Post: #1 Title: زيارة مفاجئة للفنان ياسر العيلفون في مكتبي (يوجد فيدو واغنية جديدة) ..!! Author: ناذر محمد الخليفة Date: 12-20-2010, 03:18 PM
فاجأني الأخ الفنان زميل المنبر الأستاذ ياسر العيلفون بزيارة لي في مكتبي (ولا زال معي حتى هذه اللحظة) وبعد أن تبادلنا السلام وأحوال البلاد والعباد ولم أترك هذه الفرصة حيث إنتهزنها (بإنتهازيتي الفنية المعروفة) وإنتزعت منه بعض الألحان والأغاني الجميلة ..
والتي كانت من بينها باكورة إنتاجه ألا وهي أغنية أمنية من كلمات الشاعر محمد سِفلة وألحانه ..
طبعا الفنان ياسر العيلفون حضر للسودان في إجازة قصيرة وسيعود إلى مقر إقامته في المملكة السعودية بعد عدة أيام ..
أترككم لتستمعوا لها ولتبدوا أرائكم حولها ..
Post: #2 Title: Re: زيارة مفاجئة للفنان ياسر العيلفون في مكتبي (يوجد فيدو واغنية جديدة) ..!! Author: ناذر محمد الخليفة Date: 12-21-2010, 02:58 PM Parent: #1
Post: #3 Title: Re: زيارة مفاجئة للفنان ياسر العيلفون في مكتبي (يوجد فيدو واغنية جديدة) ..!! Author: وليد عبد اللطيف Date: 12-27-2010, 01:37 PM Parent: #2
ناذر ... سلامات
Quote: طبعا الفنان ياسر العيلفون حضر للسودان في إجازة قصيرة وسيعود إلى مقر إقامته في المملكة السعودية بعد عدة أيام ..
أترككم لتستمعوا لها ولتبدوا أرائكم حولها ..
ياسلام يا ابو الياء ياناذر ياخي ناس العليفون ديل الحله كلها تلاقيها بتغني ديل ناس مسكونين ابداع ... . . تعرف اول مره اعرف انو ياسر العيلفون فنان ماسمعت ( العيلفون جنات عدن ) من مبارك حسن بركات
Post: #4 Title: Re: زيارة مفاجئة للفنان ياسر العيلفون في مكتبي (يوجد فيدو واغنية جديدة) ..!! Author: التيجاني عبد الباقي Date: 12-27-2010, 02:48 PM Parent: #3
تحياتي لك اخي ناذر الخليفة وللفنان الرائع ياسر العيلفون وانهار ابداعه في الرياض سيالة
لكم جميعا الود
Post: #5 Title: Re: زيارة مفاجئة للفنان ياسر العيلفون في مكتبي (يوجد فيدو واغنية جديدة) ..!! Author: ناذر محمد الخليفة Date: 12-27-2010, 05:32 PM Parent: #4
يا خي والله العيلفون ما شاء الله عليها مبالغة .. حتى ياسر نفسو حكى لي عن إنو كيف المنطقة دي بتفرخ الفنانين من مختلف ضروب الفن .. وطبعا بدون ما نذكر أسماء فنانين كبار ومخضرمين نشاوا وترعرعوا في العيلفون ..
لك التحية الأخ وليد وأشكرك على ما ذكرته من حديث طيب في حق أهلي في العيلفون والحديث يطول عنهم في مجال الفن ولكن سأعود لك مرة اخرى ، بس يا ريت أعرف رأيك في التجربة علشان أستفيد منه ،
في البداية أشكر يا أستاذ ناذر وأتمنى أن أكون قد وفقت في الإختيار ،، وآسف للرد المتأخر لكن طبعاً الواحد في الإجازة بيكون جاري طول اليوم ومافي وقت علشان يدخل نت ويشوف الحاصل ولكن الحمد لله الواحد رجع المملكه الآن ويا دوب بنشوف في البينا والعلينا ..
تحياتي : ياسر العيلفون
Post: #7 Title: Re: زيارة مفاجئة للفنان ياسر العيلفون في مكتبي (يوجد فيدو واغنية جديدة) ..!! Author: ناذر محمد الخليفة Date: 12-27-2010, 05:33 PM Parent: #4
شكرا التجاني ...
Quote: تحياتي لك اخي ناذر الخليفة وللفنان الرائع ياسر العيلفون وانهار ابداعه في الرياض سيالة
لكم جميعا الود
من الصباح بحاول أرفع أغنية إنت المهم والناس جميع ما تهمني بي صوت ياسر العيلفون لكن ما عارف اليوتيوب دا الليلة مالو ..!!
الأستاذ التجاني شهادتك دي مجروحة جرح غائر لكن برضوا ربنا يحفظك ويمتعك بالصحة والعافية ،، وإنت المهم ،،
تحياتي : ياسر العيلفون
Post: #12 Title: Re: زيارة مفاجئة للفنان ياسر العيلفون في مكتبي (يوجد فيدو واغنية جديدة) ..!! Author: Osman Musa Date: 12-28-2010, 02:43 AM Parent: #11
يا سلام عليك يا ناذر . يا أخى الفنان ياسر فنان متمكن وصوتو جميل . خليني اهدي الأغنية السمحة دي للأخوان أولاد العيلفون والدبيبة بلندن وامريكا منهم الأخوان الطيب شيخ ادريس أحمد عقيد عماد الخضر النوراني والطيب ومحمد مكنة وبهاء الدين وايهاب عبدالجليل