Post: #1
Title: لو فزت مع mbc DREAM.. حتطلب/ي شنو؟
Author: مريم بنت الحسين
Date: 05-14-2007, 01:03 PM
Parent: #0
نابحننا ناس mbc اليوم كله، حقق أحلامك حقق أحلامك بي 2 مليون ريال...
كان جاتك...طبعاً بعد ما ينقصوا من ال2 مليون ريال، طلبات المصري، بعد يشتري شقة سكنية.. ويعالج أمو.. ويحج ويحججها... حتقول ليهم داير/ه شنو؟
بنت الحسين
|
Post: #2
Title: Re: لو فزت مع mbc DREAM.. حتطلب/ي شنو؟
Author: Raja
Date: 05-14-2007, 01:17 PM
مريوما إزيك..
ياخ ما ممكن العرس والولادة يكونو كعبين كده.. يعني إختفتي لدرجة خلتنا نراجع موقفنا من الارتباط عموما وبزميل منبر خصوصا ..
غايتو الـ 2 مليون بصمة خشمهم أشتري بيهم اسهم وأنتظر يتضاعفوا عشان يا دوووبك يقدرو يحققو الفي بالي ..
حيكونو خميرة كويسة لملايين تانية..
ودي
|
Post: #5
Title: Re: لو فزت مع mbc DREAM.. حتطلب/ي شنو؟
Author: مريم بنت الحسين
Date: 05-14-2007, 01:31 PM
Parent: #2
رجاء ازيك..
والله ما العرس ولا الولادة.. بس المنبر بقى ما بندخل بي هينه.. مريت بي مرحلة كده بتاعت طمام.. يعني اجي ادخل بس أداء واجب.. وامرق منه جري... ياخ اي زول ماسك في خناق زول.. وعلى صعيد آخر، لما أعاين حوليني وألقى نادري ومحمودي والسعادة الجايبنها لي في حياتي.. أقول في نفسي، بلا منبر بلا بطيخ...
لكن وحاتك الشوق بحر.. ومشتاقين من هنا لحدي عنديكم...
قلت لي خمّار... ياخ انا زاتي ال2 مليون شايفاهن كتار.. كنت بتكلم مع نادر اليوم داك... وبسأله، شنو الناقصنا عشان نحتاج لمليونين ريال نحققوا! برضه جاوب زي جوابك ده.. خمّار.. طيب.. بعد ما يخمروا.. عايزه شنو؟
كانت عندي فكرة مجنونه.. قلت لو فزت، ازور كل البيوت العشته فيها طوال حياتي المليئة بالتنقل، ومن ثم اختتمها بزيارة للقمر.. كيف معاك
بنت الحسين
|
Post: #6
Title: Re: لو فزت مع mbc DREAM.. حتطلب/ي شنو؟
Author: د.محمد حسن
Date: 05-14-2007, 01:44 PM
Parent: #2
رجا يا بزبز ومان
|
Post: #7
Title: Re: لو فزت مع mbc DREAM.. حتطلب/ي شنو؟
Author: Raja
Date: 05-14-2007, 02:04 PM
Parent: #6
د. محمد حسن ومريوما..
الزمن ده الملايين الصغيرونية لغاية 5 ما بتحسبو قروش.. شفتو كيف؟
عشان كده الواحد يتعامل معاهم زي المصريين (الأرانب).. والأرنب بيجيب 10..
يا مريم غايتو أنا حأعمل رحلة حول العالم في يخت مع عدد من الأصدقاء المليارديرات .. زي ما بنقرأ في الجرايد ..
ودي
|
Post: #3
Title: Re: لو فزت مع mbc DREAM.. حتطلب/ي شنو؟
Author: د.محمد حسن
Date: 05-14-2007, 01:17 PM
|
Post: #8
Title: Re: لو فزت مع mbc DREAM.. حتطلب/ي شنو؟
Author: مريم بنت الحسين
Date: 05-15-2007, 09:16 AM
Parent: #3
Quote: كنت حاطلب يدك
بس انت ماخودة |
د.محمد الحسن تحية...
أتمنى صادقة انه زوجتك تكون بتقرا المنبر.. ومتأكده إنها ما حترضى مزاح زي ده...وانا أؤيد موقفها
شكرا على المرور
بنت الحسين
|
Post: #13
Title: Re: لو فزت مع mbc DREAM.. حتطلب/ي شنو؟
Author: د.محمد حسن
Date: 05-16-2007, 10:42 AM
Parent: #8
اختي الكريمة
يبدو انني رجل لايجيد المزاح
اعتذر وبشدة واسحب تعليقي
مودتي
|
Post: #14
Title: Re: لو فزت مع mbc DREAM.. حتطلب/ي شنو؟
Author: مريم بنت الحسين
Date: 05-16-2007, 11:32 AM
Parent: #13
اعتذارك مقبول د.محمد... واتمنى انه يكون سبب الاعتراض مفهوم لديك...
شكرا...
بنت الحسين
|
Post: #4
Title: Re: لو فزت مع mbc DREAM.. حتطلب/ي شنو؟
Author: نادر
Date: 05-14-2007, 01:28 PM
حأطلب عمر تاني أعيشو معاك
|
Post: #9
Title: Re: لو فزت مع mbc DREAM.. حتطلب/ي شنو؟
Author: bayan
Date: 05-15-2007, 09:34 AM
Parent: #4
2 مليون حامسح بها الفقر من عطبرة..
والبيوتات الحزينة..
|
Post: #11
Title: Re: لو فزت مع mbc DREAM.. حتطلب/ي شنو؟
Author: محمد عمر الفكي
Date: 05-15-2007, 10:23 AM
Parent: #9
حرامية ونصابين واوعي تصدقوهم،مع الاعتذار لاخوانا الشغالين في المجموعة
رسلت رسالة بكلمة حلم علي رقمهم 88899 والرسالة بتلكف زي اربعة ريالات مع انه الرسالة في السعودية ما بتكلف غير تقريبا 30 هللة جاءني الرد بسؤال مطلوب الرد عليه من هو امير الشعراء
1/ احمد شوقي
2/ حافظ ابراهيم
اختر 1 او 2 ثم ارسل الرد فحسب معوماتي البسيطة اخترت 1 ورسلت الرسالة وبرضه اربعة ريالات ضاعت في الهواء
تتصوروا جاني الرد ان الاجابة خطاء ومعاها سؤال جديد بماذا يشتهر العراق التمور 1 و 2 شنو والله من شدة الزعل كنت عايز ارمي "تلفوني النوكيان70 واضربه في الارضية الرخام بتاعة شقتي بس التلفون شبك في ساعتي الرولكس لمن شرطت لي يد قميصي ماركة جيوفاني"
ما بين القوسين نتيجة حتمية للحمي الجاتني بعد ضياع الثمانية ريال عشان كدا ما تشتغلوا بيه كتير.
اما المصري البيجيبوا وقال انه فاز فمية المية هو كومبارس درجة تالتة
|
Post: #17
Title: Re: لو فزت مع mbc DREAM.. حتطلب/ي شنو؟
Author: مريم بنت الحسين
Date: 05-17-2007, 10:04 AM
Parent: #11
الأخ محمد عمر الفكي.. كفارة للتمانية ريال... وفعلا اجابتك صاح.. لكن تقول شنو بس.. يمكن يكون خطأ كومبيوتر...
انا طبعا معاك انهم حرامية.. لكن من اتجاه آخر.. ال2مليون دي بمرقوا اضعاف اضعافها من رسائل الناس... عشان كده هم حرامية، وبتاجروا بأحلام الناس.. لكن بس انا تساؤلي هو شنو الزول ممكن يطلبه عشان يتحقق بالقروش دي.. يعني ممكن تعمل شنو؟ انا لحدي الآن ما لقيت اجابة من زول في الاتجاه ده.. اي اجابة بتقول انه القروش ما كافية... يا ربي هل ده الطمع البشري؟ الساي للمزيد؟ يعني معقول 2 مليون ريال ما تكون قروش كتيرة؟؟؟؟ يعني ما بتشتري ليك بيت في السودان مثلا؟ او تعمل ليك ماجستير او اي شهادة عليا؟
بنت الحسين
|
Post: #12
Title: Re: لو فزت مع mbc DREAM.. حتطلب/ي شنو؟
Author: مريم بنت الحسين
Date: 05-16-2007, 10:08 AM
Parent: #9
Quote: 2 مليون حامسح بها الفقر من عطبرة..
والبيوتات الحزينة.. |
متأكده يا دكتوره؟ وإيه يمنع حسي.. ليه الانتظار لحدي ما تفوزي بي 2 مليون ريال... العايزه يمسح الفقر كان بي 200 ريال بمسحها... كدي فكري كويس..
بنت الحسين
|
Post: #10
Title: Re: لو فزت مع mbc DREAM.. حتطلب/ي شنو؟
Author: مريم بنت الحسين
Date: 05-15-2007, 10:09 AM
Parent: #4
نادر العزيز...
كل الحروف الحأرد بيها، برضه ما بظهر جمال كلماتك دي ...
مريم
|
Post: #15
Title: Re: لو فزت مع mbc DREAM.. حتطلب/ي شنو؟
Author: عاصم ابوبكر حامد
Date: 05-16-2007, 11:40 AM
بديه لزول ينفذ عملية اغتيال لثلاث شخصيات
اولالهم عمر البشير
ثانيهم نافع على نافع
وثالثهم على عثمان طه
تسلمى على الخبر الجميل
|
Post: #16
Title: Re: لو فزت مع mbc DREAM.. حتطلب/ي شنو؟
Author: ثابت محمد
Date: 05-16-2007, 02:15 PM
الراقية مريم بت الحسين
سلااام وأشواق لبيتكم كلو
قبلااتي للعسل محمود
لو المسألة كانت بالدولار كان الواحد يعمل بيها حاجة صغيرة كده
لكن ريال دي تهبشي المليون بي ألفين بتلقيهو كمل
| Quote: واتمنى انه يكون سبب الاعتراض مفهوم لديك |
بيني وبينك كلمة ( ماخودة ) تطعن في الروح
نااااااادر شنو ياااااخ ؟؟
|
Post: #18
Title: Re: لو فزت مع mbc DREAM.. حتطلب/ي شنو؟
Author: اساسي
Date: 05-17-2007, 10:18 AM
Parent: #16
Quote: كنت حاطلب يدك
بس انت ماخودة |
Quote: د.محمد الحسن تحية...
أتمنى صادقة انه زوجتك تكون بتقرا المنبر.. ومتأكده إنها ما حترضى مزاح زي ده...وانا أؤيد موقفها
|
Quote: اختي الكريمة
يبدو انني رجل لايجيد المزاح
اعتذر وبشدة واسحب تعليقي
|
Quote: اعتذارك مقبول د.محمد... واتمنى انه يكون سبب الاعتراض مفهوم لديك...
|
بصراحة اظرف حوار اقراهو من فترة
قلبي معاك يا دكتور غواصات وعيون بالجوار
ــــــــــــــــــــــ
المبلغ دا معاي بس ما عارف اسوي شنو؟
تحياتي نادر وبت الحسبن
|
Post: #19
Title: Re: لو فزت مع mbc DREAM.. حتطلب/ي شنو؟
Author: محمد عمر الفكي
Date: 05-17-2007, 10:29 AM
Parent: #16
والله يا بت الحسين الاثنين مليون ريال ديل اسبوعين ما يقعدنها معاك في السودان، اول حاجة لو جاءك اقل قريب بعد ما يسمع بفوزك بيكون داير حق عملية بعشرة مليون وواحدين دايرين وعشان تاسسي شغل دي مصيبة ولو عايزة تشتري بيت ولا قطعة ارض دي مصيبة تانية، تعرفي مشيت مع واحد صاحبي ومعاه سماسرة عايز يشتري بيت في الصافية وما فاتح علي شارع المعونة يعني جوة ومساحته 1200 متر تعرفي الزول قال عايز كم؟ مليون دولار يعني قدر اتنين مليونهم دي مرة وربع.
المسالة ما طمع المسالة انو في السودان الصرف كثير والدخل محدود ولو عندك قروش قارون ما بتامن اليوم التاني تكون ابيض من ابو الدقيق
تحياتي
|
Post: #20
Title: Re: لو فزت مع mbc DREAM.. حتطلب/ي شنو؟
Author: نادر
Date: 05-17-2007, 10:53 AM
تحياتي يا ثابت ونشوفك الليلة المسا ...
تحياتي يا أساسي
د.محمد حسن تحياتي وآمل مراجعة مسنجرك طالما ما عايز تسحب كلامك لغاية حسة.
عوداً لموضوع البوست يا مريم
أنا بمليون ريال حابني دار كبير جداً تأوي أكبرعدد من المشردين والمسنين في السودان ... المليون التانية ما عندي ليها فكرة محددة سوى الكلمتك عنها بس برضو في النهاية حتصب في نفس اتجاه المليون الأولى ...
|
|