بين اليقظة والاحلام !!!

Post: #1
Title: بين اليقظة والاحلام !!!
Author: ناذر محمد الخليفة
Date: 07-18-2015, 03:10 PM

02:10 PM Jul, 18 2015
سودانيز اون لاين
ناذر محمد الخليفة-www.nazirkhalifa.com
مكتبتى فى سودانيزاونلاين

Post: #2
Title: Re: بين اليقظة والاحلام !!!
Author: حمد عبد الغفار عمر
Date: 07-18-2015, 04:14 PM
Parent: #1

عذبتني وأنا براي قاعد عزابي

جميل يا ناذر أداء ممتاز

وكل سنة وانت طيب

Post: #3
Title: Re: بين اليقظة والاحلام !!!
Author: سامى عبد المطلب
Date: 07-18-2015, 04:18 PM
Parent: #2

اداء رائع لاغنية جميلة

شكرا يا فنان

Post: #4
Title: Re: بين اليقظة والاحلام !!!
Author: ناذر محمد الخليفة
Date: 07-18-2015, 08:25 PM
Parent: #3

أوو حبيبنا حمد ..

كل عام وأنت بخير والسنة الجااية عقبال تكون ما براك ..

Quote: عذبتني وأنا براي قاعد عزابي

جميل يا ناذر أداء ممتاز

وكل سنة وانت طيب

تسلم ..

المغنين هم الفنان نزار المهندس والواعد علي ساجوري ..

Post: #5
Title: Re: بين اليقظة والاحلام !!!
Author: ناذر محمد الخليفة
Date: 07-18-2015, 08:25 PM
Parent: #3

تسلم يا سامي طلب ..

وكل عام وأنت بخير ..

Post: #6
Title: Re: بين اليقظة والاحلام !!!
Author: يحي قباني
Date: 07-18-2015, 09:31 PM
Parent: #5

ناذر يا خليفة ...

علي ساجوري انا آمنت بيهو زماان من يومه الغنّا اعطف علي يا ريم ...

غناها ( على قولة بادي ) كما انزلوها أسيادها ابوصلاح و كرومة ...

و عزفه للعود نضيف ... و المهندس رجل فنان كمان ...

اما بين بين اليقظة و الاحلام ...

بين اليقظة والاحلام..
بين اجفان تقول للنام
اريت النوم يزورني اليوم ..
أنوم لو ليلة في كل عام ...

ثلاثي عجيب التقى صدفة في ارض الكنانة ... ... عبد المنعم عبد الحي و ود الحاوي و حمد الريح

تسلم يا ناذر على الجمال في الزمن المعكر ...

Post: #7
Title: Re: بين اليقظة والاحلام !!!
Author: حاتم إبراهيم
Date: 07-18-2015, 09:32 PM
Parent: #1

أداء مدروس ورائع
مرحباً أستاذ ناذر
وددت لو استمر عازف البيانو بطول الأغنية وأن يكون في المقدمة بدلاً عن العود
كذلك تكون هذه من أجود المحاولات إذا تم تخصيص لحن مختلف للفلوت بطريقة أكاديمية فهو يؤدي نفس الميلودي ويضيع أحياناً ويضطر للتصرف الارتجالي أحياناً،
صوت الإيقاع (بونغو) مرتفع قليلاً، حبذا لو تم تخفيضه لنصف قيمته.
فهل يمكن ذلك؟

أصوات دافئة وعزف متمرس
واختيار موفق جداً للآلات، يمكنك توظيف أوركسترا كاملة بهذه المهارة.

تحياتي
***************************
لا للاستيكة.
ضع العنصرية في مكانها المناسب.

Post: #8
Title: Re: بين اليقظة والاحلام !!!
Author: nour tawir
Date: 07-18-2015, 10:17 PM
Parent: #7

الآخ الفاضل ناذر محمد الخليفة..

وكل عام وأنت والسودان بألف خير..

مالك علينا يا أخ ونحنا قاعدين على الهبشة ؟
تعرف ؟
أنا يخيل لى مافى شعب بيحب بلده...
زى حب السودانيين للسودان..
وحكمة الله..
طّلعنا منه فردا...فردا..
وخلانا نزازى بى برا..
وتفكيرنا كلو جوه..
ونتاوق بى الآخبار والاغانى..
وجنس الكلام البيقولوا فوقو الشباب ديل..

غايتو...
الّحمد لله..

Post: #9
Title: Re: بين اليقظة والاحلام !!!
Author: محمد الجزولي
Date: 07-19-2015, 05:12 AM
Parent: #8

تسلم يا ناذر
و كل سنة و أنت و الأسرة الكريمة بألف خير

وشكراً يا فنان إشراكنا في هذه الروعة ، جميلة بجد
وتدغدغ جوووووه وتهبش العصب ، و مختلفة حنيتها الأدائة بشكل كبير ،

عيدية سمممممحة
جعل أيامك كلها عيد ياأخ

تحياتي و تقديري

Post: #10
Title: Re: بين اليقظة والاحلام !!!
Author: محمد سنى دفع الله
Date: 07-19-2015, 08:32 AM
Parent: #9

رجعتونا لزمن الطرب والاخوة الصادقة والزمن البهي
لكم نحبكم والايام الخوالي
محبتي وايامكم اعياد وشكرا للطرب الاصيل

Post: #11
Title: Re: بين اليقظة والاحلام !!!
Author: ناذر محمد الخليفة
Date: 07-20-2015, 02:48 PM
Parent: #1

سلام يحي قباني ..

Quote: علي ساجوري انا آمنت بيهو زماان من يومه الغنّا اعطف علي يا ريم ...

ولا زالت هذه الاغنية يعتبرها ساجوري تميمته وجالة الحظ له .. اذ انه يغنيها يغنيها في كل حفلاته وجلساته في وسائل الاعلام
والحق يقال ابرع في اداءها يكاد يضاهي الفنان الطيب مدثر في جمالية وتطريب الاداء ..

Post: #12
Title: Re: بين اليقظة والاحلام !!!
Author: Hani Arabi Mohamed
Date: 07-20-2015, 03:27 PM
Parent: #11

ناذر كل سنة وانت طيب

Post: #13
Title: Re: بين اليقظة والاحلام !!!
Author: ناذر محمد الخليفة
Date: 07-20-2015, 09:43 PM
Parent: #1

تحياتي يا حاتم وكل عام وأنت بألف خير ..

أولا أنا مستمتع جدا ومتابع لنقاشك في البوست البي هناك مع الموصلي وان كنت لا اجد زمنا كافيا للكتابة فيه ..

Quote: مرحباً أستاذ ناذر
وددت لو استمر عازف البيانو بطول الأغنية وأن يكون في المقدمة بدلاً عن العود
كذلك تكون هذه من أجود المحاولات إذا تم تخصيص لحن مختلف للفلوت بطريقة أكاديمية فهو يؤدي نفس الميلودي ويضيع أحياناً ويضطر للتصرف الارتجالي أحياناً،
صوت الإيقاع (بونغو) مرتفع قليلاً، حبذا لو تم تخفيضه لنصف قيمته.
فهل يمكن ذلك؟

أصوات دافئة وعزف متمرس
واختيار موفق جداً للآلات، يمكنك توظيف أوركسترا كاملة بهذه المهارة.

تحياتي

وشكرا للتحليل المنطقي العلمي وانا متفق معك فيه وسأنبه علي ساجوري لمتابعة هذا البوست والاستفادة مما
يكتب فيه مما يدعم مسيرته الغنائية التي انا من داعميها لاني أؤمن بموهبة هذا الفتي وأري فيه مستقبلا لشكل
الأغنية السودانية مستقبلا ..

تسلم ..

Post: #14
Title: Re: بين اليقظة والاحلام !!!
Author: nour tawir
Date: 07-20-2015, 09:49 PM
Parent: #13

سحب للتكرار والاستعجال..
والسبب كلو من الآغنية دى..

Post: #15
Title: Re: بين اليقظة والاحلام !!!
Author: ناذر محمد الخليفة
Date: 07-20-2015, 09:50 PM
Parent: #1

سلام نور ...

Quote: الآخ الفاضل ناذر محمد الخليفة..

وكل عام وأنت والسودان بألف خير..

مالك علينا يا أخ ونحنا قاعدين على الهبشة ؟
تعرف ؟
أنا يخيل لى مافى شعب بيحب بلده...
زى حب السودانيين للسودان..
وحكمة الله..
طّلعنا منه فردا...فردا..
وخلانا نزازى بى برا..
وتفكيرنا كلو جوه..
ونتاوق بى الآخبار والاغانى..
وجنس الكلام البيقولوا فوقو الشباب ديل..

غايتو...
الّحمد لله..

قعاد الهبشة جربتو وانا في ذات غربة كانت تصلنا فيه الاغنيات نادرا وفي فترات متباعدة كنا نبكي الما عند الاستماع اليها بغض
النظر عن جودتها ..

لهذا فأنا أقدر شعورك تماما .. ولنجعل هذه الاغنيات وخذات عابرة غير مؤلمة تذكرنا بوطننا وتربطنا به من خلال ما تحمله من كلمات دافية وحنينة تجعلنا
ما بين اليقظة والاحلام عند استرجاعنا للذكريات ...

والله يلعن الكان السبب ..!!

Post: #16
Title: Re: بين اليقظة والاحلام !!!
Author: ناذر محمد الخليفة
Date: 07-20-2015, 09:55 PM
Parent: #15

يعلم الله يا نور تاور لم ار مداخلتك الثانية الا بعدما رديت على الأولى بما يظهر عندك اعلاه ...

ولو لاحظتي انا برد بالترتيب ..
وهسي بي سبب مداخلتك قطعت الترتيب وما رديت علي محمد الجزولي ..

أسأل الله ما اعمل رفرش للصفحة وألقاهو برضو كتب رد زعلان ..!!

الصبر طيب ..

وأنا ما مكنة ... وانتي عارفاني من سنين بعيدة ما الزول البتجاهل يرد على ضيوف البوست ..

وكل عام وانتي بخير ...

Post: #17
Title: Re: بين اليقظة والاحلام !!!
Author: ناذر محمد الخليفة
Date: 07-20-2015, 10:04 PM
Parent: #16

ما مشكلة يا نور ..

Quote: سحب للتكرار والاستعجال..
والسبب كلو من الآغنية دى..

ههههه صراحة الاغنية عاملة شغل وزي ما قلت ليك الشعور دا انا اختبرتو قبال كدة ومقدر شعورك ..

بيليف مي .. لا تثريب عليك ...

Post: #18
Title: Re: بين اليقظة والاحلام !!!
Author: ناذر محمد الخليفة
Date: 07-20-2015, 10:15 PM
Parent: #17

سلام محمد الجزولي ...

Quote: تسلم يا ناذر
و كل سنة و أنت و الأسرة الكريمة بألف خير

وشكراً يا فنان إشراكنا في هذه الروعة ، جميلة بجد
وتدغدغ جوووووه وتهبش العصب ، و مختلفة حنيتها الأدائة بشكل كبير ،

عيدية سمممممحة
جعل أيامك كلها عيد ياأخ

تحياتي و تقديري

تسلم يا عزيز ...

وعندي كم اغنية بذات الاستايل وجديدة لنج حا انزلم تباعا في بوستات منفصلة ,,

تأهب للمزيد من الدغدغة وتهبيش العصب الحي ...

Post: #19
Title: Re: بين اليقظة والاحلام !!!
Author: الفاتح ميرغني
Date: 07-21-2015, 03:18 PM
Parent: #18

كل سنة وانت طيب عزيزنا ناذر
قالوا: " القون بيعرف يقيّم جمال صوت اخو"!
صوت جميل لاتخفى مساحته التطريبية.

محبتي

Post: #20
Title: Re: بين اليقظة والاحلام !!!
Author: Elmosley
Date: 07-22-2015, 05:10 PM
Parent: #19

شغل حلو

Post: #24
Title: Re: بين اليقظة والاحلام !!!
Author: ناذر محمد الخليفة
Date: 07-28-2015, 09:17 PM
Parent: #20

هلا هلا بي استاذنا وأستاذ الكل الموصلي ..

Quote: شغل حلو

يا سلام عليك يا الموصلي .. دا الشغل ولا بلاش ..

والتي انوي تحويلها قريبا لسلسلة مقالات صحفية بالاستناد على الافادات التي توفرت والتحليلات في البوستات المعنية ..

دا اعتبرو أخذ اذن منك وكدة ...

بالمناسبة .. عندي ليك صوت جديد .. مادة خام حا تلفت انتباهك .. حا انزلا ليك في بوست منفصل متى توافرت التسجيلات الجيدة عندي ..

تسلم وكل عام وانت بخير ..

Post: #21
Title: Re: بين اليقظة والاحلام !!!
Author: ناذر محمد الخليفة
Date: 07-28-2015, 09:08 PM
Parent: #1

سلام استاذ السني ..

كيف اخبارك ومشتاقين ..

Quote: رجعتونا لزمن الطرب والاخوة الصادقة والزمن البهي
لكم نحبكم والايام الخوالي
محبتي وايامكم اعياد وشكرا للطرب الاصيل

تسلم كتير وكل عام وأنت بخير .. وأسف للرد المتاخر ..

مشاغل الحياة والجري وكدة ..

Post: #22
Title: Re: بين اليقظة والاحلام !!!
Author: ناذر محمد الخليفة
Date: 07-28-2015, 09:10 PM
Parent: #1

وأنت بألف خير يا هاني ..

Quote: ناذر كل سنة وانت طيب

منعتني ظروف قاهرة أنا أكون معكم أيام العيد .. تحياتي ..

Post: #23
Title: Re: بين اليقظة والاحلام !!!
Author: ناذر محمد الخليفة
Date: 07-28-2015, 09:13 PM
Parent: #1

هلا بالاستاذ الفاتح ميرغني ..

Quote: كل سنة وانت طيب عزيزنا ناذر
قالوا: " القون بيعرف يقيّم جمال صوت اخو"!
صوت جميل لاتخفى مساحته التطريبية.

أكيد ... دي مقولة بعامية وسطية فنية غير معترف بها اعلاميا ههههههههههههه

ولكن اكيد الاتفاق على جمال الصوت والمقدرات التطريبية لا يحتاج لقون وقونات ..

تسلم ..

Post: #25
Title: Re: بين اليقظة والاحلام !!!
Author: ناذر محمد الخليفة
Date: 08-06-2015, 08:56 PM
Parent: #23

مشكور الزول السجمان من الفيس بوك ..

Quote: فضل ايوب هو العمل الحركة دي في الغنيه

وفضل ايوب غنى الاغنية دي بي مزاج احترافي عالي جدا ..

التحية ليو وللفرقة المصاحبة ....

وفضل ايوب عندو اخوهو مجاهد أو جهاد ما اتذكر سمعتو بيغني كم مرة وصراحة هو لا يقل عن أخوهو فضل وان اختلف استايل المادة المقدمة ..

أتمنى أن يجد فرصته في أجهزة الاعلام ..

Post: #26
Title: Re: بين اليقظة والاحلام !!!
Author: مصطفى عبيد
Date: 08-06-2015, 09:40 PM
Parent: #25

الصوت جميل ومية مية لكن ......

شوق للشينة لو شنو؟؟؟

سلام صاحب البوست والضيوف

......................
تعديل ساااي كدة

Post: #27
Title: Re: بين اليقظة والاحلام !!!
Author: Mohammed Haroun
Date: 08-06-2015, 10:16 PM
Parent: #26

يا سلااااااااام على اختيارك الرائع يا ود الخليفة يا فنان!!

حضرتك شخصيا والبروف الموصلي والفنانين الشباب دول كلكم حا تسافرو معانا للكوكب الجديد (كوبلر ) 😊😊😊.

تحياتي واندهاشاتي

Post: #28
Title: Re: بين اليقظة والاحلام !!!
Author: adil amin
Date: 08-07-2015, 03:43 PM
Parent: #1

ختم الجودة السوداني ليك يا صميم ذى شعارنا زمان...زمن جوز الحمام ثلاث فردات
http://www.up-00.com/"http://www.up-00.com/"

Post: #29
Title: Re: بين اليقظة والاحلام !!!
Author: ناذر محمد الخليفة
Date: 08-09-2015, 01:10 PM
Parent: #1

سلام مصطفى عبيد ..

Quote: الصوت جميل ومية مية لكن ......

شوق للشينة لو شنو؟؟؟

لو صعبة ..

نار البعد والغربة
شوق لاهلي والصحبة
شوق لكل جميل في الحي
شوق للشينة لو صعبة بين اليقظة والاحلام ..

Post: #30
Title: Re: بين اليقظة والاحلام !!!
Author: ناذر محمد الخليفة
Date: 08-09-2015, 01:12 PM
Parent: #1

هلا محمد هرون

Quote: يا سلااااااااام على اختيارك الرائع يا ود الخليفة يا فنان!!

حضرتك شخصيا والبروف الموصلي والفنانين الشباب دول كلكم حا تسافرو معانا للكوكب الجديد (كوبلر )

😊😊😊.

وكوكبك دا منتظرين السفر ليو بي فارغ الصبر ..

ما تنس تحجز لي جمب الشباك عشان أنا بسف ..!!

Post: #31
Title: Re: بين اليقظة والاحلام !!!
Author: ناذر محمد الخليفة
Date: 08-09-2015, 01:14 PM
Parent: #1

هلا الجنرال عادل أمين ...

Quote: ختم الجودة السوداني ليك يا صميم ذى شعارنا زمان...زمن جوز الحمام ثلاث فردات

بالله عاصمتنا الوسخانة الشعارا خرطوم الفيل .. حقو يسموها بدل الخرطوم .. الخرتيت ويرجعوهو لينا تاني !!