Post: #1
Title: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-23-2005, 01:41 AM
السفارة بالرياض اسمع كلامك اصدقك !! اشوف عمايلك استعجب ؟؟؟؟
نسمع جعجعة ولا نري طحنا !!
ما زلنا نقول ما سبق ان رددناه كثيرا بأن ما تقوم به سفارتنا بالرياض لايخرج عن أنه عمل اجتماعي مظهري فقط ،، وان السيد القنصل احمد يوسف رجل يتمتع بقدرة عالية علي الونسة
والنقة الشعبية فقط دون قدره علي الفعل الإيجابي تجاه قضايا المعذبين في الأرض ،، وخاصة
موضوع قيام جالية قومية ينتظرها الكثيرون هنا من اجل حلحلة قضاياهم المتشابكة وحتي تكون له عونا في وجه الغول الضريبي والذي يسمي جهاز المغتربين
فسعادة القنصل معذور في هذا فالرجل تحكمه اجندة حزب المؤتمر الوطني ولا يستطيع الفكاك منها ،، فهذا الحزب الأحادي ما زال مصرا علي التمسك بإقصاء الآخرين ،، وما زال متشبثا بكلتا يديه بنظرته بضرورة التدخل وفرض اجندته علي كل منظمات المجتمع المدني داخل وخارج الوطن ،،
وبخصوص حملة العلاقات العامة التي يقوم بها سعادة القنصل فقد تمت جلسة مطولة مع اسرة سودانيزاونلاين بالرياض ،، والتي صارحناه فيها بجميع مشاكل المتغربين ،، وكانت له وعودا بطعم العسل ،، وحصادا بطعم الحنضل ،،، ثم قام الرجل مشكورا يتلبيه دعوة افطار رمضان هذا الشهر ،، وعندها سألته عما فعله بخصوص تلك المشاكل التي عرضناه له سابقا ،، واننا ننتظر منه ان يعرفنا بجهوده التي قام بها خلال الشهور المنصرمة ،، ولم نسمع منه شئيا ،، فقط كان تساؤله همسا ،، ( اي مشاكل تعني ) ،، و،، وعمل اضان الحامل طرشا وكأنه لم يعلم بها او كان حديثنا السابق معه كمن يؤذن في مالطا
وهنا نقول ان الرجل قام ايضا بزيارات للجمعيات والروابط ،، وكان برنامج رمضان حاشدا هنا وما زالت قائمة الدعوات الطويلة ،، فهل نحن شعبا مجاملا اكثر من اللزوم ؟؟؟
وهل نحن شعبا يعشق الونسة والنقة ،، والنكات والطرافة ،، وبعدها نخجل من ان نتسآل عن حقوقنا ،،، ومطالبنا ،،،
هل ما تقوم به السفارة من زيارات اجتماعية يكفي لحلحلة تلك المشاكل المتراكمة منذ سنوات؟؟
هل تستطيع السفارة ان تكون قومية في توجهاتها دون ان تقع تحت سيطرة شلة المؤتمر الوطني بالرياض والتي تصارع علنا من اجل السيطرة علي الجالية
هل تدعم السفارة هذا المؤتمر الوطني في صراعه ضد الآخرين ؟؟؟
كم عدد هؤلاء المحسوبين ضمن المؤتمر الوطني بالرياض والذين يحظون بالدعم الغير محدود؟؟
احسب جازما انهم لا يتجاوزن المائة شخصا ضمن جالية يفوق تعدادها مئات الالآف
ولكنه حب السيطرة والخوف من الآخرين ،، فكما تفعل الأقلية الحاكمة في السودان وتفرض اجندتها وفسادها قسرا ،، تحاول هذة المجموعة النفعية المتسلقة ان تفعل نفس الشئ وتجد من يساعدها علنا في ذلك ،، فالسفارة وجهاز المغتربين لا يريدون ان يسمعوا اصواتا نشازا تذكرهم بمعآناه الآخرين
لنا عودة
|
Post: #2
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: أحمد علاء الدين
Date: 10-23-2005, 02:32 AM
Parent: #1
الأخ احمد حنين 00 لكم التحية و لكم الود و لكم المحبة و لكم التقدير و رمضان كريم و شهر مبارك 0
أولا أنا شخصيابشوف السفارة فى الوقت الحالي بثوب أبيض جديدبيختلف تماما عن الأثواب القديمة و البالية و هذا فضل من التواب الذى أزاح و أراح الناس من عبده المتدثر0
ثانيا قد اتفق معكم فى بعض النقاط و لكني إختلف عنكم تماما فى كيفية الطرح و عامل الوقت بمعنى لا بد من إعطاء الوقت الكافى لهؤلاء الاخوة فى السفارة حتى يتسنى لهم عمل شىء ماحتى و ان كان هذا العمل وفق توجيهات و مقررات المؤتمر الوطني 0
ثالثا لا أرى أى جدوى فى إصدارالحكم لقضية لم تبدأ أساسابعد0
الله المستعان0 0
|
Post: #4
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ودقاسم
Date: 10-23-2005, 03:19 AM
Parent: #2
| Quote: حتى يتسنى لهم عمل شىء ماحتى و ان كان هذا العمل وفق توجيهات و مقررات المؤتمر الوطني 0 |
لماذا تريدنا أن ندار وفق توجهات المؤتمر الوطني ، لماذا لا ندار وفق رؤيتنا أو على الأقل رؤية الأغلبية ؟؟؟
| Quote: لا أرى أى جدوى فى إصدارالحكم لقضية لم تبدأ أساسابعد0 |
ما هي القضية التي لم تبدأ بعد؟؟؟؟
|
Post: #3
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ghariba
Date: 10-23-2005, 03:12 AM
Parent: #1
الله ينصر دينك يا أحمد يا علاء الدين
|
Post: #5
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: humida
Date: 10-23-2005, 03:38 AM
Parent: #3
الله يعز الاسلام يا غريبة ..
بس السفارة اذا كانت بتأكلك بالمعلقة ..
نحن بتدينا بالكوريك ..
نتمني يا غريبة ..
ونحن ناس كبار وعارفين الحق والباطل ..
أنه نفرد لبعضنا مساحة من التحرك ..
ما بعاتبك في تقربك من السفارة والدفاع عنها ..
ما دام مصالحك مرعية ..
فما تلومني .. اذا ما روعيت مصالحي ..
أديني مساحة معاك .. ولو بالاعتراض ..
لكن حكاية الجمل بما حمل دي ..
شوية كدا واسعة ..
بعدين قنصلكم دا زاتو .. ما قال قومية ..
ولا طق حنك وفض مجالس بس ..
|
Post: #6
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: إسماعيل وراق
Date: 10-23-2005, 03:41 AM
Parent: #3
فتح الصديق أحمد حنين موضوع في غاية الأهمية، فالجالية السودانية بالرياض مختطفة ورهينة لأهواء شخصيات محددة لا أقول تنظيم محدد.. بل أن السفارة نفسها مختطفة من قبل المؤتمر الوطني الذي يتحكم في كل كبيرة وصغيرة.
الأستاذ أحمد يوسف ود بلد لا شك في ذلك، رجل فاضل وأخلاقه عالية ولكن كما قال أحمد حنين العمل العام شيئ والعلاقات الإنسانية شيئ أخر...
ما نريده هو جالية سودانية قومية شعبية تمثل كل ألوان الطيف السوداني دون إقصاء لأحد ودون إملاء من أصحاب الأجندة الخاصة.
سأعود لهذا الأمر..
|
Post: #7
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-23-2005, 03:53 AM
Parent: #1
الأخ أحمد علاء الدين
لك التحية يا رجل
واشكرك علي اتفاقك معي في بعض ما ذكرت ،،
لكنك ايضا تقول ان هنالك تغييرا في توجهات السفارة
ولذا ارجو منك ان تحدد بالضبط ماهو هذا التغيير
هل المجاملات والأفطارات والونسات والعلاقات الأجتماعية
تعتبر تغيير ،، يجب ان نشكر المولي عز وجل عليه
السفارة ما زالت تدار بنفس العقلية التأمرية للمؤتمر
الوطني ،، وما زالت هي اداه جباية حكومية وصندوق لأستئنزاف
المغتربين بالرسوم والمساهمات الإجبارية الإلزامية
هذة العقلية تتبدي في الصراع الذي تقوم به شلة المؤتمر الوطني
من اجل الهيمنة علي الجالية وبدعم مباشر من سفارتنا( اقصد سفارة
المؤتمر الوطني)
يا عزيزي احمد
تقول ان الوقت غير مناسب وأنه لابد ان نعطيهم فرصة ،، عن اي فرصة
تتحدث ،، كم من الزمن انفقه سعادة القنصل في زيارات واجتماعات
ومجاملات ،، وونسات
كم من وعود اطلقها في اي فرصة اتيحت له بمخاطبة بعض المغتربين
في الجمعيات والروابط والرمضانيات
وماذا كان حصاد كل ذلك ؟؟
ارجو ان اجد اجابة شافية
ريثما اعود لك
واشوف موضوع صلاح غريبة القاعد يصفق ليك تحت دا
|
Post: #8
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: أحمد علاء الدين
Date: 10-23-2005, 04:41 AM
Parent: #7
الأخ ود قاسم و الأخ الحنين الحنين 00 لكم التحية و التقدير دوما و أبدا و أنا بالطبع أبدا ما قصدت إننا نحن ننوم و ناس المؤتمر الوطني يكوشوا الباقي , و إنما بقول إنو السفير الجديد (الكارب) ذكر فى عدة لقاءات امام الناس إنو لسع ما شاف موضوع الجالية ده و أكد فى نفس الوقت إنو هذه القضية من أولويات إهتمامو ,و أنا بالواضح أقول يا جماعة شويه كمان ادوا الفرصة (من الوقت )للسفير الجديد و ذلك من باب لعل و عسى و أنا بقول الكلام عارف نفسى اكثر واحد محبط من السودان و حكومة السودان و ناس السودان و بقول بالواضح مافي فايده ما دام الهوة بعيدة بين المواطن و المسئول 0
|
Post: #9
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: أحمد الشايقي
Date: 10-23-2005, 05:43 AM
Parent: #1
خــوي ود حنين,
أنا عندي النضـم الزول البقولك, فــوت حقــك عديل , أخير من اليقولك, اصبر وسمح اقعد لامــن الفاس تقع في الرأس
في دي أنا بشوف أخونا غريبـة أخيــر,
يلا سلامات أبقو رقاق.
|
Post: #10
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: humida
Date: 10-23-2005, 06:48 AM
Parent: #9
الاستاذ احمد علاء الدين
يبدو أنك يا عزيزي بعيد كل البعد عن ما يجري في المجتمع السوداني في الرياض
رغم ما نعول عليه عليك كصحفي وعضو في جمعية الصحفيين ..
كنت اتمني حضورك في تجمع افطار بورداب الرياض ومشاركتك الهم الوطني للسودانيين
والوقوف علي حقيقة المواقف بدون تأسيس اراء علي ارضية هشة ..
في هذا التجمع تكلم السيد القنصل .. كما تحدث في كثير من المنابر السودانية
ولم يخرج كلامه .. الي أرض الواقع ..
انت كصحفي عليك أمانة .. نحسبك تؤديها علي أكمل وجه ..
فالرجاء مواكبة الامر الواقع .. لبناء رأي صحيح ..
ايضا كان هناك بالامس اجتماع في منزل عمنا صديق الموج ..
تحدث فيه الاستاذ ود قاسم والاستاذ عبد القادر علي عبد الرحيم واسماعيل وراق
وشرحوا جميع ابعاد القضية .. وملابسات الامر ..
اتمني الاندماج مع المجتمع السوداني في الرياض
لست انت فقط .. انما جميع اعضاء جمعية الصحفيين الموقرين
وخروج من عباءة الاراضي والمنح .. والمنافع الشخصية
الي المشاركة والتفاعل .. في الهم الوطني ..
لك التحية
|
Post: #11
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-23-2005, 12:57 PM
Parent: #1
فوق
ريثما نعود
|
Post: #12
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ود الباوقة
Date: 10-23-2005, 04:20 PM
Parent: #11
| Quote: الله ينصر دينك يا أحمد يا علاء الدين |
غريبة ان شاء الله تكون مستفيد .. البطن والله ما فيها ( مغسة ) لو كنت كما نريد ..
|
Post: #13
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: خضر حسين خليل
Date: 10-23-2005, 04:43 PM
Parent: #1
أحمد حنين
رجاءاً تلفونك إن أمكن
ياخي لكن القنصل داك زول وناس بالحيل
خضر
|
Post: #14
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-24-2005, 01:24 AM
Parent: #1
صديقي حميدة
صباحك عسل
Quote: لكن حكاية الجمل بما حمل دي ..
شوية كدا واسعة ..
بعدين قنصلكم دا زاتو .. ما قال قومية ..
ولا طق حنك وفض مجالس بس .. |
يا صديقي الجماعة ديل دايرين يكوشو علي اي حاجة
حتي لو جمعية المرتزقة والعاطلين
وهي لله ما للسلطة ولا للجاه
داير ونسة وحكايات يعطوك بالكوم
اخي ود وراق
| Quote: ما نريده هو جالية سودانية قومية شعبية تمثل كل ألوان الطيف السوداني دون إقصاء لأحد ودون إملاء من أصحاب الأجندة الخاصة. |
هذا هو حلم الجميع هنا
لكن يا حبيب الجماعة ديل عندهم اجندة خاصة واملاءات
ولازم يقبضوا علي اي كيانات بيد من مرتزقة وتابعي
المؤتمر الوطني ،، مش السودان دا حقهم هم وبس
برضو السفارة حقتهم هم وبس
وناس السفير والقنصل ديل موظفين في المؤتمر الوطني
ولازم يلتزمو يالأجندة والإملاءات دي
ولا يركبو التونسية ،،،
الأستاذ الشايقي
Quote: أنا عندي النضـم الزول البقولك, فــوت حقــك عديل ,
أخير من اليقولك, اصبر وسمح اقعد لامــن الفاس تقع في الرأس
في دي أنا بشوف أخونا غريبـة أخيــر, |
تعرف يا احمد الجماعة كان بقولو ليك فوت حقك زمان علانية
كدي وقوة عين ويقلعو وعينك تعاين
لكن الأيام دي بعد نيفاشا بقوا يخجلو شوية ويقولو ليك
اقعد بنديك حقك ،، واصبر شوية بنديك وانتظر ايام بس
وفي النهاية نفس المصير وما تلقي الأ كلمة انتظر
وحقك برضو يروح في بطونهم
لكن الناس الزي غريبة دا ،، اخير عدمهم
ديل ساكت ،، بدقوا في الطار ويعرضوا في الزفة
ويطلعوا من المولد بلا حمص
ولا يمكن في ضحاكات تحت تحت
مش السفارة دي ملانة بقروشنا المنهوبة
ود الباوقة
Quote: غريبة ان شاء الله تكون مستفيد .. البطن والله ما فيها
( مغسة ) لو كنت كما نريد |
مغسة شنو
الزول مرطب وشغال في السفارة والخارجية
ما شفتا موضوعو مع امل البشاري والدفاع المستميت
عن وزارة الخارجية والحمل السفاح
اخوي خضر
قلت لي الراجل وناس
ونحن نضحك ونقرقر
والسوط في رأسنا
جوال 0503408841
ارفع صوتك هيبة وجبرة
|
Post: #15
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-24-2005, 01:41 PM
Parent: #1
نعود مرة اخري لموضوع السفارة والونسة الجميلة
فقد شهد الجميع هنا واغلب الحاضرين اللقاءات مع سعادة
القنصل بأنه رجل وناس وبتاع علاقات اجتماعية ممتازة
وانا بدوري اشيد بهذة الخاصية التي تضحكنا ولكن لا تستطيع
ان تحل قضايانا
ولا تستطيع ان تقدم شيئا يذكر سوي المجاملات او حل بعض الأشكالات
الشخصية والفردية لأفراد يكونوا قد حازوا الرضاء من ادارة السفارة
الرحيمة
اما الغلابة وهم عموم الجالية بالرياض فلم يجدوا حلا لمشاكلهم
المتراكمة رغم انهم قد ابلغوها للقنصل والسفير
وكرروها علي آذان الجميع
ولكن لا حياة لمن تنادي
فالجهاز والسفارة مستمرين في تغييب الآخرين
فقامت عدة مؤتمرات ولا يعرف احدا الي الأن من هو الشخص الذي مثلنا
وكيف تم اختياره ؟؟
ومن فوضه ان يتكلم بأسمنا ؟؟
رغم ان جالية الرياض تعتبر من اكبر الجاليات خارج الوطن
ومما لا نشك فيه بتاتا هو ان السفارة تقف وراء كل هذة
الكيانات الوهمية ،، وتقف ايضا وراء تعيين هؤلاء النفعيين
الذين يظهرون في المؤتمرات ويتكلمون بأسمنا ،،،
ولكن لابد من وضع حدا لهذا
ونواصل
|
Post: #16
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: صديق الموج
Date: 10-24-2005, 05:00 PM
Parent: #1
| Quote: الله ينصر دينك يا أحمد يا علاء الدين |
ايوى يوى يووووووووووووووووووووووووووووووى
احمد حنين الجالية تطير فى السماء غريبة بقى يكتب صاح
|
Post: #17
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-25-2005, 03:51 AM
Parent: #1
ود الموج
اخونا غريبة دا حكايتو غربية
لكنها لاتخرج من غرابة المؤتمر الوطني نفسه
فالظلام لا يلد الأ ظلاما
ورغم الظلام الذي ينشرونه هنا وهناك
لن ندعهم يفعلون ما يشاؤون في امر الجالية
واذا اصروا علي الغاء الأخرين
دعوهم ينامون في احلامهم
ودعونا ننشئ جالية قومية شعبية شاملة للجميع
|
Post: #19
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: mahmed alhassan
Date: 10-25-2005, 05:01 AM
Parent: #17
الاخ/ العزيز أحمد حنين
رمضان كريم
السفارة بالرياض اسمع كلامك اصدقك !! اشوف عمايلك استعجب ؟؟؟؟
راجع ليك بس خليلك حنين معانا شوية 0
|
Post: #18
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ghariba
Date: 10-25-2005, 04:48 AM
Parent: #1
|
Post: #20
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ghariba
Date: 10-25-2005, 05:14 AM
Parent: #1
|
Post: #21
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-25-2005, 02:37 PM
Parent: #1
اخوي محمد الحسن
انا راجيك يا زول يا رائع
صلاح غريبة
حكاية غريبة
مسحت شنو بي وراي
مرة واحدة مقبولة
لكن مرتين
مشكلة كبيرة
وبرضو عافي ليك
واحدة سحبتها براك
وواحدة تعليمات وانبثاقات
|
Post: #22
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: Alshafea Ibrahim
Date: 10-25-2005, 02:59 PM
Parent: #1
الرائع الأستاذ أحمد حنين
لك التحية والتقدير
للأمام فنحن في وقت أحوج فيه لمعرفة وكشف المقضوح
كفاية استغلال واستنزاف لكافة غلابة السودان بما فيهم المغتربين
لا خير فينا إن لم نقلها - ذلك أضعف الإيمان - وسنشمر ساعد الجد وسنتسعمل كل ما هو متاح وممكن ضد هذا الفساد المستشري في هذا العهد الغابر
مع شكرنا
أخوكم الشفيع
|
Post: #23
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-26-2005, 05:26 AM
Parent: #1
الأخ الشفيع
شكرا للمرور والمؤازرة
| Quote: كفاية استغلال واستنزاف لكافة غلابة السودان بما فيهم المغتربين |
وتتواصل المسيرة عبر رفض فكرة التعيين جملة وتفصيلا
ومعا نحو جالية شعبية قومية تعني بقضايا المغتربين
وترفع الظلم عنهم
وسنعود
|
Post: #24
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 10-28-2005, 02:04 PM
Parent: #1
وتظل السفارة تلعب نفس الدور الذي رسمه المؤتمر الوطني
ولا تستطيع فكاكا
فهاهي تقيم افطار جماعيا لأستقطاب الأبناء وكل التكلفة مدفوعة
من قروشكم ،،، علي عينك يا تاجر
وتظل معاناه المغترب متواصلة
وتظل السفارة تقدم الونسة الجميلة فقط
حتي علق الأخ خضر حسين قائلا( والله القنصل دا وناس ونسة شديدة)
|
Post: #25
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 11-18-2005, 02:23 AM
Parent: #1
وتستمر اجتماعات السفارة الأنصرافية
هذة السفارة التي اعتبرها المؤتمر الوطني دارا خاصة به
دون غيرة
يعقد فيها اجتماعات ما لها من سلطان
وكمان دورات تثقيفية
وتجمع كيانات
وجامعات استثمارية
وعدة اساتذة وبروفات فاشلين واتوا هنا هربا بعد ان فصلتهم الأنقاذ
ورغم ذلك نجدهم الان يشاركون الأنقاذ في جريمة جامعة المغتربين
وينظرون
ولكنهم يصمتون ويخافون ان يقولوا كلمة في حق التعليم الذي افرزهم
وكيف ان مايسمي بثورة التعليم العالي كانت وبالا علي البلاد
وكيف انهار مستوي التحصيل الأكاديمي
واصبح التعليم تجارة رابحة للبروفسورات اخرين
ورغم كل هذا
تجدهم في مقدمة الصفوف في اجتماعات السفارة الفارغة
ولنا عودة
|
Post: #26
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: Mahathir
Date: 11-18-2005, 05:15 AM
Parent: #1
والله الرياض دى عمرى ما عديت بيها ولا شفتها ولا بعرف اى واحد من الجماعة الفوق لكن ياغريبة والله عملتها ظاهرة...لو حقك واصلك خليهم ياخدو حقهم...
امكن ناس السفارة شايلنها معاهم عشان ما متصورين مع سوار الدهب..
انتو كمان بطلو الفصاحة و امشو اتصورو
|
Post: #27
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ghariba
Date: 11-18-2005, 01:58 PM
Parent: #1
الأخ أحمد حنين
عاودك الحنين للبوست فقمت برفعه بعد توقفه لأكثر من عشرون يوماً
| Quote: وتستمر اجتماعات السفارة الأنصرافية |
كيف عرفت بأنها اجتماعات إنصرافية .....شوية الونسة التي سمعتها من الجماعة الذين زاروا السفارة يوم الخميس
كن أكثر واقعية ودقة ... وأكثر تأدبا وانت تخاطب سفارة بلدك ...
فالسفارة ليست جمعية و لا رابطة ولا ناديا ولا ملتقى ثقافي
اواصل
|
Post: #28
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: Ahmed Abdallah
Date: 11-18-2005, 02:31 PM
Parent: #27
| Quote: كن أكثر واقعية ودقة ... وأكثر تأدبا وانت تخاطب سفارة بلدك ... |
| Quote: فالسفارة ليست جمعية و لا رابطة ولا ناديا ولا ملتقى ثقافي |
والله العظيم يا غريبة إنت فعلا واحد ما عادي أبدا .. نمط يحتاج لوقفة تحليلية
1- من الذي أعطاك التفويض للدفاع عن السفارة !!!!!!!!!!!
2- وهل السفارة بقدر هذه القداسة حتى يتأدب من يخاطبها !!!!!!!!!!!
فلتعلم ويعلم من أوعز لك بالقيام بهذه المهمة بأن أي سفارة تعتبر ملك مواطنيها والذين يتولون أمرها هم في خدمة وطاعة هذا الشعب الابي !!!!!!!
3- فلتعلم أنت وهم بأن أمثال أحمد حنين هم الذين يدفعون لهم المرتبات !!!!!!!!!!!!!!!!
4- فلتعلم أخي غريبة بأن ما تقوم به يتعفف منه كل واعي وشريف من أبناء الامة
5- فلتعلم أخي غريبة أن لدورك نهاية وبعدها سيرمونك كما فعلوا بغيرك
أملي أن تخفف على نفسك كل هذا العناء فمن أين لك كل هذا الوقت حتى تنصب نفسك بكل تلك المهام
أخي غريبة :
لا ترمي بنفسك وتكسبها عداوة أخوة لك قذف بهم ظلم الحاكم الى طلب الرزق فضربوا في ألأرض يبتغون معاشا .. كن لهم لا عليهم ..تنال حبهم وثقتهم....خالفهم الرؤيا والتوجه دون المساس بالرباط ألأجتماهي وحميد الخصال
والله إني حقا أشفق عليك من نفسك
|
Post: #29
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ghariba
Date: 11-18-2005, 02:53 PM
Parent: #1
اخوي أحمد شايفك خليك بورداب واشنطون وتخندقت مع بورداب الرياض
أهو التكامل .... أم وراه خفايا أخرى
شايفك في كل بوست أنا مشارك فيهو
وانا فرح لهذا
لتفرغك للدفاع عن بوستات اهل الرياض
فأين بورداب الرياض ؟
ثم للموضوع صلة وتواصل
|
Post: #30
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: إسماعيل وراق
Date: 11-18-2005, 11:31 PM
Parent: #29
Quote: شوية الونسة التي سمعتها من الجماعة الذين زاروا السفارة يوم الخميس
كن أكثر واقعية ودقة ... وأكثر تأدبا وانت تخاطب سفارة بلدك ... |
شخصي ود قاسم كنا في إجتماع الخميس، من أدراك أن أحدنا "تونس" مع حنين..
وشايفك بتهدد حنين عديل كده يا غريبة، أي أدب توصي به حنين هل الحديث عن السفارة محرم، قرآن لا يأتيته الباطل..
فق لنفسك يا صاح.
|
Post: #31
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: على محمد على بشير
Date: 11-19-2005, 00:30 AM
Parent: #30
ياعالم القنصل الاول
لا كان بيحل مشاكلكم ولا بيتونس معاكم
القنصل التانى بيتونس معاكم لاكين مابيحل مشاكلكم
اذا شوية صبر حتى يجيكم القنصل التالت ويتونس معاكم ويحل
مشاكلكم انشاء الله
والعافيه درجات 
|
Post: #32
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 11-19-2005, 02:13 AM
Parent: #1
كتب غريبة
Quote: كن أكثر واقعية ودقة ... وأكثر تأدبا وانت
تخاطب سفارة بلدك ... |
اي ادب تتحدث عنه يا غريبة
اولا
دي مش سفارة تمثل بلدي
دي سفارة تمثل المؤتمر الوطني وعصابته
وهذا الرائ قد قلته القنصل احمد يوسف في وجه
وبحضورك في منزل ابو جهينة
واضفت له قائلا ،، الوحد لمان يجي السفارة اول حاجة بتقابلوا
ساحات الفداء شغالة في تلفزيون الصالة وبأعلي صوت
وقتل ويقتل ومقتول وقاتل ،، ومعركة ودماء وحور عين وعرس شهيد
عشان كدا الواحد بشعر ان السفارة دي ما بتمثلوا
لأنو عندنا راي في الدمار الحاصل في البلد بأٍسم الجهاد
غريبة
ايضا
هذة السفارة لا تمثل جهة قنصلية لدي بل جهة جباية ودفع الزامي
واستئنزاف لدماء الغلابة الذين هربوا من جحيم الأنقاذ
وبرضو الجحيم لاحقهم هنا
عشان كدا اقل ليك وصية ارجو ان توصلها للسفارة
من اصغر عامل الي السفير محمد امين الكارب
وقول ليهم نحن الغلابة ديل القاعدين ندفع مرتباتكم
وعشان كدا انتم هنا لخدمتنا فقط
وليس لخدمة اعضاء المؤتمر الوطني امثالك ود كرار التهامي
واذا لم تصبحوا بمثل هذا الفهم
فلن تجدوا تأدبا منا
وطز فيكم جميعا
|
Post: #33
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ghariba
Date: 11-19-2005, 06:21 AM
Parent: #1
ثقافة من لا ثقافة له
|
Post: #34
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 11-19-2005, 12:42 PM
Parent: #1
يا غريبة
وصل الوصية كاملة دون بتر
لرؤسائك واولياء نعمتك
يمكن القبضة تكون كبيرة
Quote: وقول ليهم نحن الغلابة ديل القاعدين ندفع مرتباتكم
وعشان كدا انتم هنا لخدمتنا فقط
وليس لخدمة اعضاء المؤتمر الوطني امثالك ود كرار التهامي
واذا لم تصبحوا بمثل هذا الفهم
فلن تجدوا تأدبا منا
وطز فيكم جميعا |
|
Post: #35
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: منعم
Date: 11-19-2005, 08:10 PM
Parent: #1
| Quote: فلتعلم أخي غريبة بأن ما تقوم به يتعفف منه كل واعي وشريف من أبناء الامة |
( إن الله إذا أراد أن يهلك عبدأ نزع منه الحياء، فإذا نزع منه الحياء لم تلقه إلا مقيتا، فإذا لم تلقه إلا مقيتا نزعت منه الأمانة , فإذا نزعت منه الأمانة لم تلقه إلا خائنا مخونا) حديث شريف
ويبدو ان الزميل صلاح غريبة لا يبالي ان يكون مقيتا , فمن موجبات الحياء والخجل الدفاع عن ظلم ابلج والتبرير لاخذ اموال الناس بغير حق والتطبيل بلا وازع من عقل او ضمير لكل ما يصدر عن سفارة المؤتمر الوطني .
العزيز احمد حنين لا تبتئس يا صديقي . فصلاح غريبة هو الخاسر الاكبر عندما يتاجر بمصداقيته واحترام الآخر لشخصه . اما نحن فان طال الزمان او قصر سوف نسترد حقنا من آخذيه بلا حق , وعندها سيعلم الذين ظلموا اي منقلب ينقلبون .
تحياتي لك واسماعيل وراق وود قاسم وكل الشرفاء .
|
Post: #36
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 11-21-2005, 02:11 AM
Parent: #1
الأخ منعم
شكرا ياصديقي علي مداخلتك القيمة
Quote: العزيز احمد حنين لا تبتئس يا صديقي . فصلاح غريبة هو الخاسر الاكبر عندما يتاجر بمصداقيته واحترام الآخر لشخصه . اما نحن فان طال الزمان او قصر سوف نسترد حقنا من آخذيه بلا حق , وعندها سيعلم الذين ظلموا اي منقلب ينقلبون .
تحياتي لك واسماعيل وراق وود قاسم وكل الشرفاء |
وحتما سوف نأخذ حقوقنا من عصابة الإنقاذ رغم انف غريبة
طالما امثالك وود قاسم واسماعيل وراق
هم شرفاء بلادي ورجال بقامة الوطن
لك ولهم تحياتي
|
Post: #37
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: ahmed haneen
Date: 11-26-2005, 02:29 PM
Parent: #1
سفارة السودان بالرياض
اشهر المحلات لبيع الكركدي البارد
والوعود الفارغة
وناس ود الباوقة فرحانين
|
Post: #39
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: خضر حسين خليل
Date: 12-05-2005, 04:55 PM
Parent: #1
أذيك ياحنين
لمن لايروا ماتراهو ياعزيزي
|
Post: #40
Title: Re: السفارة بالرياض أسمع كلامك أصدقك !! اشوف عمايلك إستعجب ؟؟؟؟
Author: مهدى الصادق السيد
Date: 12-06-2005, 11:17 AM
Parent: #1
العزيز ابو حميد
هل يستقيم الظل والعود اعوج
ابدا لا .......
طبعا لا
|
|