ذبح الخروف مســــعود

ذبح الخروف مســــعود


18-12-2007, 02:41 PM


  » http://sudaneseonline.com/cgi-bin/sdb/2bb.cgi?seq=msg&board=120&msg=1197988904&rn=0


Post: #1
Title: ذبح الخروف مســــعود
Author: Gazaloat
Date: 18-12-2007, 02:41 PM

ذبح الخروف مسعود
برك الجمل فى العود
ياثروة وانهدرت
مين يسأل الموؤد
كم مرة ضحينا
احلامنا صحينا
زحينا .. زحينا
من ضل خراب البيت
لى ضل يباس القوت
يابؤسه المردود
ياكبده المهرود
عسكر زمن عبود
كم هدموها نفوس
كم غرقوها بيوت
عسكر نميرى كمان
والدود سكن فى العود
والعسكر الحيين
قالولنا نحىِ الدين
جوعوا.. تصحوا..
او..
لوذوا بارض الغير
معسكر النازحين
خيمة وصحن جالون
حتى اللباس مقدود
ذبح الخروف مسعود
نزفية ايه تجعل
ضبح الخروف محظور
نزفية ايه تمنع
شعبا سكن محصور
مابين لحى التجار
وبين الهلاك بالدور
يا ايها ا لمجبور
انعم صباحك موت
تسعد مساك قبور
بحر العرب مشفوط
يبسنا نهر الجور
وبحر الردى الممدود
اصبحنا سابحنو
ياعيد خروفك نام
قايلنا ناسنو
لو عندو سل برضك...
اولادنا مابحنو
لوعندو كوليرا وانفلوانزا الطيور
يانا المصابحنو
الكاتل الله ..
والمقدر وين تفر منو
حتما اذا لو عندو ايدز
ضابحنو.. ضابحنو


منعم الجزولى
عيد الضحية
2007

Post: #2
Title: Re: ذبح الخروف مســــعود
Author: khatab
Date: 18-12-2007, 03:06 PM
Parent: #1

..
.عزف الولد للعود
.رقصت ديار وبلود
..
.ضباحنا يا مُرتاح
.ديك الفجر لو صاح
..
.بتشتت اللحمه
.وتضرب اللخمه
..
.كل الشوارع سيل
.درب المعاناه
.طويل
.بتغرقك زحمه
..
.

Post: #3
Title: Re: ذبح الخروف مســــعود
Author: Gazaloat
Date: 18-12-2007, 04:02 PM
Parent: #2

كيف الضحية تفوت
ياايها الخطاب
شوف البلد بتموت
واتناهشتنا كلاب
عفصونا تحت البوت
طبلونا سدوا الباب
الموت ماياهو الموت
تتعدد الاسباب

Post: #4
Title: Re: ذبح الخروف مســــعود
Author: abubakr
Date: 18-12-2007, 04:09 PM
Parent: #1

عفوا ان قاطعت سردكما الموجع فمالي حرف جبار كالذي عندكما ولكنكما افصحتما عما في نفسي و ربما نفوس ملايين من ملح الارض السودانية ...فلتغشاكما سحابة افراح للعيد ينسجها اهلنا التعابة من امل في باكر بخروف او بدون خروف...

مودتي
ابوبكر سيداحمد

Post: #5
Title: Re: ذبح الخروف مســــعود
Author: محمد سنى دفع الله
Date: 18-12-2007, 04:34 PM
Parent: #4

نعوم وتوسي
اسعد صباحكم
وعيدكم مبارك
تفرقنا المسافات
والقلوب صاحية بالذكرى
عيدكم مبارك
احبكم

Post: #6
Title: Re: ذبح الخروف مســــعود
Author: khatab
Date: 18-12-2007, 04:40 PM
Parent: #4

..
.جرح البلد غاير
.ياخويا
.منعم
.ما فض عزا وانفض
.يادابو ..كبر القد
.مؤمنين بالله
.وموحدين
.بالغد
.لالينافى الحاصل ,!
.لا كراع
.لا يد ..تلاتيه كانت
.أو قدها
.رباعي
.ياناالشراره
.تقوم
.حارقاله كوم ورى كوم
.قشوش البروس
.فاوه ..
.والثوره
.نواره
..
.والشعب ناس
.حاره
..
.
.الشعب ناس
.حاره
..
.
.سودانى ناس
.حاره
..
.

Post: #10
Title: Re: ذبح الخروف مســــعود
Author: Gazaloat
Date: 18-12-2007, 06:10 PM
Parent: #4

يابكرى قولك زين
لكين بدون شية
حتى الضحية بقت
ممنوعة زندية
الايدز وقلنا نعف
سووها نزفية
درب السلامة قريب
بى فول وطعمية

Post: #7
Title: Re: ذبح الخروف مســــعود
Author: Gazaloat
Date: 18-12-2007, 05:04 PM
Parent: #1

لمتين يدوم الحال
والعين بقت زالََّّة
بلدا كما المشلول
لاشايلة لاخالَّة
جسما عضامو هديك
من الجلد طالَّة
اتحكم الطاغوت
والشرزمة الضالة

Post: #8
Title: Re: ذبح الخروف مســــعود
Author: محمد مختار جعفر
Date: 18-12-2007, 05:24 PM
Parent: #7

والليله جانا العيد ..
من بعد تعب وشقـا عنـيد ..
مع الضل الوقف ياعيد
والكل لملم وفات ياعيد ..
لى أهلو يضحى
وللذكرى والحنيه يعيد
وحليلكم يا طافشين فى الغربه بعيد
هل من عوده هل يا عيـــد ..


محمد مختار جعفر

Post: #9
Title: Re: ذبح الخروف مســــعود
Author: Gazaloat
Date: 18-12-2007, 06:01 PM
Parent: #1

اعدل كلامك اخوى
مختار اقيف حيلك
شوف الحصل بالجد
قايل البلد هيلك
باعوها نص الليل
والعقبة لى نيلك
مابتلقى حتى الضل
اطعن اخير فيلك

Post: #11
Title: Re: ذبح الخروف مســــعود
Author: Nasr
Date: 18-12-2007, 06:20 PM
Parent: #1

تهنئات كتار بالعيد
يا منعم ويا خطاب
وحنتلاقي، منتصرين أكيد
بس خاطر الزمن لو طاب
بناكل لحم صحي
وبنشرب الشربوت
وبنكتب بالفحم علي الباب
جينا ولقيناكم
وما لقينا أعداكم
بس لازم نلف علي شلة الأصحاب
أصحاب بعدد أشخاص الوطن
ووطن مشرع الأبواب


,.,.,.,.,

كل سنة والجميع (شعراء وغنايين) بخير

Post: #12
Title: Re: ذبح الخروف مســــعود
Author: Gazaloat
Date: 18-12-2007, 06:23 PM
Parent: #11

السنى ياتو قلوب
دى الصاحية بالذكرى
ايامنا فى التاريخ
سيرْتـَن بقت عِكرة
حكامنا مشغولين
بالعزبا والبـِكرة
والله من السَهـَيـَان
ضحينا بالفكرة

Post: #15
Title: Re: ذبح الخروف مســــعود
Author: khatab
Date: 18-12-2007, 07:15 PM
Parent: #12

..
.
لمتين يدوم الحال
والعين بقت زالََّّة
بلدا كما المشلول
لاشايلة لاخالَّة
جسما عضامو هديك
من الجلد طالَّة
اتحكم الطاغوت
والشرزمة الضالة
..
..
.كم شله جات
.قبلو
.جات البلد
.شُلات
.العزى جات
.واللات
.كم من صنم فضَل
.!!
.لو شعب شال فاسو!!
.

Post: #13
Title: Re: ذبح الخروف مســــعود
Author: Masoud
Date: 18-12-2007, 07:12 PM
Parent: #1

عيد بأي حال عدت (من) عيد
بما مضى أم بخراف لذبح المساعيد؟

Post: #14
Title: Re: ذبح الخروف مســــعود
Author: انعام حيمورة
Date: 18-12-2007, 07:13 PM
Parent: #1

منعم يا رائع .. كل سنة وانت طيب .. .. غايتو بس تجيزاتنا ياها ذاتها نضفنا وظبتنا البيت علا صحي والله ماشين هسى نجهز الطعمية للفرم ..

الحاجة قريت ليها كلامك انبسطت جدا منو وطوالي قالت ليك ..

معليش يالخروف ..

حاكمانا الظروف ..

جبنا الجداد بي أبسط المصروف ..

دمعة سائلة على الخروف وعليك يا شية الجمر

الدار مليانة بالضيوف ..

راجين صينية الفطور والله يدينا الصبر .. الله يدينا الصبر

Post: #16
Title: Re: ذبح الخروف مســــعود
Author: Gazaloat
Date: 18-12-2007, 08:11 PM
Parent: #14

يا انعام اريت يتعقب
العيد البجيبـِك لىَّّ
ويبعد منى ناس خطاب
وكل العالمين دِيَّة
يابت النفوس السمحة
انتِ براكِِ عيدية
وامك يابركة العيد
تحج مية

Post: #30
Title: Re: ذبح الخروف مســــعود
Author: انعام حيمورة
Date: 19-12-2007, 06:38 AM
Parent: #16

لوووول ..

شكرا جزيلا ... ربنا يحقق الاماني الحلووووة ..

عمو ابو بكر كل سنة اونت طيب يااااارب

Post: #17
Title: Re: ذبح الخروف مســــعود
Author: abubakr
Date: 18-12-2007, 08:20 PM
Parent: #1

Quote: بى فول وطعمية


اهايا منعم ياخوي خليك كدة في السليم ..
خبر مهم : قبل شوية وفي احدي الفضائيات السودانية اياها جلس اربعة منهم بروفات وواحد منهم كان المهم الاهم وافتي في امر الضحية بان الامر بسيط ولا يحتاج الي هلولة ولا طبيب بيطري ولا يحزنون بس كل واحد يعمل كشف علي الخروف ولو شاف انو مزكوم وانفو جاري يقوم جاري و يحاول الي ان يجد الما مزكوم ولا انفو جاري .. اها يانعام يابتي ياكي الماشة الزريبة دغش ومعاكي كرتونة كلينكس ...
اهم حاجةشخصية في هذه الكارثة النزفية والضحية انو انا واسرتي الصغيرة اها تاثرنا باجناس حولنا كتيرة وبقينا فيجيي vegie من زمان ..ولا نزفية ولا انفلونزا طيور بتهمنا .. ولينا كدة عقود من الزمان ما حضرنا عيد في السودان لكننا والله قلوبنا معكم (اضعف الايمان)

Post: #18
Title: Re: ذبح الخروف مســــعود
Author: Ishraga Mustafa
Date: 18-12-2007, 08:36 PM
Parent: #17

ياحليلو مسعود المسكين
قهرهو قهر السنين
وناس الدقون ركروا على سياسة التمكين
عشرة فى المية كبرت كروشهم والباقى مهمشين
فى مشاكل الدنيا العويصة تايهين
والثورة ابت تطلع مالناس جعانين
النيل جارى فى بلادهم وهم عطشانين
قوتهم كملت وبقوا مشلهتين
ياحليلنا وحليل مسعود المسكين



وكل سنة ياعبدالمنعم واسرتك وضيفوك وكل آل مسعود بخير

اشراقة بت عشة بت ناس مسعود المسكين

Post: #19
Title: Re: ذبح الخروف مســــعود
Author: khatab
Date: 18-12-2007, 09:09 PM
Parent: #18

..
..كم شله جات
.قبلو
.جات البلد
.شُلات
.العزى جات
.واللات
.كم من صنم فضَل
.!!
.لو شعب شال فاسو!!
. ناسو ما قاسو
. ما ساسو
.خناسو ..
.واتوزع الدربين
.
.

Post: #20
Title: Re: ذبح الخروف مســــعود
Author: Tagelsir Elmelik
Date: 18-12-2007, 10:14 PM
Parent: #19

يا منعم الجزار
الليلة بات مهموم
ما جهز السكين
فلسان جفاه النوم
لا نفخة فى بمبار
لا شم ريحة التوم
ما شاف عطية عيد
ما ادوهو منها كوم
لا باع جلد فى السوق
جلد الضحية هدوم
يا شلة الأنقاذ
و الله عيب الشوم


الملك

Post: #21
Title: Re: ذبح الخروف مســــعود
Author: عبدالكريم الامين احمد
Date: 18-12-2007, 10:23 PM
Parent: #20

يا سلام يا عبدالمنعم يا خي
نعم ضبح الخروف ابودقن الملوث بالنزقية مسعود..!!
حتي الخراف في زمن الفجيعة جعلت لجسدها الذي كان فداء
جعلت له مكانا للنزقية في زمن الطفابيع وحكم الكروش
...
عيد سعيد
وعام جديد ومسعود يحلم بوطن بلا سلطة ذات كرش ولا خروف به نزقية

Post: #22
Title: Re: ذبح الخروف مســــعود
Author: نادر السوداني
Date: 18-12-2007, 10:49 PM
Parent: #20

ديل عابو

الخروف والناس

من نمولي للخرطوم

حتي الكلب جرقاس

للعضمة نام محروم

فقع مرارة ياناس

في العيد دة عيب الشوم

Post: #23
Title: Re: ذبح الخروف مســــعود
Author: Osman Musa
Date: 18-12-2007, 11:02 PM
Parent: #20


_ كان اللحم بالطش
وفتيل فلير للرش
والحالة كانت تش
دهب المطامير داك
بينور الشباك
يوم عمتك تلقاك
العيد بخيت وسعيد
انشاء الله يابه عريس
و يجى جردل الشربوت
كبنلو يا البنوت
..
كان البلد شبعان
قبال يجو الكيزان
والجيب فرح مليان
..
باكر يعود مسعود
بنشده وتر العود
يرجع بلد للجود
بلدا كبير ورحيم
شبعنا اكل النيم
..
.. كل عام والشعب السودانى الجميل الى حد الا موت بخير وعافيه وامان ..



..

Post: #24
Title: Re: ذبح الخروف مســــعود
Author: Gazaloat
Date: 18-12-2007, 11:21 PM
Parent: #23

ياود الملك
جزارك الموهوم
منعوهو الضبح
من غير بيان مختوم
جابولو الخرا اليونانى
سمَّدوا بيهو قش الشوم
وماهماهم الموت
ان صبح بالكوم

Post: #25
Title: Re: ذبح الخروف مســــعود
Author: محمد مكى محمد
Date: 18-12-2007, 11:40 PM
Parent: #1


ما نحنا القلنا لى مسعود...
نوم قفا ..
لابتفوت ولا بتموت...
ونام مسعود...

بعد تعب إنكفا..
وصدقنا ...
غمد عويناتو وغفا..
ونام مهدود..
وفى نص الليل..
خرفو..الكاكى المأفون..
غواهو الثعلب الملعون..
قال ليهو ..
أت أسدنا حبابو..
وزيك فى البلود ما جابو..
وشيال التقيل نقولو جنابو..
وأفتيكا فى مسعود..
غير دمو ما بنرضابو...
والقسم الحلفتو زمان ..
أشرب مويتو واتغدابو..
ودم مسعود(حلال عليكم)..إتهنابو..
وولاد مسعود للسجن السميك..
وقفل بابو..
واكتل التلتين..والباقى ليك إرهابو...
قل عاش الخروف..بل قل عاش... جنابو..
وفى ليلا بهيم مشرور..
اتسلل المبهور...
والثعلب المغرور..
ومسعودنا مات مغدور..
ختفوه بالزنديه...
غدرهو بى سوء نيه...
وبكت البنيه...
مسعود ..اديقراطيه..
وحمد لبد فى الخور...
وحمد طلع فى بور...
فى انتظار..
الشحن الإغاثيه
-------
وقفة عيد الضحيه 2007
كل سنه وانتو طيبين

Post: #26
Title: Re: ذبح الخروف مســــعود
Author: Tagelsir Elmelik
Date: 18-12-2007, 11:58 PM
Parent: #25

زمن الرغبف شمسى
و الفسحة فى التكسى
زمن الخبيز مرصوص
و الكفته و المحشى
زمن الحلو المخلوط بالسكر المحروق
و الدكوه و الطرشى
ناكل لحم كيمان
و نهضمو بالببسى
زمن الغنى و مستور
زمن الفقير مكسى
زمن الحيط نفاج
و البنبر الكرسى
توب الزراق و فراد
و ( الجيبة) و ( الماكسى)
فى ( البورمان) السيرة
و الشلة فى ( البوكسى)
الحفلة بى ترباس
يوم مرقة الجكسى
.........

( صوت دلوكة)
( اكبكب....اكبكب.....)

Post: #27
Title: Re: ذبح الخروف مســــعود
Author: Gazaloat
Date: 19-12-2007, 00:31 AM
Parent: #26

عثمان اخوى ياحليل
زمن البلد طيبة
زمن الدين سمح
فى الحضرة والغـَيْبـَة
وزمن الشيخ لهُ
بين البشر هيبة
شوف الشيوخ اليوم
ماتحوشك الخـَيـْبـَة

Post: #28
Title: Re: ذبح الخروف مســــعود
Author: Osman Musa
Date: 19-12-2007, 01:54 AM
Parent: #27


تاج الملك يرسم .. لون مدخل الخرطوم
زمن الزمان كان زين
.. قبال دخول الشوم
زمن الكباب بريال
والبامية بالشوال
والجر ملان بارد
والكسرة فى البرتال
والمادح المداح
مسح الدموع بالشال
مسعود بعود يا تاج
وبنلبس الشوتال
خرطوم سلام وسلام بيحلها الحلال
وبحلها الحلال
.. يا جماعه العيد مبارك عليكم والعفو



Post: #29
Title: Re: ذبح الخروف مســــعود
Author: abubakr
Date: 19-12-2007, 04:46 AM
Parent: #1

عيدكم سعيد .. اها صلينا ورجعنا البيت وخلاص ....
لو مسعود كان عارف انكم حتتبهدلو جنس البهدلة دي كان ضبح روحو براهو ...ما قالو انو النبي( ص )شاف سيدنا بلال بيضبح ديك فقال "ديك يذبح ديك " يشير الي ان بلال يؤذن والديك يؤذن فبالله شوفولكم ديكة واللا عندكم في البلد الديكة كمان بطلت تؤذن لانو شمس بلادنا ابت تطلع تب .. متين شمسنا تطلع وديكنا يلعلع ... وفي انتظار الشمس ...
دامت ايامكم محبة وامل في باكر بس عشان الجايين...

Post: #31
Title: Re: ذبح الخروف مســــعود
Author: Tagelsir Elmelik
Date: 19-12-2007, 06:33 PM
Parent: #29

Eid Mubarak
Abu Bakr
Osman Musa
and all members od Sudanese online.

Post: #33
Title: Re: ذبح الخروف مســــعود
Author: khatab
Date: 19-12-2007, 08:23 PM
Parent: #31

..عيد بأي حال عدت (من) عيد
بما مضى أم بخراف لذبح المساعيد؟
.
.يا جماعه مسعود ده من ام بارح ..!!
..هنا وقال الكلام
..الفوق ده..
.لاكين اي زول عندو ..قافيه طاشه
..طلعا..فى العيد ده..
.
.فمسعود معانا
.
.ولا شنو يا عمى مسعود
..
. !!
.غايتو
.
.

Post: #32
Title: Re: ذبح الخروف مســــعود
Author: abubakr
Date: 19-12-2007, 08:05 PM
Parent: #1

عيد سعيد يالملك

_______________

ياجماعة حتي ومسعود مافي برضو ملح الارض بيغني وينحت الفرح .. وهذه اغنية لاسرة امدرمانية كلها اصوات جميلة من برنامج لهم الليلة ... اسرة النحاس ...
عمت بشائرنا ودام الفرح لينا




Post: #34
Title: Re: ذبح الخروف مســــعود
Author: esam gabralla
Date: 19-12-2007, 08:52 PM
Parent: #1

شوف ليك كيف ناس
ممروضة موهومة

تفتش على عيدا
زعلانة مكظومة

عاملة ما عارفة
محزونة مكلومة

انو الزمان غير
والفرحة معدومة

عيد شنو و سجما
والضحكة مبلومة

الدمعة في القلب
والبسمة مكتومة

قوم كده يا منعم
بلا عيد بلا قومة

خلينا في حالنا
الغمة مردومة

ما تلف و ما تدور
اعملها مكتومة

اديها "واحد" و صن
فالازمة معلومة

Post: #35
Title: Re: ذبح الخروف مســــعود
Author: اساسي
Date: 20-12-2007, 00:14 AM
Parent: #34

يا اخوانا بالمرة دخلوا معاكم الشربوت

Post: #36
Title: Re: ذبح الخروف مســــعود
Author: Elbagir Osman
Date: 20-12-2007, 01:00 AM
Parent: #1

Happy Eid

Continue..

Bagir

Post: #37
Title: Re: ذبح الخروف مســــعود
Author: Tagelsir Elmelik
Date: 20-12-2007, 02:52 AM
Parent: #36

Quote: عمت بشائرنا ودام الفرح لي

التم تم ما عندك يا ابوبكر
هسة اقوم اديك قصيدة
...
البرابرة والتم تم
فى المزيكة و ما ادراكا
جرو فيها النم
و فاتو حامد كباكا

( رباعيات مسعود)

Post: #38
Title: Re: ذبح الخروف مســــعود
Author: abubakr
Date: 20-12-2007, 04:40 AM
Parent: #1

Quote: التم تم ما عندك يا ابوبكر


يالملك احنا برابرة تامين كدة برانا ..

Post: #39
Title: Re: ذبح الخروف مســــعود
Author: Gazaloat
Date: 20-12-2007, 01:36 PM
Parent: #38

ياحليل زمان الناس
والدين سلوك عادى
فى البيت وجوة البص
فى السوق وفى النادى
فى المدرسة التعليم
فتنا الخلق غادى
وبى سلوكنا العام
يترنم الشادى
لا السينما كانت عيب
لابنقفل الرادى
لاقلنا داك كافر
نادولو جهَّـادى
لاقلنا داك فاسق
لامفسدا بادى
رغم الجراح فى الجوف
كان البلد هادى
وكان الامل فى الايد
نيلا سقى ولادى
ربـَّى الامل جنحات
وفرَّ لى غادى
وبقت البلد سجنا
مساحتو حدادى
واتحكم الطاغوت
والمجرم السادى
عسكر بنى لادن
استعمروا الوادى

Post: #40
Title: Re: ذبح الخروف مســــعود
Author: Osman Musa
Date: 20-12-2007, 02:42 PM
Parent: #39


شايف الخروف
برجف
خايف من البطرى
يمكن يكون
عارف انو المرض خطرى
دى هى حمة نزفية
اكعب من الجدرى
ومعاو كمان اسهال
بيسبب الفترى


Post: #41
Title: Re: ذبح الخروف مســــعود
Author: Emad Abdulla
Date: 20-12-2007, 02:43 PM
Parent: #39



Quote: وبقت البلد سجنا
مساحتو حدادى
واتحكم الطاغوت
والمجرم السادى
عسكر بنى لادن
استعمروا الوادى
يا ربي يا كافي البلا .. حنانيك .
ود الجنرال .. بلدك سادحاها الأزمة ..
و العيال بطلو يفتشو شليل الرايح ..

عليه .. فالشكية لي أب إيداً قوية .



فرحان بعودتك يا ملاّح .