بلاغ للراى العام

بخصوص بوست الفضائح المأرشف منذ ليلة امس ..

الحصل كالاتى :
فتحت هذا البوست عن ثقة واطمئنان بمنهج يقوم على التريث فى العرض بمهلة - لما لدى - دون التفات لاصوات منادية بدلق كل ما لدى وبالطبع رفضت ذلك لا عن تهيب او لاننى لا املك شيئا كما يدعى البعض لكن لان ما لدى من (كروت ) يجب ان انزلها على طاولة العرض فى الوقت المناسب الذى احدده انا ويحدده مسار البوست مع الاحتفاظ فى الوقت ذاته بغرض النشر .
انا من يحدد النغمة والايقاع الذى اود ان ارقص به خصومى ..
البوست حرر مساء الخميس بعد العاشرة مساء وارشف - بالمناسبة لم اطلب له تلك النهاية - مساء العاشرة من يوم الجمعه اثناء انهماكى فى فرز وترتيب بعض الاوراق والوثائق والادلة عبر الاسكنر
لم اطلب من بكرى ابوبكر أرشفة البوست ولم اهرب من معركتى - هى اصلا مجادلة من شاء امن ومن شاء كفر - واقول للذين تنفسوا الصعداء .. الصابرات روابح لو يرجعن قماح
هذا ما لزم توضيحه
وشكرا ..

وتيب ما تواصل هنا

هجم النمر

هجم النمر ..

وتعود كاذبا وهاربا ومبربرا ...

طلعتا وهمة كبيرة ياجدع

شلت نفسك يا مناتل ... ما تفرح كتير .. جاييكم

Quote: مساء العاشرة من يوم الجمعه اثناء انهماكى فى فرز وترتيب بعض الاوراق والوثائق والادلة عبر الاسكنر

بترقصهم هنا.. ونحن كنا سهرانين هناكـ..



لو كلفتوهو ليكـ لز لينا المفيد عبر المسنجر الداخلي..




حفلة وثائقية سعيدة..

Quote: فى فرز وترتيب بعض الاوراق والوثائق والادلة عبر الاسكنر

هييع ابو (الجاك)..!!!
انت يازول قايل الاسكانر ده فك (كلبريتر) ولا شنو
...
ياخ بالله خش في الموضع الاساسي

سلام....


تمبس ....اساسى ..ياسر......حضور ..

شايفك كبيت الزوقة....بعد ضوضاء ..وغبار فى الهواء...


تابعت البوست .والبوستات المجاورة...وكان خوفى عليك ان تنزلق فى الامور الشخصية

ومازلنا نتظر كشف كل الطلم والمطالم فى الحق العام .. من حكومة او معارضة

وبالناسبة هو ده ما مفروض يكون طلب.. ده واجب عليك لانه من ضمن مهام الصحفى الحر

دمت /ودمتم بخير..

تخريمة:

كان من الاول تجهز كل الموضوع وتنزلو ..دون مقدمات....

Quote: انا من يحدد النغمة والايقاع الذى اود ان ارقص به خصومى

يعني الحكاية مجرد خصومة و إبتزاز
ما مسألة راي عام و حقيقة و شفافية
خسارة الوقت الضيعناه في قراية بوستك

محمد حامد وهمة
طبعا زى ما قال ليك ياسر طيفور إنت زول ما عندك ذمة او ضمير,
بس انت زول بتاع جاكات ووهمات تخلى الشليقات بتاعن phd.
يكشفن حالن,غايتو عالم تحننو!!.

انت فى بيت الفضائح وتفتش بر عن الفضائح وين تلقاها وين.

الأخ الصحفى الهمام محمد حامد جمعه

((أعانك الله على الأسكانر وجمع الوثائق وتبويبها وأرشفتها وتنزيلها فى الوقت المناسب))

كما يقول نظام عربى كانت تغير الطائرات الإسرائيلية على مطاراته وقواعده ومصانعه يوميا ((لا يمكن لإسرائيل أن تجرنا لمعركة بل نحن من نحدد زمان ومكان المعركة))

لا عليك !!!
اطلعت على بوستك المحذوف تتوعد مدعى النضال بفضحهم بالوثائق

قلنا خير لا ستر الله مفضوحا .

ثم تقدمت شوية وفتحت بوستا للترحم والإسنعطاف فقلت هذه أول علامات الخذلان.
ثم تحول بوستك لسباب ورد السباب فاحترنا الزول دا جاء يشاكل أم يفضح.

والشىء المحيرنى أنك صحفى فمن أين تملكت هذه الوثائق الرهيبة((كما تزعم)) هل هو مجهود صحفى خالص سافرت له لعدة عواصم وأقطار وتعرضت فيه للمصاعب والأهوال .ام هو رزق ساقه الله اليك وانت فى مكتبك. أم لا هذا ولا ذاك ..... أبن لنا.


الصحفى الكريم محمد حامد جمعه واقول لك بأمانة بعد قرائتى لما تفكر فيه إن ما تقوم به هو مجرد عملية إبتزاز لا تليق بإنسان يحترم اسمه ونفسه.
كما أرجو أن يكون اتهامى لك هذا كاذبا فتفى بما وعدت به.
والسلام.

والله يا ود محجوب عفيت منك تب.
الكلام سلس بشكل من بين اناملك الله يحفظك يا زول.

دا الكلام البودى الزول ذى حامد للشورة وتانى ما بجى.
قال يرقص خصوموا قال??.

والله زمان يا صحافة!!
الله يرحمك يا عبدالرحمن مختار
وجعل الجنة مثواك يا عبدالله رجب.

ياها شغلتك أنا شخصيا قنعان من خيرا فيك.

شكرا لكل المتداخلين وكل من نعتنى بالجبن والابتزاز ....

هذا رايكم ولا اعيبه عليكم ... لكن ... ثقوا فى فى اننى امتلك كل ما اشرت اليه و(ذيادة ) وبجهد شخصى خالص لا علاقة له بحزب وتنظيم وجماعة ... ووحدى من يحدد ميقات المعركة ومواقيتها وفق تقديراتى المناسبة
طبعا فى ناس فى المنبر (عاوزة جنازة وتشبع فيها لطم ) فان صدقنا اخرجوا من بين ايديهم ومن خلفهم كل التبريرات اللازمة لابراء ذمة رفاقهم وان لم نصدق - وهذا محال عندى محال نهائى - وجدوها سانحة لطردنا وشن الحملات علينا كما فعلوا مع مهند والذى حكى شيئا مستندا لرواية شخص - انكرها لاحقا - فهاجت الدنيا ولم تهدأ حتى الان لان الرجل وقع فى خطأ صغير وكان شريفا وهو يرفض ان يطرح ما لديه من (تسجيل ) ليكف الحرج عن الراوى وان انكر
نحن معشر الظلاميين ندير حوارنا هنا وفق انضباط عال نتجنب فيه ساقط القول وقبيحه وعليه وغض النظر عن ادعاءات انى جبان ومبتز فانى اقول لكل الذين يحترمون (محمد حامد جمعه ) طيبوا نفسا و(والله العظيم ) انا واثق واملك ما ان لو نشرته هنا لتوارى كثيريين خجلا - ان كانوا من اهل الحياء - وكنت مصرا على الامر وحيث ان الاخ مالك المنبر قد قدر ان البوست محله الارشفة فلا املك سوى قبول موقفه وطالما ان الدفع والتدافع موجود فى هذا المنبر فقطعا ستاتى سانحة لارواء ظمأ من يرغب ..
يا جماعة انتو لو صحى ناس مبادئ وبهمكم الشرف وسمعة الناس وعدم التعرض لها بالافتراء دون النظر الى الوانهم السياسية كان حرى بكم انتقاد (كلام فارغ ) كثير اريق هنا ومس اسر وشخصيات واسماء استحسنتم كل ما قيل بشانهم لمجرد انهم (ناس حكومة ) .. الله ينعل ابو عدلكم

Quote: شكرا لكل المتداخلين وكل من نعتنى بالجبن والابتزاز .... هذا رايكم ولا اعيبه عليكم ... لكن ... ثقوا فى فى اننى امتلك كل ما اشرت اليه و(ذيادة ) وبجهد شخصى خالص لا علاقة له بحزب وتنظيم وجماعة ... ووحدى من يحدد ميقات المعركة ومواقيتها وفق تقديراتى المناسبة طبعا فى ناس فى المنبر (عاوزة جنازة وتشبع فيها لطم ) فان صدقنا اخرجوا من بين ايديهم ومن خلفهم كل التبريرات اللازمة لابراء ذمة رفاقهم وان لم نصدق - وهذا محال عندى محال نهائى - وجدوها سانحة لطردنا وشن الحملات علينا كما فعلوا مع مهند والذى حكى شيئا مستندا لرواية شخص - انكرها لاحقا - فهاجت الدنيا ولم تهدأ حتى الان لان الرجل وقع فى خطأ صغير وكان شريفا وهو يرفض ان يطرح ما لديه من (تسجيل ) ليكف الحرج عن الراوى وان انكر نحن معشر الظلاميين ندير حوارنا هنا وفق انضباط عال نتجنب فيه ساقط القول وقبيحه وعليه وغض النظر عن ادعاءات انى جبان ومبتز فانى اقول لكل الذين يحترمون (محمد حامد جمعه ) طيبوا نفسا و(والله العظيم ) انا واثق واملك ما ان لو نشرته هنا لتوارى كثيريين خجلا - ان كانوا من اهل الحياء - وكنت مصرا على الامر وحيث ان الاخ مالك المنبر قد قدر ان البوست محله الارشفة فلا املك سوى قبول موقفه وطالما ان الدفع والتدافع موجود فى هذا المنبر فقطعا ستاتى سانحة لارواء ظمأ من يرغب .. يا جماعة انتو لو صحى ناس مبادئ وبهمكم الشرف وسمعة الناس وعدم التعرض لها بالافتراء دون النظر الى الوانهم السياسية كان حرى بكم انتقاد (كلام فارغ ) كثير اريق هنا ومس اسر وشخصيات واسماء استحسنتم كل ما قيل بشانهم لمجرد انهم (ناس حكومة ) .. الله ينعل ابو عدلكم

الأخ محمد حامد جمعة سلام تانى
لم يحدد لك أى منا زمان او مكان معركتك بل ان من حددت الزمان وحددت مكانها فى هذا المنبر . ثم رحت تجر وتطاول زى شغلت المسلسلات.
ثانيا لم أصفك بالجبن . بل بالإبتزاز ودى ما دايره يضوا ليها لمبة. وقد أيدت مداخلتك الأخيرة ما قلته انا ((وأرجو أن أكون خاطئا))

لم نؤيد فى أى مداخلة المساس بالأسر . أما نقد النظام ورؤسه هو عمل كل معارض .
لا يمكن يا أخ محمد جمعه ان تفرض أحترامك على أى شخص الا بصدقك
فاذا كنت صادق فى طرحك احترمك من يخالفك قبل مؤيدك .

فاذا كان ما تملك من وثائق جهد صحفى خالص كما تقول ((يأخى أنا مصدقك)) فلا تتحجج ببكرى أو غيره فدونك موقعك الصحفى على النت انت الآمر والناهى فيه فأنشره هناك .

ولك الشكر

سلام

السوّاي ما حدّاس (ث)

إذا كان لديك ما تود نشره كعمل صحفي يكشف فساد بعض المسؤوليين كما فهمت من مداخلات الأخوة فعليك به!
وإلا ستقدح في مصداقيتك بالمنبر بأسرع مما تتصور

أمّا إذا كان الأمر مداخلة منبرية في الشخصي فارجو ان لا تخوض فيه فكفانا التعرّض للشخصي واغتيال الشخصيات بحق أو باطل لان الدافع هنا ليس إحقاق الحق بقدر ما هو للتشفّي وإلحاق الأذى بالأخر المختلف معه

أماّ إذا كان الأول وهناك خشية من أن يطول الأمر اسر بعض المسئولين فيمكن اختصار اسمائهم أو ذكر وثائفهم

Quote: يا جماعة انتو لو صحى ناس مبادئ وبهمكم الشرف وسمعة الناس وعدم التعرض لها بالافتراء دون النظر الى الوانهم السياسية كان حرى بكم انتقاد (كلام فارغ ) كثير اريق هنا ومس اسر وشخصيات واسماء استحسنتم كل ما قيل بشانهم لمجرد انهم (ناس حكومة ) .. الله ينعل ابو عدلكم

عجيب...
منطق عجيب ...
لكن يا استاذ محمد حامد ...
كمتابع و قاريء جيد ...
لكل عنترياتك دا ..
ولي يومين بزازي ..
عاوز أشوف الزول دا حيقول شنو ...
بقول ليك ارفق بنفسك ..
و أحترم عقولنا....
وكان عندك حاجه قوله ...
و أنا اشك انك عندك حاجه ...
تنقال ...
وكما عندك حاجه ...
شتت ..
غير مؤسف عليك

شوف يا ود جمعة البرقص ما بقتى دقنو وزى ما قلت ليك امس اذا المستندات دى عندك مضمونة {ارنب كوع ْ} امورقا و بعدين اهلك ناس دار فور بقولو دواس بلا غبينة ما ببقى

شوف يا ود جمعة البرقص ما بقتى دقنو وزى ما قلت ليك امس اذا المستندات دى عندك مضمونة {ارنب كوع ْ} امورقا و بعدين اهلك ناس دار فور بقولو دواس بلا غبينة ما ببقى

بغض النظر عن وهمات الاخ محمدحامدجمعة أو صدقه .. القضية الرئيسية أصبحت الآن هي لماذا تدخل بكري ابوبكر وأرشف البوست ؟؟!!!!! .. دا هو السؤال !!!.. سحب البوست يثبت أن بكري ابوبكر اتعصر من جهة ما فخاف فأراد مضايرة الموضوع !! .. وهو ما يدل علي خطورة البوست .. وأن محمدحامد خش في الغريق !!! ..

وبالمناسبة أنا لا أعتقد بأن أي أشياء ستأتي بها عن أي أحد هنا تمثل جديدآ .. فالكتابة هنا هي أوضح فضح لأي شخصية ولا تحتاج لمستندات .. فالكاذب ظاهر والعميل ظاهر والمنافق ظاهر والجعجاع ظاهر والجبان برضو ظاهر !! ..


لكين السؤال المهم هو:

لماذا أرشف بكري البوست؟؟ !!!!!!!!!!!!!!!!...

يامحمد جمعة أنت محترف لف ودوران.

لا أتهمك من فراغ ودليلي قصة مهند مأمون.

من خلى عادته قلت سعادته.

اخونا ود جمعة ......

اذا كانت القضيه الاساءه للناس والبيوت والاسر ... والله دي مرفوضه ..ومافي زولا عاقل سوي بيقبل بيها .. والناس مفروض تتحرك عشان توقف الفوضي دي ....

الشي العايز اقولوا انك قاعد في الخرطوم وجنب المحاكم والقضاء ... واذا في اي زول شهر ليهو بي زول ... القانون موجود والقانون بيمشي علي السوداني حتي لو استلم ليهو جنسيه من بلاد الواغ الواغ ....

وبعدين يا الاخو ... انت مسعول من الخير .. انتو قبل يومين البرلمان اجاز قانون جرائم المعلومات بما فيها جرائم الانترنت ...

انا بفتكر نحن كسودانيين مفروض نخاف من ربنا قبل القانون .. وما نتكلم عن اعراض الناس لا في الحكومة ولا في المعارضة ... من وجهة نظري انا ... يا ريت القضيه تقيف زي ما قلت انت بسحب البوست او الهجوم بالكلام ... يا صديقي انت سيد العارفين انت شايف براك الجو ملبد بالغيوم ... القصة باكر بتطلع من المنابر وبتبقي حقوق انسان وقضايا تشهير وفلان ضد حكومة السودان وامنستي وهيومن رايتس ...

عشان كده يا اخوي لو انت متضرر من اي انسان ... شوف ليك محامي كارب واعمل ليهو امر قبض في مطار الخرطوم ......

Quote: لماذا أرشف بكري البوست؟؟ !!!!!!!!!!!!!!!!...

من قلة البوستات الـحذفها..
كويس بوستيكـ ده مأرشف: بوست الفضائح .. ســـــمع ..هــس وخلو روحكم رياضية !!

معليش يا مان خلي روحكـ رياضية.. الضيف ما بيدور الضيف..
والفي بطنو حرقص براهو بيرقص [ياسر طيفور مثال]..

بدون كشكشة [لمحمد سليمان] أو كنكشة علان..
تطويل المقدمات كان مملاً للمترقبين لشجاعتكـ في طرحكـ إتفقنا أو إختلفنا حوله فتلك قناعاتكـ الشخصية وما تؤمن.. ولك مطلق الحرية في إن تختار الزمان والمكان المناسبين للمنازلة..
ولكن ما يؤخذ عليكـ إنك عزمت [فتوكل على الله وقل أو لا تقل]..
فلا تبتئس لإنصرافية عصام جبريل أو غيره من أهل نضال الهلوكوستاويات فذلك عهدنا بهم كمعلوفين بفسق اليهوديان كارل ماركس ولينين الحاقدان..
فماذا تتوقع منهم إنتاجية سوى البهت ولك في حبر اليهود الصحابي الجليل عبدالله بن سلام عبرة حين شهد شاهد من أهلهم فجاءت شهادتهم مبهوته..
فهؤلاء إن بهتوكـ الآن فمن بهتو من قبلك كثيرين..
وتلك شهادتهم الباهتا لا يرجى منها سوى مزيد من الإضمحلال والإرتهان وهذا عهدنا بهم..

أبعد عن المقدمات التي تجلب الكثير من الملل..
أو هات من الآخر..
نزل بوست سميه ما شئت..
ودع الإسفاف لأهله..

قل كلمتكـ هنا وأمضي فللقراء عقول يميزون بها الصالح من الطالح ويجب أن لا نفترض غبائها..
أو لا تقل كلمتكـ هنا وبرضو أمضي حيث شئت فإنت حر في منبر يقال أنه ديمقراطي..

وفي الحالتين أرمي قدام..
قل أو لا تقل..

ولكن أعلم إنكـ..

ياخي شلهتنا شلهتت فيصل نوبي..

77777

محمد حامد جمعة سلامات يا زول,

قيل أن الصحافة فى العالم الحر هى السلطة الرابعة وأنت لها!!!!

يا صاحبى القصة دى بقت زى مباراة حضر الجميع حتى الحكام ولكن

أحد الفريقين فضّل الإختباء و إستعمال الساتر لحين مرور العاصفة!

و العصرة فى الركن الأيسر!!!!!!!!!!!!!!!!!!!!!!!!!!!!!!!!!!!

يا اللخو دحين الحكام كتروا !!قول سآآآى وماتخاف فى الحق لومة لائم

وأدحض كل هذه الشائعات المغرضة الصراحة إنت إتملطشت ملطشة شديدة!!!


أخوك السغير