Post: #1
Title: كل عيد حب لكم المحبة يا دوحة الحب..
Author: bayan
Date: 02-13-2007, 06:15 PM
Parent: #0
منذ ان ودعتكم وانا اود ان اشكركم على حسن ضيافتكم ومحبتكم في الصيف الماضي..
وشغلتنا معارك البغضاء من ابراز وجه المحبة لكم..
ولا يوجد عيد لابداء الحب من عيد الحب...
العوين اولا
الانسة ماهيتاب بركات
الانسة ساندرا بركات
الانسة سارة بركات
السيدة رندا حاتم
السيدة الدكتورة سعاد محمود
السيدة ليلي الابنوسة
السيدة هويدا
السيدة حليمة
السيدة نانا
االخالة العزيزة ام زوجة ضحية وزوجته
وكل الاخوات و البنات
والطفلات الحلوات
ايامكم مترعة بالمحبة والجمال...
مع فائق المودة والاحترام
مني ومن زاريا
|
Post: #2
Title: Re: كل عيد حب لكم المحبة يا دوحة الحب..
Author: tmbis
Date: 02-13-2007, 06:46 PM
Parent: #1
يادكتورة
والله دي فرصة سعيدة بمناسبة عيد الحب وكل الأعياد الجاية في السكة
تحية محبة لكل الأصدقاء الجميلين في الدوحة
وتحية ليك خاصة معاها شكر مغلف في ( ورق هدايا)
طبعا لحدي الآن حاجاتي ما ادوني ليها
العرسان حالفين يمين أنو ما يدوني ليها بي اخوي وأخوك 
.
.
شكرا يا دكتورة لكل الاشياء الجميلة ..
ومليون تحية ليك وللمعاك ..
|
Post: #3
Title: Re: كل عيد حب لكم المحبة يا دوحة الحب..
Author: بدر الدين الأمير
Date: 02-13-2007, 06:58 PM
Parent: #2
أم صديقتى زاريا
شكرا لنبل مشاعرك
وانت جديرة بالحب والاحترام والاختلاف
همسة: قولى لزاريا انا فى رجاء وردتى الخاصة
|
Post: #4
Title: Re: كل عيد حب لكم المحبة يا دوحة الحب..
Author: bayan
Date: 02-13-2007, 06:58 PM
Parent: #3
الاخوة الاعزاء
السيد عبدالرحمن بركات
السيد عبد الرحيم ود رملية
السيد محمد عبدالرحمن
السيد ابوبكر الامين
السيد عبدالكريم احمد الامين
السيد بدر الدين الامير
السيد محمد سليمان
السيد تاج الدين شرمة
السيد عماد عبدالله
السيد صلاح عبدالله
السيد عمر بوب
السيد ابراهيم علي
السيد ضحية ابراهيم
السيد معتز القريش
السيد معاوية الطيب
السيد هجو الاقرع
السيد عمران بابكر
السيد خليل
السيد ود العباسية
السيد عبدالجليل نادوس
السيد خطاب
السيد ابو عاقلة
السيد صديق
السيد يسري
اي منكم قدم لي الكثير عاجزة عن الشكر ودائما في محبة وعافية
ومع تحيات زاريا
يتبع
|
Post: #6
Title: Re: كل عيد حب لكم المحبة يا دوحة الحب..
Author: bayan
Date: 02-14-2007, 05:38 AM
Parent: #3
العزيز الامير
عاجزة عن الشكر بالاحتفاء والاحترام الذي اثلج صدري.
وسعدت لاني كسبت اخا وصديقا اعتز به..
زاريا تسلم عليك ودائما تتذكرك..
وقالت متمنية انها تعيش في الدوحة ..
وهي ممنونة ليك جدا..
وبتهديك ديhttp://www.sudaneseonline.com/db/attention/110_Idea.gif
|
Post: #5
Title: Re: كل عيد حب لكم المحبة يا دوحة الحب..
Author: bayan
Date: 02-14-2007, 05:32 AM
Parent: #2
Quote: شكرا يا دكتورة لكل الاشياء الجميلة ..
ومليون تحية ليك وللمعاك |
يا تمبس لك كل الاماني الجميلة وانت ترسخ قيم التآلف
والمحبة والاحترام والصدق والامانة بين الناس
رغم الاختلافات ..
اها انت متين تجينا عريسا؟
سلامي للعرسان السعدنا بوجودهم ومشو مثل لمح البصر..
|
Post: #7
Title: Re: كل عيد حب لكم المحبة يا دوحة الحب..
Author: معتز القريش
Date: 02-14-2007, 07:30 AM
Parent: #5
شكرا دكتورة بيان على هذه اللفتة الطيبة
ونسأل الله أن يديم المحبة بيننا
ونتمنى أن يجمعنا الله بكم في ساعة خير
وقولي لي بنتنا زاريا بسلم عليك عمو معتز
(الجاب ليك الميموري كارد)
على طريقة أهل العوض
رأيكم شنو في عيد الحب ؟
|
Post: #9
Title: Re: كل عيد حب لكم المحبة يا دوحة الحب..
Author: bayan
Date: 02-14-2007, 09:29 AM
Parent: #7
Quote: شكرا دكتورة بيان على هذه اللفتة الطيبة
ونسأل الله أن يديم المحبة بيننا |
اللهم آمين يا ظلامينا العزيز
وزاريا بتسلم عليك مذكرة انك الظلامي الوحيد الفي الدوحة
قالت الظلامي الوحيد اداها "ميموري كارد"
وكل عام وانت بالف خير مع من تحب..
مع تحياتي وتحايت زاريا
|
Post: #8
Title: Re: كل عيد حب لكم المحبة يا دوحة الحب..
Author: ابراهيم برسي
Date: 02-14-2007, 07:48 AM
Parent: #1
|
Post: #10
Title: Re: كل عيد حب لكم المحبة يا دوحة الحب..
Author: bayan
Date: 02-14-2007, 09:30 AM
Parent: #8
شكرا ليك يا برسي
على الصورة الفنانة
تسلم وكل سنة وانت بالف خير
|
Post: #11
Title: Re: كل عيد حب لكم المحبة يا دوحة الحب..
Author: Randa Hatim
Date: 02-14-2007, 09:37 AM
Parent: #10
يالله يا نجاة ...
كل سنة وانتى طيبه ... وياريت كل المختلفين فى وجهات النظر يفكرو فى اليوم دا ...
مهما الناس اختلفت يبقى الود والحب ...
تحياتى لى زاريا ولى كل افراد اسرتك ....
وتسلمى ان شاء الله ... ونقول ليك ... هل من عوده .. ان شاء الله
|
Post: #12
Title: Re: كل عيد حب لكم المحبة يا دوحة الحب..
Author: Emad Abdulla
Date: 02-14-2007, 10:12 AM
Parent: #11
يا نجااااااة ...
ياخ إزيك ..
و عوض , و زاريا الحلوة .. وكل ناس البيت .
و بعدين قبل ما نخش في رد المحبة بالمحبة .. | Quote: السيد عماد عبدالله |
شنو حكاية السيد دي كمان ؟؟ بكون أنا ؟ مقعّد كده و مشنّط بكلمة السيد التي تسبق حضرتنا دي ؟ .. هسه أقول شنو لناس الديم ؟ .. أقول ليهم نجاة محمود بت معهد الموسيقى و بت الديم الكانت مشوطنة ديك و عندها بنطلون جنز واحد و شعرها نفس التسريحة لغاية ما إتخرجت , أقول ليهم البت الحربية ديك بقت دكتورة ( و ظلامية بقرون ) و أنا إنقلبت ( السيد عماد ) ؟؟
( السيد حسين مرسيدس ) من يوم الجمعة الفاتت في السودان , مشى يعرس ( أجر و حسنة ) في العوين دحين أديهو واحد تلفون و كفّري ليهو  ..
أما حكاية الحب لناس الدوحة دي فكتر خيرك عليها .. و هم بتحبوا جد و الله ..
مع تحفظين : قدمتي العوين علينا ( ما عافيها ليك ) ..
و جلطيها بحكاية السيد دي ( هسه أمانةً في ذمتك دي , ود رملية شنو البيبقى سيد , و كيكي شنو و عماد شنو ؟؟ ) .. السيد دي تلصقيها في بدر الدين .. أبو ساندرا .. عمر بوب .. عبدالجليل , الناس الكبار كبار ديل , نحنا قولي لينا : اللخو .
غايتو المحبة ما بناباها .. عِللا الفيك إنعرفت يا نجاة ..
تحيات لدكتور عوض و الحلوة زاريا .
كل فالنطاين و إنتي بخير .
|
Post: #14
Title: Re: كل عيد حب لكم المحبة يا دوحة الحب..
Author: bayan
Date: 02-14-2007, 11:56 AM
Parent: #12
سلام يا عماد
تعرف بعد كتبت الاسماء ساكت
قلت هي ديل ناس "محطرمين" وعرباتهم سمحة شديد زاريا قالت لاي زول انه من مشت
طوالي راكبة عربات غالية وسمحة اها عاد كيفن الطخكم باللخو اللخو..
مع اني لاوذت في قصة كيكي الدشاش دا بعد عرفت الماضي حقو..
خبر مارسيدس دا بمليار ضورار
اسع انت وبعلي كنتو شايفنو النجمة الوحيدة في سمائكم الزرقاء
والمثل الاعلى مرتاح لا هم لا غم اكبر هم عنده يحلق دقنو ولا يخليها..
يلبس القميص دا ولا دا
اسع خلاص اتوكح..بقى ذيكم.
مرة كان بيحب واحدة في جبرة( طبعا بقى راقي بعد رحل من الديم)
اها راكب تاكسي ماشي جنب بيتهم بس عينو للغنم دخلن بيت ناس الحبيبة
قام قال لسيد التاكسي اقيف النقول للغنم ديل تك..
والله يا حليل حسين "وقسسو"..
الجيمع هنا يبعثوا لك المحبة عندك رابطة معجبين مكونة من كل قراء العربية في بيتنا
وزاريا بتسالك تسنيم كيف وجاية متين وهي دخلت نفس الكلية
ومنتظراها..
عاد عوينكن عوين نصاح لما اقدمكم انتو عليهن افو افو
"العوينة" منهن تسوى كتيبة رجال..
سلامي لحليمة حداكم و حذافيرها..
وكل عام محبة وانتم في محبة..
|
Post: #15
Title: Re: كل عيد حب لكم المحبة يا دوحة الحب..
Author: bayan
Date: 02-14-2007, 12:00 PM
Parent: #11
| Quote: مهما الناس اختلفت يبقى الود والحب ... |
والما عندو محبة عدمان الحبة
ليك انت يا اجمل والطف النساء طرة
الشابات الذيكم بيدو للحركة النسوية القها فائدتها..
وعيكم وتفهمكم للاخر واحترامه بخلي الزول يفخر بيكم
وانت يا بت بلدي 100%
مجبتي للزوج العزيز والعصافير الجميلة ما شاء الله تبارك الله
عيني باردة..
العروسة بقت عثل بس..
|
Post: #13
Title: Re: كل عيد حب لكم المحبة يا دوحة الحب..
Author: Hawari Nimir
Date: 02-14-2007, 10:13 AM
Parent: #1
دكتورة \ بيان
كل عام والناس يحتفلون (بالحب)..
كل عام و افراد اسرتك يعيشون....في (حب)..
كل عام و اعضاء و عضوات سودانيز اون لاين...يلتقون في (الحب)..
كل عام.. انت .. هم .. هن و الجميع.. يرفلون في بحور من (الحب)..
ادام الله علينا نعمة (الحب)..
مرحبا بعيييييييييييد (الحب)
|
Post: #16
Title: Re: كل عيد حب لكم المحبة يا دوحة الحب..
Author: ودرملية
Date: 02-14-2007, 10:11 PM
Parent: #13
سلامات
وعوافي
اولا كل سنة وانتي والاسرة رافلين في نعيم الله ورضاه ..
وكل عام والحياة اكثر لطفا وجمالا ..
النعم انك "اختزلتي" خوتنا ومحبتنا في "امر الدواس" علا تب ماعندنا عوجة معاك ..
يعني يا بيان مجرد ما "ودرملية" مابداوس ومو زول فقارة مابينفع معاك عديل كدا ؟؟
انا يا بيان ابغض الخلافات باي شكل كانت خصوصا الهنا في المنبر دا لانو في المنبر دا اول حاجة ماتت في الحصة الاولي كان اسمها "الحق" .. لذلك اي خلاف مابحب اخش فيهو لاني بكون عارف "الحقيقة" مغلوبة "ستة/صفر" ودا اصبح ثابت في اسافيرنا الغبية دي ..
لذلك اي انفاق للوقت في هذا الفضاء قاعد اجتهد في اني ابذلو في "المحبة" اي شي غير كدا ما بيغطي معاي اطلاقا ..وبعدين اهي المحبة عندها عيد يعني زي الاضحي ورمضان وبقيت الاعياد الكونية .. والحب عندي لايعني الحبيبة فقط .. الحب علي اطلاقو كدا شفتي كيف يابيان ..
بعدين يعني "كيكي" دا ذاتو دواسو ني اصلو زول حنين وقلبو طيب يعني هدفو من الدواس ممكن يموت في المعركة الاولي من الدواس ذاتو لانو قلبو رهيف ماتشوفي الفصاحة والكنابي او العوالم السفلية الباهرة ..هذا الرجل مثل "الوردة" لاتجود علي المارين والنظارة "بغير الرحيق" "طبعا مسالة انو وردة دي انا غايتو زعلان منها شديد لانو بتاثر سلبا علي ارضيتنا لكن نعمل شنو الحق غالب"
فيا بيان لك تمام المحبة "علي اي احتمال اشرقت شمسك" تجدينا نحن "معانقين المحبة" عناق العاشقين ..
اصلا غير الحب ماعندنا "سلاح" ..فقراء الا "منه" حماه الله وحفظه ..
ثم كيف احوالك واخبارك نسال الله ان تكوني بخير وصحة جيدة اما اذا دار محور سؤالك عنا فنحن في اتم الصحة لاينقصنا شي سوي رؤياك الغالية ..
ثم والله زهجانيين لينا كم شهر كدا نسال الله ان "يفكها" ويصلح حالنا بقدرته وعظمته ..
ثم خالص المودة كل التحايا لك وللاسرة الكريمة ..
ابدا
عبدالرحيم عبدالله عبدالرحيم درار "ودرملية"
رفاعة - السوق - دكان مجذوب الطاهر بالقرب من موقف البنطون
|
Post: #17
Title: Re: كل عيد حب لكم المحبة يا دوحة الحب..
Author: محمد عبدالرحمن
Date: 02-14-2007, 11:35 PM
Parent: #16
دكتور بيان ...
تحياتى ...
وشاكرين جدا هذا الشعور الطيب ....وحقا كانت ايام جميلة ..
نتمنى ان نراك بيننا مرة اخرى ...
تحياتى عبرك لزاريا والدكتور والبنيات ...
خالص الود
|
Post: #18
Title: Re: كل عيد حب لكم المحبة يا دوحة الحب..
Author: حليمة محمد عبد الرحمن
Date: 02-14-2007, 11:44 PM
Parent: #17
صباح الخير من مدريد
صباح الخير يا قديستي الحلوة
مضي عامان يا امي على الولد الذي ابحر
مضي وما زالت تعشعش (بخياله) عرائس السكر
فكيف ..كيف غدوت (اما) ولم اكبر..
الغالية بيان
ما زلت اذكر قبضة (ايدي) في طرف توي امي وقد تغبرت قدماي الحافيتان.. فكيف غدوت سيدة واما على غفلة من الزمن..وانا اذكر طفولتي متل عشاي البارحة؟
شكرا لك يا غالية لانك ذكرتيني انه مضت ثلاثون يوما منذ اخر اتصالي تلفوني لي بامي..
وانه قد عطل المرض لغة الكلام بيني وبين ابي منذ اكثر من خمسة سنوات..
كل عيد حب ..يكبروا صغارنا
ويسلموا كبارنا..
ونحب المابينا والدارنا..
خالص مودتي
|
Post: #21
Title: Re: كل عيد حب لكم المحبة يا دوحة الحب..
Author: bayan
Date: 02-15-2007, 03:13 AM
Parent: #18
| Quote: زلت اذكر قبضة (ايدي) في طرف توي امي وقد تغبرت قدماي الحافيتان.. فكيف غدوت سيدة واما على غفلة من الزمن..وانا اذكر طفولتي متل عشاي البارحة؟ |
سلام يا حليمة
هناك في قطر اختنا حليمة الشهيرة بحليمة بت الفنون
زوجة عماد وهي سيدة متفتحة حقانية لا تكتب في البورد
ولكن لا تفوت فيه امرا.(وشايفة اني حقانية وما متلقية حجج كما يحاول البعض ترسيخ هذا)
عمري ما كنت سعيدة بقدر ما سعدت بان اسم حليمة هذا ادخلك هنا
ليلفت انتباهي الى حقيقة ان الحليمتين المن السودان
ليس كمثلهم شئ
حليمة بت الفنون الرسامة المبدعة وحليمة الكاتبة المفكرة.
ويا بخت من كنتم في عدد صاحباتو
محبة لك ولها..
|
Post: #20
Title: Re: كل عيد حب لكم المحبة يا دوحة الحب..
Author: bayan
Date: 02-15-2007, 03:06 AM
Parent: #17
العزيز محمد عبدالرحمن
الرجل الوسيم الهادي
كيفك؟
لقد سعدت بينكم سعادة غامرة وكانت ايام كما الاحلام...
اتمنى يوما ان اعود للبقاء لفترة اطول..
لنكمل تلك النقاشات و المواضيع..
مودتي
|
Post: #19
Title: Re: كل عيد حب لكم المحبة يا دوحة الحب..
Author: bayan
Date: 02-15-2007, 03:04 AM
Parent: #16
العزيز ود رملية
عدت منكم وقلبي يتوهج حب وسلام
لا ادري منذ فترة طويلة فقدنا القدرة على الفرح الخرافي ربما للغربة الطويلة البعيدة
وربما للتقدم في السن..ولكن بينكم عرف الفرح الخرافي طريقه الي..
استقبالكم لي في المطار وتجشمكم المشاق جعلني احسن ديل بالجد تربطني بيهم علاقة رحم
" سموطيقي " دي ما علاقة بورد دي علاقة رحم..
بالجد لم اسعد بقدر ما سعدت بكم انت ومحمد عبدالرحمن وكيكي
وبكري معكم يعود العمر بي كرتين فارجع الى ايام الطلب حين كانت الصداقة سيسبان..
زيارتي كانت عجولة يوما ما اود ان اراكم في متسع من الوقت..
في يوم سعيد ربما في ربوع الوطن وربما في الدوحة..
وربنا يهون عليكم غربتكم وعطيكم الرزق الحلال المبارك..
ولك دائما وابدا محبة نابعة من الاعماق.
وعن تضيع ان احتفي بكم للدواس الذي قابلني مثل براطيش المولد
انا لا اعتدي على احد ولا اتحرش باحد واصبر ولكن اخلاق "النسوانو" تضيق مرات
الحقارة ما سمحة..موش؟
ما قلت لي الفن وصل وين؟
|
Post: #22
Title: Re: كل عيد حب لكم المحبة يا دوحة الحب..
Author: محمد عبدالرحمن
Date: 02-15-2007, 07:26 AM
Parent: #19
يادكتورة ..
بالمناسبة يادوب انتبهت انو القصة مربوطة بعيد
الحب ..يادكتور (شن عرفنا ) نحن بالاعياد دى .
غايتو نحن معاكم حدى الاضحية والفطر و(عيد المولد) ..
لكن تانى الباقى دا ماادونا ليهو ..غايتو فى زول
متأكد بكون امبارح اشترى ليهو (تورته ) واقل حاجة
بكون اشترى ليهو 100 كرت تهنيئة هدية..وكم شمعة كدا
...دا طبعابكرى الامين ..الحاجات دى بتخلعو جد جد ...
(العربى) متقمص ليهو دور كدا بعرفو براهو ...
ربنا يجعل ايامنا كلها اعياد ..
مع الود
|
Post: #23
Title: Re: كل عيد حب لكم المحبة يا دوحة الحب..
Author: رأفت ميلاد
Date: 02-15-2007, 07:36 AM
Parent: #22
غايتو ناس الدوحة ديل لاقنها من كل ناحية وطالعين فى الكفر
وقلتى لى عربات ماركات ?
كل سنة وإنتى طيبة
ودائمآ فى ذكرى الأحباب
رأفت ميلاد
|
Post: #24
Title: Re: كل عيد حب لكم المحبة يا دوحة الحب..
Author: عبدالكريم الامين احمد
Date: 02-15-2007, 08:45 AM
Parent: #23
اووه
بيان
وفي حضرة الدكتورة نجاة تعبث بنا الدهشة ونطوف شوراع الدوحة كما الدراويش
باحثين عن الق وضياء ذكريات ايام قليلة عطرت سماء الدوحة وشواطي راس لفان
البعيدة الدكتورة نجاة بحضورها الكاريزمي وصدي الجدل الكثيف الذي تثيره
في معاركها التي تخضوها بكل شجاعة وقوي ...وكنا هنا كما القطبين تماما في خلافنا
الفكري والثقافي ولكن ايضا كنا ابناء وطن احد تجمعا في حضرة (بيان) فسري فينا
حب اشياء عديدة اهمها التواضع والعمق والجمال الوجداني المرهف العالي الاحساس..
لكي منا كل الحب والتقدير والاحترام ولازلنا نجوب الطرقات والازقة في سماء الدوحة الذي
بحضورك الطاغي صنعتي به قوسا للقزح لا زال يطل عند الشفق حني الان..
وعفوا علي التاخير (اخوك بقي زول برلمانات عربية)
|
Post: #25
Title: Re: كل عيد حب لكم المحبة يا دوحة الحب..
Author: الحارث سرالختم عبد الله
Date: 02-15-2007, 12:29 PM
Parent: #24
الأخت د/ بيان والمتداخلون جميعا يطيب لى التداخل فى بوست مفعم بالحب
والمشاعر النبيله والأحساس النقى بعيدا عن تشجنات السياسه ومشاغل
الحياة اليوميه والتى تنحت فيها مخك وتكتب وتعدل وتقراهااكثر من مره حتى
لاتجرح احدا او تشير ولو رمزا الى جهة ماولكن مثل هذه البوستات تكتب فيها
مايجيش بخاطرك وانت بكامل عفويتك فنخرج الكلمات نقيه صافيه دون اذن منك
لتصل الى مقصدها بكل عفويه فالتحيه لصاحبة البوست ولكل المتداخلون
وقد سررت جدا لحدبث الأخت حليمه من مدريد ونسال الله ان يشفى لها والدها
وقد كانت كلماتها نابعة من القلب وكما يقول اهلنا الماعندوا كبير يشترى ليهو كبير
اللهم ارحمهم واغفر لهم كما ربيانا صغارا .
والنجعل من الحب شعاراللجميع وتلك كانت السمه المميزه لنا افتقدناها وبها فقدنا
اجمل مانملك رغم الرصيد الوافر الذى نملكه جميعا والنجعل هذا المنبر واحة للحب
للصغير والكبير للأخ وللأخت وللأوطان فى دم كل حر 0000000000000
مع معزتى ابو ختم
|
Post: #29
Title: Re: كل عيد حب لكم المحبة يا دوحة الحب..
Author: bayan
Date: 02-16-2007, 03:10 PM
Parent: #25
تعرف يا اخي الحارث ميزة هذا المنبر الذي مرة قلت
انه قرب المسافات.... وكثيرا تيمنا بقصة عبدالله على ابراهيم
حقا انه قرب المسافات وصار اقرب نقطة الى الوطن.
ومن وجدناهم هنا صاروا جزء من حياتنا..
في العام الفائت كنت قد اجريت عملية جراحية..
الاتصالات التلفونية من كل بقاع الارض ذوبت حواجز كانت تمنعني من العودة..
اناس يجمعك بهم المنبر تجدهم يهتمون بك كأنهم اسرتك..
لقد تاثر زوجي جدا بهذه الاتصالات.
خاصة انه ما سافر بلدا والا وجد بوردابيا يحتفي به..
بل ان الجندرية وتراث يوما اولموا له في اليمن ودعوا كل البورداب
واتى شاكرا ..واخبر صديقه تعرف انا كنت في اليمن زوج بيان
اذ يعرفني الناس هنا به.. وانقلب الحال في اليمن..
حتى امي الان تعرف البورد ولحقت بالعولمة..
فهؤلاء البورداب جزء من القلب خاصة ناس الدوحة الذين اكرموني وعزوني..
ربنا يحفطهم ويسعدهم ويعطيهم راحة البال..
ولك انت كل مودة يا ولد بلدي على طيب الكلم..
|
Post: #28
Title: Re: كل عيد حب لكم المحبة يا دوحة الحب..
Author: bayan
Date: 02-16-2007, 02:59 PM
Parent: #24
يا سلام يا كيكي
والله ما سعدت قدر ما سعدت بيكم وبمعرفتكم الحقيقة
وجدت فيكم اروع ناس واعز اخوان..
اسع لو سالتني انا ولا عبدالرحيم
لاغمى علي من هول موقف الاختيار..
مودتي ومعزتي دائما لك
ربنا يلمنا في ساعة خير..
|
Post: #27
Title: Re: كل عيد حب لكم المحبة يا دوحة الحب..
Author: bayan
Date: 02-16-2007, 02:55 PM
Parent: #23
Quote: غايتو ناس الدوحة ديل لاقنها من كل ناحية وطالعين فى الكفر
وقلتى لى عربات ماركات ? |
ناس الدوحة ديل ناس تمام والله. تاني حنعملهم ساساقة
زمان ناس المعهد مشو رحلة علمية لمناطق جبال النوبة
مشو حتة اسمها سولارا مافي زول اشتغل بيهم
مشو الفرشاية اها عم زميلنا هناك ضبح ليهم تور
يلا بقو يهتفو الرحلة الجاية للفرشاية
سولارا اشاعة وفيها مجاعة..
اها انا تاني طوالي حامشي ليهم..
بنصحك تمشي الدوحة في اي اندلالة للبلد..
اما جهة العربات ما سمعت
قطر ام قروشا مطر؟
|
Post: #26
Title: Re: كل عيد حب لكم المحبة يا دوحة الحب..
Author: bayan
Date: 02-16-2007, 02:50 PM
Parent: #22
Quote: بالمناسبة يادوب انتبهت انو القصة مربوطة بعيد
الحب ..يادكتور (شن عرفنا ) نحن بالاعياد دى . |
آمانة يا محمد ما حتتعب مع الجكس.. والله الواحدة تشدك في حلة كان نسيت العيد دا
واحدة فرتقت من خطيبها وادته شاكوش لانه ما شغال بالعيد دا..
نلمك على دكين نعرس ليك موديل 80
ديل بس بيعرفو الاعياد المذكورة آنفا..
|
Post: #30
Title: Re: كل عيد حب لكم المحبة يا دوحة الحب..
Author: bayan
Date: 02-16-2007, 03:12 PM
Parent: #13
الابن العزيز هواري
كل سنة وانت محب ومحبوب
وشكرا للمرور المحب
|
Post: #31
Title: Re: كل عيد حب لكم المحبة يا دوحة الحب..
Author: salma subhi
Date: 02-16-2007, 03:56 PM
Parent: #30
أنـا و الـحـب تـوأمـان خـلـقنـــا....و تـلانـا في الـعـشـق كـل حـبــيـــب
وكمان...
قـل لـلأحبة كيف أنـعم بعدكــم .....و أنـا الـمـســافر و الـقـلـب مــقـيـم
لك كل الود والحب نجاة
سلمى صبحي
|
Post: #32
Title: Re: كل عيد حب لكم المحبة يا دوحة الحب..
Author: الحارث سرالختم عبد الله
Date: 02-16-2007, 07:11 PM
Parent: #31
الأخت الدكتوره بيان
لقد اثارت قصتك عن اليمن مكامن عجيبه وتلك الأسماء اعرف منها الأخ تراث
فقد قضيت فيها اجمل ايام العمر وباقى اليمناء ديل اصل العرب بحق وحقيقه
التحيه لك ولزوجك العزيز لربما نكون قد التقينا فى درب من دروب الحياه ولأبنائك جميعا
وجعل الله كل ايامكم اعيادامع التحايا.
ابو ختم
|
|