Post: #1
Title: قلنا ليكم شفوت ومقددنها
Author: محمد حامد جمعه
Date: 02-27-2007, 04:41 PM
قلنا ليكم شفوت ومقددنها .. قلتو .. كو ...
|
Post: #2
Title: Re: قلنا ليكم شفوت ومقددنها
Author: محمد حامد جمعه
Date: 02-27-2007, 04:44 PM
Parent: #1
شفتو التسطيح المرات بتشفوه بيهو الحاجات هو الخلاكم ضاربين الاحلام قال الحكومة باعت احمد هارون !!
|
Post: #4
Title: Re: قلنا ليكم شفوت ومقددنها
Author: Murtada Gafar
Date: 02-27-2007, 04:49 PM
Parent: #2
طيب يا شفت و يا مقددها تقدر توريني أولياء نعمتك ديل حا:
يسلموا أحمد محمد هارون (كوز) بالتي هي أحسن، أرجو أن تسهب لي في تبعات ذلك
أم
سيختاروا تحدي المجتمع الدولي و رفض تسليم المتهم هارون، أرجو برضو تسهب لي في شرح تبعات ذلك
مرتضى جعفر
|
Post: #6
Title: Re: قلنا ليكم شفوت ومقددنها
Author: محمد حامد جمعه
Date: 02-27-2007, 04:53 PM
Parent: #4
قلبى عندك كما يقول اهل الكنانة
معليش ..
بقيتو تناقشو فى التسليم وما التسليم ما زمان شبكتونا ستة خمسين وليك التلت عقلى وعندك التلتين
انتو طلعتو اى كلام يا كمندر
|
Post: #8
Title: Re: قلنا ليكم شفوت ومقددنها
Author: Murtada Gafar
Date: 02-27-2007, 05:00 PM
Parent: #6
كعهدي بك لعاب و شراد يا جمعة، لكن برضو محتاج غوش يركز معاك حبتين
تقديم مجرمي الحرب لبعض جنرالات جيشهم لمحاكمة داخلية إعتراف بجرائم حرب في دارفور، ده اول درس
تاني درس، إتهام هارون (وزير دولة حاليا) و قشيب بواسطة لاهاي، دليل عى تورط الحكومة في إرتكاب هذه الجرائم، و ده ما ظللنا نردده، فالسيك المرة دي في قبولك إنتا يا من تدافع على من قتل 200 ألف و هجر 2 مليون و إغتصب ما لا يحصى و لا يعد، يأ إبني إنتا ما ح تقيف في يوم القيامة و لا بقيت سابق شيخك النكر عذاب القبر و إنتا بقيت تنرك عذاب الأخرة.
شوف يا شراد
هل سيقوم مجرمو الحرب بـ
تسليم هارون (كوز+وزير دولة حالي و النكتة للشؤون الإنسانية) و أرجو أن تسهب في تبعات ذلك على بقية المجرمين
أم
تحدي المجتمع الدولي، و ارجو أيضا أن تسهب في تبعات ذلك على عصابة مجرمي الحرب و إنتا منهم.
يلا بسرعة خلي الزوغان، إنتا ماش ايف الزمن ده الزوغة بقت ما في طريقة ليها
مرتضى جعفر
|
Post: #13
Title: Re: قلنا ليكم شفوت ومقددنها
Author: محمد حامد جمعه
Date: 02-27-2007, 05:14 PM
Parent: #8
شوف يا سيادتك ...
القصة اعمق من كلامك (الحلو ) دا كلو ..
يا مرتضى المثالية العالية فى التصورات والرؤى دى زمنها انتهى البتقول فيهو شعر و(غزل ) وتبلو وتشرب مويتو
القصة (ون تو ) ولعب كبار وناس مفتحين وللاسف انتو ما فى الحسبة دى يا مان
اقول ليك حاجة .. ولا خلاص سيبك ما عاوز اطمم بطنك
|
Post: #21
Title: Re: قلنا ليكم شفوت ومقددنها
Author: altahir_2
Date: 02-28-2007, 09:03 PM
Parent: #6
السيد محمد حامد جمعة
يعلم الله اننى لم اكن يوما متفق مع حديثك دا .
ولكنك اذا اردت إقرار حقيقة
فما قلت الا الحق
زى عنوان البوست بتاعى دا
هل صامت دارفور طويلا لتفطر على بصلة؟
مع اختلاف دوافعنا ووجهة نظر كل منا طبعا
ضياء الدين ميرغنى
|
Post: #3
Title: Re: قلنا ليكم شفوت ومقددنها
Author: عبد الغفار عبد الله المهدى
Date: 02-27-2007, 04:47 PM
Parent: #1
ول جمعه
حمدلله بسلامة العودة
لاغويسكو البتعملوا فوكا دى
بتن ما لقيتو لكو زول علا ولدكم تودو الطبنقع
واحات المكاشقى ابو عمر
ما عندكو ظمه دوت كى
تو الوليد ديى مش من عيال دارفور
|
Post: #5
Title: Re: قلنا ليكم شفوت ومقددنها
Author: محمد حامد جمعه
Date: 02-27-2007, 04:50 PM
Parent: #3
يا ود ابوك
الوليد هولنا ... والحبة دى ما عملوها ليهو ما تشوف العياط
|
Post: #7
Title: Re: قلنا ليكم شفوت ومقددنها
Author: كمال علي الزين
Date: 02-27-2007, 04:57 PM
Parent: #5
الأخ / محمد حامد جمعة
تحياتي
السؤال :
هل أرتكب الرجل جائم ضد المدنيين في دارفور أم لا ؟؟؟
أما كونه وزير سابق أو قاضي سابق أو و(ولدنا) , تعني الوقوف معه وحمايته حتى لو كان مجرماً ؟؟
وسؤال أخير :
هل كل مايحدث في دارفور سببه شخصان ؟؟؟؟؟؟؟؟؟؟؟
|
Post: #9
Title: Re: قلنا ليكم شفوت ومقددنها
Author: محمد حامد جمعه
Date: 02-27-2007, 05:01 PM
Parent: #7
| Quote: هل كل مايحدث في دارفور سببه شخصان ؟؟؟؟؟؟؟؟؟؟؟ |
دا سؤال مهم والاجابة عليهو انو الهلمة دى كلها شالها زول او زولين ، عشان تعرف ان التقرير كلو (وهمة ) وقصة ضغط بما فى ذلك فكرة المحكمة زاتها يعنى القصد ما عدالة ولا اقامة حق
انت صحى وبعودة لسؤالك ... انت ناس الحركات المسلحة ديل كانوا (طلائع وكشافة ) فى حرب دارفور ولا شنو ما شايف منهم زول شرفنا
|
Post: #12
Title: Re: قلنا ليكم شفوت ومقددنها
Author: Murtada Gafar
Date: 02-27-2007, 05:10 PM
Parent: #10
هل سيقوم مجرمو الحرب بـ
تسليم هارون (كوز+وزير دولة حالي و النكتة للشؤون الإنسانية) و أرجو أن تسهب في تبعات ذلك على بقية المجرمين
أم
تحدي المجتمع الدولي، و ارجو أيضا أن تسهب في تبعات ذلك على عصابة مجرمي الحرب و إنتا منهم.
يلا بسرعة خلي الزوغان، إنتا ماش ايف الزمن ده الزوغة بقت ما في طريقة ليها
مرتضى جعفر
|
Post: #15
Title: Re: قلنا ليكم شفوت ومقددنها
Author: كمال علي الزين
Date: 02-27-2007, 05:31 PM
Parent: #7
Quote: ]السؤال :
هل أرتكب الرجل جائم ضد المدنيين في دارفور أم لا ؟؟؟
أما كونه وزير سابق أو قاضي سابق أو و(ولدنا) , تعني الوقوف معه وحمايته حتى لو كان مجرماً ؟؟
|
الأخ / محمد حامد جمعة
تحياتي
هل عادةً ماتقرأ المداخلات من الأسفل ؟؟
فقد أجبت على السؤال الثاني .
في إنتظار إجابة على السؤال الأول !!!
|
Post: #11
Title: Re: قلنا ليكم شفوت ومقددنها
Author: ghariba
Date: 02-27-2007, 05:10 PM
Parent: #1
محمد
جماعتك الكتار الفاتحين بوستات كتار
مشو وين ؟؟؟؟؟؟؟؟؟؟؟؟؟
شكلهم مشو التمرين ؟
قالو أحسن ؟؟؟
صلاح غريبة - الرياض
|
Post: #14
Title: Re: قلنا ليكم شفوت ومقددنها
Author: SAMIR IBRAHIM
Date: 02-27-2007, 05:15 PM
Parent: #11
مشو يجيبو التلج ....
|
Post: #16
Title: Re: قلنا ليكم شفوت ومقددنها
Author: محمد حامد جمعه
Date: 02-27-2007, 05:36 PM
Parent: #14
Quote: أما كونه وزير سابق أو قاضي سابق أو و(ولدنا) , تعني الوقوف معه وحمايته حتى لو كان مجرماً ؟؟
|
لا تحميه ولا تميزه لكن وبذمتك والله يسالك هسة انت مقتنع بقصة محاكمة دولية لجرائم دارفور وانه مقصدها العدالة لو فى اصلا عدالة فى كم قاتل وغازى فى الدنيا دى مفروض يحاكم ، والكلام هنا كتير
انا شخصيا موقفى انو اى زول اجرم فى دارفور او غيرها يستحق المساءلة وبالنسبة لاحمد هارون فالرجل الذى عرفته كصحفى رجل محترم ونزيه ووطنى وشاب جسور ولن اقتنع اطلاقا بانه مجرم او سفاح
|
Post: #17
Title: Re: قلنا ليكم شفوت ومقددنها
Author: Mustafa Mahmoud
Date: 02-27-2007, 05:50 PM
Parent: #16
الجبهجي الكضاب
الجبهجي الكضاب
الجبهجي الكضاب
ال للحقوق نهــاب
أوع تقول شرع الله
سميهاشريعة الغاب
********************
في اي كتاب مكتوب
الشعب يعيش مغلوب
حق الكلام مسلوب
بالحقد شحنت قلوب
شهيتنا في اللالوب
********************
في دولة الأرزال
الدين بقي إذلال
المر بتقولوا ذلال
وإتلموا الككو غزال
********************
الجبهجي النسناس
الدين كرامة الناس
الدين للعدل أساس
الدين للعاري لباس
ما قطع اليد والراس
********************
يا حاقد يا مهووس
عملت الدين جــاسوس
لكرامة الشعب يدوس
حتــاخد يا منحوس
من شعبنا أقصي دروس
********************
الجبهجي الكضاب
ال للحقوق نهــاب
أوع تقول شرع الله
سميهاشريعة الغاب
أوع تقول شرع الله
سميهاشريعة الغاب
أوع تقول شرع الله
سميهاشريعة الغاب
|
Post: #18
Title: Re: قلنا ليكم شفوت ومقددنها
Author: محمد حامد جمعه
Date: 02-27-2007, 06:11 PM
Parent: #17
شكرا على القصيدة يا دكتور
ممكن اهدى ... انا بهديها لبقال (العريس ) ومحمد سليمان
تخريمة
شايفك جليت نزار قبانى .. الديوان كمل ولا شنو
|
Post: #19
Title: Re: قلنا ليكم شفوت ومقددنها
Author: عبدالعزيز حسن على
Date: 02-27-2007, 06:19 PM
Parent: #16
Quote: احمد هارون فالرجل الذى عرفته كصحفى رجل محترم ونزيه ووطنى وشاب جسور ولن اقتنع اطلاقا بانه مجرم او سفاح
محمد حامد جمعة - مدير التحرير بالمركز الاعلامي لجهاز الامن |
عرفته
Quote: :أحمد محمد هارون :
و هو من خريجي قانون مصر و من كوادر الحركة الإسلامية أثناء دراسته في الثمانينات و هو وزير الدولة بوزارة الداخلية السابق و المسؤول الأمني التنفيذي لمدة ثلاث سنوات عن ملف دارفور و قد قام بإعطاء أوامر مباشرة إلي المليشيات العسكرية التابعه لحكومة السودان بقتل المواطنين العزل و تهجيرهم و إغتصاب الفتيات و هذه جملة أعماله التي تستحق الموت كأقل عقاب . و قد قام المدعو هارون بإستحداث قوات تسمى"عاصفة الصحراء " وظيفتها توفير التأمين لمليشيات الجنجويد أثناء الهجوم على قرى دارفور و الهجوم جنبا إلي جنب مع القوات المسلحة السودانية , و قد قام المدعو هارون بإعتقال الآلاف من ابناء دارفور و تعذيبهم في معتقلات النظام السرية في دارفور و الخرطوم و هو صاحب المقولة :
"بعد أن تحرقوا القرى لا تتركوا كائنا حيا أريدها نظيفة و لا تخشوا شيئا إن معي التفويض الكامل من البشير و المال الوفير من على عثمان " , و بعد أن تجاوز أحمد هارون كل الخطوط الحمراء و قام بمهمته على أكمل وجه تم إعفاءه من المنصب ليبعد قليلا عن الأضواء بعد أن طفى إسمه على السطح في السنوات الأخيرة و تم تعينه وزيرا للشؤون الإنسانية و لم يأت تعيينه سهوا بل أوكلت إليه مهمة ثانية و هي الزج بعناصر أمنية داخل المنظمات الإنسانية و مراقبة الأجانب و وضع العقبات أمام المنظمات و كان ينسق مع الجنجويد في دارفور و يعطي أوامر بمهاجمة المنظمات الإنسانية و ترويعهم و رفع تقارير بأن المهاجمين هم من المتمردين , إن أحمد هارون هو المجرم الأخطر و قد تسبب في وضع لبنة عنف اساسية داخل إقليم دارفور لا نعلم متى ينتهي هذا العنف, لذا نطالب بإيقاع أشد ألوان العقوبات على المدعو أحمد هارون .
م/راشد عبدالله سليمان
رئيس الجمعية السودانية لمناصرة محاكمة مرتكبي جرائم الحرب في دارفور
[email protected]
|
بتعرف انت ما تعرف انحنا فى حبكم هايمين ترلم لم هايمين
مع الاعتذار للاغنية والبلابل
|
Post: #20
Title: Re: قلنا ليكم شفوت ومقددنها
Author: Adil A. Salih
Date: 02-27-2007, 07:08 PM
Parent: #1
محمد جمعة
قلت
| Quote: انا شخصيا موقفى انو اى زول اجرم فى دارفور او غيرها يستحق المساءلة وبالنسبة لاحمد هارون فالرجل الذى عرفته كصحفى رجل محترم ونزيه ووطنى وشاب جسور ولن اقتنع اطلاقا بانه مجرم او سفاح |
الموقف عندك قلت لى (اى زول اجرم في دارفور او غيرها يستحق المساءلة) .. يعنى يكتبوا استيضاح ؟؟؟
هكذا العدل عن اهل الانقاذ اذا ارتكب احدهم جريمة على قول ودجمعة فعقابه المساءلة ؟؟؟
بعدين انت صفحي منو القاليك انه الراجل العرفتو بمقايس وتعريفات الانقاذ للرجولة والاحترام والنزاهه والوطنية وجسارة الشباب .. تحتاج تقتنع بانه مجرم حرب.. حرام عليك الرجل متهم فقط ؟؟؟
متابعين
|
Post: #22
Title: Re: قلنا ليكم شفوت ومقددنها
Author: jini
Date: 02-28-2007, 10:26 PM
Parent: #20
| Quote: قلنا ليكم شفوت ومقددنها .. قلتو .. كو ... |
ما هى الشفتنة حقتكم دى الحجيب خبرككم!
وسوف تسلمونه كما سلم القذافى فحيمة!
غير كم كان اشطر!
واخشى عليكم من مصير صدام او نوريغا!
وينك يا تور بقرنا ليك وحشة!
جنى
|
|
