كومى... وكومو.... وكومك

كومى... وكومو.... وكومك


09-17-2003, 04:09 AM


  » http://sudaneseonline.com/cgi-bin/sdb/2bb.cgi?seq=msg&board=113&msg=1139078596&rn=25


Post: #1
Title: كومى... وكومو.... وكومك
Author: bayan
Date: 09-17-2003, 04:09 AM
Parent: #0

بعد قعدة متواصلة فى البورد
لمعرفة عمق العلاقات
بين الناس فى البورد دا
خرجنا بالاتى:

1- اذا فى اى زول دور معاك شكلة بدون سبب وبقى كلامو كلام شكل وغبن ولف ودوران طوالى تراحع بو ستاتك وتشوف انت هبشتا منو من كومو
و العكس بالعكس الحب بالكوم و الكره بالكوم
2-
اذا نويت يوم تعارض زول ولا تنتقدو لازم تشوف موقع الزول دا من كومو
وين لو كان الرأس خلاص الله معاك لانه حتلقى نفسك فى مواجهة كوم بحالو
3-
وجود اكوام مصاحبةبعض تهبش زول واحد تلقى نفسك فى مواجهة كومين او اكثر
4 تقسيم ادوار افراد الكوم الواحد
لازم يكون فى واحد شاكال و احد عامل موضوعى و الباقين نص نص
ومن ثم الما عندو كوم الله معاه فى كل الترشيحات يلقى نفسو فى ذيل اللست ولا ما يذكر خالص


كيفية معرفة مين يكون كوم مين1- لما تلقى زول كتب كلام خارم بارم
والردود وصلت لمية فى خلال ساعة
كل الناس ديل كوم واحد
2اذا اعترضتا على كلام زول قام طوالى لقيت زول مباريك زى الكديسة ام خيط من بوست لبوست لو قلتا الله واحد وهو يصر انه الكلام دا ما صاح
3- بعدين اذا غلطتا فى زول من كوم ما طوالى يجيبوا زول يدعى انه بيعرفك وانك ما كيت و وماكيت ينفى كل المحاسن و ينجر قصص سيئة عنك ويقول انت كيت وانت وكيت
4-اذا فجأة لقيت اى بوست فى البورد بيعرض بيك وفيه مطاعانات تعرف طوالى انك هبشتا صنم كوم كبير وتطاولت حيث لا ينفع التطاول ويحلك الحلا بلة

مش قلتا ليك علاقات مترابطة ومتشابكة دايرة ليها وداعية لسبر اغوراها
لوووووووووووووووووووووول
مطلوب وداعية لكوم قيد الانشاء

Post: #2
Title: Re: كومى... وكومو.... وكومك
Author: bayan
Date: 09-17-2003, 04:28 AM
Parent: #1

test test
واحد اتنين تلاتة
اوف اوووف

دخلو سبعة ومافى زول رد
دا يدل على انى ما عندى كوم وما مشهورة
لانه 7 دى نسبة
ما بطالة من عدد الداخلين
اذا كان المسجلين حضور فى هذه اللحظة 9
ا

Post: #3
Title: Re: كومى... وكومو.... وكومك
Author: سجيمان
Date: 09-17-2003, 04:31 AM
Parent: #1

الكوم بكم؟

Post: #6
Title: Re: كومى... وكومو.... وكومك
Author: bayan
Date: 09-17-2003, 08:07 AM
Parent: #3

الكوم بتاعنا اللى هو كوم قريعتى راحت
مجانا ولا يسوى بصلة

Post: #4
Title: Re: كومى... وكومو.... وكومك
Author: الفاتح يسن
Date: 09-17-2003, 05:31 AM
Parent: #1

ام اشرف ست الكيمان الثلاثه كيمان جزيرة وكومي برضو جزيرة عندنا في الشمال اما كيمان البورد فدعيهم كل واحد حر في كومو والماعندوش كوم يكوم نفسو في احدى التكويمات وانتي حتتكومي فين اخير تتكومي معنا

Post: #5
Title: Re: كومى... وكومو.... وكومك
Author: bayan
Date: 09-17-2003, 08:04 AM
Parent: #4

الفاتح كومكم وين؟

Post: #7
Title: Re: كومى... وكومو.... وكومك
Author: ابو جهينة
Date: 09-17-2003, 08:09 AM
Parent: #5

دكتورة بيان
الكوم زيدوهو ردوم
تتذكري الجملة دي في عطبرة ؟
عشان كدي نعمل إتحاد زيادة الكيمان ، و الزيادة أو الهوادة سيتفق عليه عبر الماسنجر ، تسلمي

Post: #8
Title: Re: كومى... وكومو.... وكومك
Author: bayan
Date: 09-17-2003, 08:41 AM
Parent: #7

ابو جهينة
الردوم قبل الكوم
اسمع هنا ايه رايك تبقى صنم من لا صنم له نعمل كوم
وانت تبقى صنمنا؟
والفاتح دا من عندكم
على شرط فى الاجتماعات لتدبير المقالب وادارة البوستات
ما يكون بالرطانة
بعدين اخوى ما اشتمو الا انا اذا زعل زول فيكم
عشان ما تاخدنى الحمية واشتت ليكم الكوم
اتفقنا؟

Post: #9
Title: Re: كومى... وكومو.... وكومك
Author: aba
Date: 09-17-2003, 08:54 AM
Parent: #8

أها أنا تكوميني وين
بالله عليك يا دكتورة شوفي لي كوم بتاع شباب أنا ما بدور ونسة العجايز وكمان ما تختيني في قفة ولا كيس مشروط باقي أنا زول رهيف وبدفق ليك

Post: #10
Title: Re: كومى... وكومو.... وكومك
Author: ابو جهينة
Date: 09-17-2003, 09:08 AM
Parent: #9

إتفقنا يا دكتورة نجاة

Post: #15
Title: Re: كومى... وكومو.... وكومك
Author: 7abib_alkul
Date: 09-17-2003, 09:47 AM
Parent: #10

دكتورة بيان
لكن ما قلتي الاكوام دي ببتكوم كيف؟

Post: #25
Title: Re: كومى... وكومو.... وكومك
Author: bayan
Date: 09-17-2003, 03:13 PM
Parent: #15

دى يا جنابو
معلومات سرية
وخترية
ما بتتكشح كدا فى السهلة
واذا عرفتها لازم نكتلك
بعدها

Post: #115
Title: Re: كومى... وكومو.... وكومك
Author: bayan
Date: 11-04-2003, 08:09 AM

لاجل حسين ملاسى

Post: #11
Title: Re: كومى... وكومو.... وكومك
Author: bayan
Date: 09-17-2003, 09:09 AM
Parent: #9

ابا ايها الخمجان تريد الجلوس مع الشباب و الصبيان
اسمع ما تنسى انك قلتا انك خبرتك احسن من خبرتى
تبقى جلك
تجى تقعد معانا نحنا
بعدين الكوم دا اصلا جلاكين لانه الشباب بيتحلقو حول النجوم
امشى وكتين ما داير الجلاكين كوس كوم صنمو زينة ورتينة

Post: #12
Title: Re: كومى... وكومو.... وكومك
Author: كبسيبة
Date: 09-17-2003, 09:17 AM
Parent: #1

عفيت منك يادكتورة
ده اسمه كيمان الحب
واحد فاتح ليه بوست لى احسن عشرة كتاب وحياتك لما شفتهم
عرفتهم كيمان بحبك وحبنى
انا والله عارف عمرهم السودانيين مايتقدمو كاتلاهم المجاملة
وعدم الصدق ووالله لو فى انا غايتو لو قالو لى رشح اظرف زول
برشح الزول الدخل فوقى ده اسمه صعب خلاص
لكن ويشهد الله كتاااااااااااااب والله

Post: #14
Title: Re: كومى... وكومو.... وكومك
Author: bayan
Date: 09-17-2003, 09:45 AM
Parent: #12

كبسيبة
شكرا ليك
للدخول هنا
بوست من لا كوم له
خلينا نشوفك

Post: #13
Title: Re: كومى... وكومو.... وكومك
Author: عشة بت فاطنة
Date: 09-17-2003, 09:45 AM
Parent: #1

اوع يكون رمونا في كوممبو اها انشاالله طيبين وكيمانكم ملانات عجين ، اها يا بيان نحن وين ؟ اكيد مع المنسييين والشينين ، تعرفي يا نجاة الواحد احسن حاجة اعملها اتبع سياسة البوست البجيب الريح اسدو واستريح ، ما هروب بس ما في زمن للشكل ،.
تعرفى دايما انا بلقى نفسئ انانية بالنسبة لفتح البوستاتواستريح ، ،. لانو بفتح المواضيع التئ تدور في المواضيع التى افكر فيها مثل اليومين دي قايم على هوس المراة بعد ان خمد هذا الهوس من سنين ، ما عارفه القومو شنو امكن وضع املراة في البورد او الردود والبوستات المستفزة التى تظهر من وقت لاخر اها بقيت اتابع في هذا الجانب لا مخلى خفاض ولا المراة شيطان والنفاس قبل يومين فتحت بوست عن الختان بعدين فتحت البوست دا لقيت ليك صورة كبيرة لبن لادن بدون اي تعليق فاندهشت وقت : يا ربي الراجل دا يكون الامريكان طهروا ! يا ساتر ، بعدين مرات الواحد اشوف نفسو بقى منافق ادخل بلا عجب يعنى بلا غرض وطيبين بلا مرض . اذا دخل البوست مجاملة تكون ردودو بايخة واخير عدمة ومنافقة ، الكلام كتي في هذا الجانب ولا رايك شنو انا غايتو بدخل بعناوين البوستات ولا انظر للاسماء الا نادرا .اذا الموضوع عجبنى بقراه ، واذا استفزانى برد واذا لا هذا ولا ذاك بطلع سرعة قبل ما يشوفنى زول وانا اقرا لكثيرين من غير ان ارد يا لعدم المامى بالموضوع او لاتفاقى
الكامل معه وما في داعي برضو رايكم شنو كيف تدخلون البوستات ؟!!

Post: #16
Title: Re: كومى... وكومو.... وكومك
Author: ابو جهينة
Date: 09-17-2003, 09:52 AM
Parent: #13

الأخت عشة بت فاطنة
تحياتي
كلامك عديل تب ، البوست السمح بنقراهو ، و البيستفز بنرد عليه.
تسلمي

Post: #17
Title: Re: كومى... وكومو.... وكومك
Author: bayan
Date: 09-17-2003, 10:27 AM
Parent: #16

سلام يا عشة
كلامك تب سمح
لكن فى ناس هنا بينادو بالديمقراطية بس
لكومهم و لينا نحن الرماد
وزى ما قلتى الواحد رجع شباب تانى
فى بوستات كتابها بيذكرونى الاخ ستيفن
لما يجى يقيف يعمل ركن ويعلنها داوية
مرة واهد ما اسوفو هنا
هروم مافى سامئين
من فدلكم سائدونا بالهدوء

اها يا اخيتى

والله دم الشباب رجع تانى وبقنا نقيف فى الفارغة والمقدودة
وعاملين كدا عارفين اى حاجة وحلينا مشاكل العالم كله

انا زمان بعاين لعداد الدخول و ليس
الردود لانه اصلا لو ما عندك كوم الناس ما بتشتغل بيك
لكن بتتمنى تعرف حاجتك وصلت لكم من الناس
ودى المهمة
و الشكل اللى حدى عندك يجيك كيف تخليه
لانه لو سكتا مرة خلاص اى زول زهجان من مرتو شغلو روحو يجى يتفشى فيك
لوووووووووووووووول
لاز تبيض عيونك وتكبرهم وتصرخ
انا لحمى مر ما يتكلش
شكرا ليك
يا ست البنات
على الطلة
كومنا مليان مواصة

Post: #18
Title: Re: كومى... وكومو.... وكومك
Author: AlRa7mabi
Date: 09-17-2003, 10:32 AM
Parent: #1

د. بيان

شايفها جابت ليها

كوموفوبيا كما؟؟
هههههههه

والله برديكم دا يخلي الزول زي الحفيان
وماشي ليهو في ضريسة
بتعرفي الضريسة ولا لا

أها طيب الناس ( المستقلين ) الزينا ديل
نروح شمار في مرقة ولا كيفين؟؟

خالد أبا

خلاص أعتمدناك معانا
شابا جميلا

سلام

Post: #19
Title: Re: كومى... وكومو.... وكومك
Author: عشة بت فاطنة
Date: 09-17-2003, 10:36 AM
Parent: #1

تعرفي يا نجاة الرحيمابي دا ود كومى عديل لكن ما عارفة البكا ليه شنو؟ لوووووووووووووووول ياناس مسقط

Post: #26
Title: Re: كومى... وكومو.... وكومك
Author: bayan
Date: 09-17-2003, 03:17 PM
Parent: #19

لع والف لع
الريحمابى دا بوضع اليد بقى فى كومنا
عارف يا رحمابى
انا عندى معلومات انك زى خالك مولود بيارة 19
أبا الخمجان دا
ذاتو مولود استقلال19
مش زينا مولود مايو19
واذا ذدتم نقصنا

Post: #20
Title: Re: كومى... وكومو.... وكومك
Author: sentimental
Date: 09-17-2003, 11:33 AM
Parent: #1

خالتى بيان

كومى ده لاعب الهلال ..مووووووش وكومك ده لاعب المريخ ..لكن كومار ده ممثل هندى ...لووووووووووووووول من محنك النقدية

?قولك الكومر شنو

Post: #27
Title: Re: كومى... وكومو.... وكومك
Author: bayan
Date: 09-17-2003, 03:19 PM
Parent: #20

ابن منتال
انت اب قوتة اسر عليك ولا ايه
كومار دى
ممكن تاخدها بانها مضحكة
لووووووووووووول

Post: #21
Title: Re: كومى... وكومو.... وكومك
Author: Saad A.Ragab
Date: 09-17-2003, 11:35 AM
Parent: #1

العزيزه دكتورة بيان كلامك ده هو حقيقة لكن اقل ليك ايضا حقيقه اضافية الظاهر توجد موضة والمساله كم تكتب و هل انت انت مشهور لان الشهرة هى مرض وداء العصر وفي الحقيقة انحن بنقرآ الكلام الفارغ ده يوميا ليس هذا بل ما يكتب في البورد لا يرتقي الي ان يكتب بالتاكيد ده تعميم و التعميم لا يعني الخاص لكن نعاني معانه حقيقة هو كتابة اي شئ حتي في بعد المرات احس بانني رجعت الي فترات المدرسة الابتدائية و جريدة الحائط يا ناس كلامكم ده بيقرؤا كل خلق الله كل الكون مدركين قصة الانترنيت ولا ما دخل ليكم لسع خلونا من شر الغسيل ده الرجاء ان تتذكروا الحكمة التي تقول اذا الكلام من فضه فالسكوت من ذهب و خلونا من عرض الازياء ده . نرجوكم رحمة بنانحن الذين ليس ملاذنا الوحيد في الخروج من الجو الاجنبي و الشغل المقرف مع الخواجات الوهم ديل هو هذا البورد الذى اصبح كما ذكروا المؤسسين لهذا البورد بان البورد صار وطنا ونتمني الا يصير سجنا للكلام و الحكي الفاضى و قد هنالك العديد من الدعوات بان يكون قليل من الالتزام اذكر منها دعوات الانسة رجاء و يا دكتورة بيان اتفق معك في ذلك تلك الكيمان التي ليس لديها اي مبرر سوي الجهل وعدم وجود الفكر الذي يرتقي لذلك هنالك العديد من المبدعين الذين لهم الرغبة في نشر اراؤهم في ذلك البورد الذي صار وطنا و يكفينا ان نقرآ ما تكتبون حتي نصاب بجلطة التبليد التي بدات تظهر في قنابيرنا

Post: #22
Title: Re: كومى... وكومو.... وكومك
Author: اساسي
Date: 09-17-2003, 12:21 PM
Parent: #21

الكوم بي قرش والدُقة بلاش

Post: #23
Title: Re: كومى... وكومو.... وكومك
Author: ابو جهينة
Date: 09-17-2003, 01:24 PM
Parent: #22

أختي الدكتورة بيان
من شدة ما الكيمان دي عجبتني ، ما قادر أسيب البوست دة ، فكانت هذه الخطرفة الكومية
الكوم كومان ، كوم لك و كوم عليك ، فإن كان لك فلا تفتري و إن كان عليك فأصبر
كايدة العزال أنا من كومي
من أراد أن يفقده كومه ، فليطالعني خلف تلك الكومة ، ثكلتك كومتك
الكوم الكوم ، بكريك بالكوم ، لأنو الدوم صار من النباتات شبه المنقرضة
أرجوك أوعى تنوم ، أنا حوالى بالكوم ، هذه من أغنية لطيفة أم كيمان
أن تكوم أو لا تكوم فتلك هي المسألة ، مع الإعتذار لشكسبير و شيخ زبير
كومي العاجب البنوت ، لأنو الخاتم بقى دقة قديمة
كومنا كوَم كومكم ، يقدر كومكم يكوم كومنا زي ما كومنا كوم كومكم ؟ ما أظن
إنتي ما بيدوكي لي زولن مسيكين علا واحدن كومو مردوم كواميم
كوما قديم و لا كوما جديد ، زى الجن
كومك يا ولدي سبحان المعبود ، الداخل مفقود ، و الخارج مولود
يا صاحب أمنا ، لي كومنا و أمنا ، كومنا المؤمَن ، بأهل الكيمان
و للخطرفة بقية يا بيان
أرقدي عافية

Post: #24
Title: Re: كومى... وكومو.... وكومك
Author: bayan
Date: 09-17-2003, 03:12 PM
Parent: #23

لوووووووووووووووووووول
يا ابو جهينة
انت من كيمان كنت وين؟
كومى كومى خلاس الناس نسونى

من بدرى ما اتكومتا ليا يعنى ما عارف العليا

يا كوم يا طاير

بكومك وبكومك ولما اعود من الكويمة قبال ناس كومنا بمشيلك

ابو جهينة انت خترى عديل كدى
يا صنمنا
مليكنا وسيد كومنا

Post: #30
Title: Re: كومى... وكومو.... وكومك
Author: ابو جهينة
Date: 09-17-2003, 03:33 PM
Parent: #24

دكتورتنا بيان
السلام موصول بالكيمان
و للخطرفة بقيتها
سيد الكيمان التلاتة ، عديلة لي
الكوم كومي ، كومته وحدي ، و سأفرتقه وحدي
كومنا الشعبي ، ياهو دي
اللي يشوف كوم غيرو ، يهون عليهو كومو
أقيس كيمانك بمن ، يا الدرة الماليك تمن
الكوم القديم و الحزن القديم ، متبارين زى السترة و الفضيحة
شايفة الكوم يا ليلى ؟ أجمل من القمر
إعطني كوما ، إعطك أمة ( طبعا كما تعلمين ، هي إعطني مسرحا أعطيك أمة ) و لكن الكوم أهم اليومين ديل
قام من نومو لقا كومو
بدري صحيت من كومي ، أنا بدري صحيت من كومي
تسلمي و للخطرفة بقية إلى أن تخلص الكيمان

Post: #32
Title: Re: كومى... وكومو.... وكومك
Author: bayan
Date: 09-17-2003, 03:49 PM
Parent: #30

اعطنى كوما ابهدل الدنيا
اذا اتتك كومة من كومان
فهى الشهادة بأنى كوم كامل

Post: #29
Title: Re: كومى... وكومو.... وكومك
Author: bayan
Date: 09-17-2003, 03:27 PM
Parent: #21

الاخ سعد سلامات
اخونا سجيمان
قال اى حاجة تفكها فى النت بتلقى زول يقراها
لووووول
عشان كدا انا فكيت قصصى الفتة ديك

لكن اتفق معك فى كلما قلت


Quote: نقرآ ما تكتبون حتي نصاب بجلطة التبليد التي بدات تظهر في
قنابيرنا

سلامة القنابير
لازم عشان تلقى زول يناقشك تعمل ليك
كوم دى ضرورة
للبقاء هنا
ونتمنى انك تكون فى كومنا برعاية الصنم ابو جهينة

Post: #34
Title: Re: كومى... وكومو.... وكومك
Author: Saad A.Ragab
Date: 09-17-2003, 04:10 PM
Parent: #29

دكتورة بيان احيك من وسط مايسمي بوسط المات طبعا الكيمان العشناها في وسط وشرق اوروبا وعايشنها لليلةخلتنا نجفل من اي كوم عشان كده انا شخصيا اخاف اتكوم لانو كومنا ما قامت ليه قايمه الليله من يوم ما فرشوا عشان كده فضلت الهروب اجري ولا ادري الي اين لكن ساجري و ساجري ما فيش طريقة غير كده و كلامك الكتبته ان طبعا مؤيد له بل دعمته بالذي يكتبه الاخرين شر غسيل يعني كان شالوا ما بنشال و كان خلوا جلس جنب الدار؟ يا الله معانا و شفوا السكن جنب الدار ده منو و ما رجع من زمان عشان يشوف الكيمان الا قبل شهرين وقت شاف البورد اللي اصبح وطن كما يكتب ابنوس وسيد المحل قلنا نطل و نشوف لكن مرات نصاب بالغثيان ويا دكتورة انا اعتذر اذا راس الصوت وصلك شخصيا انا قاصد الهبجوره التي ظظلت اقرؤها من كتاب البورد والتريد و التعاليق و معذرة لو كان تفهمني و دمتي في داخل الكوم الذي اتمناه لك ولكل ناس البورد الجادين واللي دائما متعودة تدخل عليهم غير جادين و تقوم لينا نحنا القنابير المتبلدة

Post: #35
Title: Re: كومى... وكومو.... وكومك
Author: bayan
Date: 09-17-2003, 04:16 PM
Parent: #34

وين يا سعد
تانى ماشى وين
دا انت بقيت فى الكوم دا شئت ام ابيت
لع والف لع
دخول الكوم مش زى الخروج
منو يا بعيد
دا انا عديتك معنا
اى زول يطلع حينطخ
سامع رجالة عديل كدا
تقعد هناك
كلام سرى وخترى
لما نكتر نمشى نرشح بعض بالمتواليات العددية
يفوز كومنا طوالى فى مسابقة اخونا عادل

Post: #28
Title: Re: كومى... وكومو.... وكومك
Author: Raja
Date: 09-17-2003, 03:21 PM
Parent: #1


الحبيبة بيان..
غايتو انا كومي كبير وكله ناس حلوة.. وهم:
-كل فتيات وسيدات البورد
- الأدباء والشعراء والفنانين
- الزملاء الصحفيين
- والناس الحلوة البتدخل لي بوستاتهم تووووووووش دون تردد

Post: #31
Title: Re: كومى... وكومو.... وكومك
Author: bayan
Date: 09-17-2003, 03:47 PM
Parent: #28

بقيتى ست الكيمان التلاتة يا عديلة
شوفو رجوية حلاتها
امسكى عليك كيمانك ديل امسكيهن
لكن لازم تبقى معانا
فى كومنا الخترى برعاية ابو جهينة

Post: #33
Title: Re: كومى... وكومو.... وكومك
Author: ابو جهينة
Date: 09-17-2003, 03:55 PM
Parent: #31

بيان
سلام كيماني من كومنا الذي لن ينضب معينه بحوله و قوته
و للخطرفة بقية
أحبو و أحب كيمانو ، كيمانو الفي بوستاتو

الله يخلي بنية ، تكومن كومي

خداري البي كومي ما داري

حبيبة كومي ، تفشى الخبر و ذاع و عم القرى و الحضر
تسلمي و لنا عودة

Post: #36
Title: Re: كومى... وكومو.... وكومك
Author: اساسي
Date: 09-17-2003, 04:53 PM
Parent: #33

ايوااا يا خالة بقيتي بي كيمانك
لكن ارجي كومي لمن يقوم علي كومك
كان ما خلاهو دقة
شوف بتين عملت ليها كوم وبقت تطنش

Post: #37
Title: Re: كومى... وكومو.... وكومك
Author: bayan
Date: 09-17-2003, 04:57 PM
Parent: #36

اساسى
العتب على النظر
يا ولدى

شيايل هم كومك قلبى
ان شاء الله ما يحصل
اساسى انت اساسى فى كومنا عشان تدق الناس وتزفتنهم بلا مغصة
ودى اهم حاجة فى الكوم انه يجى زول يزفتنك بلا مغصة
قلتا شنو؟

Post: #38
Title: Re: كومى... وكومو.... وكومك
Author: بدرالدين شنا
Date: 09-17-2003, 07:26 PM
Parent: #1

بسم الله الرحمن الرحيم

الأخوة دكتورة بيان وأبو جهينة وعليَّة الكوم
الكومة ليكم
أنا اليومين دي كايم على وجع الضرس
عليك الله يا دكتورة كومي سوي لينا شاي كان نقدر نكاوم
المكاومة الفلسطينية

Post: #53
Title: Re: كومى... وكومو.... وكومك
Author: bayan
Date: 09-19-2003, 05:50 AM
Parent: #38

يا لاسم يا بدرى يا ابنكنبة

خلاص يا جماعة بقى عندنا صنمنا
ابو جهينة
و نجمنا بانضمام بدرى لينا
المكاومة دى الامم المتحدة ما بتكومها

Post: #39
Title: Re: كومى... وكومو.... وكومك
Author: Raja
Date: 09-17-2003, 07:33 PM
Parent: #1


ها ها ها ها يا بدرالدين.. حلوة المكاومة الفلسطينية دي... بالمناسبة انت من الكوم بتاعي بتاع البوست البدتخلو توووووووووووش

Post: #43
Title: Re: كومى... وكومو.... وكومك
Author: بدرالدين شنا
Date: 09-18-2003, 04:39 AM
Parent: #39

بسم الله الرحمن الرحيم

رجاء العباسي
سلااااااااااااااام كيمان

وأنا لي كوم الشرف بي كومك

Post: #40
Title: Re: كومى... وكومو.... وكومك
Author: Nada Amin
Date: 09-17-2003, 08:01 PM
Parent: #1

يا بيان أنا دايره أنضم للكوم بتاعكم لكن شرطي الوحيد الرئاسة الكيمانية و لزوم الجندرة تكون لمرأة يني نعمل اقصاء غير ضار لأبو جهينة و نرشح زولة كده بمعرفتنا. بعدين يا بيان ما عارفاكي محتجة مالك و بوستاتك كلها و عيني باردة نيرانها مولعة؟

Post: #57
Title: Re: كومى... وكومو.... وكومك
Author: bayan
Date: 09-19-2003, 03:32 PM
Parent: #40

العزيزة
ندى
لازم يكون عندك كوم البقاء للاكوم

Post: #41
Title: Re: كومى... وكومو.... وكومك
Author: cola
Date: 09-17-2003, 09:15 PM
Parent: #1

مضاااااامن معاكى يابيان انا
لانى والله حالتى تحنن لانى لاعندى كوم
ولا عااااوز اسال بى كم الكوم

ياربى الكوم هو بى كم

Post: #56
Title: Re: كومى... وكومو.... وكومك
Author: bayan
Date: 09-19-2003, 03:29 PM
Parent: #41

سلام يا كولا كديستك المرطبة
وموكومة فى الهاموك كدا
دى براها كوم
خلاص نحنا نسمى الكوم دا كوم كديسة كولا المرطبة

Post: #42
Title: Re: كومى... وكومو.... وكومك
Author: kamalabas
Date: 09-17-2003, 09:42 PM
Parent: #1

قامت الاخت بيان بنقد ظاهره الكيمان والشلليات
الالكترونيه وروح القطيع التي تقتل الاستقلاليه والمبادره
الفرديه وتجعل الانسان يحابي ويجامل علي حساب رأيه
في بعض الاحيان ...هذا شي جميل ولكني شايف كوم محاربي
الكيمان كبر خلاص ...خوفي يصبح ذي تنظيمات الطلبه
المستقليين التي كانت تدعو لاستقلاليه من التنظيمات
ولكنها اصبحت تنظيمات هي الاخري؟؟
عموما لا أري أي ضير في توافق اي جماعه في رؤيه سياسيه
او ادبيه او اجتماعيه ودفاعهم عنها .هذه هي طبيعه
الانسان ككائن اجتماعي ...ولكن المرفوض هو المجامله
في الباطل ومسانده صديقي والدفاع عنه حتي لو كان
موقفه ضد قناعاتي الشخصيه..

Post: #45
Title: Re: كومى... وكومو.... وكومك
Author: bayan
Date: 09-18-2003, 07:33 AM
Parent: #42

سلام كمال
الانسان كوام اجتماعى بلا كوم ما بيعيش
ولذلك كشرط للعيش لازم تكوم حتى لو فى كوم من لا كوم له
الانتماء ضرورى
كيمانك الخايف عليها

Post: #44
Title: بيان والحضور ازيكم
Author: توما
Date: 09-18-2003, 06:00 AM
Parent: #1

الكوم كومي
بشيلو في راسي
ومن راسي بختو في كتفي
ومن كتفي هديه لعريسي
اها ده كلو كوم
والحاصل كوم تاني
انا اليومين ديل اظني في كومه
وانا ذاتي جديده ما وزعوني لسه قاعده مستمعه ساي علا بحنس في امي تفططني سنه اولي وهي ما رضيانه..
بيان والحضور ازيكم
والكوم هو كوم شنو ذاتو قبال نتفاصح ساي
بس ما يكون الكومداكا
توما

Post: #46
Title: Re: بيان والحضور ازيكم
Author: bayan
Date: 09-18-2003, 07:36 AM
Parent: #44

شوفى يا توما الفزعت بى كومة
انا معجبة بيك شديد جدا لردجة الموت فى الكوم
ما عندنا تب مانع تكومى عندنا
عشان ابا ومن لف ملفه
ما يمشى مننا من يلقى كوم شبابى

Post: #47
Title: Re: بيان والحضور ازيكم
Author: ودرملية
Date: 09-19-2003, 00:09 AM
Parent: #46

سلامات
للاسف يادكتورة سواد البورد اضحي موغل في الزيف والنفاق بل وبلغت به المبالغ الباهظة في المكابرات والمكاومة الثقيلة التي تهد كتف اقدع عتالي ويشهد الله اننا وبهذه الطريقة لن نتقدم خطوة واحدة من صفرنا الذي اكل وشرب فينا
وتجديني في حالة يرثى لهاوالله الشهيد فانا حلمت بوطن حدادي مدادي وطن طيب فيهوا الخير غالب 10/صفر والمباراة قدر ماتتعاد الخير يكون غالب
وانا اليومين ديل انوم وتجيني الاحلام والله العظيم كلها البورد وردود واستغرب جدا علي الردود المايعة واظرف حاجة حلمان امس بي بوست بتاع زميل بيتساءل عن فنان اختفي فجاءة ويريد ان يجمع الزملاء توقيعاتهم لتقديمها للجهات المعنية الجهات الغير شرعية طبعا بي فلسفة اهل السياسة اها قام واحد من اولئك الذين يتكوم حولهم الكومنجية والذي يحمل في كل بوست له شوال بتاع هتيفة للرد بالنيابة عنه ااها قام فرد بوست خاص فيه فاتورة الطلبات رفضت ادخل البوست وطوالي قمت عملت بوست بي اسم القضية نفسها ولميت ليك في الزول دا
قلت ليهوا
انت غير جدير بتبني مثل هذه القضية الانسانية والتي سيجاهد من اجلها الشرفاء الافاضل البهاليل الجبهاء وانت غير جدير بان تكون من زمرة الكاتبون عنها لعدم انسانيتك وتعاليك الفي الفاضي واهاناتك الرعناء التي اصاب رشاشها زملاء مجتهدون وقام البوست ولع وليعة جد
تتخيلي صحيت من النوم قبل مااكمل حتي اري هل ردا عليَ ام سدر في غبائه كالعادة والله يادكتورة الكلام الفوق دا فعلا حلمتا بيهو
شفتي الموضوع مأزمني كيف عشان كدا ان ماداير لي اي كوم بس بفتش عن الحق اين ما كان اكون الحق اجمل منو مافي الطيبة والدغرية احسن منها مافي المعاملة الجميلة احسن منها مافي واقسم بالله العظيم ان خيرت بين اهل بيتي او الحق لااخترت الحق دون اي رجفة او كبكبة ...الناس دي قايلة الدنيا دي دايمة والا شنو البفارق الحق الحق بيفارقوا ولو بقا زي تمثال الحرية بتهدا الساس الني مابيسندلو غير نية
اها لو كومك دا كوم حق فكوميني تكويمة قمرة اولي ياحبذا
الان اجتهد بفكري في الانسحاب من البورد كوني غير قادر علي العيش و المحاباة والزيف يخنقني يقتلني يستفز كل حس انساني في كيمان روحي ونفسي صدقيني يادكتورة اعي تماما ماتقصدين واوصيك ونفسي بالتباعد عن الكومية اللهم حتي كومة النفس وانشاء الله تكوني براك المهم تكوني علي حق وتاكدي لو كنتي علي حق ولم يتكوم حولك الناس تاكدي انهم علي باطل ولتواصلي امرك الحقاني كيف ما يرتضي الله له ان يكون
مازلت مخنوقا ومازالت القصة تشك حلقي شكا كالذي يملاء حقت التمباك فيكبسها كبسا كي تمتليء امتلاءت الان ولولا ان هناك اناسا احبهم جمعني بهم هذا البورد لكانت هذه اخر مشاركاتي
بالرغم من كل هذا لم ينقطع حلمي بوطن شريف عفيف وطن طاهر اعلام الحق ترفرف في عالي امكنته وازقته وكراديبه مازال الحلم يضاجعني بوطن مهما بلغ فيه البالغ من درجة سمو لن يجد من يقف في صفه ان خالف الحق او اغراه باطل احلم بوطن سامي ليتني افتح عيني ذات مفاجاءة فاجد احلامي تخرج من رحم الحقائق كاابهي المواليد

Post: #49
Title: Re: بيان والحضور ازيكم
Author: bayan
Date: 09-19-2003, 03:17 AM
Parent: #47

ود رملية
والله ضحكتنى فى الحلم بالبوستات
زمان كدا اتعلمتا كونكان اربعتاشر
اها استغرقتنى اللعبة لدرجة الهوس
كل يوم اقعد من الصباح العب مع اى زول فى البيت لما ما القى زول امشى الجيران المهم بعداك بقيت احلم برصات الكونكان وافكر واهضرب بيها واحد فى اخوانى حلف انى بالليل بصرخ بأعلى صوتى خمسسسسسسسسسسسسسسين
اها طوالى وقفت العبها تانى واسع لما اشوف كوشتينة بقرب اجن
والايام دى عندى زى احلامك دى يبدو انى قربت ارمى البورد بايظ

لكن كلامك جميل جدا عن الحق والمبادئ على الاقل يا زول عرفنا لو جات الديمقراطية و الجماعة مشو مصيرنا حيكون شنو
ومافى حاجة فى الدنيا حتخلينا ما نحلم بالوطن الحدادى مدادى بالفيهو نتشارك ولكن كل من يحلم بالخير والحق
حيشيل الصليب عشان يصلبوه فيه و بعدها يلبسوك أكليل الشوك
وهذا قدر الانبياء والشرفاء

نجى للكوم نحنا كومنا كوم من لا كوم له

يعنى ناس قريعتى راحت

ومرحب بيك

Post: #48
Title: Re: كومى... وكومو.... وكومك
Author: Outcast
Date: 09-19-2003, 01:37 AM
Parent: #1

Dr. Bayan, how come I don't have a Koam?? oh, right I forgot.. I am an OUTCAST

and this darn computer speaks all languages but Arabic is outcasting me even more...

I need a koam, I need a koam, I need a koam.

Post: #50
Title: Re: كومى... وكومو.... وكومك
Author: bayan
Date: 09-19-2003, 03:20 AM
Parent: #48

اوت كاست
عايزة اقوليك بكل صراحة انا معجبة جدا
بردودك الجميلة
ويشرفنا انك شرفت بوست الكوم
وبما انك جيت خلاص بقى عندك كوم من لا كوم له
بس يازول شوف ليك
فيرشوال كى بورد وابقى ذى الساعاتى زى ما بيقول صاحبنا جاغوما
وخلينا نشوفك

Post: #60
Title: Re: كومى... وكومو.... وكومك
Author: Outcast
Date: 09-20-2003, 03:41 AM
Parent: #50

Thank you for adding me to your "Koam", now you need to tell me (confidentially of course) all the "rules of the game", most importantly, you have to disclose all the heavy artillary that produced the effect of the "Shock and Awe" on the Board..loool

As I mentioned before ..I am an OUTCAST.. you know Bayan, there is something liberating about being an outsider and not belonging to any koam, you can speak your mind whenever and wherever you want without fearing to disappoint anyone, you don't become obsessed with this "collective mentality" and "those who are not with us.. are against us", in short, you are allowed to be yourself...

Quote: بس يازول شوفليك
فيرشوال كى بورد وابقى ذى الساعاتى زى ما بيق ول صاحبنا جاغوما


(ZoaL???), I hope it is just a typo

Post: #51
Title: Re: كومى... وكومو.... وكومك
Author: altahir_2
Date: 09-19-2003, 03:21 AM
Parent: #1

د. نجاة تحياتى
اها كومتينى وين ؟ ولا كل واحد يكوم نفسه براه

Post: #52
Title: Re: كومى... وكومو.... وكومك
Author: bayan
Date: 09-19-2003, 03:37 AM
Parent: #51

الطاهر2
طبعا نحنا ضد الديمقراطية
وحرية الاختيار
عشان كدا البوست دا شرك كل من يدخله مكوم
مع كوم من لا كوم له

Post: #54
Title: Re: كومى... وكومو.... وكومك
Author: Yasir Elsharif
Date: 09-19-2003, 11:31 AM
Parent: #1

كومي كوّم كومك عليْ لوم؟؟

جائزة لمن يفهمها وهي راكّة كدا..


العزيزة بيان:

نقدك للشلليات أعجبني.. وأنا بالمناسبة بخش بوستات بعض الناس توووش زي ما قالت رجاء.. ومنهم بوستاتك يا بيان، واستمتع بالحوار معك، ولكني مع ذلك أختار العناوين مع كثير من البوستات.. في هذا القطار لا يستطيع الإنسان أن يتابع كل البوستات..

وهنيئا لنا جميع الكيمان..

Post: #58
Title: Re: كومى... وكومو.... وكومك
Author: bayan
Date: 09-19-2003, 03:34 PM
Parent: #54

شرفتا الكوم يا دكتور ياسر
شايف المكاوشة دى كيف
خلاص لقينا حكيم كومنا

Post: #55
Title: Re: كومى... وكومو.... وكومك
Author: abdelgafar.saeed
Date: 09-19-2003, 02:48 PM
Parent: #1

سلام دكتوره بيان
الفكره عجبتنى
اقصد النقد الساخر لظاهرة الشلليه.0
وبالله يعنى الحكايه كده
اخوك ماداقش ساكت
يعنى زول الله
وغبيان كمان
وما عارف الحكايه كيمان
غايتوانا بواصل مداقشتى
واخش محل ما الكلام يعجبنى
اها المتلى ده يتكوم وين
اوعك تقولى لى فى الاستباليه
انا عايذ لى كوم يلم الكيمان كلها
يعنى كوم الكيمان
والله لو لقيتوا لى واحد زى ده
تكونو ماقصرتوا تب

عبد الغفار سعيد

Post: #59
Title: Re: كومى... وكومو.... وكومك
Author: bayan
Date: 09-19-2003, 03:37 PM
Parent: #55

الاخ عبدالغافر
احسن ليك تلم فى كوم وتتكوم قبل نقفل
الكوم
وخلاص تانى ما عندك
طريقة وتبقى تداقش لمان تلقى نفسك
مقفول برة بكترة المشاكل
ولا بس عاين بعينك
وامسك كىبوردك قوى
لغاية ما تعرف وعمق وتشابك
الاكوام
ونحن ندعو الله انه يعطيك كوم ماهل صنمو عمدة

Post: #61
Title: Re: كومى... وكومو.... وكومك
Author: Outcast
Date: 09-20-2003, 03:48 AM
Parent: #1

Quote: اها بقيت اتابع في هذا الجانب لا مخلى خفاض ولا المراة شيطان والنفاس قبل يومين فتحت بوست عن الختان بعدين فتحت البوست دا لقيت ليك صورة كبيرة لبن لادن بدون اي تعليق فاندهشت وقت : يا ربي الراجل دا يكون الامريكان طهروا ! يا ساتر
،

Looooool. Ya Asha Bit Fatna...
It seems like there is some kind of Obsession lately with our "reproductive parts"..I cann't believe there are 4 open posts just about female circumcision, and by men, why don't they speak about their own...

Post: #62
Title: Re: كومى... وكومو.... وكومك
Author: bayan
Date: 09-20-2003, 03:55 AM
Parent: #61

اوت كاست
شنو يا اخى
خجنلنا لغاية الخدود
ما احمرت على سوادها

انت كوم معادى ولا شنو عايز تطفش الجكس من هنا

احذرو الغواصة اوت كاست

Post: #63
Title: Re: كومى... وكومو.... وكومك
Author: Outcast
Date: 09-20-2003, 04:00 AM
Parent: #1

Bayan, seems to me like there is some kind of "gender identity mixup".. I am a she..she..she..

Post: #65
Title: Re: كومى... وكومو.... وكومك
Author: bayan
Date: 09-20-2003, 04:09 AM
Parent: #63

لوووووووووووووووووووووووووول
وتانى
لوووووووووووووووووووووووووووووول
نفسى اتقطع
بالله
مرحب بيك فى القبيلة
والله سعدت جدا
انك من عندنا

Post: #64
Title: Re: كومى... وكومو.... وكومك
Author: Outcast
Date: 09-20-2003, 04:02 AM
Parent: #1

Thank you for adding me to your "Koam", now you need to tell me (confidentially of course) all the "rules of the game", most importantly, you have to disclose all the heavy artillary that produced the effect of the "Shock and Awe" on the Board..loool

As I mentioned before ..I am an OUTCAST.. you know Bayan, there is something liberating about being an outsider and not belonging to any koam, you can speak your mind whenever and wherever you want without fearing to disappoint anyone, you don't become obsessed with this "collective mentality" and "those who are not with us.. are against us", in short, you are allowed to be yourself...


Quote: بس يازول شوفليك
فيرشوال كى بورد وابقى ذى الساعاتى زى ما بيق ول صاحبنا جاغوما



(ZoaL???), I hope it is just a typo

(Reposted from an earlier post on this thread)..

Post: #66
Title: Re: كومى... وكومو.... وكومك
Author: ابو جهينة
Date: 09-20-2003, 10:13 AM
Parent: #64

بيان
سلام بعد العودة من صحراء نجد التي أدمنتها كل خميس و جمعة
و قد بلغني أيتها الدكتورة أن الأخت ندا أمين قد حاولت القيام بإنقلاب أبيض ضدي ، و لكن بحمد الله حكمتك أنقذت الموقف. فيا أخت ندا أمين ، الجاتك في إنقلابك سامحتك ، و رغم كل شيء ، معليش و مسامحك مادام إنت بت كومنا و لك صلة كوم ببيان و الكوم عمرو ما بيبقى موية ، و الكوم ما بيطلع من اللحم أو البوست.
تسلمي ندا أمين
بدر الدين النفيس
سلامة ضرسك. عندي علاج ناجع : تجيب ليك كومين تلاتة ، و تدقهم في البوست إياه ، و كل كوم تاخد ليك سفوفة ، بإذن الله و حوله حتلقى ضرسك بقى كويم خالص
تسلم بدر

Post: #67
Title: Re: كومى... وكومو.... وكومك
Author: bayan
Date: 09-20-2003, 10:16 AM
Parent: #66

كووووووووووووووووووووووووووم
يا ابو جهينة
كومتنى لمان قربتا اتكوم

Post: #68
Title: Re: كومى... وكومو.... وكومك
Author: ابو جهينة
Date: 09-20-2003, 12:33 PM
Parent: #67

كوم إتنين ينادي ست الكوم الكبير
شوهدت عدة كيمان متكومة في كيمان غير قانونية و دون أخذ ترخيص تكوم من سيد الكيمان التلاتة ، حول ، الكوم المجنزر و الكوم المحمول جوا ، و كوم المشاة و كومنا الشعبي يتحركون فورا لميدان أبو كوم و الدخول في إشتباك كومي موسع و إستعمال الكيمان المسيلة للمشاركات و الهراوات مع عدم ترك أي أدلة تدل على خوضنا هذه المعمعة إلى إشعار آخر.
حول.
هل تسمعينني بيان ، أرجو الرد على الموجة كوم إف إم كوم
و على عنواني البريدي
أبو جهينة المتكوم ، آت ، بيان كوم دوت كوم

Post: #69
Title: Re: كومى... وكومو.... وكومك
Author: bayan
Date: 09-20-2003, 04:02 PM
Parent: #68

صنمنا وتاج كومنا
كل التكويمات تحت التكويم
والامن مكوم
رصدكم لحركة الاكوام المريبة
يجب التحرك لاحتواء الاكوام
العشوائية
حول....

Post: #70
Title: Re: كومى... وكومو.... وكومك
Author: ابو جهينة
Date: 09-20-2003, 04:54 PM
Parent: #69

علم .. حول

Post: #71
Title: Re: كومى... وكومو.... وكومك
Author: bayan
Date: 09-20-2003, 04:57 PM
Parent: #70

وا كوماه
الشرير قال انا شاكالة
ومن العشرة الرباطية فى البورد
يلا كوووووووووووووم اقصد هجوووووووووووووووووم
حول

Post: #78
Title: Re: كومى... وكومو.... وكومك
Author: bayan
Date: 09-24-2003, 07:02 PM
Parent: #71

*

Post: #79
Title: Re: كومى... وكومو.... وكومك
Author: bayan
Date: 09-29-2003, 03:41 PM
Parent: #78

*

Post: #81
Title: Re: كومى... وكومو.... وكومك
Author: KANDAKE
Date: 09-29-2003, 10:50 PM
Parent: #70

من كان عنده فضل كوم فليعد به على من لا كوم له
Someone reading the posts with me noticed that in many posts mine was the last one, as if people suddenly flee the place. But you know what I did not feel abandoned. I felt empowered. I can close down this board by just posting a message to every post. so which Kome do you want chased out first?

Post: #83
Title: Re: كومى... وكومو.... وكومك
Author: bayan
Date: 09-30-2003, 02:16 AM
Parent: #81

looooooooooooooooooooooooool
you know what i used to feel the same
but I like being the last one
coz I LOVE to say the last word
ok be in my com
and let us close all the posts of the rival koms


Post: #82
Title: Re: كومى... وكومو.... وكومك
Author: KANDAKE
Date: 09-29-2003, 10:59 PM
Parent: #70

من كان عنده فضل كوم فليعد به على من لا كوم له
Someone reading the posts with me noticed that in many posts mine was the last one, as if people suddenly flee the place. But you know what I did not feel abandoned. I felt empowered. I can close down this board by just posting a message to every post. so which Kome do you want chased out first?

Post: #110
Title: Re: كومى... وكومو.... وكومك
Author: bayan
Date: 10-08-2003, 04:06 PM
Parent: #82

*

Post: #116
Title: Re: كومى... وكومو.... وكومك
Author: Abureesh
Date: 11-04-2003, 09:02 AM
Parent: #69


Post: #121
Title: Re: كومى... وكومو.... وكومك
Author: Hussein Mallasi
Date: 12-05-2003, 03:15 PM
Parent: #69

من حقيبة الذكريات ..... لحين العودة المتوقعة و المطلوبة ...

Post: #72
Title: Re: كومى... وكومو.... وكومك
Author: Shinteer
Date: 09-21-2003, 12:53 PM
Parent: #1


بدري صحيت من كـــــــــــومي ... أنا بدري صحيت من كــومي


الكوم البجيب الريح سدّو واستريح

أنا داير حقي عجين .. ما بنتظر العواسة


Post: #73
Title: Re: كومى... وكومو.... وكومك
Author: ابو جهينة
Date: 09-21-2003, 04:09 PM
Parent: #72

شنتير
أنا صحيت قبلك من كومي ، إنت كومك كان عميق عشان كدة إتأخرت في الكوم.
أين أنت أيها الرجل ؟
دكتورة بيان
على وزن فتح الخشم و سد المال ، حسع بقى في فتح الكوم و سد الكوم و كوم العريس و كومة العروس
صحي حسع العريس بيودوا ليهو الفطور حاجات مدنكلة في صحون فضية مغطاة ؟
حليلنا نحن ، أدونا شعيرية و رز بي لبن في كورية مرسوم فيها ورد ، قالوا قدر قروشكم الجبيتوها ، شوفي الغتاتة

Post: #74
Title: Re: كومى... وكومو.... وكومك
Author: bayan
Date: 09-21-2003, 05:33 PM
Parent: #73

شنتير انت بتتكوم بتقول فى ايه

كومك الخايف عليه
امسك عليك كيمانك ديل
يعاينن لى
فى كوم الليل


صنمنا
بالله الاكوام دى من زمان
ما فات شئ
اسع يجبو ليك
ما تشتهيه نفسك
انت كوم ولا كوم

Post: #75
Title: Re: كومى... وكومو.... وكومك
Author: ABUHUSSEIN
Date: 09-21-2003, 08:21 PM
Parent: #1

بيان المشاكسة

عملتي ليك شـرك كل اللي بدخل تقعي فيهو شكر و إطـراء علشان تكتلي قلبوا
و تسجليهوا في كـومـك و ما شاءالله كومك بقى كبير.

و أنا دخلت البوست دا علشان أسلم بـس يعني ما تكوميني معاك عايز أكون فري

خليني غشيم كـدا أحسن البورد دا بتجيهوا مواسم بكون الشكل فيها هو السائد
و أنا كبرت على الحاجات دي .

خليني كـدا مراقب عام .

و ربنا إكبر كـومك و إبارك ليك فيهوا و إحفظوا ليك من الفركشة و العين
و النيران الصديقة.

Post: #76
Title: Re: كومى... وكومو.... وكومك
Author: bayan
Date: 09-22-2003, 03:13 AM
Parent: #75

ابو الحسين
وين تاتى
دخول الكوم ما زى الخروج منه
ايوووووووووووووويييييييوووووووووووياه
ابو الحسين دخل كومنا

Post: #77
Title: Re: كومى... وكومو.... وكومك
Author: bayan
Date: 09-22-2003, 07:42 AM
Parent: #76

ومن ثم نعلن لكم ناس البورد انه تم اقفال
هذا الكوم
وعليه
نعلن العفو العام عن كل العداوات السابقة
وسنبدا صفحة جديدة مستثنى عنها الشرير
العداوة معاه قائمة لانها عداوة حدثت اثناء تكويم الكوم
واى عداوة ولا دقسة تبدأ من اليوم ستكون مشكلة الكوم كله
ولذلك افتحو عينكم تماما
انا ما براى بقى معاى كوم
وكومنا دا عنده كم اكوام صديقة
عنهم
كومات مكموت اكمت

Post: #80
Title: Re: كومى... وكومو.... وكومك
Author: ابو جهينة
Date: 09-29-2003, 04:14 PM
Parent: #77

من هذا الذي أطلق الكوم من كمكمه؟
دكتورة بيان ؟
لقد كان الكوم في بيات كومي ، فهل ننطلق

Post: #92
Title: Re: كومى... وكومو.... وكومك
Author: bayan
Date: 10-04-2003, 05:39 PM
Parent: #80

يلا يا ابو جهينة
يا صنمنا يا ما شايف شغلو اسع نرفدك
ونجيب صنم تانى

Post: #84
Title: Re: كومى... وكومو.... وكومك
Author: THE RAIN
Date: 10-04-2003, 09:16 AM
Parent: #1

الأخت العزيزة
الدكتورة بيان

كنت والله على شبه قناعة، انه الموضوع ده ما مقصود بيهو حاجة غير خلق بعض المرح وأجواء ودية جميلة، أو بعض الممازحة او السخرية ، واتعمق الفهم ده من خلال المداخلات العديدة فى نفس المعنى، او تناول شى على طريقة ال
Mock Satire
لبعض الأشياء والما كنت مؤمن – على غباى- انها ممكن تكون موجودة أو حاصلة فى المجتمع الصغير بالمنبر هنا، لكن والله اصبت بذهول تام وصدمة عجيبة لما تأكدت فعلا من حكاية الكيمان دى، وفعلا عرفت اشياء محزنة ومضحكة فى نفس الوقت، وحاحكى ليك يا دكتورة بيان قصتين غريبتين جدا، ويكمن ربنا سواهن لى عشان امرق من مرحلة الطفولة البوردية البريئة الكنت عايش فيها واكتشف اشياء ما كنت اسمح لنفسى بمجرد التفكير فيها، مجرد التفكير أو الخيال ما كان وارد، لأنها لايفترض وجودها من اساسه، لسببين الأول هو انه مافى ليها لازمة اطلاقا، يعنى مافى ليها داعى نهائيا، والسبب التانى هو انه يفترض بالناس الهنا ديل انهم ناس كبار وواعين وراشدين، وكلهم تقريبا اتخطو مرحلة مجتمع داخليات الثانويات

كدى النحكى ليك القصتين

كتب لى واحد من الزملاء الأحباب والبحبهم فعلا والله وليهو مكانة سامية جدا عندى وتقدير لايعلى عليهو، كتب لى بالحرف الواحد والله العظيم وقال لى، انه بيعتذر ويتأسف جدا جدا لأنه ما بقدر يشارك معاى او فى اى موضوع انا بكتبه فى المنبر، على الرغم من انه عنده رؤى مشتركة معاى وعنده رغبة فى المساهمة والكتابة الخ، والسبب شنو؟
السبب انه انا العبد الفقير، كتبت عن واحد من شلته أو اصحابه أو كومو او مجموعته، حاجات يمكن تكون ما ظريفه، يعنى انا كتبت كلام كعب، ما عارف الوصف الصحيح ياتو فى الأوصاف دى، المهم بيقدم اسفه واعتذاره ويرجو انى اتفهم موقفه، وطبعا انا اتفهمته جدا جدا، بعد ما قربت اموت من الدهشة اولا ومن الأسى والحسرة ثانيا، وطوالى اتذكرت كلامك يا دكتورة، وقلت والله يا اخوانا الدكتورة ما هينة ابدا، قدرت تكتشف حاجة غريبة، يعنى برضه نحن كان ممكن نكتشفها، لكن ولأنها اصلا ما كانت واردة فى التفكير او التخيل، عشان كده ما فكرنا فيها ابدا

القصة التانية

اتصل على هاتفيا احد الزملاء الأعزاء، وبعد السلام والأسئلة المعتادة، وبدون أى مقدمات سألنى، والديالوج التالى ده والله بالنص زى ما حصل، وبدأ بانه سألنى السؤال ده

اسمع، انت مجموعتك منو فى المنبر؟
مجموعتى، كيف يعنى مجموعتى
مجموعتك، الناس اصحابك يعنى منو فى البورد؟
والله كل الناس انا بعتبرهم اصحابى وزملاى
ياخى ما فهمتنى، يعنى شلتك منو؟
ما عندى شله والله، والناس ديل ما قابلت منهم الا افراد بس ومعظمها لقاءات عابرة كده
انت الظاهر عليك على نياتك ساى وما جايب خبر
كدى عليك الله ورينى الحاصل شنو، والله شوقتنى جدا، انا عارفك زول بتاع بلاولا
ضحك – ضحك – ضحك
ياخى اسمع، انا اوريك بالعديل كده، البورد ده كل مجموعة فيها ناس مع بعض، عاملين زى العصابة كده، والماسنجرات شغالة اربعة وعشرين ساعة، اتفاقات، ترتيبات، اقتراحات وعيييييييييك حاجات عجيبة جدا بتحصل

كده انا بديت افهم شويه، يعنى كلامك ده تقريبا زى الموضوع بتاع الدكتورة
الدكتورة منو؟
بيان
ايوه، بالضبط كده، والشى المكتوب فى موضوع بيان ده، ولا يجى نقطه فى بحر
ياخى والله انا لا عايز لى عصابة ولا عايز لى شله، اصلا انا ما زول بتاع مشاكل وبالتالى ما محتاج زول يقيف معاى أو يدافع عنى
يازول انت وهم ولا شنو، انت قايل الموضوع شكل وجوطه وخلاص، كدى خلينى بتصل عليك مرة تانى وبوقع ليك الكلام
خلاص اوكى يا حاج، انا منتظرك
يلا مع السلامة

انتهى

انا بس والله يا دكتورة عايز افهم حاجة واحدة بس

الهدف أو المقصد شنو من الشى ده؟ يعنى الناس عايزه تصل لى شنو بالضبط، والاجابة مهمة جدا لأنها ممكن تشرح لينا الحاجات الغربية دى، وانا بسميها غريبة لأنه ما شايف انه عندها داعى منطقى، يعنى لو كان فى ريزنبل تارقت الناس ديل عايزين يصلو ليهو كنا نقول معليش لكن انا شخصيا ما لاقى لى أى تارقت، يكون يا ربى فى وانا برضه على غباى ما عارفه

المهم يا دكتوره والله، انا البهمنى فى الموضوع كله، مش الشئ الحاصل فى حد ذاته، انما انا مستغرب لوجود عقليات ممكن تفكر فى حاجات زى دى، وده الشلا المحزن فى الموضوع كله

والله مافى سبب ولا فى داعى

اتمنى من الزملاء الاستشهدت بيهم فى الحكايتين ديل ما يزعلو منى، واكيد هم حيقرو الكلام ده ويعرفو، بس كان لازم الزول يقول الكلام ده عشان يرتاح شويه ويتفشا يعنى

حاجة غريبة فعلا، مضحكة ومبكية

وتحياتى مجددا ليك يا دكتورة وللزملاء الأعزاء

معليش الكتابة دراب بالدارجى، لأنه اتعودنا لمن نكون زعلانين، نزعل بالدارجى، اعتقد انه مور إكسبريسف

Post: #85
Title: Re: كومى... وكومو.... وكومك
Author: mohammed
Date: 10-04-2003, 09:30 AM
Parent: #84

العزيزة د. بيان

سلام مربع علي عرشك المكوم
الموضوع

اوووووووووف لا حوووووووووووووووولااااا

انا طالع من الغرف البي هناك ديك وراسي مفلك ورجلي مجرحة من الضريب والعكاكيز هرتني هري


يا داب عيوني فتحت لما دخلتا الاستراحة دي الله يخليك لينا وما يحرم زول من الكيمان

اها كومي وينو

عشان راجع للمعافرة تاني

محمد

Post: #86
Title: Re: كومى... وكومو.... وكومك
Author: nile1
Date: 10-04-2003, 09:57 AM
Parent: #85

ســـــلام

الظاهرأنا لا إلى هؤلاء ولا إلى أولئك...ودا ظاهر من عدد زوار أي بوست أكتبه...عموما إذا كان لابد أن أتكوم إلى كوم ما..فأنا تبع كوم أمبــــو

Post: #90
Title: Re: كومى... وكومو.... وكومك
Author: bayan
Date: 10-04-2003, 05:31 PM
Parent: #86

يا نيل
انت لازم تعمل كوم
عشان لو قلتا بغم
يقولو ليك يا شفيف
وانت باسلوبك الجميل تنفع تكون صنم
تعال ابقى فى كوم من لا كوم له
وسلم على الزوجة بالله

Post: #87
Title: Re: كومى... وكومو.... وكومك
Author: abuguta
Date: 10-04-2003, 10:20 AM
Parent: #85

د.نجاة
تحياتى
واول مرة اشوف البوست دا...او ما عارف فاتنى كيف
انا كومى ....اى واحد درس فى الهند لانهم بعرفو ابقوتة واشعاره حتى لو كتبت بالتقليدى...لانها كانت معبرة عن المجتمع الطلابى

تانى ناس كومى..كل زل بسيط متواضع مهذب مع الاخرين

وبعدين سنتمتال دا انا من كومو وهو من كومى....بس الخلاف فى الحزب
هو عنده حزب وانا زى سجيمان ..لكن ما بنختلف.....
اسى المطر دا زولنا عديل كدا
وانا يادكتورة الايام دى عندى محاولات فى كتابة القصيدة الصامتة
عشان اتبنى المدرسة الصمتية....لو صدقت معاى الشقلة دى بكتب قصيدة
وبقول لكومى
عليك مدحى لا لومى
يامطرى وغيومى
اساسى ياتومى
سجيمان وفطومى
هوب فل بتلدومى
سنتمنتال المكلومى
الليلة دا يومى
انفخو لى هدومى
وجسمى وجضومى
وانا فى احلامى ونومى
الليلة ياكومى

وتسلمى

Post: #91
Title: Re: كومى... وكومو.... وكومك
Author: bayan
Date: 10-04-2003, 05:34 PM
Parent: #87

شنو يا ابوقوتة
قربتا اقول
ياربى ولدى سمعو والاه جابوه ليهو
انا مقربة اصدق اننا كوم
وقلتا مالك فتحت لى خالتك
ما قلتا لى قصيدتك الصامتة دى بيكتبوها بالحبر السرى ولا كيف
شكرا لقصيدتك التى ستكون بمثابة النشيد القومى
لكومنا

Post: #89
Title: Re: كومى... وكومو.... وكومك
Author: bayan
Date: 10-04-2003, 05:28 PM
Parent: #85

محمد يا عسل
الله يديك العافية
مركب حجار جداد ولا شنو؟
تعال لكومنا

Post: #88
Title: Re: كومى... وكومو.... وكومك
Author: bayan
Date: 10-04-2003, 05:26 PM
Parent: #84

لووووووووووووووووووووول
يا المطر
نهنيك على انقشاع المثالية
بتاعتك
عارف لانه انت ما بتجى كتير هنا والا ما فاتت عليك
بس انا من بكرى رجعنى
صادفت انى ما شغالة السمستر دا
اها بس كدى محكرة فى البورد دا
من الصباح للمساء
عشان كدا عرفت الحاجة دى
اها احكى ليك قصة
فى زول كدا مشاكلنى بلا مغصة
يعنى لو شافنى كنا قلنا الله ينعل ميتين شناتنا المكرهة الناس فوقنا لكن الزول دا ساكت لله
كدا شامينى وآخر قصص وبوستات فقمتا
عرفت انه المرأة برضو لو شينة بتكون ملهمة
اها يا اخى الزول دا شغال
مطاعنات(طبعا انا كنت قايلة المطاعنة دى بتاعة النسوان)المهم
بعد قريات كدا وغمسة فى حفير البورد اكتر
طااااااااخ
جانى الوعى الجا لبطل قصة مائة عام من العزلة داك
الاترانى يا سيد الامنتى هبشتا صنم كومو
اها من ديك وعيك تحليلات
كدا وكدا اختك عرفت كل الاكوام الصديقة والبتكره بعضها
ولانى درست مسرح وانغمست فيه كتير
قريت كمية من المسرحيات
خلتنى اعرف الحوارات تبدأ كيف وتنتهى كيف
ومنو المفروض يقول شنو ومنو يظهر متين ومنو يجيب الطوب
ومنو يشتر ومنو يلبت
ومنو يرفع
فكان هذا البوست
وانت لانك مثالى ونقى ونضيف
بتفتكر الناس زيك
قصر الكلام انت محتاج لدروس خصوصية فى كل الاكوام واصنامها
عشان ما تشتر من طرف
الا اذا كنت متلقى حجج
كما اتهمنى صديق وابن عزيز
لكن ما تزعل ولا تزعل نفسك فى النهاية
دى الشاشة الغشاشة
والفاتك فوتو

Post: #93
Title: Re: كومى... وكومو.... وكومك
Author: دورنقاس
Date: 10-04-2003, 09:03 PM
Parent: #88

اختنا د.بيان


سلام بتاع زمان
يا اختى كنت بمنى نفسى اقوم من نومى الاقى كومى
لامين مالاقيتو

بقيت ادعو عليهو حولينا وماعلينا
اللهم صغر كومىفيما لا تحب
اللهم كبر كومى فيماتحب

Post: #94
Title: Re: كومى... وكومو.... وكومك
Author: bayan
Date: 10-05-2003, 05:58 AM
Parent: #93

دور نقاس
لكن الدعاء ما عندك
والله ضحكتنى
اوعى يجى زول يقول لا تدخلو على هذا الكوم والا انتم سكارى
عشان الشكلات تكتر
والواحد يصرخ وكوماه
يجوك ناس الكوم راجلين وراكبين
يتنفضو كيىبورديا
بعدين يكون فى كوم مصاحب كوم
يقوليهم سلفونا شتامكم
لان شتامنا ما عارفينو مالو
ما ظهر فى الشاشة الغشاشة
اها طوالى الكوم داك يرسل شتامهم
عشان الايام دول
يمكن يكون شتامهم يوم مافيش وكدا
معروف بمعروف
ولا يظهر صنم كوم يجيب كلام كبار كبار
شديد
عينة البلوقرافية و الانشيائاوية
يقوم طوالى الكوم الحاسد العامل انه صنمهم دا درة المحافل
يجيو يكتبو كلام عجب
كلو بينتهى لوجى ايه
ولوجى ايه
والله غايتو
حالة سعبة

لكن كومك دا كوم يمينى متخلف يا ود نقاس
هنا افراد الكوم بيحاربو بلا مغصة

Post: #95
Title: Re: كومى... وكومو.... وكومك
Author: JAD
Date: 10-05-2003, 10:46 AM
Parent: #1

العزيزة د. بيان .. مع التحية ،،،

تعرفي لمن الواحد يمر بالمحطة الوسطى ويشوف لمة ناس تجذبه الشمشرة لمعرفة الحاصل .. وبعد شوية يضع شنطة جنبه ويتفرج .. دا أنا .. واللمة دي بوستكم دا..

أطرف الأشياء أن الأخ سعد رجب بدأ منتقداً متلبساً بالواقعية والجدية .. ثم ماذأ؟؟؟

ثم تكوّم مع المتكومين ..

وسؤالي إن أصبح كل كومه .. فأين كومي؟

أين حقي؟

جــاد





تعرفوا لمن

Post: #96
Title: Re: كومى... وكومو.... وكومك
Author: bayan
Date: 10-05-2003, 11:59 AM
Parent: #95

جاد
لووووووووول
شايف كيف
اسع انت خلاص دخلت الكوم
بقيت طرف
ذى برضو
الزول لما يمشى المحطة الوسطى يلقى ليهو شكلة جامدة
يقعد يشمشر لمن يلقى نفسو فى مركز البوليس وبقى طرف فى الشكلة بقدرة قادر
عندى صاحبى كان كدا
طوالى بينتهى يومو فى مركز البوليس
الا نمشى معاه من يجى يقول
يا جماعة صلو على النبى لناس الشكلة طوالى بنجرو نمرقو
واقرب حافلة نركب فيها كان راجعة ام درمان نرجع
لانه دا الكيو
البيدخل بيهو الشكلات
اسع انت دخلتا الكوم تب
حقك معانا

Post: #97
Title: Re: كومى... وكومو.... وكومك
Author: ابو جهينة
Date: 10-05-2003, 02:12 PM
Parent: #96

إلى الدكتورة بيان
فارزة الكيمان ،، أخت الأخوان الذين هم عشا الضيفان
نظرا لإستلامي خطاب إنذار بالفصل و الرفد من وظيفتي التشريفية ،، فقد سارعت بتفعيل وظائف الكوم و أوراده فإليك بالخطرفة الكومية :

الكوم البمبي ينفع في البوست الأغبش
الجمل ما بشوف عوجة كومو ( من شدة الردوم الذي عليه )
كومو يرمي الصقر ( من شدة البتاع الفايح )
نكوم مما نزرع ،، و برضو نكوم مما نصنع ،، حتى إن بارت البضاعة
إن ما تكوم بالقوة ،، لا يسترد إلا بالكوة
أعلى الكيمان تغار منا ؟؟
قالت لي الوداعية : قدامك كوم سفر ،، و الهناية مكوماك ( زمان كانت محمداني )
تكوموا ،، فإن في التكوم سبع فوائد ،، واحدة عند بيان و الستة الباقيات في صندوق الأمانات.
و إلى وظائف قادمة حفظ الله أكوامكم و لا أراكم مكروها في كوما لديكم و كبر كيمانكم و وفقكم لما فيه تكبير الكيمان
سلام

Post: #98
Title: Re: كومى... وكومو.... وكومك
Author: Zaydoon
Date: 10-05-2003, 05:53 PM
Parent: #1

اها ... يابيان

جيناك

كومنا بي وين ؟؟

Post: #99
Title: Re: كومى... وكومو.... وكومك
Author: ابو جهينة
Date: 10-06-2003, 09:30 AM
Parent: #98

*

Post: #100
Title: Re: كومى... وكومو.... وكومك
Author: shiry
Date: 10-06-2003, 12:55 PM
Parent: #99

خالتو
د/بيان

طبعا نحن كوم
المحوصين
ذوي الرؤوس المدوقسه
والشعر الذي تحتاج لا سخانه عشرة الاف واط
من الكهرباء ان ترقدوا
وبرضو ، فرترتب يقوم مثل شيطان البحر
نبحث عن كوم فيه
ادوات وادوية ناجعة
لتصليح ماتخرب
من العيون
وما تفلق من الوش
وما تنكش من الشعر
وجاهزين موية ونور للانضمام لهذا
الكوم
ومستعدين لكب كل هترشتنا في صالح
تلك الكيمان
بــس هم يوافقوا
ويصلح ماتخرب مننا اعلاه
ههاههاهاهااهاه

Post: #102
Title: بيـــــان دوت كوم
Author: nile1
Date: 10-06-2003, 01:58 PM
Parent: #100

الظاهر الحكاية إتقلبت جد وحيكون عندك كوم كبير جدا يا د. بيـــان عموما ما عندي مانع أكون المدير بتاع بيان دوت كـــوم ودا شرف كبير...قبلتينا للمنصب دا وللا كمان عندك ناسات غيرنا؟؟؟؟؟؟؟أصلو الواسطه طاربه أطنابها في كل شئ

Post: #103
Title: Re: بيـــــان دوت كوم
Author: bayan
Date: 10-06-2003, 02:38 PM
Parent: #102

سلا يا نيل
انا عندى رأى فى الشوايقة
عشان ما بيدخلوا اى زول فى محل
هم فيهو
ماذى الدناقلة
عشان كدا قررت ابقى شايقية مدونقلة
طوالى هو انا لاقياك وين
انت بجلالة قدرك
اسع المنك يكون عندو كوم كبير
بس التواضع كعب مرات

Post: #101
Title: Re: كومى... وكومو.... وكومك
Author: bayan
Date: 10-06-2003, 01:57 PM
Parent: #98

زيدون
آمنتا
والله نحنا كايسين زول عندو مواهبك
الا وهى التنبؤ بمواطن الشكلات والاستشعار من بعد عشان نحضر السيخ والتراب والذى منو كان كومنا ما شالك يشيلك
تشيلك عيونا
مرحب بيك
شيرى يا عسل
انتى ما كوم براك
ما نسحرك
بس اوعى من الحويص دا
عشان ممكن بدل تشاكلى الكوم العدو
تشاكلى كومك
فتحى كويس وتعالى نحنا محتجاين ليك

شايفة صنمنا اجتهد بعد هددناه
بقى يرفع ومواكب
شكرا يا صنمنا نحنا بلاك بنقع وين

Post: #104
Title: Re: كومى... وكومو.... وكومك
Author: nile1
Date: 10-07-2003, 01:07 PM
Parent: #101

الله يجبر خاطرك يادكتوره..كوم شنو البقدر بسويهو..من ما دخلتي البورد دا شفتي ليك زول قال لي يا رائع أو ياشفيف أو حتي يا خفيف؟؟؟والله غيرك مافي زول بيهببو لينا...ربنا يخليك

Post: #105
Title: كيف تكشف الاكوام الاخرى
Author: bayan
Date: 10-07-2003, 01:59 PM
Parent: #104

يا نيل
والله قدها وقدود


الاعزاء ناس كومنا
اذا فى زول شتمك بلا مغصة
طوالى تشيل اسمه
وتعمل بحث
تجيك كل اسهماته تراجعها طوالى تعرف الكومالهو تابع ليهو وتراجع نفسك
من من الكوم دا انت هبشتو؟
وبكدا اعزائى تكون نقشت ذلك
الزول وعرفتا ليه
واذا عرف السبب بطل العجب

تب اوف ذا دى

Post: #106
Title: Re: كيف تكشف الاكوام الاخرى
Author: nile1
Date: 10-07-2003, 03:39 PM
Parent: #105

خلاص تاني لو عندي حاجه داير أكتبها ما حأعمل ليها بوست خاص حأكتب هنا بس عشان أشبع شكر وأملا قساسيبي من يا رائع ويا مبدع وياشفيف..أجارك الله من الله خلقني ما في زول قال لي يا رائع..ويطرشني ما سمعتها...إستغفر الله..عشان ما أكون كضاب...سمعهتا وكمان ليها جره طويله من المدام..كدا....اللااااااااااه رائع جدا ومنتهي الرقه بس طبعا الرائع مش أنا..دا بيكون خاتم أو توب أو فستان وهلم جرا..هنا في بيان دوت كــــوم الواحد حينفش ريشه ويمشي مشية الطاؤوس بعد ما كان في نص هدومو...وما دام قالوا بصلة المحب خروف حقوا يكون شعارنا في بيان دوت كوم...درابة الكومي قصيدة...تحياتي

Post: #107
Title: Re: كيف تكشف الاكوام الاخرى
Author: bayan
Date: 10-07-2003, 04:10 PM
Parent: #106

لووووووووووووووووووووووووووووول
على رائع بتاعة التوب
والله انت يا شفيف الله يدك العافية
ما دام بتجيب توب رائع تبقى رائع
النديك عنوانى
كمان لو فيها ملايات وسرامس
تكون تب وصلتا
يا عظيم

Post: #108
Title: Re: كومى... وكومو.... وكومك
Author: Maged
Date: 10-08-2003, 01:48 AM
Parent: #1

سلامات يادكتورة، والله جبتى بيت القصيد زاااااااتو
أنا غايتو مديت رويسى فى البوست حقك ده وطاخ لقيت ليك الكلام ضارب فى الوتر الحساس
والمسألة مش كيمان وبس، أحياناً بتجيب ليها حقارة كمان لكن والحمد لله الواحد ماهبشوهو لسه، بس إنشاء الله تدوم
لكن برضو فى ناس كتار ظراف بكونو عارفين أنو الواحد ما من كومم وبرضو بتسترو معاو واجاملوهو ودى حاجة كويسة، وربنا غايتو إغطينا مانقوم يوم نعفص لينا رجل زول بالغلط
إديك العافية

Post: #109
Title: Re: كومى... وكومو.... وكومك
Author: bayan
Date: 10-08-2003, 02:09 AM
Parent: #108

سلامات يا ماجد
ايوة صاح مرات بيجاملوك
وكدا راجع رسالة
the rain
يجيك الخير اليقين
لانه لو صاحبك لزم بيخليك كان هبشتا كومو
بس خليك تفتيحة
اهم حاجة تبعد من جكس الكوم
وما تاخد وتدى معاهم كتير
والا قامت الهاشمية والغيرة
وقامو وروك نجوم الليل
عز الضهر
تب اوف ذا دى

Post: #111
Title: Re: كومى... وكومو.... وكومك
Author: Maged
Date: 10-08-2003, 05:51 PM
Parent: #1

سلام مربع يادكتورة

قريت كلام
THE RAIN
واتخلعتة عدييييييل كده، أنا عارف أنو الكيمان موجودة، لكن قلتة إمكن الناس بيناته سابق معرفة عشان كده متكومين براهم، لكن ما كنتة بتصور أنو تصل لمرحلة زى ماحصل ل
THE RAIN!!
والله حاجة تخجل الواحد
أقول ليك حاجة غريبة، لحدت الآن ما لقيت ولا واحد بعرفو معرفة شخصية أو قابلتو ولو مرة فى حياتى ما عدا بكرى أبوبكر وأحد الأخوان والذى إلتيقت به قبل أكثر من 12 عاماً
ولكن هل منعنى هذا من الإلتحاق بالبورد، طبعاًلا
ما أنا أساساً جيت عشان أعرف وأعلق وأتونس مع كل ناس البورد، تعرفى ليه؟ لأنهم سودانيين وبس
أنا كنته فاكر أنو دى كفاية بالذات لينا إحنا المشتتين فى الغربة، لكن إظهر أنو دى ماكفاية

ياكان فى البله الواحد لاكاتب ولاشاعر ولافنان ولاعندو التكتح من الإبداعات العند الناس التانين لكن أنا برضو البقرأ للكاتب والشاعر وبسمع للفنان ـ وأكشف معاو كمان ـ وبستمتع بالإبداعات الأخرى وبحب الونسة زى جوع بطنى، وفوق ده كلو مشتاقل لأهلنا وونستم، أقوم ألقاهم ليك كلهم متلمين كلو يوم قدامى جوه الشى الإسمو البورد ده، أها قلته النتلمه على أهلى ديل، لقيتنى إتقطعتة مليون حته

غايتو يادكتورة إحنا حا نعلق بالزين على الشى الصاح، وبالشين على الغلط وحا نرحب بالجاى ونودع الماشى وإديك وكل البوراداب ألف عافية

Post: #112
Title: Re: كومى... وكومو.... وكومك
Author: bayan
Date: 10-08-2003, 06:00 PM
Parent: #111

ماجد يا ود امى من خلا عادتو قلت سعادتو

كلنا والله جاين فقط عشان نحس انه وسط سودانين
نتونس ونضحك ونرحب ونعزى ومرة مرة ندخل خشمنا كان فى ادب ولا سياسة ولا كورة
لكن يا ود امى
لقينا قصة الكيمان دى
يعنى زى الحلة حوش حوش
مافى فرق كبير
بس ما عندهم اسم واحد
ذى السواقى عند الشوايقة ساقية فلان وعلان
عشان يفرزو الكيمان
اها ارقد عافية
ربنا ما يضيمك

Post: #113
Title: Re: كومى... وكومو.... وكومك
Author: bayan
Date: 10-09-2003, 11:39 AM
Parent: #112

خأطرة كومية

عرفته نتبادل الحوارت من حين لآخر.. وذات يوم انتفض ذلك الظريف دونما سبب واضح.. فأذا تغير الرجل ابحث عن المرأة
ثم اتت تلك الحية التى غيرت جلدها اقصد اسمها ولكن بقيت حية
... ثم صار الذى صار حادا دونما سبب حادا زيادة
وارسل لى قائلا
عندما كنت اتحدث معك لم اكن اعرف
ان هناك مشكلة بينك وبينى صنمتى.. والا قد عرفت.. وآسف اذا
كنت قاسيا عليك.. ولكن مجبر اخاك ما بطل
اذ ان صنمتى لا ترحم وانا احتاجها فعفوا
واذا اصررت على اظهار عدائى لك
فلا تغضبى لان
للكوم احكام

Post: #114
Title: Re: كومى... وكومو.... وكومك
Author: bayan
Date: 10-09-2003, 02:39 PM
Parent: #113

قيل فى ادبنا
المتسبب تبكى الريشة
لقد ادعى احدهم ان كتبت له هذه الخاطرة
والغريب انه يعرف تماما انه ليس المعنى
ولكن
مكره اخاك ما بطل

Post: #117
Title: Re: كومى... وكومو.... وكومك
Author: Abureesh
Date: 11-04-2003, 09:08 AM
Parent: #114

أحب بلدى العزيــزة قبيـل......................أحب الكلو ســـودانى
فهـم ماجـوكى هم أدروبى علويتى.............وأحبابى وزملائى وكيزانى
وكان جيت للكلام الدغرى ما هزلى....فكل الناس فى الســودان كيمانى

والسـلام عليكـم
محمــد عثمـان أبوالريش

Post: #118
Title: Re: كومى... وكومو.... وكومك
Author: sentimental
Date: 11-04-2003, 09:13 AM
Parent: #1

تكومت على نفسى ونمت

فرز الكيمان

اخره كوم تراب

كيمياء

كركدن
كون
كلكيت
كائن

الية فض المنازعات

يا دكتورة

سلامـــــــــــــــــــــــــــــــــــــــــــــــــــــات

Post: #119
Title: Re: كومى... وكومو.... وكومك
Author: bayan
Date: 11-04-2003, 10:13 AM
Parent: #118

ابو الريش الشعر ما عندك لكن
شكرا للطلة

ولدى ابن منتال
مدرستكم الخنفشارية
تناديكم
شعرك فى السلك
وكومك فى السلك برضو
لانه تكومت على ذاتك

Post: #120
Title: Re: كومى... وكومو.... وكومك
Author: Hussein Mallasi
Date: 11-04-2003, 08:51 PM
Parent: #119

الاخت بيان

كده عرفنا لينا كومين علي الاقل !!

تحياتي

Post: #122
Title: Re: كومى... وكومو.... وكومك
Author: ASAAD IBRAHIM
Date: 12-05-2003, 04:20 PM
Parent: #120

الاخت بيان
كومك كوم الحق واسف اني وصلت متاخر، وانا اعتبر نفسي في كومك ضد كل انواع التعنصر والجهوية وانا شخصيا ذي ما ذكرت هبشت لي صنم كبير وتعالي شوفي عينك ما تشوف الا النور.
علي العموم ما يهمك واصلي مشاركاتك وتاكدي انو اشياء كثيرة حتتغير.
واذا كان لابد من الاشادة باحد فالاخ ابا (خالد) راجل موضوعي رغم انتمائه لاحد الكيمان .
تحياتي لجميع الموضوعيين والشماشرة يمتنعون وايضا جماعة الحداسة ومن لف لفهم
ملاحظة قبل كدة ذكرتها لماذا لا يحب بعض اهل البورد التحدث في الامور الدينية هنالك كثير من المواضيع المهمة التي اثيرت بواسطة بعض الاخوة الكرام ولقيت التجاهل التام لماذا؟؟؟؟؟؟؟؟؟؟؟؟؟؟؟؟؟؟؟؟
مع تقديري وحبي اخت بيان وكترة الدق بتفك اللحام.

Post: #123
Title: Re: كومى... وكومو.... وكومك
Author: ASAAD IBRAHIM
Date: 12-05-2003, 05:21 PM
Parent: #122

كومك امانة في ذمتك

Post: #124
Title: Re: كومى... وكومو.... وكومك
Author: ASAAD IBRAHIM
Date: 12-05-2003, 09:00 PM
Parent: #122

UP

Post: #125
Title: Re: كومى... وكومو.... وكومك
Author: Yasir Elsharif
Date: 12-19-2003, 02:24 PM
Parent: #1

بيان
مبروك العودة..

والبورد بدونك كان ناقص عمود كبير..

رفعت هذا البوست عشان أحفظه..

كامل...

والسلام

Post: #126
Title: Re: كومى... وكومو.... وكومك
Author: ابراهيم حموده
Date: 12-19-2003, 04:45 PM
Parent: #1

الاخت بيان
شكرا لهذا التنوير , وانا نسبيا جديد ولا قبل لي بثقافة الكيمان دي
لكن ما شاء الله زوارك الف وزياده والردود اكثر من ميه ..طبعا هذا لا يتوفر
الا لشخص ايدو لاحقه وكومو كبير
تكوني كادر سري يا ربي ..
بهظر ساي اوعك تسلطي علي الجماعه بتاعينك