ترىماذا يقول الشاعرصلاح حاج سعيد لقاسم ابوزيد فى هذه الصورة هات اجمل تعليق

ترى ماذا يقول الشاعر صلاح حاج سعيد لقاسم ابوزيد فى هذه الصورة هات اجمل تعليق



اها وبعد مصطفى ما مات نعمل شنو هسة ؟؟ نكتب لى ناس فرفور ومحمود ديل ؟؟ والله حقو الواحد يقيف من كتابة الشعر

حقيقة يا شيبه اللسان يعجز عن النطق فى مشهد كهذا .. صلاح حاج سعيد وقاسم أبوزيد كلاهما مدرسة قائمة بذاتها للروعة وجمال الكلمة ورصانة الاسلوب فما بالك أن يجتمعا معا .. حقيقة لا تعليق لى أنا شخصيا

وتسلم يا زول يا رائع
ودسلفاب

انت عارف يا قاسم: خلى بالك الجماعة ديل ما بمشو الا بالسلاح

كدي يا استاذ صلاح خلينا نجمع الجزء الاول منها :

حتى الفصول صابا الجفاف
لا غيمة لا زفة هرع
والسمبر البفرح صفيرو
غشانا واتقاطر رجع
وشدرنا من لفح السموم
غصنو الرقص رويان وقع
لا شابا لي ريحة دعاش
لا هش لي برقاً لمع..




تقعدوا عافية

قيسان

اهو نحنا فى الاخر سوا باعنا الهوا وماشين على سكة عدم

تعليق جميل

يقول صلاح حاج سعيد لقاسم أبوزيد: من كان يعبد مصطفى سيدأحمد فإن مصطفى سيدأحمد مات ويرحمه الله ومن كان يعبد الله فإن الله حى لا يموت

مصطفى لم يمت مصطفى عايش فينا في فرح الغلابة بأغنياته في كل زول سوداني سمح أصيل واضح ما مبهم

دمتم ودامت ذكرى مصطفى بيننا دعاشاً نتفيا ظلاله

نادر

اكسترو سيتي 7

اتمنى ان يكون ردك مجرد رد ولا يكون وراءه شيى اخر كما اشتم
وانت عارف انا بعرف ماهو مخفى ومدسوس كمان ويا زول رسالتك الانتا قاصدة وصلت

وما تكتر منها يا حبيب

خالد

شيبا
نحنا شمينا الريحة قبلك وردينا وأصلو الاسم ما غريب علينا بس الغايظني الناس دي نحنا ما بندخل بوستاتهم البجيبهم لينا شنو

يا زول خليك في توثيقك وأعمل بالمثل البقول شنو كده ما عارف وشنو كده ما عارف بينبح

دمت ولا نامت أعين الجبناء
نادر

الحبيب نادر

لك التحايا


الناس دى غريبة خلاص ما بعجبهم العجب ولا الصيام فى رجب

نحنا ما بنسالهم براهم يجونا ويحشرو نفسهم عندنا ويقولو كلام تحت تحت

الواحد عديل ما ينضم بصراحة الخوف لزومو شنو

نحنا بالمناسبة ما دينكا بنفهمها وهى طايرة يا مدن7

تعرف يا نادر انا جانى احساس انو اخش لى اى واحد فيهم البوست بتاعو

وانزل ليهو غنية لمصطفى عسى الله يهديهو

وبعد داك نشزفهم بجونا تانى ولا لا

******
بالنسبة لمحمد عباس اتصلت عليه فى الموبايل وووجدت موبايله فى الشاحن ورد على زول وقال انو خرج ساعاود الاتصال به لاحقا اطمئن خالص

الدينكا ديل مالهم؟؟ مابشر عندهم مخ !!! والكلام دا بزعل جون قرنق وأى دينكاوى حايم فى البورد
الناس المفروض تعمل حسابها شوية لأنه نحن مقبلين على سلام
أنا أفتكر لو الواحد منا كان بيذكر الله كذكرنا أبائنا ومحبوباتنا كنا على الأقل نكتب من الذاكرين الله كثيرا والذاكرات
ولو الواحد صلى على النبى صلى الله عليه وسلم مرة واحدة فى اليوم لصلى الله عليه عشرة
والصلاة من الله للعبد هى تنزل الرحمات والبركات عليه ، والصلاة على النبى تنفى الفقر ولها فوائد جمة لا يدركها إلا المصلين عليه كثيرا

بسم الله الرحمن الرحيم

انتو يا اخوان الليلة الجمعة ولا شنو

الخطبة دى مالها بدرى كدى

يا زول يا اكسروسيت7

انت وكت مؤمن كدى فى الاول ما تختار اسم سلامى وساهل عشان نعرف نكتبو

رسالتك الانته قاصدة وصلتنا وجزاك الله عنا كل خير وليك من الله خير الجزاء

ونشهد انك اديت الامانة فى التبليغ والامر بالمعروف

وخلاص نحنا تبنا على يديك من المعاصى الكنا بنعمل فيها

يلا كتر خيرك

وتسلم