يا ناس الجمارك اومن له تجربة في استيراد مواد تشطيب لبيته

سلامات

قبل كم يوم نشر بوست في الموضوع دا كتبت اسئلة لم اتلقى رد..ولم اجدالبوست الان..


سؤالي هل هناك جمارك على مواد البناء واذا نعم كم وكيف تحسب
وهل هناك نظرة خاصة لو الزول مغترب يدفع كل الاتاوات؟

اذا في زول جاب مواد تشطيب من خارج السودان اريد ان اعرف تجربته..
وهل تستحق ام نشتري من الداخل..

المواد المعنية ابواب ادوات صحية وبلاط..لطابق واحد 200 مترمربع

email
[email protected]
مع التحية

الاخت نجاة لك التحية وصباح خير

انا الايام دي في نفس الدوشة دي وبالتاكيد هناك جمارك على كل شئ ، بالنسبة للبلاط بما ان كميتك 200 متر انصحك بالشراء مباشرة من السودان لان الجمارك عالية
الاسعار في السودان :

سيراميك راس الخيمة المتر 61 جنيه وسيراميك سالومي 76 جنيه والمصري 50X50 يتراوح بين 120-135 البورسلين الصيني 60X60

اعتقد افضل تشتري من السودان

سلامات يا شوقي
في زول قالي لو طابق واحد اشترو من الداخل ذي كلامك دا
غايتو نشوف
مع المودة

سلام د. نجاة
مرسل لك تجربتي عن طريق الاميل كل الايجابيات والسلبيات
ولكي ان تختاري
سلام

الاخ عاصم تحياتي

يا ريت لو تنزل تجربتك هنا عشان نستفيد ياخ

المعلومات اعلاة توجد في الموقع الرسمي للجماراك ..................

معليش فتلت البوست

سلامات يا محمد
يعني معناها دي اي مواطن ممكن يدخلهم لانه الحاجات حقتنا اقل من كدا بكثير
طيب كيف تحسب الجمارك

الاخ عاصم تحياتي

يا ريت لو تنزل تجربتك هنا عشان نستفيد ياخ

معقول
هم المؤتمرجية يا دكتورة قاعدين يدفعوا جمارك
.؟؟

و هو العوير دا الا يزرعو؟؟؟!!!

البضاعة الموجودة في السودان جودتها متدنية ومرات كتيرة جدا ما بتلقي الحاجة العاوزاها
وكثير من الناس بتجيب من الصين حاجات بيتها بسبب الجودة والتكلفة، وهنالك استثناءات للمغتربين وللاغراض السكن الخاص لمن هم داخل السودان
هذا كلام عام لا تعضدة تجربة شخصية ولكن يعضدة المنطق
تحياتي

سلام للجميع

اعتقد ان بعض الاخوة اوردوا كثير من الايجابيات مثل:
الجودة وكثرة المواد المعروضة وامكانية توافق الاسعار حسب المقدرة وسهولة الترحيل يعني في خلال شهر يمكن استلام الاغراض ( من دبي ).
السلبيات اوجزها في الجمارك ، من خلال تجربتي اعتبرت المواد تجارية على الرغم من تقديم كافة المستندات من شهادة بحث وتصديق البناء والاوراق التي تثبت الاستعمال الشخصي للاغراض ، كل هذا لم يساعد على الاعفاء من الجمارك.
غايتو الا الاجاويد يدخلوا عشان يحلوا جزء من مشكلة الجمارك لكن كلها الله اعلم...
سلام

البوبار...

المهم امنياتى بحياة سعيدة للورثة ..ياحاجة بيان...صحى انتى حجيتى وللا ما حجيتى ياوالدة ؟؟

سلامات يادكتورة
الحاجات المهمة جيبيها من برة
مثل الادوات الكهربائية من
اسلاك ومفاتيح ولمبات لانو
الجودة هنا اقل وثانيا
ممكن تجيبي الخلاطات
للحمامات من برة الباقي
من هنا افضل السراميك
هنا بتحصلي البورسلين
الصيني وكويس
في حدود 95لي 105
طقم الحمام ببداء من 2000
ونوعية مابطالة .
تسلمي وربنا يتم ليك البيت
بالعافية

سلامات يا سليمان
مشكور جدا للمعلومات الممتازة ان شاء الله ساقوم بجولة في السوق في السودان ونقارن

مودتي لك

Quote: البوبار... المهم امنياتى بحياة سعيدة للورثة ..ياحاجة بيان...صحى انتى حجيتى وللا ما حجيتى ياوالدة ؟؟

هو العوير دا الا يزرعو؟؟؟؟!!!!!

سلامات يا عاصم

المشكلة في موضوع اختلاف المعاملات الجمركية..بعدين يعتبروا ليك انها كميات تجارية مع وجود الاثباتات دي مشكلة تاني
شكرا ليك كثير والله

سلامات يا ايمن

المشكلة انه ما نريد تشطيبه هو طابق واحد البعض يرى انه مافي داعي للتعب

نحنا ممكن نشتري من هنا الحاجات ممتازة وما غالية تبقى المشكلة في الجمارك

غياتو نشوف
وشكرا ليك للراي

سلام يا دكتوره ..

انصحك بان تشتري من الداخل .. ولا وجع الراس
انا اجازتي الفاتت شطبت 3 شقق لوكس خلال شهر من .. والى ...
وكل شي من سوق السجانه .. ( وكانت اروع مما اتصور )
بس ممكن تجيبي معاك بعض الاكسسورات من بره حسب مزاجك...

تحياتي ,,,

سلامات
يادكتورة امسكي في كلام اخونا
مجيدو والسجانة فيها كل
الاشياء بس الابواب مابنصحك
تشتريها من السجانة الافضل
وعن تجربة شركة المحاميد
الشبابيك شركة بينسا
التركية من افضل الشركات
في تصنيع الشبابيك والالتزام
بالمواعيد
ولو عايزة الابواب المحصنة
الامنة شركة ايرن التركية

تحياتي يادكتورة
تجربتان مع مواد البناء والتصدير من السعودية لغرض الاستعمال الشخصى
الأخيرة
2 برميل برستيك زنة الواحد 75 ك تقريبا بها مواد بناء (8) لفة سلك ، مفاتيح ، أفياش ، بلكات ، 5 مراوح شفط ، شحن بحري ميناء عثمان دقنة دفعت 1800ج ، أراه معقول كان ذلك في رمضان 1434هـ
الأولى
حاوية بها كميات كبيرة من السراميك فوق 400 م م ، أسلاك كهرباء ، مرواح ، لمبات مع اسكسوراتها ، ثلاجة ، مكيفات فريون 2 ، سجاد ، سخانات عدد (4) ، أطقم حمامات كاملة مقاعد افرنجي عربي ، شاور ، ألخ الجمارك كانت 38 ألف ، والمكتب المخلص 5 ألف ... الكلام ده كان في أبريل 2013 م ...
ألحيطة والحذر واجبة لا إعفاء ، لا شهادة بحث ولا خرائط ولا تصاريح بناء نفعت ...
مع العلم تم الشحن بموجب (مقولة) الاستعمال الشخصى وشهادة البحث وتصريح البناء ضروري .. للأسف لا فائدة دفعنا وسكتنا
الشفيع إبراهيم

الأخت نجاة ...سلام
نصيحتي ليك تشتري كل مستلزماتك من السودان ..ماعدا الأشياء ال ممكن تجبيها معاك (صحبة راكب)...للأسباب دي
1/ بعد رفع القيمة الجمركية لكل الواردات ثم رفع قيمة الدولار الجمركي.
أصبحت تكلفة البضاعة مضاعفة ...فمعظم التجار عندهم بضائع في المخازن..
بالقيمة القديمة ...ومافي قوة شرائية تسمح ليهم بالبيع بالاسعار الجديدة ..لذلك
اسعار البضاعة الموجودة في السوق اقل من تكلفتها (الآن)
2/ما في حاجة في الجمارك اسمها استعمال شخصي ..طالما حاجة جات في
حاوية ..التعريفة الجمركية تطبق عليها بالمليم..
3/التجار لأنهم بيشتروا كميات كبيرة ..أسعارهم بتقل من السعر ال حتشتري بيهو
أقل شي ب 20% .
_____________
كل الخيارات متاحة في السوق ...سوق السجانة فيهو المتوسط و الجديد ..
اما اذا عايزة مستوى أعلى ...شركة ميشو في شارع 15 العمارات.....
ربنا يوفقك ان شاء الله ....والمبديّة متمومة...
:
:
:
معاوية و ابو روضة ....
لكل مقام مقال

ربنا يتم ليك على خير
الجمارك للأسف ليس لهم قوانين ثابتة
كل شيء يمكن ان يتغير في لحظة
مرات يقولوا ليك هذه اشياء مسموح بها
ولكن حينما تكون معهم وجها لوجه يقولوا ليك وين المنشور البقول الكلام دا
مرات تمشي خروج نهائي ويقول ليك في حالة الخروج النهائي السيارة معفاة من الجمارك
لكنك تدفع جماركها حتى تقول الرووووب
وممكن انتي ومعك آخر تشتروا نفس مواد البناء
من شركة واحدة
والكمية واحدة
والمبلغ واحد
ولمن ترجعوا الفندق بعد دفع الجمارك كل واحد فيكم يكون دفع مبلع يختلف من الآخر
2011 أخذت شاشة 40 بوصة طلعت جماركها 300 ريال
2013 أخذت شاشة 40 بوضة وحجزنا 400 ريال للجمارك
تفاجأت بان الضابك يكتب لي 100 ريال جمارك !!!
للأسف الجمارك في الكثير من الأحيان تتوقف على مزاج الضابط
وكلما حاولت أن تستخدم ذكاءك معهم كلما ارتفعت الجمارك الخاصة بك
وان كنت غبيا في الكثير من الأحيان تجد جماركك ضيلة
ومرات لو عملتي شكلة وقعدتي تكوركي وسط الناس
وبدأوا الناس يتفرجوا برضو الجمارك بتاعتك ممكن تنخفض
الجمارك ليس لها لون

Quote: سؤالي هل هناك جمارك على مواد البناء واذا نعم كم وكيف تحسب وهل هناك نظرة خاصة لو الزول مغترب يدفع كل الاتاوات؟ اذا في زول جاب مواد تشطيب من خارج السودان اريد ان اعرف تجربته.. وهل تستحق ام نشتري من الداخل.. المواد المعنية ابواب ادوات صحية وبلاط..لطابق واحد 200 مترمربع

الأخت د. نجاة
والأخوة المتداخلين

أنا كنت ضابط بالجمارك وخدمت بها حوالى 30 عاما واحلت للتقاعد بالمعاش وحاليا اعمل وكيل تخليص بجمارك الحاويات / سوبا .....
تابعت هذا البوست ولاحظت هجوما على الجمارك وقوانينها وفعلا اللوائح بالجمارك وتحصيل الرسوم الجمركية غير ثابت ويا اخوانا الجمارك ما بتجيب قانون بمزاج الضباط وانما قوانينها ولوائحها تحضع لجهات اخرى مثل بنك السودان ووزارة المالية ووزارة التجارة والرسوم الجمركية متغيرة بسبب تغيير سعر الدولار الجمركى الصادر من بنك السودان ....
اما بخصوص سؤال الدكتورة نجاة ...
كل محطات الجمارك مسمح بها دخول العفش الشخصى فى حدود المعقول دون مطالبة الشخص بأى اجراءات مصرفية او سجل ضريبى ولا حتى فواتير بما في ذلك ادوات المبانى وتفرض مقابل ذلك غرامة تتراوح بين 10 % الى 20% من القيمة الجمركية وذلك بالإضافة للرسوم المفروضة اصلا على السلعة ..... بالنسبة للإعفاء من الرسوم للمغتربين هو اعفاء مشروط بأن يكون المغترب قد عاد نهائيا للبلاد بعد الغاء اقامته ويكون قد اكمل ثلاثة سنوات اغتراب على الأقل وقام بتسديد كل التزاماته الضريبية بابراز خلو طرف والامتعة المعفاة محددة وتجدونها في موقع الجمارك ويمكن البحث في قوقل بكتابة الجمارك السودانية وهنالك اعفاء جزئي للمغتربين لا يشترط فيه انتهاء فترة الاغتراب فقط للأمتعة الشخصية....وعن السيارات لا يوجد اعفاء منها مطلقا للمغتربين وانما استثناء من شرط الموديل علي ان لا يتعدي الموديل ثلاثة سنوات يعنى دي سنة 2014 مسموح حتى سنة 2010 وهذا ما لايتاح لأي مواطن آخر .... والأعفاء فقط للدبلوماسيين السودانيين الذين اكملو فترتهم خارج السودان وفق شروط محددة وطبعا الدبلوماسيين الأجانب العاملين بالسودان بضوابط محددة وصارمة ....
أما عن سؤالك يا دكتورة ارجو مدي بكشف دقيق عن الأشياء التى انتى بصدد استيرادها شاملة النوع والمقاسات والكميات حتى اتمكن من الرد عليك بالنجيضة ...
ان شئتى علي الايميل ayoooby@hotmail com .....
أو لو كانت رغبتك الفائدة للجميع ضمن هذا البوست
وتحياتي للجميع

من الايميل تجربة مشجعة

Quote: بتي لإدخال مواد بناء (تشطيب) ليها تقريبا سنتين وللتحديد قبل الزيادات الاخيرة في ما يسمي بالدولار الجمركي وحقيقي كانت ممتازة جدا وكانت تعادل التعب التعبتو فيها تقريبا وبصورة عامة كنت شحنت 400 م م سراميك|بورسلان ادوات صحية واطقم حمامات حتي المواسير للصرف الصحي والمياه شبابيك ابواب زايدا كل ما يلزم الانارة تقريبا الحاجات دي اتشحنت في 66% من حاوية 40 قدم والتكلفة كانت في حدود 10 الف ريال للشحن لسوبا الخ...الخ يعني ضريبة مضافة وضريبة ضرب وضريبة طرح...الخ...الخ مع حوالي 10 مليون جمارك دلوقتي من تجربة اخ معي هنا شحن هذا الصيف لقي انو الحكاية غالية جدا حسب تقيمو ليها وما اداني تفاصيل الحاجة الوحيدة الفهمتا منو انو كان ممكن يشتري الحاجات دي بنفس السعر من السودان دون تعب وان كان انا ما بتفق معاهو في كده لانو عن تجربة مستوي الجودة للمواد في السودان متدني جدا ويا دكتورة حقيقي القرار صعب لكن ده بيعود للشخص وتقديراتو التجربة بتاعت أي زول سوداني في المواضيع المتشابه الزي دي بتكون فريدة وما بتكرر لشخص تاني فربنا يعينك علي نقتنا الكتيرة واخيرا يادكتورة امنيتي انك توصلي للقرار الصاح سواء كان بالشراء من السودان او خارجه وربنا يوفقك نصيحة اخيرة ومعليش النصائح في سوداننا ده دايما كتيرة اذا قررتني تشحني المواد للسودان ومن اجل ان تقللي الجمارك ارفقي الخرط المصدقة للبناء مع اورنيك التخليص الجمركي. ده بيساعد مع الدفرة طبعا بمعني انو تكوني بتعرفي زول في الجمارك تحياتي يا دكتورة واتمني لك التوفيق الامين لعوته

سلامات يا صلاح
عامل كيف
شكرا ليك كثيرا على المداحلة ان شاء الله ساقوم بكتابة كل الاححتياجات وارسالها لك قريبا
لو حليت لينا رقم تلفون يكون كويس كمان

مع الاحترام

سلامات محمد محمود
شكرا ليك للمشاركة الهامة جدا
ان شاء الله استفبد منها انا وغيري
شركة ميشة ممكن تدينا وصف ليه دقيق مع المودة والاحترام

سلامات يا الشفيع يعني دفعت43 مليون للحاوية
من تجربتك هل هذا الملبغ كبير؟ وهل كان افضل لك الشراء من الداخل؟

وهل استخدمت 20 قدم ام 40 قدم؟

مع المودة

سلامات يا سليمان


شكرا ليك كثيرا على المشاركة المفيدة

ممكن اعرف االموقع الجغرافي للشركات دي

مودتي

سلامات يا مجيدو
سعيدة بمشاركتك

هل ممكن ترسل لي صور اكون شاكرة للغاية


مودتي

يا دكتوره .... سلام ...

والله العماره انا بعتها .. وما عندي صور حاليا
بس اتصلت بالمشتري وطلبت منه تصويرها وارسالها لي
وحال استلامها .. سوف ارسلها لك ..

يا شيخه خُتي الرحمن في قلبك ..
وامشي اشتري من هناك ... و اي حاجه موجوده وباسعار معقوله ...
ولو عندك واحد هناك بعرف السوق وله نفوذ ... بساعدك شديد ...

تحياتي ...

Quote: ...Mohammed Elsadig Ahmed · ‏‎Sales‎‏ في ‏‎International Company for Furniture‎‏ الطرابيد إتلمو غايتو الله يعينا في القرف النحنا فيهو دا الواحد يخش يستفيد من موضوع البوست يجوك الهبل والعبطاء ديل يتلمو خلاص صفقنا ليكم إنت ناس ختيرين ومعارضين لايشق لكم غبار حلو عن سما البوستات المفيدة ياخ رد · أعجبني · متابعة المنشور · منذ ‏18‏ ساعة

سلامات يا محمد
شكرا ليك وانت ترفض العبط في شكل نضال

احترامي

Quote: ustafa Rabie Tafoushy السلام عليكم د. نجاة نعم توجد جمارك علي مواد البناء والتشطيب أما إن كانت للاستعمال الشخصي فالجمارك ستكون أقل .. المواد المذكورة : الأبواب عليها 48and#1642; - البلاط 48and#1642; - الأدوات الصحية بدون جمارك

سلامت يا مصطفى
طيب النسب دي بتطلع من فاتورة الشراء موش؟

مع التحية

Quote: m · الأكثر تعليقا · ‏محاسب‏ في ‏محاسب بالسعودية‏ والله انا اختلف مع الدكتورة 180 درجة لكن يبقى الاحترام مايقوم به البعض هنا مخجل ؛ الاعفاء للمغتربين مع العودة النهائية على حسب علمي من غير تجربة طبعا رد · أعجبني · متابعة المنشور · منذ ‏19‏ ساعة

شكرا يا امين
لو قريتني صاح ما بتلقى نفسك مختلف معاي حتلقانا في نفس الحلقة ضد امثال الطوربيد ومع الشعب والوطن

يا مجيدو مع إحترامنا لرأيك ..
لكن ما ملاحظ إنك ما أديتنا أي مقارنات ..؟ يعني إنت بتقول إنو أفضل ليها تشتري من السودان ...بس ما وريتنا إنك بنيت على شنو ..
يعني كل الناس متفقين إنو النوعيات الموجودة في السودان رديئة ... وغالية ...
وإنك لو جبت من برة بتكون رخيصة وجيدة ..
إنت بتقول كل شيئ موجود وبسعر معقول ... معقول مقارنة بشنو ؟
سؤال تاني :
رأيك ده بيكون هو نفسو لو كان المبنى أكبر من كده ؟ أربعة طوابق مثلا؟

تشكر مقدماً

والله من شفت صورة مجيدو بتاعت الملفحة وخاتم ترباس دا ورفع الايدين بلا سبب .. وجات عليها قصة تشطيب التلاتة شقق في شهر وعمارتي اتذكرت دعاء السيدة اسيا مراة فرعون القالت فيهو ربي ابني لي عندك بيتا في الجنة .. ونجنا من ناس البوبار

Quote: والله من شفت صورة مجيدو بتاعت الملفحة وخاتم ترباس دا ورفع الايدين بلا سبب .. وجات عليها قصة تشطيب التلاتة شقق في شهر وعمارتي اتذكرت دعاء السيدة اسيا مراة فرعون القالت فيهو ربي ابني لي عندك بيتا في الجنة .. ونجنا من ناس البوبار

اساسي .... ما تخفف في دمك كتير .... بعدين تجيك انيميا حاااده...
طيب وكت انتا بتعرف كلام امراءة فرعون .. وبتفهم في الدين ....
ما سمعتا ( واما بنعمة ربك فحدث ) ..
بعدين ..عيب ياااخ ... كلمة بوبار دي بستعملوها الحريم في جلساتهن ....
والظاهر عليك ما شفت خيرفي حياتك .... وشايف الحاجات دي غريبه
وعشان اوريك البوبار كويس .. عندي عمارة تانيه ... بس اوع تجيك جلطه ؟؟؟ .....
اتا قايلني .. موظف صغيروني زيك ولا شنووو ....؟؟؟؟
اها نجي لموضوع الصوره الرافع يديني فيها دي.. بلا سبب ... حسب كلامك ...
والمفروض ما ابرر ليك .. لاكيين نقول شنو على الناس العندها نفسيات دي ...
الصوره دي كانت في مناسبة زواج ولدي .. وكنتا مبسوط .. ومبتهج ... ( وين البوبار هنا ؟؟؟ )

يا اساسي ياااخ .. بطل حركاات .... وما تظهر على حسابي .....
وكلام د. بيان صااح لما قالت .... العوير دا الا يزرعووووووو ؟؟؟؟؟

سلام
تكملي وتتهني فيه

الادوات الصحية والكهربائيه .. من بره افضل حتى لو لمبه صغيرة
السوق هنا ملئ ببضائع صينية وتقليد عادي ممكن تباع لك على
اساس انها ايطالي ..

Quote: يا مجيدو مع إحترامنا لرأيك .. لكن ما ملاحظ إنك ما أديتنا أي مقارنات ..؟ يعني إنت بتقول إنو أفضل ليها تشتري من السودان ...بس ما وريتنا إنك بنيت على شنو .. يعني كل الناس متفقين إنو النوعيات الموجودة في السودان رديئة ... وغالية ... وإنك لو جبت من برة بتكون رخيصة وجيدة .. إنت بتقول كل شيئ موجود وبسعر معقول ... معقول مقارنة بشنو ؟ سؤال تاني : رأيك ده بيكون هو نفسو لو كان المبنى أكبر من كده ؟ أربعة طوابق مثلا؟ تشكر مقدماً

الاخ عثمان .... السلام عليكم ...

انا طلبت من المقاول حقي كشف بالمواد التي يحتاجها للبناء
( ما حاقول عمارة عشان اساسي ما يتعقد ) وهي ثلاث طوابق ... وبها 6 شقق ...
ثم حولت هذا الكشف الى احد الاصدقاء وله محل في سوق السجانه وعمل لي تسعيره مفصله على كل بند .... وارسلها لي .
اخدت التسعيره وقارنتها بسوق الدمام بالسعوديه ... لقيت الاسعار قريبه من اسعار السودان ...
طبعا وضعت حساب سعر الصرف والشحن والجمارك ...... لقيت ماافي فرق كبير ... ولا التلتله ...
وبعدين ... توجد ادوات في السوق غير صينيه .... وايضا اسعارها معقوله ....

وممكن د. بيان تعمل نفس الشي .... تحدد ما هي المواد ؟؟ ..
وتجيب تسعيره من السودان ..( وانا ممكن اساعدها )
وبعدين تقارنها باسعارماليزيا .. + الشحن والجمارك ....
ثم تحدد ايهما الاصلح لها ....

تحياتي ...

ما تعرض له اساسي في هذا البوست امر بالغ الخطورة ومرمطة تستحق ان يراجع اساسي نفسه فيها

صراحة اساسي غلطان وشليق
لكن مجيدو او ايا كان اسمه كتر الضرب عليه واظنه الان يلعق جراحه

والله يا دكتورة الجماركـ دي ما بقدر أفتيكـ فيها
لكن لو قررت تشتري من السودان أبعدي و من سوق السجانة ده ..
أنا زول أهلي مسيطيرين على السوق ده تقريباً بما فيهم أخوي يمتلكـ محل هناكـ
لكن أسعارهم مبالغ فيها
أخوي ده مرة في إجازتي الفاتت زعلان من الولد الشغال معاهو عشان باع ليهو لفة ورق حائط بـ 85 ألف و عمل معاهو مشكلة
سألتو رأس مالها كم اللفة دي ؟ قال لي 30 ألف !!!!
أخوي التاني بحكي لي قال كانو عايزين ليهم رأس درل تقريباً أو ما متذكر الحاجة بالضبط
المهم إنو الحاجة دي لقوها في السجانة بـ 400 ألف و أشتروها من أم درمان بـ 60 ألف !!!!
أو أنت للضمان كده شوفي ناذر الخليفة .. زول كويس و صادق و بديكـ النجيضة في مسألة الأسعار دي

صدق أخونا خالد عبد الله محمود

Quote: أبعدي و من سوق السجانة

السجانة لع وألف لع

زولا راجع قبل أسبوع من السودان ولفيت معظم دكاكين السجانة (سعر عالي وبضاعة اي كلام) .... وبعد ذلك مشيت لشركة رأس الخيمة في شارع عبيد ختم بعد مستشفى رويال كير (السعر عالي) وشركة آخرى في بداية شارع عبيد ختم من جهة شارع المينا البري ... ايضا الاسعار عالية .....

المهم مشيت لشركة سالومي في شرق النيل تقع على شارع القذافي في حي النصر بعد صينية كبري المنشية الحمد لله حصلت الحمامات والبلاط صناعة جيدة وسعر أقل ... مثال (طقم الحمام بي 1750ج) وتوصيل حتى البيت (بعد المراجعة وجدنا اغطية المقاعد غير موجودة راجعناهم ادونا ليهم) حتى طريقة العرض جميلة وكل شغلهم عالمي

اما بخصوص الابواب والشبابيك .... شركة تفتح على محطة أبو حمامة شغلهم جيد وسعر مناسب

المهم في شغلانة التشطيب بالذات الحمامات (السباااااااااااااااااااااااااااااااااااك) اذا السباك ما حريف وزولا متغن لي عملو .... حتعيد التركيب مرة تانية وتبدى في مشالك التسريب وفك البلاط وتصليح التوصيلات .... من البداية السباك النجيض (( سباكنا زينة انتظرناهو لمن خلص شغلو في مدني وجاءنا )


وربنا يتم عمل الخير يا دكتورة وبيت سعيد

Quote: شكرا ليك كثيرا على المداحلة ان شاء الله ساقوم بكتابة كل الاححتياجات وارسالها لك قريبا لو حليت لينا رقم تلفون يكون كويس كمان

جدا يا دكتورة وبكل سرور تجدى تلفوناتى اسفل هذه المداخلة وانشاء الله اجتهد فى الاجابة على كل استفساراتك ولن ابخل عليك بأي نصيحة فى مجال عملى ...

00249917383333
00249999239997
00249126010000

سلامات يا اساسي

انا فتحت البوست دا طلبت تجارب الناس لاني مجهجهة جدا بين المقترحات البدوني ليها
ورد لي الاخ الكريم مجيدو ساردا تجربته ولا ارى اي بوبار ويا ليتك ما استخدمت الكلمة دي
لانها ما جميلة في حقك اولا..
مع احترامي

سلامات يا خال فاطمة

ممكن لوعندك تلفونات للشركات دي نحنا ناس ضهاري ساي


سباكك دا ممكن تدينا ليه رقم لانه اي زول قالي السبااكة في السودان مصيبة كبيرة

مودتي

سلامات يا خالد

اناس كتار قالو لي السجانة قطع يد

شكرا ليك للنصائح وحنختها في الاعتبار
مودتي

سلامات يا عثمان

الناس النصحتني اشتري من جوة لانه فقط طابق واحد و200 متر قالو ما يستحق التلتلة

نتمنى مجيدو يرد عليك عشان نستفيد من المقارنات
بالجد تائهين وما عارفين ناخد بياتو راي
مع التحية

To: [email protected]
Himaid, Elhassan Fouad Amin
السلام عليكم ورحمة الله

بخصوص الموضوع المنشور في سودانيزأون لاين (ما عندي عضوية) خبرتي كانت تشطيب عمارة 6 شقق وفيلا 3 طوابق، وأختصرها لك في المافي شي يسوى التعب لكن فقط نظرا للجودة أنصح بخلاطات (الحنفيات) للحمامات للمطبخ، ولاحواض الغسيل وكذلك النجف والأشياء المرتبطة بالديكور وكلهت تجيبيها معاك صحبة راكب، أما الباقي متوفر في السودان بخيارات معقولة وأسعار نسبيا مقبولة مقارنة بتكلفة إحضارها من ماليزيا



أتمنى لك التوفيق

يا حليلك الجمارك .........يادكتورة تانى قولى الجمارك ...............................!!

Quote: يا ناس الجمارك

Quote: يا حليلك الجمارك .........يادكتورة تانى قولى الجمارك ...............................!!

سلام ما فهمت يا الدومة ممكن تشرح لينا..

تحياتي وسلامات أختنا العزيزة د. نجاة وضيوفها الكرام

تابعت هذا البوست منذ بدايته
به إضاءات جيدة ،
لكني أراها قد زادت حيرتك ولا عجب فالكل هنا أراد تقديم نصيحة وتلك النصيحة مرتبطة بتجربته الشخصية

دعيني أحدثك إذاً من زاوبة مختلفة ....
زاوية التخصص المهني ومن خلال تجارب مباشرة وغير مباشرة كنت طرفاً فيها خدمة لأصدقاء وأقارب وزملاء مهنة

أولاً
مواد التشطيب ذات السمعة الجيدة كلها أوربية المنشأ مثلاً خلاطات المياه ( قروهى ... ألمانية ) و مواسير توصيلات المياه وإكسسواراتها ( PPR ... ألمانية ) ، مضخات المياه ( إيطالية .... إسبانية ) ، أطقم الحمات ( إنجليزية ، ...... ) وهكذا تكون كل أنواع مواد التشطيب .....
مواد التشطيب الأصلية هذه غير موجودة في السودان .... ربما تكون بعض الماركات موجودة على البضائع لكنها صينية ( أو أى دولة أخرى ) لكنها ليست بلد المنشأ الأصلي
ثانياً
95% من مواد التشطيب الموجودة في السودان ( صينية المنشأ ) ... نعم الصين دولة كبيرة في الصناعة لكن المنتجات الصينية التي تأتي للسودان هو أقل درجات الجودة الموجودة في الصين حتى أن أهل الصين أطلقوا عليها الـ Sudanese Standards سوف أرفق لك أدناه رابط بوست تكلمت فيه عن هذا الموضوع ، غير هذا فهى محدودة الخيارات
ثالثاً
في مجال الإنشاءات الهندسية هناك عامل أساسي يجب التأكد منه وتحقيقه وهو ( إستدامة الخدمات ) وتسمى الـ Durability إذ ليس من المقبول أن نقوم بتركيب خلاط مثلاً لنفاجأ بتعطله بعد شهر أو إثنين ونبدأ في رحلة البحث عن سباك لتصليحه أو إستبداله .
هذا العامل مرتبط إرتباطاً أساسياً بنوعية المادة وكفاءة الفني الذي قام بالتركيب
رابعاً
قرار الشراء من الداخل أم الشراء من الخارج يعتمد بصورة أساسية على مكان إقامة الشخص الراغب في الشراء وكذلك كميات المواد المراد شراؤها وظروف إجازته ووجود شخص ثقة يتابع إجراءات الإستلام نيابة عنه
خامساً
العامل الأساسي في موضوع الجمارك هو التوفيق الإلهي لا أكثر ولا أقل... التوفيق الإلهي أن تكون بضاعتك أمام ضابط يخاف الله والتوفيق الإلهي أن توفقي في الوصول لـ ( مخلص جمركي ) يعرف العمل وخفاياه ويمتاز بعلاقات جيدة مع ضباط الجمارك العاملين

بالنسبة لحالتك فإنني أنصح بالشراء من الخارج للأسباب التالية
- تضمنين جودة عالية حيث البضائع الأصلية متاحة
- تختارين ما يناسب ذوقك حيث كل الخيارات متاحة
- مهما كانت الكمية ومهما كانت تقديرات الجمارك والتخليص فإن سعر البضاعة القادمة من الخارج يكون أفضل من البضائع داخل السودان إذا حسبنا عوامل الجودة والإستدامة
- بزيادة الكمية يزداد التوفير لأن تقديرات الجمارك والتخليص لا تتناسب بصورة طردية مباشرة مع الكميات
- لو ظروفك بتسمح يمكن أن تكون تشمل الحاوية إضافة لمواد التشطيب مواد الأثاث من غرف نوم وجلوس ومكيفات وخلافه وبذلك تقفلين الملف نهائياً


_______________

رابط ذي صلة

جمهورية السودان ( الصينية )

د. بيان ربنا يوفقك

Quote: ممكن لوعندك تلفونات

دا تلفون ... الأخ / راشد تنفيذي مبيعات في شركة كاولين - سالومي شرق النيل 00249154886845

اما بخصوص أخونا وليد السباك لمن تبقي عليه برسل ليك تلفونو


--------------

هسي ما شي احول مبلغ لشراء باقي الحمامات والبانيو والاحواض للطابق التاني من شركة كالوين

وزي ما قال ليك اخونا عاطف عمر ... الصيني ما تعايني ليو نهائي شوفي ( التركي الاسباني الانجليزي المصري) كلو متوفر

بس اهم شي في الشراء في حاجة اسمها فرز أول وفرز تاني ... اقعي الفرز الأول يعني صناعة رقم (1) .... الفرز الأول زي عصر السمسم بديك زيت في العصره الأولى زيت عالي الجودة زيت أخضر ... وفي العصرة التانية قليل الجودة ولونو زي زيت الملاح (ههههه)

واوصيك عند الشراء لازم السباك يكون معاك لديه خبرة في الشراء

والبيت من طوبة ربنا بيتمو

سلام يا دكتورة وسلام للضيوف ..

أنا بستغرب من التاس القاعدة تهاجم سوق السجانة وتصف بضائعه بالرديئة والغير جيدة ..!! هل الكلام دا عن تجربة ولا سماع ؟!!

وزي ما الباشمهندس عاطف عمر اتكلم من ناحية فنية بحجم عملو وزي ما صلاح الفاضل اتكلم عن الجمارك بحكم عملو فيها . أنا داير اتكلم عن سوق السجانة
بحكم عملي وصاحب شركة تعد من اقدم وأعرق الشركات بالسوق منذ الخمسينات والتي اسسها جدي لأبي رحمهما الله ..!

سوق السجانة يا شباب ممكن أصرح غير جازم واقول انو 80 في المية من منازل السودانيين إتبنت من السوق دا سواء في أساساتو الأولية من سيخ وأسمنت أو في تشطيباتو النهائية من مواد كهرباء وسباكة وغيرها ..

سوق السجانة كان ولا زال بصورة نسبية هو المغذي الرئيسي لاسواق مدن الولايات الأخرى بالمواد المختلفة وبه شركات ومكاتب شركات مصانع كبرى ..

سوق السجانة به الجيد وبه المتوسط الجودة يعني يلبي كل الأذواق .. ودا لأنو الموردين اعتادوا يوردوا مواد على حسب مواسم السوق .. جا مثلا موسم عودة المغتربين في الاجازات الموردين بيجيبوا البضاعة الكويسة ويعرضوها .. السوق كمان لو كان في حالة ركود زي الحاصل اليومين ديل وما في قوة شرائية وما في زول داير يصرف قروش كتيرة على البنيان بيوردوا بضائع متوسطة الجودة ...

يعني في سوق السجانة دا ممكن تلقى لفة لسك كهرباء بي 130 وجمبها لفة تانية بي 230 وجمبها كمان بي 400 !!

الناس مستواها ومقدرتا المادية ما واحدة .. بعدين ما في حاجة اسمها بضاعة رديئة .. بنسميها منخفضة الجودة .. لأنو أساسا لو في بضائع رديئة للدرجة دي المورد ما بيجازف يجيبا عشان ما يتعرض للخسارة ..

أنا بنيت وشطبت بيوت كتيرة في السودان وشفت الفرق بين الناس البتجيب تشطيبات من برة والناس البتشتري من هنا وما لقيت زول صراحة شكر البضائع البيجيبا من برة ودايما بنلقى فيها اشكالات وتكون في جزء منها ناقصة واجزاء تانية كتيرة لمن ما تعرف توديها وين ..! دا بالنسبة للناس الشغلها بسيط زي طابق واحد او منزل صغير ..

التشطيب أساسا عبارة عن حوجات مرحلة . يعني الكهربائي يقول ليك جيب لي 80 كوبس و50 بلك 1 خط و20 2 خط وهكذا .. ممكن لمن تجيبم ليهو يحصل تغيير في ذوق صاحب العمل زاتو .. يقوم مثلا يقول . لا لا أنا هنا داير بلك واحد .. وهناك اللمبة دي مفروض تفتح بي البلك الفلاني مش العلاني ..

دا حالتو لو اشتراهم من هنا .. اما لو جابم من برة والبلكات دي نقصت 5 بلكات وهنا ما في زيهم .. تخيل مقدار التعب وتعطيل العمل عشان بس يلقى فرصة يرسل النواقص !!

دا مثال بسيط انا اتعرضت ليو بحكم التجربة ..

الخلاصة يا دكتورة .. طابق واحد ما بيستحق تعب وعناء شحن مواد من الخارج .. وتأكدي السوق هنا فيهو كل المتطلبات وأبدا ما أغلى من برة بعد حساب الجمارك والتعب والتكاليف الغالية للعمالة والترحيل والشحن وخلافو ..

إتوكلي وشطبي من هنا وإنشاء الله لو ربنا هون وأداك لي قدام عمارة من 5 طوابق دايرة تشطيب حا أقول ليك وبي كل ثقة امشي الصين أو دبي واشحني 5 أو ستة حاويات للتشطيبات لأنو كدا الحسابات بتفرق ..

up

رغم انه لا طوبة لنا و لا سيراميك فى الامر ..
بس نساهم برفع البوست ..
و ده اضعف الايمان

رغم انه لا طوبة لنا و لا سيراميك فى الامر ..
بس نساهم برفع البوست ..
و ده اضعف الايمان

هذه الانسة هما كلها في تشطيب بيتها
الناس في شنو واهلنا الشبعوا من اموال اليتامي والبترول البطلع من بلدا ناسوا ماشين عريانين وما لاقين موية يشروبها واموالهم الناس عايزة تشطب بيها عمارات
ولما يسالوهم يقولوا جبناها بعرقنا لكن في الحقيقة اولاد البترول البدرسوا في ماليزيا هم البدفعوا الاتعاب يعني من نهايتها كدا اموال الغلابة وحتي لو تعددت الطرق والمكاسب
شوف الناس ديل بفكروا في شنوا !!!!!!!!!!!!!!!!!!!!
اللهم احفظ نفطنا في باطن الارض

لقمان انت العوير دا الا يزعوا؟!!
تدوير الاكاذيب ما بخليها حقيقة
بالجد حليل الرجال البعارضو

د. بيان .. وضيوفك الكرام .... السلام عليكم

ارفق لك مقطع فيديو يظهر التشطيب الداخلي ...
وجميع المواد مشتراه من داخل الخرطوم ....
ارجو ان ينال اعجابك .....

تحياتي ,,,,

Quote: ارفق لك مقطع فيديو يظهر التشطيب الداخلي ... وجميع المواد مشتراه من داخل الخرطوم .... ارجو ان ينال اعجابك ..... تحياتي ,,,,

مجيدو ربنا يذيدك من فضلو

أنت البيت دا معروض للبيع
لانو في بيت بشبهو قابلني في أعلان ومحدد المبلغ أحاول أفتش الرابط

د. نجاة ربنا يوفقك ياريت لو في يدنا شي نقدر نقدمو

مجيدو الهبنقة نهارك سعيد انت وخاتمك

اها كنت متأكد انك زول سطحي جدا من حاجاتك الوصفتها فيك ديك .. شايفك بلا وعي بتهددني شبكتني خاف علي اكل عيشك او نحو ذلك قبل ما تعدل مداخلتك وتظهر فيها باقي سطحيتك .. والله يا مجيدو النصيحة ما كنت محتاج لتعديل المداخلة عشان تظهر كل السطحية الجواك ... من البداية كانت ظاااهرة .. المهم يا خال
انت لو بتفهم كويس كلامي من البداية كان انه ماف زول محتاج يعرف املاكك وارزاقك الوهبها ليك الله .. يعني المسألة ما شطارة منك لو نططتا .. دي ارزاق بسطرها الله في سماهو وبوزعها بمعرفتو .. يعني ما حرفنة منك ولا حاجة بقشرو بيها ويتبوبرو بيها .. ما بعملوا كدا الا الناس السطحيين الظلنطحيين البعتقدوا انه المسألة دي اجتهاد شخصي وحرفنة .. ودا ظهر جليا في ردك المافي فرق بينه وبين رد اي مراة قاعدة في زواج وبتكشكش في غويشاتها وترفع في يدها بي سبب وبدون سبب .. ياخ قول عندك ناطحة سحاب وكنت شغال مدير البنك الدولي ..سو واط حنستفيد شنو ولا حيحسدوك علي شنو ... ما بينا حمار ميت انحنا ولا ورثة ولا بنعرفك زاتو ولا نسعي لذلك زاتو .. بس لكن العوارة بتعمل حيرقان وما بنقدر نمررها
اها بالله في عرس ولدك وديتو الشيلة كم كم ؟ ... والشعيرية وديت قندران ولا زت واي ؟

بالمناسبة انا جايك تاني لسع ما بدينا
بس قلت اقول ليك انا مشغول شوية لكن راجع ليك

يا اساسي يا صديق

أعرض عن هذا خصمتك بمعزة من تعز...فالرجل مشطب ليك العمارة ....بلون المريخ
والمريخ لعب مع بايرن ميونخ واصبح عالميا....فخليك مشجع عالمي ولا عليك من
خاتم مجيدو....الربنا بريدو....ويزيدو من فضله كمان وكمان...

يا دكتورة اسمعي كلام ناذر دا ولن تندمي ولن تصابي بسكري ولا ضغط
بعد ان تقفلي باب ناس الجمارك ديل خالص.

د. بيان

اسمحي لي انسحب من بوستيك هذا بعد ما الحكاية جابت ليها صعلقه وقلة ادب ....

اصلي ود ناس ومتربي .....

تحياتي ,,,

Quote: اسمحي لي انسحب من بوستيك هذا بعد ما الحكاية جابت ليها صعلقه وقلة ادب ....

ده اياهو البقولو عليهو انسحاب تكتيكى ؟

بدري يا خال ... انا لسع ما رديت عليك انا رديت علي جزء من مداخلتك الاولي
لكن راجع ليك تاني باذن الله ... يا راعي الشعيرية
عليك دينك يا مجيدو الشيلة وديتوها كم كم ؟

...يا ابو النيز مشتاقين يعلم الله

كل القصة انه طلبت من ربنا ان يبني لي بيت في الجنة القصة دي اكلت مع مجيدو وقال لي بقطع رزقك ... المسكين ما عارف انه الارزاق دي حقت ربنا
ياخي الزول دا من سطحيته بضحك في كوني موظف صغير او عامل يومية
دا يناقشوهو كيف عمو هبنقة دا ؟

اساسي ... يا نفسيات ...

ما تفتكر انا انسحبت من البوست دا ... خائف منك ..
بالعكس .. انا خائف من نفسي انزلق واجاريك في قلة الادب ...
وبعدين نبقى متساوين ... ودي ما برضاها على نفسي ....
ثم لا تنسى انو اسهل حاجة الواحد يتخفى وراء الكي بورد
ويقل في ادبو زي ما عاوز.. وينبز خلق الله قدر ما الله يقدرو ...
والحكاية دي بتكون مترسبه في حياتو وتعكس التربية والنشأه حقتو..
عشان كدا .. يا زول ... الله يسهلها عليك ....
وتاكد انو ما حاجاريك ولا حارد عليك بعد دا ..... عشان ما تفرح ...
لاني زي ما قلت ليك ... مؤدب ....وود ناس .. ومن اسرة كريمه
اها اخليك تاخد راحتك بالكامل ....
واوصيك ما تقصر في اختيار الالفاظ الماكنه التقيله ...
عشان الناس تصفق ليك بحراره ....
وانا في النهايه ......ما عااافي ليك......

رغم عن اختلافي مع اساسي ايدلوجيا وبيننا مصادمات بوردية الا انني اشهد له بحسن تربية وادب جم واخلاق عالية..
مجيدو كلامك اسوأ من كلام اساسي ولو واصلت بي نفس الطريقة فكانك قاعد تناقض اقوالك مع افعالك..

Quote: لاني زي ما قلت ليك ... مؤدب ....وود ناس .. ومن اسرة كريمه

لا اشكك يا مجيدو فى ماذهبت اليه .. فقط خلى الناس هى التقول عليك كدا ..

أساسى أيضا تنطبق عليه اوصاف المقتبس اعلاه بعد أضافة صفتى الاحترام وممارسة الرياضة الصباحية ..

دكتورة نجاة ..
ال لوكال ماركت فيه أية شىء وبى أية جودة .. المحك الكميات .. لانو كميتك بسيطة احسن ليكى تشترى من السودان ..
ده عن تجربة وممارسة ...
وناذر مفيد للغاية فى الموضوع ده .. حتى لو ما لقيتى عندو الشىء العاوزاهو بالتحديد بيوريكى وييين ..

تحياتى ..

يا مجيدو غشوك والله لو قالوا ليك البتعمل فيهو دا تربية كويسة .. الناس ديل ما تعبوا فيك كفاية واعتمدوا علي انه الحصل ليك دا حاجة كويسة .. لكن نقول شنو دي قدرتهم ودا انت وطبعك يعملوا فيك شنو ؟
لكن لو ختيت الرحمن في قلبك وقعدت لينا في الـواطـة دي بنرمم ليك كل الشروخ الجواك .. وليك علي اتعب معاك لحدي ما تطلع انسان جديد صالح للتواجد في مجتمعات عامة .. وقبل دا كله تاخد ليك دروس مجانية في الكلام عشان لما تفتح خشمك وتتكلم تاني تطلع جمل مرتبة ومحترمة ومفيدة ما زي الجمل الاستعراضية الخاوية المضمون البتتجشأ بيها قدامنا دي .. ولو شايف روحك كبرت علي الحكاية دي انصحك انك تقعد تقرأ هنا وتتعلم من الحولك في المنبر دا .. دي فرصة كبيرة جاتك في مرحلة عمرية متقدمة لكن لو محلك مفروض تستغلها تماما وتستفيد منها وتقعد تتعلم من الناس الحولك مافي زول كبير علي التعلم.. لانه واضح انه تجربتك الحياتية كانت ما مفيدة ابدا وانه الحولك من الناس كانوا سطحيين جدا عشان كدا كنت انعكاس واقعي ليهم ...

طيب وقت طنشت الشعيرية .. المهر الوديتو كان كم .؟
شايف انا بديك فرص استعراضية بتلائمك مفروض تستغلها .. ياخ دا باب كبير للقشرات ... استثمره


ــــــــــــــــــ

بعدين ياخ مافي زول خايف بيقول انه خايف .. الخوف دا حاجة ظااااهرة ما بتدسا

سلامات
سؤال بسيط جدا ما كنت متخيلة انه سيؤدي الى كل هذا الحريق
شكرا لكم جميعاساطالب بسحب البوست بعد ان ادى غرضه بالنسبة لي
واعتذر للاخ مجيدو عن ان اريحيته في مساعدتي عرضته لما لا يستحق

مجيدو
جانبك الصواب نتفق ونختلف معي أساسي
بس يفضل أساسي أنسان مهذب وملتزم ومن أسرة محترمة

يا بيان مافي زول سالك وجاب سيرتك

انت فتحتي بوست عن موضوع وطلب معين ..والناس هنا العندها معرفة ادتك وجهات نظرها

باقي كلام الناس هنا ما بخصك كل زول مسؤل من مشاركته .. فمافي داعي لوصايتك علي مجيدو ... مجيدو زول كبير وراجل بالغ ومكلف ومسؤل من كلامه ومشاركاته وما قد تجلبه له من ردود علي مشاركاته

فشنو بطلي الوصاية علي مجيدو مع انه النصيحة لله محتاج وصاية وتاهيل

ـــــــــ
لا عليكم يا شباب عمر وشاشلي وسيد احمد
مجيدو زول طيبان وياهو بتعلم شوية شوية

يا مجيدو

تصدق محمد يوسف الزين دا من اعز الاعزاء علي وعشان تلفونه القبل شوية دا وعشان معزته عندي وعشان برضو قال لي انت صاحب اصحابي ناس ود الزبير واهل الهوم وعشان كل الناس الحلوين ديل وصورتك مع وزير دفاعنا البنظر بقول ليك العفو يا زول

تشكر يا اسئس يا غالي

انا غايتو شهادتي في حق عمنا مجيدو بحسب معرفتي ليهو، راجل بسيط جداً. وانا متأكد بأنو جا قال كلامو بكل بساطة وشتارة وبدون اي مقصد للاستفزاز
ولو انو اتحامل على حبيبنا الماسورة اساسي


___________

بالله البورسلين المتر بقى بـ 120 جنيه!

صدق يا اساسي انا سعت اشتريت البورسلين وشطبت بيهو شقتي دا كان بـ 32 جنيه من المحاميد (معاها خاتم ترباس كدا كاااااااااااااك )

Quote: الصفصاف السراريه · الأكثر تعليقا · مدرسه البحر الاحمر الثانويه-بورتسودان هسع فى زوووول نصصيح يفتح مثل هذا البوست لو ماعنده سشفرينيا ال ايه الجماررررررك كم والطوابق كم التقول عاوووووزة تبنى عمارة فى سان فرنسيسكو دة كل هين المصيبة فى بقية الجوقة دى انا عندى عمارة بى 6 طوابق انا عندى عمارة بى 7 طوابق حولالالالالالا بوباررررررررررر اففففففففففف ناس المفرووووض يودوهم التجانى الماحى بوباررررررررررررررررررررررررر

اوووووووووواه الدكتور ولا شريكو العاطل؟
البناء في سان فرانسسكو اسهل وارخص من السودان لمعلوميتك.