الى الاستاذ على عجب

الى الاستاذ على عجب


10-02-2007, 10:49 AM


  » http://sudaneseonline.com/cgi-bin/sdb/2bb.cgi?seq=msg&board=113&msg=1201291095&rn=0


Post: #1
Title: الى الاستاذ على عجب
Author: bayan
Date: 10-02-2007, 10:49 AM

الاستاذ الكريم
سلام وتقدير في اكثر من مكان كتب العضو الوليد ابراهيم
حديثا وممهورا باسمك ..
فما هي العلاقة...
نموذج اول

Quote: الزملاء هنادى جنى كوستاوى

تحيه وانحناء

مابفهم المكتوب بالبقرأ بالقلبا ...........

يا رفاق زول يقول ليكم( سمعت من حبوبتى ) تمشوا تكتبوا ليهو دستور ومناقشة عامة
وتحضير للمؤتمر الخامس ..........

لا تطلق النار ... ( على عجب )


أنا تكفيري وجاهل كمان...

نموذج ثاني

Quote: بيان

يبدو انه الخرف المبكر او شئ من زهايمر ذاك الذى يكتبين تحت تاثيره

او العتمة والانغلاق على ذاتك والخواء ....

ثلاث طرق للعلاج

1- حاولى كل يوم قبل النوم بساعة تذكر التفاصل الدقيقة التى مرت بك
مثلا ( حكيتى راسك كم مرة ) او( كبيتى فى الشاى كم معلقة سكر )
2- الابتعاد عن الاجهاد العصبى وكل اشكال التوتر والاختباء طيلة اليوم عن
المسلمين والكفار والبوذين والهود ومن اتبع ملتهم يمكن فقط مخالطة المعتوهين
وبعض من قريش
3- تكفير اربعة نساء وثمانية رجال يوميا( فللذكر مثل حظ الانثتين )

اخيرا الجن بتداوا كعبة الاندراوا تعرفى الاندراوا ...............

لاتطلق النار ...( على عجب )

هل الشيوعي السوداني كافر ؟

مع أحترامي..

Post: #2
Title: Re: الى الاستاذ على عجب
Author: على عجب
Date: 10-02-2007, 02:19 PM
Parent: #1

استاذة بيان تحية واحترام
هذه العبارة ( لاتطلق النار )

لاادعي تسجيل ملكيتها حصريا

لكني كتبتها في بوست

في نقاش مع احد الذين خصصتهم بها.
..
ربما كان يلحقها باسمي لمزيد
من الامانة في النقل ليس الا .

مع فائق الشكر

Post: #3
Title: Re: الى الاستاذ على عجب
Author: الطاهر ساتي
Date: 10-02-2007, 02:27 PM
Parent: #1

دكتورة .........

خلاص موضوعك داك ماشي كويس ...

قطع شوط ما بطال ..

متابع

Post: #8
Title: Re: الى الاستاذ على عجب
Author: bayan
Date: 10-02-2007, 03:39 PM
Parent: #3

اخي العزيز الطاهر

هذه بشارة جميلة
لأنني توقفت عن الكتابة منذ اسبوعين
بسبب هذه المقالات
سارسل لك رقم شخص قادم آخر الشهر
لك المودة كاملة

Post: #4
Title: Re: الى الاستاذ على عجب
Author: عبد المنعم سليمان
Date: 10-02-2007, 02:52 PM
Parent: #1

استاذي وصديقي علي عجب

بعيدا عن الموضوع هل قرات ذلك الايميل ؟


___

لا تطلق النار ارجوك





* يا علي في لافتة جنب مدرسة مكتوب عليها :

خفف السرعة .. احترس لا تقتل تلميذا

جاء واحد صاحبنا زاد عليها

اقتل استاذا !!


فهمتني يا فطن


والرهيف بعيش في شكو اكتر من يقينوا

محبتي

اراك

منعم

Post: #5
Title: Re: الى الاستاذ على عجب
Author: على عجب
Date: 10-02-2007, 03:03 PM
Parent: #4

منعم
تحياتي
انا ماقريت الايميل القلتو
.

وموضوع ماتقتل طالب
الزادو ليها اقتل معلم

ذكرتني كركتير فيه زول ماسك جريدة
وبقرا في بيت شعر بقول:
ونشرب ان وردنا الماء صفوا
ويشرب غيرنا كدرا وطينا.
فقال : البيت دا قطع شك كتبو مسؤل.
....
عشان كدا انا ارجح انة اضافة اكتل معلم دي
كتبها طالب من المدرسة ذاتها.

Post: #6
Title: Re: الى الاستاذ على عجب
Author: bayan
Date: 10-02-2007, 03:31 PM
Parent: #5

الاستاذ على عجب

افهم ان هذا الشخص يعمل اقتباس لحديث قلته انت
ثم يمهره باسمك حفاظا على حقك الادبي...

الا ترى انه بحفظ حقك الادبي دون وضع علامة اقتباس
او يكتب كما قال على عجيب يدخلك في متاهة اخرى اخطر من التجاوز لحقوق المؤلف؟
هناك اكثر من شخص اعتقد انك كاتب هذا الحديث
وانك دقست وامهرته باسمك

ونسبة لمعرفتي لك من خلال اصدقاء ومن خلال البورد
ارى انك رجل محترم وجدير بالاحترام والتقدير..
وودت لفت نظرك ونظر الناس
الي الاخطاء الفادحة والجهل في عمل الاقتباسات..
قد يؤدي الى سوء الفهم...
الذي قد يؤدي الى خصومة ..

Post: #7
Title: Re: الى الاستاذ على عجب
Author: bayan
Date: 10-02-2007, 03:36 PM
Parent: #4

الامنجي عبد المنعم
لما الناس الكبار يتكلمو مع بعض احسن ما تدخل
سامع يا شاطر..
الاستاذ على عجب
كتب الامنجي عبدالمنعم

Quote: استاذي وصديقي علي عجب

صادق من هم امثالك ومستواك..
هل مررت بذلك الحديث الشريف
حامل المسك ونافخ الكير..

فهمتني يا فطن؟

Post: #9
Title: Re: الى الاستاذ على عجب
Author: عاصم ابوبكر حامد
Date: 10-02-2007, 04:37 PM
Parent: #7

الدكتورة بيان
لكى تحياتى

قبل كل شئ
انتى لم تتعاملى مع الاخ منعم اطلاقا
انا وغيرى من اصدقاء الامل تعاملنا معه ونعرفه جيدا

هذا عرفناه قدم الكثير للسودان والنجاح الباهر للاخت عواطف الصحفية (البنت الجريدة )
من الفاشر من غيرى اى سابق معرفة
ويتكرر الامر مع حملة الاخت غادة نورى والنجاح الباهر الذى وصلنا اليه وهو كان من ضمن المجموعة التى بزلت الغالى والنفيس فى هذا الامر من غيرى ان يتوقف او ان يكل او يمل اطلاقا ...

والشئ الذى يثبت بانه رجل اكثر من صادق
علاقته باكثر الرجال دايمقراطية الاستاذ حاج وراق
ولا ننسئ انه ابن عم الاستاذة المناضلة بنت الشرق امنه ضرار
وهذا يكفيه شرفا بان يكون من اكثر الناس صدقا

ليس انا هنا بصدد الدفاع عنه ولمن اعفص اللنك ده
مع خالص مودتي ومحبتي ساغيب عن المنبر


تسلمى

Post: #10
Title: Re: الى الاستاذ على عجب
Author: حاتم الياس
Date: 10-02-2007, 04:56 PM
Parent: #9

وبيان كذلك ياساده...نعرفها

حينما كن بنات السودان فى زمن ما وأسرهن يتحاشين الولوج لأبواب معهد الموسيقى والمسرح بأعتباره فى ذلك الوقت (ماشغلانه حقت بنات) بمواريث فهم متبلده تنظر بريبة للموسيقى والمسرح كانت بيان ومعها أخريات كثر يقفن أمام رأى متحجر ويختارن المسرح والموسيقى يعنى ببساطه بيان المعاكم دى تعتبر من الرائدات والطليعيات لوأنو الناس يتفتكر أنو الطليعية دى خشم بيوت حقت يسار براهو


بيان ماتزعلى من رائده دى...رائدة تمانينات يعنى ..
...

يعنى ياعلى عجب مقولاتك بقت زى حكم مجلة (المختار) الزمان...


Post: #11
Title: Re: الى الاستاذ على عجب
Author: bayan
Date: 10-02-2007, 04:56 PM
Parent: #9

تعرف يا عاصم
اي زول ممكن يتبنى اي حاجة
ويبقى اي حاجة في هذا السايبر
يبقى رجل بر واحسان ويبقى مناضل ويبقى
شاعر ويبقى ناقد ويبقى قائد
دي الشاشة الغشاشة.
لما زول يجي يخاطب امرأة لا يعرفها بامرأة لوط
او أمراة العزيز لانها مختلفة معاه فكريا
ثم يمشى خطوتين ويتهمها انها امنجية وكوزة..
ويتوقف قليلا قبل سبها
لا يهمني تاني موش لو عمل البت الجريدة
لو جان دارك قالت هو ملاكها الحارس بالنسبة لي
شخص ما ممكن يكون عنده اي قيمة..
ابطال الكرتون والشهامة المؤقتة بتاعة شوفوني
لا تجب ما قبلها..
والانسان القويم بيكون قويم في كل المواقف
لان المواقف لا تتجزأ

فانا يا ولدي ما ولدوني امبارح عشان اتخدع بالمظاهر..

Quote: ولا ننسئ انه ابن عم الاستاذة المناضلة بنت الشرق امنه ضرار
وهذا يكفيه شرفا بان يكون من اكثر الناس صدقا


كل حيلك التي كتبتها للاقناع من نوع جراي الكلب ولا بعيد البحر..
يعني شنو لو الزول بت عمو آمنة ضرار؟
طيب انا اخوي مستنير خلاص دي بتعملني مستنيرة؟
الرجل الصادق يعرف بخبره وصاحبك دا ما عنده المصداقية دي...
والبعرة تدل على البعير..

Post: #12
Title: Re: الى الاستاذ على عجب
Author: bayan
Date: 10-02-2007, 05:07 PM
Parent: #11

Quote: بيان ماتزعلى من رائده دى...رائدة تمانينات يعنى ..

سلام يا حاتم
شكرا لك على حديثك الطيب في حقي
ودي المحرية فيك..


والدنيا دي محن ونحن
ربنا يكفينا شرها...

وشكرا ليك..
...

Post: #13
Title: Re: الى الاستاذ على عجب
Author: عاصم ابوبكر حامد
Date: 10-02-2007, 05:17 PM
Parent: #11

دكتورة بيان
مجددا
Quote:
اي زول ممكن يتبنى اي حاجة
ويبقى اي حاجة في هذا السايبر
يبقى رجل بر واحسان ويبقى مناضل ويبقى
شاعر ويبقى ناقد ويبقى قائد
دي الشاشة الغشاشة.


هذا بالنسبة لكى انتى
ولكن منعم الذى نعرفه ليس بهذا الاسلوب اطلاقا
يعنى ممكن تكونى انتى ما دكتورة فى عالم السايبر ده برضو
اما هى شاشة للذين لا يعرفون معنى الشاشة
وغشاشة للذين يمارسون الغش واللعب على مشاعر الاخرين وسبهم
وضربهم ببعض ...

Quote: لما زول يجي يخاطب امرأة لا يعرفها بامرأة لوط
او أمراة العزيز لانها مختلفة معاه فكريا
ثم يمشى خطوتين ويتهمها انها امنجية وكوزة..
ويتوقف قليلا قبل سبها


فهذا لا اعرفه ولا دخل لى به
Quote: لا يهمني تاني موش لو عمل البت الجريدة
لو جان دارك قالت هو ملاكها الحارس بالنسبة لي
شخص ما ممكن يكون عنده اي قيمة..


اذا لم يهمك انتى فيهمنا نحن
لاننا شربنا من هذا الوطن
ونعانى كما يعانى غيرنا
فاذا لم نقف نحن معهم ..
فمن يقف معهم ...
اما قيمته لكى انتى لا يسوى شئ ولكن لنا يسوئ الكثير
Quote: ابطال الكرتون والشهامة المؤقتة بتاعة شوفوني
لا تجب ما قبلها..
والانسان القويم بيكون قويم في كل المواقف
لان المواقف لا تتجزأ


ليس شخصية كرتونية بل شخصية حقيقية مائة المائة
واتفق معكى بان المواقف لا تتجزاء

Quote: فانا يا ولدي ما ولدوني امبارح عشان اتخدع بالمظاهر..


ولم اقل ذلك اطلاقا
انتى كبيرة وواضح من اسلوبك الرائع الذى نقراءه

Post: #14
Title: Re: الى الاستاذ على عجب
Author: Elwaleed Ibrahim
Date: 11-02-2007, 08:20 AM
Parent: #13

بيان

كما قال على عجب

( لا تطلق النار )

قلت لى بالله منعم امنجى ..........

وهسى الاجازة القدم ليها من الكتابة دى يكون ماشى ماليزيا يشوف قريشاتو

ما قلنا ليكم لا تطلقوا النار

المبلولة ما بحموها الشطيف .......... الوليد ابراهيم .. كده كيف معاك

Post: #15
Title: Re: الى الاستاذ على عجب
Author: bayan
Date: 11-02-2007, 10:46 AM
Parent: #14

Quote: بيان

كما قال على عجب

( لا تطلق النار )

قلت لى بالله منعم امنجى ..........

وهسى الاجازة القدم ليها من الكتابة دى يكون ماشى ماليزيا يشوف قريشاتو

ما قلنا ليكم لا تطلقوا النار

المبلولة ما بحموها الشطيف .......... الوليد ابراهيم .. كده كيف معاك


IGNORED