Post: #1
Title: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 05:15 PM
كتبناها واضحة :
| Quote: حقوق النشر لهذه الصور محفوظة ... |
يعني ألا نكتبا في كل صورة ولا شنو ؟؟!!
|
Post: #2
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 05:19 PM
Parent: #1
ولا يفوتني أن أشكر كل من إتصل بي من أصحاب وأعضاء منتديات أخرى لأخذ الإذن من شخصي الضعيف لنقل وإعادة نشر صوري الخاصة بإستقبال الموسيقار يوسف الموصلي بمطار الخرطوم ..
|
Post: #3
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 05:50 PM
Parent: #2
يابكري أبو بكر ..
ما قلت روابط الصور ما بتشتغل إلا في المنبر دا بس وكاتب في الابلودر الزول ما يتعب نفسو ساي ..!!
كيف صوري المحملة في سيرفر المنبر ظاهرة في سودامكس بي روابط التحميل الـ هنا !!!
|
Post: #4
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: معتز زيزي
Date: 04-07-2010, 06:12 PM
Parent: #3
| Quote: ما قلت روابط الصور ما بتشتغل إلا في المنبر دا بس وكاتب في الابلودر الزول ما يتعب نفسو ساي ..!! |
يا حبيبنا ...
شبكات النت أصبحت تعج (بالهكر) وبالجماعة (المفتحين)
بيتلذذوا بفك (الشفرات) وحل معضلات (البرمجة) وضرب حصون (الحماية) ....
.
.
.
(تخريمة) - أم الأولاد عندها ماجستير في (الملكية الفكرية) بكلمه ليك .....
.
.
تحياتي ...
|
Post: #5
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 06:26 PM
Parent: #4
سلام معتز ...
Quote: (تخريمة) - أم الأولاد عندها ماجستير في (الملكية الفكرية) بكلمه ليك .....
|
والله أنا بقيت بعاني معاناة ما عادية في موضوع الصور البتتنشر بدون إذن دي ..!
وأنا والله في غاية السعادة إنو خبر وصول الأستاذ يوسف الموصلي موجود في معظم المنتديات السودانية لان الموصلي يستاهل كل خير .. وقصتي اساسا ما قصة صور وإتنشرت أنا داير الناس تعي بي حاجة إسمها ملكية فكرية وتحترم القوانين البتنظم الشغلانية دي ..!
لكن ما معقول الزول يجي داخل النيت ويلقى حاجة بتخصو موجودة ومنشورة بدون إذنو ..كدة الشغلة بتبقى فوضى ...!
ولا شنو ؟؟!!
|
Post: #7
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: طارق جبريل
Date: 04-07-2010, 06:28 PM
Parent: #5
ابو النز كدي قوقل قصة الفار حقتك ديك
ولا ((البنات الشداد)) حقاتنا
يمين تلقاهن اول بوست في اي منبر
ياخي انت كيفنك في عضمك دة
|
Post: #6
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: محمد الجيلى
Date: 04-07-2010, 06:27 PM
Parent: #4
ناذر سلامات
Quote:
ما قلت روابط الصور ما بتشتغل إلا في المنبر دا بس وكاتب في الابلودر الزول ما يتعب نفسو ساي ..!!
كيف صوري المحملة في سيرفر المنبر ظاهرة في سودامكس بي روابط التحميل الـ هنا !!! |
مادام بنفس روابط التحميل معناها LEADER عضو في البورد!
- روابط التحميل لا تظهر للقراءة! تظهر فقط للأعضاء في حالة الإقتباس
|
Post: #8
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: معتز زيزي
Date: 04-07-2010, 06:39 PM
Parent: #6
| Quote: مادام بنفس روابط التحميل معناها LEADER عضو في البورد! |
ماا بالضرورة يكون عضو .... فالطرق كثيرة ومتعددة
أنا مثلاً بالأمس بنت خالتي طلبت مني أنسخ ليها موضوع بالنت للمشاركة به في المدرسة
لقيت الموضوع بأحدى المنتديات ولكن محمي بحيث لا تستطيع (نسخ) أي حاجة بالمنتدى ...
قمت مشيت لـ
Menu
Print
Print to PDF
حفظت الصفحة كملف أكروبات ريدر ومن ثم أصبح الملف بكامله (مفتوح) وقابل (للتعديل)
.
.
أما بخصوص سرقة الصور فدي بسيطة ...
أنا مثلاً شغال على الماكنتوش بضغط cmd+shif+control+F4 بعمل إلتقاط صورة للشاشة
مع إمكانية تحديد ما أرغب فيه ... وبمشي على الفتوشوب بعمل Past وبحفظ العمل كصورة من جديد
.
.
لا منشاف لا مندري ...
|
Post: #13
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: محمد الجيلى
Date: 04-07-2010, 06:54 PM
Parent: #8
يامعتز أنا موش قصدي برنت للإسكرين أو حفظ الصفحة بكاملها
ناذر قال إنو بنفس روابط التحميل بتاعت سودانيز أونلاين!
فهل روابط التحميل خاصة البورد تظهر لغير الأعضاء؟
|
Post: #9
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: Abureesh
Date: 04-07-2010, 06:47 PM
Parent: #6
سلام يا ناذر،
قبل سنتين نشرت هنا عشرمية صورة للزيفـة الجليدية المشهورة الضربت الصين عام 2008، قام واحد أخ
هنا نبهنى أن الصور كلها وبحذافيرها نشرت فى جريدة يومية فى الخرطوم (أظن اسمها الراية). يعنى
الشئ ما كلفهم سوى كلك وكوبى بالماوس، مع إنو أنا رطوبة الأيام ديك لسـه فى الركب.
وصدقنى عندى اكتر من الف صـورة لكن لن تنشر فى بيئة الهمبتة دى.
ياخى دى أزمة وعى بحقوق الغير، يعنى هم ما عارفين اهمية حاجة اسمها ملكية فكرية، ولازم تكون فى توعية
فى الناحية دى..
كامل التضامن معك حتى تعود الامور الى نصابها.
|
Post: #11
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 06:51 PM
Parent: #6
سلام طارق جبريل ..
Quote: ابو النز كدي قوقل قصة الفار حقتك ديك
ولا ((البنات الشداد)) حقاتنا
يمين تلقاهن اول بوست في اي منبر
|
الغريبة يا طارق قصة الفار بتاعتي دي انا لقيتا في الفيس بوك قبل كم سنة ..في واحد ناشرا التقول داقي فيها حجر دُغُش !! يكتب ويعلق ويضيف من عندو .. ما تتصور المغسة كتلتني كيف اليوم داك ..!
| Quote: ياخي انت كيفنك في عضمك دة |
والله أنا تمااام التمام . بس حبة مشغوليات .. إتنكتت للمنبر بس عشان أوثق لي رجوع الموصلي السودان ..
إنت كيف ؟!
|
Post: #12
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 06:52 PM
Parent: #6
سلام محمد الجيلي ..
Quote: مادام بنفس روابط التحميل معناها LEADER عضو في البورد!
- روابط التحميل لا تظهر للقراءة! تظهر فقط للأعضاء في حالة الإقتباس |
والله إحتمال بس أنا لاحظت حجم الصور هناك صغير شوية ..
طبعا دا بيكون من تصميم المنتدى على ما أظن ...
|
Post: #10
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: الأمين عثمان صديق محمد
Date: 04-07-2010, 06:48 PM
Parent: #1
ابو النيييذ ياخي
كيف حالك
اصبر انجر ليك واحد اقوى من حق مصطفى محمود بتاع التجاهل
عشان اليلطشها خلي يلطشها بي ختمها
الملك عندو توقيع جميل بعملو في اطراف صوره بحفظ ليهو حقو
|
Post: #14
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 06:59 PM
Parent: #10
سلام أبو الريش ..
Quote:
قبل سنتين نشرت هنا عشرمية صورة للزيفـة الجليدية المشهورة الضربت الصين عام 2008، قام واحد أخ
هنا نبهنى أن الصور كلها وبحذافيرها نشرت فى جريدة يومية فى الخرطوم (أظن اسمها الراية). يعنى
الشئ ما كلفهم سوى كلك وكوبى بالماوس، مع إنو أنا رطوبة الأيام ديك لسـه فى الركب.
وصدقنى عندى اكتر من الف صـورة لكن لن تنشر فى بيئة الهمبتة دى.
ياخى دى أزمة وعى بحقوق الغير، يعنى هم ما عارفين اهمية حاجة اسمها ملكية فكرية، ولازم تكون فى توعية
فى الناحية دى..
كامل التضامن معك حتى تعود الامور الى نصابها. |
يا خي دا كلام غريب ..صدق الحاجات دي بتحصل لانو في بعذ الناس عندها عدم وعي بالحكاية دي .. مستسهلين الشلة دي لأبعد الحدود .. قبل كم سنة كان في سرقات صحفية بالهبل ولغريبة لناس السرقوا مقالات التانين بقوا يبرروا فعلتم لحدي ما أضطرينا نرسل لاصحاب المقالات الحقيقيين عشان نوريهم الحاصل ..
ناس المنتديات والبيكتبوا فيها مفروض يكونوا المشاعل البتعلم الباقين كيفية التعامل مع ملكية لا تخصهم بحكم إحتكاكم المتواصل بالعالم ...لكن البيحصل دا صراحة شي مخجل ...!
|
Post: #15
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 07:01 PM
Parent: #10
الأمين كجامة ..
Quote:
ابو النيييذ ياخي
كيف حالك
اصبر انجر ليك واحد اقوى من حق مصطفى محمود بتاع التجاهل
عشان اليلطشها خلي يلطشها بي ختمها
|
تصور كان ممكن أعمل الختم دا .. لكن صدقني بقى ما عندي زمن للقعاد قدام الكمبيوتر زمن طويل وتعديل الصور وإضافة علامة مائية وتحميل في سيرفر وبطيخ ..!
قلت أرفعا بي ضبانتا .. بعد كم ساعة عملت كشة في قوقل لقيت المعروضات ..!
معقولة ياخ ..!!
|
Post: #16
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-07-2010, 07:11 PM
Parent: #10
الأمين ..
| Quote: الملك عندو توقيع جميل بعملو في اطراف صوره بحفظ ليهو حقو |
جاني الخبر قالوا في اخر واحدة لطشوها منو شاتوا توقيعوا برة والصورة بقت براها في السهلة!!!
|
Post: #17
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: عاطف عمر
Date: 04-07-2010, 08:03 PM
Parent: #1
شهادة من أجل الحقيقة
توقفت قبل فترة من الزمن أمام رسالة ماسنجر وصلتني من الأخ ناذر الخليفة .
فحوى الرسالة أنه كان يعتذر إلى كونه قد استعان بجزء من مداخلة تداخلتها معه في أحد بوستاته ، وكان على ماأذكر عن أسباب إنكفاء كبار الفنانين على ماضيهم وتكرار تردادهم لأغانيهم القديمة ورهبتهم من التجديد. قال الأخ ناذر أنه قد لخص فكرة البوست ونشره في أحد صحف الخرطوم و نقل رأيي وأشار لإسمي في الجزء الخاص برؤيتي في الموضوع ، لكن عند ظهور العدد قد تم تقليص الموضوع وشطب إسمي ضمن ما شطب من فقرات .
لذلك كان يعتذر
للحقيقة أقول
أن ناذر قد كبر في نظري بما قد لا يمكنني التعبير عنه
كان من الممكن أن ( يمر ) الموضوع دون أن ألتفت إليه فناذر يعرف أنني لست مقيماً في السودان ، مما قد لا يمكنني من متابعة صحفه .
فرجل بمثل هذه الدرجة من الشفافية والصدق يكون متسق مع نفسه تماماً عندما يطلب من الآخرين التعامل معه ومع مجهوده بما تقتضيه أصول الشفافية وقوانين الملكية الفكري .
لذلك أجد نفسي معه تماماً في طلبه المشروع أن يقدم الأخ LEADER في منتديات سودامكس ( وهو قطعاً متابع ما يدور في سودانيزأونلاين بدليل نقله للصور ) أن يقدم إعتذاراً صريحاً للأخ ناذر ويشير لحقه الأدبي .
|
Post: #18
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-08-2010, 08:28 AM
Parent: #17
سلام الاخ عاطف ..
Quote:
توقفت قبل فترة من الزمن أمام رسالة ماسنجر وصلتني من الأخ ناذر الخليفة .
فحوى الرسالة أنه كان يعتذر إلى كونه قد استعان بجزء من مداخلة تداخلتها معه في أحد بوستاته ، وكان على ماأذكر عن أسباب إنكفاء كبار الفنانين على ماضيهم وتكرار تردادهم لأغانيهم القديمة ورهبتهم من التجديد. قال الأخ ناذر أنه قد لخص فكرة البوست ونشره في أحد صحف الخرطوم و نقل رأيي وأشار لإسمي في الجزء الخاص برؤيتي في الموضوع ، لكن عند ظهور العدد قد تم تقليص الموضوع وشطب إسمي ضمن ما شطب من فقرات .
لذلك كان يعتذر
|
شكرا لك على هذه الكلمات الطيبات .. ولكن ألا ترى معي ان مصحح المقال أو من راجعه في الصحيفة لديه أيضا إشكالية في التعامل مع الملكية الفكرية بشطب إسمك من المادة وهو يرى أنه غير ضروري الإشارة للمصدر ؟!!
بيدو أن المشكلة أعمق مما نتصور ..
| Quote: لذلك أجد نفسي معه تماماً في طلبه المشروع أن يقدم الأخ LEADER في منتديات سودامكس ( وهو قطعاً متابع ما يدور في سودانيزأونلاين بدليل نقله للصور ) أن يقدم إعتذاراً صريحاً للأخ ناذر ويشير لحقه الأدبي . |
حتى هذه اللحظة لا زالت الصور والبوست في مكانهما دون تغيير او تعديل يذكر ..
بالمناسبة يا عاطف :
في الصفحة الاولى من ذات المنتدى نشر أحدهم مادة لي بعنوان (طرائف أبو داؤود وعوض دكام) كنت نشرتها قبل فترة طويلة في هذا المنبر .. ذاك الشخص نقلها بضبانتها ولم يكلف نفسه الإشارة للمصدر حتى تداخل احدهم ونبهه إلى المصدر وأشار لإسمي وبعدها لم يرجع ذلك الشخص لبوسته ..
أنظر البوست الأن في الصفحة الأولى لذلك المنتدى ..
تسلم ..
|
Post: #19
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-08-2010, 09:02 AM
Parent: #18
أها يا ليدر ..
عملت لينا شنو في الموضوع ؟!
تمسح ولا أمسح ؟!!
|
Post: #20
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: يسرى معتصم
Date: 04-08-2010, 02:23 PM
Parent: #19
أبو النيز سلامات
مرة صورت جبال كسلا فى الخريف بالموبايل لقيت الصورة فى صحيفة سودانية وكمان فى نتيجة بتاعت سنة 2010 وتباع تجاريآ ....
تانى أكتب فى الصور خاص بأبو النيز
سلامى
|
Post: #21
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-08-2010, 04:29 PM
Parent: #20
سلام يسري ..
Quote: مرة صورت جبال كسلا فى الخريف بالموبايل لقيت الصورة فى صحيفة سودانية وكمان فى نتيجة بتاعت سنة 2010 وتباع تجاريآ ....
تانى أكتب فى الصور خاص بأبو النيز
|
والله زي ديل كنت ترزعم بي قضية تعويضية مليونية عشان يفهموا حاجة ..
بالمناسبة ..
بعد بكرة إنشاء الله عندي سفرية لي كسلا ..
أعمل مس كول لي غفير جنينة الموز بتاعتك الهناك عشان حا أنزل في الإستراحة عندك يومين تلاتة ..
|
Post: #22
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-09-2010, 08:40 AM
Parent: #21
|
Post: #23
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-09-2010, 06:51 PM
Parent: #22
شكرا يا طارق جبريل ..
ولكن العيب لم يتعداه ..
الصور لم تصله عبر الإيميل .. إذا كانت وصلته بالإيميل فكيف يستقيم أن يتم تحميلهاهنالك بذات روابط سيرفر سودانيز أون لاين ؟!!
هل يريد أن يقول أن الروابط وصلته بالإيميل ؟؟!
ليه أي زول يتزنق في حاجة زي دي بيرمي اللوم على الإيميل حيطتو القصيرة ؟!!
الحاجة التانية ..
حتى لو الصور وصلتو بالإيميل من المفروض أن يذكر الحكاية دي ويكتب منقول من الإيميل أو أي إشارة توضح الحكاية بدل الإيحاء بإنو هو صاحب الصور ...
على كل حال مشكور يا طارق جبريل ..
تسلم ..
|
Post: #24
Title: Re: الأخ LEADER في منتديات سودامكس : ما سمعت بي حاجة إسمها (ملكية فكرية) قبال كدة ؟!!
Author: ناذر محمد الخليفة
Date: 04-10-2010, 07:58 AM
Parent: #18
|
|