لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!

لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!


25-11-2007, 04:26 AM


  » http://sudaneseonline.com/cgi-bin/sdb/2bb.cgi?seq=msg&board=120&msg=1195964810&rn=0


Post: #1
Title: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 25-11-2007, 04:26 AM

قال الهندى عز الدين فى احدى مقالته انه كان ضمن وفد المؤتمر الوطنى الذى ذهب للسيد محمد عثمان الميرغنى للعزاء فى وفاة زوجته وذكر الهندى ان نافع عندما طلب من الميرغنى الرجوع قال له الميرغنى لوجاء الخرطوم ينزل فى الهيلتون

وهذا لان الانقاذ صادرت منزل الميرغنى

وفى خطاب البشير الاخير قال البشير ان الميرغنى طلب ان يزوره وفد حكومى فى القاهره للتفاوض وتساءل البشير ساخرا ان الميرغنى يتعذر لعدم الحضور للخرطوم لان ليس لديه منزلا واضاف ساخرا طيب نحن برضه ماعندنا منزل فى القاهره مشيرا بطرف خفى لقصور الميرغنى فى القاهره

واستغرابى بان الميرغنى فى مقابلاته من ناس الحكومه دايما مايشير شرطا لعودته لاعادة منزله وهذا شرط لايليق ويقلل من قدر زعامه فى حجم الميرغنى من المفترض ان تكون مطالبه اكبر من ذلك كثيرا مثل استعادة الديمقراطيه

واذا كان الميرغنى يقلقه فقط عدم امتلاكه منزلا فى الخرطوم فلماذا لايتداعى الاتحاديون لبناء منزل فخم للميرغنى فى قلب الخرطوم وهم مستطيعون حتى يتفرغ الميرغنى لمطالب الشعب السودانى

فاليفتح الاتحاديون باب التبرع وسيتقدم الكثيرون



السنجك

Post: #2
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: badr alkalika
Date: 25-11-2007, 07:21 AM
Parent: #1

يالسنجك تحياتنا
والله تشتاق له العيون وتسال عنه الامكنة

والحر لا يكون عالة على الاخرين
وسيعود سيدي في دارة وداره هي قلوبنا الرحبة ...........

Post: #3
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: أبو الحسين
Date: 25-11-2007, 07:29 AM
Parent: #1

عائد عائد يا عثمان...

وفي إنتظار ميلاد العام الهجري الجديد وعودة الشريف لسجادته ومحبيه ومريديه وأحبابه...

اللهم صلي على سيدنا محمد وعلى آله الطيبين الطاهرين...

Post: #4
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: Adam Omer
Date: 25-11-2007, 01:14 PM
Parent: #3

Quote: واستغرابى بان الميرغنى فى مقابلاته من ناس الحكومه دايما مايشير شرطا لعودته لاعادة منزله وهذا شرط لايليق ويقلل من قدر زعامه فى حجم الميرغنى من المفترض ان تكون مطالبه اكبر من ذلك كثيرا مثل استعادة الديمقراطيه



الاخ السنجك صباح الخير

ذها حجم ابو هاشم الطبيعى ولا تعطى الناس حجما كثر من ما تستحق

وسبت بلدليل القاطع كما ذكرت انت على ليسان الصحفى الهندى عز الدين وخطاب البشير

ان الميرغى لا هم لة غير البيت والخدم و الحشم و حملة الاباريق وما اكثرهم.

Post: #5
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: الزبير صالح الزبير
Date: 25-11-2007, 01:30 PM
Parent: #1

Quote: واستغرابى بان الميرغنى فى مقابلاته من ناس الحكومه دايما مايشير شرطا لعودته لاعادة منزله وهذا شرط لايليق ويقلل من قدر زعامه فى حجم الميرغنى من المفترض ان تكون مطالبه اكبر من ذلك كثيرا مثل استعادة الديمقراطيه

واذا كان الميرغنى يقلقه فقط عدم امتلاكه منزلا فى الخرطوم فلماذا لايتداعى الاتحاديون لبناء منزل فخم للميرغنى فى قلب الخرطوم وهم مستطيعون حتى يتفرغ الميرغنى لمطالب الشعب السودانى

فاليفتح الاتحاديون باب التبرع وسيتقدم الكثيرون


سلامات
أولا من حق مولانا ان يطالب ببيتة وبعدين الما فية خير لنفسة اكيد ما حايكون لية خير في التانيين يعني يخلي بيتة في يدين الناس ويقعد يكوس ليكم انتو في بيوت وديمقراطية وما اعرفش اية معقولة دي.
اما الدعوة لان يتداعي الاتحاديين لبناء بيت لمولانا اعترض وبشدة لانو ببساطة مولانا ما محتاج لية لي بيت وان داير عندة القروش وبعدين انتو ما معاي انو الاقرب انو ناس الجبهه هم اليبنو لمولانا البيت عشان هو اقرب لمواقف الجبهه من مواقف الاتحاديين (افكار ومنهاج ناس الازهري ورفاقة) وان كانت القروش زايدات ومحرقات الاتحادين اقترح ان يبنو لي بيت صغيروني كدة واوعدهم اعمل فية حولية كل يوم واعلق علم الختمية فوقة كمان.
وهكذا أعتقد

Post: #6
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: Tragie Mustafa
Date: 28-11-2007, 04:32 AM
Parent: #5

فاليرجع لابلاده افضل و اكرم من التشرد بلا قضيه حقيقيه.

Post: #7
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: Abu Eltayeb
Date: 28-11-2007, 05:25 AM
Parent: #6

Quote: وسبت بلدليل القاطع كما ذكرت انت على ليسان
الصحفى الهندى عز الدين وخطاب البشير


بلدليل القاطع

Post: #8
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 28-11-2007, 05:32 PM
Parent: #7

Quote:
واستغرابى بان الميرغنى فى مقابلاته من ناس الحكومه دايما مايشير شرطا لعودته لاعادة منزله وهذا شرط لايليق ويقلل من قدر زعامه فى حجم الميرغنى من المفترض ان تكون مطالبه اكبر من ذلك كثيرا مثل استعادة الديمقراطيه





لك الله يا ميرغنى

عندما قررت القتال تخاذلوا
وعندما قررت العودة لجأوا لنسج الروايات كل حسب هواه



فى أى مقابلة وضع السيد الميرغنى شرط رجوعه اعادة منزله؟؟؟

وهل منزله وحده الذى صودر أم أملاك الأسرة جميعها؟

تضعون افتراضات كاذبة ثم تبنون عليها أحكامكم.

((أم مصدركم الثقة هو الهندى عز الدين؟؟)) مبروك عليكم.

صودر منزل السيد محمد عثمان الميرغنى وتم تحويله الى مستشفى العامرية.

ومنذ اعادته تجرى اصلاحات لأعادته الى حاله الأول كمنزل وليس مستشفى

وقرار عودة السيد الميرغنى تم منذ فترة وهو فى انتظار اتمام ترميم لعودته . فما الغرابة فى ذلك؟


ناس ما عندها موضوع البتة.

Post: #9
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: عبد الواحد أبراهيم
Date: 28-11-2007, 05:53 PM
Parent: #8



السنجك تحياتى

ابوالحسين العريس حمدالله على السلامة والف مبروك



Quote: عائد عائد يا عثمان...


الى ابو الحسين


انا عندى اقتراح جـادى :


المفروض البشير يطلب من اسـامة عبدالله بتاع سـد مروى ان


يشيد منزل لمولانا الميرغنى .

الزول زولكم والسد سدكم

Post: #10
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 09-12-2007, 03:47 PM
Parent: #9

up


السنجك

Post: #11
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: Mustafa Mahmoud
Date: 09-12-2007, 05:11 PM
Parent: #10


Post: #12
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: عبد الواحد أبراهيم
Date: 09-12-2007, 06:24 PM
Parent: #11


تحــاتى يا السنجك مرة اخرى .



والله فتشت البوسـت لكن ما عرفتوا غطس وين؟



الى ابوالحسـين العريس منتظرين رد منك يا زول.



Quote: الى ابو الحسين


انا عندى اقتراح جـادى :


المفروض البشير يطلب من اسـامة عبدالله بتاع سـد مروى ان


يشيد منزل لمولانا الميرغنى .

الزول زولكم والسد سدكم


كـــــــلو تحـت ما يسـمى المشروعات المصاحـبة لـلســـــد.

Post: #13
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: هشام مدنى
Date: 09-12-2007, 08:28 PM
Parent: #1

هو المطالبة بالحق وارجاع الحقوق لاهلها عيب

احتمال يكون عيب جديد


اللهم لا اعتراض في حكمك يارب

Post: #14
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: نادر الفضلى
Date: 09-12-2007, 09:08 PM
Parent: #13

إسترداد بيت الميرغنى حق مشروع
وهو يختلف عن إسترداد أملاك أخرى
مصادرة المسكن (المأوى) لأى أسرة
هو ظلم ما بعده ظلم، وخاصة بدون جرم.
وسبحان الله اصبح الميرغنى غريب ديار!
البعد الطويل عن الوطن ليس بالأمر السهل
ولكن عودته ونزوله بمنزله فيه معان إيجابيه
ورساله وإشارة لألى الألباب!

Post: #15
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 16-12-2007, 05:08 PM
Parent: #14

تحياتى اولا لكل المشاركين
بعدين ياود محجوب ناس ماعندها موضوع كيف؟

انت مادام دا كلام فارغ الدخلك ترد شنو ؟

نحن بنتكلم عن الميرغنى كرجل قائد سياسى لو قعد فى بيته ومسك مسبحته وبارى صلاته واكتفى بقيادة طائفته لما تعرضنا له ...من الان فينا تعرض للشيخ الجعلى او المكاشفى او ود مرح او راجل طيبه او ود شندى ؟

مولانا الميرغنى قدم نفسه كزعيم سياسى وبلرغم من احترامى لنضاله فى بداية الانقاذ ولكنه قد تقاصر حتى تلاشى

اما للاخوه الذين يرون ان له حق فى المطالبه بامواله فهو له الحق ولكن هل اعيد المفصولين وهل تحققت الديمقراطيه وهل عوض اهل شهدائنا فى الحدودالشرقيه؟

اذا تم ذلك فاللميرغنى الحق بالمطالبه اما ن يجرى اولا القائد على الغنائم وقبل حسم المعركه فهذا عيب فى حق مولانا

اما اننا هربنا من المعركه عندما كان مولانا يخوضها فهو فعلا قد خاضها على الحدود الشرقيه ولكن كان معه رجال استشهدوا ونساهم الميرغنى عندما لوحت له الانقاذ بالكشكوش وهو ضعيف امام الكشكوش !!
اما حديثك ياود محجوب باننا نستشهد بالهندى فرغم راينا فى الهندى عز الدين فقد كان ضمن وفد المعزين من المؤتمر الوطنى الذى سافر لمولانا للتعزيه فى زوجته وصافحه مولانا وانحنى له كما انحنى لنافع !!

اما عودة مولانا فى بداية العام الهجرى فهو لن يعود والسر سانزله فى بوست

السنجك

Post: #16
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: هاشم نوريت
Date: 16-12-2007, 05:18 PM
Parent: #15

Quote: فاليرجع لابلاده افضل و اكرم من التشرد بلا قضيه حقيقيه.
ياحقارة
الزول ماقاعد بين اهلو واحبابو

لا ادرى لما تذكرت فعل نابليون للعميل الخائن الذى خان بلد ............
السنجك الرجل يملك فلل فى بلده وسط الجيزة ومصر الجديدة نتمنى له اقامة طيبة وهفت فتت دسمة

Post: #17
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: هاشم نوريت
Date: 16-12-2007, 05:29 PM
Parent: #16

كتب ودمحجوب......

Quote: ناس ما عندها موضوع البتة.

يالسنجك هنالك من لا يرضى اى كلمة فى هؤلاء البشر المتعالين على الاخرين والموتور ودمحجوب احد المنافحين عن هؤلاء ويا ودمحجوب كان الناس ما عندها موضوع اليخلى سيدكم عندو بيوت معانا شنو الرجل ما مرطب بين اهلو واحبابو الجابو ابوه وزرعوه فى السودان والان انتهى دورهم وعاد الى قواعده سالما

Post: #20
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 16-12-2007, 07:43 PM
Parent: #17

Quote:
يالسنجك هنالك من لا يرضى اى كلمة فى هؤلاء البشر المتعالين على الاخرين والموتور ودمحجوب احد المنافحين عن هؤلاء ويا ودمحجوب كان الناس ما عندها موضوع اليخلى سيدكم عندو بيوت معانا شنو الرجل ما مرطب بين اهلو واحبابو الجابو ابوه وزرعوه فى السودان والان انتهى دورهم وعاد الى قواعده سالما



الكذاب الأشر نوريت......داعية التعرى


انت ليه ما تقول لى انا ما كذاب!!!!

وللا العارف كذبوا مستريح.

Post: #19
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 16-12-2007, 07:37 PM
Parent: #15

Quote: تحياتى اولا لكل المشاركين
بعدين ياود محجوب ناس ماعندها موضوع كيف؟

انت مادام دا كلام فارغ الدخلك ترد شنو ؟

نحن بنتكلم عن الميرغنى كرجل قائد سياسى لو قعد فى بيته ومسك مسبحته وبارى صلاته واكتفى بقيادة طائفته لما تعرضنا له ...من الان فينا تعرض للشيخ الجعلى او المكاشفى او ود مرح او راجل طيبه او ود شندى ؟

مولانا الميرغنى قدم نفسه كزعيم سياسى وبلرغم من احترامى لنضاله فى بداية الانقاذ ولكنه قد تقاصر حتى تلاشى



لسه انت خارج الموضوع؟؟؟ أين قلت لك لا تتعرض للميرغنى؟؟هات الكود وبعدين تعال لمحاضرتك دى . فعلا مافى موضوع.
Quote:
مولانا الميرغنى قدم نفسه كزعيم سياسى وبلرغم من احترامى لنضاله فى بداية الانقاذ ولكنه قد تقاصر حتى تلاشى

اما للاخوه الذين يرون ان له حق فى المطالبه بامواله فهو له الحق ولكن هل اعيد المفصولين وهل تحققت الديمقراطيه وهل عوض اهل شهدائنا فى الحدودالشرقيه؟

اذا تم ذلك فاللميرغنى الحق بالمطالبه اما ن يجرى اولا القائد على الغنائم وقبل حسم المعركه فهذا عيب فى حق مولانا

اما اننا هربنا من المعركه عندما كان مولانا يخوضها فهو فعلا قد خاضها على الحدود الشرقيه ولكن كان معه رجال استشهدوا ونساهم الميرغنى عندما لوحت له الانقاذ بالكشكوش وهو ضعيف امام الكشكوش !!


لسه سادر فى استفزازك . ضعيف امام الكشكوش. هل من ينفق كل امواله واموال ابنائه على قضيته تطلق عليه ضعيف امام المال.؟؟؟؟ ويبقى كلامك دا تكتبو اذا ثبت لديك ان مولانا الميرغنى قدم طلبا منفصلا لإسترداد امواله بعيدا عن المطالب الأخرى. فهل لديك ذلك؟؟؟
Quote: اما حديثك ياود محجوب باننا نستشهد بالهندى فرغم راينا فى الهندى عز الدين فقد كان ضمن وفد المعزين من المؤتمر الوطنى الذى سافر لمولانا للتعزيه فى زوجته وصافحه مولانا وانحنى له كما انحنى لنافع !!

اما عودة مولانا فى بداية العام الهجرى فهو لن يعود والسر سانزله فى بوست

السنجك


اذا كتبت ردودك ورايك بعيدا عن الأكاذيب و فبركة الوقائع لدعم موقفك لنلت احترام القارىء

من اين لك ان مولانا انحنى امام هؤلاء؟؟؟
هل رايته يفعل ذلك؟؟
ام نقله لك الهندى عو الدين؟؟؟

أم راق لك ان تفبرك لا غير؟؟

ثانيا : حضر الوفد مشكورا للعزاء وتحركوا بعد الغداء مباشرة ولم يعقد مولانا أى لقاء منفردا بالوفد حتى يطالب بمنزله.

سأله احد اعضاء الوفد عن موعد موعد عودته فرد عليه ان ذلك رهين باكتمال اصلاح منزله.

اما ان يعود اول العام الهجرى او لا يعود فهذا ليس موضوعنا .

وهذا شىء يحدده هو.

Post: #18
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: دينا خالد
Date: 16-12-2007, 06:42 PM
Parent: #1

ياااااااا سنجك
انت ما تبالغ كمان فى زول بخلى بيتو للرجال
وينتظر ناس ابو مروة يبنو لى بيت ؟؟؟؟؟ انت بى جدك ؟
طيب نحن كلنا بننبح لييه ما نمشى نشوف لينا وطن جاهز نقعد فيهو ؟؟؟
قيمة وطنك من قيمة بيتك
سؤالك مفروض يكون
لماذا لايرجع عمر البشير وهنديه العز الدين بيت مولانا المغصوب قبل
ان يطلبا منه الرجوع ؟؟؟ ات ترضا الحقارة يا السنجك؟؟؟ افو افو ....

Post: #21
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 16-12-2007, 08:40 PM
Parent: #18

ياود محجوب

وجدت ان ردك لايستحق الرد عليه فهو دون المستوى المطلوب
حاول مره اخرى

يادنيا

ماقلنا يخلى حقه للرجال

لكن هو قائد اول حاجه اليرجع لينا حقوقنا بعدين يرجع حقه


هو لما اتقدم الناس ..اتقدمهم لحقه بس؟

وين كل الذى نادى به الميرغنى ؟؟؟؟ ماذا تحقق منه؟


اتمنى من المشاركين ان يكونوا موضوعيين فى الرد ومايبقوا يردوا زى الكلام الفاضى الكاتبه ود محجوب دا



السنجك

Post: #22
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 16-12-2007, 10:38 PM
Parent: #21

Quote: ياود محجوب

وجدت ان ردك لايستحق الرد عليه فهو دون المستوى المطلوب
حاول مره اخرى

يادنيا

ماقلنا يخلى حقه للرجال

لكن هو قائد اول حاجه اليرجع لينا حقوقنا بعدين يرجع حقه


هو لما اتقدم الناس ..اتقدمهم لحقه بس؟

وين كل الذى نادى به الميرغنى ؟؟؟؟ ماذا تحقق منه؟


اتمنى من المشاركين ان يكونوا موضوعيين فى الرد ومايبقوا يردوا زى الكلام الفاضى الكاتبه ود محجوب دا



السنجك



فعلا لايوجد ما ترد عليه

لما أبنت لك كذبك وتجنيك وتلفيقك لجأت لحجة العاجز دون المستوى المطلوب !!!!!!!!!!!!!!!!

اها قول لى ياشاطر مستواك دا قدر ايه ....... هل بحجم أكاذيبك التى سطرتها


وتتكلم بقوة عين عن الموضوعية....؟؟؟؟

انت جادى يا السنجك؟؟؟


يا للبؤس!!!!!!!!!!!!

Post: #23
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: هاشم نوريت
Date: 17-12-2007, 00:52 AM
Parent: #22

الغريبة ان بعض من البشر يعبدون البشر والاغرب ان ذاكرتهم ضعيفة جدا سبحان الله معقول ديل عايشين معانا فى هذا القرن ولسة عقولهم لم تتغير

Post: #24
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: هاشم نوريت
Date: 17-12-2007, 00:54 AM
Parent: #23

المحيرنى ايضا لم غلط انو ودمحجوب يقول رجعوا حق المرغنى التقول المرغنى داقى فيها طورية ما حصل على المزارع والصدقات عن طريق ............................. ياراجل احترم عقول البشر ...قال ميرغنى قال عالم عجيبة

Post: #25
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 17-12-2007, 02:29 AM
Parent: #24

اخوى نوريت

كلامك هو عين الحقيقه

اما ود محجوب دا فدا راجل همبول



السنجك

Post: #26
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: هاشم نوريت
Date: 17-12-2007, 02:38 AM
Parent: #25

Quote: اما ود محجوب دا فدا راجل همبول


Post: #27
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 17-12-2007, 05:29 PM
Parent: #25

Quote: اخوى نوريت

كلامك هو عين الحقيقه

اما ود محجوب دا فدا راجل همبول



السنجك



إحترم نفسك يا كذاب يا وضيع

Post: #28
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: هاشم نوريت
Date: 17-12-2007, 05:35 PM
Parent: #27

Quote: إحترم نفسك يا كذاب

انت عندك كل الناس كذابين الا الدعية الكذاب الميرغنى الذى ادعى بانه كلم الله ...انصحك اتبن راسك كدى

Post: #29
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 17-12-2007, 06:09 PM
Parent: #28

Quote:
انت عندك كل الناس كذابين الا الدعية الكذاب الميرغنى الذى ادعى بانه كلم الله ...انصحك اتبن راسك كدى




بسيطة جدا يا نوريت ((إنت أولا كذاب ومفترى)) صح أم لا؟؟؟

وأى واحد وصفته بالكذب أبنت له أين كذب وخلق الأساطير.

وأى واحد متضرر فليقل لى دليلك أيه . هل أنصفتك يا الكذاب نوريت؟؟؟

وأنا متأكد إنك ما حتسأل !!!! مش كدا

Post: #30
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 17-12-2007, 07:47 PM
Parent: #29

يانوريت ياخوى


ماتضيع وقتك مع الهمبول دا

وبعد شويه حاوريك همبلته




السنجك

Post: #31
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 17-12-2007, 08:07 PM
Parent: #30

Quote: يانوريت ياخوى


ماتضيع وقتك مع الهمبول دا

وبعد شويه حاوريك همبلته




السنجك




((وجد زكى زكية))

((والما بشوف شبهه المولى قبحه))

انتظر يا نوريت فريد عصره !!!!!!!!!!!!

Post: #32
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: هاشم نوريت
Date: 17-12-2007, 09:26 PM
Parent: #30

يانوريت ياخوى


ماتضيع وقتك مع الهمبول دا

وبعد شويه حاوريك همبلته

الاخ السنجك بصراحة انت غلطان ومية غلطان لانك تعديت على سيد ودمحجوب لان الاخير همة هو الدفاع عن سيده لان سيده معصوم وبل هو.........ياخى لا تصعد كلماتك معه واستمر لانه يحوم فى اى بوست فى ذكر المرغنى ياخى هو حر فى هذا الحب الاعمى وبعدين مالك يا السنجك داير تحرمنى من قفشان ود محجوب ياخى بهار الموقع................
.........................................

الف رحمة على المرحوم يونس شلبى

Post: #33
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 18-12-2007, 06:21 AM
Parent: #32

وقرار عودة السيد الميرغنى تم منذ فترة وهو فى انتظار اتمام ترميم لعودته . فما الغرابة فى ذلك؟


هذه العباره هى التى رد بها ود محجوب على كلامى يعنى هو جاء يكحلها عماها يعنى باختصار انا قلت انه الميرغنى طالب بارجاع بيته وود محجوب محامى الميرغنى قال بعضمة لسانه الحكايه كلها (ترميم) بس

بالله دا اسمه كلام زعيم فى قامة الميرغنى يبقى كل مطلبه عشان يرجع السودان ويسلم ويسلم هو انه يرمموا ليه بيته

ياخى اختشوا واخجلوا وانا والله بخجل للميرغنى والاسم جاء من امير وغنى!!

يعنى الميرغنى اسع واقف ياود محجوب فى باب الانقاذ ويشحد فيهم عشان يرمموا ليه بيته
ياخى انا متبرع ارمموا ليه لو بقت دى كلها مشكلة الميرغنى


وياللمفارقه محمود محمد طه قدم روحه فداء لمبادئه والميرغنى قدم ترميم منزله على مبادئه وااسفاى !!!


ياود محجوب ياخى انتوا مفروض تنصحوا الرجل وتوروه قدره بدل الدفاع الاعمى دا


وحقيقه الاختشوا ماتوا


السنجك

Post: #34
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 18-12-2007, 08:18 AM
Parent: #33

تعال يا السنجك شوف الأهبل منو

نوع حججك أهلنا بقولو تعالوا شوفو الدلاهة دا قال شنو؟
يا السنجك انتو مصابين بنوع من الحقد والكراهية العمياء تجعلكم تخرفون بما لا تعلمون . وخيال مريض تضعون بها اساطير تصدقونها , وليتكم اكتفيتم بتصديقها ولكن بلغ بكم الغباء ان تطالبوا الاخرين باخذها كمسلمات.

ونبدا من حيث بدأت انت .
Quote:
قال الهندى عز الدين فى احدى مقالته انه كان ضمن وفد المؤتمر الوطنى الذى ذهب للسيد محمد عثمان الميرغنى للعزاء فى وفاة زوجته وذكر الهندى ان نافع عندما طلب من الميرغنى الرجوع قال له الميرغنى لوجاء الخرطوم ينزل فى الهيلتون

وهذا لان الانقاذ صادرت منزل الميرغنى


أليس هذا ما بدأت به يا السنجك.
انك ليس على استعداد لتصديق الهندى ابدا ولكن ان يفترى الهندى خبرا يجد عندك هوى ويشبع نفسيتك المريضة فأنت مستعد تصدقوا مش تصدقوا وبس بل تجعلوا موضوع بوست منفصل. فهل هناك انتهازية اكثر من ذلك؟؟
نعم الهندى كان أحد أعضاء الوفد. ثانيا لم يطلب نافع من الميرغنى الرجوع. بل لم يتكلم أى كلمة خارج نطاق العزاء.
وحتى تحبك الحيلة يا السنجك اعقبتها بطبعا الانقاذ صادرت بيت الميرغنى بالله يا السنجك فى خبث اكثر من ذلك وانت تعلم ان بيت الميرغنى ومعظم املاكه أعيدت قبل فترة طويلة تنفيذا لإتفاقية القاهرة.
((يكاد الخبيث يقول خذونى))

Quote: وفى خطاب البشير الاخير قال البشير ان الميرغنى طلب ان يزوره وفد حكومى فى القاهره للتفاوض وتساءل البشير ساخرا ان الميرغنى يتعذر لعدم الحضور للخرطوم لان ليس لديه منزلا واضاف ساخرا طيب نحن برضه ماعندنا منزل فى القاهره مشيرا بطرف خفى لقصور الميرغنى فى القاهره

واستغرابى بان الميرغنى فى مقابلاته من ناس الحكومه دايما مايشير شرطا لعودته لاعادة منزله وهذا شرط لايليق ويقلل من قدر زعامه فى حجم الميرغنى من المفترض ان تكون مطالبه اكبر من ذلك كثيرا مثل استعادة الديمقراطيه


طبعا لا يروق لكم كلام البشير والهندى الا اذا هاجموا الميرغنى.لا علينا (شبهينا واتلاقينا.
وأعقبتها بخبث ومكر يا السنجك وكمان ((واستغرابى بان الميرغنى فى مقابلاته من ناس الحكومه دايما مايشير شرطا لعودته لاعادة منزله )) تستغرب ليه وعلى ايه انت تضع الكذبة

وتتزور الكلام بلسان الميرغنى وتجى تستغرب بكل خبث.
يعنى على القارى أن يأخذ كذبك على الميرغنى كمسلمة وكمان عاوزو يستغرب معاك ((دى كتيرة دى))

Quote: وقرار عودة السيد الميرغنى تم منذ فترة وهو فى انتظار اتمام ترميم لعودته . فما الغرابة فى ذلك؟


هذه العباره هى التى رد بها ود محجوب على كلامى يعنى هو جاء يكحلها عماها يعنى باختصار انا قلت انه الميرغنى طالب بارجاع بيته وود محجوب محامى الميرغنى قال بعضمة لسانه الحكايه كلها (ترميم) بس

بالله دا اسمه كلام زعيم فى قامة الميرغنى يبقى كل مطلبه عشان يرجع السودان ويسلم ويسلم هو انه يرمموا ليه بيته

ياخى اختشوا واخجلوا وانا والله بخجل للميرغنى والاسم جاء من امير وغنى!!



والآن شوف الدلاهة دا بيكتب شنو أنت لو عندك ذرة من العقل دا كلام ينسف أساس بوستك البنيت عليه.
أنت بتقول زورا وكذبا فى كل لقاء مع الحكومة يضع الميرغنى شرطا لعودته هى ارجاع بيته . وهنا ان أقول ليك بيتو كان مستشفى وتجرى فيه عملية ترميم لأعادته لحالته الطبيعية. تجى بكل بلاهة تقول داير يكحلها عماها هل وصلت من الغباء لهذه الدرجة.

يعنى نردد الكلام ليك للمرة المليون ((والتكرار بيعلم الشطار)) يعنى البيت بيرمموا فيها منذا اكثر من عام.

وهذا معناه انه غير مصادر

وهذا معناه ان الفبركة البتعمل فيها عن اشتراطه ارجاع منزله هذا كذب ومحض هراء
ولما جاء وفد العزاء فى المدينة كان ابنه السيد عبد الله بالسودان لمتابعة هذا

فكيف يا بهلوان يشترط لعودته ارجاع منزله وهو معه.
فانت تفبرك وتنقل عن المفبركين للاخبار تنقل منهم الأكاذيب مع سبق الأصرار والترصد.



Quote:
بالله دا اسمه كلام زعيم فى قامة الميرغنى يبقى كل مطلبه عشان يرجع السودان ويسلم ويسلم هو انه يرمموا ليه بيته

ياخى اختشوا واخجلوا وانا والله بخجل للميرغنى والاسم جاء من امير وغنى!!

يعنى الميرغنى اسع واقف ياود محجوب فى باب الانقاذ ويشحد فيهم عشان يرمموا ليه بيته
ياخى انا متبرع ارمموا ليه لو بقت دى كلها مشكلة الميرغنى



شايف حركات الآولاد البتعمل فيها دى يا السنجك ما بتخارجك . لو أفلست قول أفلست أو استعين بحليف الأفاك الآخر نوريت.

انت من تخجل وتختشى من اوهامك واساطيرك دى الخجلة دى ما بتمشى عليك

شوفو السنجك الماكر كيف يصنع و يفبرك .لم أسقط فى يده ان موضوع بوسته الأساسى انهار انهيارا تاما. وان منزل الميرغنى معه وتحت الترميم. لم يعتذر لكذبته .
قام طوالى يضع كذبة أخرى ويبنى عليها حكما . انه يطالب ان يرموموا ليه بيتو؟؟

1-مممن طالب الميرغنى ترميم بيته
2-هل قرأته فى أى مصدر كان؟؟
3- ام دى حدوتة جديدة تحت الطبع((من تأليفكم))

شايف يا السنجك أنت مزور كبير وفاقد المصداقية تضع الخبر وتصدقه وتقوم بالرد عليه وتضع الكلام على لسان الأخر وتهاجمه على اساس الكلام الذى وضعته بنفسك.
انت بدل ما تتبرع للميرغنى تبرع لنفسك بشوية امانة ومصداقية.


عارف
يا السنجك
انت طلعت أى كلام

Post: #35
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: ود محجوب
Date: 18-12-2007, 08:33 AM
Parent: #32

Quote: [الاخ السنجك بصراحة انت غلطان ومية غلطان لانك تعديت على سيد ودمحجوب لان الاخير همة هو الدفاع عن سيده لان سيده معصوم وبل هو.........ياخى لا تصعد كلماتك معه واستمر لانه يحوم فى اى بوست فى ذكر المرغنى ياخى هو حر فى هذا الحب الاعمى وبعدين مالك يا السنجك داير تحرمنى من قفشان ود محجوب ياخى بهار الموقع................




شكر يا كذاب الموقع


نحن نتصدى لباطلكم ووأكاذيبكم

وانتو عاوزين تسرحوا وتمرحوا ساكت

ومما يزيدكم غيظا ان رددونا بحمد الله تنسف اراجيفكم نسفا

Post: #36
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 18-12-2007, 06:12 PM
Parent: #35

انت همبول ونساى كمان!!

ماقلت بلسانك المساله ترميم وليس بيت مصادر لانه البيت اعيد ولمعلوميتك لانه الواضح انه معلوماتك مهببه انه البيت الفيه مستشفى العامريه مابتاع محمد عثمان بتاع احمد الميرغنى...حتى بيوت شيوخك ماعارفها ياهمبول !!!!!!!!!!!!!!!!!!


ويااخ نوريت خلينى للهمبول دا انا كفيل به




السنجك

Post: #37
Title: Re: لماذ لا يبنى الاتحاديون منزل بالخرطوم لمحمد عثمان الميرغنى ؟؟!!!!!!!!!!
Author: السنجك
Date: 19-12-2007, 05:54 AM
Parent: #36

والله مهزله

بعد سلم مفاتيح البلد تسلم بقت الحكايه (فى عرضكم رمموا بيتى) والله عجائب ياسودان

ياخوانا ود محجوب يصفنى والاخ نوريت بالكذب ونحن ماقاده ولازعماء كبار نحن ناس غبش بسطاء لكن ياود محجوب مارايك فى من صعد بنا الى العلالى وانه سيحرر السودان من الجبهجيه لعنهم الله وانه سيعيد السودان حرا ديمقراطيا وجند الشباب وضحوا بارواحهم وبعد داك صفت المساله فى ترميم بيت !!وتعين ولدى مساعد رئيس جمهوريه والوليدات السمر ديك راحوا شمار قى مرقه

هل تم تعويض اهل هؤلاء الشهداء حتى يطالب الميرغنى بترميم منزله ؟؟؟؟ هل تمت اعادة المفصولين حتى يطالب الميرغنى بترميم منزله ؟؟؟؟؟؟؟هل استعيدت الديمقراطيه حتى يطالب الميرغنى بترميم منزله ؟؟؟؟؟؟؟


ياخوانا اختشوا واخجلوا كمان تقولوا ترميم مااعادة منزل !!!

بعدين ياخوانا البيت قالوا كان مستشفى مش كان ينوبكم ثواب لو خليتوه مستشفى عشان يتعالج فيه المهمشين ؟؟؟

مش كان اكرم لو اعلن الميرغنى بعد اعادة المنزل له انه وهب المنزل للبسطاء السودانيين ليتم علاجهم فيه وعلى نفقته ؟؟؟والا اخير ليكم الفضائح دى ؟؟؟؟


السنجك