(من قالوا لي سكت الرباب) ..اغنية في رثاء محمود بصوت الفنان سامي حمد

(من قالوا لي سكت الرباب) ..اغنية في رثاء محمود بصوت الفنان سامي حمد


11-02-2013, 03:58 PM


  » http://sudaneseonline.com/cgi-bin/sdb/2bb.cgi?seq=msg&board=110&msg=1399332965&rn=0


Post: #1
Title: (من قالوا لي سكت الرباب) ..اغنية في رثاء محمود بصوت الفنان سامي حمد
Author: ناذر محمد الخليفة
Date: 11-02-2013, 03:58 PM

أغنية تمتلئ حزناً ونواحاً في رثاء محمود عبد العزيز بصوت أحد مقلديه وهو الفنان سامي حمد ..

تغنى بها الفنان قبل عدة أيام في مركز شباب بحري حيث قيل لي أن جميع من كان حاضرا خرج من المركز يبكي وينتحب حتى قبل إنتهاء الاغنية !!

يا الله !!!!! أما آن لهذا الحزن أن ينقشع ؟!!!

Post: #2
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 11-02-2013, 04:00 PM
Parent: #1


Post: #3
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 11-02-2013, 04:05 PM
Parent: #2

من قالو لي سكت الرباب نجم النجوم الليله غاب
محمود خلاص ساب البلد خوف الوجع بقي الف باب

مافات خلاص الكان زمان معاهو كم بكت عيون
قائد الأسطول رحل بالبسمه والنغم الحنون
ياداب لهيب الشوق ظهر شفناهو في نور العيون
محمود خلاااااااص ساب البلد

بتسيب عنادك انت كيف ياحبيب حاتم وحنين
شايل جراح بعد الفراق
يازول ياطيب ماشي وين
الكل زول برتاح ليك بعد الغياب اصبح حزين
مع السلامه خلاص وداعا حانشيلو هم بعدك سنين
آآآآه ياليل ياليل
الصبر جواي القاهو كيف
من تاني هسه كيف نبقي الصمود
من فرقتك دفق النزيف
ليل الحزن بيك اكتمل
والفرحه بعدك تبقي زيف
حانشيلو هم بعدك سنين

Post: #4
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 11-02-2013, 07:45 PM
Parent: #3


Post: #5
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 11-02-2013, 07:47 PM
Parent: #3

هلا ملهم كردفان ..

كيفك وكيف أخبارك ..

Quote: شكرا ناذر أن اتحت لنا متابعة مابعد الرحيل...


تسلم ويبدو أنو حا نتابع ما بعد الرحيل لفترة طويلة مستقبلا ..

Post: #6
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: Hani Arabi Mohamed
Date: 11-02-2013, 08:21 PM
Parent: #5

ناذر سلام ... رحم الله الحوت


كما أدعوك لزيارة موقع أحباب محمود http://www.mhmod.com

Post: #7
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: الامين موسى البشاري
Date: 11-02-2013, 09:19 PM
Parent: #6

سبحان الله يا ناذر الصوت قريب جدا من صوت محمود
وأغنية جميلة تمجد محمود .. وامثال محمود يرحلون بأجسادهم فقط
لكنهم باقون بفنهم وعطائهم في وجدان الشعب السوداني
..
..


___
الاغنية كدا
حول لي عدادي بالله ^___^

Post: #8
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 08:59 AM
Parent: #7

سلام هاني عربي ..

Quote: ناذر سلام ... رحم الله الحوت


كما أدعوك لزيارة موقع أحباب محمود


تسلم على الموقع مريت فيهو على السريع وحا أرجع ليهو في فرصة أوسع ..

Post: #9
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 09:02 AM
Parent: #7

الأمين سلام ..

Quote: سبحان الله يا ناذر الصوت قريب جدا من صوت محمود
وأغنية جميلة تمجد محمود .. وامثال محمود يرحلون بأجسادهم فقط
لكنهم باقون بفنهم وعطائهم في وجدان الشعب السوداني


مش الصوت وبس .. حتى في شبه ملحوظ بين الفنان دا وبين محمود .. مزمل خيري مرة جاب فيديو للزول دا بيغني واحدة من أغنيات محمود يا ريت لو مزمل مر وجاب لينا الرابط ..


Quote: الاغنية كدا
حول لي عدادي بالله


أديك حاجة أحسن من العداد : دعوة صافية يديك العافية ويسكنك الصافية وبتاعة دافية ..!!

لكن البتاع دا غريب وسريع . مالك لابد بيهو من زمان هههههههههههه

Post: #10
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: Mubarak kunna
Date: 12-02-2013, 10:08 AM
Parent: #9

حبيبنا

ناذر

ولله العظيم الواحد خلاص بقى مافيه حيل يسمع اى اغنيه لى محمود

لان الدموع تنهمر كالسيل

ناذر الحوت الله يرحمه و يجعل مثواه الجنه كان صديق شخصى و مقرب

ربنا يرحمه لكن نسوى شنو دى حال الدنيا و الله العظيم اكتب ليك الكلمات و الدمع ينزل من مقلتيى كالسيل

لانى فى اجازاتى كنت باكل معاه فى صحن واحد من يد الوالده فايزه محمد طاهر محمود راح و ايهاب عبد العزيز

الشقيق الاصغر لمحمود راح تقريبا يوم 17 والله يا ناذر انت الانسان دى ما بتعرفه الا تكون قريب

منه انسان بمعنى الكلمه انسان حاجه بسيطه دى كون

الله يرحمه و يصبر الوالده فايزه

حرام عليك ياااخ حرام عليك يا ناذر والله ماقادر اقيف من النواح

فتحت لى جرح من جديد ربنا يسامحك


الله يرحمه و يصبر والدتنا فايزه الام الحنوووووووووووون

Post: #11
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: عبد الله فقير
Date: 12-02-2013, 10:19 AM
Parent: #10

ناذر سلامات
ياخ الاغنية دى ما شغالة عندى
ممكن مباصرة تانية
مودتى

Post: #12
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: مزمل خيرى
Date: 12-02-2013, 10:31 AM
Parent: #11

يا الحبيب ...
المقطع الصوتى برضو عندى ما اشتغل
اتصرف لينا سريع بالله .. شوقتنا

Post: #13
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 10:41 AM
Parent: #11

مبارك سلام ..

Quote: حبيبنا

ناذر

ولله العظيم الواحد خلاص بقى مافيه حيل يسمع اى اغنيه لى محمود

لان الدموع تنهمر كالسيل

ناذر الحوت الله يرحمه و يجعل مثواه الجنه كان صديق شخصى و مقرب

ربنا يرحمه لكن نسوى شنو دى حال الدنيا و الله العظيم اكتب ليك الكلمات و الدمع ينزل من مقلتيى كالسيل

لانى فى اجازاتى كنت باكل معاه فى صحن واحد من يد الوالده فايزه محمد طاهر محمود راح و ايهاب عبد العزيز

الشقيق الاصغر لمحمود راح تقريبا يوم 17 والله يا ناذر انت الانسان دى ما بتعرفه الا تكون قريب

منه انسان بمعنى الكلمه انسان حاجه بسيطه دى كون

الله يرحمه و يصبر الوالده فايزه

حرام عليك ياااخ حرام عليك يا ناذر والله ماقادر اقيف من النواح

فتحت لى جرح من جديد ربنا يسامحك


الله يرحمه و يصبر والدتنا فايزه الام الحنوووووووووووون


يا مبارك والله العظيم مداخلتك جعلتني أذرف الدموع مرارا على فقد محمود بعد ان ظننت أنني تجاوزت هذا الحزن الجاثم على صدورنا ..

كنت مداوم يوميا على قراءة صحيفة فنون لكنني تركتها مؤقتا بعد رحيل الحوت لأنني ما عدت أستحمل قراءة المرثيات والمواقف الأنسانية التي يحكي الناس عنها كما أنني لم اعد اتحمل رؤية توأميه حاتم وحنين وهما يبكيان والدهما وتنشر لهما الصحيفة صورة تهز الجبال وتحرك قلب من لا قلب له بالذات صورة ابنته حنين والتي لن أستطع محوها من ذاكرتي مهما طالت السنون ..!

رحمه الله وربنا يصبرك ويصبرنا أخ مبارك .. وجبر الله كسرنا جميعا ..!

Post: #14
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 10:43 AM
Parent: #11

عبد الله فقير ..

Quote: ناذر سلامات
ياخ الاغنية دى ما شغالة عندى
ممكن مباصرة تانية
مودتى


اذا كنت تستخدم متصفح فير فوكس ارجو أن تحاول بأستخدام انترنت اكسبلورر .. لأنني جربت الاثنين ووجدت لسبب ما أن الأغنية لا تعمل عندي بمتصفح فير فوكس ..

Post: #15
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 10:52 AM
Parent: #14

حاجة غريبة يا مزمل ..

الأمين البشاري أو معاوية حسين ..

بالله مرو على البوست دا وأجدعوا لينا برنامج برنامجين يخلو الشباب تسمع ..!!

Post: #16
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: الامين موسى البشاري
Date: 12-02-2013, 11:07 AM
Parent: #15




اتفضلوا يا شباب
ويا مزمل أجدع الصورة بتاعت الولد دا بالله هنا

Post: #17
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 12:35 PM
Parent: #16

الأمين دي سويتا كيف !!

الأداك مفتاح المخزن بتاعي منو ؟! ولا أي زول عندو مفتاح ماستر يفتح بيهو أبواب التانين هههههههه

كدي أدينا برنامج يشغل الملف دا في فير فوكس وتكون ما قصرت ..!!

Post: #18
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 12:40 PM
Parent: #17

ملهم

Quote: تمام .....ولو جيت مصر السنه دى معزوم عندنا فى العجمى تصيف معانا وتتجدع فى الاسكندريه دى شويه ياخ


يا زول من طنطا لي الاسكندرية مرة واحدة هههههههه

إنشاء الله في جية عما قريب .. بينا اتصال بإذن الله ..!!

Post: #19
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: مزمل خيرى
Date: 12-02-2013, 01:04 PM
Parent: #18

ياناذر الراجل القاصدو دة مش ياهو زولى الزمااان داك زاتو ؟؟
ياعمر الفاروق وياناذر ، تعالوا ادونا رايكم فى الفنان دة

Post: #20
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: عزان سعيد
Date: 12-02-2013, 02:12 PM
Parent: #19

ناذر يا حبيب
أقول ليك حاجة غريبة
أمس بالليل واحد معانا شغال حرس (ومرات بشتغل فنان) قال لي إنو مشارك بي غنية في مسابقة لتأبين محمود
وسمعني الغنية في موبايلو، وسألني عن إذا ما كانت غنيتو حتفوز ...
بعد 5 دقايق جيت فتحت البوست بتاعك لقيت الغنية الما بتغباني بي ضبانتها حتي الكلام الفي المقدمة

غايتو ده أقصر حبل كضب شفتو في حياتي

Post: #21
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 02:23 PM
Parent: #20

سلام مزمل ..

Quote: ياناذر الراجل القاصدو دة مش ياهو زولى الزمااان داك زاتو ؟؟


أيوة هو زاتو .. أنا غلطت في اسمو .. أسمو حسين حمد مش سامي حمد زي ما جاء في العنوان ..

Post: #22
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 02:25 PM
Parent: #20

دكتور عزان ..

يا راجل إنت وين ؟!

Quote: ناذر يا حبيب
أقول ليك حاجة غريبة
أمس بالليل واحد معانا شغال حرس (ومرات بشتغل فنان) قال لي إنو مشارك بي غنية في مسابقة لتأبين محمود
وسمعني الغنية في موبايلو، وسألني عن إذا ما كانت غنيتو حتفوز ...
بعد 5 دقايق جيت فتحت البوست بتاعك لقيت الغنية الما بتغباني بي ضبانتها حتي الكلام الفي المقدمة

غايتو ده أقصر حبل كضب شفتو في حياتي


عليك الله أتصل عليهو وقول ليهو أها .. إنشالله بس جيت الأول ..!!

بعدين دا شغال عندكم حرس شنو وبيحرس شنو إذا كان بيسرق حق الناس التانيين ؟!

غايتو أعمل حسابك ما ينشلك كان جيت طالع ولا داخل !!

Post: #23
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: Mahmoud Mustafa Mahmoud
Date: 12-02-2013, 05:43 PM
Parent: #22

في بوست الأخ مزمل خيري من الأرشيف..قال الأستاذ عمر الفاروق:

Quote: والله يا مزمل الولد ده انا سمعتو زمان شدييييد ..عجبني وقتها لأنو كان بيعمل حاجات فيها ريحة من محمود بس عرفت ليك دربو ح يكون قصيير..ما عارف لكن زي اللي كان عندو فيديو كليب عاملو في شرق النيل كان بيقدم في قناة هارموني وحضرت ليهو كم لقاء ..
ما بكضب عليك ما ح يمشي لي قدام وربنا يطوول في عمر محمود لكن هو من النوع اللي ممكن يظهر فجأة تاني متى ما أصاب الحوت مكروه..
يبدو إنو مصيرو ح يكون زي مصير مصطفى حمزة كان عندو صوت قوي وجميل وكما محمود لكن لمن حاول يتقمص شخصيته وصوته الحقيقي غلبو وفقد هويته وضااااع..


بس عشان تعرفوا الناس البتفهم في النقد والسمع النضيف...

ناذر يا ابن عمي...كيفك يا مك...

النصيحة لله ...أنا دمعت من أمس وعلبة المناديل الكبيرة دي قربت تكمل...دموع ومخاخيت..والله صحي..

لكن يا أستاذ عمر...حسين دا حا يعيش على ريحة ونفس الحوت...لأنه الجمهور جاهز ومترابط في كيان الحواتة...عندهم لجنة عفوية كدا..أي زول يتهور ويغني للحوت

يا شالوهو فوووووق...يا كمان رجموهو بالحجارة والكراسي.....

..

.

Post: #24
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 12-02-2013, 07:18 PM
Parent: #23

سلام محمود مصطفى ..

Quote: ما بكضب عليك ما ح يمشي لي قدام وربنا يطوول في عمر محمود لكن هو من النوع اللي ممكن يظهر فجأة تاني متى ما أصاب الحوت مكروه..


فعلا صدق عمر .. أنا من بدجري عارف عمر الفاروق راجل ما ساهل رغم الشتارة وعدم اللباقة والدبلوماسية في إنتقاداتو ههههههههه

Post: #25
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: الامين موسى البشاري
Date: 12-02-2013, 09:07 PM
Parent: #24

hussein1.jpg Hosting at Sudaneseonline.com

Post: #26
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: عمر الفاروق
Date: 13-02-2013, 09:03 AM
Parent: #25

Quote: أغنية تمتلئ حزناً ونواحاً في رثاء محمود عبد العزيز

ببساطة هي أغنية للتعريف بأسماء البومات وأغاني محمود عبد العزيز وما عندها علاقة بي رثاء..
النوع ده من الكتابات الشعرية متهالك ينم عن كتابة نابعة من تفكير ونحت راس أكتر من إنها إحساس ..
تلتيق وتفكير في إسم شريط ومن ثم البحث عن إسم شريط تاني يوازي القافية ويلفق النص مع التعبير والشخصية ..
في الرثاء تحديييداً لازم الكتابة تطلع من القلب عشان تصل القلب ..ما سمعت اللحن لأنو ما شغال معاي بس انا بتكلم عن الكلمات ..
عن نفسي قريت الكلمات وما حركككت فيني رمشة أو حتتتى دمعت عيني لأني وبكل بساطة كللل المكتوب في القصيدة دي عندي في طبلون العربية وبسمع فيهو يووومي ..أبكي وأدمع وانا بسمع في صوت الحوت ..وافرح وانتشي حد الجنون بي اسماء اغاني محمود عبد العزيز ..
بالنسبة لي أي زول قررتو تقولوا إنو صوتو زي محمود فبكل بساااطة فتشو لي الزول البيغني لو طلع بيطلع صوتو من بطنو وتحدييداً صرّتوفيادوووب ابدوا فكرو ولاحظو في إنو ممكن يقدر يقلد محمود..لكن لو لقيتو أييي زول بيغني من حلقو فمهما كانت درجة التطابق الصوتي فهو ما بيشبه محمود..

تخريمة:
يا ناذر اللي تحت ده ممكن نسميهو رثاء وهو من أجممل ما قريت ..ووصية ليك في الذمة يا ناذر ..جاتني فكرة بعد ما قريت المرثية دي إنو مفروض يدوها لي مجموعة عقد الجلاد تقوم بتلحينها وتوزيعها وتقديمها لي روح محمود ..هو إحساس داخي انا حسيتو ممكن يصيب وممكن يخيب بس يا ريت لو تقدر تساعدني في مشروعي ده ونتصل بالطرفين الشاعر والمجموعة

Quote: ما بسّ صوتك
ولاغِنواتك
رغم الأبعاد الفي صوتك
رغم حلاوة كل° غنواتك
ما بسّ صوتك
ولاغنواتك
ديل آخر آخر حَسناتك
يالما غنَّيت غنية رديئة
يا الما ختّيت كلمة بذيئة
مابس صوتك
ولا غنواتك
القصة بتكمُن في ذاتك
في السر الكامن في الإحساس
في السر الأودعو ربّ الناس
في ذاتك
وفي كلِّ صفاتك
مابس صوتك
ولاغنواتك
يا قاضي حوايج كل الناس
بالليل والناس همّاً نايمة
يا مريِّح بال كل الأجناس
نغماً والناس غمّاً هايمة
وتكون وحدك بالليل حايم
سبحان الله
حيّ الدايم
لا دايم إلاَّ الله
يمكن محمود نايم
نايم حبَّة وحالاً حيقوم
حيقوم ويلبّي دعاء الناس
غوث المظلوم
عون المكلوم
حيقوم ويقضّي حوايج الناس
يمكن نايم
لكن ياربّي الجدَّ شنو !؟
خلاَّهو ينوم كدة من بدري !
الجدَّ شنو ومحمود مهموم
صارم ودغري
من هو صغيِّر نومو شوية
أكلو شوية
جاذباهو النزعة الصُّوفيّة
الجدَّ شنو وخلاّهو ينوم !؟
يارب نايم بيقضّى الفات ؟
بيقضِّي سنين السهر الفات !؟
بس ما من عادتو ينوم أصلاً
ساعات سهراتو بيتَّصلن
مرات أيام
أيام وشهور
ما بنوم ليلة
يارب مسحور ؟
من هو صغيِّر شايل الشيلة
يا فايزة يكون محمود نايم؟
يارب وين الراحة الليلة ؟
يافايزة محمد يا حاجة
يابت الحاج ود الطاهر
فايزة محمد ود الطاهر
ياربّي يكون محمود نايم ؟
نايم حبَّة وحالاً حيقوم ؟
حيقوم ويلبّي دعاء الناس ؟
حيقوم ويقضَّي حوايج الناس؟
محمود من هو صغيِّر فلتة
مليان إحساس
ما همّو الدنيا الحسِّيَّة
هامّاهو الآخرة المنسيَّة
محمود من جينات ثوريَّة
في الروضة اختار الحريَّة
في الرابطة اختار الختميّة
واختار الفرق المنسيَّة
ومن كلّ الفرق المنسيَّة
إختار الفرقة الزنجيَّة
محمود من جينات ثوريَّة
غنَّى ولوَّن دنيا الأطفال
غنَّى القيم الإنسانيَّة
قيم الأبطال
اتدرَّج بالحب والإحساس
ربَّى الأجيال
من حبّ الشافع لى أمُّو
لى حبّ الزول لى كل الناس
من حب العاشق لى وطنو
لى حب الخالق ربّ الناس
من حبّ السّيرة النبّويّة
لى حبّ الآخرة الأبديّة
محمود من هو صغيّر حسّاس
حتى وفي الموت
إختار الموت بى حنِّيَّّة
فكّر يمشي شويّة شويّة
كان بجبر خاطر المنتظرين
ماداير يفجع خاطر زول
وعشان الفرقة الأبدّية
تصبح هينة واحساس مقبول
بدا يتسرَّب منّنا خلسة
شوية شوية
وجاراهو الموت في الحنِّيّة
باصر روحو شويّة شويّة
من قبل سنين
مهَّد لى شيلتك يا حوتة
ونحنا الرّايدنَّك ما عارفين
في العايلة السمحة المتحابّة
بدا بى خالك وبتّو الشابّة
ونحنا الرايدنَّك منشغلين
الفين وحداشر واتناشر
شالت نَّوارة الفنّانين
ونحنا الرايدنّك منشغلين
شاغلانة الدنيا الدونيَّة
من قبل سنين
يا حوت الموت كان بيرتِّب في العملِّية
في ضلّ الروح كان متخبّي
من بين الناس كان متدِّبي
خجلان من روحك يا حوتة
حيشيلك كيف
من وسط الناس الحبّوكا
من وسط الكانوا ملازمنَّك
من ناس حبّيتم وحبّوكا
من ناس حابّيهم وحابنّك !
حيشيلك كيف
من بين الناس الرّايدنّك
ديل ما جمهور
ديل حبّاً صاروا مريدنَّك
ياشيخ الراية الحوتيَّة
حيشيلك كيف
من بين حيران
ماديّن أرواحم حاضننَّك
من بين جيران
فاتحين أبوابم راجنّك
سبحان الله
حيّ الدايم
لا دايم إلاّ الله
محمود نايم
يا فايزة محمد في لمحة
محمود نايم
نايم في النومة الأبدّية
يا نومة النفس المنشرحة
النفس الراضية المرضيّة
النفس الخالدة الأبدية
وختمت حياتك بى مدحّة !؟؟
ما أحلاها السيرة السمحة

د. عــز الدين هلالــي
25/1/2013

Post: #27
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: Mubarak kunna
Date: 13-02-2013, 09:36 AM
Parent: #26

اللهم تجاوز عن سيئاته وثبته عند السؤال واجعل قبره روضة من رياض الجنة

اللهم مثلما كانand#65279; بشوشا فى الدنيا فاجعله فرحا مسرورا فى الاخرة

اللهم انك تعلم ما فى قلبى فلا ترد دعائى



اللهم تجاوز عن سيئاته وثبته عند السؤال واجعل قبره روضة من رياض الجنة

اللهم مثلما كانand#65279; بشوشا فى الدنيا فاجعله فرحا مسرورا فى الاخرة

اللهم انك تعلم ما فى قلبى فلا ترد دعائى

يارب يارب يارب



اللهم تجاوز عن سيئاته وثبته عند السؤال واجعل قبره روضة من رياض الجنة

اللهم مثلما كانand#65279; بشوشا فى الدنيا فاجعله فرحا مسرورا فى الاخرة

اللهم انك تعلم ما فى قلبى فلا ترد دعائى

يارب يارب يارب



اللهم تجاوز عن سيئاته وثبته عند السؤال واجعل قبره روضة من رياض الجنة

اللهم مثلما كانand#65279; بشوشا فى الدنيا فاجعله فرحا مسرورا فى الاخرة

اللهم انك تعلم ما فى قلبى فلا ترد دعائى

يارب يارب يارب

Post: #28
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 13-02-2013, 10:17 AM
Parent: #26

يا سلام عليك يا عمر الفاروق ..

القصيدة فعلا فيها تعريف بي البومات محمود لكن برضو ما نغفل أنو حتى التعريفات دي فيها جانب من الرثاء ، بعدين من الملاحظ برضو حتى أسماء ألبومات محمود حزينة سكت الرباب - ساب البلد - خوف الوجع - إلخ ....

القصيدة الجبتها دي إتنشرت قبل كدة في صحف هنا أظن شاعرا عز الدين هلالي تقريبا مش كدة ؟؟!

وبالنسبة لي تحويلا نص يتغنى يا ريت يمر من هنا أنور أو همزة عوض الله او سعد الدين عشان نسمع منهم ..


مشكور يا عمر يا ذوق ..

Post: #29
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: عمر الفاروق
Date: 13-02-2013, 12:17 PM
Parent: #28

شوف يا ناذر وعشان اكون معاك صرييح وواضح انا ما من أنصار مدرسة ربط اسماء اشرطة محمود بل وحتى اغاني محمود بي دواخل واحاسيس محمود ربي يرحمو ..
معظم الاسماء وانت سيد العارفين تتحكم فيها العلاقات والواسطات وفي مرات شركات الانتاج فتارة لارضاء شاعر أو لي إشهار ملحن أو أو ومن النادر تلاقي الفنان يقدر يقحم روحو في الحاجات دي..
محمود عندو شريط إسمو يا مفرحة وعندو سيب عنادك وعندو يا عمر وعندو جواب للبلد وعندو شريط إسمو إتفضلي فهل تعني هذه الأسماء أي مدلولات مطابقة لي سكت الرباب وساب البلد وخوف الوجع؟
وبي مثال بسييط خلينا ناخد أغنية سكت الرباب اللي اتسجلت في الشريط واتلحنت وكان الشاعر سعد الدين ابراهيم ااخر من يعلم وده بيوريك إنو حتى محمود وقتها لقاها جاهزة كأغنية ..
مثال تاني يا ناذر وإمكن تكون فاهمني..الأغنية اللي إستدلوا بيها ناس كتااار يقولوا ليك محمود شرح فيها نفسيتو ووصف روحو و و اللي هي أغنية ما بلومكم!! عارف دي واحدة من أكتتتر الأغاني الانا ما بحبها أو أحب اسمعا ؟؟؟ دي أغنية مرتجلة مصطنعة صناعة فطيرة خمييرة منجورة مفتعععلة بي صورة بااايخة كتبها في وقتها الشاعر اللي فترة كده صنع ليهو مليون أغنية الود الإسمو هيثم ..الأغنية دي في رأيي لااا تمت لي محمود بي أيي صلة ولااا بتعكس روح وشخصية محمود بالعكس بتعكس صورة محمود اللي راسما المجتمع على إنها صورةمشوهة وبيحاول ينفيها ليهم!!! فهل ده محمود؟؟؟ لأ ده الشاعر ..
بالنسبة لي اسماء الكاسيت وجانب الرثاء انا ما قلت لأ لكن انا بقول إنو ده رثاء مصطنع مفتعل مااا بيهبش جوة وصدقني ايييزول مر من هنا وبكا ففي جواهو مستحييل تكون أبكتو كلمات الأغنية بل بيكون سبب بكاهم ده سيرة محمود أو تخييل محمود ولحظات جميييلة كان لمحمود السبب الرئيسي إنو يعملا ليهم ..
يا ناذر عارف انا بحب محمود ده ليييي؟؟بعيداً عن صوتو وشخصيتو وأغانيهو ..محمود شكُل ورسم فترة طويييلة ومهمة في حياتي إمتدت من عمري 12 سنة لحدددي الليلة وإمكن لحدي ما ربنا يستلم امانتو..عارف يا ناذر أييي يوم بيمر في الفترة بين الزمنين القلتهم ليك ديل لمحمود بصمة فيها ؟؟؟ بسمع يا عمر بتذكر يوم معين في وقت معين ..بسمع خلي بالك بتذكر مكان معين مع شخص معين..بسمع سيب عنادك بتذكر موقف معين ..بسمع سمحة الصدف بتذكر حدث محدد..بسمع طروني ليك بتذكر زولة..بسمع جواب للبلد بتذكر أمي..بسمع الحجل بالرجل بتذكر البص السياحي..بسمع العجب حبيبي بتذكر مروري بشارع الدكاترة امدرمان..بسمع الكان زمان بتذكر شمس الساعة اتنين ضهر ديك في نصصص السوق العربي..بسمع يا مدهشة بتذكر يوم مغييم في داخل جامعة السودان ونحن قروب في نص نجيلة الأندر لاب..بسمع الدنيا بتعلم تفرق يووم وتلم بتذكر أولاد الحلة ونحن مأجرين حافلة وبنغني فيها وماشين نلعب مع أولاد الموردة ..بسمع إتفضلي وانا لسة بحن ليك بتذكر السودان وإني قاعد في السعودية بسمع وبسمع وبسمع فبتذكر واتذكر واتذكر ..محمود بالنسبة ليي يا ناذر ما فنان نووووو ..محمود بالنسبة لي الزول اللي رسم وشكّل وجدان وحياة عمر الفاروق.. يا ناذر انا شكلي الحالي ده شكَلو محمود فهذه الدقن الدائرية ومن يوووم ما عيني وقعت في وش محمود قعدت للحلاق وطلعت صورتو وقلت ليهو بببس زي دي..ومن يومها يا ناذر وصدق أو لا تصدق انا ما غيرت أو شلت الدقن دي وإسبوووعي ولي أكتتتر من 15 سنة انا مداوم على المشي للحلاق مخصوص للدقن دي فهي ما تبقت لنا من محيّا محمود ربي يرحمو ..

Post: #30
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: وائل فحل
Date: 13-02-2013, 12:28 PM
Parent: #28

شكرا يا ناذر على الاغنية ... للشباب الما اشتغلت معاهم ممكن يسمعوها في اليوتيوب :

ويا عمر الفاروق شكرا على الكلام الكتبتو فوق ، في رايي انو واحدة من القصايد الجميلة في رثاء محمود كتبها اخونا قيس الصديق ، في نفس يوم الوفاة ، دي كلماتها :

وكان صوت الولد طالع ..

بشارة وتذكرة وعنوان

وكان يا حوته ليل مغناك

جراحو وضحكتك سيان

وكان خوف الوجع منك

تنشف ريقنا بالأحزان

وترحل ليه قبل تنسج

خيوط الفكرة يا انسان



...



جرحك النديان وناشف

في كيانا وما بنقولو

غيمك السافر بعيد

كنا منتظرين هطولو

زفة اوجاعك مراسم

والحزن دقت طبولو

يعني مليتنا ومشيت

نصاب عميرك تم حولو

لي وين رحيلك في زمان

ليلو اطول من نهارو

والغياب يا حوته كيفن

نحن نستحمل ودارو

حوته شقيش المسير

نيلنا كيف غير مسارو

طيف غناويك اللطاف

تاني كيفن اجترارو



....





سويتا احزانك بحر

فارد مدى الايام شراع

غردت بي صوتك صهيل

والاغنيات ضي الشعاع

تيربت في الخاطر شجون

بالحسرة والخوف والضياع

لكن نسيت قبل الرحيل

يا حوته ليه لحن الوداع ؟


Post: #31
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 13-02-2013, 02:01 PM
Parent: #30

Quote: اللهم تجاوز عن سيئاته وثبته عند السؤال واجعل قبره روضة من رياض الجنة

اللهم مثلما كانand#65279; بشوشا فى الدنيا فاجعله فرحا مسرورا فى الاخرة

اللهم انك تعلم ما فى قلبى فلا ترد دعائى



اللهم تجاوز عن سيئاته وثبته عند السؤال واجعل قبره روضة من رياض الجنة

اللهم مثلما كانand#65279; بشوشا فى الدنيا فاجعله فرحا مسرورا فى الاخرة

اللهم انك تعلم ما فى قلبى فلا ترد دعائى

يارب يارب يارب



اللهم تجاوز عن سيئاته وثبته عند السؤال واجعل قبره روضة من رياض الجنة

اللهم مثلما كانand#65279; بشوشا فى الدنيا فاجعله فرحا مسرورا فى الاخرة

اللهم انك تعلم ما فى قلبى فلا ترد دعائى

يارب يارب يارب



اللهم تجاوز عن سيئاته وثبته عند السؤال واجعل قبره روضة من رياض الجنة

اللهم مثلما كانand#65279; بشوشا فى الدنيا فاجعله فرحا مسرورا فى الاخرة

اللهم انك تعلم ما فى قلبى فلا ترد دعائى

يارب يارب يارب

Post: #32
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 13-02-2013, 03:37 PM
Parent: #31

مشكور على المداخلة الدسمة يا أبو عمير . قد ارجع للتعقيب عليها لاحقا :

Quote: شوف يا ناذر وعشان اكون معاك صرييح وواضح انا ما من أنصار مدرسة ربط اسماء اشرطة محمود بل وحتى اغاني محمود بي دواخل واحاسيس محمود ربي يرحمو ..
معظم الاسماء وانت سيد العارفين تتحكم فيها العلاقات والواسطات وفي مرات شركات الانتاج فتارة لارضاء شاعر أو لي إشهار ملحن أو أو ومن النادر تلاقي الفنان يقدر يقحم روحو في الحاجات دي..
محمود عندو شريط إسمو يا مفرحة وعندو سيب عنادك وعندو يا عمر وعندو جواب للبلد وعندو شريط إسمو إتفضلي فهل تعني هذه الأسماء أي مدلولات مطابقة لي سكت الرباب وساب البلد وخوف الوجع؟
وبي مثال بسييط خلينا ناخد أغنية سكت الرباب اللي اتسجلت في الشريط واتلحنت وكان الشاعر سعد الدين ابراهيم ااخر من يعلم وده بيوريك إنو حتى محمود وقتها لقاها جاهزة كأغنية ..
مثال تاني يا ناذر وإمكن تكون فاهمني..الأغنية اللي إستدلوا بيها ناس كتااار يقولوا ليك محمود شرح فيها نفسيتو ووصف روحو و و اللي هي أغنية ما بلومكم!! عارف دي واحدة من أكتتتر الأغاني الانا ما بحبها أو أحب اسمعا ؟؟؟ دي أغنية مرتجلة مصطنعة صناعة فطيرة خمييرة منجورة مفتعععلة بي صورة بااايخة كتبها في وقتها الشاعر اللي فترة كده صنع ليهو مليون أغنية الود الإسمو هيثم ..الأغنية دي في رأيي لااا تمت لي محمود بي أيي صلة ولااا بتعكس روح وشخصية محمود بالعكس بتعكس صورة محمود اللي راسما المجتمع على إنها صورةمشوهة وبيحاول ينفيها ليهم!!! فهل ده محمود؟؟؟ لأ ده الشاعر ..
بالنسبة لي اسماء الكاسيت وجانب الرثاء انا ما قلت لأ لكن انا بقول إنو ده رثاء مصطنع مفتعل مااا بيهبش جوة وصدقني ايييزول مر من هنا وبكا ففي جواهو مستحييل تكون أبكتو كلمات الأغنية بل بيكون سبب بكاهم ده سيرة محمود أو تخييل محمود ولحظات جميييلة كان لمحمود السبب الرئيسي إنو يعملا ليهم ..
يا ناذر عارف انا بحب محمود ده ليييي؟؟بعيداً عن صوتو وشخصيتو وأغانيهو ..محمود شكُل ورسم فترة طويييلة ومهمة في حياتي إمتدت من عمري 12 سنة لحدددي الليلة وإمكن لحدي ما ربنا يستلم امانتو..عارف يا ناذر أييي يوم بيمر في الفترة بين الزمنين القلتهم ليك ديل لمحمود بصمة فيها ؟؟؟ بسمع يا عمر بتذكر يوم معين في وقت معين ..بسمع خلي بالك بتذكر مكان معين مع شخص معين..بسمع سيب عنادك بتذكر موقف معين ..بسمع سمحة الصدف بتذكر حدث محدد..بسمع طروني ليك بتذكر زولة..بسمع جواب للبلد بتذكر أمي..بسمع الحجل بالرجل بتذكر البص السياحي..بسمع العجب حبيبي بتذكر مروري بشارع الدكاترة امدرمان..بسمع الكان زمان بتذكر شمس الساعة اتنين ضهر ديك في نصصص السوق العربي..بسمع يا مدهشة بتذكر يوم مغييم في داخل جامعة السودان ونحن قروب في نص نجيلة الأندر لاب..بسمع الدنيا بتعلم تفرق يووم وتلم بتذكر أولاد الحلة ونحن مأجرين حافلة وبنغني فيها وماشين نلعب مع أولاد الموردة ..بسمع إتفضلي وانا لسة بحن ليك بتذكر السودان وإني قاعد في السعودية بسمع وبسمع وبسمع فبتذكر واتذكر واتذكر ..محمود بالنسبة ليي يا ناذر ما فنان نووووو ..محمود بالنسبة لي الزول اللي رسم وشكّل وجدان وحياة عمر الفاروق.. يا ناذر انا شكلي الحالي ده شكَلو محمود فهذه الدقن الدائرية ومن يوووم ما عيني وقعت في وش محمود قعدت للحلاق وطلعت صورتو وقلت ليهو بببس زي دي..ومن يومها يا ناذر وصدق أو لا تصدق انا ما غيرت أو شلت الدقن دي وإسبوووعي ولي أكتتتر من 15 سنة انا مداوم على المشي للحلاق مخصوص للدقن دي فهي ما تبقت لنا من محيّا محمود ربي يرحمو ..

Post: #33
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 14-02-2013, 12:01 PM
Parent: #32

هلا معاذ علي حسن ..

Quote: سلامي ناذر..المؤدي هو حسين حمد ..اقرب صوت لمحمود وهو من كوستي وله قصه طريفه انه اول مرة سمع محمود كان عمره 12 سنة وكان مرسلنو الدكان سمع صوت محمود طالع من بيت بدون يشعر قعد تحت الشباك لمن كمل الشريط وتاني يوم جاء الخرطوم يفتش محمود...رحمه الله



مشكور على تعريفنا بالشاب حسين حمد ..

Post: #34
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 14-02-2013, 05:42 PM
Parent: #33

مشكور وائل فحل على القصيدة المعبرة :

Quote: شكرا يا ناذر على الاغنية ... للشباب الما اشتغلت معاهم ممكن يسمعوها في اليوتيوب :

ويا عمر الفاروق شكرا على الكلام الكتبتو فوق ، في رايي انو واحدة من القصايد الجميلة في رثاء محمود كتبها اخونا قيس الصديق ، في نفس يوم الوفاة ، دي كلماتها :

وكان صوت الولد طالع ..

بشارة وتذكرة وعنوان

وكان يا حوته ليل مغناك

جراحو وضحكتك سيان

وكان خوف الوجع منك

تنشف ريقنا بالأحزان

وترحل ليه قبل تنسج

خيوط الفكرة يا انسان



...



جرحك النديان وناشف

في كيانا وما بنقولو

غيمك السافر بعيد

كنا منتظرين هطولو

زفة اوجاعك مراسم

والحزن دقت طبولو

يعني مليتنا ومشيت

نصاب عميرك تم حولو

لي وين رحيلك في زمان

ليلو اطول من نهارو

والغياب يا حوته كيفن

نحن نستحمل ودارو

حوته شقيش المسير

نيلنا كيف غير مسارو

طيف غناويك اللطاف

تاني كيفن اجترارو



....





سويتا احزانك بحر

فارد مدى الايام شراع

غردت بي صوتك صهيل

والاغنيات ضي الشعاع

تيربت في الخاطر شجون

بالحسرة والخوف والضياع

لكن نسيت قبل الرحيل

يا حوته ليه لحن الوداع ؟

Post: #35
Title: Re: (يوم قالوا لي سكت الرباب) ..اغنية في رثاء محمود بصوت الفنان سامي
Author: ناذر محمد الخليفة
Date: 14-02-2013, 05:46 PM
Parent: #33

مالدني

Quote: اول امس نقلتها بلوتوث من ابن اخي وقال لي اسامه عمل الاغنيه الجميله دي في رثاء محمود واسامه فنان شاب صوته مثل محمود من عطبره ويتغني في حفلاته باغاني محمود من زمن طويل...اين الحقيقه لحفظ الحقوق...تحياتي اخ نازر....


الحقيقة ان الفنان اسمه حسين حمد وكما ذكر أخونا وائل فحل فيوجد للأغنية نسخة في اليوتيوب ..