ناس الخليج و السعودية هام

سلامات
الرجاء اذا كان هناك شخص لديه فكرة عن عدد السودانين فى هذه المناطق ان يمدنى بالرقم تقريبا او تحديدا..
اتمنى ان يكون بأسرع وقت ولكم الشكر مقدما و كل سنة و انتم بالف خير

كل سنة وانتى طيبة يا خالة ...

قلتى لي عاوزة اعداد السوانيين في الخليج ..؟؟

شوفي عدد السواديين داخل السودان واضربي في 2 واقسمى الحاصل على 4 ..والجزر التربيعي للعدد البيجيك اضيفي ليهم نسبة 3% من عدد سكان افريقيا يديك عدد السودانيين في الخليج

طولى بالك وما تصرصري لي وشك وتقولى دة شنو الماجادى دة ..؟؟

اعتقد انو صعب جدا حصر السودانيين بالخليج ..
واعتقد انو اسلم طريقة هى انك تشوفي ليك واحد في جهاز المغتربين يديك ارقام اكيدة ..
او ..تدخلى الموقع بتاع جهاز المغتربين .... اذا موجود اصلا ..واكيد حتلقي ارقام تفيدك ..









انا بس ... حبيت اسلم عليك

معتصم عمر

ولدى معتصم
شكرا ليك والله ..
ان شاء الله سأتابع نصيحتك التانية
انا ما بعرف اعد لغاية مية خلى لما اضرب واقسم
وبرضو لو فى زول ادانا ليها بالساهل ما بناباها تب
ومشكور شديد بيكون

وكل سنة وانت طيب يا معتصم وربنا يديك الفى مرادك

دكتورة نجاة
كل عام وانتي بالف خير
الشهر الماضي تم التعداد السكاني بالمملكة العربية السعودية0ويقال ان احياء تجاوزت الخمسين حيا بمدينة واحدة كان اغلب سكانها من الاجانب0هذه المدينة عرفت بكثرة السودانيين فيها.فتأملي.
ملاحظة صغيرة:ديل الناس اللي مقيمين اقامة نظامية0اما ناس حجة وزوغة وعمرة وزوغة ديل خليهم في سرك.
دكتورة
انا برضو والله كنت عايز اسلم عليك0

ياتم يا دكتورة بيان (الهلالاب) ولا (المريخاب) ؟؟
أقصد (المستنيرين) ولا (الظلاميين) ؟؟؟
الحالقين صلعه ولا الخنافس ؟؟
مرة قالوا ورد لرئيس القضاء بالخرطوم أن القاضى المقيم بالجنينه ، بيعضى المتهمين فى روؤسهم ، قاموا رسلوا قاضى فى درجة عاليه عشان يحقق مع القاضى المقيم ويعرف السبب.
اها لمن وصل وبدأ التحقيق القاضى المقيم طلب من القاضى القادم من الخرطوم للذهاب وحضور جلسه محاكمة معه.
وفعلا وماأن سالالقاضى المقيم المتهم عن اسمه : حتى رد على القاضى بعدة أسئله (اسم السمانى ليهو ابوى ، ولا امى ، ولا جدى ولاخالى)؟؟؟
ثم ساله عن عمره فرد عليه ( عمرى من زمن أزهرى ولى هسه ، ولا من زمن عبود ، ولا نميرى ولا ياتو).
فتدخل القاضى القادم من الخرطوم وقال له : تقوم تعضى انت ولا اعضيهو انا؟؟؟

العزيز التاج

جيب لى عدد الظلامين براهم و المستنيرين براهم
والهلالاب براهم والمريخاب براهم

عارف لما كنت صغيرة كنت بقول اهم شرط فى زوج المستقبل انه ما يكون عنده شغلة فى الكورة.. وقالوا دى شبه مستحيلة فى السودان..
وكل الناس الحولى كانوا العينة البتحرق قمصانا فى دار الرياضة ديك
المهم الحمدلله اخيرا وجدت الزوج الذى لا يتفرج حتى فى كاس العالم..

يا اخى انت كوز كروي ولا ممكن نقول اصولى كروى..


فى انتظار الارقام وشكرا على النكتة المضحكة

العزيز فتحى
كيفك مشتاقين والله

انا عايزة الناس المسجلة لانه محتاجة ليه فى بحث وما عايزين نطبخ الموضوع..

وشكرا للطلة
تسلم
وكل سنة وانت بالف خير

العدد في السعودية 242.500 حسب دراسة لمنظمة العمل الدولية عام 2000