Post: #1
Title: فمتى ينفصل متسوليهم ومتشرديهم ؟!
Author: ناذر محمد الخليفة
Date: 06-26-2011, 10:34 AM
سألنا وقتها عن (متى) وليس (كيف) ..!
السطر أعلاه رداً على من أرسل لي يشتمني عبر البريد ويقرعني بأشنع الألفاظ ..!!
رحمهم الله رحمة واسعة ..!
|
Post: #2
Title: Re: فمتى ينفصل متسوليهم ومتشرديهم ؟!
Author: محمد إبراهيم علي
Date: 06-26-2011, 11:15 AM
Parent: #1
| Quote: السطر أعلاه رداً على من أرسل لي يشتمني عبر البريد ويقرعني بأشنع الألفاظ |
ما تستاهل يا فنان
لكن ربما قرأها احد المهووسين فابدل الـ(متى) بالـ(كيف)
|
Post: #3
Title: Re: فمتى ينفصل متسوليهم ومتشرديهم ؟!
Author: ناذر محمد الخليفة
Date: 06-26-2011, 01:43 PM
Parent: #2
سلام محمد إبراهيم ..
ديل غايتو قاصدين التبديل دا ..!
زمان كلمة مهووسين إرتبطت بي الإسلاميين .. الأيامات دي إرتبطت بي النقيض تماما نسأل الله السلامة ..!!
مشكور للمؤازرة ويا ريتو لو فهم الزول دا ..!
|
Post: #4
Title: Re: فمتى ينفصل متسوليهم ومتشرديهم ؟!
Author: الشاذلى خيرى عبد الله
Date: 06-26-2011, 01:57 PM
Parent: #3
انت انسان جميل وماتستاهل ..
ــــــــــ
رحمهم الله رحمة تنسيهم شقاء الدنيا.
مودتى يا ناذر
|
Post: #5
Title: Re: فمتى ينفصل متسوليهم ومتشرديهم ؟!
Author: ناذر محمد الخليفة
Date: 06-26-2011, 04:27 PM
Parent: #4
حبيبنا الشاذلي ..
مشكور على الإطراء يا مان .. بس تقول شنو !!
|
Post: #6
Title: Re: فمتى ينفصل متسوليهم ومتشرديهم ؟!
Author: الشاذلى خيرى عبد الله
Date: 06-26-2011, 06:46 PM
Parent: #3
معليش للتكرار ..
|
Post: #7
Title: Re: فمتى ينفصل متسوليهم ومتشرديهم ؟!
Author: HAIDER ALZAIN
Date: 06-26-2011, 06:55 PM
Parent: #1
العزيز ناذر..
قريتها وقتها.. وفهمتك كما تريد.. اظني - او ما عارف ما اتداخلت.. المهم قريتك صاااح
وانت دايماً معروف صاح وواضح حد السيف
انساك من الوهم دا يكون حاصل ليهو انجزاب روحي في حولية كانت مدورة ضد الجلابة بيظنك داعم مؤسستها
لك التحية وواصل في قرايتك
ــــــــ
لو حويلتو زاد صيتها انقر دلوكة وسوطك يكون ممسح اخرط ليك ضهرين بتشوف المدافرة بعدها برة الدارة ويركز السمين يقيف الضعيف يقع ههههه
إنفصل الجنوبيين عن الشمال .. فمتى سينفصل متسوليهم ...انينهم ومتشرديهم ؟؟!
|
Post: #8
Title: Re: فمتى ينفصل متسوليهم ومتشرديهم ؟!
Author: ناذر محمد الخليفة
Date: 06-26-2011, 08:58 PM
Parent: #7
مشكور حيدر الزين ..
تعرف في بوستات كدة بيحصل فيها فش غبائن ما عادي .. يجيك فيها الأعمى شايل المكسر والأحوص سائق الاشتر .. البوست داك معظم الإتداخلوا معاي وكتبوا فيهو أي واحد فيهم كان شايل معاهو مصفاة 3 بوصة عشان عندو حساب قديم داير يصفيهو معاي .. وأنا متأكد كلهم فاهمين أنا قاصد شنو ووضحت فهمي وكلامي ما عندو علاقة بي الحكومة ولا المعارضة والعكس في معارضين كتار إتفقوا معاي في كلامي الكتبتو .. لكن في ناس كدة نسأل الله السلامة نافذ فيها قدر الله .. ودي أساسا ما جاية قاصدة تفهم أو تناقش وديل القال فيهم المثل (مرمي الله ما بيترفع ولو جيت ترفعو بيرميك معاو) ..!
الزول الرسل لي دا تتصور قناعتو شنو ؟! قناعتو إنو بوستي داك كان بيحرض لي التخلص من المشردين بأي طريقة حتى لو كانت قتلهم ..! عليك الله يا حيدر الزين أنا قلت كدة ؟؟؟!!
وفهمو إنو واحد من جهابذة الحكومة أخد الفكرة وطبقا !! يعني بقاني مرشد روحي عدييل ..!
الناس دي ما قادرة تفهم أنا إيدي ما بعلما الرجعة ..! رايي واضح والما فاهم كلامي مستعد أقعد معاو وأفهمو الداير يفهمو .. لكن أي زول يجيني بي غبينة قديمة أو جديدة وداير يفشها بديهو في راسو لمن يفهم حاجة ..
والبوست قاعد في المكتبة وممكن يجي هنا والناس تتناقش تاني لأنو بي نفس فهم الزول الشتمني دا ممكن أقول ليهو حكومة الجنوب متورطة في موت المشردين ديل عشان ما تتحمل تكلفة ترحيلم وإعادة تأهيلم في الجنوب ..
لكن أنا ما بفكر كدة وما ببهت الناس من طرف ..!
لاحظ معاي لي عدد زوار البوست يا حيدر مقارنة بالمتداخلين وإنت حا تعرف قصدي شنو ..!
|
Post: #9
Title: Re: فمتى ينفصل متسوليهم ومتشرديهم ؟!
Author: حيدر حسن ميرغني
Date: 06-26-2011, 09:14 PM
Parent: #8
ناذر صاحبي الزمان
بطل خرخرة
كامل تضامني مع اولاد شمس
|
Post: #10
Title: Re: فمتى ينفصل متسوليهم ومتشرديهم ؟!
Author: ناذر محمد الخليفة
Date: 06-27-2011, 04:30 PM
Parent: #9
حبيبنا الزمان حيدر ..
وييييينك يا راجل ؟!!
| Quote: كامل تضامني مع اولاد شمس |
كامل تضامني معاهم برضو في محنتم الأخيرة ..!
الحلول موجودة لكن منو البينفذ ؟!!
|
|