Post: #1 Title: أحب دينك ودين سماحتك !! Author: ناذر محمد الخليفة Date: 04-27-2011, 07:44 AM
احب دينك ودين سمآحتك انته جوة قلبي عذب فيني بـ رآحتك ان شاء الله تكتلني احب دينك ودين ابوكا و بالقمرة بشبهوكا حبيبي العسل جنبك سيب النحل الباروكا احب دينك ودين امك عذبني وما يهمك لو ضاقت بيك مكانة في قلبي تعال المِّك احب دينك ودين زاتك يا الكاملات صفاتك يا الكاتلني بـ حلاتك يا الاحلى من اخواتك ..!!
Post: #3 Title: Re: أحب دينك ودين سماحتك !! Author: فيصل نوبي Date: 04-27-2011, 07:52 AM Parent: #2
جيب دي عشان أديك واحده بنقوية عديل كده
Post: #4 Title: Re: أحب دينك ودين سماحتك !! Author: محمد عبد الماجد الصايم Date: 04-27-2011, 07:52 AM Parent: #1
إنا لله! تاني باقي شنو؟
Post: #5 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 08:14 AM Parent: #4
كدي يا جماعة أول حاجة ..
في فيديو في الفيس بوك فيهو الغنية دي ..
يجيبوهو هنا كيف !!
Post: #6 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 08:19 AM Parent: #4
روميو ..!!
Quote: جيب دي عشان أديك واحده بنقوية عديل كده
نسأل الله السلامة ..
صحبي علي كدايس سواق الحافلة الهايس جا براني بي فلاش 4 قيقا فيهو أغاني غريبة ..
انا بسمع وبتمحن بقول يا ربي الأغاني دي بيغنوها وين وكيف والبيسمعا منو وبعد ما يرجع البيت قبل النوم بيعمل شنو !!
غايتو سألت الله السلامة وستر الحال والكرامة .. وحمدت الله الواحد بطل يغني في الحفلات وإنجبر بس على غناء القعدات ..
كدي سمعنا البنقوية العندك !!!
Post: #7 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 08:20 AM Parent: #4
ود الصائم ..
Quote: إنا لله! تاني باقي شنو؟
الشفع والوتر !!
Post: #9 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 08:27 AM Parent: #7
يا جماعة لاحظو معاي ...
الزول دا حب دين محبوبتو ودين سماحتا ، وفي البيت البعديو حب دين محبوبتو ودين ابوها والبعديو حب دين محبوبتو ودين أمها !!
طيب مش المنطقي بعد داك يحي دين محبوبتو ودين أختها ؟!!
في البيت الأخير بدل يقول أحب دينك ودين أختك وصف قال (يالأحلى من أخواتك) !!
ما عارف الشغلة ليه ما واقعا لي !!
Post: #8 Title: Re: أحب دينك ودين سماحتك !! Author: بله محمد الفاضل Date: 04-27-2011, 08:25 AM Parent: #4
الباقي بس نقول سلام ساهي ونطلب الله
كلام والله
Post: #10 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 08:32 AM Parent: #8
بلة محمد الفاضل ..!!
كيف أخبارك ..!
سمعت أغنية بلة يا بلة وبلة ود عشة !!؟!
غايتو الفضل إنو سمكرجية الأغاني دي إلا يمسكو الناس واحد واحد ويفصلو ليهم أغنية على حسب أساميهم !!
Post: #11 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 08:37 AM Parent: #10
عيدروس ..
مشتاقين يا مان ..
Quote: ديني أنا
غليك الله رايك شنو في الغنية الدينية دي !!
Post: #12 Title: Re: أحب دينك ودين سماحتك !! Author: عادل نجيلة Date: 04-27-2011, 08:42 AM Parent: #11
عزيزي ناذر ...
والله لم أر وضاعة مثل هذه الكلمات سوى وضاعة كلمات ( راجل المرة >>>!!)
منتهى الإبتذاذ ... !! قال رمتلة
Post: #13 Title: Re: أحب دينك ودين سماحتك !! Author: عادل نجيلة Date: 04-27-2011, 08:48 AM Parent: #12
ودعني أسائلك ناذر كيف يسمح لك قلمك و ضميرك في أن تنشر مثل هذه الكلمات ال########ة شعرآ و معنآ ,,,!! فمن ماتكتب تتسلل علينا مثل هذه الأغاني ال########ة تتبعها كلماتها ...
Quote: [احب دينك ودين سمآحتك انته جوة قلبي عذب فيني بـ رآحتك ان شاء الله تكتلني احب دينك ودين ابوكا و بالقمرة بشبهوكا حبيبي العسل جنبك سيب النحل الباروكا احب دينك ودين امك عذبني وما يهمك لو ضاقت بيك مكانة في قلبي تعال المِّك احب دينك ودين زاتك يا الكاملات صفاتك يا الكاتلني بـ حلاتك يا الاحلى من اخواتك ..!!
بالمناسبة يا أستاذ عادل نجيلة لمن الزول يقول غنا هابط بي يكون قاصد يا ربي: 1- اللغة ركيكة و بعيدة عن العربية الفصيحة؟ 2- اللغة بي تستعمل المسكوت عنه (التلميحات الجنسية)؟ 3- المعاني ما مبدعة (قصور في المخيلة الفنية)؟ 4- ؟؟؟؟ لانو باقي لي التعريف ما دقيق
انا ما مافي حاجة محيراني اكتر من الدعاية بتاعت ريشي كولا البيجبوها في قووون الحشت افكارنا يوم مباراة الهلال بعدين ياخي قناة قووون دي شنو - ماداير افتل ليك البوست غايتو الجيل القايم دا ما عندو قيم فنية زيكم انتو ناس زمان
الصادق
Post: #15 Title: Re: أحب دينك ودين سماحتك !! Author: بله محمد الفاضل Date: 04-27-2011, 08:52 AM Parent: #10
حليلك يا ود الخليفة هو دا غناء بالله عليك
أخير نسكت ساهي ونعيش في جلابية أمبارح وهيطة وسمحة
Post: #18 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 09:05 AM Parent: #15
عادل نجيلة ..
Quote: والله لم أر وضاعة مثل هذه الكلمات سوى وضاعة كلمات ( راجل المرة >>>!!)
والله كان كدة إنت لسع ما سمعت حاجة !!
والله في كلمات اغاني راجل المرة دي تعتبر معلقة من معلقات الكعبة بالمقارنة بيها !!
Quote: ودعني أسائلك ناذر كيف يسمح لك قلمك و ضميرك في أن تنشر مثل هذه الكلمات ال########ة شعرآ و معنآ ,,,!! فمن ماتكتب تتسلل علينا مثل هذه الأغاني ال########ة تتبعها كلماتها ...
لو رجعت لي مكتبتي حا تلقى غني كتبت الكتير من البوستات والمقالات حول الأغاني الهابطة ونشرت لي الصحف هنا الكثير منها لأن الغرض منها هو التبصير للناس للدرجة السحيقة الوصلت ليها الساحة الفنية هنا وإنحطاط أذواق الناس !! يعني هسي اغنية زي دي يستحيل تتغنى في أي حفلة عامة او خاصة وحدها بس المنتديات والركشات والهايسات .. وأنا فوق سألت قلت الأغاني دي بتتغنى وين وكيف ومتين والبيسمعا منو !!
لا زم الناس تسمع اغاني زي دي عشان نعرف نحن وصلنا وين وكيف وليه وحا نطلع من الحتة دي كيف !!
عشان كدة دفن الرؤوس في الرمال ما بينفع ولازم نتعامل مع واقعنا الفني بي كل وضوح وشفافية لأنو الأغاني دي موجودة في الساحة ومنتشرة سواء ناذر جابا هنا أو ما جابا !!
Post: #19 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 09:06 AM Parent: #15
اشرف ..
Quote: دي تبع الغنية يا ناذر ولا حقتك؟ عشان حقك الأدبي ما يضيع
دي تبعي .. أحفظ الحقوق يا مان ..!!
Post: #20 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 09:07 AM Parent: #15
بلة ..
Quote: حليلك يا ود الخليفة هو دا غناء بالله عليك
إنتو حالتو ما سمعتو الغنية وقريتو الكلمات بس ..!!
Post: #21 Title: Re: أحب دينك ودين سماحتك !! Author: بله محمد الفاضل Date: 04-27-2011, 09:10 AM Parent: #20
والله كفاية علينا تب السمعناهو من نوع بله يا بله ديك
وبعض ما اتحفتنا به جدة في مناسبات عدة والله ما متذكرا ظاتا
شفتا كيفن دا غناء حدو كرو كرو ومزازيك بس يعني كلامو ما تفرزو وإن فرزتو تعمل رايح
Post: #22 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 09:12 AM Parent: #20
الصادق !!
Quote: غايتو الجيل القايم دا ما عندو قيم فنية زيكم انتو ناس زمان
البيقرا كلتامك دا يقول أنا من جيل كرومة وزنقار وعشة الفلاتية ..!! مشكلتي إني من الجيل دا .. بس بسأل الله السلامة منو ..!!
Post: #23 Title: Re: أحب دينك ودين سماحتك !! Author: احمد التجانى احمد Date: 04-27-2011, 09:13 AM Parent: #15
Quote: غليك الله رايك شنو في الغنية الدينية دي
يا ناذر وردى سالته مذيعة " ليه يا استاذ وردى ما غنيت اغانى دينية"
قال ليها كيف ما غنيت , عندك مثلا خاف من الله على قلبى
Post: #24 Title: Re: أحب دينك ودين سماحتك !! Author: سيف النصر محي الدين Date: 04-27-2011, 09:15 AM Parent: #4
سلامات يا ناذر غنيتك دي ذكرتني نكتة الاستاذ الحلفاوي القال للطلبة انتو عارفين الدين ده بتاع منو؟..الخ.
Post: #25 Title: Re: أحب دينك ودين سماحتك !! Author: Abuelgassim Gor Date: 04-27-2011, 09:21 AM Parent: #1
يا ناذر دى قوية دى !! أتقطعت فيها عديل عليك الله دى أغنية ولا ملاكمة !! أها قبضتك تانى
Post: #26 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 10:22 AM Parent: #25
أحمد
Quote: يا ناذر وردى سالته مذيعة " ليه يا استاذ وردى ما غنيت اغانى دينية"
قال ليها كيف ما غنيت , عندك مثلا خاف من الله على قلبى
Post: #29 Title: Re: أحب دينك ودين سماحتك !! Author: عمران حسن صالح Date: 04-27-2011, 10:27 AM Parent: #26
Quote: كدي يا جماعة أول حاجة .. في فيديو في الفيس بوك فيهو الغنية دي .. يجيبوهو هنا كيف !!
يا ناذر ده ( ذنب ) ما بنقدر عليهو والله
Post: #27 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 10:23 AM Parent: #25
سيف النصر ..
Quote: سلامات يا ناذر غنيتك دي ذكرتني نكتة الاستاذ الحلفاوي القال للطلبة انتو عارفين الدين ده بتاع منو؟..الخ.
كدي عليك الله أحكيها .. ما اتذكرتها والله ..
Post: #28 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 10:24 AM Parent: #25
بروف قور ..
Quote: عليك الله دى أغنية ولا ملاكمة !! أها قبضتك تانى
دي أغنية في شكل ملاكمة الفاصل فيها بينتهي بالضربة القاضية ...!
Post: #30 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 10:31 AM Parent: #28
عمران ..
Quote: يا ناذر ده ( ذنب ) ما بنقدر عليهو والله
مداخلة عادل نجيلة الظاهر أثرت فيك
Post: #31 Title: Re: أحب دينك ودين سماحتك !! Author: فيصل نوبي Date: 04-27-2011, 10:32 AM Parent: #28
Post: #32 Title: Re: أحب دينك ودين سماحتك !! Author: فيصل نوبي Date: 04-27-2011, 10:33 AM Parent: #31
أسمع أجيب ليكـ هنا ولا بوست جديد براها ؟
Post: #33 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 10:49 AM Parent: #32
هلا روميو ..
تراكا مواكب ومتابع الحاصل ..!!
إنت علي كدايس قريبك ولا حاجة ؟!!
بس العندي مختلفة عن العندك .. ديك بيغنيها فنان تاني ..
لكن في النهاية اللحن واحد ..
Quote: أسمع أجيب ليكـ هنا ولا بوست جديد براها ؟
لا لا .. البنقوية ديك أعمل ليها بوست جدبد عليك الله ..
Post: #34 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 10:52 AM Parent: #33
يا روميو عدل الغنية خليها تشتغل تلقائياً ....
Post: #35 Title: Re: أحب دينك ودين سماحتك !! Author: محمد الأمين موسى Date: 04-27-2011, 11:07 AM Parent: #34
Quote: الزول دا حب دين محبوبتو ودين سماحتا ، وفي البيت البعديو حب دين محبوبتو ودين ابوها والبعديو حب دين محبوبتو ودين أمها !!
طيب مش المنطقي بعد داك يحي دين محبوبتو ودين أختها ؟!!
في البيت الأخير بدل يقول أحب دينك ودين أختك وصف قال (يالأحلى من أخواتك) !!
ما عارف الشغلة ليه ما واقعا لي !!
والله يا ناذر بقيتو تلفحو ساي!!! الزول ده والد حبيبتو مسلم وأمها مسيحية وحبيبتو شاركت في ضربة بورسودان وهو مهتم بحوار الأديان! هذا كل ما في الأمر!
Post: #36 Title: Re: أحب دينك ودين سماحتك !! Author: محمد عكاشة Date: 04-27-2011, 11:08 AM Parent: #34
الحاصل شنو يا أخوانا
Post: #37 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 11:21 AM Parent: #36
دكتور محمد الأمين ..
Quote: والله يا ناذر بقيتو تلفحو ساي!!! الزول ده والد حبيبتو مسلم وأمها مسيحية وحبيبتو شاركت في ضربة بورسودان وهو مهتم بحوار الأديان!
ما بعيد ... أنا من جبيل بقول الشغلة عندها علاقة بي حوار الأديان وتعدد البتاعات ..
الله يرحمك يا التجاني يوسف بشير ...!
Post: #38 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 11:22 AM Parent: #36
كيفك يا عكش ..
Quote: الحاصل شنو يا أخوانا
الحاصل طابخين محشي ..
نغرف ليك منو ؟!
Post: #39 Title: Re: أحب دينك ودين سماحتك !! Author: محمد علي شقدي Date: 04-27-2011, 11:30 AM Parent: #34
ناذر سلامات اها اكان كرها حيكون موقفو من دين اهلها البدون فرز ديل شنو --------------------------- ولا الفكرة تعظيم لشعيرة حب ألأديان
Post: #40 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 11:40 AM Parent: #39
محمد شقدي ..
Quote: اها اكان كرها حيكون موقفو من دين اهلها البدون فرز ديل شنو
طوالي حا يعمل ليهو أغنية بتقول : أنعل ...... ودين أبوكا !!
يا ناذر بعمل في ترجمة للإنكليزية للأغنية الرهيبة لأنو احتمال عالميتها كبير جداً.
بس محتاج تترجم لي المقطع دا من لغة الغنوة للغة العربية:
Quote: سيب النحل الباروكا
- هل المقصود النحل الماشي وراء الزول دا (يعني كلمة الباروكا جاية من كلمة مباراة، بارى النحل البت مباراةً أي مشى معاها الحجل بالرجل ويكون المعنى أترك النحل السغيل دا) - أم المقصود بـ (الباروكا) هو الباروكة العادية (Wig) بتاعت الشـَـعَـر فأبدلت التاء المربوطة ألفاً كيتاً في محسن خالد، ويكون المقصود (سيب النحل الكشا مشا، أي المزيف/المستعار وتعال للأصلي).
اللحن بالإنكليزي أحسن يكون كيف؟ هيب هوب/سالسا/جاز/بلوز/رايغي/كنتري؟
Post: #44 Title: Re: أحب دينك ودين سماحتك !! Author: ناذر محمد الخليفة Date: 04-27-2011, 04:24 PM Parent: #43
مولانا إسماعيل التاج ..
مشتاقين وكدة ..
Quote: بس محتاج تترجم لي المقطع دا من لغة الغنوة للغة العربية:
أترك هؤلاء الطفيليين الذين يتبعونك ..
مع إنهم هم البيتبعوهو .. يخليهم كيف يعني ..؟!!
Quote: اللحن بالإنكليزي أحسن يكون كيف؟ هيب هوب/سالسا/جاز/بلوز/رايغي/كنتري؟
بما إنو القصيدة نحلية بحتة فأقترح اللحن يكون سريع زي طنين النحل وكدة ..
