Post: #1 Title: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-08-2010, 06:25 AM
سلام بورداب كسلا ..
تولوس ود كسلا يسري معتصم ...
وكثيرين غيرهم ....
إنشاء الله سأتوجه بعد قليل إلى مدينة كسلا في مهمة عمل لمدة خمسة أيام ..
طبعا عارفكم ما قاعدين هناك ..
طيب الهناك منو ؟؟!!!
Post: #2 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-08-2010, 06:50 AM Parent: #1
خر زيارة لي لمدينة كسلا كانت قبل خمسة عشر عاماً تقريباً في العام 1995 ..وذلك عندما أتيتها قادماً من بورتسودان حيث شاركت في الدورة المدرسية التي أقيمت هناك .. وحينها تعرفت على أحد أبناء كسلا والذي أصر علي إصرارً شديداً أن أحضر إليه في كسلا عند طريق عودتي للخرطوم وقد كان ..!!
حيث قضيت معه أجمل ثلاثة أيام في حياتي طفنا خلالها توتيل والضريح وعدداً من معالم المدينة الرائعة ..
وهذه الصورة منذ ذلك الزمان :
Post: #3 Title: Re: هل يوجد بورداب في مدينة كسلا حالياً ؟؟!! Author: Abdelmuhsin Said Date: 06-08-2010, 07:02 AM Parent: #2
ناذر سلامات لكن تغير وعوامل تعريه شديده فى الخمس تاشر سنه بتاعتك دا يازول انت متأكد دا ما............. عارف اخوك .
Post: #4 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-08-2010, 07:06 AM Parent: #3
سلام عبد المحسن ...
طبعا الصورة شكلها غريب شوية .. الزمن داك ما كان في كاميرا ديجتال ولا من يحزنزن .. كان عندي الكاميرا أم 36 لقطة ديك النوع التصور وتقوم بالمنفلة تسحب للقطة البعديها ..!!
عشان كدة إحتمال يكون تشابه عليك البقر مع أخوي داك ..
صنفرة :
أجيب ليك معاي كيلو موز من هناك ولا ما بحتاج ..؟!
Post: #5 Title: Re: هل يوجد بورداب في مدينة كسلا حالياً ؟؟!! Author: Ahmed musa Date: 06-08-2010, 07:11 AM Parent: #4
ناذر إنت ياتو فيهم ؟؟؟ ماتقول لي الفي الوسط ...!!!
ـــــــ أتصل بي رقمي في البروفايل عندنا شباب لُذاذ هناك بس ما تفتح ليهم باب سياسة ...ولو فتحته أنا ما مسئول
Post: #6 Title: Re: هل يوجد بورداب في مدينة كسلا حالياً ؟؟!! Author: فايزودالقاضي Date: 06-08-2010, 07:16 AM Parent: #4
ناذر ....سلامات ...
نتمنى تقضي وقت ممتع في ارض التاكا وياريت لو كنا هناك كان قمنا بالواجب ...وياريت تاخد معاك كاميرا متطورة وماتنسي تزور السواقي والجبلين (التاكا ، مكرام ) ...
تمشي وتجي بالسلامة ...
وليد شنغراي ماعارف الآن في كسلا ولسه في الخرطوم واما البقية نتمنى يكونوا هناك ...
رسل تلفونك في الخاص ...
تخريمه : لكن صور 95 تحفة ..الناس كانت سحالي ..
Post: #7 Title: Re: هل يوجد بورداب في مدينة كسلا حالياً ؟؟!! Author: Nasruddin Al Basheer Date: 06-08-2010, 07:21 AM Parent: #6
Quote: طيب الهناك منو ؟؟!!!
سلام يا ناذر ورحلة سعيدة إن شاء الله.. على بال ما تصل كسلا حا تلقى ود عوج الدرب دخل كسلا بجيشو وما بقصر معاك أبداً، الراجل سكينو حمراء..
Post: #8 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-08-2010, 09:06 AM Parent: #7
أحمد موسى
Quote: ناذر إنت ياتو فيهم ؟؟؟
الصغيروني داك ..
Quote: أتصل بي رقمي في البروفايل عندنا شباب لُذاذ هناك بس ما تفتح ليهم باب سياسة ...ولو فتحته أنا ما مسئول
يا تو نوعية من اللذاذ !!
السياسة ما معانا ..
Post: #9 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-08-2010, 09:08 AM Parent: #7
ود القاضي ...
Quote: نتمنى تقضي وقت ممتع في ارض التاكا وياريت لو كنا هناك كان قمنا بالواجب ...وياريت تاخد معاك كاميرا متطورة وماتنسي تزور السواقي والجبلين (التاكا ، مكرام ) ...
مشكور يا حبيب .. وإنشاء الله نزور كل المناطق دي ونصورا كمان ..
Quote: رسل تلفونك في الخاص ...
التلفون في البروفايل ..
Quote: تخريمه : لكن صور 95 تحفة ..الناس كانت سحالي
سحالي ساي ...!!
Post: #10 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-08-2010, 09:08 AM Parent: #7
نصر الدين ...
Quote: على بال ما تصل كسلا حا تلقى ود عوج الدرب دخل كسلا بجيشو
ود عوج الدرب ما قال جاي بالغرب ..!!
غير رايو ولا شنو ؟ّّ
Post: #11 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-09-2010, 11:50 AM Parent: #10
وصلت بالسلامة والحمد لله ..
كسلا مدينة مضيافة وترحب بالغرباء والزائرين ..
الأمين صديق ..!!
لفيت كسلا بيت بيت وساقية ساقية بسأل عن بيتكم وما لقيتو ..!!
إنتو رجعتو القُرير تاني ولا شنو ؟!!
محمد إي سليمان الحبشي ..!!
لقيت في كسلا حوالي 40 لهجة وتلتين لغة ولا أثر للكونامية ..!!
إنت بتدقس فينا ولا شنو ؟؟!!!
Post: #12 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-09-2010, 11:54 AM Parent: #11
تكسيكم العامل زي المحبرة دا ...!!
Post: #13 Title: Re: هل يوجد بورداب في مدينة كسلا حالياً ؟؟!! Author: Ahmed Abdallah Date: 06-09-2010, 12:32 PM Parent: #12
كان تقول لي عوك ياخ كان رافقتك ,,,,, ووريتك العجب
Post: #14 Title: Re: هل يوجد بورداب في مدينة كسلا حالياً ؟؟!! Author: مزمل خيرى Date: 06-09-2010, 03:11 PM Parent: #13
حمدلله بالسلامة يا الحبيب .. ياريت يكون معاك كاميرا .. وتجيب لينا صور حية من كسلا .. سامعين انها حلوة وربنا ما اراد لينا نزورة ..
____ شناتك مُرة فى الصورة
Post: #15 Title: Re: هل يوجد بورداب في مدينة كسلا حالياً ؟؟!! Author: ود شاموق Date: 06-09-2010, 03:25 PM Parent: #14
ودي راسما براك ولا دي مكنة رونيو ؟
Post: #16 Title: Re: هل يوجد بورداب في مدينة كسلا حالياً ؟؟!! Author: يسرى معتصم Date: 06-10-2010, 01:45 AM Parent: #15
الحبيب ناذر السلام عليكم ورحمة الله وبركاته ياريت لو كنت فى كسلا ...... كتر لينا من الصور تلفون تولوس معاك فى الخاص سلامى
Post: #17 Title: Re: هل يوجد بورداب في مدينة كسلا حالياً ؟؟!! Author: Deng Date: 06-10-2010, 01:51 AM Parent: #16
نازر.
إذا كنت تتحدث عن حاليا حاليا.
صاحبك الحبشي اليومين ديل في إجازة في كسلا.
Post: #18 Title: Re: هل يوجد بورداب في مدينة كسلا حالياً ؟؟!! Author: تولوس Date: 06-10-2010, 04:02 AM Parent: #17
معقولة نازر في البلد يا سعدنا .... اتصل 0913595322
تحياتي لكل الحضور واتمني وجود الدكتور محمد الحسن في كسلا اخر تلفون لي معهة قبل شهر من المملكة
Post: #19 Title: Re: هل يوجد بورداب في مدينة كسلا حالياً ؟؟!! Author: الأمين عثمان صديق محمد Date: 06-10-2010, 12:57 PM Parent: #1
Quote: الأمين صديق ..!!
لفيت كسلا بيت بيت وساقية ساقية بسأل عن بيتكم وما لقيتو ..!!
ابو النيذ يا زول انت متاكد انك في كسلا وللا وقفوك جمب جبل وقالوا ليك دي كسلا خليك في الحتة الانت الواقف فيها دي واوعا تتحرك واتصل علي واديني اي زول واقف جمبك لو عرفني انا منو يبقى انت في كسلا ولو ما عرفني يا اخوي انت تكون عبرت الحدود ارجع تاني وكلمني
Post: #20 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 03:28 PM Parent: #19
أحمد عبد الله ..
Quote: كان تقول لي عوك ياخ كان رافقتك ,,,,, ووريتك العجب
الشهر الجايي إنشاء الله ..
عشان تستمتع بي حاجات زي دي :
Post: #21 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 03:32 PM Parent: #19
أحمد عبد الله ..
Quote: كان تقول لي عوك ياخ كان رافقتك ,,,,, ووريتك العجب
الشهر الجايي إنشاء الله ..
عشان تستمتع بي حاجات زي دي :
Post: #22 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 03:33 PM Parent: #19
مزمل ..
Quote: سامعين انها حلوة وربنا ما اراد لينا نزورة ..
زورة مرة واحدة بس ..
وأشرب من توتيل :
قالوا البيشرب من جبل توتيل كوز موية مصيرو يرجع كسلا تاني ..
وأنا شربت منها صفيحتين وجك ..!!
Post: #23 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 03:41 PM Parent: #19
ود شاموق ..
Quote: ودي راسما براك ولا دي مكنة رونيو ؟
الزمن داك كان في نكنات زي دي ..!!
والله إنت مصر تكتلني بالضحك .. المرة الفاتت يوم ختيت صورتك لي منو ما متذكر وأضفت عليها قنبور ههههههههه..
كدي عليك الله جيب الصورة دي هنا عشان عا########ي والله ...
تسلم ..
وهاك دي هدية :
شيل ليك خمشة من السلات دا ..
Post: #24 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 03:46 PM Parent: #19
يسري ..
Quote: الحبيب ناذر السلام عليكم ورحمة الله وبركاته ياريت لو كنت فى كسلا ...... كتر لينا من الصور تلفون تولوس معاك فى الخاص سلامى
شباب كسلا ما قصروا والله ..
لفيت كسلا كلها من أولا لي أخرها ..
دخلت كل السواقي الفيها .. ومشيت كل الأحياء ..
بانت المدينة عرب النسور الختمية الميرغنية المربعات غرب القاش وسوقا العامر ..
السوق الكبير ..
منتزه البستان
والكتير الكتير ....
والجو كان مبالغة يوم جينا داك ..
أما جلستنا مع الفنان عادل النوش في ساقية فرج فدي دايرة بوست براهو ..
Post: #27 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 04:02 PM Parent: #24
الامين صديق ..
كدي يا زول روق المنقة
وهاك الهدية دي :
دا دفعتك منو كدة محمد زين الكان بيتكلم معاك ..
ونزيدك من الشعر بيت بي جارك الفنان دا :
لقيتني كيف ؟ّّ!!
Post: #28 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 04:07 PM Parent: #24
تولوس ...
Quote: معقولة نازر في البلد يا سعدنا .... اتصل 0913595322
إتصلنا ...
وما في رد !!!
ضيعت فرصة أعلمك العود بي أصابعينك الغُلاد العاملة زي أصابع دينق ديل ..!!!
Post: #45 Title: Re: هل يوجد بورداب في مدينة كسلا حالياً ؟؟!! Author: تولوس Date: 06-12-2010, 05:59 PM Parent: #28
يا ناذر الا تكون اتصلت بعد العصر من يوم الجمعة ...
يعنب بعد اكلتو السلات...
.............
بابكر فرج شكيت علي الله ...بكلم ليك منعم ابراهيم
Post: #25 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 03:55 PM Parent: #19
>>
Post: #26 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 03:57 PM Parent: #19
دينق ..
Quote: نازر.
إذا كنت تتحدث عن حاليا حاليا.
صاحبك الحبشي اليومين ديل في إجازة في كسلا.
طبعا بتحدث عن حاليا ..
لكن الحبشي زوول غميييييييييص .. أنا لافي في كسلا وبتلفت كايس ليهو وما شايفو .. لكن عندي إحساس إنو شايفني ولابد ..!!
الحبشي يا دينق أنا بلم فيهو لكن كان نفسي ألم في كوناميتو هناك ..!! قدر ما سألت وفتشت ما لقيت زول بيتكلم اللهجة دي أو بيعرفا ..!!
أنا شاكي إنو الكونامية لغة منقرضة والحبشي أخر من يتحدث بها ..
للضمان كدة يا دينق ومن أجل الحضارة والإنسانية وتبادل المعرفة أقترح إنك تقترح على الحبشي يعلمك اللغة دي حفظا ليها من الإندثار لأني شايف ما شاء الله علاقتك بيهو كويسة وعارف كل حركاتو وسكناتو وأماكن إجازاتو ..
يا الحبشي لو دايرني بتلقاني جمب الضريح بي هنا :
بما إنو (قيل) إسمك محمد (الحسن) سليمان !!..
Post: #29 Title: Re: هل يوجد بورداب في مدينة كسلا حالياً ؟؟!! Author: الأمين عثمان صديق محمد Date: 06-11-2010, 04:23 PM Parent: #1
دي مرتبتي ورقاد في البوست دا
Quote: المدينة عرب
ياخي ما تفضحنا اسمها حي العرب المدينة عرب في الجزيررررررررررررا
Post: #30 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 05:22 PM Parent: #29
الأمين ...
Quote: ياخي ما تفضحنا اسمها حي العرب المدينة عرب في الجزيررررررررررررا
كلو عند العرب صابون ...
الملاحظة المهمة ..
حي العرب ما شفت فيهو عرب ؟!!
ونسيت حي العمال ..
بالمناسبة عندي صور معبرة عن كيفية تنظيف الخيران وتهيئتها لفصل الخريف ..
بيستعملوا آلية مبتكرة خلاص ..
إلتقطتها من عمال التنظيف في حي بانت قدام بيت النوش ..
النجيبا ليك هنا ..
Post: #31 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 05:45 PM Parent: #30
كيفية تجهيز مجاري الخريف بالصور :
Post: #32 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 05:47 PM Parent: #30
Post: #33 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 05:57 PM Parent: #30
Post: #34 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-11-2010, 06:01 PM Parent: #30
ويجي التكسي داك وباقي العربات يرجعوا التراب في المجرى ..!! غايتو العمال ديل قطع شك محلية الخرطوم أعارتم لي كسلا من قبيل تبادل الخبرات ..!!
Post: #35 Title: Re: هل يوجد بورداب في مدينة كسلا حالياً ؟؟!! Author: hamid brgo Date: 06-11-2010, 06:31 PM Parent: #34
Quote: اخر زيارة لي لمدينة كسلا كانت قبل خمسة عشر عاماً تقريباً في العام 1995 ..وذلك عندما أتيتها قادماً من بورتسودان
يعني ما في رحلة العودة من بلاد الاحباش؟؟
اتمنى ان يطيب لك المقام
Post: #36 Title: Re: هل يوجد بورداب في مدينة كسلا حالياً ؟؟!! Author: اشرف السر Date: 06-11-2010, 07:00 PM Parent: #35
ناذر كيفنك يا اخوي
قلبت علي المواجع ياخي.. فارقت كسلا لي 6 شهور --------- افك ليك سر عسكري مقابل بوابة المستشفى توجد صيلية الفاروق شمال صيدلية الفاروق تماما.. في عمك( أب شنب) محل اسمه ود هدلول وأحلى سلات في كسلا
جرب واديني رأيك
Post: #37 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-12-2010, 08:40 AM Parent: #36
حامد برقو ..
Quote: يعني ما في رحلة العودة من بلاد الاحباش؟؟
من هناك جيت بورتسودان أول بعد داك جيت كسلا ..!!
Post: #40 Title: Re: هل يوجد بورداب في مدينة كسلا حالياً ؟؟!! Author: hamid brgo Date: 06-12-2010, 08:53 AM Parent: #37
Quote: من هناك جيت بورتسودان أول بعد داك جيت كسلا ..!!
عشان صراحتك دي افتش في صحبتك عموما الطلب بطرفك
Post: #38 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-12-2010, 08:42 AM Parent: #36
أشرف السر ..
Quote: شمال صيدلية الفاروق تماما.. في عمك( أب شنب) محل اسمه ود هدلول وأحلى سلات في كسلا
أسرارك العسكرية أظن مفيصة ..!!
لأنو أول يوم جيت بالليل الشباب ودوني لي ود هدلول هناك وضربنا سلات ما يعلم بيهو إلا ربنا ..!!
Post: #39 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-12-2010, 08:43 AM Parent: #36
شباب ..
الامين صديق :
إليكم فنان كسلا الخطير جدا عادل النوش :
من ساقية فرج ..!!
Post: #41 Title: Re: هل يوجد بورداب في مدينة كسلا حالياً ؟؟!! Author: عبدالكريم الامين احمد Date: 06-12-2010, 09:08 AM Parent: #39
Quote: إليكم فنان كسلا الخطير جدا عادل النوش :
يا سسلام يا ابو النيز وياخي الواحد يحسدك عديل كده علي كسلا تلك المدينة الرائعة وناسها الاورع وبلاد الاصحاب الرائعيين الفنانيين ناس ياسر وطارق السنوسي ومزاحم....
وويا سسسسسسسلام علي عادل النوش ده ياخي زول فنان بدون كلام والعود والايقاع وطريقة ادائه وصوته حكاية تجنن وهذه الاغنية ستكون هي استماعي لزمن طويل حتي يوفر الله الينا فرصة استماع لهذا الفنان في حفلة قاجة وشرط تكون في كسلا
Post: #42 Title: Re: هل يوجد بورداب في مدينة كسلا حالياً ؟؟!! Author: الأمين عثمان صديق محمد Date: 06-12-2010, 11:12 AM Parent: #1
Quote: الامين صديق :
إليكم فنان كسلا الخطير جدا عادل النوش :
الخطير انت يا ابو النيذ الجبت لي شارع بيتنا و ولد جيرانا عارف عادل دا عندو اخوه الكبير اسمه مساعد مساعد دا خطير جد جد لكن ترك الغناء واستلم منو عادل مع انو عادل اصلا كان لاعب كورة لاعب فنان يحاروك في متر مربع
شكرا كتير يا ابو النيذ ياخي
Post: #43 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-12-2010, 02:28 PM Parent: #42
حامد برقو ..
Quote: عشان صراحتك دي افتش في صحبتك عموما الطلب بطرفك
معقولة يا برقو إنت التفتش في صحبتي ..!!
لاقيك وين أنا ياخ !!
Post: #44 Title: Re: هل يوجد بورداب في مدينة كسلا حالياً ؟؟!! Author: hamid brgo Date: 06-12-2010, 04:31 PM Parent: #43
Quote: معقولة يا برقو إنت التفتش في صحبتي ..!!
لاقيك وين أنا ياخ !!
انت الاكرم يا اخي ليه ما اتشرف بصحبة شخص اينما يتواجد يوجد ما يسر الاخرين؟؟
_________________________________ عشان ما احرف مسار البوست اتمنى للجميع الاستمتاع جمال كسلا و جمال اهلها
Post: #46 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-13-2010, 08:18 AM Parent: #44
كيكي :
Quote: وويا سسسسسسسلام علي عادل النوش ده ياخي زول فنان بدون كلام والعود والايقاع وطريقة ادائه وصوته حكاية تجنن وهذه الاغنية ستكون هي استماعي لزمن طويل حتي يوفر الله الينا فرصة استماع لهذا الفنان في حفلة قاجة وشرط تكون في كسلا
يا خي عادل النوش دا مبالغة بالجد :
الزول دا حافظ أغنيات حقيبة من النوع الناس نست تغنيها زاتو :
بالحساب الزول دا غني في الرحلة دي 21 غنية والله في أغاني أول مرة أسمع بيها عندو .. من ضمن الواحد وعشرين ديل أنا ما عرفت إلا سبعة ولا تمنية منهم ..
خليني أفضى شوية يا كيكي لأني حا أنزلم كلهم في المنبر دا عشان تستمتع بالجد ..
Post: #47 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-13-2010, 08:20 AM Parent: #44
الامين :
Quote: عارف عادل دا عندو اخوه الكبير اسمه مساعد مساعد دا خطير جد جد لكن ترك الغناء واستلم منو عادل
والله الشباب قالوا إنو كلهم فنانين ...
يوم بالليل قعدنا في الكتيبة (جمب نادي الهلال) قعدة مبالغ فيها ...
الكهرباء قطعت والمطرة رقرقت وعادل النوش بدا يغني ..!!
كدا وزاد وجدي ياخ !!
Post: #48 Title: Re: هل يوجد بورداب في مدينة كسلا حالياً ؟؟!! Author: Mohamed E. Seliaman Date: 06-13-2010, 08:43 AM Parent: #47
تحياتي يا ناذر كلام دينق غير صحيح أنا غادرت كسلا من قفت طويل(سنين) . -----------------------
Quote: بما إنو (قيل) إسمك محمد (الحسن) سليمان !!..
مبالغة يا ناذر لو دققت جيدا في القبور لوجدت شاهدا عليه هذا الاسم ولالتقطت له صورة. أعني مقابر الحسن والحسين . أيام دراستي بجامعة الخرطوم زارني صديقان عزيزان* من مدني في الإجازة الصيفية وعندما وصلا الحلة-الحلة مكونة من سبعة بيوت- وجدا خيمة عزاء والبكاء حار وجديد . فسأل صديقاي بعض الصبية عن الميت ، فقالوا لهم "محمد الحسن ". وقع الخبر صادما على صديقي فرجعا من مكانهما فور دون أن يقدما حتى العزاء في وفاة صديقهما. وعندما انتهت الإجازة وعدت إلى الجامعة رأياني حيا فكانت الصدمة الثانية لهما . ------------------- *هما الأخ الكريم الدكتور جمال الأبوابي والأخ الكريم كمال السيد.
Post: #49 Title: Re: هل يوجد بورداب في مدينة كسلا حالياً ؟؟!! Author: فايزودالقاضي Date: 06-13-2010, 09:07 AM Parent: #48
E ....سلامات ..
Quote: فسأل صديقاي بعض الصبية عن الميت ، فقالوا لهم "محمد الحسن ". وقع الخبر صادما على صديقي فرجعا من مكانهما فور دون أن يقدما حتى العزاء في وفاة صديقهما. وعندما انتهت الإجازة وعدت إلى الجامعة رأياني حيا فكانت الصدمة الثانية لهما .
فعلاً حركاتك حركات زول ميت قبل كده..
Post: #50 Title: Re: هل يوجد بورداب في مدينة كسلا حالياً ؟؟!! Author: الأمين عثمان صديق محمد Date: 06-13-2010, 11:12 AM Parent: #1
Quote: يوم بالليل قعدنا في الكتيبة (جمب نادي الهلال) قعدة مبالغ فيها ...
والله يا ابو النيذ انت وصلت اللحم الحي ياخي عارف الكتيبة دي كانت عامرة عامرة جدا كل شي كان فيها ملعب جمباز صالة بنج بونج ميدان كرة طائرة وسلة وتلفزيون وضمنة وكوتشينة وونسة ساكت الرايح ليك تلقى فيها ونادي الهلال كان داخل الحي نادي كان كبير والله موقف كسلا والشرق على رجل واحدة الغريبة انا وعادل دا كنا بنلعب سوا في الهلال وفي يوم واحد بالليل كدا قررنا ما نلعب شغل شفع بس وقتها اعمارنا ماتصل التمنطاشر مشينا للادارة وعملنا شمطة وقلنا بس تشطبونا في الليل دا والجماعة قعدوا يحنسوا فينا واصللا ابينا نتراجع ومنها عادل دا تابع في الغناء وانا واصلت في الدراسة وبعدها المعايش
Quote: والله الشباب قالوا إنو كلهم فنانين ...
الغناء البغني فيهو عادل دا جزء من غناء مساعد مساعد كان عندو ترتر ( محراث ) عادي ينزل ليك من الترتر ويرص ليك الغناء من زمن كرومه وسرور وعتيق وبصوت جميل
والله ايام يا ناذر وانت جيت نكتها لينا
Post: #51 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-14-2010, 08:06 AM Parent: #50
سلام الحبشي ..
Quote: مبالغة يا ناذر لو دققت جيدا في القبور لوجدت شاهدا عليه هذا الاسم ولالتقطت له صورة. أعني مقابر الحسن والحسين
غايتو دينق دا أنا كنت قايلو صحبك وعارف خارطة تحركاتك ..
بس حكاية التدقيق في شواهد قبور المقابر دي ما إنهضمت لي ..!! أنا زرت ضريح سيدي الحسن من قبيل دراسة المعالم التاريخية والسياحية في المدينة..
Quote: أيام دراستي بجامعة الخرطوم زارني صديقان عزيزان* من مدني في الإجازة الصيفية وعندما وصلا الحلة-الحلة مكونة من سبعة بيوت- وجدا خيمة عزاء والبكاء حار وجديد . فسأل صديقاي بعض الصبية عن الميت ، فقالوا لهم "محمد الحسن ". وقع الخبر صادما على صديقي فرجعا من مكانهما فور دون أن يقدما حتى العزاء في وفاة صديقهما. وعندما انتهت الإجازة وعدت إلى الجامعة رأياني حيا فكانت الصدمة الثانية لهما .
ديل بيبالغوا ..!!
المهم ..
عملت لينا شنو في الكونامية ..!!؟!
Post: #52 Title: Re: هل يوجد بورداب في مدينة كسلا حالياً ؟؟!! Author: ناذر محمد الخليفة Date: 06-14-2010, 08:10 AM Parent: #50
الأمين ...
Quote: والله يا ابو النيذ انت وصلت اللحم الحي ياخي عارف الكتيبة دي كانت عامرة عامرة جدا كل شي كان فيها ملعب جمباز صالة بنج بونج ميدان كرة طائرة وسلة وتلفزيون وضمنة وكوتشينة وونسة ساكت الرايح ليك تلقى فيها ونادي الهلال كان داخل الحي نادي كان كبير والله موقف كسلا والشرق على رجل واحدة الغريبة انا وعادل دا كنا بنلعب سوا في الهلال وفي يوم واحد بالليل كدا قررنا ما نلعب شغل شفع بس وقتها اعمارنا ماتصل التمنطاشر مشينا للادارة وعملنا شمطة وقلنا بس تشطبونا في الليل دا والجماعة قعدوا يحنسوا فينا واصللا ابينا نتراجع ومنها عادل دا تابع في الغناء وانا واصلت في الدراسة وبعدها المعايش
يا خي الكتيبة دي حتة مبالغة ..!!
قعدنا مع شباب من هناك وحكوا لينا معاناتم في التثبث بيها عشان ما تتعرض للنزع ..
نصحتهم بي عمل أي نشاط ولو شهري عشان يعملوا حركة .. وكمان يدخلوا أعمامم الكبار في لجنة النادي ..
المشكلة الشباب محبط .. والاغلبية عاطلة عن العمل ..
Quote: الغناء البغني فيهو عادل دا جزء من غناء مساعد مساعد كان عندو ترتر ( محراث ) عادي ينزل ليك من الترتر ويرص ليك الغناء من زمن كرومه وسرور وعتيق وبصوت جميل
والله مساعد دا برضو حكوا لي عنو ..
غايتو عندي تسجيل لي عادل النوش بنزلو ليك لمن أفضى شوية ..
Post: #53 Title: Re: هل يوجد بورداب في مدينة كسلا حالياً ؟؟!! Author: Sidig Rahama Elnour Date: 06-14-2010, 10:31 AM Parent: #52
الأخ العزيز ناذر م الخليفة السلام عليكم ومرحباً بكـ في أرض كسلا ، وبعدين يا أخي اخوكـ صاحب اطول بوست أسفيري عن كسلا تجي تسأل يسري وتولوس ؟؟؟ هههههههههههههههههه حسدتكـ على زيارتكـ وأستمتاعكـ بالنوش وغنائه للحقيبة على أصولها على طريقة الراحل بأدي أحمد الطيب طبعاً زي ما قال ليكـ (الأمين) ، النوش دا كان لاعب كورة خطير وجناح يمين سريع جداً وكان معذبنا في الرابطة عذاب ... أسرتهم أسرة فنية تعشق الحقيبة على أصولها ..
أنا من المدينة عرب (قصدي حي العرب) والعرب المقصودين في تسمية الحي هم العرب الرحل من قبائل الهدندوة التي كانت تستقر في الشتاء والصيف بالقرب من الحفرة ... والحفرة دي هي المكان الذي أنشئت من ترابه معظم أو كل بيوت حي العمال (جالوص وكدة) وفي الخريف تمتلي هذه الحفرة من القيفة للقيفة فلايقطعها إلا سباح ماهر ،،، وكم فقدنا فيها من أحباء بسبب عدم معرفتهم للعوم (رحمهم الله رحمة واسعة).... (طبعاً الحفرة الان أتردمت بسبب التقنية الحديثة لعمال المجاري ونشارة خشب الدوم) .... المهم العرب الرحل من الهدندوة كانوا بيجوا بعد الخريف يستقروا في محل الموية دي لانها بتقابل الخريق القادم ، ومن هناك أطلق اسمهم الحي عليهم ....
بيت ناس النوش ما بعيد مننا وكان تتم جميلكـ وتواصل ... الكتيبة بتاع بانت مركز أشعاع ثقافي تهاوى بفعل الزمان والسياسات التي أسقطت مراكز الشباب من حيثياتها ... ومن هذا المركز تخرج كثير من الفنانين ، أشهرهم على الإطلاق العم جبارة (أحد عملا السكة حديد القديمة) والذي كان يغني بالفصحي ويعزف العود ويقوم بتلحين أشعار نزار قباني ، والبياتي بطريقة جميلة خلابة (دا مافي زول بعرفوا ليكـ إلا يكون من ناس كسلا الزمان) .... من أشهر الاإاني الطريفة التي كان يتغني بها فلا زلتي تعتبرينني ساذجًٌ ، وأهوج التصرفاتِ فتقبلي هواي على علاته ، وتذبذبي وسوء تصرفاتي
كان لكتيبة بانت صنوان مركز شباب حيالعرب ، وأخر هو نادي السكة حديد غير نوادي المنطقة العامرة (الهلال ، المريخ ، الهدف) ... المهم بزيارتكـ بيتنا نور كلو زينة ... رغم أنو نحن زاتو مالاقين لينا فرقة لزيارة كسلا
وفي إنتظار باقي الفيديوهات لعادل النوش (بالله ما تكسل يا ناذر من الشغلانة دي) ونستأذنكـ في أضافتهم ببوست كسلا ،،، وياريت لو كان سالتو من الأخ عبدالرحمن إبراهيم سعد دا واحد جار النوش بجضم الطمبور زي ما الله خلقو وعندو صوت أقرب لصوت صديق أحمد .. لكن سمعت أنو تركـ الغناء وطلقه بالثلاث بل التحق بجماعة إنصار السنة المحمدية وتحياتي عبركـ للنوش وعبدالرحمن إبراهيم سعد ولوديع ، وكورية وخالد موسى فناني الحي ورحم الله عوض هاشم بانقي (عازف الطبل الرهيب) ....
معذرة التعديل لإضافة طلب الإستئذان
Post: #54 Title: Re: هل يوجد بورداب في مدينة كسلا حالياً ؟؟!! Author: الأمين عثمان صديق محمد Date: 06-14-2010, 11:01 AM Parent: #53
اها يا ناذر جاك سيد الشي ذاتا الا وهو الاديب الحبيب صديق رحمة النور اخلي ليك ينداح ويوريك تفاصيل التفاصيل بالله يا صديق تذكر جبارة جبارة دا كان يغتي بالانجليزي كمان يترجم كلمات الاغاني الى الانجليزية ويغنيها بنفس الحن واصل ياصديق
Post: #55 Title: Re: هل يوجد بورداب في مدينة كسلا حالياً ؟؟!! Author: Sidig Rahama Elnour Date: 06-14-2010, 12:38 PM Parent: #54
Quote: بالله يا صديق تذكر جبارة جبارة دا كان يغتي بالانجليزي كمان يترجم كلمات الاغاني الى الانجليزية ويغنيها بنفس الحن
حبيبنا الأمين ود عثمان تحية طيبة ومشتاقين ولينا زمن نفتش ليكـ ... يا سلام علي العم جبارة باب الله الذي عرفت أنه قد غادر كسلا الى موطنه الأصلي بعطبرة الداخلة بعد ماجلس بكسلا سنيناً طويلة من عمره ولكن بعد تقاعده من عمله بالسكة حديد فضل الإلتحاق بمنزله هناكـ ... الفنان جبارة كان فناناً مثقفاً ومطلعاً وله مكتبة غنائية وأدبية تحفل وتضم أمهات الكتب والدواوين الشعرية من فطاحلة الشعر السوداني والعربي واكن متابعاً للسينما والفن العالمي لذلكـ لاغرو ان يترجم ويحفظ كل هذه الأغنيات التي يترنم بها ويضفي بها على جو الأفراح فراسخ عديدة ،،، قال ذات مرة بأن أغنية (كسلا أرض الحبائب) للشاعر الكسلاوي أحمد حاج على من ( آل الباترة في الميرغنية ) هي أغنيته ولكن الفنان المرحوم عبدالعظيم حركة سبقه بتسجيلها للإذاعة والتغني بها ويدلل على ذلك بأداء أبيات من صلب القصيدة لم يغنها عبدالعظيم حركة فيها أحياء أخرى وابيات أخرى .... وكم مرة قد أمسكـ بالعود وتغني بهذه الأبيات وقال بأنه كأن من المفترض أن يسبق زملائه في الغناء التاج مكي ، وعبدالعظيم حركة والشاعران أحمد حاج علي وأسجق الحلنقي الى الأذاعة لكن لونه السياسي (الاحمر أنذاكـ) - بحكم عمله كمساري فرملة في السكة حديد - قد منعه من ذلكـ وظلت الأجهزة الإعلامية تظلمه وتتجاهله بسبب هذا الأنتماء ايام نميري ( هذه المعلومة قد أوردها الاخ محمد قصاري أيضاً في منتدى الوريفة ) المهم الحديث عن شخوص بانت وبانقي وحي العمال وحي العرب ممتع وعامر وينضوي على مواقف إنسانية بالغة الدهشة والرقة والفكاهة ولكنه يحتاج الى وقت طويل ومساعدة كثيرة بحكم الذاكرة المهترئة المثقوبة بمسامير المشغوليات ... لكـ مودتي يا اللمين وأسفين يا أبو النيز عرجنا ببوست الراجل عن إنطباعه بزيارة كسلا ...
Post: #56 Title: Re: هل يوجد بورداب في مدينة كسلا حالياً ؟؟!! Author: عبدالكريم الامين احمد Date: 06-14-2010, 01:07 PM Parent: #55
Quote: خليني أفضى شوية يا كيكي لأني حا أنزلم كلهم في المنبر دا عشان تستمتع بالجد ..
هلا يا ناذر وتحياتي وانا في الانتظار وتراني جالس القرفصاء وعلي مرمي كلك من هذا البوست.. فالنوش ده غنائي واستايل الغناء المودي (بعود وايقاعات) استايل خالك بموت فيهو موت وبالذات لو نفلنا بدرر الحديقة.. ويلا ياخي اجدع وسريع بالله
