اين عشا البايتات الوغد الحاج دكين؟

اين عشا البايتات الوغد الحاج دكين؟


16-04-2007, 07:24 AM


  » http://sudaneseonline.com/cgi-bin/sdb/2bb.cgi?seq=msg&board=113&msg=1201290203&rn=0


Post: #1
Title: اين عشا البايتات الوغد الحاج دكين؟
Author: bayan
Date: 16-04-2007, 07:24 AM

افتدقنا كتابته المحرضة
العجائبية....
لما بقي عشانا بايت نمشي الارشيف للاعادة..

يا حمد صاحبك وين؟

Post: #2
Title: Re: اين عشا البايتات الوغد الحاج دكين؟
Author: نوسة
Date: 16-04-2007, 07:27 AM
Parent: #1

الغالية بيان

كيفك ؟؟مشتاقييييييين ؟؟ مطرتكم لسة صابة ؟؟

أها بس قلت أسلم و أمشى باين الموضوع فيهو "مكابسة" و عشا بايت و حاجات تانية حامياني

Post: #3
Title: Re: اين عشا البايتات الوغد الحاج دكين؟
Author: A.Razek Althalib
Date: 16-04-2007, 08:32 AM
Parent: #2

د. نجاة..
كفينكـ يا الغالية..

دكين يا دكتورة بعد ما عفر روحو بعبق دنقلا ورحيق تمورها طيلة فترة غيابو المنبرية..
عاد تربال السواقي إلى هضاب نجد من السودان أول من أمس حاجزاً كرسي منفاه الإختياري..

فقدنا عشا البايتات وسافر مبيت النية لإكمال نصف دينه (أبون قدح) والعز بالأهل..
رجع الوغد عاد.. بس ما عارف..
جاء طابق شن طبقو وفي هذه الحالة بيكون عزابة نجد نقصو واحد..
ولا جا بخفي حنين.. ونفد بجلدوا وبقى الحال كما هو عليه..

المهم؛ سافر السودان ورجع تاني إلى الرياض..
ودعناه من غير وداع.. صحبته السلامة..
عاد من غير ضجة تحمدل للسلامة..
عاد الوغد دكين والعود أحمد..



حول..

Post: #7
Title: Re: اين عشا البايتات الوغد الحاج دكين؟
Author: bayan
Date: 16-04-2007, 02:10 PM
Parent: #3

Quote: ولا جا بخفي حنين

اريتو كان جا بخفي حنين اوووووووووعى يكون جا
وكان يا بدر ولا جئنا ولا روحنا,,,

تعرف يا عبدالرازق الولد دا كان ما زحيناه
منكم ما بعرس...
تكونوا تشكو ليهو لما خوفتو وهو براه
بقت عليه
مفزوعة ورفعو ليها فورة..

محييييييييييييييييل..

Post: #6
Title: Re: اين عشا البايتات الوغد الحاج دكين؟
Author: bayan
Date: 16-04-2007, 02:07 PM
Parent: #2

Quote: مطرتكم لسة صابة ؟؟


نوسة شلتو البلد معاكم..
اليوم السماء تبكي من الصباح
وضاربة كوراك شديد
والبرق حق الافلام الهندية داك لسع مستمر
نزل الفيوز مرتين...
والجميع هنا برسلوا مودتهم وحبهم..

Post: #4
Title: Re: اين عشا البايتات الوغد الحاج دكين؟
Author: حمد فتح الرحمن
Date: 16-04-2007, 01:05 PM
Parent: #1

خشا الهيلمانة و طلع
بعد دا كلو يا كافي البلا لا خطب لا عرس
قال شنو
قال بنات البلد كلهن بقن سمحات
تخيلي زول مشي يكوس لي عروس واحدة حباخمسة مرة واحدة ( حصوة في عين اللي ما يصلي علي النبي )
شفتي الشرفة و قفلة البلد بتعمل ايه



اسة العرجا جات لي مراحا
اديه يومين يكمل بكاهو و براهو حيجي يقلب الدنيا و يقعد

Post: #5
Title: Re: اين عشا البايتات الوغد الحاج دكين؟
Author: ملكة سبأ
Date: 16-04-2007, 02:03 PM
Parent: #1

قول والله ياحمد

Post: #8
Title: Re: اين عشا البايتات الوغد الحاج دكين؟
Author: bayan
Date: 16-04-2007, 02:14 PM
Parent: #5

Quote: تخيلي زول مشي يكوس لي عروس واحدة حباخمسة مرة واحدة


الخامسة دي ختاها في البنكرياس؟
لكن عاد ما طمنتنا...
نحنا لازم نغير للزول دا الطريقة...

يبدو انه العينة العايزة تسك موش ينبهلو فيها..
اقتراح اول
نشنيه نقطع نخرتو ونشلخو...
دي كيف؟
او نعمل ليه نبلة للعين الطايرة دي..

البوست دا مفتوح للاقتراحات...

Post: #9
Title: Re: اين عشا البايتات الوغد الحاج دكين؟
Author: bayan
Date: 16-04-2007, 02:16 PM
Parent: #5

Quote: قول والله ياحمد

الملكة حددي

عشان حبة خمسة
ولا قال البنات كلهن سمحات؟

Post: #10
Title: Re: اين عشا البايتات الوغد الحاج دكين؟
Author: حمد فتح الرحمن
Date: 16-04-2007, 02:43 PM
Parent: #1

ملكة سبأ الاتنين جد


يا دكتورة
اقتراح تالت
نطلع اشاعة انو الزول دا جا راجع مجنون
بقي ما مجمع
و كلامو برة الراس

و الجكس العايز يتاكد كلو يتصل علي الرقم 966553333355+
حيلاقي مننا رد شافي ان شاء الله

Post: #11
Title: Re: اين عشا البايتات الوغد الحاج دكين؟
Author: محمد البشرى الخضر
Date: 16-04-2007, 04:50 PM
Parent: #10

يعني يا حمد بوست المباركة الطويل و عريض بتاع سفيان طلع ساي؟
وكلام البنطون وقع البحر
و لا إيه العبارة؟


بتاعة.....
يا عمك الرقم الشديد دا من وين؟

Post: #12
Title: Re: اين عشا البايتات الوغد الحاج دكين؟
Author: ثابت محمد
Date: 17-04-2007, 02:19 AM
Parent: #1

بيان
لك السلام والمودة

أول مرة أشوفك تسكي ليك فارغة
هسي لو سألتي من حاجة ليها طعم ما كان أحسن ليك ؟؟
دكين شنو البسألو منو ؟؟

Quote: نطلع اشاعة انو الزول دا جا راجع مجنون
إشاعة يا حمد ؟؟
يعني دكين رجع نصيح ؟؟

عرفت أن دكين معنا بالخبر إستغربت أنه لم يشرفني بالبيت
أتصلت بيهو ولحظتها كان متوجه لمحطة القطار مغادراً لصحراء الرياض
كنت زعلان لعدم الزيارة
قال لي إنت ما بتقعد في البيت
قلت ليهو الغريبة أنا الليلة من الصباح للمغرب ما طلعت
غالطني وقال أنا بضرب ليك في الجرس ساعة كاملة
مش شقتك رقم حداشر ؟؟
قلت ليهو يازول حداشر دي شقة حمد قريبك أنا شقتي تحت ورقمها (4)

وتحت تحت عرفت
طبعاً حمد ده شقتو فوق شقتي طوالي ..
دكين كان قاعد براهو في شقة حمد
قال نازل يسلم على ثابت تحت ويتونس معاهو
قفل باب شقة حمد وبدأ يضرب في الجرس من بره
قايل روحو نزل أربعين درجة سلم
لما مافي زول فتح ليهو فتح الباب ورجع نام تاني

أها ده شغل ناس رجعت نصيحة ؟؟