Post: #1
Title: تختة ضربنار !
Author: محمد حامد جمعه
Date: 10-23-2005, 11:49 AM
مساء الخير يا جماعة عافية طيبين ... وكمان مبارك عليكم العيد مقدما والعفو والعافية .. لله والرسول والوطن .. كيفكم يطيب معناكم ...
عاوز اقول شنو .. ايوه ... شايف اولادنا (عيال دارفور ) فى القمة وشايف شمطة وشكلة ليها ضل بسبب بوست كتبو الزميل ناذر محمد الخليفة والحقيقة انا قريت البوست وصحيح ما فهمت مقصدو لانى قطعا بعيد عن بيئة النص وما هو خفى فى دوافع ناذر للكتابة لكن بصراحة وامانة عديل كدا شميت فى البوست ريحة مش كويسة وكانت فيهو رشة سخرية غير موفقة ولو كانت بريئة .. اها قوم يا الزميل محمدين احرد واتبنى ليك موقف جمعى لابناء دارفور - طبعا انا وعزت الماهرى وعبد الرازق الطالب ما فى الحسبة لانو نحنا ما بنعد من عيال دارفور نكون كروات وما عارفين - المهم محمدين طالب اولاد دارفور وناشدهم عشان يمرقو من المنبر لو ما المهندس بكرى ابوبكر قام رفد ناذر وطلع ليهو الكرت الاحمر !
دا غلط .. كلو غلط .. ناذر ما كان موفق ومحمدين برضو بالغ فوقا ... لكن يا جماعة وبقصد بالخطاب دا اولاد دارفور خاصة المناصرين للحركات المسلحة يا جماعة ممكن تختو الرحمن فى قلبكم شوية وتسمعو النصيحة دى ... بامانة خطابكم العام فى المنبر ويمكن فى منابر تانية مشكلة كبيرة والكلام دا قلناه مليون مرة فى ردود فى موضوعات مختلفة وفى بوستات عديل كدا .. يا اخوانا الانسان العندو قضية عادلة - اتفقت ام اختلفت معها - ما بيحتاج لاستعمال العنف اللفظى وما حقو زول يفترض انو موقف خير مطلق ما فيهو عيب ونواقص دا اول شى وتانى حاجة لازم الزول صاحب القضية يحترم الناس التانية كانت مساندة ليهو عن قناعة او من مدخل عدو عدوى حليفى ودا كوم ومجموعة كبيرة من المحايدين فى المنبر كانوا اعضاء او زوار ديل كلهم مفروض يتم تاسيس خطاب موضوعى ليهم وحتى انصار الحكومة فى المنبر دا ممكن برضو التاثير عليهم لكن دا كلو كيف ... ؟؟ بجنس كتابة محمد سليمان الكلها لعنات ومطاعنة ولا كتابة سيادتو بقال - دا حالتو صعبة لانو يوماتى بيخصم من قضية دارفور مئة نقطة يضيفها للفراغ العريض - ولا السيدة الفضلى تراجى والغريبة النماذج دى وحسب ما نسمع ونشوف كلها ناس قارية وفاهمة ومتحضرة لكن خطابها عصى على الفهم .
قضية دارفور فى المنبر والموقع دا لقت مساحة حقو يعينو بكرى ابوبكر بسببها فى كل مجالس قيادات الحركات المسلحة - وزى ما قال ابنوس كدى شوفو صفحة الاخبار والبيانات - دا بخلاف العضوية النشطة والنشطة جدا فى المنبر وصفحات الراى والمقالات لكن المحصلة شنو ... تعالو نحسب ..
كرهتو الناس فى مواقفكم لانكم عملتوهم كلهم ( تختة ضربنار ) اى زول ما زغاوى معناه طوالى هو ضد الثورة لو كان من اولاد دارفور ولو كانت من باقى ارجاء السودان الكبير فهو لص وسارق لتاريخ وحقوق دارفور رغم انو معظم الاعضاء والزوار للمنبر دا ناس غبش مارقين للعلم واكل العيش فى جهات الارض المختلفة وفى ناس منهم فى الخرطوم قاعدين معلمين الله من وظائف ولا جاه بتاع سلطان .
ودا كوم واستعباط الناس ووضع (القنابير ) على روؤسهم كوم تانى .. فبركة قصص - خلو الصور قلنا غلطة مطبعية وبريدية - لكن براكم اقعدو والزمو الجابرة وشوفو كم دمعة سالت من شمعة الحقيقة وحرقت القضية دى ...
مافى زول هنا عندو موقف قبيح ولا انسانى ضد دارفور وانا كاحد ابناء دارفور مثلا موقفى ما عندو علاقة بموقف الحكومة لكن موقفى متاسس على انى يوماتى بلاقى ناس من اهل دارفور - عرب وزرقة - تعرفو بيلعنو فى الحكومة صحى لكن بيلعنو اضعاف اللعنات دى فى المتمردين والبيقولو كتير ... التمرد دا عن ناس دارفور كلهم ممقوت لانو بدل ما يوجه البندقية نحو الحيكومة وجهها لصدور المساكين .. نهب .. سلب ... ودا العمود الفقرى فى تمويل الحركات بالمناسبة على الاقل للعناصر القاعدة فى الخلا والحركات دى مصنفة بانها بتاعة قبيلة معينة واى كلام غير كدا بيكون مغالطة وكشيح تراب فى العيون ورغم دا انا شخصيا ما جيت هنا وقلت بالاسم ( قبيلة فلان ) ولا بالغت فى اساءة زول من رموز الحركات المسلحة لانو عشان عين تكرم الف عين ولانى ضد فرض التعميم البقول مثلا فلان كعب وبالتالى العرق الفلانى كلو كعب .. دا ما صاح .. الصالح والطالح فى اى مجموعة وكيان موجود لكن تعالو شوفو خطابكم مثلا عبد الله على مسار الزول دا عينو مستشار بالقصر ومعاه كوتة مستشارين بدل ما يكون النقد مصوب بصورة منهجية وموضوعية لمهام المستشارين ولمقدرات الرجل جا زول محسوب على الحركات المسلحة وحامل لواء نضالها بالداخل وشبك الناس ببوست شين وبليد وغبى اى زول قراه ضرب ايد على ايد .. دا حالتو طالب جامعى وكادر بتاع منابر ومسؤول الاعلام بالطلاب ... طيب لو جا كادر عنقالى ساى ... نشرد يعنى ولا الشورة كيف ..
محمدين .. ومحمد سليمان ... وبقال .. والدكتور والسيدة الكريمة تراجى ... يا قولو خيرا ... يا اصمتو ... لانو بالطريقة ... حقو الحكومة ترسل ليكم خطابات ثناء وشكر لانكم بترمو نيران المدفعية حقتكم فى صنقور قضيتكم وبتفهقوها .. صدقونى ..
طبعا كان ممكن اسكت واقعد اتفرج لكن بامانة انا الخصم الحمام الميت والمنتهى ما بعرف انازلو عشان كدا امشو اعملو (تصحيح ) وتعالو ... سمح
|
Post: #2
Title: Re: تختة ضربنار !
Author: محمد حامد جمعه
Date: 10-23-2005, 12:31 PM
Parent: #1
سمح
|
Post: #4
Title: Re: تختة ضربنار !
Author: معتز تروتسكى
Date: 10-23-2005, 12:33 PM
Parent: #2
وتجامل تجى
|
Post: #3
Title: Re: تختة ضربنار !
Author: Mohamed Suleiman
Date: 10-23-2005, 12:32 PM
Parent: #1
| Quote: بامانة خطابكم العام فى المنبر ويمكن فى منابر تانية مشكلة كبيرة والكلام دا قلناه مليون مرة فى ردود فى موضوعات مختلفة وفى بوستات عديل كدا .. يا اخوانا الانسان العندو قضية عادلة - اتفقت ام اختلفت معها - ما بيحتاج لاستعمال العنف اللفظى وما حقو زول يفترض انو موقف خير مطلق ما فيهو عيب ونواقص دا اول شى وتانى حاجة لازم الزول صاحب القضية يحترم الناس التانية كانت مساندة ليهو عن قناعة او من مدخل عدو عدوى حليفى ودا كوم ومجموعة كبيرة من المحايدين فى المنبر كانوا اعضاء او زوار ديل كلهم مفروض يتم تاسيس خطاب موضوعى ليهم وحتى انصار الحكومة فى المنبر دا ممكن برضو التاثير عليهم لكن دا كلو كيف ... ؟؟ بجنس كتابة محمد سليمان الكلها لعنات ومطاعنة ولا كتابة سيادتو بقال - دا حالتو صعبة لانو يوماتى بيخصم من قضية دارفور مئة نقطة يضيفها للفراغ العريض - ولا السيدة الفضلى تراجى والغريبة النماذج دى وحسب ما نسمع ونشوف كلها ناس قارية وفاهمة ومتحضرة لكن خطابها عصى على الفهم . |
برز الشيطان يوما في ثياب الواعظينا
أنت يا محمد حامد جمعة من دون الناس تنصح أبناء دارفور ؟
و تتحدث عن العنف اللفظي ؟ ...
هل فتح الله عليك يوما بكلمة حق لتدين العنف الحكومي المنظم ؟
ماذا عن خروقات حقوق الأنسان التي تمارس يوميا بواسطة حزب المؤتمر الوطني ؟
مهما جاهرنا برأينا في مقاومة نظامك القهري ( و تسميه زورا عنف لفظي ) .. فأنه كنقطة ماء في بحر عنفكم الوحشي اللاأنساني ... و تأتي بلا خجل لتدافع عن نظام هو كله بمثابة عصابة من القتلة و الحرامية و منافقين .... بأختصار حزب أشرار .
و مثلك و عبد الرازق الطالب ( ما تجرجر أبنوس معاك لوحلكم القذر) هما أدوات نظام قمعي ( لا أدري ما هو الفتات الذي يتفضلون به عليكم) برعتم في لوي عنق الكلام و أثارة الفتنة بطرق خبيثة منها مثل ما أوردته أنت هنا:
Quote: كرهتو الناس فى مواقفكم لانكم عملتوهم كلهم ( تختة ضربنار ) اى زول ما زغاوى معناه طوالى هو ضد الثورة لو كان من اولاد دارفور ولو كانت من باقى ارجاء السودان الكبير فهو لص وسارق لتاريخ وحقوق دارفور رغم انو معظم الاعضاء والزوار للمنبر دا ناس غبش مارقين للعلم واكل العيش فى جهات الارض المختلفة وفى ناس منهم فى الخرطوم قاعدين معلمين الله من وظائف ولا جاه بتاع سلطان .
ودا كوم واستعباط الناس ووضع (القنابير ) على روؤسهم كوم تانى .. فبركة قصص - خلو الصور قلنا غلطة مطبعية وبريدية - لكن براكم اقعدو والزمو الجابرة وشوفو كم دمعة سالت من شمعة الحقيقة وحرقت القضية دى ... |
و لا غرو ناذر ( و أنت تستعبط الناس في فهم كلامه) مثلك يريد الشهرة علي حساب مأساة دارفور ... أعتقد أن الناس أعطته أهتماما اكثر من اللازم فليدعوه غارقا في سهرات الطرب و كتابة بوستات فارغة من أي مفيد .. فضية دارفور تكفيها قوة و عدالة الحقائق التي تملأ الأسفير و الفضاء و الصحائف . ... هذا ما يضايق كل أذناب النظام المجرم ... و من كان للمجرم خليلا .. فهو مجرم .
هذه الحقائق يا بتاع الأس أم سي لا تستطيع أن تنشرها هناك في مطبخك بالأس أم سي مثل الحقائق التالية:
Quote:
امريكا تتهم الخرطوم بالتراجع عن التزاماتها في دارفور
الأمم المتحدة تنتقد سجل حقوق الإنسان بالسودان
السودان
بي بي سي
الجزيرة:
انتقدت الأمم المتحدة سجل السودان في حقوق الإنسان وما يتضمنه من انتهاكات لحقوق المواطنين والنازحين.
وقالت مبعوثة المنظمة لحقوق الإنسان سيما سمر إن 152 مواطنا سودانيا بينهم 64 نازحا انتهكت حقوقهم، مشيرة بهذا الصدد إلى أن الأوضاع الإنسانية بالسودان سيئة وما زال الناس يُعتقلون ويُعذبون ويتعرضون لإنكار حقوقهم الإنسانية كالتعليم والصحة.
وحثت سمر الحكومة السودانية على إعادة إصلاح القوانين الوطنية حتى تكون متناغمة مع القوانين الدولية واتفاقيات السلام.
كما تحدثت عما سمته انتهاكات لحق الحياة ارتكبها متمردو دارفور، وطالبت كل الأطراف المتصارعة في الإقليم باحترام وقف إطلاق النار واحترام القانون الدولي.
ودعت حكومة الخرطوم لنزع ما سمته ثقافة الحصانات من الذين يقومون على القانون والمصادقة على المحكمة الجنائية الدولية وإعادة النظر بقانون الأمن الوطني، معبرة عن أسفها لرفض هذه الحكومة التعاون مع المحكمة المذكورة.
كما طالبت المسؤولة الأممية بعدم تعريض المعتقلين للانتهاك أو التعذيب وإعادة النظر بقانون المنظمات الطوعية والسماح لها بزيارة المعتقلات والسجون، مشيرة إلى أن عددا من المعتقلين من حزب المؤتمر الشعبي ما يزالون رهن الاعتقال السياسي بجانب آخرين لم يقدموا إلى محاكمة.
ووصفت أوضاع السجون في السودان بأنها سيئة، قائلة إن سجن جوبا بالجنوب يضم بعض القصّر الذين يعيشون بالزنازين مع الكبار.
وأضافت سمر أن المنظمة الدولية تشجع الحكومة الجديدة على تنفيذ اتفاقية السلام بينها والحركة الشعبية لتحرير السودان الموقعة في يناير/ كانون الثاني الماضي، داعية المجتمع الدولي لدعم الاتحاد الأفريقي حتى يلبي التزاماته تجاه المواطنين النازحين في دارفور.
امريكا تتهم الخرطوم بالتراجع عن التزاماتها في دارفور
قالت الولايات المتحدة ان على السودان أن يقوم بالمزيد لاحلال السلام فى اقليم دارفور المضطرب.
وفي مستهل زيارة رسمية للسودان مدتها ثلاثة ايام ، اتهمت "جينداى فريزر" مساعدة وزيرة الخارجية الأمريكيه للشؤون الافريقية حكومة الوحده الوطنيه الجديده فى السودان بالتراجع عن التزاماتها ، الا انها لم تقدم ايضاحات .
واكدت المسؤولة الامريكية ان بلادها لن ترفع العقوبات التى تفرضها على السودان حتى يعود الهدوء الى دارفور.
وتهدف زيارة فريزر الى فرض ضغوط على الحكومة السودانيه ومتمردى دارفور للالتزام باتفاق وقف اطلاق النار الذى تم التوصل اليه فى أبريل الماضى.
واعربت المسؤولة الامريكية عن أملها فى أن يتحقق السلام في غربي السودان بحلول نهاية العام الحالى من خلال مفاوضات السلام التي يرعاها الاتحاد الافريقي في العاصمة النيجيريه أبوجا .
ومن المنتظر ان تعقد جولة جديدة من هذه المفاوضات في العشرين من نوفمبر تشرين الثاني المقبل ، ويقول المسئولون السودانيون إن هذه الجولة ستكون الأخيرة و الحاسمة.
وتشير تقديرات وكالات الإغاثة إلى أن حوالي مليوني سوداني قد نزحوا من أراضيهم في دارفور وقتل حوالي 180 الف شخص خلال سنتين من الصراع في دارفور بين المتمردين والقوات التابعة للحكومة.
وكانت لجنة تابعة للأمم المتحدة قد خلصت إلى أن جرائم حرب وجرائم ضد الإنسانية قد ارتكبت في دارفور، وقدمت قائمة بأسماء المشتبه بهم إلى مجلس الأمن الذي اصدر قرارا يفوض محكمة الجزاء الدولية بمحاكمة المسؤولين عن ارتكاب فظاعات في دارفور.
الا ان الحكومة السودانية قالت انها لن توافق على مثول رعاياها امام المحكمة
|
|
Post: #5
Title: Re: تختة ضربنار !
Author: محمد حامد جمعه
Date: 10-23-2005, 12:39 PM
Parent: #3
ابو داوؤد ...
كالعادة جاى فى المقدمة ... على الوسط معتدل مارش
نحسب ليك يا حبة
1/ و تأتي بلا خجل لتدافع عن نظام هو كله بمثابة عصابة من القتلة و الحرامية و منافقين .... بأختصار حزب أشرار .
2/ و مثلك و عبد الرازق الطالب ( ما تجرجر أبنوس معاك لوحلكم القذر) هما أدوات نظام قمعي ( لا أدري ما هو الفتات الذي يتفضلون به عليكم)
3/و لا غرو ناذر ( و أنت تستعبط الناس في فهم كلامه) مثلك يريد الشهرة علي حساب مأساة دارفور ... أعتقد أن الناس أعطته أهتماما اكثر من اللازم فليدعوه غارقا في سهرات الطرب و كتابة بوستات فارغة من أي مفيد
4/هذه الحقائق يا بتاع الأس أم سي
شفتو كيف الزول لو بقى مشجع كورة يكرهك ليها يخليك تشجع سلكت ! خليك من دفعك لتاييد نظام او حركة مسلحة
|
Post: #6
Title: Re: تختة ضربنار !
Author: محمد حامد جمعه
Date: 10-23-2005, 12:45 PM
Parent: #5
طيب يا ابوحميد خليك زول صدرك واسع وما تزعل
البياكل الفتات من القضية عارف نفسو لانو شق الديار وقدم نفسو ضحية عشان يمرق من وديان دارفور وانجمينا فى شوارع مانهاتن
وحزب القتلة والاشرار للاسف - وهذه الحقيقة - كانت عناصر العنف والناس الجابت البلاوى دى كلها جماعتك يا حبة وانت عارف كدا كويس ... كويس خالص ... ولو فتحت ليك الموال دا هسة تزوق ... عملتها قبال كدا وشبكتنى صرف عربى ما فيهو ... جملة مفيدة
والعاوز يشتهر على قضية دارفور عارف نفسو برضو .... بالمناسبة حتكتب فى الواشنطن بوست متين ...
اما ناذر والسهر ... فهو بجيك براهو بس ما تقعدو تشتكو
شايفك تانى رجعت (لكت وبست ) ... الله يخلى البى بى سى دى ...
|
Post: #7
Title: Re: تختة ضربنار !
Author: ناذر محمد الخليفة
Date: 10-23-2005, 01:12 PM
Parent: #1
كيفك يا سعادتو محمد حامد ..
والله كلامك دا زين ورصين ويا ريت ناس قريعتي راحت الفي المنبر دا يسمعوا كلامك دا !! لكن يا كافي البلا بقت شغلتم الأيامات دي كلها ناذر خليفة !!!
| Quote: خطابكم العام فى المنبر ويمكن فى منابر تانية مشكلة كبيرة والكلام دا قلناه مليون مرة فى ردود فى موضوعات مختلفة وفى بوستات عديل كدا .. |
وأنا زاااااااااتي قلتو أمكن أكتر منك لكن بيجوا ناطين وبيقولوا لي إنتا مالك ومالنا !! دي قضيتنا !! ودا بطيخنا .. وحاجات زي دي .. وأخر مرة قلتو ليهم قرييباات دي في بوست الصورة الفضيحة داك وبرضو جو ناطين وطلعوني غلطان !!
Quote: ماذا عن خروقات حقوق الأنسان التي تمارس يوميا بواسطة حزب المؤتمر الوطني ؟
مهما جاهرنا برأينا في مقاومة نظامك القهري ( و تسميه زورا عنف لفظي ) .. فأنه كنقطة ماء في بحر عنفكم الوحشي اللاأنساني ... و تأتي بلا خجل لتدافع عن نظام هو كله بمثابة عصابة من القتلة و الحرامية و منافقين .... بأختصار حزب أشرار .
|
وكلام محمد سليمان الفوق دا هم الفالحين فوقوا !! هسي الكلام دا الجابوا هنا شنو !! زول بيقول ليكم وبينصحكم تحسنوا إسلوبكم وداير يعلمكم كيف توضحوا قضيتكم للناس تقوموا تشبكوهو حكومتك وحقوق انسان وبطيخ !!!!
دا كلو ليهو مقام تاني وزمن تاني ..البوست دا ما محلو ..
Quote: و لا غرو ناذر ( و أنت تستعبط الناس في فهم كلامه) مثلك يريد الشهرة علي حساب مأساة دارفور ... أعتقد أن الناس أعطته أهتماما اكثر من اللازم فليدعوه غارقا في سهرات الطرب و كتابة بوستات فارغة من أي مفيد .. فضية دارفور تكفيها قوة و عدالة الحقائق التي تملأ الأسفير و الفضاء و الصحائف . ... هذا ما يضايق كل أذناب النظام المجرم ... و من كان للمجرم خليلا .. فهو مجرم .
|
وهنا كمان طلع من الموضوعية تماما !! بعدين لعلمك يا محمد سليمان أنا مشهور بما فيهو الكفاية والحمد لله ولمن أجي إشتهر زيادة بشوف لي مدخل نضيف يشرفني فاهم معنى كلمة مدخل نضيف ولا أفسرا ليك !!
وسبحان الله !!!! كما طلعتني ذنب نظام !!!!!!!!!!
| Quote: اما ناذر والسهر ... فهو بجيك براهو بس ما تقعدو تشتكو |
والله وأنا إكراما ليكم يا محمد سليمان وعشان ما تقضوا الشغلة كلها شكية وبكيات بقول أحسن إنتا تخليني في سهري العاجبني دا وإنتو أحسن تخليكم في قضيتكم بدل الشكية والبهدلة لإنو وصدقني وعلي بالطلاق (طلاق قبل العرس) (مع إنو دكتوركم داك قال أنا في شهر العسل هسي!! يا ربي عرس لي وأنا ما عارف ولا شنو!!).. كنت بقول في شنو هسي !!!!
أااي لقيتا .... علي بالطلاق كان فصلوني ولا قعدوني شغلتكم بالطريقة دي ما ماشة لي قدام لو ما حسنتو إسلوبكم دا في التعامل مغ المنابر الأوتومسفيرية دي !!
صنفرة :
والله كان سمعتو كلام محمد حامد جمعة دا ما بتجيكم عوجة إصلو ..
إنتو بس جربو وما تشبكونا دا بتاع أمن ودا بتاع ورنيش !!
|
Post: #8
Title: Re: تختة ضربنار !
Author: Dr.Mohammed Ali Elmusharaf
Date: 10-23-2005, 01:25 PM
Parent: #1
الاخ الفاضل محمد حامد جمعة
لقد قلت الحقيقة ....أضيف ما قاله الاخ منير في بوست الاخ محمدين
Quote: الاخ محمدين ـ
هل سألت نفسك يومآ لماذا انفض المنبريون عن المداخلة معكم في بوستات دارفور ـ سوي المداهنين طبعآ ـ وذلك بعد أن كان اغلبهم متحمسين لها وشايلينها علي اكتافهم ـ هل سألت نفسك لماذا اصبح المتداخلون في بوستاتكم هم انتم فقط منسوبي حركات دارفور !! ـ اتمني أن لا تتوقف فقط راجع هذه الاسئلة وجاوب عليها بينك وبين نفسك ـ ودعكم بالله من هذه التهمة البغيضة (العنصرية) التي تريدون بها ارهاب كل من اشار عليكم بسوءاتكم ـ
|
Re: احتجاجأ علي العنصرية البغيضة تجاه أهل دارفور نعلن ت...بة بالمنبر العام ...
احترامي
|
Post: #9
Title: Re: تختة ضربنار !
Author: ayman haroun
Date: 10-23-2005, 01:50 PM
Parent: #1
قضية دارفور فى المنبر والموقع دا لقت مساحة حقو يعينو بكرى ابوبكر بسببها فى كل مجالس قيادات الحركات المسلحة - وزى ما قال ابنوس كدى شوفو صفحة الاخبار والبيانات - دا بخلاف العضوية النشطة والنشطة جدا فى المنبر وصفحات الراى والمقالات لكن المحصلة شنو ... تعالو نحسب ..
كرهتو الناس فى مواقفكم لانكم عملتوهم كلهم ( تختة ضربنار ) اى زول ما زغاوى معناه طوالى هو ضد الثورة لو كان من اولاد دارفور ولو كانت من باقى ارجاء السودان الكبير فهو لص وسارق لتاريخ وحقوق دارفور رغم انو معظم الاعضاء والزوار للمنبر دا ناس غبش مارقين للعلم واكل العيش فى جهات الارض المختلفة وفى ناس منهم فى الخرطوم قاعدين معلمين الله من وظائف ولا جاه بتاع سلطان .
هذه الكلمات التى تناولها المدعو محمد حامد الناصح اعتبر ان المنبر ليس منبر لناقش القضايا الهزلية والمضحكة فقط انما ايضايناقش القضايا التى تخص الانسانية بغض من الموقع .... نحن كدارفوريين من حقنا ان نعبر عن قضايا متى ماشئنا ليس ترجيا انما واقعا عن المعاناة التى يعانوها اهلنا , انت وناذر بعيدون عن التختة السياسية واتمنى ان تكونوا فرقة مسرحيةهزلية وتتركوا قضية لاهلها واصحاب الشان .....
اذا كنت حقيقة من دارفور الخزى والعار لك ولكل دارفور لايحمل الود والاحترام لقضية
عاشت دارفور وانسان دارفور
ايمن هارون
|
Post: #10
Title: Re: تختة ضربنار !
Author: محمد حامد جمعه
Date: 10-23-2005, 02:03 PM
Parent: #9
اذا كنت حقيقة من دارفور الخزى والعار لك ولكل دارفور لايحمل الود والاحترام لقضية
بس ... عرفت فالزم واعمل بذلك احترم القضية واحترم خطابها .... وبعدين الله كريم
|
Post: #11
Title: Re: تختة ضربنار !
Author: munswor almophtah
Date: 10-23-2005, 02:51 PM
Parent: #10
أعطوا لدارفور ما لدارفور لا لأن أبنائها حملوا السلاح طلبا له...ولكن لأنها إحدى أمهات السودان الباره والصالحه...فالصراع فوق أرضها كصراع الأفيال فوق حقول القطن ومروج الورد...لا يبقى ولايذر...وسيتمدد أثره حتى تسعطه كل الأنوف سيادة كانت أم بياده...لأنه صراع فوق حقول السعوط...
فدارفور التى تتمدد بما فى جوفها وبما فوق أرضها من خيرات وأخيار....كانت صمام الأمان...وقصة كالعلقم فى حلق الزاحف الفرنسى من الغرب...ولكنها فتحت أبوابها وأجوائها لتحلق من فوقها طيور الشوم...ولتحط فوق هاماتها طيور البوم...ويقدل فوق أرجائها فاسد الورل...
فكانت أرض التعايش بين رعاتها وزراعها...وبين عربها وزرقتها بالمعروف...وبينها وبين سائر السودان بالتى هى أحسن...وبما أنجبت من الفرسان والصالحات (أمهاتهم)...فمنها كان بحر الدين وتاج الدين وتيراب وعلى دينار...ومنها جاء الخليفه عبدالله ودتورشين...وجاء ضؤا من ضؤ السيد عبدالرحمن المهدى...وفيها شب على تاج الدين وأهله...ومادبو وأهله...ودريج وأهله...وآدم يعقوب وأهله...ومسار وأهله...وعلى الحاج وأهله وعبد النبى وأهله...ومنها جاءوا كما الإكسير أحمد سعد عمر والرشيد بحيرى ومامون بحيرى ومزمل على دينار...وجاء منها العباقره من حلق السودان بأجنحتهم...الروائى والقاص المدهش إبراهيم إسحاق الذى أدهش نقاد الغرب والعرب...وجاء عالم عباس بقبس من نور...وجاء منها بنبأ كهدهد سليمان من سبأ خاطر... فلخاطر هولاء وأولئك أعطوا لدارفور ما لدارفور...
ومن أجلها وقف محاربا بولاد...ودكتور خليل...ومناوى...وعبدالواحد محمد نور وغيرهم...وتشربت وتسربت إنتماءاتهم كل الوان الطيف السياسى...فمنهم من جاء من أقصى اليمين...ومنهم من جاء من أقصى اليسار...ومنهم من جاء كخير الأمور من الوسط...فكان منهم الأنصارى حزب الأمه...والإتحادى الوطنى والشقيق... ومنهم الإسلامى المتآخى...ومنهم الشيوعى المرافق...ومنهم الجنجويد...
فدارفور قد أخرجت أثقالها...وأصابت السياسة والساسة بالحيره وقالوا مالها...فدارفور جزء من أزمة الوسط والقلب والعقل السياسى...وأزمة الوسط المكان...(وفى أنفسكم أفلا تبصرون) فغيروا ما بأنفسكم ليغير الله حال دارفور وحال غيرها قبل أن يحل بكم العاصف الذى يعصف بها ليعصف بكم...وحينها لا جبل ولا كهف من كهوفه سيأويكم ويأوينا...بما فعلت أيديكم بوعى وبغيره فى دارفور وغيرها من السودان المكان والسودان الحال.......
منصور
سعادتك رمضان كريم وربنا يتفبل منا ومنك...وإنت والماهرى والطالب لو ما بقيتو جزء من الحل فأنتم أكبر ضلع للمشكله...وعليك الله لكلام الفوق قبل الإرشيف وريهو ناس الحكومه كتالين الضرا وقوليهم دارفور قاعدا فى السهله قطعت هدوما والعالم كلو بعاين ليها دحين أستروها أكان تضوقوا حلوها.........
منصور
|
Post: #12
Title: Re: تختة ضربنار !
Author: محمد حامد جمعه
Date: 10-23-2005, 02:56 PM
Parent: #11
سعادتك رمضان كريم وربنا يتفبل منا ومنك...وإنت والماهرى والطالب لو ما بقيتو جزء من الحل فأنتم أكبر ضلع للمشكله...وعليك الله لكلام الفوق قبل الإرشيف وريهو ناس الحكومه كتالين الضرا وقوليهم دارفور قاعدا فى السهله قطعت هدوما والعالم كلو بعاين ليها دحين أستروها أكان تضوقوا حلوها.........
والله يا منصور - قسم فى العشرة الاواخر - شغالين وتعبانين عشان نقلع حق اهلنا والغلط بنقول غلط قدام اتخن تخين لكن صدقنى الاخوة فى الجانب الاخر ديل بس عاوزين يضيقو وهم مشكلة المشاكل ما عارفين عاوزين شنو والخلاصة البيشعر بيها هسة كل اهل دارفور انو الجماعة ديل ضد الجميع ... ليه ... ما معروف ...
حكومة الجن دى من زمن لمت ايدها كان بحق ولا باطل من دارفور لكن العذابات الهسة حاصلة ينتجها الثوار ... وبس ربك يهون
|
Post: #13
Title: Re: تختة ضربنار !
Author: فيصل نوبي
Date: 10-23-2005, 03:27 PM
Parent: #1
فوق من اجل الحق
(الساكت عن الحق شيطان اخرس)
ينصر دينك يا سعادتو
|
Post: #14
Title: Re: تختة ضربنار !
Author: Dr.Mohammed Ali Elmusharaf
Date: 10-23-2005, 03:48 PM
Parent: #1
الاخ منصور المنصور باذن الله
حفظك الله وحفظ قلمك
Quote: أعطوا لدارفور ما لدارفور لا لأن أبنائها حملوا السلاح طلبا له...ولكن لأنها إحدى أمهات السودان الباره والصالحه...فالصراع فوق أرضها كصراع الأفيال فوق حقول القطن ومروج الورد...لا يبقى ولايذر...وسيتمدد أثره حتى تسعطه كل الأنوف سيادة كانت أم بياده...لأنه صراع فوق حقول السعوط...
فدارفور التى تتمدد بما فى جوفها وبما فوق أرضها من خيرات وأخيار....كانت صمام الأمان...وقصة كالعلقم فى حلق الزاحف الفرنسى من الغرب...ولكنها فتحت أبوابها وأجوائها لتحلق من فوقها طيور الشوم...ولتحط فوق هاماتها طيور البوم...ويقدل فوق أرجائها فاسد الورل...
فكانت أرض التعايش بين رعاتها وزراعها...وبين عربها وزرقتها بالمعروف...وبينها وبين سائر السودان بالتى هى أحسن...وبما أنجبت من الفرسان والصالحات (أمهاتهم)...فمنها كان بحر الدين وتاج الدين وتيراب وعلى دينار...ومنها جاء الخليفه عبدالله ودتورشين...وجاء ضؤا من ضؤ السيد عبدالرحمن المهدى...وفيها شب على تاج الدين وأهله...ومادبو وأهله...ودريج وأهله...وآدم يعقوب وأهله...ومسار وأهله...وعلى الحاج وأهله وعبد النبى وأهله...ومنها جاءوا كما الإكسير أحمد سعد عمر والرشيد بحيرى ومامون بحيرى ومزمل على دينار...وجاء منها العباقره من حلق السودان بأجنحتهم...الروائى والقاص المدهش إبراهيم إسحاق الذى أدهش نقاد الغرب والعرب...وجاء عالم عباس بقبس من نور...وجاء منها بنبأ كهدهد سليمان من سبأ خاطر... فلخاطر هولاء وأولئك أعطوا لدارفور ما لدارفور...
ومن أجلها وقف محاربا بولاد...ودكتور خليل...ومناوى...وعبدالواحد محمد نور وغيرهم...وتشربت وتسربت إنتماءاتهم كل الوان الطيف السياسى...فمنهم من جاء من أقصى اليمين...ومنهم من جاء من أقصى اليسار...ومنهم من جاء كخير الأمور من الوسط...فكان منهم الأنصارى حزب الأمه...والإتحادى الوطنى والشقيق... ومنهم الإسلامى المتآخى...ومنهم الشيوعى المرافق...ومنهم الجنجويد...
فدارفور قد أخرجت أثقالها...وأصابت السياسة والساسة بالحيره وقالوا مالها...فدارفور جزء من أزمة الوسط والقلب والعقل السياسى...وأزمة الوسط المكان...(وفى أنفسكم أفلا تبصرون) فغيروا ما بأنفسكم ليغير الله حال دارفور وحال غيرها قبل أن يحل بكم العاصف الذى يعصف بها ليعصف بكم...وحينها لا جبل ولا كهف من كهوفه سيأويكم ويأوينا...بما فعلت أيديكم بوعى وبغيره فى دارفور وغيرها من السودان المكان والسودان الحال.......
منصور
|
احترامي
|
Post: #15
Title: Re: تختة ضربنار !
Author: munswor almophtah
Date: 10-23-2005, 07:58 PM
Parent: #14
وإنصر دينك أنت كذلك يا دكتور المشرف ويامن على درب النزير وبروفسير دسوقى مشى...الأمانى لك بالتوفيق والسداد ولك وللأسره السلام والدعاء...................
منصور
|
Post: #16
Title: Re: تختة ضربنار !
Author: زول ساكت
Date: 10-24-2005, 02:41 AM
Parent: #15
ضربنار
|
Post: #17
Title: Re: تختة ضربنار !
Author: A.Razek Althalib
Date: 10-24-2005, 02:53 AM
Parent: #15
يا ناس المنبر .. هناك فرق بين أبناء دارفور في المنبر .....هل دارفور للمعلومية!
| Quote: كل من يدعي بأنه يمثل دارفور لا يمثل إلى فئة عنصرية أو فئة سياسية أو قبلية يعلمها هو فأهل دارفور حتى الآن لم يتفقوا على أي كيان يمثلهم بما فيه ولاة الولايات أو قادة الأحزاب السياسية في الإقليم وخارجه ولذلك نرجو من الأخوة الكرام في المنبر عدم تعميم خطابهم ومخطابة أي واحد من أبناء دارفور في المنبر بهذه الصورة النمطية |
|
Post: #18
Title: Re: تختة ضربنار !
Author: ناذر محمد الخليفة
Date: 10-24-2005, 06:53 AM
Parent: #17
|
Post: #19
Title: Re: تختة ضربنار !
Author: محمد الامين محمد
Date: 10-24-2005, 06:57 AM
Parent: #18
فوق
|
Post: #20
Title: Re: تختة ضربنار !
Author: ناذر محمد الخليفة
Date: 10-25-2005, 06:27 AM
Parent: #19
|
Post: #21
Title: Re: تختة ضربنار !
Author: محمد حامد جمعه
Date: 10-25-2005, 07:20 AM
Parent: #20
منتظر معاكم ... مشو وين الناس دى
|
Post: #22
Title: Re: تختة ضربنار !
Author: ناصر محمد خليل
Date: 10-25-2005, 01:27 PM
Parent: #21
الأخ محمد حامد ...
تحياتي ...
رغم أنني عضو جديد بهذا المنبر إلا أنني متابع جيد له منذ ما يقارب العام تقريبا .. وأصارحك القول رقم انك موال وتابع للنظام الحاكم ولا تنكر ذلك .. ورغم انني أكره ما اكره هذا النظام الذي زاد معاناة السودانيين كثيرا .. إلا أنني لا اجد لنفسي سوى إحترام قلمك كثيرا لأنه بعيد كل البعد عن المهاترة وأن قلمك هذا تفيض منه الموضوعية والهدوء والتفكير الجيد حتى في أسوأ الملمات ولهذا انا احترمك كثيرا .. ودا ئما ما اكرر (إسلامي صادق ولا يساري منافق) ..
أعتبر حديثي أعلاه عربون تعارف ..
أما عن موضوع البوست فأنا اتمنى ان يأتي أبناء الحركات المسلحة هنا لتفنيد او الإذعان لما سطرته في هذا البوست ..
|
|