الافطار الجماعى للخنفشاربة وما بعد الحداسة والدعوة عامة

الافطار الجماعى للخنفشاربة وما بعد الحداسة والدعوة عامة


08-11-2004, 00:15 AM


  » http://sudaneseonline.com/cgi-bin/sdb/2bb.cgi?seq=msg&board=113&msg=1139077431&rn=0


Post: #1
Title: الافطار الجماعى للخنفشاربة وما بعد الحداسة والدعوة عامة
Author: bayan
Date: 08-11-2004, 00:15 AM

ايهاب
احمد بابكر
ابوقوتة
جمال هوبفول
جازلوت
حسين ملاسى
شنتير
ود نفاش
سنمنتال(رد الله غربته)
على الحلاوى
شيرى
وضيوف الشرف دومة
فتحى الصديق


حروب الخنفشاربة ضد الحداسة وما بعدها

قصائد (حداسية) من شعر ما بعد الحداثة.. تجارب ابداعية

Post: #2
Title: Re: الافطار الجماعى للخنفشاربة وما بعد الحداسة والدعوة عامة
Author: Hussein Mallasi
Date: 08-11-2004, 00:53 AM
Parent: #1

غايتو السفاسف دي ما بنقدر نفوتها...

كل سنة و انت طيبة يا بيان

و رد الله غربة سنتيمنتال






و هوبفول ....

Post: #3
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 08-11-2004, 00:58 AM
Parent: #2

ياخوى بان عليك الامان

خلاص بقى عقدتنا والله

Post: #4
Title: Re: الافطار الجماعى للخنفشاربة وما بعد الحداسة والدعوة عامة
Author: abuguta
Date: 08-11-2004, 01:03 AM
Parent: #1


ياخنفشارية...
ياجلسة
رمضانية...
ياطعم
ابريية...
وملاح
نعيمية...
قول لى
هيا..
واعزمينى
كورية...
بجيك
عصرية...
ياعزنا
الشامخ
يابحرنا
الطامح
وطنا
حالما
شامخ
يابقوتاوية...
ليك
بفكفك
الشعر...
قوافى
كالدرر..
دريدا
قالو مات
فى قبره
منحدر...
شايف صيوان
منصوب
وشوقهم
ليه بحر....
الزول فكفك
الادب.وجسمه
مفكفك فى القبر..
خرتاية
خرتاية
ياخالية
يالتاية...
انجرى
الشعر....


خالة رمضان كريم

Post: #5
Title: Re: الافطار الجماعى للخنفشاربة وما بعد الحداسة والدعوة عامة
Author: سجيمان
Date: 08-11-2004, 01:09 AM
Parent: #4



بيان

اشهد ان اشعر المنابرة.. ابا قوتة..في كل عصور المنبر

لقد قمت وبعد دراسة متأنية..... بتقسيم الزمن المنبري الي عدة عصور..... تعتمد على اهم الحوادث والتحولات التي مررت بها انا بصورة خاصة ومرّ بها المنبر بصورة عامة...... سوف اقوم بانزال الدارسة بالمنبر ايام العيد..... رغبة مني في تمسيّخ العيد واخلي كل المنابرة خشومهم ملح ملح..... فترقبوهو

Post: #6
Title: Re: الافطار الجماعى للخنفشاربة وما بعد الحداسة والدعوة عامة
Author: abuguta
Date: 08-11-2004, 01:22 AM
Parent: #5

Quote: اشهد ان اشعر المنابرة.. ابا قوتة..في كل عصور المنبر


اذا اتتك شكرة من مبدع
فتلك شهادة بانك مولع
واذا اتتك
مذمة من مفكفك
فتلك شهادة بانك
اصم

ياسجيمان ياصم
سوف احرس المنبر فى العيد
حرسة بدر الدين حرسة موية القمح

علا قول لى ياسجيمان
ما هو الفرق بين التفكيك
والتشليح
ودمت

Post: #7
Title: Re: الافطار الجماعى للخنفشاربة وما بعد الحداسة والدعوة عامة
Author: سجيمان
Date: 08-11-2004, 01:50 AM
Parent: #6



قالت حبوبتي الربيجود بت خدر ود ابزند"وحبوبتي دي من الزنادنة... من بطون بني فشخرة" وهي كانت امرأة ذات جمال وهيبة وقُرباب...وعكاز ومحجان....ودائمة التوكؤ والتلكع...و كانت لا تحب اكل القُراصة ولا الكسرة الحامضة...حكي عابدين ود امحمد ود ابضُقُل... قال كانت حبوبتك.. ليس بينها وبين طيرة النسوان ودٌ يذكر.... فكانت تتعمعم بالابر والمسلات" جمع مسلة وهي ما يخاط به شوال العيش او الدخن..وربما الفول"....قاصدة بهذا التعمعم ان تطيّر طيرة النسوان طيرت حلوف من الجروف...وذكرت لي عمتي فاطنة بت تُر كدي عليّتنا... ان حبوبتي المذكورة في اول النَص..كانت ايضا لا تطيق نوع من الطيور... ينبح طول النهار.... ويقول"بشرطو....و...بخيتو"...وكانت تسميها .... عبد السيد..وعبد السيد هذا كان من احسن من يجيد هندسة بوابير الموية....فكان طول النهار يفكفك ويربط في بابور الموية... اربعين سنة.... عبد السيد عاكف علي فكفكة بابور الموية وتربيطه....والطيرة اياها تشرطو وتخيتو.....من هنا يتضح ان التفكيك وبعلاقته الشائكة بينه وبين الربيجود وعبد السيد وطيرة النسوان..و... طيرة بشرطو وبخيتو قديمٌ قدم الكِسرة.......ولا يغرنك من في شحمه ورمُ.....

Post: #13
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 08-11-2004, 09:49 PM
Parent: #5

سجمان اخوى
زمان قلنا ليك لم علينا ابيت وعملت كوم براك
اسع كان بقيت زعيم خنفشارى يشار اليه بالبنان

وكان مرقت الجزولى و الحلاوى فى السهلة

اها اسع موقفك المعارفى شنو ؟

Post: #11
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 08-11-2004, 07:54 PM
Parent: #4

ابو قوتة وليدى ابشر بالخير
الجابك يجيب بقية الشعراء

الله كريم يا حبيب

Post: #8
Title: Re: الافطار الجماعى للخنفشاربة وما بعد الحداسة والدعوة عامة
Author: Ridhaa
Date: 08-11-2004, 06:13 AM
Parent: #1


دكتورة بيان

سلام

عندكم خشاف بي جاي ماتعزمونا معاكم

جماعة الخنفشاربة آل
loooooooooool


قلت أمر بي هنا للسلام

وكل عام والجميع بخير


Post: #14
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 08-11-2004, 09:54 PM
Parent: #8

لوووووووووووووووووول @رضا

خشاف قال.. يا زول تعال بس الخشاف هين
نحن لاقينك وين.. عايزين صور لبوست دا بالله
وانت مالك قاطع الحركة..

اوعى بس يكون ......


نشوفك
تحيات ابراهيم
سال منك قبل فترة

Post: #9
Title: Re: الافطار الجماعى للخنفشاربة وما بعد الحداسة والدعوة عامة
Author: عبدالله الصادق الفحل
Date: 08-11-2004, 08:13 AM
Parent: #1

الاخوة الاعزاء

هل يمكنني الانضمام الى ركب المدرسة الخنفشارية وما جاورها. انا اعتبر نفسي خنفشارى من الدرجة الاولي وبرتبة مشير.

التحية للخنفشاريون جميعا من هذا البنبر..

Post: #15
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 08-11-2004, 10:01 PM
Parent: #9

العزيز عبدالله

لازم قبل تبقى خنفشارى تحدد سمتك الحداسى
انت مع منو ناس الحداسة ولا ناس ما بعد الحداسة
بعدين لازم تجيب قصة او عصيدة عشان تكون معاناانت قايل الحكاية (طلقيتا)
كدا تجى طاشى ساكت نقوم نمسكك..ونسويك معانا
دا نحن عندنا اسرار متلتلة لازم نعرف انت شنو ما تقوم تلطع مسقف
وتكشف الاسرار والمؤامرات حقتنا و وتطلع غواصة مسقفة..














يازول بنهظر معاك مرحب بيك..

Post: #10
Title: Re: الافطار الجماعى للخنفشاربة وما بعد الحداسة والدعوة عامة
Author: Ridhaa
Date: 08-11-2004, 08:36 AM
Parent: #1


ودالفحل

سلام

جيب معاك خشاف وتعال ... وشعر رأسك لازم يكون خنفس


خنفشارية آل
على قول أخوانا المصريين

looooooooooool


Post: #12
Title: Re: الافطار الجماعى للخنفشاربة وما بعد الحداسة والدعوة عامة
Author: ودرملية
Date: 08-11-2004, 09:17 PM
Parent: #10

سلامات
وعوافي
د.بيان والخنفاشرة
كل سنة وانتم اكثر خنفشارية
ولكن لي اختلاف بسيط معك يادكتورة
الا ترين استخدامك في تفكيك مصطلح الحداسة ومفهومها فيه شيء من الجفاء والتجني اذا نظرنا لها من منظور
سيموطيقي بحت علي اعتبار ان الاسقاطات السيمولوجيية تماثل في هذه المرحلة مكابسة جداد الحلة
لعدة بيت البكا في الوقت الذي كان ينبغي لهذا الجداد الالتزام بكل الوسائل المنطقية في هجومه غير المبرر ولذا وبعد ذا تجديني ومن مركزية البعد الرومانطيقي للفكرة الام وعلي اساس سيسولوجي
اعترض تمام علي مبداء التفكيك الغير منهجي ..
وساعود لاحقا نسبة لانشغالي هذه الايام باعداد دراسة خنفشارية عن د.هـ.لورنس وبعض الكتاب الوجوديين مثل فرانسيس كافكا وقبله جان بول سارتر وربما يعج الهامش بضعف منهج لورنس وافتراضه الغريب في ان منهجه وفكره هو الخلاص للكون باعتباره انه هو العقل الوحيد الشغال تش مع تعطل بقية العقول الكونية..
قلتي لي مابتقيفي معاي انو الخنفشارية هي احدي الظواهر الكونية المؤثرة في البورد؟!
اتساءل؟؟؟
واتفنوا كويس في الواطة
ودرمـــــــــــــــلاء

Post: #16
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 08-11-2004, 10:18 PM
Parent: #12

ود رميلا ..
سلامات

لقد قلت


Quote: الا ترين استخدامك في تفكيك مصطلح الحداسة ومفهومها فيه شيء من الجفاء والتجني اذا نظرنا لها من منظور
سيموطيقي بحت علي اعتبار ان الاسقاطات السيمولوجيية تماثل في هذه المرحلة مكابسة جداد الحلة
لعدة بيت البكا في الوقت الذي كان ينبغي لهذا الجداد الالتزام بكل الوسائل المنطقية في هجومه غير المبرر ولذا وبعد ذا تجديني ومن مركزية البعد الرومانطيقي للفكرة الام وعلي اساس سيسولوجي
اعترض تمام علي مبداء التفكيك الغير منهجي ..


هذه هى القراءات الخاطئة الناجمة عن اللفحى يا سيدى.. ان القطيعة الابستمولوجية التى حلت بينك وبين النص ادت الى انهيار السقف
المعرفى الضحل.. ولقد كذبت فى هذه النقطة كذبا يجعل مسيلمة يختشى على نفسو ويفك فى الحلة مجنون..متى كان التفكيك منهجيا؟
اذا كان هناك تفكيكا لا يمكن ان يكون هناك منهجا الم تسمع ايها
الكذوب ان المؤلف قد لحق امات طه..والمنهج راح فى حق الله؟

Quote: وساعود لاحقا نسبة لانشغالي هذه الايام باعداد دراسة خنفشارية عن د.هـ.لورنس وبعض الكتاب الوجوديين مثل فرانسيس كافكا وقبله جان بول سارتر وربما يعج الهامش بضعف منهج لورنس وافتراضه الغريب في ان منهجه وفكره هو الخلاص للكون باعتباره انه هو العقل الوحيد الشغال تش مع تعطل بقية العقول الكونية..
قلتي لي مابتقيفي معاي انو الخنفشارية هي احدي الظواهر الكونية المؤثرة في البورد؟!
اتساءل؟؟؟





من المعروف ان لورنس ا قد وظف الجنس فى كتباته لتأثره بفرويد(عارفة انه كتب قبل فرويد يجى ذتو)
وانا لا اتفق معك فى ان عقله شغال تش لانه عادة هكذا كتاب لديهم شئ واحد شغال تش..فلذلك انصحك فى كتابتك الخنفشارية تستعين بالمنهج السجيمانى فى التفكيك..
قد اختلف معك فى تحليلك للظاهرة الخنفشارية و قد اتفق معك اذ اننى كناقد ميتافزيقى ايمانى بالمطلق ضعيف جدا ..عليك بقراءة كتب الثيولوجى الباراجماتى و السايكولجى البرة.. حتى تستطيع انجاز هذه الدراسة..

الجاااااااااااااارية

Post: #17
Title: Re: الافطار الجماعى للخنفشاربة وما بعد الحداسة والدعوة عامة
Author: abuguta
Date: 08-11-2004, 10:37 PM
Parent: #16

Quote: ودرمـــــــــــــــلاء


ودرملية انا شايف اثر رجلينك فى الرملة
وفرحت من بطينى قلبى لهذا الابداع المغنطيسى المموسق..وكم عجبت من هذا الدفق وكم مرة اسال نفسى من اين اتى هذا الشاب اب شنيطة ولاب توب...بهذا الابداع التفكيكى لابد انه نام تحت برج افيل ونهل من بوستات الرجل التفكيكى الاول...


Quote: الجاااااااااااااارية


الخالة_ والله دى قلبتى فيها هوبا...قد يعيبون عليكى الجرى لانه عيب عند المراة...لكن نحن الخنفشارين نراه تطور..ورقى ..وهرولة فى عالم الخنفشارية
اجرى يانجاة اجرى
لازم تقومى بدرى
قبل الطير فى الوكرى
وتكتبى لينا شعرى
قوافى من عصرنا الخنفشارى
وبيك الزمن دارى
وبكرة نركب اللوارى
ونزرع الضهارى
ونسكن النمارى
ونجمع الافكارى
بالليل والنهارى

نومو عافية

النطااااااااط

Post: #18
Title: تحايا وكلام خارم بارم دى من ما بعد بعد الخنفشارية
Author: bayan
Date: 09-11-2004, 01:42 AM
Parent: #17

من الخارج وصلتنا برقية
من الخنفشارى الخلوى

الباشمهندس على حسن مصطفى
تحية ليكم كلكم و هو يتمنى ان يحضر افطاركم الجماعى

وبالله حيو الشاب دا لانه معجب بالجد وكم مرة رسل عشان يبقى خنفشارى من الداخل لكن الشكية لبيد قوية..



كما وصلنا انه الشاعر ابو قوتة يظن انه اذا فاته السحور يجب ان يفطر تانى يوم ولذلك تكرر النوم ونسيان السحور عمدان وقمدان
ولذلك لنقطع ليه الدرب قررنا نعرس ليه عشان يلقى زول يصحى ويعمل الفطور..
فى حلتنا (مرية) 100 الف جنيه الحمار ما يشيلها..
اها قلت شنو يا ابوقوتا

Post: #19
Title: Re: تحايا وكلام خارم بارم دى من ما بعد بعد الخنفشارية
Author: سجيمان
Date: 09-11-2004, 07:10 AM
Parent: #18


بيان
Quote: فى حلتنا (مرية) 100 الف جنيه الحمار ما يشيلها


تااااااااني..."مرّية"؟

وحات نضري. النسوان الهنا ديل خايفات منك

Post: #20
Title: Re: تحايا وكلام خارم بارم دى من ما بعد بعد الخنفشارية
Author: bayan
Date: 09-11-2004, 07:25 AM
Parent: #19

Quote: وحات نضري. النسوان الهنا ديل خايفات منك



اجش يا سجيمان اوعى تقول لى الدقنك نسوان..

وب على لكن ما شرطتا عينا عديل كدا..


بعدين انا ممكن اقول مرية لكن انت لع..

Post: #21
Title: Re: تحايا وكلام خارم بارم دى من ما بعد بعد الخنفشارية
Author: سجيمان
Date: 09-11-2004, 07:29 AM
Parent: #20


والله الدقني نسوان.....ولحقني بيغادي وبرضو ادني دقة
وبعدين يا عاجبلك المنبر دا رجالو قُلااااااااااال
Quote: بعدين انا ممكن اقول مرية لكن انت لع..


في دي صدقتي!

Post: #25
Title: Re: الافطار الجماعى للخنفشاربة وما بعد الحداسة والدعوة عامة
Author: ودرملية
Date: 09-11-2004, 06:13 PM
Parent: #17

سلامات
وعوافي
ابقوتة
يارجل ذكرتني ايام تورا بورا وهيلنسكي ايام كانت الثقافة الاوربية في عنفوانها وفارضة هيمنتها
علي كل الثقافات العالمية ..واتذكر جيدا تلك الندوة التي تتحدث عن الخنفشارية البداية والتكوين يوم لن لكزتني في المنصة بداعبتك الفارهة قصتك مع الجاك ودفريدا وكيف انك القمته حجرا لم كان عايز يفكك ليك زراير قميصك بمنهجه الغريب وعجيب..
مازلت اشتاق لتلك الايام وليتني نلقتي مرة اخري في الفضاء الحقيقي وليست سايبيريا كماهو حالنا الانخالص التحايا لكل الاصدقاء في نوتردام ..

Post: #22
Title: Re: الافطار الجماعى للخنفشاربة وما بعد الحداسة والدعوة عامة
Author: ودرملية
Date: 09-11-2004, 01:56 PM
Parent: #16

سلامات وعوافي
Quote: هذه هى القراءات الخاطئة الناجمة عن اللفحى يا سيدى.. ان القطيعة الابستمولوجية التى حلت بينك وبين النص ادت الى انهيار السقف
المعرفى الضحل.. ولقد كذبت فى هذه النقطة كذبا يجعل مسيلمة يختشى على نفسو ويفك فى الحلة مجنون..متى كان التفكيك منهجيا؟
اذا كان هناك تفكيكا لا يمكن ان يكون هناك منهجا الم تسمع ايها
الكذوب ان المؤلف قد لحق امات طه..والمنهج راح فى حق الله؟

كنت اعلم جيدا ان ردة فعلك ستكون بهذه القسوة واحسب ماهي الا رواسب لخلافي المنهجي الصارم معك ايام كن طلابا نكافح في المجال المعرفي والثقافي لتقوية وتمتين ارضيتنا التي ننطلق منها..ولا اري اي مساحة سوداء بيني وبين النص علي نسق بهتانك في القطيعة الابستمولوجية بيني وبينه ولكن تعمقت اكثر من ناحية سيموطيقية خنفشاربة استصحبت فيها سعة مداركي والمامي بكل المناهج الخنفشارية مذ عهد كليسمان وباتيستوتا وقولك اعلاه ضحك علي عقل القاريء ..ثم انني قضيت عمري بين امهات الكتب ويايما اتشلهتا جنس شلهتا لحدي ماوصلت لمقامي الرفيع والذي اعلمه انا قبل الجميع ولكن حسادتك وطولت لسانك المتبري منك حالفة ومتيمنة تبخسين حويجاتي وكراكيبي وهذه لعمري كفاية جدا ليعلمها القاريء الفطن من خلال مداخلتك التي تفتقر للمنهج والسرد التحليلي الحميد.. واتخسمت بالنبي ماني مديك فيها طريقة يعني بتحكر ليك في الواطة كدا واقعد افند فكرك الذي قدُ من دبر وقاعد في السهلة...

ثم اليوم الجو ممل جدا هنا في مقاطعة كشلونا الشمالية في ولاية كتوحنا الوسطي في الواغ الواغ
وربما انني مرهق بعض الشيء اذ انني انتهيت توا من عملي الاضافي كرامي طعمية في مطعم يت مسيمس العالمي احد اشهر مطاعم المقاطعة وقبل ذلك كنت قد خرجت من الجامعة في غاية الارهاق وانشاء الله لي عودة ماتثني لي ذلك..
واتفني في الرماد (غير الكال حماد)
ودرمـــــــــــــــلاء

Post: #23
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 09-11-2004, 04:42 PM
Parent: #22

Quote: ثم انني قضيت عمري بين امهات الكتب ويايما اتشلهتا جنس شلهتا لحدي ماوصلت لمقامي الرفيع والذي اعلمه انا قبل الجميع ولكن حسادتك وطولت لسانك المتبري منك حالفة ومتيمنة تبخسين حويجاتي وكراكيبي وهذه لعمري كفاية جدا ليعلمها القاريء الفطن من خلال مداخلتك التي تفتقر للمنهج والسرد التحليلي الحميد.. واتخسمت بالنبي ماني مديك فيها طريقة يعني بتحكر ليك في الواطة كدا واقعد افند فكرك الذي قدُ من دبر وقاعد في السهلة

الان عرفت تماما لماذا طرحك دائما منخفض السقف..واننى ساتتبعك بالفولوستب فولستوب(نقطة نقطة) حتى ابين كذبك و أنقذ القراء منه

ان امهات الكتب التى تدعيها يا سيدى ما هى الا ترجمات واهية..ما تنسى نحنا دافنونو سوا(اذا اختلف اللصان ظهر المسروق) متين يا
هامل انت بتعرف لغات مختلفة حتى تدرس الخنفشارية التى كتبت امهاتها باللغة السنكريتية و والفارسية والامهرية..وان مؤسس المدرسة
ايهاب الخنفشارى الاكبر لم يكتب قط باللغة العربية..الم اقل لك حبل
الكذب قصير.. ثم تانيا يا اخى انت ما بتخاف الله فوقنا تجى تنظر نظيراتك دى والناس تفهم الخنفشارية غلط.. اسع الناس ليه بتلوم
الظلامين ديل لما يجو يصلحوا زول بيحرف فى الاسلام؟ويخلو الناس التانين الا ترى هذا التناقض الكبير؟؟..واعلم ان تهديداتك من التحكر فى بطن الواطة وتفنيد الفكر ما هى الا لغة العاجز فقير الادوات.. الهامل..و اعلم يا هذا اذا كتبت لك السى فى خاصتى لنضب الباندوث ولن تجد مكان آخر للكتابة سوى ان ترجع الى حوائط المراحيض
مرة اخرى.. لتزين بها كتاباتك الفجة المليئة بالغلطات اللغوية و الغلطات المفاهيمية ..قطيعة تقطع ابستمولجيتك وتخليك واقف فى السهلة...
انبرش ارضا

الجاااااااااااااااارية

Post: #24
Title: Re: الافطار الجماعى للخنفشاربة وما بعد الحداسة والدعوة عامة
Author: ودرملية
Date: 09-11-2004, 05:22 PM
Parent: #23

سلامات
وعوافي
قبل ان يجف حبر مداخلتك الاولي المليئة بالفنجطة والسكليب جئتي هنا لتزيد الطين بلة وتولوي في نص الحلة .. نحن يشهد لنا تاريخنا ومشاركاتنا النقدية في النهج البنضوري الذي سبق الخنفشارية بمراحل طويلة وكنت ذات جقلبة قد سالت البروف ايهاب خنفشر مؤسس الخنفشارية وصاحب القدح المعلي في تبليغ رسالاته الفكرية ورؤاه الثاقبة ومشلعيبو الفكري الغني سالته عن ماهية امتداد هذه الفكرة وفلسفتها الانبطاحية وتاثيرها علي مجتمع غير متجانس يتراقص بين ثلاث مدارس وفلسفات عتيقة وهي البنضورية والجنتريزم والبلطجالووجي والاخيرة واحدة تميزت فيها انا وساعدني في ذلك درايتي الكاملة بالبنضوريزم ومراحل تناصها مع الجنتريزم وكيف كانت اشكاليات القراءآت الخاطئة كحالك يابت امي ..اها زولن الضرس ايهاب خنفشر قال لي وبعضمة لسانه انه كان يتمني ان اكون خليفته في توطيد وتوطين الفلسفة الخنفشارية بين اوساط المسقفين ولكنه انبهط واتهج لرفض ولي هسة الدخلت فيهو مامرقت ..
اما عن السي في فانا غير معترف بها ومازلت انا عاكف في دراستي علي الماجستير في خلق رؤي فلسفية جديدة وهي استيلاد وتهجين مفهوم الحداسة وايجاد درجة حرارة مناسبة تنطلق منها الفكرة الحداسوية كواحد من المناهج الفلسفية التي لم يبحر فيها كائن مثل ابحارنا فيها وعوامتنا الماخمج..
لذا وبعد ذا اود تذكير القاريء بان لاتنطلي عليه الحيًل الغير منهجية التي تحذو حذوه الاستاذة الجااااااااااااارية وانا مليت خشمي بي سيد الخلايق وفكاك كل ضايق اكان مااديتا ليكم ام دلدوم في رويسا المدوقس ماابقا اسمي ودرملاء الخنفشوري البنضوري ..
وات قايلاني قاعدلك هنا فوق خير ابدا حرم بركة النهار وكشحت البهار اشوهلك سمعتك واكجنك كدا لامن بنضورتي تنشف وشن بعمل ماني فاااااااااضي ولكن سافعل كل ذلك بطريقتي
وانا هذه الايام مشغول باعداد دراسة منهجية عن واحدة من الظواهر الكونية والتي في وجهة نظري هي ثلاثة..
الفشخرة وهي مدرسة لها رواده المفلهمين ومازالت تنجب
الانبطاحية..وهي كدلالة ووصمة تدل علي العهد ماقبل البنضورية ومابعد الخنفشارية
والاكتباسية : اما هذه فتعني المكابسة عيني عينك
وانشاء الله ساقوم بانزال هذه الدراسة في بوست منفصل
انبطحي فوق بيت نمل..
ودرمـــــــــــلاء

Post: #26
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 09-11-2004, 11:47 PM
Parent: #24

ابن رميلا المسيح الدجال..الى متى تظل تنفث سمومك وتمارس الافتئات
على ايهاب الخنفشارى...انك قد تكون قرأت كتابات الخنفشارى ولكن هل فهمتها وهضمتها هذه هى الاشكالية ويلا شيل قدحك وكت الله فضحك ..
ما هذا الطرح الهزيل العوير يا رجل.. اسع اشيل سيختى واقوم عليك اكسر ليك طبلتك التى تدعى انها رأس.

هذه الولوات ان دلت انما تدل على ان علمك ومعرفتك تلاقيط لاغير.. هل تظن ان النقد مزاح ولعب يا هذا.. قد تفلطحت مؤخراتنا فى مقاعد الدرس والهرس.. تحت شيوخ بلغاء.. فتأتى انت هكذا من بيتكم وعايز تبقى ناقد.. ينقدك الديك شاحدة الله وراجياه..

انتظر حتى احضر و افندك فولستوب فول ستوب.. لانى عندى قراصة راجية العواسة..

انبطح ارضا

الجاااااااااااااارية

Post: #27
Title: Re: الافطار الجماعى للخنفشاربة وما بعد الحداسة والدعوة عامة
Author: أبوالريش
Date: 10-11-2004, 05:49 AM
Parent: #26

حتى د. بيـان دايرة تبقـى حـدثنجيــة.. والله لكن.. بس أقول ليكى هى إسمهـا الـداااااااااثـة، وليس الحـداســة.. قت أمسكك الخيـط من طرفو عشـان تعـرفى تحليـه.
أولا هنـا، أنا قـررت بصـورة نهـائيـة لا رجعـة فيهـا، إنى إتكلــم.. موش أصـالـة عن نفسـى فحسب، وإنما نيابـة عن البروليتـاريـا الثقافيـة فى هـذا المنبـر، الذين هضمت حقوقهـم فى هـذا النقـاش الحدايثى.. خلاص.. طفـح الكيل، و بلغت الروح الحلقـوم.. وهـو الواحــد عايش لمتين زاتو..
لو ما معرفتى وثقتى فى الدكاتـرة النـور حمـد وعبـد الله بولا، كنت قلت إنـو الحداثـة دى مافى زاتا.. لكن يقومـوا يجيبـوا لينـا ما بعـد الحـداثـة كمـان.. حاجـة تستفــز جـد.. انا القريتـو وبعـرفـو، هـو الأشعـة ما فوق البنفسجيـة، وما تحت الحمـراء.. وبرضـو قريت عن الشــافعى فى القـديـم، والشـافعـى فى الجـديــد.. والأنكى من ذلك، هـو أنهـم يسمـون هـذا العصـر، عصـر ما بعـد الحداثـة.. شــوفـوا بالله الحقارة وصلت وين، العصـر، اللى أنا قاعـد ومتحكـر فيـه دا، يسمـوه عصـر ما بعـد الحداثـة، طيب أنا عايش وين أيهـا السـادة؟ خارج العصـر؟! قولوا كـدا بس عشــان أطلعكـم خارج شنـو داك.
فلقــد حان الوقت للدفـاع المشــروع.. (فايت باك).. وأول طلقـة حتكـون كالأتى:
مســلســل الحـداثـة وما بعـد الحـداثـة.. الخ دا (زى بنتيـوم ون، وبنتيــوم تـو) ليس إلا ماركـة تجاريـة لمدرســة فلسفيــة واحـدة من ضمن مدارس كثيـرة فى أوروبـا، فما بالك بالمدارس الفلسفيـة خارج أوروبـا.. هم يريـدونهـا أن تكون حلقـة دارويينيـة لعصـر التنويــر وعصـر النهضـة والعصـور المظلمـة.. وما علمـوا أن كل هـذه الحركـات التأريخيـة (إذا فرضنـا أن العصـور المظلمـة كانت حركـة)، إنتظمت أوروبـا كلهـا تقريبـا، ولم تكن حركـة مجمـوعـة قليلـة من الفلاسفــة..
إن كل اهتمامى الأن ينحصــر على التغـول على العصـر، وتسميتـه بهـذا الإســم الضيق.. عصـر ما بعـد الحـداثـة، ماذا عن الفلسفـات الصينيـة واليابانيـة والهنـديـة التى ما زالت قائمـة وتـدرس حتى الأن؟ هل كل هـذا البلايين تعيش خارج هـذا العصـر الحـدايثى؟ وماذا عن الفلسفـــة الصـوفيـة التى لا شـك عنـدى أن هـؤلاء ســرقـوا منهـا الكثيـر، حتى ما يسمـى بالتفكيـك، عنـد الصـوفيـة يسمـى تسليـم الإرادة للمـريـد، والمقصـود بالمـريـد هى هـذه الإرادة الكليـة التى تحكـم الوجـود.. والحـديث يقول "من ســره أن ينظـر إلى ميت يمشـى فى الناس، فلينظــر إلى أبى بكـر" و "موتـوا قبل أن تموتـوا".. كما يسمـونـه "التخلـى"، وهـو التخلى عن السيطــرة عن كل خليـة من خلايـا الجســد، حتى يصل السـالك إلى التخلى حتى عن الخـواطـر والرغبـات المكبـوتـة فى العقل الباطن.. وهـذا حديث يطـول.
خلاصـة القـول.. رحـم الله من عـرف قـدر نفســه.. الأولى بفلاسفــة هـذا المدرســة، أن يتواضعـوا قليلا، ويتركـوا العصــر لحال سبيلـه، ثم يسمـوا مدرستهـم بأى إســم يتناسـب مـع طول (لحـافهـا)



Post: #28
Title: Re: الافطار الجماعى للخنفشاربة وما بعد الحداسة والدعوة عامة
Author: ودرملية
Date: 10-11-2004, 03:07 PM
Parent: #27

سلامات
وعوافي
Quote: لاتظني اني هارب !!
فقط انها استراحة محارب

كنا قد اوضحنا منهجنا ووجهتنا في سفسطة الاستاذة الجااااارية
وسنعود بالتفصيل لمداخلتها الاخيرة ريثما يتثني لنا الوقت الكافي
Quote: ويايماهي شن القراصة
مجوبكة وملوبكة
عسي اتحنطرتي علي خير
يعني سفسفتي كويس لاني لن اجد لك عذرا البتة في خطابك المتواضع
عن الخنفشارية والذي اري فيه اجحاف في حق هذه الظاهرة الكونية

وانكشحي في صاج كسرة
ودرمــــــــــــــلاء

Post: #30
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 11-11-2004, 02:33 AM
Parent: #28

ابن رميلاء

بعد ان تم تفنيدك فولستوب فولستوب آثرت الهروب ..باعذار اوهى من
بيت العنكبوت.. نحن فة انتظار ردود بلغاء على ما كتبناه لكم
القاليك قراصتى مجوبكة ملوبكة ؟منو يا يابا اريتها قراصة البنيات لى حدهن
السمحة الطاعمة.. والله تتقرض بلا ملاح..

يمكنك فى مقارباتك تستصحب قراءتك المحدودة فى موضوع العولمة..
واذا عدت وعدنا ومعنا لورى من العصى والسيخ..لنضربنك حتى تقول بس..

الجااااااااااارية

Post: #29
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 10-11-2004, 08:54 PM
Parent: #27

Quote: الـداااااااااثـة، وليس الحـداســة.. قت أمسكك الخيـط من طرفو عشـان تعـرفى تحليـه


ابن الخالة بالتواتر
مرحب بيك ياخى ..



دى غلطات مقصودة؟


طبعا على حسب نظير الجازلوت انه الخنفشارية ما بعدد بعد الحداسة

دى نمرة واحد
بعدين عارف اى زول حافظ ليه 15 مصطلح اجنبى ينتهى بالوجى
يعد من البرجوازية السقافية..

لكن الاهم من دا كلو السودان شنو البناقشو فيه ما بعد الحداسة
دى ذكرتنى لما يجيك ضيف فى عيد الضحية تقوم تديه شربوت فى كاس
من الكرستال مقدم فى صينية من الفضة..

زمان لما كنت بقرأ نقد كتبت بحثى عن خالد ابى الروس اها قمت مشيت ليهو فى بيته.. بعد الليل كلو قضيتو اكتب فى اسئلة عن استلهام التراث وتوظيفه وتحميله تحميلات جديدة عصرية..المهم مشيت قلت ليها الاسئلة وعاين لى كدا.. وضحك ضحك شديد بصوتو الجهورى داك قال لى يا بت كان فهمت نضمك دا اضقلم.. وانا خجلتا شديد.ز واتحرجتا شديد
اها من داك اليوم قررت انى الكوبير والشوبير وقديم الشربوت فى كاس الكرستال دا خطأ منهجى كبير..وانه عشان تتكلم مع كاتب هو اول من كتب مسرحية سودانية و صنع تأريخ لنفسه بلغة ومصطلحات عالية قد لا يكن سمع بها كان خطأ كبير اها بعداك سمعت قالو انه نجيب محفوظ ذاتو قال بقى ما بيفهم الدراسات النقدية البيكتبوها الناس عنو .ز اها لم تحصل قطيعة بين الكاتب والناقد و القارى
بيكون فى اختلال كامل فى المنظومة.. عشان كدا ختيت الكلام دا فى رأسى لما كتبت بحثى عن الغابة والصحراء اخدت النموذج محمد عبد الحر آليت على نفسى ان اكتب لغة مبسطة ومفهومة لشرح هذه الظاهرة الثقافية.. وبالفعل قرأ هذا البحث عدد من الناس المتخصصين وغير المتخصصين.. واتفقوا انه مفهوم ومفيد بالتعريف بشاعر صعب القراءة مثل محمد عبد الحى .. طبعا صناع الاغراب شافو انه بحث ما مفيد لانه مافيهو تجهيل للقارئ.. وهم ذاتهم ما قروه بس نقدوه ساكت لله حبا فى النقد..ومارسو اللفحى والنقد الانطباعى على شخصية الكاتب ومش
كتاباته.. عشان كدا نحن لازم نستخدم المناهج دى فى تطوير الادوات
و النظر الى النص لفحصه .ز لا لنكتب نص موازى له بدلا ان يشرحه
يزيده تعمية و غموض..
وشكرا للطلة

Post: #31
Title: Re: الافطار الجماعى للخنفشاربة وما بعد الحداسة والدعوة عامة
Author: خضر عطا المنان
Date: 11-11-2004, 04:26 AM
Parent: #29

Quote:
عشان كدا ختيت الكلام دا فى رأسى لما كتبت بحثى عن الغابة والصحراء اخدت النموذج محمد عبد الحي آليت على نفسى ان اكتب لغة مبسطة ومفهومة لشرح هذه الظاهرة الثقافية.. وبالفعل قرأ هذا البحث عدد من الناس المتخصصين وغير المتخصصين.. واتفقوا انه مفهوم ومفيد بالتعريف بشاعر صعب القراءة مثل محمد عبد الحى ..



دكتورتنا العزيزة : بيان

بعيد عن الخنفشارية ديل وما جاورهم فحقا استطعت انجاز عمل أدبي/علمي جدير بالتوقف عنده لا بل والثناء عليه .. اذ ان شاعرا ضخما كما عبد الحي يستحق هكذا مكرمة من ليس من بني مدرسته (الغابة والصحراء) ولكن من كل أبناء بلدي ممن يهتمون بقمم العطاء الشوامخ .

لك بهذه المناسبة خالص تحياتي .

خضر عطا المنان


Post: #32
Title: Re: الافطار الجماعى للخنفشاربة وما بعد الحداسة والدعوة عامة
Author: أبوالريش
Date: 11-11-2004, 06:26 AM
Parent: #31

ســلام يا بت الخال..
"دى غلطات مقصودة؟"
كان كدا معليش، والثقـة متوفرة.. كنت عايز أصحح ليكى كلمـة "مسـقفاتيـة"، لكن هاعتبرها مقصـودة برضـو!!
فى الحقيقـة، العقـول الكبيـرة تنتـج كلمـات مبسطــة مليانـة، والعقول (البسيطــة) تنتـج كلمـات كبيـرة فارغــة!! (تناسب عكسى)
هناك هجمـة غربيـة، ونهب مســلـح وسـرقـة فى الظلام للفلسفــة والعلـوم الإســلاميـة، ولو مـد الله فى عمـرى
فسـوف أتفرغ لكشفهـا إن شـاء الله. وما يحـز فى النفس، ان هـذا النهب يتـم بمسـاعـدة المستثقفين المسلمين.. ظنا منهـم أن
المســروق من التراث ليس ملكـا لهـم.. فهـم يهللون ويكبرون مثل الكيزان لكل كاتب يستطيــع أن لا يفهمهــم شيئـا! خصوصـا
إذا عرف من اسمـه انه أعجمى..
أعتقـد أن أسـاس هـذه المشكلـة، هى أنهـم (المثقفون المسلمـون) لم يطلعـوا على تراث الإســلام، خاصـة الفلسفــة الصـوفيـة،
وإلا، لكان موقفهـم مغايـرا تمامــا.

Post: #33
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 11-11-2004, 08:27 PM
Parent: #32

سيجمان

نحن قررنا نستخدم البوست دا نشرح التفكيكية للناس بابسط الادوات..

حدسنى الناقد ابو الدرج الذى كان يدرس النقد الحديث فىبداية الثمانينات.. ان دريدا(دغيداغ بالفرنسى) وصل الى هذه النظرية
عندما كان خارجا من بار ذات (ساتردى)يخيط فى الشارع اها .. اها..
خطوة وراء وعشرة قدام لما قام تمارى له عامود متميه فى الظلام فأسرع الخطا اليه.. وحضنه(قرب يحضن الهواء) قولى كدى يا القزازة
طيرى و تش اتكسرى.. وقول كدى يا دريدار(دغيداغ بالفرنسى) اتهجم
وعاين ليها قوىىىىىىىىى.. اها قام قال الحاجة دى كانت بنية واحدة
ومليانة ست.. الجوهر المقسم للشكل و للمحتوى ..بيوريك انها قزازة
جن وفيها جن..وما ممكن تكون مفتوحة لاى تأويل سوى انها قزازة خمرة..
لكن اسعتية بعد اتكسرت كدى واتفككت وكل ساسوية جرت على حتة* بقت فاتحة للتأويل.. ممكن تجى ربة منزل تقول كان فيها زيت ويجى شافع ماشى المدرسة يقول كان فيها لبن وهكذا دواليك..
حريقة تحرق ناس الجشطالت من قالوا انه يدرسو اللغات بالطريقة الكلية
تانى مافى زول اتعلم...

*فجأة عرفتا ليه الخرطوم ما مبلطة وخالين الرملة فى الشارع
خاصة جنب عواميد النور..واى حكومة تجى بتحرص على كدا...

Post: #34
Title: Re: الافطار الجماعى للخنفشاربة وما بعد الحداسة والدعوة عامة
Author: فتحي الصديق
Date: 11-11-2004, 10:08 PM
Parent: #33

دكتورة نجاة
لك السلام والود وكل عام وانتي بخير0
حضرت لرد السلام والشكر 0000وجاي تاني وتاني مؤكد00

Post: #35
Title: Re: الافطار الجماعى للخنفشاربة وما بعد الحداسة والدعوة عامة
Author: Shinteer
Date: 12-11-2004, 09:20 AM
Parent: #34


رسالة "خسوسية" إلى العزيز عبد المنعم الجزولي، الذي هو قازالوت بالتمام والكمال
****
الجــزولي
منعمٌ أنتَ وابنٌ للجزولي
ضاعَ فولي
بين تفكيكٍ وحربٍ عرْطَبولِ
وغزتنا خلف أسوار البُطانة
جُنْد فرعوْنَ وأربابُ الطبولِ
****
ياخي أنا اتصلت بتلفونك وما في أي زول قال لي سلام
****
التلفون مقفـّل
والديش قالوا سفّـل
شيخنا الخنفشاري .. شنتير قد تطفـّلْ
****
قد نويت اليوم تفكيك الجزولي
انتو زحّوا وأبعِدولي
عندو قُحّة .. والتهابٌ في المزاجِ
وقرونٌ قد نمت بين العيونِ
نسعل الله السلامة
رجله اليمنى كراعٌ عبقرية
تلطشُ الجزمةَ عن بُعْدٍ يفوق الخُرْتُمِية
وبيمناه عصا موسى .. وعلى الرأس عُمامة
ليس كالشيخ أبْ دلامة
هو مِنْطيقٌ وفَلْفوسٌ وفي الدنيا عَلامة
ربَّنا قدِّر لنا اللقيا بعبدِ المنعمِ
****


عبد المنعم أظهر .. شوقنا ليك والله كتير

Post: #36
Title: Re: الافطار الجماعى للخنفشاربة وما بعد الحداسة والدعوة عامة
Author: Hussein Mallasi
Date: 12-11-2004, 12:36 PM
Parent: #35

بل و اكتر من ابو الكتير...

Post: #37
Title: Re: الافطار الجماعى للخنفشاربة وما بعد الحداسة والدعوة عامة
Author: newbie
Date: 12-11-2004, 02:59 PM
Parent: #36

انا والحداسة قنديلَ شاي
ابريق نورٍ
وطاحونة بين بين
وقمحٍ يراود زينب عن لونها
فتنخجُ في نفسها مرتين
وتبكي على لونها مرتين
مرتين
مرتين

Post: #38
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 12-11-2004, 09:16 PM
Parent: #37

نيو بى
مرحب بيك شديد وشديد

على قصيدتك الشديدة

مرحب بيك فى القطار
وكل سنة وانت طيب

Post: #39
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 12-11-2004, 09:17 PM
Parent: #38

الى حسن محمد الجزولى، اصغر المنضمين الى القافلة

الحقيقة

كانت معركة التسجيل لانتخابات نقابة الصحفيين قد بدأت


- لاتوجد حقيقة مطلقة.



هكذا كتب السيد بابكر شكر الله معنونا عموده اليومى فى صحيفة الطريق اليومية والناطقة بلسان جبهة العمل الاشتراكى التقدمى القومى.



- بل لاتوجد حقيقة مطلقا!!



وهكذا كان رد الدكتور سيد احمد الطريفى الامين العام للحزب الاشتراكى التقدمى ( القيادة الثورية) والذى انفصل حديثا عن الحزب الاشتراكى التقدمى القومى بزعامة السيد النور ابو جلابية القائد التاريخى والمؤسس للحزب.


مضى الدكتور مؤكدا:



- ماتراه انت حقيقة يراه غيرك باطل.



تعتمد الحقيقة على الزاوية التى ننظر منها اليها.



وحتى الحقيقة البسيطة هى فى الواقع حزبية بحتة، تنطلق من مواقفنا المسبقة، ومن ايدولوجياتنا التى نؤمن بها، ومن قناعاتنا التى نرتكز عليها كقاعدة ننطلق منها لرؤية تلك الحقيقة. ومن نافلة القول ان الاخرين ايضا لهم قناعاتهم التى ينطلقون منها لرؤية نفس الحقيقة البسيطة!!



قالت صحيفة القبس المستقلة ان الحزب الاشتراكى التقدمى القومى قد قام بتسجيل صحفيين ليسوا اعضاء فى النقابة



ضرب الدكتور مثلا لتوكيد مزعمه من خلال حادث قيام السيد (ادريس عبد النور) بقتل المرحومة (ازدهارعبيد)، فايا كانت دوافع السيد ادريس فهو قاتل ازهق نفسا حرم الله ازهاقها الا بالحق.



هذه حقيقة بسيطة.



نشرت جريدة الاحرار الناطقة بلسان حزب الوسط العلمانى التقدمى القومى قائمة من اربعين اسما تم ضبط تسجيلهم ضمن كشوف الناخبين فى نقابة الصحفيين مع بيان مهنة كل منهم والتى تراوحت بين موظف فى هيئة التلغراف العام وعامل فى مناجم الصفيح فى منطقة هردبوسة جهات جزيرة كنكان



ولكن مؤيدى السيد ادريس يرون انه قام بالقتل دفاعا عن مثله العليا!!وشرفه وشرف اسرته والتى كانت المرحومة قد لوثته حين قصت شعر رأسها تماما وصارت تشبه الاولاد مما جعل الناس يتهمونها بانها شاذة جنسيا، ولم يكن امام السيد ادريس سوى استخدام حقه ((المشروع)) فى غسل شرفه بنفسه وهذا هو الحق المعنى.

هذه زاوية اخرى ينظر منها الاخر لحادث مقتل المرحومة ازدهار عبيد.

ولكن انصار المرحومة ومنهم السيد بابكر شكر الله يرون فى الامر رأيا اخر.



نشرت الطريق نحوا من تسعين اسما تم تقييدها فى كشوف النقابة نصفهم شبه اميين والنصف الاخر كاملى الامية



فالسيد ادريس فى نظر السيد شكر الله كان قد قام بالتعدى على حق الاخرين فى التصرف بانفسهم وأجسادهم حيث ان من حق المرحومة ان تتصرف فى جسدها بقص شعر الرأس او العانة او غيره تحت اشراف حلاق او مأذون او قابلة قانونية، لافرق، وليس من حق اى كان ان يحدد لها ماذا تفعل وماذا لاتفعل بجسدها.



فى اليوم التالى خرجت صحيفة ( النور) الناطقة بلسان جبيهة العمل الاسلامى التقدمى القومى، وهى تحمل عنوانا كبيرا تتهم فيه السيد بابكر شكر الله بانه يدعو الى الفسق والفجور حين قال بان الناس احرار فى التصرف باجسادهم مما يعنى ان من حق الناس القيام بقتل انفسهم انتحارا وهو الحرام شرعا مما يجعل السيد شاكر منكرا لما عرف من الدين بالضرورة.



دافع السيد بابكر شكر الله عن نفسه بالقول انه لم يدع الى انتحار الناس ولكن الى حقهم الدستورى فى حلاقة شعرهم متى واين وكيفا شاؤوا



علق فضيلة الدكتور محمود عبد الموجود الخصيم عميد كلية الاصول الاسلامية بالمعهد الاسلامى العربى الافريقى القومى على قالة السيد شكر الله بانها الاسوأ فى تاريخ الحركات المارقة حيث من المعلوم انه ليس للحاج القيام بحلق شئ من شعره بعد احرامه والا وجب عليه الهدى وقالة السيد شاكر تنسف ركنا هاما من اركان الحج مما قد يثير فتنة بين الناس



تقرير لمنظمة الصحافة الافريقية والتى تراقب الانتخابات تؤكد فيه ان تزويرا على نطاق واسع يتم فى الانتخابات



جاد كريم ابوضفاير قال فى عاموده الاسبوعى فى الغد الواعد ان ماقال به السيد بابكر شكر الله يعتبر تعديا على حدود الله ودعا الى محاكمته بتهمة الزندقة والالحاد واشياء اخر



التنافس على اشده بين السيد بابكر شكر الله مرشح القوى الاشتراكية المتحدة والسيد عبد المجيد طيب الاسما مرشح الاتحاد الاسلامى الموسع على منصب نقيب الصحفيين وان كانت الكفة تميل الى صالح الاول



منظمة كتائب الشهداء تدعو الى اهدار دم السيد بابكر شكر الله



دعت الطريق الى الغاء نتائج النتخابات الانتخابات بعد ثبوت عملية تزوير كبيرة تم بموجبها كسر كافة صناديق الاقتراع واستبدال بطاقات التصويت تحت بصر الشرطة



دعت النور الى الاعتراف بنتيجة الانتخابات والتى فاز فيها السيد عبد المجيد طيب الاسماء بجميع الاصوات.



عبد المنعم الجزولى

اكتوبر 2004

Post: #41
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 13-11-2004, 04:39 PM
Parent: #35

هلا هلا هلا
شيخ العرب شنتير
اليوم شدينا سلك للجازلوت
ليقناه شديد ولضيض الحمدلله
وقال مشتاق ليكم شديد
وقال عقب بيظهر
يشوف الجطة فوق كم..
لكن كان رسل لى حاجات
ان شاء الله بنزلها ليه

وتحياتى ليك
وكل سنة وانت وجارك الصينى بالف خير

Post: #40
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 13-11-2004, 04:34 PM
Parent: #34

مرحبان بضيفنا العزيز فتحى
وشكرا للطلة
وكل سنة وانت بالف خير

Post: #42
Title: Re: الافطار الجماعى للخنفشاربة وما بعد الحداسة والدعوة عامة
Author: Gazaloat
Date: 14-11-2004, 11:07 AM
Parent: #40

الى الحبان جملة
كل سنة والجميع بخير

التهمتنى الدنيا بكامل هندامى. واصبحت بفضل الله بعضا من تروس الماكينة الاستعمارية القديمة المتجددة، اسعى ليلا ونهارا من اجل الكسب الدنيوى/ المالى، ثم اعود ازيد السعى، لاجل زيادة مفترضة فى الكسب. واحسد السيد حنين ان قد عاد على الاقل بخفيه، اما انا .......

الشكر والحب كله ( ليس كله ..كله.. وانما اغلبه، تحوطا من عوادى الزمن) للصديقة (العدوة) والخنفشارية ام ترقوة الدكتورة الجهبذ الفتوة نجاة بنت ام نجاة

لاحظت ان الطريقة التى تم بها تثبيت الحكاية اعلاه لاتساعد على تسهيل مهمة القارئ/ة لذلك سولت لى نفسى الدنيئة ان احاول تثبيتها بطريقة اظن- وان بعض الظن اثم- انها اسهل لمتابعة الاحداث

حبى مرة اخرى


الحقيقة

الى حسن محمد الجزولى، اصغر المنضمين الى القافلة

كانت معركة التسجيل لانتخابات نقابة الصحفيين قد بدأت

- لاتوجد حقيقة مطلقة.

هكذا كتب السيد بابكر شكر الله معنونا عموده اليومى فى صحيفة الطريق اليومية والناطقة بلسان جبهة العمل الاشتراكى التقدمى القومى.

- بل لاتوجد حقيقة مطلقا!!

وهكذا كان رد الدكتور سيد احمد الطريفى الامين العام للحزب الاشتراكى التقدمى ( القيادة الثورية) والذى انفصل حديثا عن الحزب الاشتراكى التقدمى القومى بزعامة السيد النور ابو جلابية القائد التاريخى والمؤسس للحزب.

مضى الدكتور مؤكدا:

- ماتراه انت حقيقة يراه غيرك باطل.

تعتمد الحقيقة على الزاوية التى ننظر منها اليها.

وحتى الحقيقة البسيطة هى فى الواقع حزبية بحتة، تنطلق من مواقفنا المسبقة، ومن ايدولوجياتنا التى نؤمن بها، ومن قناعاتنا التى نرتكز عليها كقاعدة ننطلق منها لرؤية تلك الحقيقة. ومن نافلة القول ان الاخرين ايضا لهم قناعاتهم التى ينطلقون منها لرؤية نفس الحقيقة البسيطة!!


قالت صحيفة القبس المستقلة ان الحزب الاشتراكى التقدمى القومى قد قام بتسجيل صحفيين ليسوا اعضاء فى النقابة

ضرب الدكتور مثلا لتوكيد مزعمه من خلال حادث قيام السيد (ادريس عبد النور) بقتل المرحومة (ازدهارعبيد):
فايا كانت دوافع السيد ادريس فهو قاتل ازهق نفسا حرم الله ازهاقها الا بالحق.

هذه حقيقة بسيطة.

نشرت جريدة الاحرار الناطقة بلسان حزب الوسط العلمانى التقدمى القومى قائمة من اربعين اسما تم ضبط تسجيلهم ضمن كشوف الناخبين فى نقابة الصحفيين مع بيان مهنة كل منهم والتى تراوحت بين موظف فى هيئة التلغراف العام وعامل فى مناجم الصفيح فى منطقة هردبوسة جهات جزيرة كنكان

ولكن مؤيدى السيد ادريس يرون انه قام بالقتل دفاعا عن مثله العليا!!وشرفه وشرف اسرته والتى كانت المرحومة قد لوثته حين قصت شعر رأسها تماما وصارت تشبه الاولاد مما جعل الناس يتهمونها بانها شاذة جنسيا، ولم يكن امام السيد ادريس سوى استخدام حقه ((المشروع)) فى غسل شرفه بنفسه وهذا هو الحق المعنى.
هذه زاوية اخرى ينظر منها الاخر لحادث مقتل المرحومة ازدهار عبيد.
ولكن انصار المرحومة ومنهم السيد بابكر شكر الله يرون فى الامر رأيا اخر
.

نشرت الطريق نحوا من تسعين اسما تم تقييدها فى كشوف النقابة نصفهم شبه اميين والنصف الاخر كاملى الامية

فالسيد ادريس فى نظر السيد شكر الله كان قد قام بالتعدى على حق الاخرين فى التصرف بانفسهم وأجسادهم:
حيث ان من حق المرحومة ان تتصرف فى جسدها بقص شعر الرأس او العانة او غيره تحت اشراف حلاق او مأذون او قابلة قانونية، لافرق، وليس من حق اى كان ان يحدد لها ماذا تفعل وماذا لاتفعل بجسدها.

فى اليوم التالى خرجت صحيفة ( النور) الناطقة بلسان جبهة العمل الاسلامى التقدمى القومى، وهى تحمل عنوانا كبيرا تتهم فيه السيد بابكر شكر الله بانه يدعو الى الفسق والفجور حين قال بان الناس احرار فى التصرف باجسادهم مما يعنى ان من حق الناس القيام بقتل انفسهم انتحارا وهو الحرام شرعا مما يجعل السيد شكرالله منكرا لما عرف من الدين بالضرورة.

دافع السيد بابكر شكرالله عن نفسه بالقول انه لم يدع الى انتحار الناس ولكن الى حقهم الدستورى فى حلاقة شعرهم متى واين وكيفا شاؤوا

علق فضيلة الدكتور محمود عبد الموجود الخصيم عميد كلية الاصول الاسلامية بالمعهد الاسلامى العربى الافريقى القومى على قالة السيد شكر الله بانها الاسوأ فى تاريخ الحركات المارقة حيث من المعلوم انه ليس للحاج القيام بحلق شئ من شعره بعد احرامه والا وجب عليه الهدى وقالة السيد شكر الله تنسف ركنا هاما من اركان الحج مما قد يثير فتنة بين الناس

تقرير لمنظمة الصحافة الافريقية والتى تراقب الانتخابات تؤكد فيه ان تزويرا على نطاق واسع يتم فى الانتخابات

جاد كريم ابوضفاير قال فى عاموده الاسبوعى فى الغد الواعد ان ماقال به السيد بابكر شكر الله يعتبر تعديا على حدود الله ودعا الى محاكمته بتهمة الزندقة والالحاد واشياء اخر

التنافس على اشده بين السيد بابكر شكر الله مرشح القوى الاشتراكية المتحدة والسيد عبد المجيد طيب الاسما مرشح الاتحاد الاسلامى الموسع على منصب نقيب الصحفيين وان كانت الكفة تميل الى صالح الاول

منظمة كتائب الشهداء تدعو الى اهدار دم السيد بابكر شكر الله

دعت الطريق الى الغاء نتائج الانتخابات بعد ثبوت عملية تزوير كبيرة تم بموجبها كسر كافة صناديق الاقتراع واستبدال بطاقات التصويت تحت بصر الشرطة

دعت النور الى الاعتراف بنتيجة الانتخابات والتى فاز فيها السيد عبد المجيد طيب الاسماء بجميع الاصوات.

عبد المنعم الجزولى
اكتوبر 2004

Post: #43
Title: Re: الافطار الجماعى للخنفشاربة وما بعد الحداسة والدعوة عامة
Author: bayan
Date: 15-11-2004, 10:21 PM
Parent: #42

Quote: الشكر والحب كله ( ليس كله ..كله.. وانما اغلبه، تحوطا من عوادى الزمن) للصديقة (العدوة) والخنفشارية ام ترقوة الدكتورة الجهبذ الفتوة نجاة بنت ام نجاة




Gir Gir Gir Gir Gir Gir Gir

مرحب بيك يا منعم

طلتك دائما مبهجة لدرجة الجنون...وتصيبنى ببهجة وحشية
مش نوع البهجة فى عينيك بخت البريدك انت..

اما انا
فمحبتى كلها لك والى الابد..(حقيقى مش كلام)

اسعدنى تنغيمك للقطعة اعلاه..
اوبس
من الفرحة نسيت اقوليك كل سنة وانت والعزابة بالف خير...

محبتى البهية التى لا أملك غيرها