Post: #1
Title: وين الشيك يا سارة !
Author: محمد حامد جمعه
Date: 09-10-2005, 08:13 AM
فى بوست خناقة بين مسؤول حزبي كبير وزوجته علي مبلغ 250 مليون دولار
كتبت الزميلة سارة عيسى :
في الفترة ما بين 1990 الي 1997 شاع بين الاسلاميين نوع من المال يسمي بالمال الخبيث ، وهذا المال كان يقسم بالمناوبة حسب الاقدمية في الحركة الاسلامية ، دعونا الان نري من الذين ولغوا في هذا المال وخلقوا له المبررات الشرعية من اجل الاحتفاظ به وما هو المصدر الذي أتي منه هذا المال .
في تلك الفترة كانت البنوك تشكوا من انعدام السيولة والنقد بسبب لجوء الدولة الي الاقتراض من هذا الجهاز الحساس ، وقد مارست الدولة سياسة العصا والجزرة علي البنوك التي ترفض تسليف الاموال أو التبرع بها لصالح الجمعيات الخيرية التي تدعم مشروع الانقاذ الحضاري ، وفي تلك الفترة كان المرحوم الزبير محمد صالح يرسل مندوبه مع سيارة لحمل النقد مع مذكرة صغيرة يطلب فيها من الجهة المعنية ملء الحقيبة بالاموال والا... ؟؟ وأحيانا يتذرع بأن الجيش لم يصرف مرتباته لعدة شهور أو أن شرطة بسط الامن الشامل لا تملك العربات الكافية من أجل مواصلة مهامها
وفي بنك السودان حدث شئ آخر حيث استطاع بعض المتنفذين في ادارة هذا البنك ايام صابر محمد الحسن محافظ البنك أنذاك من توقيع اتفاق سري مع بعض البنوك يسمح لها ( بالسحب علي المكشوف ) ، وكلنا نعرف أثر هذه السياسة والتي تؤدي في الاخر الي زيادة معدلات التضخم بسبب غزارة السيولة المتوفرة في السوق والتي لا يصاحبها غطاء من الانتاج ، وبناء علي هذا الاتفاق آخذ بنك السودان علي نفسه مهمة تحصيل عمولة من البنوك التي دفعها خيار توفيق الاوضاع الي هذا المنحدر ، كانت هذه العمولة تورد في حساب وسيط يوقع عليه اثنان من موظفي البنك ويقومان باصدار الشيكات باسم أشخاص أو منظمات مثل نداء الجهاد وشباب الوطن واللجنة العليا لحماية العقيدة والوطن وغيرها من المسميات التي انتشرت في تلك الفترة ، هذا هو المال الخبيث الذي كتبت عنه ، وسوف أترك لذكائكم وحاستكم السادسة معرفة أكثر الرموز الانقاذية التي اغترفت من هذا الوعاء..
طبيب .. واحد قواد حركة يوليو 1976 كما يحب أن يسمي نفسه .. تربع في كل المناصب وهو صاحب مقولة (( ان الهوية الاسلامية العربية في الشمال قد حسمت بالتوجه الحضاري وتطبيق الشريعة الاسلامية ومن لم يعجبه ذلك فعليه الشرب من ماء البحر ))..آخر شيك صرف باسمه كان في عام 1996 بمبلغ وقدره مائة وخمسون مليون جنيه .. ومن المحتمل أن يكون هذا المبلغ قد مولت به عملية اغتيال الرئيس المصري حسني مبارك والتي تمت في نفس العام .. حيث وفر نفس المسؤول تاشيرات الدخول والجوازات الدبلوماسية لمنفذي العملية
ملحوظة: سوف تصلني صورة الشيك بعد ايام
|
Post: #2
Title: Re: وين الشيك يا سارة !
Author: محمد حامد جمعه
Date: 09-10-2005, 08:14 AM
Parent: #1
03-09-2005, 02:59 م
دا تاريخ تحرير الكتابة للاستاذة سارة ...
اها الشيك مالو ... لو ما وصل ممكن تقولى ولو كل القصة نجرة ... نقول ليك نحن
|
Post: #4
Title: Re: وين الشيك يا سارة !
Author: محمد حامد جمعه
Date: 09-10-2005, 08:27 AM
Parent: #3
ودخول الحمام مش زى خروجو
مثل مصرى
|
Post: #5
Title: Re: وين الشيك يا سارة !
Author: محمد حامد جمعه
Date: 09-13-2005, 06:38 AM
Parent: #4
03-09-2005, 02:59 م
دا تاريخ تحرير الكتابة للاستاذة سارة ...
ولا انزال فى الانتظار
|
Post: #6
Title: Re: وين الشيك يا سارة !
Author: محمد حامد جمعه
Date: 09-13-2005, 06:39 AM
Parent: #4
03-09-2005, 02:59 م
دا تاريخ تحرير الكتابة للاستاذة سارة ...
ولا انزال فى الانتظار
|
Post: #7
Title: Re: وين الشيك يا سارة !
Author: محمد حامد جمعه
Date: 09-13-2005, 06:52 AM
Parent: #6
فى الانتظار
|
Post: #9
Title: Re: وين الشيك يا سارة !
Author: محمد حامد جمعه
Date: 09-13-2005, 07:12 AM
Parent: #8
الموضوع هنا يا سعادتك عن زميلة تعهدت باحضار شيك يتعلق بفساد احدهم .. احييها على هذا بلا شك ولكن ان لم تفعل فاما انها تقول ما لا تعرف وتثير الغبار فقط بلا ادلة وتسوق للكذب والافتراءات واما انها تكتب لمجرد الكتابة
بالنسبة للروابط التى تفضلت بها فهى مجرد (انشاء ) وطق حنك ... الكلام ورق ووثائق ... طلق ورق !
|
Post: #10
Title: Re: وين الشيك يا سارة !
Author: محمد حامد جمعه
Date: 09-13-2005, 07:17 AM
Parent: #9
منهجية الزميلة سارة خطأ ومعيبة لانه وبالقياس عليها يمكن ان ياتى اى شخص غدا ويقول مثلا ان فلان ومن صفاته انه (اخدر ليمونى ) ووزير سابق ومناضل كبير وحرفه الاوسط سين والاخير حاء شفط كذا من الدولارات وكمية من الريالات وان التظميمن (أ وب ) انشقا على خلفية ماكلة ورقعة قدمت من دولة عربية ثرية ...
وقياسا على منهج سارة هذا فان روايات وكتابات على هذه الشاكلة يمكن ان تصدق ... ولا يرف جفن احد او يتحرك لسانه بضرورة احضار اثبات ... ولا شنو
|
Post: #11
Title: Re: وين الشيك يا سارة !
Author: ودقاسم
Date: 09-13-2005, 07:25 AM
Parent: #1
محمد حامد جمعة
يعني ما في لغف ؟
|
Post: #12
Title: Re: وين الشيك يا سارة !
Author: محمد حامد جمعه
Date: 09-13-2005, 07:30 AM
Parent: #11
فى لغف تثبتو المراجعة وفى لغف بيكتشف وفى لغف لى يوم القيامة يمكن ما يتعرف ... اللغف حاصل كان من ناس الحكومة ولا ناس النضال
القصد ... ان بتكلم عن انو المسائل دى ما بيصح فيها اثباتات الونسة والقطيعة (عنكوليب الونسة ) لانو بالطريقة حتسمعو قصص وبلاوى ...
الزول البيجى هنا ويقول فلان دا حرامى يقول لينا كيف ودا الدليل يختو لينا قدامنا رج والبقول فلان دا صفتو وفعل وترك يقدم على لينا مستندو غير كدا بيكون كلام فارغ
|
Post: #13
Title: Re: وين الشيك يا سارة !
Author: على محمد على بشير
Date: 09-13-2005, 07:51 AM
Parent: #12
الاخ محمد حامد جمعه
كلامك مقبول شكلا ومرفوض موضوعا
يعنى المناضل دا اللى بياكل فى قروش وصلته من مخابرات
دوله اجنبيه ح نثبت عليه التهمه كيف ,, وهو اصلا الاستلام
تم فى الظلام وفى غاية السريه وغير معلوم المبلغ كم !! ؟؟
ونفس الشئ بالنسبه للوزير اللى بيسرق فى مال سايب وليس عليه
رقابه او بياخد اموال مقابل خدمات معينه بيقدما بحكم منصبه
برضو دا ح نثبت عليه حالة التلبس كيف !! ؟؟
يعنى الاتنين ديل بيندرجوا تحت حالة اللغف الذى لن ينكشف الى
يوم الدين !
والا رأيك شنو 
|
Post: #14
Title: Re: وين الشيك يا سارة !
Author: mutwakil toum
Date: 09-13-2005, 08:04 AM
Parent: #12
اسي النبي فوقك يا محمد حامد يا صاحبي . اللغف السويتو ده داير مستندات . بالغت فيها دي
يعني بعدين لم امسك المنصب الما خمج اسرق واشّرط المستند اركب عربيتين وابني بيتين
وانا شغال بي ماهية والبجيني اقول ليهو جيب المستند . والمستند عند النجار والنجار عايز
الفلوس والفلوس عند العروس ..
الشي القالتو سارة ده لو جابت الشيك او لا. كلو كان حاصل توقيعات شيكات لمسميات هلامية
عمر البشير يلغف والزبير - الله لا طراهو بالخير - لغف . والكبير لغف والسغيّر لغف والصلعلوك
لغف وانت لغفت . وانا سافرت .
قلت لي مستندات . هو عمر البشير المشير السجم ده . مش قال الحرامي في راسو ريشة جاي انت
يا صحفي الواسطات تطالب بالمستند . ما سمعت بالاعتراف سيد الادلة . بعدين الجريمة يا محمد يا اخوي
درجات اكبرا الكتِل . يعني لم تكتُل بتكون قبلها سرقت او اغتصبتا او كدة من الحاجات السغيرونة ديك
اها الزبير داك كتّال . وطه قال آآي نحن كتلنا وعذبنا وعارف بعد داك قال يا محمد شنو قال لكن يا جماعة نحن كنا في بداياتنا . لو كنت سمعت الكلام ده يا محمد كان قلت ليهو بداياتنا يا طه يا .. كان قلتا ليو بدون ما تشعر ..
اسي انت شايل الشاي بتاعك وخالف رِجلك وبتضحك ضحكة الكيزان ديك ومحتفل بي انك قبضت سارة
..
تف عليك
|
Post: #15
Title: Re: وين الشيك يا سارة !
Author: محمد حامد جمعه
Date: 09-13-2005, 08:12 AM
Parent: #14
تف عليك !!!
|
Post: #16
Title: Re: وين الشيك يا سارة !
Author: محمد حامد جمعه
Date: 09-13-2005, 08:15 AM
Parent: #15
تف على انا يا جماعة !!!
كدى نمسح وشى دا ... عشان انادى تانى ... سارة وين الشيك !
|
Post: #17
Title: Re: وين الشيك يا سارة !
Author: اساسي
Date: 09-13-2005, 08:48 AM
Parent: #16
بقرأ في البوست في امان الله وحتي وصلت مداخلة متوكل توم وجدتها قوية وقد تغير شكل البوست ... وصلت لاخ نقطة وقفت في ( تف عليك)
عرفت لماذا محمد حامد جمعة وحكومته يركبون علي متوكل توم ومعارضته ويدلدلون ارجلهم فيقارب ابهام الارجل الانف ويكون علي مستواه تماما فيخرج لسانه ويبصق علي ابهام الرجل لانه لا يجد ما يبصق عليه سوي الذي يساويه في المدي هذا البصق مستمر منذ ستة عشر عاما بلا توقف
لكن من ناحية ثانية يا متوكل توم تذكرت بالعبارة الرخيصة ( عوضية العينها قوية)
فقد كانت تسكن جوارنا وتكثر من اطلاق مثل هذه العبارات
|
Post: #20
Title: Re: وين الشيك يا سارة !
Author: mutwakil toum
Date: 09-13-2005, 07:54 PM
Parent: #16
Quote: تف على انا يا جماعة !!!
|
يا ود انت كوز موديل كم ؟؟
ما عارف الـ(تف) دي مكانا وش الكيزان .
Quote:
عرفت لماذا محمد حامد جمعة وحكومته يركبون علي متوكل توم ومعارضته ويدلدلون ارجلهم فيقارب ابهام الارجل الانف ويكون علي مستواه تماما فيخرج لسانه ويبصق علي ابهام الرجل لانه لا يجد ما يبصق عليه سوي الذي يساويه في المدي هذا البصق مستمر منذ ستة عشر عاما بلا توقف
|
دي شنو العوارة الفوق دي اسي يا اساسي .
وبعدين يا اخي انت حيرتني عديل شايت وين مرة اشوفك شمال ستالين ومرة اشوفك يمين اليمين ..
رِك علي جنب واحد ام شمال او يمين رقاد البطن ده بجيب اللوم .
__
| Quote: عوضية العينها قوية |
معليش يا اساسي نسيت اقول حقوق طبع (تف عليك) راجعة لكاكا .
تعرف لم افتتحت كاكا (بيزنس) بيع عرقي في سبتمبر 83 . كان المكان ركن ميدان ..
ميدان الامل با اساسي بحي الزمالك وسط العمارات الشوارد يعني رفعت اصبعا
كدة (طُظ) للشريعة والراسمالية الراكبين في سرج واحد .. كام موقع البيزنس ضلام
انوار المكان سنون الناس البتضحك .. وراها كان مبنى الوزارة .. قصر الضيافة
وبيت الحاكم .. والحاكم كان سليمان محمد سليمان . تحت النجف وعلى مرمى نظر من
قزازة الويسكي الانثى (صلاة النبي فوقا) .. كان الكيزان السُمان سُمان نقاشم حول ...
تخيل حول منو يا اساسي ( حول كاكا) قال الناس الكبار كبار (ربما) و (حيثما)
واكيد (لعلّ) براك عارف كيف الكيزان بحبوا (لعلّ) .. (وكيف نكبح ) ..
واوووووب كاكا جابت المشروع والدين والبتاع ا########## ..
في حوش الناس السُمان بره جنب اللاندكروزرات كان ناس محمد جمعة بحكوا عن
نسوان ملظلظات بجوا للناس السمان (قوانين المنبر بتمنع اقول بجيبوهم) ..
متنكرين شكل سواقين وماسحين اطـ...
كان لم قعدة الناس الكبار كبار تطول ناس محمد جمعة بركبوا لاندكروزر
يرسوا عند كاكا دق دق دق صوت البوت كشة كشة كشة ..
يدخلوا ما يلقوا غير مصماص التمر المذكور في السنة النبوية ولعن الدين
يرجعوا مفلسين واسفهم في عيونهم ..
ناس تحت النجف جابوهم . ما. منهم وفيهم ..
يا حمادة جمعة تعال
عالي درجة تعال
عندك فلجة تعال
ـ ابقى صحفي !
حمادة صدّق نفسو صحفي جاب كمبيوتر وقلم ودفتر وكرافتة
ياريتو يسمع كاكا بعدو لم تقول (صعلوقيين) .
يا جمعة تعال ..
السفارة في سيرلانكا بتكورك نفر نفر ..
- ابفى دبلوماسي
يا عير تعال ..
منظمة شنو كدة ما عارف الاسلامية عايزة مسلم شيل شهاداتك
(شنطة وسبحة ودقن) .. غووور
يا كير تعال . كتفك كبير بشيل دبابير . ابقى ضابط ..
لم سمعت كاكا بالصعلوقيين ماسكين قالت
تف عليك
|
Post: #18
Title: Re: وين الشيك يا سارة !
Author: على محمد على بشير
Date: 09-13-2005, 10:23 AM
Parent: #14
بالغت ,, لكن !! ؟؟
|
Post: #19
Title: Re: وين الشيك يا سارة !
Author: Mohamed Doudi
Date: 09-13-2005, 11:18 AM
Parent: #18
الاحترام ياشباب
قد نختلف نعم..... ولكن لابد من الاحترام حتى نقنع بعضنا بقناعاتناوالتى امل ان تكون من خلال الكلمه الرزينه.
|
Post: #22
Title: Re: وين الشيك يا سارة !
Author: ABDELMAGID ABDELMAGID
Date: 09-13-2005, 09:05 PM
Parent: #19
هي سرقة الانقاذيين دايرالا اثباتات وادلة كمان
|
Post: #21
Title: Re: وين الشيك يا سارة !
Author: Mohamed Elbashir
Date: 09-13-2005, 08:22 PM
Parent: #1
Quote: الاحترام ياشباب
قد نختلف نعم..... ولكن لابد من الاحترام حتى نقنع بعضنا بقناعاتناوالتى امل ان تكون من خلال الكلمه الرزينه. |
|
Post: #23
Title: Re: وين الشيك يا سارة !
Author: bint_alahfad
Date: 09-14-2005, 00:14 AM
Parent: #21
الاخ الكريم محمد حامد جمعه
قواك الله ونصرك
قرأت كم الاساءات التى كالت عليك من كل حدب وصوب , فكل معارض للحكومه يضع غضبه فيك , يتهمون الحكومه بالقمع وهم انفسهم يقمعون الناس ويحاولون تكميم
افواههم ومسحهم من الوجود لو وجدوا لذلك سبيلا, لذلك قلت من قبل اننى لا اثق فى حكومه ولا معارضه فكلاهما يحملان السودان الى الهاويه
الشهاده لله لقد طولت بالك شديد وتحملت الكثير من الاذى فوق طاقه البشر, ولجد ما يؤسفنى انك الوحيد فى هذا المنبر الذى يتعرض للاذى والاساءات مع وخرق لقوانين
البورد دون اى خوف ان تطالهم قوانين البورد
يا اخى احتسب امرك لله, واعلم انه ما اصاب المؤمن من شئ حتى شوكه يشاكها الا كانت كفاره لذنوبه, ويبدو انك هولاء الناس يهدون اليك حسناتهم دون ان يدروا ففوض امرك لله ان الله بصير بالعباد
ولا حول ولا قوه الا بالله
وفى امان الله
لا اله الا الله
|
Post: #24
Title: Re: وين الشيك يا سارة !
Author: إسماعيل وراق
Date: 09-14-2005, 00:26 AM
Parent: #23
رغم حساسيتي زائدة تجاه الكيزان
ورغم أن سرقتهم لا تحتاج لدليل أو برهان
ولا عذابهم للشعب وتنكيلهم للأبرياء
إلا أن أسلوب متوكل توم غير حضاري البتة وهو خصم عليه.
أرجو أن يعتذر الأخ متوكل توم للأخ محمد حامد جمعة (سعادة العميد).
|
Post: #25
Title: Re: وين الشيك يا سارة !
Author: محمد حامد جمعه
Date: 09-14-2005, 01:53 AM
Parent: #24
ولا نزال فى انتظار الشيك او الاعتذار عن عدم احضاره ... وكذلك اعتذار متوكل التوم .. عن ... التف
|
Post: #26
Title: Re: وين الشيك يا سارة !
Author: Mustafa Muckhtar
Date: 09-14-2005, 02:14 AM
Parent: #25
الأخ محمد جمعة
بالرغم من اختلافي معاك في معظم توجهاتك و كتاباتك و بالرغم من عدم معرفتي الشخصية بك لكن فيك بعض الصفات الجيدة و التي يفتقدها كثير من مرتادي البوست, من أهم هذه الصفات أدب الحديث و النفس البارد حتى اذا أساء لك الآخرون. بس مسؤول عن الخير يا أبو حميد وين تور بقر الجواميس الرقادن جخ, لعل المانع خير.
نرجع للب الموضوع و أقول ليك الأخت سارة اجتهدت في موضوع يؤرق بال كل وطني غيور, و لا أشك أنك واحد منهم, فاذا أصابت فلها أجران و اذا أخطأت فلها أجر الاجتهاد, و في كل الأحوال نشكر للأخت سارة اجتهادها لأن الجهات الكان مفروض انها تجتهد و تجيب و لو على جزء يسير من الأسئلة الحارقة جوف كل سوداني, هذه الجهات يبدو أن أمر الفساد لم يعد جزء من اهتمامها لأنها كما جاء على لسان المشير البشير " السرقوا قروش الشعب قد شكوناهم لله" .
تفتكر با أبو حميد ماذا يفعل الشعب السوداني اذا كان ولى الأمر سادي دي بطينة و دي بعجينة, و ولي الأمر هذا هو الذي يمتلك ديوان للمراجع العام و ديوان للنائب العام و جهاز للشرطة و المباحث و الأمن الاقتصادي و أجهزة الرقابة المختلفة و جهاز مكافحة الثراء الحرام و قانون الثراء الحرام, بالرغم من كل هذه الأجهزة المهولة لم يحرك ولي الأمر ساكنا و رائحة الفساد تزكم الأنوف و تلوث كل الأجواء.
الأخت سارة اذا جابت صورة الشيك تكون ما قصرت و اذا ما جابته برضو ما قصرت لأنها لا تملك أجهزة الدولة, و اذا كنا في دولة تكن أدنى احترام للمواطن لما كان من مهام الأخت سارة الحصول على صورة الشيك, لأن هذه مهمة أجهزة الدولة و مش مهمة المواطن البسيط المغلوب على أمره.
الأخ محمد, أستميحك عذرا في أن أعرض عليك عدد من قضايا الفساد و أرجو , كما عودتنا, أن نناقشها بهدوء و موضوعية و نفس بارد...
....................................... و للموضوع بقية
|
Post: #27
Title: Re: وين الشيك يا سارة !
Author: محمد حامد جمعه
Date: 09-14-2005, 03:36 AM
Parent: #26
Mustafa Muckhtar
انت قلت :
الأخت سارة اذا جابت صورة الشيك تكون ما قصرت و اذا ما جابته برضو ما قصرت لأنها لا تملك أجهزة الدولة
كلام جميل اتفق معك فى الجزء المتعلق بانها ما قصرت واما اذا لم تحضره فان التقصير يكون لجهة ان حديثها يكون مجرد ونسة لا تصلح لان تكون منطلقا لتاسيس اتهام ضد من تصفهم باللصوص
واجمالا رغم كل شى يبقى الاحترام محفوظ للجميع
|
Post: #28
Title: Re: وين الشيك يا سارة !
Author: nazar hussien
Date: 09-14-2005, 03:43 AM
Parent: #27
يعني هو شيك الجن دا يجي من وين؟ مش قلتو القروش دي
في البنكي...وخاتنها وديعه...؟؟؟ والله دا شيكا تاني
انا غايتو راكب من آخر محطة...وانتو مخيرين في بصكم
|
Post: #29
Title: Re: وين الشيك يا سارة !
Author: Zoal Wahid
Date: 09-14-2005, 06:15 AM
Parent: #1
ادورب شغال يومية في الميناء لما جاء طالع،
العسكري قام وقف ادروب وضغط على جيب ادروب
ونهره : ده شنو؟
ادروب قال ليهو:
حقة تمباك تشوف ماكينة تايوتا ما تشوف
الطيب مصطفي يفتح النار علي وزير المالية ،، ويكشف قمة جبل الفساد
الفساد فى اتصالات ......للتوثيق
Quote: الفساد فى اتصالات ......للتوثيق
فتنة السلطة والجاه ...الهمز واللمزبين الاخوان
الطيب مصطفي يفتح النار علي وزير المالية ،، ويكشف قمة جبل الفساد
علي الدولة ان تفكك مراكز القوى في قطاع الاتصالات!!! الطيب مصطفي |
اتصالات ما تـشــوف
???????
|
Post: #30
Title: Re: وين الشيك يا سارة !
Author: محمد حامد جمعه
Date: 09-14-2005, 06:43 AM
Parent: #29
حقة تمباك تشوف ماكينة تايوتا ما تشوف
شديدة لكن برضو هاك دى
قالو رباطابى مسيخ كان موقوف قدام القاضى يعنى متهم بسرقة فلنكة سكة حديد وكل شوية اثناء الجلسة بتاعة المحاكمة عندو طاقية صاحبنا يشيل ويظبط فيها فى ارسو ويختها جاى ويشنقها غادى ، اها القاضى اتغاظ .. شبك ليك المتهم شوف يا زول ... نزل الطاقية دى من راسك ... الرباطابى قال : سمح يا مولانا بس انشاء الله تلقو الفلنكة تحتها ..
اها طاقية الانقاذ دى بنزلها بس انشاء الله تلقو فلنكة الديمقراطية والحرية تحتها
|
Post: #31
Title: Re: وين الشيك يا سارة !
Author: Ahmed Alrayah
Date: 09-14-2005, 07:15 AM
Parent: #30
والله إنّي لفي غاية الأسف من هذا المستوى الأخلاقيّ المتواضع لبعض الكاتبين هنا، لن أطالب (متوكل) بالاعتذار لمحمد جمعة أو لنا، بل عليه هو -دون مطالبة من أحد- أن يعتذر لنفسه.
أحمد الريّح
|
Post: #32
Title: Re: وين الشيك يا سارة !
Author: Ahmed Alrayah
Date: 09-14-2005, 07:27 AM
Parent: #31
أخ/ محمد حامد
تحيّة طيبة
لا أعلم إن كنت تعمل في شركة خاصة أو في مؤسسة حكومية، لكن، بافتراض أنّك تعمل في مؤسسة حكوميّة، كيف تجد الوقت الكافي للكتابة في المنبر العام أثناء أوقات العمل الرسميّة؟ ألست موظفاً حكوميّاً من واجبه أن يقضي وقته في خدمة المواطنين؟ باعتباري مواطناً سودانيّاً يحقّ لي التساؤل، ويمكنك تجاوز السؤال في حالتين:
الأولى
أن تكون الكتابة هنا جزءاً من صميم عملك (إذا تجاوزتَ السؤال لهذا السبب، أرجو أن تشرحَ لنا وديّـاً كيف تكون الكتابة هنا جزءاً من عملك).
الثانية
أن تكون موظفاً في شركة قطاع خاص.
شكراً
أحمد الريّح
|
Post: #33
Title: Re: وين الشيك يا سارة !
Author: Mustafa Muckhtar
Date: 09-14-2005, 08:12 AM
Parent: #32
الأخ محمد
ما زال سؤالي قائما:
تفتكر با أبو حميد ماذا يفعل الشعب السوداني اذا كان ولى الأمر سادي دي بطينة و دي بعجينة, و ولي الأمر هذا هو الذي يمتلك ديوان للمراجع العام و ديوان للنائب العام و جهاز للشرطة و المباحث و الأمن الاقتصادي و أجهزة الرقابة المختلفة و جهاز مكافحة الثراء الحرام و قانون الثراء الحرام, بالرغم من كل هذه الأجهزة المهولة لم يحرك ولي الأمر ساكنا و رائحة الفساد تزكم الأنوف و تلوث كل الأجواء.
أرجو الاجابة لأن لي كثير من الأسئلة تفوق في أهميتها السؤال عن الشيك و أتمنى أن أجد عندك الاجابة عشان أنا ما متفرغ في للكتابة في المنبر زيك
|
Post: #34
Title: Re: وين الشيك يا سارة !
Author: Agab
Date: 09-14-2005, 04:28 PM
Parent: #1
عش رجبا تري عجبا
|
Post: #35
Title: Re: وين الشيك يا سارة !
Author: abookyassarra
Date: 09-18-2005, 04:12 AM
Parent: #1
كل إناءٍ بما فيه ينضح
محمد حامد جمعة أو مدرسة الإسلاميين ( للأخلاق )
من أراد أن يتعلم فليفعل ويصعد فى سلم الأخلاق
ومن تخلف به فكره فليعبث ويتف ( ويشخبط على حائطها ) كما
يفعل نظراؤه بالمدارس ..
وفم يلفظ ذلك .. لا أعتقد أنه يحسن الإعتذار ..
**
أما الأخرى ( فالإسم ساااااااااااااااااااالم )
وفى إنتظار الشيك يا أجاثا كريستى
|
Post: #36
Title: Re: وين الشيك يا سارة !
Author: haleem
Date: 09-19-2005, 03:47 AM
Parent: #1
قال مدرسة الاسلاميين للأخلاق...
هاك الأخلاق التحت دي
البحرية »تطالب مديرها السابق بإعادة (470) مليون جنيه
الخرطوم/عبدالمنعم ابوادريس
وجهت الإدارة القانونية بشركة الخطوط البحرية السودانية، انذارا قانونيا للمدير العام السابق للشركة لاعادة 47.202.859 (سبعة واربعون مليون ومئتان وأثنان الف وثمانمائة تسعة وخمسون دينار)، وذلك استنادا الي تقرير المراجع العام.
واشارت الوثيقة التي حصلت (الصحافة) علي نسخة منها الى أن المدير العام السابق للشركة الدكتور مصطفي نوارى، معرض للأتهام تحت المواد 177 و178 من القانون الجنائى والمادة (6) من قانون مكافحة الثراء الحرام والمشبوه.
وقد امهلت الادارة القانونية د. نوارى اسبوعا لرد المبلغ اعلاه للخزينة العامة، والا ستضطر لاتخاذ الاجراءات القانونية.
وتشير (الصحافة) الى أن الانذار صادر بتاريخ 4 سبتمبر 2005 وموجه لدكتور نوارى عبر السفارة السودانية في لندن محل اقامة الدكتور نوارى.
وكشف تحقيق صحفى تجريه (الصحافة) ان النائب العام وجه بفتح بلاغ جنائى ضد د. مصطفى نوارى تحت المواد 177، 178 من القانون الجنائى. والمادة (6) من قانون مكافحة الثراء الحرام والمشبوه بموجب اخطار بالنمرة وع/م ت/بتاريخ 23/11/ 2004م.
وكان المراجع العام قد أصدر تقريرا من 17 صفحة كشف فيه حصول المدير العام السابق على المبلغ، وطالب ديوان المراجع العام باسترداد المبلغ.
تفاصيل اوفى في اعدادنا القادمة.
|
|