صلاح سلــــــــك !!

صلاح سلــــــــك !!


11-09-2007, 11:14 AM


  » http://sudaneseonline.com/cgi-bin/sdb/2bb.cgi?seq=msg&board=118&msg=1201286934&rn=0


Post: #1
Title: صلاح سلــــــــك !!
Author: محمد حامد جمعه
Date: 11-09-2007, 11:14 AM

ظاهرة اطلاق الالقاب ظاهرة منتشرة فى المجتمع السودانى وبكل ارجاء البلاد ، فى الخرطوم وفى كل مناطقها يتربط عادة اسم بعض الاشخاص بلقب يرابط معه بقدر يطغى احيانا على اسم الوالد والاسرة واذكر انه فى الحى الذى اقطنه كان لدينا صديق اسمه (الرسمى ) عاطف سليمان لكن الفتى ومنذ ان كان طفلا ارتبط به لقب فلا يعرف الا باسم (عاطف فلاتى ) ويصدف ان ياتى احدهم ويطرق باب المنزل ويسال ( عاطف سليمان فى ) فيرد احدمن الاسرة (عاطف سليمان منو ) قبل ان يستدرك عاطف (فلاتى ) ولاحظت ان هذه الظاهرة ربما لا تتواجد الا فى الوسط السودانى فتجد صلاح سلك وحسين خندريش - حرت فى معنى الكلمة - وصلاح بعاتى - رغم ان الشاب مثل القمر - وايمن كديس وجلال فول وحمدى خرطوش .

Post: #2
Title: Re: صلاح سلــــــــك !!
Author: Adil Ali
Date: 11-09-2007, 11:42 AM
Parent: #1

والطيب سيخة

Post: #3
Title: Re: صلاح سلــــــــك !!
Author: محمد حامد جمعه
Date: 11-09-2007, 11:49 AM
Parent: #2

والطيب سيخه

Post: #5
Title: Re: صلاح سلــــــــك !!
Author: Adil Ali
Date: 11-09-2007, 11:50 AM
Parent: #2

برضه صلاح قوش يا جنابو.... ممكن تورينا (قوش) دي معناها شنو؟

Post: #17
Title: Re: صلاح سلــــــــك !!
Author: humida
Date: 11-09-2007, 12:37 PM
Parent: #2

عارف يا ( محمد حامد ) ..
في مدرستنا الثانوية ( امدرمان الاهلية ) ..
كان المدير ( رحمة الله عليه ) .. لقبه ( ســلك ) ..
حتي انني لا أعلم ما هو اسمه الحقيقي ..
..
..
ونسبة للحساسية الزايدة بينه وبين ( الطلبة ) ..
شيد له ( الطلاب ) في مقابر ( احمد شرفي ) .. القريبة من المدرسة ..
قبرا .. وكتبوا فيها ( قبر المرحوم سـلك ) ..
..
..
كان لدي معه موقف ( طريف ) جدا ..
قبضني في يوم وانا أحاول ( تسلق ) سور المدرسة .. كنت أنوي الذهاب الي ( سينما قصر الصداقة ) ..
وذهب بي الي مكتبه .. وطلب مني الجلوس علي الارض قرب الباب ( لحين حضور الصول ) ..
في هذه الاثناء حضر وكيل المدرسة ( عبد القادر ود الراجل ) وكان رجل ( صوفي و متدين ) ..
وبدأ يسرد علي ( المدير سـلك ) بعض تفاسير ( الاحلام ) ..
وانه لو الزول شاف نفسه راكب ( جمل ) .. يعني حيشوف ( الرسول ) ..!
فما كان من الاستاذ ( سـلك ) ألا ان سأله ..
طيب يا استاذ ( عبد القادر ) لو الزول حلم انه راكب ( ....! ) .. حيشوف شنو ..
وانفقعت انا بالضحك .. وطاردني عبر ( حوش ) المدرسة .. لمن ( نفسو ) اتقطع ..

Post: #4
Title: Re: صلاح سلــــــــك !!
Author: shammashi
Date: 11-09-2007, 11:50 AM
Parent: #1

Quote: صلاح سلك


أها
صلاح غوش (أو قوش) دي أصلية وللا لقب؟؟؟؟؟؟؟؟؟؟؟؟

Post: #6
Title: Re: صلاح سلــــــــك !!
Author: محمد حامد جمعه
Date: 11-09-2007, 11:52 AM
Parent: #4

الفريق يا اهالى

قوش لقب

Post: #7
Title: Re: صلاح سلــــــــك !!
Author: Adil Ali
Date: 11-09-2007, 11:55 AM
Parent: #6

وصلاح دولار...(صلاح محمد أحمد كرار - عضو مجلس إنقلاب الجبهة "الإسلامية")
أها يا جنابو (دولار) دي برضه ما عارفها؟؟

Post: #8
Title: Re: صلاح سلــــــــك !!
Author: محمد حامد جمعه
Date: 11-09-2007, 11:56 AM
Parent: #7

برضو شلتو البوست جبتو لينا (سياسة ) ان شاء الله الانقاذ تغور وتجونا وزراء ...

Post: #9
Title: Re: صلاح سلــــــــك !!
Author: إسماعيل وراق
Date: 11-09-2007, 12:02 PM
Parent: #8

سلام يا سعادتك
لي زميل دراسة إسمه صلاح سلك.. وأعتقد أنه يعمل الآن بجهاز شئون العاملين بالخارج.. وأعتقد أن ربط سلك بصلاح ناتج لإسم اللاعب السابق صلاح سلك مثل عباس (ركس).. إبراهيم (ابو خليل).. حسن (أبو علي)..
.
.

Post: #11
Title: Re: صلاح سلــــــــك !!
Author: محمد حامد جمعه
Date: 11-09-2007, 12:11 PM
Parent: #9

إسماعيل وراق

اشكرك جدا ولهذا اريد البوست ، اضاءات على الالقاب والاسماء والربط بينهما ، هذه الظاهرة بالمناسبة تنتشر فى ملاعب الكرة خاصة فى (الليق ) واذكر ان المدير العام للتلفزيون المهندس الطيب مصطفى - قبل ان يتنحى - منع بقرار منه- المعلقين من مناداة اللاعبين بالقابهم وبالمناسبة افقد هذه الامر نكهة المباريات المذاعة ولطالما تلعثم الرشيد بدوى عبيد حيث انه اعتاد على مناداة وتوصيف اللاعبين عبر القابهم (الكورة مع باكمبا ) فصار يقول (الكرة الان بين قدمى بابكر الحلو ) ... تاصيل وكدا

Post: #10
Title: Re: صلاح سلــــــــك !!
Author: shammashi
Date: 11-09-2007, 12:03 PM
Parent: #8

- المتعافن
- عبد الرحيم عمارة
- بشبش هجين
الألقاب دي بيتداولها الشعب السوداسن الفضل. يعني ما سمعت بيها؟؟؟
شابكنا صلاح سلك وصلاح ليفة.

Post: #12
Title: Re: صلاح سلــــــــك !!
Author: Adil Ali
Date: 11-09-2007, 12:12 PM
Parent: #10

Quote: برضو شلتو البوست جبتو لينا (سياسة ) ان شاء الله الانقاذ تغور وتجونا وزراء ...

جنابو....وإنت الجابك البورد شنو غير السياسة؟
لا تفترض السذاجة في الآخرين يا سعادتك!

Post: #13
Title: Re: صلاح سلــــــــك !!
Author: محمد حامد جمعه
Date: 11-09-2007, 12:14 PM
Parent: #12

البوست ، اضاءات على الالقاب والاسماء والربط بينهما ، هذه الظاهرة بالمناسبة تنتشر فى ملاعب الكرة خاصة فى (الليق ) واذكر ان المدير العام للتلفزيون المهندس الطيب مصطفى - قبل ان يتنحى - منع بقرار منه- المعلقين من مناداة اللاعبين بالقابهم وبالمناسبة افقد هذه الامر نكهة المباريات المذاعة ولطالما تلعثم الرشيد بدوى عبيد حيث انه اعتاد على مناداة وتوصيف اللاعبين عبر القابهم (الكورة مع باكمبا ) فصار يقول (الكرة الان بين قدمى بابكر الحلو ) ... تاصيل وكدا

Post: #14
Title: Re: صلاح سلــــــــك !!
Author: عبدالكريم الامين احمد
Date: 11-09-2007, 12:18 PM
Parent: #13

عمر كرتلا
ادم كرونة
عثمان كبريتة..
الاسامي كثيرة ومرحة
ولكن اكثرها شهرة ومرح ومواكبة هو الاسم الجديد للبشير
(عمر حليفة)..
نال هذا الاسم قبل كده فاروق جبرة في قسمه الشهير
ولكن الان الاسم مسجل باسم عمر البشير
فيقال
_عمر حليفة

Post: #15
Title: Re: صلاح سلــــــــك !!
Author: doma
Date: 11-09-2007, 12:23 PM
Parent: #14

طيب نحن عايزين نقطع لمحمد حامد جمعه لقب ارحب بكل الاقتراحات
انا بقول محمد اشاعه

Post: #16
Title: Re: صلاح سلــــــــك !!
Author: عبدالكريم الامين احمد
Date: 11-09-2007, 12:32 PM
Parent: #15

وانا بقول
محمد جاكات

Post: #20
Title: Re: صلاح سلــــــــك !!
Author: doma
Date: 11-09-2007, 12:59 PM
Parent: #16

محمد جاكات تكسب لايقه عليهو اي اقتراجات تانيه همتكم يا شباب لانه محمد حامد جمعه اسم طويل وغير كدا يتطابق مع زميل له

Post: #18
Title: Re: صلاح سلــــــــك !!
Author: BAKTASH
Date: 11-09-2007, 12:53 PM
Parent: #1

الكضيضيب... حلوة!!

Post: #19
Title: Re: صلاح سلــــــــك !!
Author: BAKTASH
Date: 11-09-2007, 12:53 PM
Parent: #1

مكرر

Post: #21
Title: Re: صلاح سلــــــــك !!
Author: doma
Date: 11-09-2007, 01:17 PM
Parent: #19

يا جماعه ا ين اختفي جاكات ؟؟

Post: #22
Title: Re: صلاح سلــــــــك !!
Author: humida
Date: 11-09-2007, 01:24 PM
Parent: #21

دوما ..
مع احترامي ليك الشديد ليك ..
لكن البتعملي فيهو دا ( شين ) ..
اذا كان عندك مشكلة مع ( محمد حامد ) امشي افتحي ليهو ( بوست ) ..
..
..
فكرة ( البوست ) دا لذيذة .. لانه عندنا كلنا قصص طريفة مع ( الألقاب ) ..
وسواء نزل ( البوست ) محمد حامد .. او غيره ..
تبقى ( الفكرة ) جميلة للبعض ..
..
..
ما تحاولي توجهي البوست لـ( اغراض شخصية ) ..

Post: #24
Title: Re: صلاح سلــــــــك !!
Author: doma
Date: 11-09-2007, 01:43 PM
Parent: #22

مع احترامي الشديد لوجه نظرك انا شايفه البعمل فيه ( سمممممممممح ) وما عندي شئ شخصي مع محمد جمعه ولا اي غرض
اكتب البعجبك انا كتبت الفي راسي انت احكي وكل زول يحكي العايزه . يعني باختصار ما في كروت دعوه وكدا الا اذا محمد جمعه فوضك تقول لي كدا دا يكون موضوع تاني

Post: #25
Title: Re: صلاح سلــــــــك !!
Author: humida
Date: 11-09-2007, 01:57 PM
Parent: #24

لا ما فوضني يا ( دوما ) ..
بس من وجهة نظري .. شايفك بـ( تنططي ) كتير ..
عملتي لي ذي ( طرشماية ) مداخلة .. ما ليها ألا معني واحد ..
..
..
واعذريني ..

Post: #26
Title: Re: صلاح سلــــــــك !!
Author: doma
Date: 11-09-2007, 02:24 PM
Parent: #25

Quote: لا ما فوضني يا ( دوما ) ..
بس من وجهة نظري .. شايفك بـ( تنططي ) كتير ..
عملتي لي ذي ( طرشماية ) مداخلة .. ما ليها ألا معني واحد ..
..
..
واعذريني ..

اجي يا ناس الدنيا النطيط ممنوع ؟؟!!
حميده افتكر ما في داعي نتماسخ علي بعض لانه ما في زول ما بعرف للمساخه نقفل الموضوع دا علي كدا وما في شئ اساسا بلمنا لا موت لاحياه فول استوب

Post: #28
Title: Re: صلاح سلــــــــك !!
Author: humida
Date: 11-09-2007, 02:28 PM
Parent: #26


خلاص ( نكرتيني ) عديل ..
ياخي والله في مليون حاجة بتلمنا .. علي الاقل هذا ( المنبر ) ..
بس ياخي جيتي كشحتي لينا ( تراب ) في صحن ( البوش ) المدنكل دا ..
..
..
العفو والعافية يا ستي ..

Post: #30
Title: Re: صلاح سلــــــــك !!
Author: doma
Date: 11-09-2007, 02:47 PM
Parent: #28

مانكرتك يا حميده لانه في العاده انا انسانه ودوده وما ببدأ بالمساخه ولو حسيت انه في زول مسيخ ما بتداخل معاه او نادرا وعشان ما نخسر بعض اكتر من كدا قفلت الموضوع لانك انت حملت كلامي مع ود جمعه اكثر مما يحتمل وفسرته بسوء انا ابدا ما قصدته كل ما في الامر انه اسمه طويل سلبه قلت نلقي لقب يفصره .
المهم اسفه اني كشحت تراب في صحن البوش وليك علي عشاء فاخر مطعم 5 نجوم

Post: #23
Title: Re: صلاح سلــــــــك !!
Author: Kostawi
Date: 11-09-2007, 01:32 PM
Parent: #21

حبوبة دومة



بيان الظلامية
العميد ود جمعة
المرفعين..Merfi
كوستاوي الوجيه
برمة الشين
شيخ حسن الحمبرة

بشبش
بشير طلق
دينق عبابير

Post: #27
Title: Re: صلاح سلــــــــك !!
Author: على محمد على بشير
Date: 11-09-2007, 02:27 PM
Parent: #23

حسين مكنات
امير القادسيه
على بليه
محمد فلوله
احمد زغبير
صالح فارايه
عيسى الزنكلونى
ابراهيم ناموسيه
احمد طعميه
سيد الحلبى
جلال كبايه
عمر اب طاقيه
محمود السمين
عبد العزيز ابو الليل
احمد مطاريد
سفيان كبكابه
على القرقور
حاتم ابو شامه
عادل ظبطا
كمال الجنكل
فتحى ابو خيشه
جعفر مايو
صلاح كابو
صلاح نمليه
صلاح مازدا
على بيجو
سيف الشقله
محمد ود الشواطين ( كان لاعب كوره فى التحرير البحراوى والميرغنى كسلا )
محمد ود الكرتون

الخ الخ

اسماء والقابها مرتبطه بالزاكره من المدرسه والحى والعمل

Post: #29
Title: Re: صلاح سلــــــــك !!
Author: محمد حامد جمعه
Date: 11-09-2007, 02:36 PM
Parent: #27

Quote: doma


شكرا جزيلا ... وجميلا .... وكبيرا ..... على نعوتك .. والقابك واقبلها منك او لا اقبلها ما المشكلة لكن ببساطة ارى ان فكرة البوست يمكن ان تفتح طاقة جميلة لاسترجاع الذكريات وهو مقصدى ... وبس ...
بالمناسبة انتو عالم البنات فيهو القاب ولا القصة دى ظاهرة ذكورية فقط (سؤال جادى )

وتقبلى ودى واحترامى

محمد حامد جمعه الاشاعة كما تزعمين ..

Post: #33
Title: Re: صلاح سلــــــــك !!
Author: doma
Date: 11-09-2007, 03:12 PM
Parent: #29

طلعت زول معقد اسفه وتاني ما بتكلم معاك الا بالصوره الرسميه

Post: #32
Title: Re: صلاح سلــــــــك !!
Author: Elawad Eltayeb
Date: 11-09-2007, 03:08 PM
Parent: #23

سلك - الجو الرطب
ربيع طه (رورو) - الهيلاهوبا
طارق تفتيحة - الهيلاهوبا
عثمان كحيل
علي قُفة (فرقة الأصدقاء)
صلاح سيويوه
حسن تبشه

Post: #31
Title: Re: صلاح سلــــــــك !!
Author: محمد البشرى الخضر
Date: 11-09-2007, 03:03 PM
Parent: #1

Quote: لي زميل دراسة إسمه صلاح سلك.. وأعتقد أنه يعمل الآن بجهاز شئون العاملين بالخارج
يا وراق
صلاح سلك البتتكلم عنو دا خريج إقتصاد الخرطوم 1995 و كان ساكن الصحافة ؟

Post: #34
Title: Re: صلاح سلــــــــك !!
Author: Marouf Sanad
Date: 11-09-2007, 03:58 PM
Parent: #31

في
Quote: مدرستنا الثانوية ( امدرمان الاهلية ) ..
كان المدير ( رحمة الله عليه ) .. لقبه ( ســلك ) ..
حتي انني لا أعلم ما هو اسمه الحقيقي ..
..

اسمه حسن عطية يا حميدة, إنت عليك الله من الزمن داك, أنا اسي قايل روحي بلديك!

Post: #35
Title: Re: صلاح سلــــــــك !!
Author: Marouf Sanad
Date: 11-09-2007, 04:12 PM
Parent: #34

العميد


أعني بابكر بدري

Post: #36
Title: Re: صلاح سلــــــــك !!
Author: مجاهد عبدالله
Date: 12-09-2007, 06:17 AM
Parent: #1

Quote: الكرة الان بين قدمى بابكر الحلو


إنشاءالله الكرة بين قدمي عبدالعزيز الحلو
عشان تاني ناس المؤتمر مايشوفوها إلأ في التمنيات ..

Post: #37
Title: Re: صلاح سلــــــــك !!
Author: محمود بكر
Date: 12-09-2007, 08:13 AM
Parent: #1

الفاضل / محمد جمعة

ظاهرة الالقاب موجودة في كل الشعوب
وعندنا حمالة اوجه للهجاء او للمديح

ولقب الصغر اكثر التصاقا بصاحبه حتى انه احيانا لايعرف الابه

واكثر الالقاب معرفة هي القاب لاعبي كرة القدم لشهرتهم

مثال قاقرين مين من هلالاب البورد يعرف اسمه الحقيقي

ومازدا واتحدى مريخاب البورد لمعرفة لقبه الحقيقي

طائرة الامام (رحمه الله) لقب بذلك لسرعته الفائقة ولانه من سكان ودنوباوي

الجميل ان تذكر القاب الطفولة واين هم الان وهل لازال اللقب ملتصق بهم

Post: #38
Title: Re: صلاح سلــــــــك !!
Author: إسماعيل وراق
Date: 12-09-2007, 08:22 AM
Parent: #37

Quote: يا وراق
صلاح سلك البتتكلم عنو دا خريج إقتصاد الخرطوم 1995 و كان ساكن الصحافة ؟

الأخ محمد البشرى
تحياتي.،
بالضبط كده.. والله نجضوا نجاط... الزول دا دفعتي في الكلية..
بالله لو لك وسيلة إتصال به بلغه تحياتي.،

Post: #39
Title: Re: صلاح سلــــــــك !!
Author: محمد حامد جمعه
Date: 12-09-2007, 08:42 AM
Parent: #38

اها البوست اتى بثمار وفائدة

Post: #40
Title: Re: صلاح سلــــــــك !!
Author: د.محمد حسن
Date: 12-09-2007, 08:49 AM
Parent: #1

الهادي الضلالي

Post: #41
Title: Re: صلاح سلــــــــك !!
Author: محمد حامد جمعه
Date: 12-09-2007, 08:54 AM
Parent: #40

خالد ابو سبعه
خالد ليمونه
سمير بطه
وليد تعريفة
يحى الشوات
عماد تجه
صلاح كلارا
فتحى فلنكات
ياسر زنقلة

Post: #42
Title: Re: صلاح سلــــــــك !!
Author: د.محمد حسن
Date: 12-09-2007, 09:04 AM
Parent: #41

محمد حامد

كل سنة وانت طيب
الظاهر عشان رمضان
لانو المرة دي رديت علي

Post: #43
Title: Re: صلاح سلــــــــك !!
Author: محمد حامد جمعه
Date: 12-09-2007, 09:07 AM
Parent: #42

د.محمد حسن

والله فوق العين والراس ومحل التقدير والاحترام ... صدقنى

Post: #45
Title: Re: صلاح سلــــــــك !!
Author: jini
Date: 12-09-2007, 09:28 AM
Parent: #40

عوض باضريس
عوض باعوضة
عوض كجاويل
عوض الكبيببص
حسن كجيك
حسن سخانة
سيف لعوتة
سيف الجامعة
صلاح كديس
صلاح بردب
عثمان قولد
جمال كسل
عادل الساحر
فتاح كمون
يحى نضافة
كمال دقدق
صلاح ملاح
صلاح ودالحاجة
عوض سكينة
عبدالواحد كلنت
سيد البطل عضو بالمنبر

قصرنا معاك يا تور بقر الجواميس!
جنى

Post: #44
Title: Re: صلاح سلــــــــك !!
Author: د.محمد حسن
Date: 12-09-2007, 09:11 AM
Parent: #1

يا خي سلامة عينك وراسك

وليك التقدير والاحترام

Post: #46
Title: Re: صلاح سلــــــــك !!
Author: humida
Date: 12-09-2007, 10:35 AM
Parent: #44

عزالدين شلاقة ..
مصطفى تلنقا ..
محمد كعبول ..
آدم مقصات .. ( كان عنده عجلة دبل ومشهور بالمقصات ) ..
عبد اللطيف كمنجة .. ( بتاع حافلة كان بوصل الفنانيين ) ..

..
..

في المجتمع ( المخملي ) .. في ألقاب كتيرة ..
أماني تايوتا ( غير الغناية .. دي واحدة في السعودية كان زوجها شغال في شركة التايوتا ) ..
حوا بنزين ( مشهورة ) ..
عواطف مظلات ( زوجة اللواء مظلي ) ..
عوضية عذاب .. ( بتغني وجابوها في جرتق صاحبنا ابراهيم .. وبالجد عذاب ) ..

Post: #47
Title: Re: صلاح سلــــــــك !!
Author: محمد حامد جمعه
Date: 13-09-2007, 05:49 AM
Parent: #46

عماد كعبول
الفاتح جون
سيف دقشة
الصادق لاتو
صديق الشيك