حروب الخنفشاربة ضد الحداسة وما بعدها

حروب الخنفشاربة ضد الحداسة وما بعدها


06-01-2004, 11:30 AM


  » http://sudaneseonline.com/cgi-bin/sdb/2bb.cgi?seq=msg&board=113&msg=1139077833&rn=0


Post: #1
Title: حروب الخنفشاربة ضد الحداسة وما بعدها
Author: bayan
Date: 06-01-2004, 11:30 AM

قصائد (حداسية) من شعر ما بعد الحداثة.. تجارب ابداعية



على حسب الظهور
الرواد

سنمنتال شاعر وناقد ومنظر
هوبفل شاعر
ابوقوتة شاعر
شيرى شاعرة
ايهاب شاعر وناقد
احمد بابكر ناقدوشاعر
ودنفاش ناقد وشاعر
النقاض
فتحى البحيرى شاعرا حداسيا وما بعد ها
دكين قاص
مع تحياتى واحترامى

Post: #2
Title: Re: حروب الخنفشاربة ضد الحداسة وما بعدها
Author: ايهاب
Date: 06-01-2004, 11:54 AM
Parent: #1

فليكن عاما خنفشاريا يا دكتوره
اشكرك بالنيابه عن كل خنفشاري سواء كان يدري بذلك او لا يدري على فتح المنجره من جديد
المشهد الاول
الشمس مائله للغروب
غراب قوقازي التوازي ينبش متماهيا في قبر
كتب عليه بخط رمادي
الحداسه


واشكرك مره اخرى نيابه عني
فقد اتيت بالدليل القاطع على خنفشارية شيري
التي قالت لي خنفشاريه في عينكوهي خنفشاريه حتى النخاع وهي لا تدري
و قد استدعيناك شاهدا اثبات في تلك الجلسه ولكنك كبيتي الزوقه ثم تلاشى البوست

Post: #3
Title: Re: حروب الخنفشاربة ضد الحداسة وما بعدها
Author: bayan
Date: 06-01-2004, 12:31 PM
Parent: #2

احقا انكرت بنتنا الخنفشارية التى نصبت اميرة الشعر الخنفشارى؟؟؟

بالدليل هى كتبت قصيدة خنفشايرية
لكن يا ايهاب مش بيقولو الحلوين نساين؟
تبقى شيرى بس نست


غلام وشيخ
شيخ يتوكأ على غلام
والغلام يظلع
بؤس فى بؤس
لوحة حزينة
ماذا تكون اذا كانت عصاك مكسورة؟
وغلامك يظلع!!
هذا طريق طويل
موحل....
تمتلئ فيه
بالقاذورات
وتسير ببطئ
قد يدركك الظلام
وقد يدركك الموت
وقد تكون جائعا
وقد تكون حزينا
.........

لوحة تعيسة
لشيخ كسيح
وغلام أظلع
د..
م..
و..
ع..

Post: #4
Title: Re: حروب الخنفشاربة ضد الحداسة وما بعدها
Author: Gazaloat
Date: 06-01-2004, 04:41 PM
Parent: #3

الحبيبة الحبوبة
والحبان جملة
ماهذا التخلف العجيب!! انتم/ ن لازلتم/ ن تمسكون/؟ بتلابيب الخنفشارية وقد تطور العالم من حولكم/ ن حتى ابدع الخلق اعمالا فيما يصنف ب(الخنفشارية الجديدة) بل و( مابعد الخنفشارية) ايضا.
اليكم هذا ( النص) من انصاص مابعد الخنفشارية:

ملحوظة هامة : ليس هنالك اى خطأ فى ترقيم النصوص فلا تنشغلوا/ ن بعدم تسلسلها حيث ان التسلسل ليس من خصائص الخنفشارية اصلا.



(3)

الشارع اطول من احزان المدعوكين فى الحواشة
الشارع مليان دياشة
وعواميد نور مطفية
وناس تتجارى ورا معاشة
واحد شايل سرواله الناصل ومقشاشة
وواحد واقف يبرم فى شنب الامباشى
وجماعة بفرفرو تحت الكماشة
وسكران ماهاميهو الحاصل
واقف فى الخط الفاصل
مابين الزمة وسيد السروال الناصل
وبشاغل فى بنية ملفلفة زى قرطاس السكر
الجوع اتدفق من عينيهو
قزاز النضارة اتكسر
تلميذ شايل كتبو ف سرج العجلة الورانى
دقش البت الزى قرطاس السكر وقع اتكسر

(9)

ما طلحة براهو الكسر الجرة
واحد شايل اخلاقو ف صرة
وواحد شايل اخلاقو ف شنطة مستفة بى دولارات جايبها من برة
وواحد شايل اخلاقو ف ستيانة بتو
وواحد نسى اخلاقو ف رف الحمام
شال شوالو وسافر جدة
وواحد ماكانت عندو الفرصة عشان يعمل اخلاق بى مليم حتى

(2)

الزول الشايل اخلاقو ف ستيانة بتو
ساق الولد الدقش البت الزى قرطاس السكر
وداهو التمنة..الضبطية..المركز..سميها حسب كمية اخلاقك
الضابط كانت بايته معاهو السكرة
وبشرب فى القهوة المرة
دخل الزول الشايل اخلاقو ف صرة
وبكورك
- ياناس ..ياعالم ..
نشلونى..
اخلاقى اتنشات.

(6)

طنّـت ضبانة معلقة فى شرك العنكب جوة الزنزانة
قرقر واحد مقبوض فى قصة جبخانة وماجبخانة
ضحكت واحدة هناية وست انداية
وقالت
- يادوووب اتنشلت ؟
واحد مقبوض فى جناية اتجار بالقصّـر
قاليهو تستاهل
شايل اخلاقك وحايم فى السوق
عميان مـنّ البنك او البوسطة؟
واحد زمّـتو سوسته
ساق الولد الدقش البت الزى قرطاس السكر
وداهو الشفخانة..
المستشفى..
عيادة..
تسميها حسب مفهومك للمادية( الدجلية)
وموقفك التاريخى من الخصخصة
والاستثمار الرأسى.
يازول.. قول الدكتور تاوق جوة دماغ الولد المفتوح للعامة
وشخبط فى الورقة القدامو كلام بالسنسكريتية الفصحى
وقال للشافع..
- عندك قرحة
ولازمك عملية استئصال كلية سليمة
والمشترى جاهز..
ودولاراتو تناهز
خمسين فى المية مقدم
وتلتاشر بعد العملية.
الود ضّــربها فى مخو..
- والباقى؟؟
- باقى شنو كمان..
حقى وحق المستشفى خمستاشر
وزكاة الفطر تمانية
وزكاة الانعام وتبرع لبناء مسجد تانى جوار المستشفى
خلاص.. مية المية
حنسوى العملية
اذا وافقت..اذا ماوافقت
القانون واضح
والواضح مافاضح

(1)

الود قام جارى

($)

سكّــوهو تلاتة تمرجية
وبوليس حركة
وسمسارين
والناظر

(10

اوعك تسألنى عن الناظر دة منو
ومن وين
ودخل كيفن
اهو ناظر لاقيتو ف نص القصة
حليو وقيافة
وقندف
وما مشغول بحكاية دوران الماهية
من الجيب للغيب
عندو مصادر سرية
وواصل لى اقصى حدود التموين
اذن مامهم نسأل عن اصلو وفصلو وجاى من وين

(3 مكرر)

الناظر قال زهجان من ازعاج الشفع فى المدرسة
والمدرسة بس حوش
ومكيتب مامعروش
وقطاطى بروش
يازول تووش
الشافع دخل المدرسة
تلبوا ستة تمرجية وراهو
الكانو تلاتة
استثمرهم الناظر فى مشروع خيرى
مرابحة يمكن
اصبحوا ستة بفضل الله
وفضل الدعوات المبروكات
من جمهرة القايمين الليل
جزو منو عبادة
وجزءا عادة
حراسة كبرى
ودوريات

(أ)

الفات الفات
قال وانا مالى
طلع طوالى
والهون
ضرب السَّــل فون
والزول السافر جدة
شوالو انقدَّ
والبت الزى قرطاس السكر طلعت حامل
وفى شهرها العاشر
والعرقى الشربو الضابط كان داشر
والسكران لسع واقف فى الخط الفاصل
والصورة بقت مهزوزة
ضبابية
مكهربة
والشارع اطول من احزان المهزومين فى الحواشة
ومليان دياشة
وعواميد نور مطفية
وناس تتجارى ورا معاشة
...........................
.............................
.............................

Post: #5
Title: Re: حروب الخنفشاربة ضد الحداسة وما بعدها
Author: Tumadir
Date: 06-01-2004, 04:46 PM
Parent: #4

جزلوت شعرك يشهى فى الخنفشاريه

Post: #6
Title: Re: حروب الخنفشاربة ضد الحداسة وما بعدها
Author: bayan
Date: 06-01-2004, 04:57 PM
Parent: #5

الجزولى
ايها الخنفشارى اللعين(مقام مدح)
ان عرضحال هذه الدنيا فى قصيدتكم هذه
لعجيب اريب
وان قصيدتكم الخنفشايرية هذه ستصيب ابن منتال منظر الخنفشارية باللوثة
يا هذا هناك سؤال هل يسبق النقد ام القصيدة؟
ولكن ترقيمكم قد اصابنا بالحشرجة

Post: #7
Title: الطريق الطويل... الى تار
Author: bayan
Date: 07-01-2004, 03:11 AM
Parent: #6

الاهداء الى عائشة المبارك(عشة بت فاطنة)


Quote: الطريق الطويل .. الى تار

د..
م...
و...
ع..
.
.
.
ع..
ر..
ق..
.
.
.
د..
م..
الدرب طويل
الغلام يمتطيه الشيخ
الدرب يقتلع خطاويه
( تار )
بعيدة .. بعيدة

والطرق المؤدية
تمر بطيبة
(والهولة) على ابواب طيبة
تنفث اللهيب
وتلقى الالغاز
تحيل دون الوصول الى تار
الغلام متعب
خ..
ا..
ئ..
ف..
.
م..
ح..
ز..
و..
ن..
يقتلع الطريق خطواته
الجثث على جانبى الطريق
يواصل الصعود
الى( تار)
ابواب طيبة تلوح
الهولة تنفث الالغاز و الدخان
على ابواب طيبة
غلام وشيخ
غلام فصيح
وشيخ كسيح
الهولة اللعينة تنفث الالغاز والدخان
تحول دون الوصول
اللغز الاول يا انسان
ما هو الشئ الذى
يحبو صبحا
يدب على اثنين
ظهرا
ثم
يدب على ثلاثة ليلا
تروع الغلام
وصاح الانسان
نفثت الهولة
الدخان واللهيب
وبصوتها الرهيب
ردت
صحيح ايها الغلام الاريب
اعبر فى سلام
تحامل الغلام
يريد العبور
صرخت الهولة
لا انت فقط يا غلام
اترك الشيخ الكسيح
بكى الغلام
وقال للشيخ الكسيح
نرجع معا
صرخت (الهولة)
ايها الشيخ الكسيح
ماذا تريد من الغلام
قال الشيخ الكسيح فى وجل
ايتها الهولة
هذا غلامى
اتوكأ عليه
ولى فيه
مآرب أخر
بكى الغلام الفصيح
صرخت (الهولة)
الغلام فقط
الغلام فقط
و نفثت اللهيب
ترك الغلام الفصيح
الشيخ الكسيح
واستمر
فى الطريق الى تار
ليجلب اكسير الحياة
فهل يعود؟؟!!!....

مع تحيات

الراعية
نجاح الغراب

Post: #8
Title: Re: الطريق الطويل... الى تار
Author: bayan
Date: 07-01-2004, 03:20 AM
Parent: #7

الاخت تماضر
مرحب بك فى المدرسة الخنفشارية
فتعالى اقرضى لنا قصيدة خنفشارية
مدرستنا هذه مدرسة حرة اكثر من الطيور التى تتقيد بقوانين الجازبية

وها هو جزلوت يكتب ابداعا
ما بعد الخنفشارية

Post: #9
Title: Re: الطريق الطويل... الى تار
Author: ASAAD IBRAHIM
Date: 07-01-2004, 04:03 AM
Parent: #8

نجاح الغراب
والله اسم جميل وله مدلولات

Post: #10
Title: Re: الطريق الطويل... الى تار
Author: bayan
Date: 07-01-2004, 05:33 AM
Parent: #9

سلام يا ابو السعود يا اخى
قديما قيل
من الاوحال تنبت الورورد
منذ فترة طويلة ابحث عن اسم له رنين
اعجبنى هذا الاسم كثيرا
ولذلك سكون اسمى الحركى
لنشر قصائدى المنقطعة النظير
التى تقطر سقافة
شوف قصيدتى دى كيف فى السلك ولا لع

Post: #11
Title: Re: حروب الخنفشاربة ضد الحداسة وما بعدها
Author: doma
Date: 07-01-2004, 11:18 AM
Parent: #4

اجمل ما كتب عن التجربه الاسلاميه الانفخشاريه

Post: #12
Title: Re: حروب الخنفشاربة ضد الحداسة وما بعدها
Author: ايهاب
Date: 07-01-2004, 11:40 AM
Parent: #11

خاله دوما اسلامية شنوياخي هسه يطلعو لينا فتوى تكفير كل خنفشاري مبعجا كان ام غير منبعج

يا بيان ما شاء الله شايف كديستك شادة حيلة ما زي حقتي اديناها اجازه عيد تمشي تزور اهلا طشت ما جات الا انو انا قد سمعت تحت تحت انها قد دهست شر دهسة والله يكضب الشينة

العزيز قازالوت مرحبا بك في منجرتنا السمبتاويه
لكن هي الخنفشاريه ذاتا لسه ما فهمنا ليها حاجه تقوم تقول لينا ما بعد الخنفشارية
ليكن في معلومك عزيزي ان الخنفشارية متجدده ومتمططه ومتشقلبه فقد يكون ما بعدها هو ماقبلها في حقيقه الامر او مافيها زاتوو


نجرةما قبل الغداء

اكتسي اللون الحسائي
ثم استحيل وعاء
فاردميني بمافي الحلة
واعملي نايمة
ومافي داعي للزحمه يا خوانا

Post: #13
Title: Re: حروب الخنفشاربة ضد الحداسة وما بعدها
Author: bayan
Date: 07-01-2004, 04:11 PM
Parent: #12

دومة
لوووووووووووووووووووووووووول
انت ما تقولى الاسلامية
تقولى الحكومة الجبهجية

ايهاب
انت من رميت الحبل وعرستا
شعرك بقى غريب حبة
هضربة رجال معرسين
عايز تعملها فى الكديسة
البريئة براءة الذئب من دم ابن يعقوب( لا الله الا الله محمد رسول الله المثل دا معقد شديد)
امال وين باقى الجماعة
نجاح غراب

Post: #14
Title: Re: حروب الخنفشاربة ضد الحداسة وما بعدها
Author: ايهاب
Date: 07-01-2004, 04:52 PM
Parent: #13

loOooOoOOoOoOOOoOoOoOooOLZ
ياخي دي كانت جوعه ساي
يعني الواحد كان شاعر انوعباره عن زول متجسد في شكل صحن
كلو كدا عبارة عن صحن فاضي
صحن كبيـــــــــــــر


المهم يبدو انها ليست كديستي وحدي من ضلت الطريق او دهست امبارح قابلت ود نفاش قال لي كلام كدا ما فهمتا منو حاجه المهم بعد تلتله انو جايي في الطريق
ابن منتل ليهو فترة ظاهره عليهو اعراض غريبه ومريبة
اما صاحبنا احمدبابكر يبدو انه قد خسر المعركه
ارى اعاده نشر شروط العضوية للتذكير

Quote: تعريف الخنفشارية:
حالة هيسترية هلامية مخروطية الشكل.. يصاحبها تلاشى ذهني.. نشأت في القرن الحادي والعشرين .. نتيجة العولمة في غياب المضمون..

وتمثل الخنفشارية بداية تطور حضاري شامل .. وهي حركة إصلاحية جادة تهدف للخروج من ظلامية الكلمة وبهرجة الصناعة والتكلف. التي أدت إلى خلق التعفنات المجتمعية…. ولعل الأخيلة وسيطرة الحالة النفسية.. هي ركيزة العمل الاجتماعي في الأدب الخنفشاري..ويطرح الخنفشاريون أنفسهم.. من خلال أبنية أسلوبية خاصة.. لتحقيق انقلاب هام في الأشكال والقوالب..
للتعبير عن سخط الخنفشاريين وكراهيتهم للحضارة القائمة على الاستهلاك
و هي تقوم على ثلاث ركائز اساسيه

الانبعاجيه
خنفشاريه المركز
والكديسه


ملاحيظ هامه
1

اي زول عايز يبقى خنفشاري يجيب الكديسه بتاعتو معاهو
2
اي خنفشاري جديد.. لازم نعرف نسبة الكديسة عندو كم.
. اقل من 60% يعيد السنة.. لحد ما يجيب ليهو نسبة كديسة معقولة
3
اي زول كديسنو تطش احنا ما ماسوؤلين
يمشي يكوسا ويجي
4
احترام الملكيه الفكريه
يعني ممنوع التسلبط في كدايس الغير


اضافه الى انها كغيرها من المدارس يمكن ان تتجسد في شكل اي شي
قصيده -قطعه نثريه - قصه- لوحه- صوره
حتى ممكن على شكل لحن او اغنية او ايقاع او حتى طبخة شفتو كيف

Post: #15
Title: Re: حروب الخنفشاربة ضد الحداسة وما بعدها
Author: ايهاب
Date: 07-01-2004, 04:58 PM
Parent: #14

حقيقة تاريخيه حتى لا يختلت عليكم الاختساس
الخنفشارية لم تولد في بداية البوست السابق بل قامت على انقاض الحداسه في النصف الثاني من الصفحه الاولى

حقيقه ما تاريخيه
نجاح غراب
الاسم خنفشاري بي درجة 1263

Post: #34
Title: Re: حروب الخنفشاربة ضد الحداسة وما بعدها
Author: Gazaloat
Date: 08-01-2004, 06:51 PM
Parent: #14


Post: #16
Title: Re: حروب الخنفشاربة ضد الحداسة وما بعدها
Author: doma
Date: 07-01-2004, 07:19 PM
Parent: #13

عاديا بيان يااختي كان خليتيني اي تطبيق لاوامر سماويه بواسطه ذمم بشريه تباع وتشتري ح يكون نفس النتيجه ولن يختلف التطبيق الجبهجي من الطلباني من الايراني

Post: #17
Title: Re: حروب الخنفشاربة ضد الحداسة وما بعدها
Author: Gazaloat
Date: 07-01-2004, 07:38 PM
Parent: #16

الخنفشاريات والخنفشاريون
تنظيراتكم هذه تدخل ضمن تصنيفات الخنفشارية الكلاسيكية
يعنى ذى كتابات ارسطو وابن رشد وماركس وكمال عبدو( كمال عبدو ده منو؟؟؟)
ماخسانا ...

هاكم دى من ابداعات مابعد الخنفشارية الحديسة


البحر
يتم جزاير الوردة
لما الموج حسر اكمامو
فات قدامو
لى ندامو
حاضن بالتلاتة حرامو
ياشاقينا
يانديهو بت السكلبت فينا
انفرد شلال مآقينا
انتماءاتنا التتاوق لينا
من جوانا
تضحك مننا
وتمرق لسانها
وحتى لما الليل برد
والبارق السارق حرد
نزل العشق دقانا
والمستورة فى حيشانها
كان مرقت تقش عريانه
والطيارة جات مليانه
افرنجين وافرنجات
ويا كمرات
ونضارات
وبالزردية
يا( بر) عمتك لبنية
حمد النيل وفينا الفات
ومن ابعنجة لى شمبات
ومن بيت التكب اهاتها
فى قدح المرق
فى قلبو يتفصد عرق
عميانة والراتب فرق
ناولينى شاى يا بت اخوى
خلى الندلدل عمتى
ونلحق بواقى الكحة
كان تنجينا
من صمة خشمنا اتلبست فينا
ويبس ريقنا
ودفق شلال دمومنا النازلة
زى جدول مرق من البحر ناشف
وخلى السمكة تتلفت ممحنه مننا وفينا
ولا دما نكفر بيهوغلطاتنا
ولا دمعات تغطينا

Post: #18
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 07-01-2004, 07:52 PM
Parent: #17

مزيكا يا جزولي .... مزيكا يا اخوي ...
ابداع ما حصل ...
تسلم ..

ملاسى

Post: #19
Title: Re: حروب الخنفشاربة ضد الحداسة وما بعدها
Author: ASAAD IBRAHIM
Date: 07-01-2004, 08:23 PM
Parent: #18

[B]ملاسي اسمك الخنفشاري الجديد
الرجل الدلوك


اسمع وانا راضي بالاسم بتاعي منك

Post: #21
Title: Re: حروب الخنفشاربة ضد الحداسة وما بعدها
Author: HOPEFUL
Date: 07-01-2004, 09:32 PM
Parent: #16

خالتي دومه .. باب الاوضه بالجنب التاني

السلاااااااااااااام عليك يا خنفشاريه
بوستيكم دا بينزل في ياتو محطه؟

Post: #23
Title: Re: حروب الخنفشاربة ضد الحداسة وما بعدها
Author: doma
Date: 07-01-2004, 10:09 PM
Parent: #21

هوبفل شكرا ليك ذكرتني المملكه الوهابيه ضيفها للقائمه بس عندي شويه رقيص من غير حجاب في العوضه حقت دكتوره بيان دي
الرجال من غير الخنفشاريين والمحجبات يمتنعون مع خالص شكرنا
بصنا دا بمر بالدومه وما بقيف تاني الا قدام محطة رودا بعدين ما بنقبل الا الاويرو الريال السعودي ما بخارج معانا لوووووووووووول

Post: #25
Title: Re: حروب الخنفشاربة ضد الحداسة وما بعدها
Author: HOPEFUL
Date: 08-01-2004, 02:54 AM
Parent: #23

والله يا خاله دومه .. محطاتكم لا مظلات لا "سبيل" يبل الريق ..
عشان كدا شتات يا فرده

لاحقين لينا حفله ملكيه خنفشاريه .. و"الكشف" بالدولار

ياربي في زول بيعرف رقصه القرد الخنفشاري؟؟؟؟

Post: #131
Title: Re: حروب الخنفشاربة ضد الحداسة وما بعدها
Author: bayan
Date: 12-03-2004, 03:55 AM
Parent: #25

&

Post: #33
Title: Re: حروب الخنفشاربة ضد الحداسة وما بعدها
Author: bayan
Date: 08-01-2004, 05:41 PM
Parent: #23

Quote: الرجال من غير الخنفشاريين والمحجبات يمتنعون مع خالص شكرنا


حلوة شديد يا ست الكل
حنخت الاعلان دا فى الباب
لكن انا وين اطير

Post: #130
Title: Re: حروب الخنفشاربة ضد الحداسة وما بعدها
Author: bayan
Date: 02-03-2004, 02:04 AM
Parent: #13

*

Post: #20
Title: Re: حروب الخنفشاربة ضد الحداسة وما بعدها
Author: esam gabralla
Date: 07-01-2004, 08:59 PM
Parent: #4

منعم
مبالغه...الخنفشر المصيبه دى منو؟؟؟

ذكرتنى واحد من افلام وودى الان

سلام

Post: #22
Title: Re: حروب الخنفشاربة ضد الحداسة وما بعدها
Author: Gazaloat
Date: 07-01-2004, 09:40 PM
Parent: #20

عصام جبرالله
وحات الله خنفشرتها الله ورقبتى وبالمناسبة وين خنفشيرك مع الناس
امرق جاى خلى الكديسة تتضارى فى الدولاب
حسين ملاسى
انت وين يازول
ماتجى تخنفشر لينا خنفشيرة صغيرة كدى
السوق فاضى
والبهم نشفن اللبن فى ضرعاتهن وقدلن
اديك ماعون تخنفشر لينا فيهو؟؟
سلام

Post: #24
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 07-01-2004, 10:15 PM
Parent: #22

Quote: بس عندي شويه رقيص من غير حجاب في العوضه حقت دكتوره بيان دي
الرجال من غير الخنفشاريين والمحجبات يمتنعون مع خالص شكرنا

هلا هلا يا خاله .....
دااااابنا السكنا هنا .... !!

ملاسى

Post: #26
Title: Re: حروب الخنفشاربة ضد الحداسة وما بعدها
Author: Shinteer
Date: 08-01-2004, 03:01 AM
Parent: #24

الأخ Gazaloat
يا أخي دي خنفشارية في غاية المسئولية الخنفشارياتية. بخنفشاريتك المكربة هذه سوف ترتقي بالأدب الخنفشاري إلى عوالم أكثر خنفشرة واخفنشاراً. والله عجبتني بالحيل
يبدو لي أن خنفشاريتك تنتمي إلى مدرسة ما بعدالتخنفشر .. عكس المدرسة الكلاسيكية غير المسئولة التي حقص في أوتادها الرواد الأوائل أمثال سنتمنتال وبيان وايهاب
انا انتمي لذات المدرسة الـ مابعدية

أها بالله أنجر لينا واحدة من أقوى قلب سنط

Post: #27
Title: Re: حروب الخنفشاربة ضد الحداسة وما بعدها
Author: Gazaloat
Date: 08-01-2004, 04:55 AM
Parent: #26

ياشن
راجنكم ياناس المابعدية و.... هاك قلب السنط دا
منعم


انجم ياقلب السنط
واتكيهو عودك
وانبسطلك حبة بى الضل الرميتو مدى المهابة
وفجأة .. هجرت عصافير المدن اخلاقها
وانتسبت زهور النيل الى فئة الغلابة
والشوارع ماشوارع
والحيط ملصت تيابها
ويمة .. يابة
اتغيرت نغماتها
لاوازا بتفر جنحاتها
لاعود
لاربابة
وعم سيل الاسئلة الحيرانة
مالاقيالها لو عبار اجابة
وغطى طايوق المساكن
واحة واحة
وغابة غابة
وانت ياقلب السنط مبسوط
اذا العتبات علت حبة
وبيوت الطين
حدايد وزنكى
منصوبين محل ماكنت بابها

Post: #28
Title: Re: حروب الخنفشاربة ضد الحداسة وما بعدها
Author: bayan
Date: 08-01-2004, 07:30 AM
Parent: #27

سلامات
آناس ها

الجزولى يا مليكنا المأفون
اتخنفشر واملا الدنيا سماحة

من حاشيتك
المحبة
نجاح الغراب

Post: #29
Title: Re: حروب الخنفشاربة ضد الحداسة وما بعدها
Author: Shinteer
Date: 08-01-2004, 08:10 AM
Parent: #28

ود الجزولي ... نهترش معاك شوية

قلب السنط
كيفن يشقك سوس عبيط
كيفن تخلي أب تكّو ينقر صفحتك
ينخر مراكز القوة فيك ويبنيلو بيت
يا أب تكو يا ود الحرام
بدل النقر في صفحة السنطة أم قلب
أحسن تنش السوس وتتحالف
مع قلب السنط
أب تكو والسوس في حرب
حالفين يقدوه القلب
السوس عبيط .. خاصة الضكور
لهفانة تمدغ في اللحا .. منشارها زي "سيف" العبور
وأب تكو همو يسيلو بيت
بيتاً متين .. لا تهزّو صاقعة ولا هبوب
رمى ساسو في قلب السنط
وا شريرك آ قلْب السنط
ما تقوم تنط
سردب .. وبطل فرفرة
ما تقوم تنط
أركز .. وسيب الشوشرة
ما تقوم تنط
السوس بجيب خبرك قريب
وأب تكو سواك مشلعيب
أوعك تنط
يا حليلك آ قلب السنط
أنا مالي بيك
إن شاء الله ترقد أم بريش
ستين خرم في كل صفحة
وسبعة في الراس والوريد
يعني انت قايل بس براك الضاربك السوس والنمل؟
كل الفريعات سوّست
والـ فرّ من سوس البلد
شقاه سوس العولمة

Post: #30
Title: Re: حروب الخنفشاربة ضد الحداسة وما بعدها
Author: HOPEFUL
Date: 08-01-2004, 08:24 AM
Parent: #29

شنتير .. يبدو لي أن الخنشفاري الكبير الجزولي قد استطاع بخنفشاريته الجميله انتشالك عن اركان خيمتك التى اتخذتها حدوداً لمساحتك سابقاً.. وهذى لعمري محمده تحتسب لأعضاء هذه المدرسه الرائده.. فلهم منا اجزل الشكر علي إكتشاف هذه الموهبه..

نتتوق لمزيد من شعر الأخ الجزولي الذي اجبرنا علي انتظار ما يجود به ...

والتحيه لرائده المدرسه دكتور بيان

Post: #31
Title: Re: حروب الخنفشاربة ضد الحداسة وما بعدها
Author: Gazaloat
Date: 08-01-2004, 04:21 PM
Parent: #30

اللللللللللللللللللللللللللللللللللللللللللله
لكين قلب السنط ماعندك ياشننتير!!!!!
عليكم الله شفتو غنا شنتير دا سمح كيفن ذى ماقالت تماضر الخنفشارية عندو تشهى
وبالمناسبة ياهوبفل اخوى واحدة من اختساساتى الخشنفرية شم الغنايين!
انا بشم ريحتهم من بعيد و انت ذاتك انا شامى لى ريحة غنوة فيك امرقها هنا يازول خلينا نتم الانبساطة والله يديم المعروف
وبعدين من رأى منكم دكتورة بيان فليرمها ب (حب) متين ويجئ بها الينا فلقد اختفت بعد حشرجة المت بها واراها قد اكتفت من الثورة بارسال بيانات التأييد
الله محبة
ولاهلال بلا مريخ
منعم

Post: #32
Title: Re: حروب الخنفشاربة ضد الحداسة وما بعدها
Author: bayan
Date: 08-01-2004, 04:33 PM
Parent: #31

آ ناس ها كيفنكم
يا الجزولى بعد كلامك دا طب تانى مافى كلام
مشغولة بارسال اعمالك دى للاحباب
لتوزيع المسرة..
والله وما طالبنى حليفة
جنس كتابتك دى طولتا منها من شدة ما عاجبانى انا
عاملة اظن نص النقرات المسجلةفى الدخول
امشى اشر الهدوم اجى اقراها
اصوت البصلة اجى اقراها
اخت اللحمة اجى اقراها
ادوب البصلة اجى اقراها(يتجازن السودانيات ديل فى داعى تدويب البصل دا يكون اجبارى)
اضيف الصلصة اجى اقراه
اضيف التوم اجى اقراها
ازفتن الشفع اجى اقراها
اظلام...... اجى اقراها
بعد كل نشاط اجى اقراها
من شدة ما عجبتنى رسلتها للجوز
تحت عنوان هام وعاجل
قبل يجى البيت
يعنى عيد وهستريا عديل كدا
الله يديك العافية انت كنتا وين
يا محنة؟؟؟!!!(مقام مدح)

Post: #35
Title: Re: حروب الخنفشاربة ضد الحداسة وما بعدها
Author: ايهاب
Date: 08-01-2004, 06:56 PM
Parent: #32

Quote: امشى اشر الهدوم اجى اقراها
اصوت البصلة اجى اقراها
اخت اللحمة اجى اقراها
ادوب البصلة اجى اقراها(يتجازن السودانيات ديل فى داعى تدويب البصل دا يكون اجبارى)
اضيف الصلصة اجى اقراه
اضيف التوم اجى اقراها
ازفتن الشفع اجى اقراها
اظلام...... اجى اقراها
بعد كل نشاط اجى اقراها


يا سلاااااااااااااام
هذه هي الخنفشاريه تماما

عذرا للغياب ولي عوده

Post: #36
Title: Re: حروب الخنفشاربة ضد الحداسة وما بعدها
Author: Gazaloat
Date: 08-01-2004, 06:58 PM
Parent: #32

Quote: اضافه الى انها ( الخنفشارية) كغيرها من المدارس يمكن ان تتجسد في شكل اي شي
قصيده -قطعه نثريه - قصه- لوحه- صوره
حتى ممكن على شكل لحن او اغنية او ايقاع او حتى طبخة شفتو كيف



اهداء خاص الى الصديق هوب فل عله يجينا مارق لى برة

- لاتكابس حيا وميت.
خاطبته اللقية بت التومة وهو يقاوم ملك الموت, ويعافر ويدافر ويزافر مثل زواج وحل فى رمال المعيشة. والناس من حوله يمسكون باطرافه ويلزمونها الجابرة حتى لايموت مكرفسا, كما قال ود دوليب, الامام وهو يشرح للحاضرين والحاضرات بما فيهم ملك الموت نفسه:
- الزول لابد ان يموت مستقيما.
قال ادم جبر الخواطر:
- ولا الضالين امين...
ضرط ضرطة كبيرة شُمت عفنتها فى غرفة تاج السر اللولية, واخرج استه شريطا رفيعا لالون له كما الماء, رغم تماسكه... كما الدودة, فى التواءه...كما الوعود الانتخابية والبيان رقم واحد, لا اول له ولا اخر.
ازاله عبد النبى الطباخ بيده والقى به الى الارض. بينما تصاعدت احتجاجات اللولية على مثل هذه المساخر. وتاج السر قد سمى باللولية لانه كان معتقدا فى الظار, وتحديدا ظار الحبش وخواجة ارض الصين, لهذا اشتهر بنظافته النوعية واناقته النسبية وحبه الجم للعطور والبخور.
خرج ادم جبر الخواطر من الغرفة تاركا الباب مفتوحا كفخذى عروس غافلة, انهمك عريسها للتو فى افتضاض بكارتها, فدخل نوح الله جابو يدمدم كعادته بما لا اذن سمعت ولا عقل فهم, كانه وسط طقوس عشق سرية وضعت كل الاحتمالات فى سلة واحدة وما الفرج الا من عند الله.
انقطعت الكهرباء فجأة فأصبحت الغرفة مثل بيت اشباح انقاذى لاتملك فيه سوى ان تستنفر ماتملك ومالا تملك من حواس, متوقعا ضربة تأتيك من بين يديك ومن خلفك ومن كل حواليك, وامسك حتى ملك الموت عن معافرته مستنفرا هو الآخر حواسه الملائكية يتلمس بها دامس ظلام الغرفة.
انهمك موسى العبد فى سلسلة طويلة من سعال, ظن الناس ان نفسه سينقطع بانقطاعها, ثم عاد لمعافرته ومدافرته ومزافرته مرة اخرى بعد ان تلمس ملك الموت طريقه اليه فى ذلك الدامس , وراحت الايدى تتلمس هى الاخرى طريقها الى اطرافه منقضة عليها فى محاولة لاماتته باستقامة حتى دخلت اللقية عليهم بفانوس تكسرت زجاجته وارتخت شعلته وكثر دخانه وتشبحت اضاءته. وتتالت ضرطات موسى العبد, خافتة, ولكن متوالية كمقاومة يائسة من اطراف انقلاب مدحور. فجأة همد جسده وارتخت عضلاته فارتخت عضلاتهم بدورها وصاح ود دوليب بصوت جاء كمخبز الامانة المجاور, آلى وخالى من اى نفع:
- انا لله وانا اليه راجعون...
وسرعان ماامتلأت الغرفة بحشد ممن كانوا يتناثرون مثل الخراء اليابس فى تلك الخرابة, وتعالت همهمات ودمدمات ونهنهات ...حتى باغتهم الصوت المألوف :
- اشرب...
وخيم صمت مغتاظ..
- مامات !!
- لاحول ولاقوة الا بالله..
- معجزة ألهية..
- يعنى ربنا يترك كل الخلق ويسوى معجزته فى موسى العبد ؟!
- يضع سره فى اسود خلقه.
- ونصرانى..
- يضع سره فى اكفر خلقه.
- وما عنده قرش واحد..
- يضع سره فى افلس خلقه.
- اشرب ياناس..
صاح موسى العبد بصوت اوهنته كثرة المعافرة وطول الضراط واشياء اخر.
- الحقوه بشربة..
- سبحان الله..
- الحقوه بكباية عرقى.. ياخوانى
صاح اللولية وهو يمسك بطرف القميص الساكوبيس الناصع البياض مثل ضمير مستتر تقديره لا احد, والمنسدل جزئيا على جسده العنكوليبى , مثل ملاءة انحسرت بفعل فاعل عن همزة الوصل بينها وبين المرتبة فأفصحت وأبانت عن ارجل السرير المخروطة بعناية وكشفت عن متاع قديم اخفاه اصحاب الدار عن اعين الزائرين , وارتعش مابين فخذى اللقية.
فقد ود دوليب صبره وحلمه ونسى الدرس والصلاة تنهى عن الفحشاء والمنكر وكل شئ كان يعظ به الناس, فمنذ اسبوع وهم تركوا اشغالهم وتحلقوا حول العبد يساعدوه على الموت باستقامة وهاهو قد اضاع كل مجهوداتهم سدى ولايريد ان يموت !وافلتت من محجريه نظرة ضلت طريقها الى فخذى اللقية المنفرجين قليلا بفعل رداءة المقعد ( مقعد الغرفة وليس مقعد اللقية لذا وجب التنويه ) ورغم خفوت الضوء الا ان اللقية بحسها الجنسى العالى احست ببصره ينهش مابين الفخذين وتبسمت راضية, واخذت تفكر رغم غرابة الموقف فى آلة ود دوليب الاسطورية, ممنية نفسها بليلية اخرى تحته وصدره يرزم مثل خور ابى عنجة فى أوج الخريف, غير ان ود دوليب سرعان ما انقض على موسى العبد وجثم على صدره المعلول وراح يخنق بيديه الغليظتين العنق النحيل حتى تدلى لسان العبد نصف متر خارج فمه المفتوح كنقاش رياضى فى مواصلات عامة, وخرجت كرتان سوداوان صغيرتان من مكمن ما فى اسفل جبهته ادرك نوح بعد زمن طويل انهما بؤبوءا عينيه فصاح فى الامام
- استغفر يازول.. لاتقتله..
- قتله الله ..العبد الزنيم
- الله وفره وانت تريد قتله!
- اذا عجز ملك الموت عن قبض روحه سأفعل انا نيابة عنه.
خرجت انا من الغرفة ولم اعد اعرف ماحدث بعد ذلك. وكل ماسمعته وعرفته ليس سوى اقوال وافادات الشهود وسنوافيكم بكل ذلك فى حينه.

والسلام عليكم
منعم الجزولى

Post: #37
Title: Re: حروب الخنفشاربة ضد الحداسة وما بعدها
Author: ايهاب
Date: 08-01-2004, 11:07 PM
Parent: #36

استــــــــــــــــــــــــــــــــاذ يا استاذ منعم
ياخي خنفشارية شنو وهباب شنو دا انت سمبتاوي عديــــــــــــــــــل
متعك الله بكل ما هو خنفشاري وجميل كما متعتنا

Post: #38
Title: Re: حروب الخنفشاربة ضد الحداسة وما بعدها
Author: ايهاب
Date: 09-01-2004, 00:02 AM
Parent: #37

هامش خنفشاري 1

احترف الحداسيون زراعة الوهم في الساحات الحمراء والخضراء والزبرجدية
ظنا منهم ان ذلك يخلدهم
في بحث مضني عن الزات..
العقل الحداسي مزيج من سندكالية المرفأ وغوغائية الادعاء
استغل ابا حديس الأول احداث الثورة الفرنسية وسقوط للننغراد
مطلع الخمسينيات ..
بنى الحداسيون دعوتهم على تلزيق الشعر في بؤرة الشعور بالغصب
والانطلاق من بوتقة المسافة .. والتقاء النقطتين في حلقة مفرغة
داخل عقل اجدب ووجدان ارتوازي
يرفل في ظلمات الاضمحلال العاطفي
استجاب لهم نفر من العواطلجية والمشاطات..
لم يعرف الحداسيون الفرق بين رغبة الجسد والحس الاستعراضي

في كاتماندو العام 2004 عقدو اول اجتماع تاسيسي
انتهي بان فتحو فيهم خراطيش الموية.. وكبو الزوغة
عندما تم افتتاح السد العالي وانهيار برجي التجارة العالميين
استغلوا زنبقية الاحداث.. ودهلزة الايام
الا انهم .. اصيبو بركشة حادة ..
وحكم عليهم بالنفي الابدي داخل الجسد الخنفشاري

Post: #39
Title: Re: حروب الخنفشاربة ضد الحداسة وما بعدها
Author: wadnafash
Date: 09-01-2004, 00:28 AM
Parent: #1

الحداسة مجرد كريم نيفيا... موجود في اي سوبر ماركت بسعر زهيد
يعني في النهاية ميك اب..
الخنفشارية.. سبر اغوار الذات وتعري الملذات في ضحكة الاهازيج المسكونة بانشراح التبكاكي على الماضي والحاضر

الحداسيون: حطو كالونيا حطو كاشيه

Post: #40
Title: Re: حروب الخنفشاربة ضد الحداسة وما بعدها
Author: ايهاب
Date: 09-01-2004, 00:34 AM
Parent: #39

lOoOOoOOoOoOooOoOoOooOoOoOoOoOOoOoOLZ
حمد الله على السلامه يا ود نفاش

Post: #41
Title: Re: حروب الخنفشاربة ضد الحداسة وما بعدها
Author: wadnafash
Date: 09-01-2004, 00:43 AM
Parent: #1

الله يسلمك يا ايهاب
يا بريغادير الخنفشارية
وحاميها
لكن بالجد حاجة بريغادير خالص خالص
وكيت كات مية المية

Post: #42
Title: Re: حروب الخنفشاربة ضد الحداسة وما بعدها
Author: ايهاب
Date: 09-01-2004, 00:55 AM
Parent: #41

loOooOoOooOoOoOoOoOoOoOoOOOoOoOoO
OoOooOoOoOoOoOooOOOOooooOOOoOoooo
OoOooOoOoOoOoOooOOOOooooOOOoOoooo
OoOooOoOoOoOoOooOOOOooooOOOoOoooLZ

Post: #43
Title: Re: حروب الخنفشاربة ضد الحداسة وما بعدها
Author: Gazaloat
Date: 09-01-2004, 02:52 AM
Parent: #42

اتصلت بى احدى المأفونات على الماسنجر وامرتنى بالابتعاد عن اسوار القصص لانها كما قالت منطقة خنفشارية ممنوع الاقتراب او التصوير ولما كنت ولدا مؤدبا مطيعا لا اخالف القانون فها ان ابتعد عائدا الى منافى الغناء مرة اخرى

(بداية)

ساحبنى لى وين يازمن,
سايقنى للجزار,
ورا الشهوات,
تتاوق فينى.... تفحصنى البنيات العمن.
امرق وراك,
افضح عراك,
القاك براك,
يقدل وراك,
ضلك.. ختام الانجعاص.
تلفحنى بى ايدك,
ضراعك مدفع المكسيم,
صويبعاتك رصاص.
واتوسد احلامى واموت.
عديتها صيغة منتهى التابوت.
وخليتن وراى حيط البيوت,
مشوار ازاى,
خطوة حزاى,
يافقرى..لاتعذب عزاى.
الخيمة جاهزة,
سؤالك الشاقيك,
نكيرك ياعبد راجيك,
غلاطك مابخارجك,
وين فصاحتك ديك.

(نهاية)

وحاتك يااله المعدمين متمحنين فى السهلة لاضل لاضرا.
ياقدر ماحاولت امرق من انوف الزمة,
تشفطنى المخاخيط لى ورا.

Post: #44
Title: Re: حروب الخنفشاربة ضد الحداسة وما بعدها
Author: Shinteer
Date: 09-01-2004, 03:03 AM
Parent: #43

ياقدر ماحاولت امرق من انوف الزمة,
تشفطنى المخاخيط لى ورا

هههههههههها نسأل الله السلامة. خنفشاريتك زايدة (غير دودية) يا منعم. وفي الحتة دي بالذات أنا بتفق مع المأفونة التي حذرتك من الاقتراب من حرم القصص الخنفشارية. الخنفشاريون الأصيلون يحتفلون بالغنائية .. أما السرد القصصي فهو في مرتبة الرجز عند أبي العلاء المعري

تشفطني المخاخيط لي وراء!!!! دي ما سبقك عليها خنفشاري. وقد يكون هذا المقطع ينتمي إلى فلسفة "ما قِدّام الطبيعة" .. غريمة فلسفة "ما وراء الطبيعة".
شكيت محنك

Post: #45
Title: Re: حروب الخنفشاربة ضد الحداسة وما بعدها
Author: HOPEFUL
Date: 09-01-2004, 03:27 AM
Parent: #43

منعم الجزولي
يا رجل ما كل هذا الجمال والإبداع ..خنفشاري متعدد الواجهات ..
الجايي من صعيد الاقيك والجايي من سافل الاقيك

انا قاعد في الكنبه القدام دي .. وكلى آذان صاغيه


في انتظار الابداع القادم ..


وربك يعديها علي خير... ولا تسألن عن "ماهيتها"

Post: #46
Title: Re: حروب الخنفشاربة ضد الحداسة وما بعدها
Author: Gazaloat
Date: 09-01-2004, 05:25 AM
Parent: #45

شوف ياجمال ماتعمل لينا حركات انا قاعد قدام ولا قاعد لوج ولا انا عندى ابونيه. مابخليك.... امرق لى جاى.
هسع فى ذمتك ( لاتسألن عن ماهيتها) دا ما موضوع خنفشارى مقشر,الراجيها شنو
عندى اقتراح
تعال نخنفشرها سوى رأيك شنو ؟؟ خلاص انا ببداها وانت واصل فيها

كفكف سؤالك يا وطن
غشت المسافة اخيتها
مرقت عيونك حيتها
لاتسأل اوراق الخريف عن نيتها
لا الوردة عن ماهيتها


يلا واصل

Quote: وقد يكون هذا المقطع ينتمي إلى فلسفة "ما قِدّام الطبيعة" .. غريمة فلسفة "ما وراء الطبيعة".


شكيت محنك انت

Post: #48
Title: Re: حروب الخنفشاربة ضد الحداسة وما بعدها
Author: HOPEFUL
Date: 09-01-2004, 06:23 AM
Parent: #46


الحبيب منعم .. امتحان صعب .. رجاء مراعاة هفوات تلميذ الكنبه الآخيره..
كفكف سؤالك يا وطن
غشت المسافة اخيتها
مرقت عيونك حيتها
لاتسأل اوراق الخريف عن نيتها
لا الوردة عن ماهيتها

وهذا النيل المكلوم صارخاً
لقد مددت جزورك بحصتها
فخانت اوراقك ياوطن
سوق اودعتها امانه فبلعتها
قد تهجد امواجي وتركن
وتظل الغمائم في عزتها
تحتاج ورود الخريف لبكاء
يحوجها الجفاف لحصتها
والسوق منتفخة لا تبالي
إن تصاقطت وروده بظمأتها

------
اها ينفع نواصل يا استاذ؟

Post: #47
Title: Re: حروب الخنفشاربة ضد الحداسة وما بعدها
Author: bayan
Date: 09-01-2004, 05:42 AM
Parent: #45

لوحة اولى
ولية عجوز تقرأ البورد منذ ان ولد
تقرأ الاشياء برصانة واحيانة مقطبة الجبين للغزل الحداسى الذى
تخسس فيه بعض الناس وصارت هى ملهمته..
لوحة ثانية
اتى مافون كتب شعرا جميلا جلب لها المسرة و الضحك بأدب
فرة خشم كدا وظهور سنين لزوم وقار وكدا..
اللوحة الثالثة
ذات المافون كتب قصة وما كانت من العجوز الا ان تطلق الضحكات الرنانة الصاخبة.. وتبعتها بكحة عالية ملأت سماء المونتر برزاز
(قرف ويع) والتف الشفع فرحين جزلين ان امهم صارت تضحك بصوت عالى
(لا تنهى عن فعل وتأتى بمثله......)
تجاهل ذلك الماسنجر الحاسد الراصدواتحفنا بما تشاء مادام الواد ايهاب منظر وحامى حمى الخنفشارية قال انها تضم كل الاجناس الادبية
لوحة رابعة
يا يمة عديلة ود نفاش وصل بعد غيبة طويلة.. مشتاقين يا فردة
شوق بحر ذى المطر الوحل القطر.. الجابك يا يابا يجب احمد بابكر و و ابن منتال الذى تعقبه المرسال من بوست لبوست و هو عمل طناش ان شاء الله يا ابن منتال يطنشك الجكسى لا يوم القيامة.. وتجى لحائط المبكى تبكى وتمسح
المخاطة(قرف يع)
مشهد خامس.
قنع الواد ايهاب بالتنظير فقط وكتب كلاما جميلا اطر الخنفشارية
يا اخى الخنفشارية دى بالصورة دى حتنجض الحداسة حية
عاشت كدايس الخنفشارية وما بعدها وما بعد ما بعدها
مشهد سادس
شنتير يا سلام على الطلح والسوس وكدا
لزوم حالة مرحلية..خرج شانتير كما نبه الواد هوبفول من خيمته العتيدة التى اود ان تشيلها كشة البلدية حتى يأتى الى سهلتنا دى ويقيم فيها..

مشهد اخير
يبدو ان دومة قد تحجبت ولذلك حجيب نفسها اذ انها معروفة مرة راسها قوى وبتاعة مبادى ما بتكسر اى قانون ولا لائحة
مشهد بعد الاخير
يا هوبفول فى ذول قاليك انك العسل الجنن النحل؟
مشهد بعد البعد الاخير
ملاسى لازم تنزل واحدة من قصصك ولا خايف يقولو عليك خنفشارى وانت تابع للمدرسة الواقعية الخيالية ؟
عصام جبرالله
اسمع هنا الدخول مش ذى الخروج تانى لازم تسجل حضور والا ارسلنا ليك
شتامينا يشتموك من بوست لبوست

Post: #49
Title: Re: حروب الخنفشاربة ضد الحداسة وما بعدها
Author: Shinteer
Date: 09-01-2004, 08:50 AM
Parent: #47

بدأ الويك إند .. جاء الويك إند وزهق العمل
تتسرب تيارات الرغائب الجبانة عبر نوافذ الويك إند وثقوب اللهفة المبطنة .. فينبرش العقل على الأرصفة .. ولا نامت أعين كنتاكي فرايد تشيكين. قاطعوا البضائع المقلية والمشوية
***
يا نفسي ليه تتهتكي
وتشتاقي تاكلي الكنتَكي

ضربك على الوتر الخفيف
جالون معلق في الصريف
شايلنّو زي تمر الفكي
يا نفسي ليه تتهتكي

ما بيلجمك فلسي الـ عليْ
سايقاني قوة وحاقرة بيْ
يا بختي مَيِّل وانتكي
ويا نفسي ليه تتهتكي

ود الجزولي الخنفشار
أرميلها كليقة عدار
كان ترضى بي وما تشتكي
يا نفسي ليه تتهتكي

شقلابة تقلب في الهوا
ما بتنسى لو طال النوى
جور ناس فلان الفرتكي
ويا نفسي ليه تتهتكي

تتهتكي هذه لفظة غير خنفشارية. وفي النص الأصلي الصادر في عام الرمادة كانت اللفظة المستخدمة أشنع من ذلك. وحفاظاً على الأرواح ووالممتلكات وأيضاً الثروة والسلطة استخدمنا اللفظة أو اللفضة غير الخنفشارية
نتراوح بعد ده

Post: #50
Title: Re: حروب الخنفشاربة ضد الحداسة وما بعدها
Author: Gazaloat
Date: 09-01-2004, 09:25 AM
Parent: #49

شفت كلامى طلع صاح
هنا مافى لاتلميذ ولا استاذ... وخيالك جميل جدا.
اهم حاجة هنا تفك خيالك للنهاية,
ختو فى نبلة ومطها قدر ماضراعك يقدر, وفكها, ومحل ماتمسى ترسى.
هييييييييييييييه كسبنا خنفشارى جديد

ايتها الحيزبون تقولين

Quote: فرة خشم كدا وظهور سنين لزوم وقار وكدا..

مبروك طقم الاسنان الجديد.. تكسريه بى (عضام) العافية ان شاء الله
اما ود نفاش واحمد بابكر وابن منتال فانا قانص ليهم جمب البحر ومصيرهم كرعيهم تنجر لى هنا وحينها ......جاك الموت ياتارك الصلاة... وان قولة الروب لن تنفع

بالنسبة لعصام جبرالله سنمهله قليلا فاذا لم ينقشط ويتخنفشر فقد اعذر من انذر انحنا شطاااااااار فى النبذ والشتيمة.
بالنسبة لى حبوبة دومة افتكر مخرفة واحدة كفاية, مافى داعى يبقو اتنين, والكلام ليك يالمنطط عينيك.
ومن رأى منكم حسين ملاسى فليرمه بغنوة, شرطا تكون درابة.

شنتير اخوى ماتشتكى
ماتخش بكرعيك كنتكى
وتجى تبكى لي كايس الفكى

والسلام ختام
منعم

Post: #51
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 09-01-2004, 01:21 PM
Parent: #50

بناءا علي رغباتكم الكريمة سأتحول من كتابة القصة و التناقد لنجر الشعر في منجرة بيان ,,,الا انني افضل التناقد ... وحيث انني شاعر فاشل بالسليقة فليس انسب الي من التناقد ....

ملحوظة
ليس بالضرورة كل شاعر فاشل متناقد و ان كان العكس صحيحا

اول الابداع قصيدة النار

الشيئ كان ام سيكون
و الناس تنادي بالحلقوم
..........
..........
ستمطر يوما ....
ستشرق يوما .....
و يوما ما سيكون غيوم ..
و الكل يغني " حمار كلتوم"

فالحرب هراء
و السلم هراء
و كذلك حب الخير هراء
و الشر المطلق بعض هراء

الحب سياتي !!
الوهم سياتي !!!
وسيأتي حتما ... كل الناس بلا استثناء ...

دم و تماسيح نا ر
دم و تماسيح نا ر
دم و تماسيح ناااااار

ملاسى

Post: #52
Title: Re: حروب الخنفشاربة ضد الحداسة وما بعدها
Author: abuguta
Date: 09-01-2004, 02:08 PM
Parent: #51

الاخوة رواد
المدرسة الخنفشارية
كنت شايف البوست لكن قلت الناس ديل ما بقدر اجاريهم
لقيت اسمى مسجل معاكم شكرا لكم قد بديت اكتب شعر هذه المدرسة فى حداثة سنى بالمحبرة وقلم الدواية بس امى ابصرت انى كتير الهضربة
بالليل فاخذتنى الى شيخ كبير وسحب من ملكة الخنفشر ولما سافرت للهند روادتنى هذه الفكرة لكن لم اجد معاون فى ذلك البلد النائى فالفت مدرسة الشعر الهنفولى الذى لا يتقيد بلغة واحدة ممكن تكتبه بالعربى والاردو والهندى والانجليزى ودا دئما موجود عند الشباب الذين تداخلت عندهم اللغات يعنى ايهاب ممكن ان يكون يرتاد هذه المدرسة.

بينى وبينك يامنى
جنجال
كل يوم توعدينى بكل
وبعد كل
تم كدر تاه اسال ولا
تسال
صدك وهجر فعل لى
بهوت مشكل
وهم بيار كرتا
وتم شرا لال
يامدعج الاغ يامورد
القال
لك بدن ريان
وكمر معزل
على المتن غطى
بطول البال
حالك متل الرات به
النوت عزل
وهم كل جيا غار
والسودان راحل
سو بليس عودى
لى وطل


Post: #55
Title: Re: حروب الخنفشاربة ضد الحداسة وما بعدها
Author: مراويد
Date: 09-01-2004, 07:56 PM
Parent: #51

ملاسي

تخنشر تخنشر
لما تتبنشر

Post: #53
Title: Re: حروب الخنفشاربة ضد الحداسة وما بعدها
Author: doma
Date: 09-01-2004, 05:32 PM
Parent: #45

هووووووي يا مفعوص انت هي الكنبه القدام بقعدوا فيها من طرف ما تتصلق فيني كدي الكرسي دا محجوز لي سجيمان

Post: #54
Title: Re: حروب الخنفشاربة ضد الحداسة وما بعدها
Author: bayan
Date: 09-01-2004, 06:32 PM
Parent: #53

لوووووووووووووول يا دومة
الطوال يقعدو ورا

Post: #56
Title: Re: حروب الخنفشاربة ضد الحداسة وما بعدها
Author: HOPEFUL
Date: 10-01-2004, 03:13 AM
Parent: #53

سجيمان ما فاضي من رأس الشيطان
لو قعد جنبك بتدوخي
وتكتبي الألف خاء

----
وخليني جنبك يا حبوبه
قبل ما يجونا الرعاع
خليني افهم منك درسي
يا نجيبه سجي ضاع
الليله مشي للشيطان في راسو
بكره بفتش وين الكراع
وانا مسكين وديع
كل كلمه سمعاً وطاع
ولو مصره تبعديني يانجيبه
مافي بد من الضراع

Post: #57
Title: Re: حروب الخنفشاربة ضد الحداسة وما بعدها
Author: bayan
Date: 10-01-2004, 04:10 AM
Parent: #56


Post: #58
Title: Re: حروب الخنفشاربة ضد الحداسة وما بعدها
Author: sentimental
Date: 10-01-2004, 07:03 AM
Parent: #1

ايها الخنفشاريون ، مـــرحى بكم ....
ايتها الخنفشاريات،،،


رددوا معى النشيـــــــــــــــــد الخنفشارى

خنفشــــــاريون....اه ...خنفشـــــــــــــــــــاريون

Post: #59
Title: Re: حروب الخنفشاربة ضد الحداسة وما بعدها
Author: ايهاب
Date: 11-01-2004, 05:48 PM
Parent: #58

اناوالليل والماسـ................وره





تنقط






تنقط





تنقط




تنقط


تنقط

تنقط
تنقط

تنقط

تنقط
تنقط
تنقط

تنقط
تنقط
تنقط
تنقط

تنقط
تنقط
تنقط
تنق..نق.نق.نقنقنقنقنقنقنققنقنط

Post: #60
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 11-01-2004, 05:54 PM
Parent: #59

بيان ... يا بت العم و الخالة ...
مراويد دا ضيفي ... و من كان ضيف ملاسى فهو امن .....
و بعدين يا مراويد نتبنشر اكتر من كدا كيف .... انت ما شايف الهبايب الفوق دي !!

ملاسى

Post: #61
Title: Re: حروب الخنفشاربة ضد الحداسة وما بعدها
Author: ايهاب
Date: 11-01-2004, 06:07 PM
Parent: #60

هبايب يا ملاسي @LOoOoOooooOoooOoOoOoOoOlz
يا زول انت كان كدا كديستك سجمانه عديــــــــــــــــل

Post: #62
Title: Re: حروب الخنفشاربة ضد الحداسة وما بعدها
Author: bayan
Date: 11-01-2004, 06:56 PM
Parent: #61

ذات فجر قبل ان يتبين الخيط الابيض من الاسود.. جلجت زغرودة
شقت سماء الداخلة فى عطبرة جلبت لبيتنا كل الجيران والحبان
من حلة الحلب شمالا الى السودنة جنوبا ومن حلة العمدة غربا الى
مدينة المعلمين شرقا.. وسط خلعة ودهشت ناس البيت والجيران والحبان زفت جدتى مدعى السرور و الزغاريد: ابسرو(ابشرو)* ساتت ( ساكت)*حلاس(خلاص)* تانى مافى موت طب..
سوف(شوف)* عينى سوفتا(شوفتا)* فى الروية عزراوين....*2 ملك الموت مكرفس ومسيول(مشيول)* فى العنقرب ماسينبو(ماشينبو)* الدفن.. بركة عليه.
تتخيلى عمر عمى (الله يرحمو)الاصولى عمل ليها شنو وبشتنها كيف فى بشارتها دى



القصة دى ما جابت دخل فى بوست تماضر نقلناها هنا



*جدتى كانت لجنة وشايقية
*2 حذفت تأدبا لكن ممكن تكونى اتخيلتى حتكون الشتائم شنو


--------------------------------------------------------------------------------

Post: #63
Title: Re: حروب الخنفشاربة ضد الحداسة وما بعدها
Author: ايهاب
Date: 11-01-2004, 10:02 PM
Parent: #62

تنقط






تنقط



تنقط




تنقط
تنقط

تنقط
تنقط

تنقط
تنقط
تنقط

تنقط
تنقط

Post: #64
Title: Re: حروب الخنفشاربة ضد الحداسة وما بعدها
Author: bayan
Date: 13-01-2004, 05:38 AM
Parent: #63

ايهاب
ت
ن
ق
ط
دى
حاتنا
ا

غ
ر
ق
قققققققققققققققق
00
بق
بق
ب...قاق

Post: #65
Title: Re: حروب الخنفشاربة ضد الحداسة وما بعدها
Author: ASAAD IBRAHIM
Date: 13-01-2004, 05:42 AM
Parent: #64

حلوة والله وملعوبة
قلتي لي بقاااااااا ق
نرجو ان تحسنوا السباحة في المرة القادمة

Post: #66
Title: Re: حروب الخنفشاربة ضد الحداسة وما بعدها
Author: wadnafash
Date: 14-01-2004, 11:01 PM
Parent: #1

على تشعر بماسورة في راسك تنقط وتنقط وتنقط وتنقط
هل تشعر برغبة في انك تقفلها..
على تعاني طنين اذني حادي
هل يزعجك شكل انفك الخنشفاري
هل تبدو بشرتك .. مكرمشة
دي اسمو النشاف..
لا تقلق لدينا الحل
الحل تكيلا..
تبيلا .. تكيلا…
نقطة واحدة.. وتجعلك سباكاً ماهرا
لا تقلق بعد اليوم
بامكانك انت تنقط اسمك
عبر اثير مواسير الزمن الخنفشاري

Post: #67
Title: Re: حروب الخنفشاربة ضد الحداسة وما بعدها
Author: ايهاب
Date: 14-01-2004, 11:05 PM
Parent: #66

lOoOoOooOoOoOoOoOoooOOoOoOoOoOoOOolz

Post: #68
Title: Re: حروب الخنفشاربة ضد الحداسة وما بعدها
Author: ASAAD IBRAHIM
Date: 14-01-2004, 11:08 PM
Parent: #67

اها شفتونا ولا لسة؟؟؟؟؟؟؟؟؟

Post: #70
Title: Re: حروب الخنفشاربة ضد الحداسة وما بعدها
Author: bayan
Date: 15-01-2004, 03:16 AM
Parent: #68

كيف يا ابو السعود وهل يخفى القمر

ود نفاش وايهاب
مالكم الموية قاطعة عندكم
الماسورة عاملة
خشخشخشخخخخشخخشخ

فى انتخابات جاية على البورد قالوا ما دام ضقنا الوطن الاثيرى ابت نفس العزيز عادل الا يضوقنا الديمقراطية
اها رايكم شنو نقلب المدرسة حزب

؟؟؟
شايفين انا بتاعة شورى كيف يلا ورونا الدبارة

احمد بابكر رفض الرجوع

Post: #86
Title: Re: حروب الخنفشاربة ضد الحداسة وما بعدها
Author: doma
Date: 16-01-2004, 08:56 AM
Parent: #68

اسعد ما عاش من زعلك
بس انت وريني ليها ولاليهو
خنفشاريه او خنفشاري
لوملتحيه او ملتحي
لو دكتور او بلطجي
بس ابعدني من ود الجزولي لانه كبير البلطجيه
والباقي علي

Post: #91
Title: Re: حروب الخنفشاربة ضد الحداسة وما بعدها
Author: doma
Date: 16-01-2004, 09:36 AM
Parent: #86


Post: #112
Title: Re: حروب الخنفشاربة ضد الحداسة وما بعدها
Author: shiry
Date: 19-01-2004, 10:16 AM
Parent: #86

سلام مربع


يبقي لي بالعمي ، كان شوفت بوستكم دا الا هسع دي ، .. اصلي كده دايشه وداقسه علىطول الخط ..
وبما انني جئت متاخرة بعهدين اي العهد ماقبل الخنفشاريه
ثم ما بعد الخنفشاريه

فانا الان انتمي الى تفكــــيك الخنفشاريه
اي المدرسة التفكيكيـــــه . .. ومستعده اوي اوي لهذا التفكيك
معي مفكي ,وفراري ، وساطوري ، ومسدسي ، وقنبلتي اذ لزم الامر
حينما يقول الواحد ومفرده واحده قصيدة خنفشاريه تفكيكيه ويكب الزوغة ، اي اني لن احصله ، طوالي اقوم اطلع القنبله وافكها فيها
موش انا برضو تفكيكيه

هااااااكم النجره الصباحيه دي

_____
تدخل نصف شغالتنا السيرلانكيه
تحدرني بنصف عين
اذ ان عينها الاخرى
عيانه
قلم الرصاص مازال في يدي
وفي يدي الاخري كباية الشاي
تحيرت شويتين كده
هل للشاي نكهة الزهج
ام عينيها هي الحاره
يا ايتها المفتحه عين
وصاره الاخري
قولي لطبيبك ان
شيري كفرت بك
اذ اكلت في ليلها الفائت
فول بايت
ومع ذلك لم ترى
كيف اخد الجنود
صدام ، ولا الترابي
قولي له ..
ان يبطل كضب
فحسني لم يزل
حسني ، وعرفات
مهما حبس في بيت الادب
هو عرفات...
هل تدري يا طبيب
ان نافذتي لم تغرد
تحتها ولا حتى قمريه

Post: #113
Title: Re: حروب الخنفشاربة ضد الحداسة وما بعدها
Author: bayan
Date: 19-01-2004, 10:24 AM
Parent: #112

الجميلة الآبقة جيتى
لا
الجميلة النساية

ناس الخنفشارية ديل لك مطلق الحرية فى تفكيكهم وقنبيلهم
انا ما عندى دخل بمدرستهم دى

لاحظت برضو اوبت احمد بابكر
ابشر ساكت قربتا تمضى تحت الخط

Post: #119
Title: Re: حروب الخنفشاربة ضد الحداسة وما بعدها
Author: bayan
Date: 22-01-2004, 03:11 PM
Parent: #112

7

Post: #69
Title: Re: حروب الخنفشاربة ضد الحداسة وما بعدها
Author: wadnafash
Date: 14-01-2004, 11:10 PM
Parent: #1

ايهاب
فلتنقط
وتنقط
وتنقط

Post: #71
Title: Re: حروب الخنفشاربة ضد الحداسة وما بعدها
Author: wadnafash
Date: 15-01-2004, 07:53 AM
Parent: #1

دكتورة بيان

الماسورة خليها ساكت
خشخشة ورقاد واطة ساكت
الا مافي عوجة

اعلان هام: الحزب الخنفشاري يعمل كما كت .. في اشارة للتهيؤ
لدخول اي انتخابات محتملة

Post: #72
Title: Re: حروب الخنفشاربة ضد الحداسة وما بعدها
Author: bayan
Date: 15-01-2004, 08:52 AM
Parent: #71

انتخبو مرشحكم
بيان
رمز السيخة
الاسم:نجاح الغراب
العمر: 55
الحالة الاجتماعية متزوجة وعندها كشة عيال
المستوى التعليمى: كتاب مفتاح المعرفة نحو الامية
المسرحية المفضلة: ترويض الشرس(الشرسة فى رواية اخرى)
القصة المفضلة:ذئب البوادى لهيرمان هيسة
القصيدة:ريابة ربة البيت لبشار بن برد
ا

من مؤسسى مدرسة الحداسة المناقضة للخنفشارية
متفرقة للعمل البوردى

Post: #73
Title: Re: حروب الخنفشاربة ضد الحداسة وما بعدها
Author: wadnafash
Date: 15-01-2004, 12:05 PM
Parent: #1

الكنية على وزن بنية
ود نفاش
الهواية: التزلج على الجليد
الشعار الانتخابي:
يفرق شنو طعم الحلو لو يبقى مر
العمر: 32 سنة
المؤهل الاكاديمي: مفصول من سنة 1995 لاسباب سياسية
لكن حاضر 300 اركان نقاش
الفنان المفضل: شعبان عبد الرحيم
الفيلم المفضل: ماتريكس ريلود
العربية المفضلة: كرايسلر بالذات اللون الزبرجدي
الجن: جني وجن أي حاجة حديسة
عضو مؤسس في المدرسة الخنفشارية
النكتة المفضلة : بتاعت الجعلي لمن قام جاري.. هاهاها

اولويات البرنامج الانتخابي:
مشكلة نقيط المواسير بدون سبب وجيه
منع الشفع من ارتداء ملابس كورة السلة في الديسكوهات
ظاهرة دبايب الحفلات.. وانعكاساتها

Post: #74
Title: Re: حروب الخنفشاربة ضد الحداسة وما بعدها
Author: Gazaloat
Date: 15-01-2004, 08:54 PM
Parent: #73

فليكن معلوما لدى الجميع انه مامن حزب سودانى ينال أي حظ من النجاح الا اذا حدثت فيه انقسامات ولذلك فاننى ابادر الى اعلان انقسامى من الحزب الخنفشارى السودانى واعلن ايضا و(باذن الله) تكوين حزب جديد باسم الحزب الخنفشارى السودانى القيادة الثورية
اما الانتخابات فانا ساقاطعها ليس لانها كعبة وماعارف شنو... ولكن لاننى لن افوز فيها فلاداعى للفضايح
منعم

Post: #75
Title: Re: حروب الخنفشاربة ضد الحداسة وما بعدها
Author: doma
Date: 15-01-2004, 09:15 PM
Parent: #74

لووووووووول القال ليك منو يا منعم ما بتفوز طالماانشقيت من ناس بيان ديل ح نرمي بكل ثقلنا المادي والمعنوي من خلفكم واكيد حتفوز لاند اسلايد فيكتوري

Post: #76
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 15-01-2004, 11:46 PM
Parent: #75

Quote: ح نرمي بكل ثقلنا المادي والمعنوي من خلفكم

كدا يا دوووووووووووووب ما فزتا يا جزولي ...... الف مبروك يا خوي !!!!

ملاسى

Post: #77
Title: Re: حروب الخنفشاربة ضد الحداسة وما بعدها
Author: Gazaloat
Date: 16-01-2004, 00:34 AM
Parent: #76

تقول والله ياحسين!!!
طبعا انا ماشغلتى بى
Quote: ثقلنا المعنوى
لكين
Quote: ثقلنا المادى
ده كيف ؟
يعنى مريشين تمام الزول يقفل عليكم؟؟
افيدونا سريعا حتى نلحق نستقيل من شغل الفندق دا ونتفرغ ليكم
منعم

Post: #78
Title: Re: حروب الخنفشاربة ضد الحداسة وما بعدها
Author: bayan
Date: 16-01-2004, 04:06 AM
Parent: #77

عوجة عوجة عوجة عوجة
كبيرة وعوجة واكبر عوجة
المسألة ما فى الخنفشارى الآبق الجزولى
العوجة صاحبتى العايزة تقيف ضدى بكل ثقلها المعنوى والمادى

طيب يا دومة بديتى والبادى اظلم
اسع مقعدة لى شافعين صينين لتصليح نتائج الانتخابات وكن
فوزنا فد مرة حايمة بلا حجاب ما بتجى البورد دا..

تجيب ولى أمرك بكرة وتجى
انصحك تجى مردف
حسين شوفتا كيف؟

Post: #79
Title: Re: حروب الخنفشاربة ضد الحداسة وما بعدها
Author: Gazaloat
Date: 16-01-2004, 04:35 AM
Parent: #78

دعاية انتخابية بحالة جيدة للبيع
هل يوجد مشترى/ة
الوسطاء يمتنعون

ماقلنا ليك فى زمتك
يامحمد احمد همتك
لفيت كلامنا ف عمتك
والسدنة اصبحوا قمتك

من حسرتك جيت تشتكى
يالقصتك مابتتحكى
صوتك مكندش ومتكى
والقبة عدمانة الفكى

يالكلفتوك على عجل
لى الليلة ماتم الاجل
شرعولك ابواب الوجل
صوتا فوزتا الدجل

ماقلنا ليك دربك هلوك
ياعزة يابت الملوك
خدعوك وعقبا اهملوك
قطعوا الرحط وماشاوروك

ومستعدون لكافة اعمال المدح والغزل والهجاء...على كل المستويات من ( التماهى) و(التناص) وحتى ( ملاسى الشين دخلت بى وين)

اسعارنا لاتنافس
والدفع بالتقسيط المريح

منعم

Post: #80
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 16-01-2004, 06:45 AM
Parent: #79

Quote: قطعوا الرحط وماشاوروك

دي بتنفع معاي .... اها اخر كلام داير فيها كم ....

ملاسى

Post: #81
Title: Re: حروب الخنفشاربة ضد الحداسة وما بعدها
Author: Gazaloat
Date: 16-01-2004, 07:54 AM
Parent: #80

البطلع من زمتك ياملاسى ياخوى
مع انى عارف انو زمتك لستك ...لكين معليش العوض على الله
البعدو منو/ نى؟؟

Post: #82
Title: Re: حروب الخنفشاربة ضد الحداسة وما بعدها
Author: bayan
Date: 16-01-2004, 08:15 AM
Parent: #81

Quote: صوتا فوزتا الدجل


خلعنا عليك يا الجزولى جبة مقصبة من الحرير الاصفهانى
10000 من الدنانير الذهبية
يا غلام
اذهب لبيت المال
اخبر خازنه بذلك

Post: #83
Title: Re: حروب الخنفشاربة ضد الحداسة وما بعدها
Author: Gazaloat
Date: 16-01-2004, 08:36 AM
Parent: #82


Post: #84
Title: Re: حروب الخنفشاربة ضد الحداسة وما بعدها
Author: doma
Date: 16-01-2004, 08:36 AM
Parent: #81

لووووووووووووووووووووووووووووز يا منعم بس نحن ثقلنا المادي ما بترمي الا مع الموجهات المعنويه كان كدي سرحتك سراحا جميلا .
اها يا بيان لا تزعلي ولا حاجه
كنا منشقين فاصبحنا بفضل الله متحدين
وراجعين للحق
يعني انا اول زول يستتاب
ولا اخر زول يلبس الحجاب
خلاص اتقنعت وجيت
وما بيني وودالجزولي تبقي شعره معاويه اصلوا الزمن مامعروف في دنياالسياسه السودانيه
كل شي وارد
ننشق
نتوازي
ونتعارض
بالله تاني شكوها ووزوعها
يمكن اطلع جناح ام جكو
او ترشيدالعمه( العين دي مكسوره )

ولا من الرفاق ولا مبعوثه عربيه
بس كيف العرب ديل يعترفوا انه ودالجزولي بهرطق بالعربي

Post: #85
Title: Re: حروب الخنفشاربة ضد الحداسة وما بعدها
Author: Gazaloat
Date: 16-01-2004, 08:40 AM
Parent: #84

وعدت بانشاء الجسور
ومحاربة غلا المهور
محجبات او ذات سفور
صوتكن يقطع للسيور

خلعت علينا دهب جمان
مقبول حرير الاصفهان
صوتك عديل ان الاوان
رمز( الغراب) البت بيان


البعدها منو/ نى

Post: #87
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 16-01-2004, 09:17 AM
Parent: #85

Quote: صوتكن يقطع للسيور

دي برضو كويسه معاي يا زعيم ....

سجل علي الحساب بالله ....

ملاسى

Post: #88
Title: Re: حروب الخنفشاربة ضد الحداسة وما بعدها
Author: bayan
Date: 16-01-2004, 09:18 AM
Parent: #85

كنا منشقين فاصبحنا بفضل الله متحدين
وراجعين للحق

دومة اعتذارك ما بفيدك
خلاص الفورة من واحد

الجزولى
خلعنا لك
10 جوارى دمشقيات ما رأت عين اجمل منهن
و1000000 من الدنانير الذهبية
يا غلام
نفذ الامر

Post: #89
Title: Re: حروب الخنفشاربة ضد الحداسة وما بعدها
Author: Gazaloat
Date: 16-01-2004, 09:29 AM
Parent: #88

انت حكايتك شنو مع السيور دى ياحسين؟؟ رايح ليك رباط ولا حاجة!!

يادكتورة بيان
جواريك لميهن عليك مالازماتنى فى حاجة
كفاية على القريشات
انتى فاكرانى (مادى تاريخى)؟
انا( مادى) نقدى ساكت, بتاع قروش بس

Post: #90
Title: Re: حروب الخنفشاربة ضد الحداسة وما بعدها
Author: bayan
Date: 16-01-2004, 09:35 AM
Parent: #89

ايها الفتى لا ترد عطايا السلطان
خذ الجوارى وبلاش غلبة

Post: #92
Title: Re: حروب الخنفشاربة ضد الحداسة وما بعدها
Author: doma
Date: 16-01-2004, 09:38 AM
Parent: #90

المديده حرقتني
الجزولي يصفع السلطان مسلم بنبان
ويرد اليه جواريه ويكتفي بالكاش


--------------------------------------------------------------------------------

Post: #93
Title: Re: حروب الخنفشاربة ضد الحداسة وما بعدها
Author: Gazaloat
Date: 16-01-2004, 09:53 AM
Parent: #92

بيان احسن ليك
كان قبلت عليك والله اسقطك( سقوط المطر)
بلا جوارى بلا لمة
انا ناقص ؟!! الفينى مكفينى

Post: #94
Title: Re: حروب الخنفشاربة ضد الحداسة وما بعدها
Author: bayan
Date: 16-01-2004, 10:38 AM
Parent: #93

لع لع لع كلو ولا تقبل على
خلاص ندى الجوارى لحسين

Post: #95
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 16-01-2004, 11:37 AM
Parent: #94

الزعيم منعم

يا اخي انا بفتش لي علي رحط لبيت العرس و ما لاقي ... فتشت سوق امدرمان كلو ... سوق الجلود ... عمك تاتاي و صلتو و برضو ما لقيت ...

اها سيورك دي ممكن تنفعنا .....

ملاسى

Post: #96
Title: Re: حروب الخنفشاربة ضد الحداسة وما بعدها
Author: bayan
Date: 17-01-2004, 03:50 PM
Parent: #95

عايزة قصيدة هجاء للمسقفاتية
القاعدين عشان الواحد يقول البت سمحة الا يرص لى عدد من اسماء الكتاب ومعها استقطاعات ما تسوى الجهد
والغاية اظهار السقافة اكثر من تدعيم رأى

Post: #97
Title: Re: حروب الخنفشاربة ضد الحداسة وما بعدها
Author: Gazaloat
Date: 17-01-2004, 08:49 PM
Parent: #96

حى قيوم وقيوم حى
اذا عتبات بيوتنا اتوحمت للضى
اذا ترباس معارفنا انقفل فى فكرة راجية الرى
اذا حاصرنا حتى غنانا
فى علب المعانى الخايبة
والمدن المكهربة بالكلام النى
لاغازلنا بت جيرانا فهمت شى
ولا فهمن بنات الحى

منعم

Post: #98
Title: Re: حروب الخنفشاربة ضد الحداسة وما بعدها
Author: bayan
Date: 18-01-2004, 03:21 AM
Parent: #97

الجزولى الابداع ما عندك ربنا يديك العافية

كنا عايزين نخلع عليك عطية
لكن بيت المال بس فيهو جوارى
القروش كملت فى الدعاية الانتخابية
بعدين نحنا اخوان
وما بينا حساب
ولا مش كدا؟

Post: #99
Title: Re: حروب الخنفشاربة ضد الحداسة وما بعدها
Author: Gazaloat
Date: 18-01-2004, 05:29 AM
Parent: #98

تسلمى انت يابت اخوى

Post: #100
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 18-01-2004, 09:04 PM
Parent: #99

Quote: لاغازلنا بت جيرانا فهمت شى
ولا فهمن بنات الحى

هي لو بتفهم يا جزولي كانت حبت زول زي دا !!!!!!؟

ملاسى

Post: #101
Title: Re: حروب الخنفشاربة ضد الحداسة وما بعدها
Author: wadnafash
Date: 18-01-2004, 09:45 PM
Parent: #1

بدء الانتخابات بين الحداسة والخنفشارية وسط اجواء مكفهرة
يسودها أرق ونمل شديدين
ومخاوف من قيام الحداسيون بقيادة الدكتورة بيان بالتزوير في مقاطعة خنفشور وتقديم رشاوى للمقترعين الباحثين عن عطايا وجواري

محلل خنفشاري وصف الوضع بالخطير..

Post: #102
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 18-01-2004, 10:26 PM
Parent: #101

Quote: لع لع لع كلو ولا تقبل على
خلاص ندى الجوارى لحسين

و الله الواحد ما عارف يقول شنو .....

لو في غلمان احسن .... اقلو يساعدو الزول في الزراعة ....

و لا اقول ليكي ... بلاش احسن ..... برانا ما ناقصين مشاكل ...

لو في كاش برضو احسن و انا بجيب الدايرو ....

ملاسى

Post: #103
Title: Re: حروب الخنفشاربة ضد الحداسة وما بعدها
Author: ahmed babikir
Date: 18-01-2004, 10:42 PM
Parent: #101

يا جماعة عاملين انتخابات وما تكلمونا!! دايرين تتطفحوا حق الاصوات براكم البياكل براهوا بيخنق علي العموم الحمد لله جينا قبل ابتدا التصويت ونبداء بهذا الدوبيت عن مواطنيي خشنفره الشماليه التي تعاني من عجز في ميزان المدفعوات الانمائيه في مشاريع خشنفر القوميه للاستهلاك المحلي والدولي وبالحيل مشوروعنا واقف؟؟!!
الصوت حقنا بي قروش نبيعوووواااااا والبيدفع كتير لاصواتنا نديهوووواااااااااا اهممممممممممممممممممممممممممممممم منمنمنممممممم
والماعندوا يدين من الجنبوااااااااا وكان ما اداهوا نحن صوتنا ليهوا ما نديهوا اهمنممممممممممممممممممممممممممممممم
ارقد يا مشروعنا يا الاخضراوي يا الشلوخك تقاوي محفرينوااا اه اها اهمن اهمممممم (دي تقسيمه)
لا مرة سحابة تبلل ريقك ولا طرومبات المعونه الفي البحر مجنونه بلت ريقك
اه اهممممممممممممممممم
انته ريقكك ما يتبله الا ناس الخشنفرات تندله وعلي بابك تقيف تدله ويا البت السميحه عليك الله كتري الطله اه هاه اها اهااهمنمنمنمممممممم ابشر اهمنننننممممممم
انحنا ناس الخشنفره الفي البلد عدمنا السله ولي ناس بره شحدنا الفله اهمنمنمنمممم
وانحنا الكترتنا ما بتتفله والواحد فينا عندوا مليون قمله اههمهمنننمممممم
وانحنا السياسه الفينا ما بتتسله وانحنا البي عكاكيزنا سندنا الحله
ابشر عهممن ععهمن اهعمن اعهمن واااا اهعمنه
والجك جربك جك جك جربك جكجكجك جربك والقونقليز حق المك
والجك جرببك ابشر ابشر
صوتنا فكر ،،والدايره حكر،،،،لود بابكر
ابششر ،،عييك ابشر

Post: #104
Title: Re: حروب الخنفشاربة ضد الحداسة وما بعدها
Author: Gazaloat
Date: 19-01-2004, 06:14 AM
Parent: #103

Quote: هي لو بتفهم يا جزولي كانت حبت زول زي دا !!!!!!؟


حسين ملاسى
انت عارف بتحبو ليه؟؟؟

بتحبو شان مبهورة بيهو
وبالكلام من خشمو يترترت
اذا خشمو الكلام فقعو
يكعوج فى عباراتو
وتقول بلة الكلام نقعو
تغرود ليهو بى بسماتها فى الندوات
ويسبل ليها فى الكلمات
تقول اتنين مساطيل
لفوا ( نص )
ضربوهو وانصقعو
ولو عاينت فى الامثال
تجد ان الطيور على اشكالها ( وقعوا )

منعم

Post: #107
Title: Re: حروب الخنفشاربة ضد الحداسة وما بعدها
Author: bayan
Date: 19-01-2004, 08:04 AM
Parent: #104

Quote: بتحبو شان مبهورة بيهو
وبالكلام من خشمو يترترت
اذا خشمو الكلام فقعو
يكعوج فى عباراتو
وتقول بلة الكلام نقعو
تغرود ليهو بى بسماتها فى الندوات
ويسبل ليها فى الكلمات
تقول اتنين مساطيل
لفوا ( نص )
ضربوهو وانصقعو
ولو عاينت فى الامثال
تجد ان الطيور على اشكالها ( وقعوا



شايف كيف يا منعم
نفس حركات عطيل مع ديدمونة والودتها التوج

Post: #105
Title: Re: حروب الخنفشاربة ضد الحداسة وما بعدها
Author: أبو ساندرا
Date: 19-01-2004, 07:51 AM
Parent: #1

1-جزولوت
0( مقعد الغرفة وليس مقعد اللقية لذا وجب التنويه )
( تشفطني المخاخيط )
( الزردية)
ياله من إبداع حقيقي ومورث
القصة ماستر بيس فلا تذعن للتهديد وجمع ما تبقى من (رجالتك) وإنتفض وتمها تمها تمها

2- بيان
هذا البوست ممنوعة فيهو السنسرة ، حر وطليق في الهواء مباشرة ما شايفة ود الجزولي بيعمل أيه ، ما قالته حبوبتك الشايقية اللجنه قوليهو عديل ، مافي حاجة إسمها ( تأدبآ ) حاولت ان أتمها مستدعيآ قاموس الشتائم وبنات زفر وما نجحت ، يللا تميها وخلي البهجة تكتمل

Post: #106
Title: Re: حروب الخنفشاربة ضد الحداسة وما بعدها
Author: bayan
Date: 19-01-2004, 07:58 AM
Parent: #105

ابو ساندرا
انت عايز يطردونى تانى
عشان تفوزو بالتذكية

نحنا بنحب نشغل الخيال
يلا بالله اتخيلهم
كدا

Post: #108
Title: Re: حروب الخنفشاربة ضد الحداسة وما بعدها
Author: Abureesh
Date: 19-01-2004, 08:12 AM
Parent: #106

بيان،
فى أخطاء فى كلامط زى "حداسـة" ونحو اللميـة" الخ.. شنـو ما أدوكم جغرافيا فى المدرسـة؟

Post: #109
Title: Re: حروب الخنفشاربة ضد الحداسة وما بعدها
Author: bayan
Date: 19-01-2004, 08:21 AM
Parent: #108

كنت بس شاطرة فى التدبير المنزلى
واليوم كلو اغسل فى هدوم المدرسات
وأعوس للناظرة
عشان كدا بقت فى أخطاء فى كلامط

Post: #110
Title: Re: حروب الخنفشاربة ضد الحداسة وما بعدها
Author: أبو ساندرا
Date: 19-01-2004, 08:25 AM
Parent: #1

صحي البضوق عضة الدبيب بيخاف من جرة الحبل ، ما تخافي ، نحن معاكي وبعد هذا البوست الناجح ما حد بيقدرك

Post: #111
Title: Re: حروب الخنفشاربة ضد الحداسة وما بعدها
Author: bayan
Date: 19-01-2004, 09:59 AM
Parent: #110

يا ابو ساندرا
يا غواصة انت مرسلنك الجماعة

اصلى ما بخت كلمات على النقط
والبوست دا نجح بحس الجزولى العظيم
ونحنا الشيالين

Post: #114
Title: Re: حروب الخنفشاربة ضد الحداسة وما بعدها
Author: أبو ساندرا
Date: 19-01-2004, 11:11 AM
Parent: #1

طيب كلميني بيهو في أضاني ، أموت وأعرف !

Post: #115
Title: Re: حروب الخنفشاربة ضد الحداسة وما بعدها
Author: bayan
Date: 20-01-2004, 04:31 AM
Parent: #114

لوووووووووووووووول
من الشمار ما قتل

ابو ساندرة امشى اقيف على قارعة الطريق وغيظ ليك شايقية
بتعرف حبوبة الله يرحمها قالت شنو

Post: #116
Title: Re: حروب الخنفشاربة ضد الحداسة وما بعدها
Author: Abureesh
Date: 20-01-2004, 04:53 AM
Parent: #115

"أخطاء فى كلامط"

أو كى.. واحــد - صـفــر

Post: #117
Title: Re: حروب الخنفشاربة ضد الحداسة وما بعدها
Author: bayan
Date: 20-01-2004, 05:50 AM
Parent: #116

ابن الخالة بالتواتر
عارف محيرانى حاجة غريبة
فى موضوع الخطأ فى الكتابة
ليه

بتكون حقتى املائية وحقت الناس التانين
مطبعية !!!!..

هذه المفارقة غير العادلةوالتقويم المختل


بتقودنى لما قاله

البرتو مانديزا
فى معرض رده على ماثيو ارنولد
لما اتلاقوا فى مؤتمر روما الشهير ليحددوا ماهية الادب
وتعريف الالتزام سنة 1945
لما ارنولد قال لى البرتو
شيل كراعك من رجلى
دا طوالى بكل الوقاحة الايطالية( بتكون دائما موجهة للرجال دون النسوان)
قاليهو يا اللخو
البخلى حقتى كراع وحقتك رجل شنو؟:
اها على هذا المنوال
البيخلى حقتى املائية وحقتكم مطبعية شنو
confused:

Post: #118
Title: Re: حروب الخنفشاربة ضد الحداسة وما بعدها
Author: bayan
Date: 21-01-2004, 04:30 AM
Parent: #117

5

Post: #120
Title: Re: حروب الخنفشاربة ضد الحداسة وما بعدها
Author: فتحي الصديق
Date: 22-01-2004, 07:30 PM
Parent: #1

دكتورة نجاح الغراب
عبدالمنعم الجزولي
الله يجازي محنكم. البوست دا كان بفوتني بدون ما اسجل اسمي.القا لي (بوصت)تاني وين اركب فيهو؟
رغم اننا ببداية العام الميلادي ارشح هذا البوست كبوست العام.
شكرا (للامتاع والمؤانسة)في هذا الزمن . زمن(تف يا دنيا تف).

Post: #121
Title: Re: حروب الخنفشاربة ضد الحداسة وما بعدها
Author: bayan
Date: 23-01-2004, 04:13 AM
Parent: #120

سلام يا شباب
وشكرا يا فتحى للاشادة
عايزين البوست دا يبقى الفونى على وزن مليونى
يلا يدك معانا كدا
قصيدة قصة نكتة
لكن لازم تكون حداسى ومش خنفشارى

Post: #122
Title: Re: حروب الخنفشاربة ضد الحداسة وما بعدها
Author: Shinteer
Date: 23-01-2004, 04:58 AM
Parent: #121

أيها الناس .. اسمعوا وعوا. أين الخنفشاري المعتّق إبن الجزولي؟ إنني متقرْيِف قريفة "الغنماية ديك" لواحد قصيدة خنفشارية مخنفشرة من عالم الخنفشاريت إبن الجزولي.
وروني مشى وين .. وللا بقوم أشكّل جبهة مناهضة لمدرسة الخنفشارية وسوف ترون عندها ثقيل الهجاء وحامض الكلْم
يا قزالوت .. اقفز في الهواء

Post: #123
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 02-02-2004, 02:12 PM
Parent: #122

اهداء لصاحب النكات المبكية ......


اذا كان هناك 1000 يستسخفونك فأنا منهم

اذا كان هناك 100 يستسخفونك فأنا منهم

واذا كان هناك 10 رجال يستسخفونك فانا واحد منهم

واذا كان هناك واحد فهذا انا

واذا كان لا يوجد من يستسخفك

فهذا يعنى انى قد مت يا سخيف

"بتصرف شديد" لقصيدة الشاعر الروسى رسول حمزتوف
ترجمة كمال الجزولي


ملاسى

Post: #124
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 05-02-2004, 07:45 PM
Parent: #123

رفع تقديرا لحمزتوف ....

ملاسى

Post: #125
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 07-02-2004, 08:40 PM
Parent: #124

here it goes again
for Rasool

Post: #126
Title: Re: حروب الخنفشاربة ضد الحداسة وما بعدها
Author: Ali Alhalawi
Date: 12-02-2004, 10:56 AM
Parent: #1

سلام يا الجوّة
جوة و البيت مقشوش
ما إتلفتا .. داخل توووش
كلامكم سكر ما مغشوش


الله يرحمها حبوبتى .. كان عندها بعد نظر .. كل مرة تقول لى إنشالله تكبر و تبقى خنفشارى .. الكلمة حامت جوه صنقورى و ما لقت ليها تفسير .. سألت التاية أختى .. باقى هى فايتانى شوية فى العلام بمقدار مرض طه القرشى .. حبوبتى يا مسنوح قاصدة أنك تتفرشخ فى الواطا .. عمى قسم السيد .. لا يعترف بالهزيمة .. ياولد سيب القلقصة و الكلام الكباااااار .. فما كان منى إلا أن ألجأ لياسين ود العمدة .. خاله مثقف و خريج المعهد الفنى .. حبوبتك دى مخرّفة .. قاصدالك تبقى خفير .. لم أجد تفسيرا مقنعا .. و لكنى لم أفك الكلمة عكس الهواء .. حفظتها فى حيز صغنتوتى من مخيخى .. منتظرا أن تتحقق نبوءة حبوبتى

نعم كنت أدرك أن نظرها بعيد .. لكن لم أتخيله ابدا أن يتعدى حدود قريتنا .. وهاهو اليوم مخيخى يفرج عن الكلمة بدون كفالة .. و أنا أقرأ الخط الكوفى العريض .. المدرسة الخنفشارية .. هتفت و فرحى يتشتت حولى .. نقشتها نقشتها .. و من الآن أنا متفرشخ لكم هنا .. فأصنعوا منى خنفشاريا مهيب .. و لا تخيبوا ظن حبوبتى و تطلعوها واحدة كضابة


البيت محروس
و سـتو تكوس

Post: #127
Title: Re: حروب الخنفشاربة ضد الحداسة وما بعدها
Author: Ali Alhalawi
Date: 14-02-2004, 05:54 PM
Parent: #1

عوووووووك الناس دى مشت وين ؟؟؟؟ أنا كرعيّـا نملت

ردوا الىّ فرشـختى
ردوا الىّ إنتظارى


ومن هنا أعلنها حرب سنون على الخنفشارية .. و أعتنق الحداســة
ومن دخــل بوست بيان فهو آمن .. و من الآن سأنتقل بفرشختى لمدرسة الحداســة .. ضاربا بنبوءة حبوبتى عرض الشاشة

أستاذتى بيان .. ممكن أحدس شوية .. عشان تقيّمو مستواى و تشوفو ياتو صف بناسبنى


قالت يا أهبل
تمهل فى حديثك
أبن .. تســلــسل

و قد كان لابد أن أتسلسل
فى البدء
صرت سلة للغلال
من كل غلة
دخلنى زوج هجين
وجاءت قمحة وحيدة بدون محرم
غضة الطرف
فغضضت طرفى
و رمقتها بنصف عين
و همست
على القمح من كل جنس
حـــلال

قالت يا حــمار
تمهل فى حديثك
أبن .. تســلــسل

لفظت سلسلتى الفقرية بمقدار فرسخ
و صرت سـلسـل بدون عيار
عرضت نفسى فى محل غير ناصية
يتردد على مسامعى كل يوم
هذا فالصو
ليزداد وزنى كل يوم
غبارا و كركار

قالت أأنت تهزأ
تمهل فى حديثك
أبن .. تســلــسل

تســلــسلت و تســلــسلت
حتى صرت مسلسل
بثنى تلفزيون عتيق
صوته مشروخ و يسعل
شاهدنى طفل و شيخ عجوز و إبريق
الشيخ إنغمس فى شخير
يطفو أحيانا و ينسدل
عند سماع صوت رقيق
تغوس يده فى مكان مستتر
و يرمق الصبى فى حذر
بصق البطل البدين
فى وجه الممثلة و قال
كيف تريدينى أن أبدع بدون مشاهدين
أشرع يده
و طق قفل التلفزيون

قالت يا بغل
تمهل فى حديثك
أبن .. تســلـسل

تسلسلت و تسلسلت
حتى صرت سل فــون
قبلت منها الشفاه و العيون
رننت و رننت بكل تون
رد صوت رخيم
ملعون أبو السجارة
و ألف ملعون
من زاد لونها إخضرار


Post: #128
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 15-02-2004, 03:53 AM
Parent: #127

اهلا بيك يا علي ...

يسرنا ان نعمدك عضوا اتولد بسنونو ...

لتقيم المستوي لابد من انتظار بيان او الجزولي - ايهما يأتي اولا

و اظنك ستكون من رافعي اللواء ...

ما زلنا نبحث عن الجزولي ... من شاهده فليحيه عله يتذكر ان الجميع في انتظار نفحاته

و كل سنة و الجميع في جب بمناسبة عيد الحب

Post: #129
Title: Re: حروب الخنفشاربة ضد الحداسة وما بعدها
Author: Ali Alhalawi
Date: 19-02-2004, 11:39 AM
Parent: #1

واحدة كل أحلامها أن تلقى ليها ود حلال .. يوم جات داخلة البييت و لقت ناس البيت جت مافيشين .. جدعت توبها هناك و أطلقت لخيالها الحبل

الليلة عاد يايمة يجوك الخطّاب يدافرو .. دا ما عايزاهو .. دا قصير .. دا عدمان الحبة .. و يجى داك يا المغترب .. شنطو كبار .. و أرضى بيهو طوالى .. و تجى ديك يا السيرة الما خمج .. والغنا فوق للسما يلعلع .. و يجى واحد يمسك المكرفون .. هوى يا شباب الفاصل دا للعريس و العروس .. و أدخل أنا و داك يا الرقصى .. أها و بدت تتفدع و هاك يا الكشف .. وهى فى حالة كشفها الهستيرى .. رأت خالها خلف الباب

أههههاااى يا خالى جيت متين
أنا جيت فى بص الســيرة


و مع البيت الفاضى و قبل ما يجونا الجماعة فى بص السيرة .. الواحد ياخد راحتو بالكامل و يبدأ يحــدس .. بس إنشالله ما يجو قبال الساعة أربعة ..


دقات قلبى تعلن الرابعة مساء
موعد لقاء حبيبتى المرتقبة
لذلك سادتى
و تبعا لقانون الضيافة
وضعت نفسى على إطار صورتى
على لسانى رتبت الحروف
و فى الباب كانت لافتة تقول
مرحبا بضيوفنا الكرام
دائرة الوقت تضيق
دقات قلبى تزداد
مزلاج الباب ينزاح
دخلت حبيبتى
عندما دخلت
غرقت كل الأشياء فى بحر من النسيان
ضاعت ذكرى حبيبتى
فى غياهب الخوف
لم أعد أذكر منها شئى
حتى إسمها
ترسب فى ذاكرتى السفلى

Post: #132
Title: Re: حروب الخنفشاربة ضد الحداسة وما بعدها
Author: Abureesh
Date: 12-03-2004, 04:27 AM
Parent: #1

بيأن،
ممكن تشــرحى لينـا الحـداثـة دى شــويـة، وكيف الواحــد يكتب شعــر (بعـدهـا).
رأيك شنــو فى شعــر دا:

عنـدمـا تشتعـل العلبــة حـزنـا..
فلقــد فارقهـا الفـول..
ومــاء الفـول..
وعـادت.. كو.. كو.. كو..
....
....
....
....
صفيحــة..
...

هى نسيت النقطــة الرابعــة!

.

عليبـة فـول..
يشتـروهـا من دكان العـرب..
يستـرقونهـا، وينهبـون فولهـا..
يحيلـونهـا إلى مجـرد معـدن صفيـح..
إلى مجــرد معــدن من الصفيــح..

Post: #133
Title: Re: حروب الخنفشاربة ضد الحداسة وما بعدها
Author: bayan
Date: 12-03-2004, 08:14 AM
Parent: #132

الاخ ابوالريش
لقد تخرجت فى جامعة ظلامية لا تدرس الحداسة
فالنترك الخبز لخبازيه
ولكن هناك علاقة جدلية بين الفول والعلبة
فالعلبة لولا اضافة بعد المواد الحافظة
لما حفظت ذلك الفول فى الاساس
فهل نعد هذه العلاقة علاقة جدلية؟

Post: #134
Title: Re: حروب الخنفشاربة ضد الحداسة وما بعدها
Author: sentimental
Date: 21-03-2004, 03:10 PM
Parent: #1

هذا البوست مهم

Post: #135
Title: Re: حروب الخنفشاربة ضد الحداسة وما بعدها
Author: Ali Alhalawi
Date: 19-04-2004, 01:15 PM
Parent: #134

القدم ليهو رافع

Post: #136
Title: Re: حروب الخنفشاربة ضد الحداسة وما بعدها
Author: Ali Alhalawi
Date: 19-04-2004, 01:19 PM
Parent: #135

أخيرا جئ بمنعم و زقاقه ببوله و بيبوله (its people)



Quote: الشقيقة الحبيبة بيان

وكافة سكان هذا البوست وزوارهم واقرباءهم واصهارهم ومعارفهم بالمسيكتاب والخرطوم والارجنتين واسترالياوكل الدول الكبرى والصغرى
ارجو ان اوضح الآتى:-

سابعا: لم يعد فى العمر بقية ابعزقها بين البوردات فآثرت ان انفق وقتى فى متابعة اخبار انتفاضة الفلوجة ومعالجة جرح ظهر هكذا فجأة فى اصبع قدمى اليمنى نتيجة لتنفس داء السكرى وان بقى لى عمر بعد ذلك فسأستثمره ان شاء الله فى الشكوى من جور الزمن.

حادى عشر: شكرا لسؤالكم عنا وان كنت لا أزال أراه مضيعة لوقتكم

أولا : اهديكم هذا النص( بضم النون) من انصاص مابعد الخنفشارية الجديدة وارجو ملاحظة ان العنوان والعنوان الجانبى والرقم المصاحب له كلها لاعلاقة لها بأى شئ وهى ليست سوى ديكور لتجميل الامر وجعله يبدو وكأنه شغل مثقفاتية
والسلام ختام
منعم الجزولى

أزقــــــــــة

(1)زقاق ملتوى

عندما خرج ليتبول فى الزقاق كعادته، لم يجد مكانا خاليا، فقد كانت كل الأماكن الصالحة للتبول مشغولة بجماهير المتبولين.
قطع الزقاق جيئة وذهابا مرتين، عسى ان يخلى احدهم مكانا له. ولكن التبول كان ابديا، والمتبولون لاينقطع سيل بولهم، ولايخفت خريره عند نقطة التقاءه بالارض.
تجنب دعوة (عمر البطل) له ليتبول فى المساحة الضيقة جدا بين موقع تبول (البطل) وباب الحديد فى حائط منزل الحاجة (لبودة شندقاوى) او (لبودة الداية) كما يسمونها. ورغما عن ان (لبودة) ليست داية قانونية، الا ان زبوناتها كن اكثر من جملة زبائن دار الرياضة، وقد تخصصت (حاجة لبودة) فى اعادة ما انهتك من أغشية البنات قبل الزواج وتضييق ما اتسع من فروجهن بعده!!
كان يعلم ان (البطل) لن يكتف بالتفرج على قضيبه الملتوى الى اعلى ، بل سيمسك به محاولا اعادته قسراالى استواء القضبان. اعتذر له برفق مستقيم حيث ان (البطل) لايحب الكلام الملتوى. كان بطبعه يكره الالتواء فى اى شئ.
(عمر البطل) كان يشكل فى اوائل الستينات فريقا غنائيا مع (دفع الله ودبتول) وكان الناس يعرفونهما باسم (ثنائى العوجة) حيث قدما الى المدينة من قرية (ود العوجة) ريفى (صندقة). وظلا يمارسان الغناء فى الافراح والنواح فى الاتراح حتى مات ( ود بتول ) نتيجة تسمم كحولى.
اعتذر مبتعدا عن دعوة (بخيتة) المكشوفة. كعادتها كانت( بخيتة) تتبول واقفة عند طرف برميل الزبالة. (بخيتة) كانت تنافس الرجال فى القاء بولها مباشرة على بعد متر ونصف امامها. ومن فجورها فقد افتت بان زواج (عشة اللبوة) من (قسم البارى) التفشكى حلال، رغم ان (عشة) كانت و لاتزال فى عصمة ( بانقا) النجار!! بل وافتت بامكانية زواج (ويصا عبد المسيح) من (فاطمة) الفلاتية مدعية ان الله قال فى محكم تنزيله" الرجل مايعيبه سوى جيبه ".
مع ارتفاع رائحة النشادر النفاذة، وكل تلك الظهور ذات الالوان والاحجام المتنوعة، تذكر مشهدا قديما لفيلم هندى سخيف.
دخل احدهم من طرف الزقاق فوق دراجة سوداء تتقدمه عينان زائغتان وحركة ارجل مترددة على بدال الدراجة, وظل يرمق ظهور المتبولين ظهرا فظهرا، حتى توقف شبه متردد خلف (صالح بابتوت) عند باب الزنك القديم والذى كان كعادته عند التبول يجلس فاردا جلبابه الفاقع الصفرة خلفه ودالقا عمامته باسترخاء خلفه كاشفا عن طاقية خضراء تغطى بعضا من رأسه الاصلع. دار حديث قصير بينهما.. الغريب فوق دراجته مستعدا للهروب فى اية لحظة، و(بابتوت) لاينقطع خرير بوله، ثم تبادلا شيئا.. لفافة بنقود او العكس، لتنطلق الدراجة وتختفى عند التواء الزقاق.
حدثـت المعجزة، هكذا فجأة ، وبدو، مقدمات. حيث ترجل (تور الفجة) من جواد بوله، فشغر مكان. أسرع ليحتله ويفك ضائقته، ولكن حضرة المدير خرج من الباب المجاور مباشرة ولم يتردد لحظة فى الاستيلاء على المكان الخالى واطلق لبوله العنان.
لعن المدير والمديرين والوزراء وكافة المسؤلين . أى مدير هذا الذى يقف بسرواله الازرق وقميصه الناصع البياض، ليتبول هكذا علنا؟ ربما لم يكن مديرا حقيقيا فى السكة الحديد..ظن لوهلة انه قد يكون مديرا لبقالة او لمخبز او اى شئ آخر ولكنه بالقطع ليس مديرا فى الحكومة.
(ست ابوها)، ابنة خالة ابناء عمه، خطف حياتها قطار شارد جهات السافل، كان هذا منذ زمن بعيد، ولايذكر ان كان ذلك فى المحمية ام فى الدامر. لعن القطارات المتوقفة والمتحركة فى كافة ارجاء المعمورة.
تحرك(عثمان ابنعوف) اثناء تبوله جهة اليمين قليلا، فظنه سيغادر المكان، وتأهب لاغتنام الفرصة، متحفزا حتى ان بعضا من قطرات البول قد بدأت بالفعل فى الخروج من مكمنها. امسك نفسه بقوة، فقد أحس بان سرواله قد تبلل قليلا. ولكن (ابنعوف) لم يزد على تلك الحركة. لعنة الله عليك.. أجئت لتتبول ام لترقص.
يقولون ان (ابنعوف) يتاجر فى الزئبق الاحمر.لابد انه قد جمع ثروة كبيرة. لعنة الله عليك. لماذا لاتبنى لنفسك مبولة خاصة وتترك لنا مجالا فى زقاقنا هذا؟
عندما تحرك (زكريا الاشول) من مكانه وراح يعيد هندمة نفسه معلنا انتهاءه من عملية التبول، هرول نحو المكان لايلوى على شئ، وقد بلغ البول الذبى. ولكن (زكريا)، ولسبب لا يعلمه احد، قرر العودة لمواصلة تبوله فى نفس المكان. وعندها لم يستطع (قسم السيد) التحمل اكثر من ذلك . لقد تبول فى ملابسه الرسمية!! كان ( قسم السيد) شرطيا سريا، والجلباب الابيض مكون اساسى لزيه الرسمى.


Post: #137
Title: Re: حروب الخنفشاربة ضد الحداسة وما بعدها
Author: Ali Alhalawi
Date: 21-04-2004, 09:15 AM
Parent: #136

فلنعود نحلم بالحداسـة لحين عودة بيان


الحــلم عندى
أن التقيك في زحمة المواصلات
و أن أضرب معلك الفول
و نحلم باللحمة
ثم تفوتنا الحافلة

الحــلم عندى
أن أمتلك موبايل
أخزن رقمك و أكتب عليه
عشـقى الأبدى
عندما تتصلين
يظهر عشقى فى الشاشة
فأضربك طـناش

الحــلم عندى
هو أن فتح لك قزازة الببسي
و أشرب معك فى الخيال
و أجغم جغمة وأنتى جغمة
ثم يندلق الببسي
جرررر من أحلامى

الحــلم عندى
أن أدعوك لعشاء فى الريفيرا
ألبس أجمل ما عندى
أحدق فى عينيك المسبلتين
أحدثك عى روميو و جوليت
فيظهر بوليس الآداب و ينهرنى
البت دى بتعرفها من وين

الحــلم عندى
هو أن ننجب طفلة فى الخيال
أقول نسميها فاطمة
تقولين فاطمة دقّة قديمة
نسميها جاكلين
نتصـارع
فتقع الطفلة من أحلامنا

Post: #138
Title: Re: حروب الخنفشاربة ضد الحداسة وما بعدها
Author: Hussein Mallasi
Date: 22-04-2004, 04:20 PM
Parent: #1

4

Post: #139
Title: Re: حروب الخنفشاربة ضد الحداسة وما بعدها
Author: فتحي الصديق
Date: 15-05-2004, 06:22 AM
Parent: #138

فوق
للعزيز جعفر عطا الله.