟
نحن غايتو ما مضحيين
سامعييين كلام الدكاتره !!
عنوان بوستك دا ذكرنى الاغنية الشهيرة
تجوا ولا نجى !!
يااااااااقور

Quote: أصلا من ما ألله خلنى راكب فى تورى دا وباكل فى خرفانى سيتا واحد ما جانى

شيتا اكبر من دا شنو عاد ياقور ؟؟؟؟؟؟؟؟؟؟؟
اكبر من العندك دا الله لا جابو !!!!

Quote: عنوان بوستك دا ذكرنى الاغنية الشهيرة تجوا ولا نجى !!

طبعا يا خية العنوان دا اتغير.... الاول كان... (تفكرو لعب)

دينا كيفنك وكل سنة وانت طيبة

اخونا قور دا دايرنو يقتنع بالشربوت وما يجرجر القصة
لكن هو ما داير يقتنع وشايفو مركز علي الكمونية وطبعا
دي القصة ذاااااااتا البتودي في ستين داهية وربك يستر


شكرا لمرورك الكريم

يا الخير
أن ضحيت والحمد الله
أكلنا المرارة وأم فتفت
كمان كمونية وأديناها حبيت شربوت
هها أقعد بارى لى زولك السمع كلام الداترة
لا بقى هو مع الدكاترة
ولا بقى من المضحيين
ألله يكون فى عونو
قور

عيدية ..

عيد سعيد يا ابو النزر

وربنا يحقق ليك كل امانيك

وهدية جالواياوية من ايدك مقبولة...ما عارف الرابط

بين الغنية دي وكمال كيلا شنو..

تسلم يا زول فنان وسمحان.

يا ناذر
كل سنة وأنت طيب
شربوتكم كيف؟
كل خروف معاهو شريحة موتيل هدية
توجد الشريحة بالقرب من الحوصلة الصفراوية
باطن كبد الخروف

سلامات يا دكتور قور ..

غايتو الشريحة ما لقيتا لكن لمن ضبحت في نفس المكان لقيت هدية لعبة اطفال .. بطة حليووونة صغير صفراء لمن تعصر بطنها بتقوب (سيييييك)

صنفرة :

بس طعمها ما كان حلو زي بقية عفش الكرشة ... لكن اهو باصرناها

Quote: اشترى جــارنا خروف ليــلا, توفي تاني يوم!. لجا اهل المربوع للسمك و الدجــاج . عــزيزي ليس كل خراف السودان مصــابه , و ليس كل كل منــاطق الوارد منكــوبه .. ما تثبتـه المعــامل ليس اشــاعه ...!. حبــابك د شهــاب الفاتح .

الأخ الخير
الأسئلة حيري والخرفان برضو حيري

عزيزي الخير
كل سنه وانت طيب
وكل عام والجميع بالف خير
وبصراحه نحن اليوم ثاني ايام العيد الاضحي السعيد
وبصراحه ضبحنا خروف من النوع ابوكديس
واكلنا اللحم طبعا بعد ان تم انضاجه علي اعلي مستوي
ومع الاسف كان اكل المراره هو المشكله
وبصراحه خوفنا عدييييل كده
رغم ان خروفنا كما قلت كان جامد وسليم

وكل سنه وانتم بالف خير

مع حبي وودي

ابوتسابيح