سودانيزاونلاين .. شنبات سااااي

سودانيزاونلاين .. شنبات سااااي


15-12-2007, 07:30 PM


  » http://sudaneseonline.com/cgi-bin/sdb/2bb.cgi?seq=msg&board=120&msg=1197743405&rn=0


Post: #1
Title: سودانيزاونلاين .. شنبات سااااي
Author: خدر
Date: 15-12-2007, 07:30 PM

شنو قصتكم يا رجال سودانيزاونلاين
المنبر كلو ماعندو شغلة الا بالمرأة و اضطهاد المرأة والجندر
مافي زول يدق سدرو و يفتح بوست للدفاع عن حقوق الرجال

وروني ؟
وينها حقوق الرجل في مجتمع سوداني تسيطر عليه فكرة ان المرأة مظلومة ؟
وينها حقوق الرجل من حواء و حيلها و ريالتنا السايلة وراها ؟
وينها حقوق الرجل من النسوان البطاعنن ؟
وينها حقوق الرجل من المرأة شيالة الحس و الحال ؟
وينها حقوق الرجل من المرأة اللسانها طويل ؟
وينها حقوق الرجل وسط جري المعايش و الغداء البي عدس بحجة اننو العيال ما خلوني اطبخ ؟
وينها حقوق الرجل مع مرتب الزوجة الرايح كلو في ادوات التفخيخ (المكياج) ؟
وينها حقوق الرجل العذابي و الارمل ؟
وينها حقوق الرجل البطنو طامة من العرس و النسوان ؟


المنبر ده مافيهو زول يقول الحق ؟







نسأل الله العفو و السلامة

Post: #2
Title: Re: سودانيزاونلاين .. شنبات سااااي
Author: خدر
Date: 15-12-2007, 07:33 PM
Parent: #1




Post: #3
Title: Re: سودانيزاونلاين .. شنبات سااااي
Author: خضر حسين خليل
Date: 15-12-2007, 07:44 PM
Parent: #2



الزول دة مالو مضيقها علي روحو كدة








أقول قولي هذا وإستغفر الله لي ولك

Post: #5
Title: Re: سودانيزاونلاين .. شنبات سااااي
Author: خدر
Date: 15-12-2007, 07:59 PM
Parent: #3

خضر
(الزول) ده برضو ؟

ههههههههههه










_________
الخواف ربا حبيبتو

Post: #4
Title: Re: سودانيزاونلاين .. شنبات سااااي
Author: إيمان صالح
Date: 15-12-2007, 07:53 PM
Parent: #1

وينها حقوق الرجل من المرأة شيالة الحس و الحال ؟
وينها حقوق الرجل من المرأة اللسانها طويل ؟

ووووب علي
هسه يا راجل انا ناضمتك؟




ايمان

Post: #6
Title: Re: سودانيزاونلاين .. شنبات سااااي
Author: خدر
Date: 15-12-2007, 08:17 PM
Parent: #4

ايمان
تشيلي و تنقلي في صور النسوان العجايز للمنبر
دي حركة كويسة منكـ دي اسه ؟

المنبر ده انت قايله في زول بناضم زول فيهو
اي شي مكتوب ضد الرجال اصلو ديل رجال ولا مواتر ياخي ؟












_____
تحياتي يا ايمان يا مجنترة

Post: #7
Title: Re: سودانيزاونلاين .. شنبات سااااي
Author: خدر
Date: 15-12-2007, 09:15 PM
Parent: #6

مولانا خدر يهدي البوست لماما امينة و الجد شعبان و الاوغاد الواردة اسمائهم ادناة

دكين
تمبس
اساسي
فيصل نوبي

واخرين






____________
اخرين دي بتاعت صالح الخير و فرية التفجيرات

Post: #8
Title: Re: سودانيزاونلاين .. شنبات سااااي
Author: ابراهيم عدلان
Date: 15-12-2007, 09:30 PM
Parent: #1

و لمن نقول ليك ابوخالد

انت و عماد تقولوا جندره و حركات





ناس مدجنة بشكل



_____________________
عيد سعيد ابوخالد و الاسرة

Post: #9
Title: Re: سودانيزاونلاين .. شنبات سااااي
Author: Mustafa Mahmoud
Date: 15-12-2007, 09:37 PM
Parent: #8


Post: #10
Title: Re: سودانيزاونلاين .. شنبات سااااي
Author: Ishraga Mustafa
Date: 15-12-2007, 10:39 PM
Parent: #9

Quote: وروني ؟
وينها حقوق الرجل في مجتمع سوداني تسيطر عليه فكرة ان المرأة مظلومة ؟
وينها حقوق الرجل من حواء و حيلها و ريالتنا السايلة وراها ؟
وينها حقوق الرجل من النسوان البطاعنن ؟
وينها حقوق الرجل من المرأة شيالة الحس و الحال ؟
وينها حقوق الرجل من المرأة اللسانها طويل ؟
وينها حقوق الرجل وسط جري المعايش و الغداء البي عدس بحجة اننو العيال ما خلوني اطبخ ؟
وينها حقوق الرجل مع مرتب الزوجة الرايح كلو في ادوات التفخيخ (المكياج) ؟
وينها حقوق الرجل العذابي و الارمل ؟
وينها حقوق الرجل البطنو طامة من العرس و النسوان ؟



إيمان ياختى انتى سألوك؟
السؤال ده لا ابان شنبات سااااااااااى

خدر... نجاوب ولا لاّ؟ بعدين انت تنزل موضوع زى ده والفراش فضل ليهو اسبوع ويترفع!!

_________________________________________________________________
بارعة كيفنك ياختى؟

Post: #13
Title: Re: سودانيزاونلاين .. شنبات سااااي
Author: خدر
Date: 15-12-2007, 11:01 PM
Parent: #10

ام واصل سلامات وليك وحشة

والله ياريتك تجاوبي رغم انو الكوت النقلتيهو ده ما كل الاسئلة
عندنا منها كتير من فصيلة قس علي ذلكـ
بعدبن شنبات دي النكتة المعروفة وما عندها علاقة بي القصدتيهو بي كوتكـ
رغما عن انو لايد لنا في ان وجوهنا تتوسطها شنبات
ولم يثبت تورطنا في قضايا عصر الحريم و سلطة الرجل بحساب التسلسل التاريخي
فكل ذلكـ محض تاريخ نحاول معكم الفكاك منه نحو مملكة احترام الانسان
فأعضاء و قراء سودانيواونلاين لم يشاركوا في تلكـ الجرائم وفقا لسجلات امنستي انترناشونال

كدي قولي و كان النقاش سخن ,, بنرحلو معانا للدورة الجديدة




تحباتي للوليدات و اتصلي ياخ


Post: #12
Title: Re: سودانيزاونلاين .. شنبات سااااي
Author: خدر
Date: 15-12-2007, 10:46 PM
Parent: #9

تسلم يا دكتور ياخي
ليكـ وحشة والله
وكل سنة وانت طيب

Post: #11
Title: Re: سودانيزاونلاين .. شنبات سااااي
Author: خدر
Date: 15-12-2007, 10:45 PM
Parent: #8

والله يا ودعدلان وماطالبني حليفه
انا ابولقاء (ست ابوها)
والبوست ده اجندتو واضحة جدا
المنبر ده صوت النساء فيهو عالي
و الذكور بقي صوتهم طشاش في بلد العميان و الغريبه مبسوطين و يتنافسون كمان
و كأنما نحن في سودانيزاولاين مسؤلين عن كل التجاوزات الحصلت للنساء حتي قبل عصر النهضة
واحده من مهام المنبر هي إثارة القضايا المسكوت عنها
لكن ما قدر ما تتحول قضايا الرجال لخانة المسكوت عنه

عاد نبقي في اريتكـ يا ابوزيد ما غزيت ؟





__________
نسأل الله العفو و السلامة

Post: #14
Title: Re: سودانيزاونلاين .. شنبات سااااي
Author: اساسي
Date: 15-12-2007, 11:04 PM
Parent: #11

زمان يا خدر الشين وكت شابكني دباب وسادي ومجرم حرب وما عارف شنو كنت بقول في كلامك دا في المنبر لكن ما كان في اذان بتسمع الكلام اللهم دايرين شبح كوز يطلعوا عليه قرفهم
كتبت في سنة 2004 حاجة قريبة من نضميك دا بس ما كان في قراء الوقت داك
ــــــــــــــــ
المراة السودانية قادرة ومفترية (ما كلهم طبعا )

كشعب سوداني تميز عن بقية الشعوب باحترام المراة كثيرا من المقولات الشعبية والامثال والاهزوجات تدعم هذا القول علي لسان نسائنا حينما تخاطب الرجل ( بمقنع الكاشفات _ عشا البايتات _ خال البنات _ حتي غنائنا الحديث لا يخلو من مثل هذا ( خال فاطنة ...)
اس المشكلة في الجندريات السودانيات واللاتي تشبعن بثقافات غير سودانية اردن ان يفصلنها علي مقاس الرجل السوداني بمنظور ( الفيل الظالم والنملة ) يستخدمن كل الاساليب لالباس الرجل السوداني والذي يوقر المراة ويحفظ لها دورها الباسه هذا الثوب اي ظلم المراة قصرا فقط ليقنعن انفسهن بان القضية التي راهن عليها غير خاسرة ... ولكن اي شخص يري واقع السودان لا يقول هذا القول مع العلم ان هناك حالات شاذة في كل المجتمعات ولكن لا ترقي ابدا للظواهر التي يجب محاربتها بهذا التعميم المخل لا ينكر ان المراة تطورت ماملة الرجل السوداني لها علي مر الاجيال فما كان حادث من ظلم عليها في القرنين السابقين اضحي الان مجرد تاريخ .. اتساءل جديا هل فعلا المراة السودانية مظلومة من قبل الرجل السوداني والمجتمع ام هي فرية في خيال الجندريات ؟؟
لي بوست قديم في هذا الشأن اورد منه بعض ما يناسب الموضوع الذي يعج به المنبر الان ...

ما دعاني للحديث في هذا الموضوع هو وضع المرأة الان في واقع حياتنا وفي هذا المنبر تحديدا
ان الاحتفاء الذي وجدته اخواتنا في هذا المنبر والوعي في تعامل الاخرين مع الاخوات والاشادة بهن وبكتابتهن وكثرة المشاركات الداعمة لهن حتي اضحت بوستات اخواتنا هي البوستات الرائجة مع الاشارة الي انه لا توجد اي اشادات او كلمات اعجاب ترد الي الفطرية الانسانية تظهر في تلك التعليقات .. وبما ان هذا المنبر هو مرآة لواقعنا المعاش ويمثل نسبة كبيرة من شرائح المجتمع فإن ما يجي علي لسان اخواتنا ينافي الواقع بنسبة كبيرة وفيه كثير من المغالاة والمبالغة وهذا لا يمنع بحالة من الاحوال وجود بعض الاختراقات هنا وهناك من البعض ولكن تظل هذه الاختراقات للواقع حالات فردية لا ترقأ لا يطلق عليها ظاهرة حتي.
لا ينكر احدا ما كانت تلاقيه المراة قديما من ظلم وانتهاك لحقوقها علي مدي التاريخ القديم .. ولكن هذا الواقع تغير جدا الان تغير بحيث صارت المراة ندا حقيقيا للرجل يتفوق عليه في كثير من الاحيان ( مع عدم اغفال الجانب الفيزيائي للنوعين) فعندما نسمع عن بعض الانتهاكات التي تقع علي بعض النساء في اي مكان في العالم ننظر اليها كظاهرة فريدة او غريبة بعد ان صار الشئ العادي هو معاملة المراة من قبل الرجال المعاملة العادلة
ان كل هذا وحديث اخواتنا مثالا في المنبر عن الظلم الذي تتعرض له المراة في هذا المنبر يعد نوعا من انواع التذكير بالجرائم السابقة التي ارتكبها الاجداد القدماء في حق المراة يريدون منا دفع ثمنها نحن الذين نوقر ونقدر ونحترم مكانة المراة فينا وفي المجتمع
اصبح ذلك الامر يذكرني بالفرية التي يعيش عليها اليهود حتي الان ويريدون استغلال العالم بها كل حين والتي تعرضوا لها في الحرب العالمية الثانية علي يد هتلر ومعاداة السامية
فكل مرة تطالعنا احدي الاخوات ببوست يذكرنا فيه بذلك الامر اي ظلم المراة والعنصرية الجنسية والميل الي الذكورة وتفضيلها علي الاناث
هذا الامر اصبح مملا اكثر منه موضوع للنقاش الدائم المستفيض خارج اطاره التاريخي او بعض الحالات النادرة .
لذا اناشد الاخوات بفتح فضاءات ارحب للنقاش في موضوعات مفيدة واكثر واقعية فهذه اللبانة فقد كل نكهاتها وطعمها من كثرة مضغها

ــــــــــــــــ
وبرضو كتبت قبلها حاجة مرتبطة
المراة ... هل هي فعلا مظلومة ام نحن نعادي السامية؟


وكدا يعني

Post: #15
Title: Re: سودانيزاونلاين .. شنبات سااااي
Author: Ishraga Mustafa
Date: 15-12-2007, 11:35 PM
Parent: #14



Quote: السودانية مظلومة من قبل الرجل السوداني والمجتمع ام هي فرية في خيال الجندريات ؟؟



خدر ... عليك بنقل الفراش لدورة جديدة...

أساسى كفنك يا ابوالبنية؟ سالين منك يا اخوى



_________________________________________________________

ماجدة خوجلى شكرا ياختى زولك اب عضلات ده تراه مفيد بنحتاجه عند الضرورة

Post: #16
Title: Re: سودانيزاونلاين .. شنبات سااااي
Author: خدر
Date: 15-12-2007, 11:48 PM
Parent: #15

Quote: فكل مرة تطالعنا احدي الاخوات ببوست يذكرنا فيه بذلك الامر اي ظلم المراة والعنصرية الجنسية والميل الي الذكورة وتفضيلها علي الاناث
هذا الامر اصبح مملا اكثر منه موضوع للنقاش الدائم المستفيض خارج اطاره التاريخي او بعض الحالات النادرة .
لذا اناشد الاخوات بفتح فضاءات ارحب للنقاش في موضوعات مفيدة واكثر واقعية فهذه اللبانة فقد كل نكهاتها وطعمها من كثرة مضغها

انا مصر انو اضرب بي اساسي المثل دايما وانو الحوار في المنبر نجح في تحويل اساسي من
دباب لي مستنير لكن امنبر بي حالتو دي انا خايفو يرجعكـ لي عصور الظلام تاني
لانو الحاصل هنا ما بسر والله



التحية ليكـ و ابق معنا يا صديقي

Post: #17
Title: Re: سودانيزاونلاين .. شنبات سااااي
Author: خدر
Date: 16-12-2007, 00:06 AM
Parent: #15


ام واصل يا ستنا
اسه زولكـ الجبتيهو لينا ده ما ياهو جوهر البوست و الاهاب الجندري الحاصل هنا ؟
و تأكيد لي تصوراتنا حول فقه الجندر علي ارض سودانيوانلاين ؟
سؤال اساسي عن المرأة السودانية المظلومة ده مافيهو استاندر يخلينا نستعجل الاجابة
او نستدعي الدراسات و الاحصائيات المهتمه بوضع المرأة في العالم الثالث او الرابع

اسئلتنا هنا عن الراهن في ظل اجواء اسرية معافاه (منبر الحوار نموذجا)
اجزاء تعلم فيها المرأة انها جزء من علاقة عاطفية اولا و حياتيه ثانيا و يجب ان تقسم
فيها الادوار كل و قدراته (ليست بالتساوي عطفا علي منهج تقسيم العمل)
جزء من ده نحن كرجال ,, عاوزين نعرف التور ده حايكون في طينو لي متين و برضو ماعاجب


و معا من اجل علاقات صحية في منابر الحوار او في البيوت او في مواقع العمل

Post: #18
Title: Re: سودانيزاونلاين .. شنبات سااااي
Author: سلمى الشيخ سلامة
Date: 16-12-2007, 01:12 AM
Parent: #17

تتذكر مرة كنا بنتكلم عن الرجل السودانى فى التلفون وكان ردك شنو ؟

غايتو الرجال ديل

ما بفسر وانت ما تقصر

Post: #22
Title: Re: سودانيزاونلاين .. شنبات سااااي
Author: خدر
Date: 16-12-2007, 10:25 AM
Parent: #18

ولسه يا سلوم رايئ في الراجل السوداني هو زاتو
و لسه مؤمن بي قضايا المرأة
و مع الشعوب و الاقليات في تقرير مصيرها
وبدفع الفواتير في مواعيدها
وبحب وردي و محمد الامين و الحقيبه و الحركة الشعبية
و بشجع الهلال والمريخ و بموت في الفريق القومي
ومشترك في عدد من المنظمات الطوعية




اها يا اخوانا موش مفروض يكون عندنا حقوق زي ماعلينا و اجبات ؟
علي الاقل في المنبر ده

Post: #19
Title: Re: سودانيزاونلاين .. شنبات سااااي
Author: شهاب الفاتح عثمان
Date: 16-12-2007, 02:12 AM
Parent: #1

شكــرا لك , لا يـوجد رجــل مظلــوم بصــوره دائمــه ,
لا تــوجد امــراءه مظــلومه كمسلمــه دائمه !.. هنــاك اختــلا ف و تنــوع
حسب الشخصيــه و البيئــه و المجتمــع و التقبل الفردي لاســر الاخــر
و تمــاديه ..


حبــابك يا خــدر يا خطـــر .

Post: #24
Title: Re: سودانيزاونلاين .. شنبات سااااي
Author: خدر
Date: 16-12-2007, 10:31 AM
Parent: #19

دكتور شهاب سلامات ياخي

الموضوع ده انا بعني بيهو هنا سودانيزاونلاين و البيوت دي جبتها كمثال
سودانيزاونلاين الله يقدر ليكـ تقول كلمة (شنب) ساي بس
القيامة تقول و الاتهامات تترصرص ليكـ من ابوحمامة لحدي ود الحسين
عدو المرأة
عدو الجندر
ذكوري
وقس علي ذاكـ

و كانما نحن مسؤلين عن الشنب ده
كدي قلنا نناقش اخواتنا ديل و كمان بالمره نشوف الشنبات رايها شنو

Post: #20
Title: Re: سودانيزاونلاين .. شنبات سااااي
Author: haroon diyab
Date: 16-12-2007, 06:44 AM
Parent: #1

خدر
صباح الخير

Quote: وروني ؟
وينها حقوق الرجل في مجتمع سوداني تسيطر عليه فكرة ان المرأة مظلومة ؟
وينها حقوق الرجل من حواء و حيلها و ريالتنا السايلة وراها ؟
وينها حقوق الرجل من النسوان البطاعنن ؟
وينها حقوق الرجل من المرأة شيالة الحس و الحال ؟
وينها حقوق الرجل من المرأة اللسانها طويل ؟
وينها حقوق الرجل وسط جري المعايش و الغداء البي عدس بحجة اننو العيال ما خلوني اطبخ ؟
وينها حقوق الرجل مع مرتب الزوجة الرايح كلو في ادوات التفخيخ (المكياج) ؟
وينها حقوق الرجل العذابي و الارمل ؟




ووروني حقوق الراجل المن يدخل سودلنيز او لاين يلقي الطوة في راسه طاااااااااااااااخ
عيدك مبارك
هارون دياب

Post: #21
Title: Re: سودانيزاونلاين .. شنبات سااااي
Author: معتصم دفع الله
Date: 16-12-2007, 08:16 AM
Parent: #1

Quote: انا مصر انو اضرب بي اساسي المثل دايما وانو الحوار في المنبر نجح في تحويل اساسي من
دباب لي مستنير
دباب أون لاين ..
وااااااك يا خدر




كيفك يا طارق ..
مشتاقوووون ياخ ..
وكل سنة انت والأسرة بألف خير ..

Post: #25
Title: Re: سودانيزاونلاين .. شنبات سااااي
Author: حيدر حسن ميرغني
Date: 16-12-2007, 10:33 AM
Parent: #21



خدر

غايتو الله يحمينا من قصقصة شنب زي دي

حرَم خلوه وطواط عديل

Post: #23
Title: Re: سودانيزاونلاين .. شنبات سااااي
Author: mamkouna
Date: 16-12-2007, 10:26 AM
Parent: #1





Post: #26
Title: Re: سودانيزاونلاين .. شنبات سااااي
Author: Ishraga Mustafa
Date: 16-12-2007, 11:50 AM
Parent: #23

ياناس {الشنبات} سلامات!!


الكلام بقى فى الجد!!

طيب قبال ما ابدأ وبعد باسم الله الرحمن الرحيم من الشيطان الرجيم دايرة اسأل بعض الأسئلة ليكم كلكم لكن اخص بيها اخونا أساسى:

فهمكم للجندر ومن ثم للجندريات؟ ببساطة يعنى منو هن الجندريات وبيعملن شنو؟
هل فى رجال جندريون؟
البرنامج شنو المرتكز عليهو الجندر؟


دى اسئلة أولى... وبعدين نتفاهم فى الحقوق الفوق دى ياخدر!!

Post: #31
Title: Re: سودانيزاونلاين .. شنبات سااااي
Author: خدر
Date: 16-12-2007, 04:09 PM
Parent: #26

هارون سلامات ياخي
قلت لي ارهاب في البيت و المنبر
قصة صعبه والله

اها وشنبكـ موقفو شنو من القصة دي ؟



معتصم الفنان سلامات ياخي و مشتاقين
جدا والله ما تتخيل انا سعيد بي اساسي الكارثة ده كيف
ياخي ده زمان كان صعب خلاص
شوفو اسه اتدهور اتدهور لمن بقا يكتب عن الجندر



حيدر ميرغني
عاد نبقا في جنس ده
تحياتي يا راجل



ممكونه

ده اسمو الدبل كيكـ في الكورة


ام واصل
البوست بوستكـ

Post: #27
Title: Re: سودانيزاونلاين .. شنبات سااااي
Author: AMNA MUKHTAR
Date: 16-12-2007, 12:01 PM
Parent: #1

( الدباب التائب) أساسى..

فتشت بوستك الأسمو: نساء يفتقدن الى الطلح
ولم أجده..

ممكن تساعدنى باللنك بالله ..عشان نضيفه الى قائمة بوستاتك( الوجيهة المجيهة) أعلاه ...

Post: #28
Title: Re: سودانيزاونلاين .. شنبات سااااي
Author: وليد محمد المبارك
Date: 16-12-2007, 03:19 PM
Parent: #27

تحسبو هظار ...

سيداو للرجالة

Post: #29
Title: Re: سودانيزاونلاين .. شنبات سااااي
Author: رأفت ميلاد
Date: 16-12-2007, 03:44 PM
Parent: #28


معآ ضد الإرهاب النسائى












---------
ولا أنا راكب غلط

Post: #30
Title: Re: سودانيزاونلاين .. شنبات سااااي
Author: خدر
Date: 16-12-2007, 04:03 PM
Parent: #29

وليد سلامات
سيداو ده ماعرفتو ؟





Quote: وينها حقوق الرجل من حواء و حيلها و ريالتنا السايلة وراها ؟

رأفت
ماتنزعج ساي .. انت راكب صاح بس اقبض في البند اعلاة
ما بتجيكـ عوجة تب






______

Post: #32
Title: Re: سودانيزاونلاين .. شنبات سااااي
Author: وليد محمد المبارك
Date: 16-12-2007, 04:09 PM
Parent: #30

سيداو ده واحد شنباتو كبار جدا

Post: #33
Title: Re: سودانيزاونلاين .. شنبات سااااي
Author: خدر
Date: 16-12-2007, 04:12 PM
Parent: #32

اذا كانت شنباتو كبار و بقوم بي واجباتو الحياتية و المنبرية
و بحترم الدستور و المرأة و حقوق الانسان ولوائح المنبر
مرحب بيهو والبوست بوستو عشان يسترجع حقوقو العند المرأة

Post: #34
Title: Re: سودانيزاونلاين .. شنبات سااااي
Author: وليد محمد المبارك
Date: 16-12-2007, 04:17 PM
Parent: #33

سيداو = CEDAW

نحن عاوزين واحدة زيها للرجال

شنو يا خدر مالك يا معلم فتحت مواضيع النسوان والتحير ومخك بقى تخين؟!
انت وكت ما بتقدر عليه فاتحو مالك

Post: #35
Title: Re: سودانيزاونلاين .. شنبات سااااي
Author: وليد محمد المبارك
Date: 16-12-2007, 04:20 PM
Parent: #34

وعشان ما تقول لي

CEDAW ده منو

هاك


Convention on the Elimination of All Forms of Discrimination against Women

نحن عاوزين يا خدر
CEDAM
يعني

Convention on the Elimination of All Forms of Discrimination against Men

Post: #36
Title: Re: سودانيزاونلاين .. شنبات سااااي
Author: خدر
Date: 16-12-2007, 04:23 PM
Parent: #35

وليد
ياخي انا حقت النسوان زاتها عندي فيها رأي
ليه اصلا حقوق نسوان ؟
وليه مافي حقوق رجال ؟
جيب الجمعيتين ديل خليهم ينضموا لينا
واوعدكـ انو نساعدهم








_____________
هظر ياخي ماتبقي جادي

Post: #37
Title: Re: سودانيزاونلاين .. شنبات سااااي
Author: وليد محمد المبارك
Date: 16-12-2007, 04:27 PM
Parent: #36

Quote: هظر ياخي ماتبقي جادي


والله العظيم قاعد اهظر

يظهر انك ضربت اللبن الكتير في هولندا

ونسيت انو السودانيين هظارهم باااااااااااااااااايخ


Post: #38
Title: Re: سودانيزاونلاين .. شنبات سااااي
Author: نادية عثمان
Date: 16-12-2007, 04:27 PM
Parent: #34

ممكن اطلب اغنية (ياطير ياماشى لى اهلنا ) بصوت الرائع خضر واهديها لزولة عزيزة على رسلتها بيتنا تسلم على ابوى ؟!!

Post: #39
Title: Re: سودانيزاونلاين .. شنبات سااااي
Author: سلمى الشيخ سلامة
Date: 16-12-2007, 05:57 PM
Parent: #38

يا اب شنب
هدية ليك

http://uk.youtube.com/watch?v=oA8uTmJLHyY&feature=related

Post: #40
Title: Re: سودانيزاونلاين .. شنبات سااااي
Author: انعام حيمورة
Date: 16-12-2007, 07:47 PM
Parent: #38

ندووووووية يا عسل

طلباتك اوامر

رايك شنو يا خدر - شنبات ولا لا ؟؟؟؟


Post: #41
Title: Re: سودانيزاونلاين .. شنبات سااااي
Author: Mohamed Idris
Date: 16-12-2007, 08:44 PM
Parent: #40

غايتو نحن بين امرين
الجذور الافريقية الادت المرة حقوق
وكان المجتمع السوداني لوقت قريب مجتمع ( امومي )
لذلك ما زالت كلمة المرأة مسموعة .
الامر التاني
زحف الاسلمة عاوز يرمي الحيطة دي ويقوم حيطة اسمها (الحريم)
والحيطة الجديدة قاعدة تتبني من طين الحيطة القديمة .
ياتو حيطة الحتحافظ على رقبتها !!!!
ومنو حراسها

Post: #50
Title: Re: سودانيزاونلاين .. شنبات سااااي
Author: خدر
Date: 16-12-2007, 11:19 PM
Parent: #40

نادية سلامات
غايتو انعام كان ما وصلت الوصيه تكون بالغت
(دي فتنة طبعا )
انشاء الله يا نادية رسايلكـ و رسايلنا تصل لاحبابنا
و ننعم بي بلد فيهو علاقة احترام متبادلة بين النساء و الرجال
بعيدا عن فخاخ الجندر




انعام يا ستنا
ياخي قالوا ليكـ بي صوت خدر تجيبيها لينا بي صوت اسرار
غايتو اسرار ما بناباها لكن الفيكـ اتعرفت

شنبات ساااي ؟ دي سنبات و دقون كمان

Post: #62
Title: Re: سودانيزاونلاين .. شنبات سااااي
Author: نادية عثمان
Date: 17-12-2007, 11:28 AM
Parent: #50

خدر العزيز سلامات وعيدك مبارك اخوى

Quote: ياخي قالوا ليكـ بي صوت خدر تجيبيها لينا بي صوت اسرار
غايتو اسرار ما بناباها لكن الفيكـ اتعرفت


اها شفت عشان انعام مانفذت الوصية الاغنية بتاعتها زاتها حلفت ماتشتغل .. عليك الله نزل لينا البى صوتك الحنين ديك سمح؟!

Post: #54
Title: Re: سودانيزاونلاين .. شنبات سااااي
Author: نادية عثمان
Date: 17-12-2007, 00:09 AM
Parent: #40

نعومة حبيبة قساى ازيك وعيدك مبارك حبيبتى

عاينى

الاغنية ماشغالة ياخ !!

Post: #47
Title: Re: سودانيزاونلاين .. شنبات سااااي
Author: اساسي
Date: 16-12-2007, 10:27 PM
Parent: #27

اظن ان البوست تم حزفه لكن هذا صدر البوست ان اردت فانا لا اخجل مما اكتب وما زلت اتبني رأي عن شراسة المنبريات

Quote: شراشة ضارية تجتاح نساء هذا المنتدي ..لبوات جائعات تفرقت بهن سبل هذا المنتدي ابرزن مخالبهن تقطيعأ في الجميع ... زئير وزمجرة استعضن بها عن هبة الله اليهن من حنان .. وغنج .
بعضهن لجهلن بعطايا الله اليهن فرحات بهذا الاجتياح ودماء مذابح اللفظ تقطر من السنتهن ..
لو اراد الله بهذه الدنيا غابة للقوة لاتي بالعباد جميعا من الذكور ولكان للقوة يومئذ منطقها المبرر..
نساء يلفهن الصقيع البارد في امصار الدنيا يغلفهن البرود من كل اتجاه لذا اجد توقهن الي دفء حفرهن مبرر ... من فقدت دفء النظرة من فقدت دفء الرجولة من فقدت دف دخان طلحها لابد ان صقيعها الضاري سيجتاح اخضر الاخرين ويابسها ..
ان من يخالف طبيعة الله التي جبل عليها عباده لابد له من الوقوع في مهالك تقلبات الطقس والعباد
وما خلقت يوما المراة للقتال سوي بنبال نظراتها واسهم عشقها وغنجها ودلالها
نساء يحاكين الرجال حشرجة ليست جديرة بهن جلسات البوخات لذا هيأ لهن الله من امرهن رشدا ورحلن الي حيث لا بوخ سوي للصقيع
ولان الله ادري بعباده فقد هيأ كل لما خلق له
واظنهن ما تهيأن للدلال ولا عرفن للغنج طريقا ... بيد ان المراة مهما ترجلت لن تعودو كونها نشازا .
رفقا اصدقائي بهن وقواريركم فانهن اخوات ضللن الطريق الي الطلح وضل اليهن المسار.

Post: #42
Title: Re: سودانيزاونلاين .. شنبات سااااي
Author: عمر سعد
Date: 16-12-2007, 08:47 PM
Parent: #1

Quote: "بعض" النساء .. ونشـوة الأعماق ]


دة نشوة اعماق رافت ميلاد

انتو الرجال ديل بالصح دايرين يعملو ثورة المضطهدين انا قايلو كلام ساكت

Post: #43
Title: Re: سودانيزاونلاين .. شنبات سااااي
Author: Mohamed Idris
Date: 16-12-2007, 08:56 PM
Parent: #42

url=http://www.sudaneseonline.com/][/url]

اهو الزي دي المفروض يلبس الحاجات البلبسوها فوق !!!
مش زي زولك داك زي ما قال خضر .

Post: #44
Title: Re: سودانيزاونلاين .. شنبات سااااي
Author: سجيمان
Date: 16-12-2007, 09:03 PM
Parent: #1



Quote: وينها حقوق الرجل في مجتمع سوداني تسيطر عليه فكرة ان المرأة مظلومة ؟


يا دووووووب صحيت يا بريش؟؟؟؟؟

Post: #45
Title: Re: سودانيزاونلاين .. شنبات سااااي
Author: Abdel Aati
Date: 16-12-2007, 09:39 PM
Parent: #44

خذر انت بتهظر ؟؟
Quote: وينها حقوق الرجل في مجتمع سوداني تسيطر عليه فكرة ان المرأة مظلومة ؟

يا زول ومتين سيطرت على المجتمع السودانيب فكرة انو المرة مظلومة ؟؟
دا كان يكون انجاز كبير جدا ..

يا اخي الا تلاحظ في هذا المنبر التحرش الجنسي بالنساء
والاساءة اليهن لمحض كونهن نساء ؟؟
الا تلاحظ كيف يدافع انصار البيدوفيليا عن اجبار الطفلات على الزواج ؟؟
الا تلاحظ للاغتصاب في دارفور ومعيشة الضنك التي تعاني منها النساء في المعسكرت ؟؟

يا اخي نحن نحتاج الى جهد مضاعف بالاف المرات مما هو مبذول حاليا
حتى نتعرف فقط على ابعاد مشاكل النساء السودانيات ومعاناتهن
ناهيك عن حلها وةالذي يحتاج الى جهد الجبابرة

فلماذا الهزل في قضايا لا تستحمل الهزل ؟؟

Post: #46
Title: Re: سودانيزاونلاين .. شنبات سااااي
Author: Ishraga Mustafa
Date: 16-12-2007, 10:12 PM
Parent: #45

Quote: يا اخي نحن نحتاج الى جهد مضاعف بالاف المرات مما هو مبذول حاليا
حتى نتعرف فقط على ابعاد مشاكل النساء السودانيات ومعاناتهن
ناهيك عن حلها وةالذي يحتاج الى جهد الجبابرة


شكرا ياعادل!!

Post: #48
Title: Re: سودانيزاونلاين .. شنبات سااااي
Author: اساسي
Date: 16-12-2007, 10:31 PM
Parent: #46

شكرا دكتورة اشراقة افتقد الكثير من كتاباتك

Post: #49
Title: Re: سودانيزاونلاين .. شنبات سااااي
Author: خدر
Date: 16-12-2007, 11:08 PM
Parent: #46

Quote: فلماذا الهزل في قضايا لا تستحمل الهزل ؟؟


؟؟

Post: #55
Title: Re: سودانيزاونلاين .. شنبات سااااي
Author: خدر
Date: 17-12-2007, 00:39 AM
Parent: #45

عادل سلامات
انت يتتكلم عن ياتو مجتمع سوداني يا عادل يا اخوي ؟
مجتمع الخرطوم ولا المهاجر ولا اي قرية تقع جغرافيا في اصقاع المليون ميل مريع دي ؟
المعيار متفاوت يا عزيزي كما هو واضح
يبقي مافي معني لي التعميم بإستخدام جملة (مجتمع سوداني) دي لانها جملة مُضلله جدا الليله
و واسعة .
التحرش في المنبر كلنا ضدو و مواقفنا فيهو موش كأعضاء .. كمنتمين اخلاقيا لثقافة بتمنع
الاساءة للمرأة بخلينا نكون ضد التحرش
و الارشيف يشهد للاعضاء هنا (الرجال) بمواقف مشرفه

الـ Pedophilia حدها ما المنبر ولا هي حدث جديد في حياتنا كسودانيين او مسلمين او ديانات اخري
و المعركة ضدها مستمرة و ستستمر طالما في وعي اعلامي كما هو متوفر حاليا لكن هل ده سبب يخلينا
نصمت عن ظلم المرأة للرجل لانو الـ Pedophilia لسة ما انتهت من السودان ؟
طيب ما ختان البنات لسة ما وقف .. برضو نسكت لانو في بعض السودانيين بختنوا بناتهم ؟
Quote: الا تلاحظ للاغتصاب في دارفور ومعيشة الضنك التي تعاني منها النساء في المعسكرت ؟؟

الاغتصاب في دارفور دخلو شنو بي حقوق الرجال او النساء ؟ ياخي في حالات الحروب او الكوارث كلمة زي حقوق
بتكون ترف .. انا ماعارف انت اقحمتها هنا ليه ؟ نحنا هنا بنتكلم عن حقوق يعني مجتمع مدني فيهو
سلام و فيهو معطيات حياة موش حرب فيها لغة رصاص و اغتصاب و قتل
Quote: يا اخي نحن نحتاج الى جهد مضاعف بالاف المرات مما هو مبذول حاليا
حتى نتعرف فقط على ابعاد مشاكل النساء السودانيات ومعاناتهن
ناهيك عن حلها وةالذي يحتاج الى جهد الجبابرة

نحن هنا يا عادل بنتكلم عن حقوق المرأة الاخدتها بموجب قرار الجمعية العامة للامم المتحده في 1966
و قطعت فيها شوط كبير كل دولة و حسب سياستها و حراكها الاجتماعي و بنقارن بين ما حققتو الحقوق دي
من انتصار لي قضية المرأة للدرجة الاصبح فيها الراجل بطالب بي حقوقو منها و ده بعني قمة نجاحنا
كذكور .

هل تريد ان أتيكـ ببيانات عن أنكار النساء لدور الرجل في الدفاع عنهن و تحويله الي اول الضحايا ؟
انت قايل يا عادل نسبة الطلاق العالية في السودان بي سبب الزواج المبكر ؟
هل في ساذج واحد في العالم ده ممكن بصدق انو السبب هو الواقع الاقتصادي الضاغط فقط؟


يا عزيزي الاستنارة الحصلت عليها المرأة عن طريق الميديا و انتشارها كفيلة بأنها تحل محل المنظمات
المعنيه بي قضايا المرأة ... لكن نسوي شنو في اللفحي ؟
شكرا عادل لفتح شهيتي للحوار

_____________
* معيار القياس بتاعي يا عادل الميديا موش سودانيزاونلاين

Post: #51
Title: Re: سودانيزاونلاين .. شنبات سااااي
Author: خضر حسين خليل
Date: 16-12-2007, 11:25 PM
Parent: #1

خدر



إنت البوست دة بقي ضيق ولا أنا متضايق

Post: #52
Title: Re: سودانيزاونلاين .. شنبات سااااي
Author: خدر
Date: 16-12-2007, 11:28 PM
Parent: #51

البوست واسع يا خدوري
بس انت شكلكـ مستعجل و بعض المشاركين بالهم ماطويل



خليكـ معانا و كل شي بالعقل

Post: #53
Title: Re: سودانيزاونلاين .. شنبات سااااي
Author: لقمان حسن همام
Date: 16-12-2007, 11:56 PM
Parent: #51

Quote: فلماذا الهزل في قضايا لا تستحمل الهزل ؟؟


أشيل وأقرأ من قبيل؛ شنبات ودقون وما عارف شنو

كنت قايلك جادي؛ وشيء من هذا القبيل

طلعت بتاع هزل سااااااااي


خدر؛؛ شوقنا شديد ياخ

Post: #56
Title: Re: سودانيزاونلاين .. شنبات سااااي
Author: خدر
Date: 17-12-2007, 00:49 AM
Parent: #53

لقمان با فنان
الله يحرجكـ .. اسه بوستنا ده كلو ما حفظت منو الا كلام عادل










والله يا لقمان اتحداكـ بالشوق و و اعدكـ بي زيارة قريبه عشان نشوف مستوي
حلة القطر قام وصل ويين
تحياتي يا صديق

Post: #57
Title: Re: سودانيزاونلاين .. شنبات سااااي
Author: AMNA MUKHTAR
Date: 17-12-2007, 04:08 AM
Parent: #1

Quote: اظن ان البوست تم حزفه

خسارة..

بوست ( رائع) زى ده يحزفو ليييه..
خصوصا انو كتبو ( الخبير) فى شؤون نساء المنبر أساسى..الأساسى

Post: #59
Title: Re: سودانيزاونلاين .. شنبات سااااي
Author: اساسي
Date: 17-12-2007, 07:26 AM
Parent: #57

Quote: خصوصا انو كتبو ( الخبير) فى شؤون نساء المنبر أساسى..الأساسى


وبرضو عندي محاولات جادة اعمل دراسات في الاضنين واللون البيج

Post: #58
Title: Re: سودانيزاونلاين .. شنبات سااااي
Author: haroon diyab
Date: 17-12-2007, 05:47 AM
Parent: #1

ياخدر
صباح الخير

Quote: هارون سلامات ياخي
قلت لي ارهاب في البيت و المنبر
قصة صعبه والله

اها وشنبكـ موقفو شنو من القصة دي ؟


والله شنبي سجمو مع الرجال.....!
دي خلت فيها شنب.....!
واخر حاجة قالت :
ياانا ياسودانيز الرماد ده في البيت.....!
جنس محن ياولدي...
برضو تقول لي اضهاد النساء.
المصيبة انوا الايام دي عيد الاضحي .... وفي الحالتين انا الضائع....1
كل سنة وانت وجميع الاحباب المتداخلين بالف خير
تحياتي
هارون دياب

Post: #60
Title: Re: سودانيزاونلاين .. شنبات سااااي
Author: AMNA MUKHTAR
Date: 17-12-2007, 07:46 AM
Parent: #1

Quote: وبرضو عندي محاولات جادة اعمل دراسات في الاضنين واللون البيج

بالله انت برضو من النوع ده.....!!
















النقوم نمشى نطبق( البوخة)

Post: #61
Title: Re: سودانيزاونلاين .. شنبات سااااي
Author: حاتم الياس
Date: 17-12-2007, 09:21 AM
Parent: #60

غايتو ياخدر..ان من زمان شايفك ألطف وأظرف زول فى المنبره..هسع دمك بقى لى تقيل مالو وبقيت كمان (رجعى)..شنبات وماشنبات وخطاب (بطرياركى) (ذكورى)

بوستك ده لومشى لقدام حانقول ليك (رفقاً بالرجاجيل)..بدل (القوارير)



مودتى يا...........(عكليته)

Post: #63
Title: Re: سودانيزاونلاين .. شنبات سااااي
Author: فيصل نوبي
Date: 17-12-2007, 12:46 PM
Parent: #1

سلامات يا طارق..
و كل سنة و انت طيب و "الق" و والدتها..
Quote: لكن المنبر بي حالتو دي انا خايفو يرجعكـ لي عصور الظلام تاني
لانو الحاصل هنا ما بسر والله
ما اساسي براو

__

Post: #64
Title: Re: سودانيزاونلاين .. شنبات سااااي
Author: shammashi
Date: 17-12-2007, 01:01 PM
Parent: #63




خدر

أسي أي واحدة من الرقيقتين ديل لو قالت ليك ورق الخدرة، موقفك حيكون شنو في الأمم المتحدة؟؟؟؟

Post: #65
Title: Re: سودانيزاونلاين .. شنبات سااااي
Author: وليد محمد المبارك
Date: 17-12-2007, 02:23 PM
Parent: #64



حي انا عصروك

قر قر قر قر قر قر

والله ما شماته يا خدر لكن عجبني ليك
تاني تجي الحلة

Post: #66
Title: Re:
Author: صلاح شكوكو
Date: 17-12-2007, 06:38 PM
Parent: #1

سودانيزاونلاين .. شنبات سااااي



سودانيزاونلاين .. شنبات سااااي



..

Post: #67
Title: Re:
Author: نادية عثمان
Date: 17-12-2007, 08:27 PM
Parent: #66

خدر الفنان

اوعاااااااااا تكون حردت البوست قبل ماتنزل لى الاغنية بصوتك ياخ ؟!!

خلاص نزلها فى بوست تانى بمناسبة العيد اغنية نعومة دى ماشغااااااااالة ومابى صوتك كمان !!(وجه دموع عينو منقطة) !!

Post: #68
Title: Re:
Author: Mohamed Ahmaed Olyesh
Date: 17-12-2007, 10:37 PM
Parent: #67

خدر



رايك شنو في الرجل السوداني لما يكون ماشي في الشارع دايما بخلي المرأة وراهو؟؟سؤال برئ

كل سته وانت طيب

عليش

Post: #69
Title: Re:
Author: خدر
Date: 20-12-2007, 07:27 PM
Parent: #68

راعي البوست يتمني لكم اعياد فداء مباركة
و كل سنة وانتو بخير

ويطمنكم ان البوست راجل معانا للدورة الجديدة
بكري فرجا ولا ما فرجا بفرجا علي روحي براااااااااااي
وبرحلو معاي





اعذرونا للغياب

Post: #70
Title: Re:
Author: khatab
Date: 20-12-2007, 08:44 PM
Parent: #69

..
.طارق كل عيد وانت
.ياك ذاتك
..
.كل طارق
.وانت شديد
..وزيما قال شماشى فوق
.
.انشاالله ما يقولو ليك
:
:أسي أي واحدة من الرقيقتين ديل لو قالت ليك ورق الخدرة، موقفك حيكون شنو في الأمم المتحدة؟؟؟؟
.

Post: #71
Title: Re:
Author: bent-elassied
Date: 20-12-2007, 09:34 PM
Parent: #70



عيد سعيد

مالك يا طارق ؟

انت ياهو و لا زول تاني؟








سودانيزاونلاين .. شنبات سااااي

اسع الشنبات الفوق دي عجباك؟ ؟؟؟؟؟ا



_________________________
الله ما يورنا يوم طارق عامل ليه

شنبات ذي الصوره الفوق

Post: #72
Title: Re: سودانيزاونلاين .. شنبات سااااي
Author: انعام حيمورة
Date: 20-12-2007, 10:44 PM
Parent: #1

خدر وزوار البوست ..

كل سنة وانت طيبين


ندوية بجيب ليك الاغنية اصبري ..