أربعاء وخميس.. صفقة ورقيص مع ناذر الخليفة.. وسيف الجامعة دستورو نازل...

امتدت بنا الأفراح لعدة ليالي مع العريس ناذر الخليفة
ليلة المديح النبوي الثلاثاء الماضي.. وقد شرفها جمع من سودانيز أون لاين
بقيادة ملاسي..
ليلة (الحنة) بالأربعاء.. وقد (هججنا فيها) بقيادة بكري أبو بكر سيد الحوش
وعضوية محمد عكاشة وآخرون..
الليلة الكبرى التي أحياها الفنان سيف الجامعة بحضور (وليد دارفور) عمر احساس
والفنان ابو صلعة وجيهة طارق الامين والفنان الخطير عصام عبد الحفيظ..
وقد تشرفنا فيها بلقاء صديقنا الأسفيري المتخفي (الزول).. ولقاء مولانا اسماعيل التاج.
حتى تروتسكي حضر يرافقه خالد بحر كما حضر (المتخفي الآخر) ناصر البطل.. الذي أصر
على رفض التصوير..
جمع غفير من بورداب الخرطوم زها به ميدان عبد المنعم وتمايل على الأنغام المموسقة
للفنان الطروب سيف الجامعة، وكانت قمة البهجة عندما ردد سيف (أنا دستوري نازل في الخرطوم 3)
حتى مولانا عادل فضل المولى انتشى ورقص طربا..

التقطنا الكثير من الصور ولقطات الفيديو
وفي انتظار خبراء التكنولوجيا لإنزالها

ألف مبروك يا ناذر خليفة
وبيت مال وعيال
وفي انتظار عريس/عروس جديد/ة من أعضاء المنبر

والعاقبة عندكم في المسرات

الأخ - عبدالله عقيد .. تحياتي،
سلام كتير .. مبروك عليكم وعلى
العريس ناذر .. ويا سلام على
الفرح وكتين يكون في الخرتوم
يالله نزل الفرح صورة وصوت وظلال

ود العقيد
مبروك لناذر
والتحية لبورداب الخرطوم عموما
...............ز
دقت الدلوكة
قالو الدنيا
ما زالت بخير
اهو ناس تعرس وتنبسط

ادام الله ايام الفرح
هجيــــــــــــــج شديد لكن، تمام.

شكرا للاخوه البورداب بقيامهم بالواجب عنا ،
الف مبروك عريسنا ناذر وانشاء الله بيت مال وعيال. ..


عزيزي ناذر البسمه للفرحه ليس الا..ووجب التنويه..
د شهاب الفاتح - كوالالمبور.

لك التحية يا شهاب

مطالبة عاجلة للدكتور ولي الدين الفكي
بإنزال الصور فورا..

مطالبة عاجلة للباشمهندس بكري أبو بكر
بإنزال الفيديوهات..

اني عندي مقطع فيديو وقاعد في الكمبيوتر بس ما عارف انزلو هنا كيف..

ا

بعد محاولات ومجهودات ومعاونة من الإبن محمد هجو الأقرع عبر الأثير
تمكنا بحمد الله من رفع الفيديو الذي قمت بتصويره على جهاز التلفون

لكين بكري كان عندو كاميرا فيديو عديييييييييل
ليه بس ما عايز يورينا
آآآآ ؟!!

الأخ عادل
لك التحية
يوم الخميس كان هناك (ضُهري) بعد الغداء مباشرة
أحياه الفنان عمر حواري.. دلوكة
السوط كان شغال فيها شغل شين..
حتى استغرب الحناكيش ناس اسماعيل التاج
وتقول الروايات أن محمد عكاشة كان يتولى تثبيت حناكيش البورداب
بالشرح والتوضيح وتأكدي ان السوط عادي (عندنا)..

الدنيا بي خير شديد والله يا عادل
والناس مبسوطة (تداوي الهم بالفرح)..

أخي الكبير محمد عبد الجليل
تحايا واشواق
هاجمت بورداب الخرطوم عندما وجدتهم يتخذون موقعا قصيا في موقع الحفل
قلت ليهم هلا هلا والله ديل لو بورداب الرياض كان تلقو لافتة معلقة ورا المسرح
ومجهزين ليهم الكراسي الأمامية..
سعدنا بسعادة الأخ ناذر وابتهجنا معه وكان محفوفا ببورداب وبوردابيات الخرطوم
طوال الأيام الثلاثة..
وننتظر أصحاب المعرفة لرفع الصور والفيديوهات

الف مبروك لحبيبنا ناذر و ربنا يسعده و يهنيه
شكرا عقيد

العريس ناذر ..... الف مليون مبروك
وبيت مال وعيال ....
وحياة زوجية سعيدة ....



ابوشهد

ودعمــي / عقيد الخيل

ألف ألف مبروك لي ود الخليفة إنشاء الله بيت مال وعيال ..
والله فاتتنا قلتلي كان في بطان .. هلا هلا ..
والله مشتاقين لي لمة ذي دي ..

تحياتي لك وللأسرة الكريمة ،


أخوك/ خالد الأرباب

ود عمي الأرباب /الكتّاب
لك التحيات ولسعيد واخوانه
والله اهلك عملو عمايل شيدية خلاص يوم الخميس

هسي ياخي بعافر لي في فيديو غلبني أرفعو كلو كلو
ما عندك صيبة ياخوي في الحكاية دي
اصلو تمبس اجارك الله محاربني
الايام دي شايفو مصاحب ناس الدوحة

تشكر يا ابو شهد
نتمنى أن تدوم الأفراح والمسرات

الله يخليك يا غباشي
وعقبال الجميع (هم أو عيالهم)
يعني زي حالاتي كدا.. العيال
انت غايتو علي كيفك

تسلم

الف الف مبروك لاخونا ناذر الخليفة وعقبال للعزابة وشكراً ليك ياعبدالله عقيد.

لك الشكر والتقدير يا هاشم
وعقبال للعزابة زي ما قلت
ولمن يرغب (من غير العزابة)..

الاخ ود عقيد مبروك للاخ ناذر ، بيت مال وعيال ، وعقبال مشعل ، الصور لو سممت بسرعة .

عبد الله عقيد
أولا : نبارك للأخ ناذر الخليفة 00 وبالرفاء والبنين إنشاء الله
ثانيا : ياخي ليك وحشة والله بعدما فارقتنا بلا حس أو خبر ..

الاخ ودعقيد
كيفك يارجل
دق الجـــعليين فى ضــاحـية نمــرة تلاتة بالخـرطـوم!!!
مودتى وتقديرى

تشكر يا استاذ

(استاذ طبعا حنكشة عشان تجيبنا في البرنامج بتاعك)
مع إنك استاذ فعلا..


لك التحايا

أخي العزيز عادل جبارة
لك التحية
أنا أيضا افتقدكم والله
ولكن العزاء في العودة والاستقرار بأرض الوطن
حيث السعادة مهما كان الشقاء والتعب
أرجو أن نلتقيكم هنا قريبا

لك وللمجموعة وافر تحياتي

ابن العم هجو
لك التحايا وعقبال العيال
الصور كتيرة، لكين الجماعة عملو نايمين
انا حاولت ارفع الفيديو العندي بس ما قدرت والله خلي محمد يدينا تعليمات
في الاسكايبي

لك المودة

الف مبروك للاخ ناذر وان شاء الله بيت مال وعيال



مبرووووووك

اهلا بيك يا عقيد

الف مبروك للاخ ناذر

وان شاء الله ايامكم كلها افراح

مودتي

علاء الدين أبو هبة
لك التحايا والأشواق
ولكل الحلوين في البعاد
نأمل أن نفرح بعودتكم غانمين سالمين

تشكر يا نيازي
والعقبى (للعزابة)..

لك التقدير

الاخ عبدالله عقيد

وينك يا زول ؟؟؟؟؟؟؟؟

كاتل الافراح ساكت !!

مبروك لناذر .

أهلين خالدة البدوي

Quote: وينك يا زول ؟؟؟؟؟؟؟؟ كاتل الافراح ساكت !!

أنا (متدهول) في الخرطوم..
الخرطوم دي صعبة خلاص والله
لا تخرج من دوامتها إلا إذا مرت بك مثل هذه المناسبات

ربنا يديم الأفراح والليالي الملاح

ولك التحية يا خالدة

عبد الله عقيد

سلامات ومبروك لناذر

إتفاجأت بيك قاعد في الخرطوم

وانا عارفه اللوم كيمان

بس انت شفت براك البلد وجريها الما بكمل

الاخت العزيزة انعام
لك التحايا
افتقدناك في (اليوم الختامي)
رغم مشاركتك المقدرة بالأربعاء

Quote: وانا عارفه اللوم كيمان بس انت شفت براك البلد وجريها الما بكمل

مافي أي عذر

نعم يا إنعام.. انا غايتو اقتنعت إنو الخرطوم دي
ما فيها أي مجال للوم.. وآمل ان يمتد حبل التواصل
ولك المودة

سلامات يا ود عقيد

مبروك عبرك للأخ ناذر الخليفة ونقول له بيت مال وعيال ان شاء الله.


منتظرين تنزيل الصور..

واضح انك واقع في حوسة تقنية "تسوي يا ابومروة"..

نحن برانا ما فينا ليك دبارة ، لكن غايتو "اتبلكج" جاي وجاي كان تلقالك ابو مروة نجيض...

.
.

ومنتظرين!!

شكرا سامبا على انزال الصور
والبقية تاتى

سلامات

يا اخواننا العريس اخبارو شنو...