Post: #1
Title: وظائف أكاديمية في جامعة الإمام محمد بن سعود
Author: مريم بنت الحسين
Date: 09-02-2009, 11:00 AM
في كليات مختلفة في الرياض، وشقراء والأحساء (المنطقة الشرقية) والخرج.... الوظائف المطلوبة كلها ل PhD، ولجميع التخصصات، تفاصيل أكتر في الاعلان ادناه... الإعلان بقول الناس يراجعوا الكليات مباشرة، للناس المن بره، اعتقد انه افضل يتصلوا ويتحصلوا على ارقام الفاكسات بتاعت الكليات عشان يرسلوا ليهم....
وادعو لينا
|
Post: #2
Title: جزاك الله خيرا أختنا المحترمة مريم ... دائما تأتين بالمفيد
Author: Hani Arabi Mohamed
Date: 09-02-2009, 11:04 AM
Parent: #1
أختي المحترمة
اقدر لك حرصك على مساعدة بني وطنك ومنح فرص العمل ...
وهي صدقة جارية في ميزان حسناتك إن شاء الله ... فالعمل خير ... والدال على الخير كفاعله
|
Post: #3
Title: Re: جزاك الله خيرا أختنا المحترمة مريم ... دائما تأتين بالمفيد
Author: humida
Date: 09-02-2009, 11:08 AM
Parent: #2
ازيك يا مريم ..
انا عندي ليك اقتراح .. انه نعمل بوست دايم للوظائف ..
في ناس في المنبر دا وظائفهم كبيرة ممكن يساعدو الشباب .. و في ناس بيكونوا محتاجين موظفين بصورة عاجلة ..
و في ناس من بره البورد ممكن نخت ليهم الايميل ..
و برضو للناس الدايرة شغل ممكن تعرض مؤهلاتها في البوست ..
اها رأيك شنو ..
|
Post: #6
Title: Re: جزاك الله خيرا أختنا المحترمة مريم ... دائما تأتين بالمفيد
Author: مريم بنت الحسين
Date: 09-02-2009, 01:06 PM
Parent: #3
حميده تحية
تعرف.. مرات حسن الظن كويس... انا ما طنشته تعليقك.. الحقيقة شفته حسي بس...
تعرف الاقتراح ده قدمناه انا وانسانه لبكري، قبل اكتر من سنتين... وعرضنا عليه اننا نديره سوا.. حاكم انا وانسانه صاحبتي متابعين خالص موضوع الوظائف ده بصورة مستمره... واساسا انا بفتح مواقع الوظائف بصورة يوميه.. وفي اليوم اكتر من مرّه...
عندي مشروع صغير كده.. لو خلصته، ممكن احقق الحاجه دي... ولو زول عمل الفكرة دي، يكون وصّل الخير للناس كلهم..
إلى ذلك الوقت.. حأستمر انشر الوظائف هنا.. عسى انه ربنا يرزقنا بيها التوفيق...
شكرا على التعليق.. اكيد رفع البوست بحيث انه الناس الماشافوهو يشوفوه... وده بوست تاني..
وظائف اكاديمية في الرياض، ماجستير وبكالوريوس.. كومبيوتر وانجليزي ورياضيات
بنت الحسين
|
Post: #7
Title: Re: جزاك الله خيرا أختنا المحترمة مريم ... دائما تأتين بالمفيد
Author: مريم بنت الحسين
Date: 09-02-2009, 01:33 PM
Parent: #2
اخي هاني
تحية لك..
الواحد عايز شنو غير ده.. ربنا يسمع منك.. وشكرا ليك
|
Post: #4
Title: Re: وظائف أكاديمية في جامعة الإمام محمد بن سعود
Author: مريم بنت الحسين
Date: 09-02-2009, 11:08 AM
Parent: #1
انا عارفه انه مكتوب كوادر وطنية... لكن في تخصصات ما عندهم كوادر وطنية خااالص.. هم بس معلنين عشان عندهم شواغر...اسألوا، والارضة جربت الحجر
|
Post: #5
Title: Re: وظائف أكاديمية في جامعة الإمام محمد بن سعود
Author: humida
Date: 09-02-2009, 11:55 AM
Parent: #4
شنو يا مريم خليتي البوست مالك .. انتي لسع مصرة تتعاملي معانا من خلال نادر .. !!
|
|