Post: #1
Title: المنبر بقى كدة مالو ؟!!!!
Author: ناذر محمد الخليفة
Date: 10-31-2013, 01:17 PM
|
Post: #2
Title: Re: المنبر بقى كدة مالو ؟!!!!
Author: معاوية عبيد الصائم
Date: 10-31-2013, 01:19 PM
Parent: #1
اسال صلاح غريبة
عيدك مبارك يامواطن
|
Post: #3
Title: Re: المنبر بقى كدة مالو ؟!!!!
Author: ناذر محمد الخليفة
Date: 10-31-2013, 01:33 PM
Parent: #2
هلا مواطن معاوية وعيدك مبارك ..
صلاح غريبة ما شايفو حتى في المنبر !!
لكن النسألك ..
الواحد زمان يخش المنبر اقلاها يقعد ساعة يقرا 20 موضوع ..!!
هسي تخش عشرة دقائق ما تقدر تقرا غير العناوين !!
ليه بس كدة بس ؟!!!
|
Post: #4
Title: Re: المنبر بقى كدة مالو ؟!!!!
Author: عبد اللطيف السيدح
Date: 10-31-2013, 01:36 PM
Parent: #3
بسبب الحظر المفروض علي الكيزان
|
Post: #5
Title: Re: المنبر بقى كدة مالو ؟!!!!
Author: ناذر محمد الخليفة
Date: 10-31-2013, 01:45 PM
Parent: #4
العلاقة شنو يا السيدح ؟!!
معليش ما متابع !!
|
Post: #9
Title: Re: المنبر بقى كدة مالو ؟!!!!
Author: عبد اللطيف السيدح
Date: 10-31-2013, 02:16 PM
Parent: #5
العلاقة يا ناذر
وجه بكري رسالة شديدة اللهجة لمنؤيدي الحكومة مفادها اذا تحدث احدكم عن الاحتجاجات ووصفها بأنه تخريب فهو عرضة للايقاف
يعني المنبر كان يشوت في اتجاه واحد
لذلك احتجب ود الباوقة وعلاء الدين ومناصريهم
|
Post: #6
Title: Re: المنبر بقى كدة مالو ؟!!!!
Author: هشام كمال عبادي
Date: 10-31-2013, 01:47 PM
Parent: #4
الوجيه ناذر الخليفة عيدك مبارك يا اخوي ما قابلناك في العيد ..
والله نفس الشعور يا حبيب بخصوص المنبر ..
احلي بوستات الايام دي بوستات ام حازم ربنا يديم عليها الصحة والعافية ..
حتى الطوربيد صاحبك دا بقى يجليها واقفة ..
الحاصل شنو بالجد ..
|
Post: #7
Title: Re: المنبر بقى كدة مالو ؟!!!!
Author: Asim Fageary
Date: 10-31-2013, 01:51 PM
Parent: #6
يا ناذر
سلام مربع
إنت كدي أسع جيب لينا صور الأغاريق الزمان كانوا في السودان
وصور حفلات قديمة بعدين تعال نتفاهم
في إنتظارك يا غالي
|
Post: #8
Title: Re: المنبر بقى كدة مالو ؟!!!!
Author: ناذر محمد الخليفة
Date: 10-31-2013, 01:56 PM
Parent: #6
أخونا هشام كمال كيف اخبارك ؟
Quote: وجيه ناذر الخليفة عيدك مبارك يا اخوي ما قابلناك في العيد ..
والله نفس الشعور يا حبيب بخصوص المنبر .. |
عيدك مبارك .. والله المنبر بقى زي الماياهو .. فاقدين منبر زمان والاكشن والناس البتحبها !!
هسي في ركود وفي ناس ما فيشين والسيدح قال الكيزان محظورين .. أمكن دي كلها اسباب البيات الحاصل دا .!!
| Quote: احلي بوستات الايام دي بوستات ام حازم ربنا يديم عليها الصحة والعافية .. |
عفيت منها أم رشيرش .. عارفا بتسد الفرقة .. هي رجعت متين ؟!
| Quote: حتى الطوربيد صاحبك دا بقى يجليها واقفة .. |
مكنتو خفت تكون .. يا معاوية لازمك مشوار لي اميرنا الكوشي يعمل ليك ليها عمرة وتغيير بلوفات !!
|
Post: #10
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-01-2013, 01:37 PM
Parent: #8
كيفك يا السيدح ..
Quote: لعلاقة يا ناذر
وجه بكري رسالة شديدة اللهجة لمنؤيدي الحكومة مفادها اذا تحدث احدكم عن الاحتجاجات ووصفها بأنه تخريب فهو عرضة للايقاف
يعني المنبر كان يشوت في اتجاه واحد
لذلك احتجب ود الباوقة وعلاء الدين ومناصريهم |
المخربون في والمحتجون في !!
كل مخرب هو محتج لكن ليس كل محتج مخرب !!!
الظاهر كيزان المنبر بقصد او بدونه خلطوا موية وزيت وما فرزوا البتاعات (بقصد) لصالح أجندتم الخاصة ولصالح تشتيت الكورة !!
عشان كدة اخونا بكري قرر يعمل ليهم عمرة ويغير ليهم بساتم ..!!!
دا هو قصدك يا السيدح ولا أنا غلطان ؟!!
لكن أنا ضد الاحتجاب والحردان .. يا ريت الشباب ديل يرجعوا ويسموا الحاجات بمسمياتا عشان المنبر يرجع تاني زي الأول ..!!
|
Post: #11
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-01-2013, 01:39 PM
Parent: #8
هلا عاصم فقيري كيفك وأخبارك ..
Quote: ا ناذر
سلام مربع
إنت كدي أسع جيب لينا صور الأغاريق الزمان كانوا في السودان
وصور حفلات قديمة بعدين تعال نتفاهم
في إنتظارك يا غالي |
الحاجات دي ساهلة بتجي .. لكن المنبر بي طريقتو دي ما مشجع والله ..!!
|
Post: #12
Title: Re: المنبر بقى كدة مالو ؟!!!!
Author: معاوية المدير
Date: 11-01-2013, 02:00 PM
Parent: #11
غيابك وبعض الناس ترك اثر.
تحياتي يا ناذر،
ونشوفك في شهر واحد إن شاء الله...
|
Post: #13
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-02-2013, 10:26 AM
Parent: #12
مشكور يا مدير ..
نشوفك بعد شهرين إنشاء الله !!!
|
Post: #14
Title: Re: المنبر بقى كدة مالو ؟!!!!
Author: Frankly
Date: 11-02-2013, 11:04 AM
Parent: #13
مرحباً بعودتك يا ناذر
المنبر فاقد ملح طعام وبقى مسيخ عليك الله شوف ليك اقرب "كديسة" ونزل لينا قصتها بطريقتك الحلوة ولا نزل لينا بيت جديد من الساس للتشطيب بالثري دي
والمنبر ح يطعم
مصيبة المنبر في الشخصنة الزائدة عن الحد واللغة المتعسفة والناس الغاوية مشاكل عشان تغطي بها مشاكلها الحياتية الخاصة
|
Post: #15
Title: Re: المنبر بقى كدة مالو ؟!!!!
Author: adil amin
Date: 11-02-2013, 01:41 PM
Parent: #13
Quote: مشكور يا مدير ..
نشوفك بعد شهرين إن شاء الله !!! |
|
Post: #16
Title: Re: المنبر بقى كدة مالو ؟!!!!
Author: وضاحة
Date: 11-02-2013, 03:25 PM
Parent: #15
ود الخيفة سلامات يا زول
Quote:
يعني المنبر كان يشوت في اتجاه واحد
لذلك احتجب ود الباوقة وعلاء الدين ومناصريهم |
احتجب ود الباوقة لانوا عرف حقيقة نفسوا وراى الناس فيه وفى سيدوا بشة وخجل على حالوا
اما علاء الدين الاضينة ما بظهر الا علشان يبرر لى اسيادوا افعالن المشينة المخجلة ويدافع عن الحرامية والكلاب بتاع حكومتوا والقتلوا الشهداء والشباب من بنى جلدته
واخر بوست عن الولد الضكر ود الهلالية الكفت ليك ابو العفين فى وشوا بالمركوب وبعد داك اتضح وانفضح كذبوا تانى يجى بياتوا وش
بالله عليك ديل بشر يخافوا من اسيادن وما يخافوا من ربنا الخلقن وخلق اسيادن
ديل لما يموتوا حا بقابلوا ربنا كيف ؟؟؟؟؟!!!!!
|
Post: #17
Title: Re: المنبر بقى كدة مالو ؟!!!!
Author: سامى عبد المطلب
Date: 11-02-2013, 10:17 PM
Parent: #16
العزيز ناذر كدى جيب لينا حاجة من حاجات المعلم كدايس ولا قصصك الجميلة ديك
ياخى تتذكر اخر بوست كتبتو بتين ؟
بغياب الاقلام الجميلة تتمدد مساحات القبح فى المنبر
|
Post: #18
Title: Re: المنبر بقى كدة مالو ؟!!!!
Author: Abureesh
Date: 11-02-2013, 10:25 PM
Parent: #17
سلام يا ناذر.
Quote: الواحد زمان يخش المنبر اقلاها يقعد ساعة يقرا 20 موضوع ..!!
هسي تخش عشرة دقائق ما تقدر تقرا غير العناوين !! |
ستين على عشرين = تلاتة
عشرة على (س) = ص
المعادلة غير قابلة للحل.
زمان تقرأ موضوع واحد فى تلاتة دقائق
الان تقرأ عدد غير معروف للعناوين فى عشـرة دقائق..
|
Post: #19
Title: Re: المنبر بقى كدة مالو ؟!!!!
Author: معاوية المدير
Date: 11-03-2013, 00:50 AM
Parent: #18
مشكور أخي عادل أمين.
يا اخي إن شاء الله نقابلكم في ساعات الخير...
|
Post: #20
Title: Re: المنبر بقى كدة مالو ؟!!!!
Author: Shawgi Sulaiman
Date: 11-03-2013, 12:19 PM
Parent: #19
الاخ ناذر تحياتي
المنبر كان حر واصبح غير حر
|
Post: #21
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-03-2013, 12:27 PM
Parent: #19
هلا فرانكلي ..
Quote: رحباً بعودتك يا ناذر
المنبر فاقد ملح طعام وبقى مسيخ عليك الله شوف ليك اقرب "كديسة" ونزل لينا قصتها بطريقتك الحلوة ولا نزل لينا بيت جديد من الساس للتشطيب بالثري دي
والمنبر ح يطعم
مصيبة المنبر في الشخصنة الزائدة عن الحد واللغة المتعسفة والناس الغاوية مشاكل عشان تغطي بها مشاكلها الحياتية الخاصة |
فعلا والله في اقلام كتير اختفت كانت بتدي المنبر نكهتو القديمة .. الأقلام دي أنا شايفا بتكتب بي صورة مستمرة ويومية في الفيس !!
في بيت جديد ثري دي انشاء الله حا انزل صورو عما قريب ونشوف راي السادة المهندسين واهل الأختصاص ..
هو بالله لسع في ناس في المنبر بيشخصنوا القضايا العامة ؟! أنا كنت فاكر المنبر اتجاوز الحتة دي من زمان ..!!
|
Post: #22
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-03-2013, 12:37 PM
Parent: #19
ههههههههههه يا عادل أمين ..
Quote: Quote: مشكور يا مدير ..
نشوفك بعد شهرين إن شاء الله !!! |
حلوة الوهمة مش ؟ قال شهر واحد وأنا عملتها زي أحمد وحاج أحمد ..
|
Post: #23
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-03-2013, 03:01 PM
Parent: #22
كيفك وضاحة ..
Quote: احتجب ود الباوقة لانوا عرف حقيقة نفسوا وراى الناس فيه وفى سيدوا بشة وخجل على حالوا
اما علاء الدين الاضينة ما بظهر الا علشان يبرر لى اسيادوا افعالن المشينة المخجلة ويدافع عن الحرامية والكلاب بتاع حكومتوا والقتلوا الشهداء والشباب من بنى جلدته
واخر بوست عن الولد الضكر ود الهلالية الكفت ليك ابو العفين فى وشوا بالمركوب وبعد داك اتضح وانفضح كذبوا تانى يجى بياتوا وش
بالله عليك ديل بشر يخافوا من اسيادن وما يخافوا من ربنا الخلقن وخلق اسيادن
ديل لما يموتوا حا بقابلوا ربنا كيف ؟؟؟؟؟!!!!! |
والله خلعتيني بي كلامك دا !! يا زولة متأكدة دا كاتباهو إنتي ؟!!
زمان ماكنتي صريحة وواضحة كدة .. وكنتي بتعيبي فيني خشونة لغتي وطعني للفيل مش للضل .!!
الحصل ليش شنو يا العمرابية في غيابي هههههههههههه
لكن كدة كويس من الملاحظ أنو احتجاجات سبتمبر خلى الناص واضحة وصريحة وفرزت الكيمان وقناع الخوف زلال منها تماما ..!!
|
Post: #27
Title: Re: المنبر بقى كدة مالو ؟!!!!
Author: وضاحة
Date: 11-03-2013, 03:24 PM
Parent: #23
| Quote: الحصل ليش شنو يا العمرابية في غيابي هههههههههههه |
الم ضفاير كبرت والزمن علمها
وطلعت الشرابات والمريول ولبست بوت وجات المنتدى وحاتك بقيت اكفت اى كوز من طرف وادوسوا دوس
بعد فقدت أحلى وأجمل قلب واطهر روح فى الدنيا كان برئي ونطيف كتلوا قدر ساى يا ناذر
***** وحشتنى يا فردة *****
|
Post: #24
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-03-2013, 03:02 PM
Parent: #22
كيفك سامي .. وشكرا للسؤال ...
| Quote: ياخى تتذكر اخر بوست كتبتو بتين ؟ |
والله طولت لكن إنشاء الله قاعد المرة دي لو ربنا أبعد العوارض ..!
|
Post: #25
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-03-2013, 03:06 PM
Parent: #22
كيفك ابو الريش ...
| Quote: لمعادلة غير قابلة للحل. |
هاهاهاهاهاهاها الظاهر أنا لخبطت شوية في الحساب ..
ربنا يصلح حال المنبر ..
|
Post: #26
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-03-2013, 03:13 PM
Parent: #22
هلا شوقي ...
Quote: لاخ ناذر تحياتي
المنبر كان حر واصبح غير حر |
أنا من زمان مما المنبر كان اسمو المنبر الحر وقام سيدو سماهو المنبر العام انا راسي ضارب !!
لكن كدي قول لي : الاستعمر منبرنا منو ؟!
|
Post: #28
Title: Re: المنبر بقى كدة مالو ؟!!!!
Author: د.محمد حسن
Date: 11-03-2013, 04:09 PM
Parent: #26
يا ناذر سلامات
عيدا مبارك عليك
بس ليه كلهم بتكتب ليهم بالاحمر
ولي وضاحة بالاخضر؟
انا عايز الازرق الوهاج
|
Post: #29
Title: Re: المنبر بقى كدة مالو ؟!!!!
Author: محمد حمزة الحسين
Date: 11-03-2013, 06:36 PM
Parent: #28
هلا بي ود الخليفة عوداً حميداً مستطاب
يا زول موية كتيرة اتسربقت تحت الكبري
بظهورك اديتنا الامل وإطمنا لي رجوع القماري لي وطن ما لا طن له
فى انتظارك وانتظار الثري دي واي حاجه منك حلوة
:
:
:
:
:
مع التحيات لله الزاكيات
|
Post: #30
Title: Re: المنبر بقى كدة مالو ؟!!!!
Author: بشير أحمد
Date: 11-03-2013, 07:13 PM
Parent: #29
Quote: Ali Hassan Menefi ·
المنبر كان يعج بمختلف الوان الطيف السياسى والثقافى والاقتصادى ولكن بكرى حوله اتجاه واحد وجعله جريدة حائطية لاناس
معروفين لدى القراء بضعف المصداقية
اذ ليس من المعقول ان تدخل المنبر لتقرا لاناس انت تعرف سلفا ماذا يكتبون وماذا يقولون مما حدا بالكثيرين بالبحث عن منابر
اخرى توفر الراى والراى الاخر
على بكرى مراجعة سياسته وفك احتكارية المنبر لصالح الكل اعضاء وقراء
|
تعليق اعجبني..شكرا اخي علي.
________
تحياتي؛؛؛
|
Post: #31
Title: Re: المنبر بقى كدة مالو ؟!!!!
Author: طارق ميرغني
Date: 11-03-2013, 07:37 PM
Parent: #30
كلامك صحيح اخي ناذر
المواضيع كلها بقت توتر في توتر
يبدو ان الحالة الاقتصادية هي بقت الموجه للمواضيع
بالاضافة الي الانتفاضه الاخيره مما ادي لفرز الكيمان
زمان كنا نستمتع بالمواضيع المتنوعه الفنيه والساخره وغيره لكن الان لا توجد
اين الموصلي ومحمد المرتضي وترهاقا وزكريا والطيب شيقوق والكثيرون الذين توقفوا عن الكتابه
|
Post: #32
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-03-2013, 09:49 PM
Parent: #22
شكرا منال ..
| Quote: دا لله علي السلامه. كنا نقرا لناذر اجمل البوستات ونستمتع بها ونفتقد معتز تروتسكي ,دكين واخرون |
انتي منال الكنتي بتكتبي من ألمانيا وأتقابلنا في القاهرة 2007 ولا ما انتي ..!!
يا خي أستحلفك بالله لو دي انتي بطلي الكتابة من تحت وتعالي بي فوق .. بالجد دايرين اقلام زيك كدة عشان نعدل حال المنبر الميل دا ..!
|
Post: #33
Title: Re: المنبر بقى كدة مالو ؟!!!!
Author: يحي قباني
Date: 11-04-2013, 00:19 AM
Parent: #32
ناذر ...
سلامات يا فنان ... و انشالله كل الاسره بخير ... و رحم الله والدكم ... ووالدتنا
سنة عصيبة يا ناذر ...
__________________________
بالنسبة للمنبر ... نجيك للمشاغلة ...
اعتقد المشكله دايره سنة بالتمام و الكمال لغاية ما تعرفوا ( العيب ) وين ...
اقترح علي بكري التالي :
الكوتة الضخمة الفتحها بكري ابتداء من اغسطس 2012 ... و ( الأنا منهم ) ... و مجموعة 2013 ...
اقترح توقيفنا جميعاً لمدة 3 شهور ... ثم التقييم ...
لو ما جابت نتيجة ... يتم ارجاعنا ...
و يتم توقيف كل الكيزان .. واشباه الكيزان ... وزي ما قال عادل امام ... والماكوز .. وواقف جنب كوز ... لمدة 3 شهور ...
و يتم التقييم ...
مافي نتيجة ؟ ... يت ارجاعهم ...
و ال3 شهور البعدها ... يتم توقيف كل السياسيين و الناشطين و انصاف السياسيين ... الغير كيزان ... لمدة 3 شهور اخري ...
لو ما في نتيجة بعد ده كلو ....
يوقفوا بكري 3 شهور ... و يشوفوا واحد من الناس ( الفاقدنهم ) يدير الموقع لمدة 3 شهور ...
اها قصرت معاك ؟
________________________________________________________________________________
بعيدن بصراحة قصة وين فلان و يا حليل ايام فلانه ...
الحادب علي مصاحة المنبر ده ... يجي يكتب و يحاول يغير ( الصورة القبيحة ) الانتو شايفنها دي ...
البيمنع شنو ؟ ... يعني لازم المنبر يكون مقشوش و مرشوش عشان الناس تكتب ؟
____________________________________________________________
نقطة اخيره ...
المنبر مرآه لحال البلد و المجتمع ...
فسرها دي انت براك ... :)
|
Post: #34
Title: Re: المنبر بقى كدة مالو ؟!!!!
Author: ناذر محمد الخليفة
Date: 11-04-2013, 10:20 PM
Parent: #33
جاييكم بي مهلة للردود ...!!
|
|