Post: #1
Title: الطيب سمح بالحيل.. دا جدّك يا مفتاح؟
Author: Abdulla Ageed
Date: 08-15-2005, 02:03 PM
البشيل فوق الدبر ما بميل
قدل شيخي الـ للرباعة مهيل
لاح لي بريق في الليل
ذكرني الخليفة التلب اللزوم لي الشيل
الطيب سمح بالحيل
من إذنك بدورك ضاير لي ديل فوق ديل
..
شيخي السمح زوقو
شيخي العالي منطوقو
الطير في السما ميّت علي شوقو
والحوت في البحر ماسك الطريق فوقو
استمع لهذه الأغنية منذ صغري والتي يتغنى بها الفنان المرحوم بابكر علي الطيب (ود ماحي)، وأظنها في مدح الشيخ الطيب ود البشير(هل هذا صحيح يا منصور المفتاح).
كنت أحفظها بالكامل لكن ذاكرتي خانتني الآن، فأرجو من الإخوة إكمال نص الأغنية.
|
Post: #2
Title: Re: الطيب سمح بالحيل.. دا جدّك يا مفتاح؟
Author: munswor almophtah
Date: 08-15-2005, 08:34 PM
Parent: #1
والله يالعقيد دا مجال الطيب محمد الطيب والمرحوم دكتور الطاهر محمد على أخصائى الأدب الصوفى عند الشيخ إبراهيم الكباشى....كالقيدو فى شبلو الكباشى الى قبوره إتلفتى البرم السيسى.........
والله سمعتها كتراث ولا أعرف كاتبها ولكن الشيخ الطيب شاعر وسائر زريته شعراء مجيدون ولكنى لا أجزم عن تلك بالذات......
لك منى الود والسلام
منصور
|
Post: #3
Title: Re: الطيب سمح بالحيل.. دا جدّك يا مفتاح؟
Author: Abdulla Ageed
Date: 08-16-2005, 05:10 AM
Parent: #1
أخي الأستاذ منصور
السلام عليكم
القصيدة قيلت في مدح الشيخ الطيب، وشاعرها مجهول، ولكن هل هو الشيخ الطيب ود البشير، وهل
الشيخ الطيب ود البشير هو الطيب راجل أم مرّحي؟.
أنت من أحفاد هؤلاء الشيوخ ولك إلمام بتاريخهم، ونحن في شوق لمعرفة المزيد عنهم.
كما أن هناك من رواد المنبر عدد من أبناء منطقة شمال ام درمان وربما يفيدونا في هذا الأمر
ولك التحية
|
|