Post: #1
Title: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 05:12 AM
رؤية المؤتمر الوطني للانتخابات القادمة في ظل التحول الديمقراطي
تحصلت الميدان على وثيقة أعدها حزب المؤتمر الوطني تحمل رؤيته لخوض الانتخابات القادمة في ظل التحول الديمقراطي. وتكشف الوثيقة عن إصرار حزب الجبهة الطفيلية المتأسلمة على الاستمرار في السير في طريق تزوير إرادة الشعب، ومواصلة نهب بلادنا، وقهر جماهير شعبنا، عبر سرقة صناديق الاقتراع، بعد أن أيقنوا بعدم إمكانية الاستمرار في فعل ذلك من على ظهور الدبابات التي اعتلوها ليلة الثلاثين من يونيو 1989 مدشنين فصلاً مروعاً ودامياً وحزيناً من فصول الشعب السوداني. وحزب المؤتمر الوطني يظهر في هذه الوثيقة عزمه الأكيد على شراء ذمم أعضاء لجان الانتخابات بثروات الشعب السوداني التي ظل يكنزها طوال فترة حكمه، وعلى شراء ذمم الناخبين، من زعماء قبائل وعشائر بالمال، ومن البسطاء من أبناء بلادنا بالوعد بتقديم الخدمات لهم، وبعدم سن قرارات تؤدي إلى إثارة سخطهم بزيادة حجم معاناتهم. وحزب المؤتمر الوطني لا يتورع عن تخطيطه للاستفادة من التناقضات القبلية، ومن من أسماهم بـ "محترفي الانتخابات"، وغيرها.
نحن نعلم أن استعدادات المؤتمر الوطني لتزييف إرادة الشعب السوداني بدأت مبكراً، واتخذت خطواتها العملية في تعيين الكادر الإنقاذي المعروف د. حسن حاج علي مديراً للجهاز المركزي للإحصاء المسؤول المباشر عن إجراء التعداد السكاني الذي يسبق عمليات توزيع الدوائر، والذي أحضر معه كوادر تنظيمية متخصصة للعمل في الجوانب التي يمكن تزويرها منذ البداية، كما اتخذت هذه الاستعدادات طابعاً عملياً برصد مليارات الجنيهات لكوادر التنظيم التي أوكل لها الإعداد للمعركة التي يعلم المؤتمر الوطني أنها ستكون بالنسبه له مسألة حياة أو موت، كما أنها أخذت منحى عملياً في إقرار قانون الأحزاب السياسية بمواده المسيئة "المزورة" التي تشبه بروفة سيئة الإخراج للانتخابات القادمة، ويعمل المؤتمر الوطني على أن يخرج قانون الانتخابات بذات المستوى من الجرأة في حسم الانتخابات لصالحه قبل بدايتها، ولكننا مع القوى الوطنية الديمقراطية – التي تعلم بأنه لا سبيل للتطلع للعيش في وطن موحد ديمقراطي آمن يحقق كرامة مواطنيه وتنميتهم إلا بهزيمة عصابة الجبهة القومية المتأسلمة – سنعمل على مواجهة آليات السلطة وعلى خوض المعركة الانتخابية مع جماهير شعبنا ووسطهم، وسنقاوم حزب المؤتمر الوطني وأساليبه الإجرامية وسلاحنا ثقتنا في جماهير شعبنا وثقتها فينا، مقدمين لها دماء شهدائنا وصمود مناضلينا ووضوح مواقفنا وصلابتنا في الحق، وسنطور من أساليب عملنا بما يتلاءم مع عصرنا ومع واقعنا وواقع شعبنا السوداني.
نورد فيما يلي مقتطفات من هذه الوثيقة، ونتركها بدون تعليق.
|
Post: #2
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 05:13 AM
Parent: #1
نورد فيما يلي مقتطفات من هذه الوثيقة، ونتركها بدون تعليق.
"أن نهتم مبكراً كمؤتمر وطني بترسيم الدوائر وإعادة تخطيطها بما يحقق المصلحة، وهنا لا بد من الانتباه لأهمية وزارة الحكم المحلي بالولايات وضرورة إشراف الوالي عليها في المرحلة المقبلة."
• اللجان ستتكون من الضباط الإداريين والقانونيين والمعلمين.
• توفير ميزانية تليق بالحدث الذي ينتظرنا ويفضل أن يسعى لتوفير المعينات أكثر من التعامل النقدي حتى نستطيع توظيفه بطريقة مثلى.
• في مجال التنسيق لا بد من توظيف كل الواجهات في:
1- أئمة المساجد. 2- لجان المساجد. 3- لجان الزكاة. 4- النقابات. 5- الاتحادات المهنية. 6- اتحادات الطلاب والمرأة والشباب وروابط الطلاب بالجامعات. 7- الأندية الرياضية والاتحادات الرياضية. 8- الطرق الصوفية. 9- منظمات المجتمع المدني. 10- الجمعيات التعاونية. 11- جمعية ربات البيوت. 12- رابطة المرأة العاملة. 13- صندوق دعم الطلاب (مشروع كفالة الطالب). 14- مشروعات مصرف الادخار. 15- زعماء القبائل والسلاطين. 16- اتحادات المزارعين... الرعاة... أصحاب العمل. 17- الخلاوي.
• رصد حركة الأحزاب المعارضة وإبطال مفعولها عبر التعامل الذكي مع ما يثار دون انفعال ورصد التدفقات المالية الخارجية وحجزها ما أمكن.
• تكوين المفوضية بشكلها الجديد يحتم علينا أن نقدم لها الأكفأ والأقدر خاصة وأننا قبلاً كنا نكون لجنة الانتخابات منفردين ولا بد من تزويده برؤى الحزب مبكراً ومكتملة.
• مراجعة السجل الدقيقة وتقديم أكبر عدد من الطعون في عضويتهم وضمان عدم تصويت الشخص أكثر من مرة.
• الاتصال المبكر بقيادة الطرق الصوفية وزعماء القبائل والعشائر عبر مداخل مقنعة لهم.
• استصحاب البعد القبلي في الدوائر والقراءة الدقيقة لواقع كل دائرة.
• إكرام المعلمين والضباط الإداريين والقانونيين قبيل الانتخابات بسداد حقوقهم ومستحقاتهم.
• استقطاب الشخصيات المفتاحية من محترفي الانتخابات رجالاً ونساءاً وشباباً وطلاباً وتقديم حوافز لهم لها صفة الديمومة مثل بطاقات التامين أو علاج المرضى.
• تجنب القرارات التي تعبئ الشارع ضد الإنقاذ مثل الزيادات في الوقود أو السلع الاستراتيجية، وضخ حزمة إنجازات قاعدية خدمية يحس بها المواطن مباشرة وترتيب عمل الزكاة والمنظمات ليصب في هذا الاتجاه واتخاذ إجراءات اقتصادية تصب لصالح المواطنين.
• المرأة عنصر رئيسي في حسم هذه المعركة لذا وجب علينا أن نوليها عناية فائقة وتنظيم صفها واختيار نساء في الأحياء وتمكينهن مبكراً ورعايتهن بالتدريب.
• توحيد أهل القبلة وإدارة حوار مبكر معهم والسعي لعدم ترشيح كوادر قوية منهم لكيلا يكون ذلك خصماً من رصيدنا والمفاضلة والمعايرة بين المرشحين.
• حوسبة عمل كل لجنة بها صندوق اقتراع ويشرف على هذا الجهاز المعاقين حركياً ويتم تدريبهم مبكراً.
والميدان ستواصل كشف مخطط وألاعيب وتزييف وتزوير المؤتمر الوطني.
|
Post: #3
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: Zoal Wahid
Date: 04-08-2007, 05:32 AM
Parent: #1
شكرا اخي خالد
الشعب خبر اساليب الحركة الاسلامية في التزوير والخيانة
ولكن
اين هي القيادات التي تبادر بالعمل لاحباط التزوير والتغرير؟
|
Post: #4
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-08-2007, 06:03 AM
Parent: #3
الأخ/ خالد العبيد..
تحية طيبة.. وبعد،
هذه هي حال أحزابنا في حكاية التزوير وإدعاء تمثيل إرادة الشعب..
خذ مثال هذه الصورة على سبيل الدعاية الإنتخابية لا الحصر..
تفتكر..
الواضح إنو أحزابنا السياسية السودانية لامن تكون في المعارضة.. تبكي الديمقراطية بدموع التماسيح..
وتطالب بيها كخيار أمثل للحريات مع ترك عنان خيالها يصورها كيفما تشاء كرؤية إستراتيجية وخيار لا بديل ليهو..
ولامن تكون في ضل ضحى الحيكومة برضو تصورها كيفما تشاء مع توظيف طاقتها وطاقة الشعب لخدمة أجندة لا تخدم لا الوطن ولا المواطن..
وتزوير لتزوير يفرق..
في هذا البوست كتب مراسل جريدة الميدان الناطقة باسم الحزب الشيوعي الأستاذ/ خالد العبيد عن معني تزوير المؤتمر الوطني للإنتخابات القادمة تحت زعم ما يسمى بالديمقراطية..
وقال:
| Quote: نورد فيما يلي مقتطفات من هذه الوثيقة، ونتركها بدون تعليق. |
بدون تعليق يا خالد برضو..
ومما ألفناهو عن حال كوادر الحزب الشيوعي في قلب الحقائق كلها تصب لصالح المؤتمر الوطني..
ممكن يا خالد تنزل لينا الوثيقة ذاتها بالماسح الضوئي (إسكنر)..
وأتركـ التعليق لينا نحن القراء..
عشان السيرفر..
ولكـ خالص الود..
|
Post: #5
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: Asma Abdel Halim
Date: 04-08-2007, 06:10 AM
Parent: #3
خالد إزيك
يا سيدى أهو التنظيم كدة واللا بلاش الشايفاه فى الوثيقة ده كلام ناس بخططوا للفوز فى الإنتخابات بكل السبل "ومكر السياسة"
الناس الثانيين خطتهم شنو؟ السياسة بتاعة الجبهة الإسلامية كعبة دى ما حتنفع. أهو معظم الناس مقتنعين بيها لكن "البديل للجبهة" عنده شنو؟ قولوا لينا عند الأحزاب الأخرى فى أى خطط للفوز بأى شىء
الناس خلاص تعبت من العمل "ضد"الحاضر والماضى عايزين يشوفوا العمل "مع" المستقبل
استحواز الإسلاميين على مقاليد كل شى ما برفعولو الضو.
نحن الأن تحت تهديد الحرب فى كل اتجاه فى السودان وسنموت كما مات ويموت كل مسكين عديم الحيلة فى السودان.
أهم حاجة دايرين نشوف القايلين ناس مقديشو فازوا أو الفلسطينين استقروا أو الأفغان نجوا ديل.
باقى الأحزاب عندها ليهم شنو؟
عايزين نشوف حينافسوا الكيزان كيف بدون ما يقولوا لينا نوايا الكيزان كعبة لأنه ده أمر مفروغ منه
مع تحياتى لك
|
Post: #6
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: علاء الدين صلاح محمد
Date: 04-08-2007, 06:26 AM
Parent: #5
ماذا فعلت ستفعل الأحزاب إزاء ما تقوم ستقوم به مجموعة المؤتمر الوطني للتأثير على إرادة الشعب خاصة إذا علمنا أن عملية التزوير ظل متلازما للمؤتمر الوطني واحد أهم آلياتهم بمختلف مسمياته و على كافة المستويات (اتحادات الطلاب –نقابات-جاليات وغيرها ) واضعين في الاعتبار أن التأثير في الانتخابات بالصورة التي ترجح كفة المؤتمر الوطني كان ويظل في حكم اليقين
احسب أن القوى الوطنية قد وعت الدرس وأدركت طرق وأساليب المؤتمر الوطني و تستعد للمرحلة القادمة وعلينا أن ندرك أن محاولات التبرير المسبقة لما يمكن أن يكون أخفاقا للأحزاب الوطنية في الانتخابات القادمة لان المؤتمر الوطني زور الانتخابات غير مقبول.
|
Post: #7
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-08-2007, 06:38 AM
Parent: #5
| Quote: ممكن يا خالد تنزل لينا الوثيقة ذاتها بالماسح الضوئي (إسكنر).. |
عند عمل الإسكانق..
أضبط إستنارة الماسح الضوئي..
|
Post: #8
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: سيف اليزل الماحي
Date: 04-08-2007, 06:42 AM
Parent: #1
.
عزيزي خالد العبيد
مع أكيد إحترامي
فهذه "الوثيقة" يمكن أن يكتبها أي واحد إشتغل سياسة لمدة شهرين!!
سيف اليزل
.
|
Post: #9
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 07:21 AM
Parent: #1
العزيز زول واحد
تحياتي
صدقني لن تعقر حوا السياسة السودانية
بل سيبتدع ابناء شعبنا عشرات الاساليب والطرق
من اجل قفل الطريق امام عودة القتلة والمجرمين والمفسدين
وان غد لناظره قريب !!
التعديل لتصحيح حرف
|
Post: #10
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 07:38 AM
Parent: #1
الاستاذ عبدالرازق الطالب
تحياتي
انا عارف جدا
انو انت واحد من الناس
الميدان بتزازي بيهم
يا عبدو روق
|
Post: #11
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: bayan
Date: 04-08-2007, 07:52 AM
Parent: #10
خالد يا اخوي
دي خطة عادية جدا
لو اسع اي حزب عمل واحدة ذي دي كان بقى افضل من الهرجلة الحاصلة..
لو الكيزان عملو الخطة دي بيكون جد مستعدين من بدري
موش ذي ناس نايمة في العسل ومنتظراهم يفوزوا عشان تجي تقول الانتخابات مزورة
ذي ما حصل في انتخابات المحامين.
ونتمنى لو حزبكم واي حزب تاني قعد عمل ليه خطة حتى لو خسيسة..
عشان الجماعة المستعدين ديل ما يجو من باب الاقتراع يمدو لسناهم فينا..
وما تنسوا لو رضيتو ولو ابيتو الحقيقة واضحة
انتو لما قلبتوها سنة 1969 ما قدرتو تمسكوها سنة واحدة
وجماعتكم اتعلقوا في المشانق
وديل قلبوها سنة 1989 والى الان سنة 2007 ماسكين وبيعملوا الدايرنوا
ما ذي ما كتب في صدر البوست عندما فشلو بمسكها بالدبابات
جايين لصندوق الاقتراع دي فرضية ما صحيحة بالنظر الى ما هو كائن..
منتظرين الانتخابات ومتمنيين نشوف خطط
الميدان بقت اي كلام الفرق بينها وبين الدار شنو يارب؟
|
Post: #12
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-08-2007, 09:11 AM
Parent: #11
كتب الأستاذ/ خالد العبيد
مراسل جريدة الميدان التالي:
Quote: انو انت واحد من الناس
الميدان بتزازي بيهم |
تزازي شنو..؟
كده إنتو أمرقو في الأول من حفرة الإنقاذ دي بعدين تعالوا دوغري..
ياخي الميدان دي كلها على بعضها = تزوير × تزوير الناتج الإعلامي زيرو كبير شمال الفاصلة.. تلفيق في تلتيكـ.. [لا هدف سامي لا إستراتيجية تعبر عن أحلام الشعب]..
شغالين كي كيتاً في فينا بالحديد والنار..
يا خالد العبيد ياخي لو تعرف الميدان دي في أحسن حالتها تعبر عن شغل كتابة الحيطان وبالعدم:
تجوط الليحان:
لو بتتذكر: من ازرق طيبة الى نقد ( نقد نفى استلام الرسالة )
ده كان إستعداد الحزب الشيوعي لإنتخابات نقابة المحاميين ونقابة المزارعين الفازو بيها الكيزان أجمعين..
قال مراسل الميدان:
يا خالد إنتو شغل الحنبكة ده أصلاً ما بتخلوهو..
يعني من هسعي بتتباكو على فقدانكم لعدد كراسي برلمانيو الحزب الشيوعي بالتعيين..
والفاق عددهم في ظل الإنقاذ عددهم أيام حرية إختيار الشعب بالديمقراطية..
هسعي يا خالد اليروق منو..
ياخي ما تبطلو جقلبة..
|
Post: #13
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خضر حسين خليل
Date: 04-08-2007, 09:18 AM
Parent: #1
ياخالد رجاءاً لا تلتفت لهذا ( العبدو )
ثم ياعبد الرازق .... ياخ إنت موضوع أزرق طيبة ده حتكون شايلو معاك كدة
لي متين ؟
عالم عجيب
......
خضر
|
Post: #14
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 09:19 AM
Parent: #1
الماحي شكرا على مرورك
مع اكيد الاحترام
|
Post: #15
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-08-2007, 09:58 AM
Parent: #14
عفواً..
|
Post: #16
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: nour tawir
Date: 04-08-2007, 10:06 AM
Parent: #15
Quote: رصد حركة الأحزاب المعارضة وإبطال مفعولها عبر التعامل الذكي مع ما يثار دون انفعال ورصد التدفقات المالية الخارجية وحجزها ما أمكن.
|
!what a mess
we know that the country is in the hands of MONESTERS
?!!(but who will wake the giant(I mean the sudanese poeople
|
Post: #17
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-08-2007, 10:18 AM
Parent: #14
خضر حسين خليل..
لكـ الود (العبدو) أجزله..
وما تعمل لينا إسقاط ساكت وتروح لينا طلب إنزال الصورة بعينة كتاحة عجاج أزرق طيبة..
وخلي مراسل جريدة الميدان الأستاذ خالد العبيد ينزل لينا صورة الوثيقة..
زي ما ناس المؤتمر الوطني نزلو ليكم وثيقة الزميل أزرق طيبة للشيخ نقد..
Quote: ياخ إنت موضوع أزرق طيبة ده حتكون شايلو معاك كدة
لي متين ؟ |
إلين يتم حذفو من الأرشيف..
اللوووول..
أسمعني يا صاحبي؛
موضوع الزميل أزرق طيبة (عضو اللجنة المركزية للحزب الشيوعي)..
داكـ موش برضو كانت رؤية حزبكم الإستراتيجية في تسخينة خوض إنتخابات نقابة المزارعين والمحاميين..
والله فضحكم فيها فضيحة الكدايس..
حليلكـ يا خضر..
ما حأقول ليكـ قول الروب لأنو مارسوها قبلكم بالثابتة ناس المؤتمر الوطني..
وعينكـ على الختم عامل زي أثر الحجامة على قفا اليتامى..
كده خلينا في موضوعنا بتاع عووووكـ أروروووكـ أضبط ده..
| Quote: الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة |
وسيبكـ من حركات الكيزان في الميدان دي..
إنت بس..
تعال دوغري..
|
Post: #18
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خضر حسين خليل
Date: 04-08-2007, 10:34 AM
Parent: #1
كويس يا أبورزقة
...............
ياخ إنت زول للامانة كدة (.........)
ثم إختر المفردات المناسبة لتعبئة مابين القوسين
أها دي كيف
.......
خضر
|
Post: #19
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-08-2007, 11:05 AM
Parent: #18
خضر حسين خليل..
كيفنكـ..
يعني خلاص برنامجكم الحزبي في مخاطبة أشواق جماهير الشعب السوداني بأغلبيتو المسلمة حيكون تطبيق الشريعة الإسلامية وإنزالها لأرض الواقع بتنفيذ ثوابت الدين [وأمركم شورى] وتخلصونا من غلوطية ميكيافيلية الدين أفيون الشعوب دي وتهتفو هتاف الشارع قال:
والإسلام هو الحل.. كبند ثابت..
آه.. والشارع قال..
في إنتظار الإجابة..
وما تيجيني خاوي الوفاض بالفراغات..
والمفارقات وتقول لي إختار المفردات..
بعد التحالفات والتكتلات العجيبة دي [مؤتمر شعبي/شيوعي مثال)..
وما تستغرب في الحكاية ..
وسلوككـ تجوط بالعجب العجاب وتقعد تقول كيفن شركـ أم قيردون قبض الفيل..
يا صاحبى..
سمحة العافية البتشد الحيل..
|
Post: #20
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-08-2007, 01:14 PM
Parent: #19
<|>
مراسل جريدة الميدان الأستاذ/ خالد العبيد..
طبعاً متفق معاي بأنو..
سيد الحوش بكرى ابوبكر حيجي يرمي البوست ده في سلة المهملات..
ويقصو قصة الأستاذة سناء خالد ويردمو بالشكوك..
تحت ذريعة زحمة الباوندث البقى حجة..
إلا إذا كان عندكـ مكتبة ساكنة بالجوار يا الحبيب..
قبل ما أمشي يا صاحبي هاكـ الحكمة دي وخليها في حنانكـ..
إلا إذا أتيت بالدليل الحرز على عدم التزوير إذا كان مافي ممانعة..
أوعاكـ تيجي بالعذر الأقبح من الذنب..
الحقيقة لو ما فوزتكـ..
التزوير ما بيديكـ (حق) كسب أصوات الشعب..
والحرية ليكم ولسواكم..
وخت الرحمن في قلبكـ أصلو الدين النصيحة..
وحبل الكضب قصير..
|
Post: #21
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 10:18 PM
Parent: #1
العزيزة اسماء
تحياتي
| Quote: لكن "البديل للجبهة" عنده شنو؟ قولوا لينا عند الأحزاب الأخرى فى أى خطط للفوز بأى شىء |
البديل ان يعمل الجميع احزاب ونقابات ومؤسسات وهيئات
لاسقاط مرشحي الجبهة الاسلامية اينما نزلوا وترشحوا !!
الاحزاب يمكن ان تنسق في ما بينها من اجل تقديم مرشحين مقنعين للدائرة المحددة
وشعبنا له تجارب حية في هذا الجانب آخرها تجربة دائرة الصحافة الشهيرة
هذا السلاح الزعاف ان اتقنا استخدامه ستنهزم الجبهة اينما حلت
مودتي
|
Post: #22
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 10:48 PM
Parent: #1
المحترم علاءالدين
تحياتي
اتفق كثيرا مع وجهة نظرك هذه
الدكتور محمد سعيد القدال كتب مساهمة رائعة
اقتطف منها هذا الجزء
وكل املي ان تتطلع عليها في موقع الميدان
مع اكيد مودتي
Quote:
إن إجراء الانتخابات ليس حلا سحريا، فلن تأتي الانتخابات بالحلول السحرية وإنما هي وسيلة تفتح الطريق لإيجاد الحلول التي تواجه المجتمع. وإذا شحنّا الانتخابات بطموحات عريضة فإن ذلك قد يؤدي إلى خيبة أمل أشد إيلاما من انعدام الانتخابات. لقد شهدت البلاد ثلاثة انقلابات عسكرية جاءت كلها بعد انقضاء فترة وجيزة على انتخابات برلمانية. فهل نريد أن نجري انتخابات نبذل فيهت جهدا سياسيا وماليا ثم يأتي انقلاب عسكري ليطيح بذلك الجهد؟ |
|
Post: #23
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 11:00 PM
Parent: #1
الدكتورة بيان
تحياتي
Quote: دي خطة عادية جدا
لو اسع اي حزب عمل واحدة ذي دي كان بقى افضل من الهرجلة الحاصلة.. |
بالله ده العادي عند الكيزان
نحيا ونشوف الماعادي
تعرفي يا بيان
قبل ثلاثة اسابيع كان عندنا انتخابات هنا في واحدة من دول الاستكبار!
مشينا التصويت وحياتك لا مكرفونات لا خطب لا هرجلة
لا كوتات عيش لا شوالات فحم لا حافلات تخم الناس لا حبر في الاصابعين !!
شفتي كيف!
آخر تهذيب وانضباط وابتسامات
يوم واحد الانتخابات انتهت
صباح اليوم التاني لقينا النتائج في الجرائد
وبالمناسبة مرشحنا بتاع العمال فاز !!
حريقة في الاسلاميين
|
Post: #24
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 11:09 PM
Parent: #1
الشيوعي الجميل خضر
تحياتي
الكوز ابو رزقة مزروقه ليه ملحه !!
مسكين يكتب ويمسح
أو كما قال مظفر النواب
مودتي
|
Post: #25
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خالد العبيد
Date: 04-08-2007, 11:21 PM
Parent: #1
نور تاور
تحياتي
حقيقة البلد في كف عفريت !
ومن يعمل يكسب
مودتي
|
Post: #26
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: bayan
Date: 04-09-2007, 02:43 AM
Parent: #25
Quote: بالله ده العادي عند الكيزان
نحيا ونشوف الماعادي |
والله دي تسأل منها الكيزان شايفة كلامك بقى كتر
لكن دي خطة عادية جدا واكيد انتو بيكون دا لو كات عندك خطة من اصلو بتكونو
مجهزين كدا...تضربو وين وتتسسلو وين وتقو شنو وتضعفو شنو
ومصرة انها لا بتستحق اضيط ولا تنشرها الميدان..
Quote: تعرفي يا بيان
قبل ثلاثة اسابيع كان عندنا انتخابات هنا في واحدة من دول الاستكبار!
مشينا التصويت وحياتك لا مكرفونات لا خطب لا هرجلة
لا كوتات عيش لا شوالات فحم لا حافلات تخم الناس لا حبر في الاصابعين !! |
اصلو التصويت ما بيكون فيه لا مايكروفونات لا حاجة لكن قبل التصويت
كيف الحزب عمل دعايته الانتخابية اوعى تكون انتخب هربربت وبى شوار
انه كل الاقليات ستجد حقوقها حتى اللسبيان والقيز
ولا هالو انتخبوني و لن يرسل اي طفل الى حروب بعيدة
يعني بسالك عن الكامبينات لانه يوم التصويت عادة الدعاية بتقيف
هل شهدت الكمينبات وسمعت مرشحكم بيقول عن المرشح الثاني شنو؟
طبعا ديلاك ما عايزين شوالات عيش لكن اكيد في جزء ادفع ليها قروش
اللوبينق في الانتخابات دا في اي مكان ولكن يبدو انك مشغول
ما حضرت الكمبينات حيث البيرة تجري انهارا والخطب الرنانة ودق الصفائح
ومرق الفضائح للحزب الاخر..
ايوة ربنا يحن على شعبنا فيصل الى هذه المرحلة
من انه يسمح له باختيار ممثليهم بدون ما يجي حزب عقائدي
يقلبها مع العساكر..
آخر تهذيب وانضباط وابتسامات
| Quote: يوم واحد الانتخابات انتهت |
عدد سكان منطقتكم كم وفي كم مركز فيها وكم يذهب الى التصويت
دي البتحكم عدد الايام مع العلم ان هناك مشكلة في دول الاستكبار ان
الذيت يصوتون عدد قليل جدا..
Quote: صباح اليوم التاني لقينا النتائج في الجرائد
وبالمناسبة مرشحنا بتاع العمال فاز !! |
مبرووووووووووووووووك
| Quote: حريقة في الاسلاميين |
كان في حزب اسلامي مرشح وهزموه العمال؟
الاسلامين ما بتحرقو المرة دي الا بصناديق الاقتراع
تعالوا راجعين نظموا صفوفكم ورتبوها بدل
الكلام الميت دا..
|
Post: #27
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-09-2007, 08:06 AM
Parent: #26
| Quote: صباح اليوم التاني لقينا النتائج في الجرائد |
بس الهنود في اللحظة والتو بتظهر النتيجة بنهاية فترة الإنتخابات..
والتصويت بصمة إلكترونية..
حليلكـ يا خالد..
قديم جنس قدم..
|
Post: #28
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-09-2007, 10:41 AM
Parent: #26
كتب الأستاذ/ خالد العبيد موفد الميدان من إوسطراليا..
| Quote: الشيوعي الجميل خضر |
دي يا خالد العبيد قلبت فيها هوبه..
والذي نفسه بغير جمال يرى الوجود قبيحاً..
بعدين هسعي صاحبي خضر الصلعتو لحقت قعر عضانو ده من وين تاني بيرشح جمال ذكرياتو في هضبة نجد..
بعد ما غطستو حجر كرسي منفاهو الإختياري كمناضل كي بورتي جوه في مركزيتكم ديكـ..
قال..
| Quote: الكوز ابو رزقة مزروقه ليه ملحه !! |
هسعي دي ما إنبطاحة فكرية..
الكوز فينا ياتو هسعي يا صاحبي..
القال هنا: Re: ما بين رودا مردا وشوقي بدري : رسالة.
Quote: الاخ محمد حامد جمعة
تحياتي
اتفق معك في كل ما اوردته
يجب وقف الفوضى بكل حزم
والماعاجبوا يرجع عنكوش ! |
ولا إنت المسكين الكتبت ورجعت مسحت عنكوش هنا http://نقد ذاتي واعتذار ... للجميع
فاكر العنكشة بتحلكـ..
| Quote: أو كما قال مظفر النواب |
يعني كنا يا عنكوش راجينكـ تقول كما قال الله تعالى في محكم تنزيله..
ولا تقول لينا كقول الأسوة الحسنة صاحب الرسالة الخاتمة الأتي ليتتم مكارم الأخلاق..
يا خالد الرجوع للحق فضيلة..
وسيدنا عمر لامن آمن بصاحب الرسالة..
وأتبع الكتاب المنير هو وسيدنا أبوبكر..
وبقية الصحابة الأجلاء كانو فوق سن الأربعين..
والطريق إلى الله..
كتب عنه الشيوعي التائب د. مصطفى محمود.. صاحب برامج العلم والإيمان عليه الرحمة..
يا خالد سيبكـ من سلبطه تحريف الكلم عن موضعه دي..
الخلتكم تبقو خناجر مسمومة في خاصرة أمتكم..
بعد ما لحس عقلكم صاحب الدين اليهودي كارل ماركس ولينين..
عشان تحاربو بالنيابة عنهم دينكم الإسلامي..
وأسأل خضر أبو صلعة ده بعد ما حج وأعتمر..
عن مشاعروا وهو طايف حوالين البيت العتيق..
محرماً.. ساعياً بين الصفا والمروة مبللاً حنجرته المكبرة والمهللة بمياه زمزم..
واقفاً ملتزماً ما بين زمزم والصفاء..
يا خالد..
أحسكـ تائه..
عنكشة:
التعديل هنا:
لزوم فضح تنقيح خالد العبيد في ماعني تحريف الكلم عن موضعه الوضعو هنا من على الرابط: Re: يا تراجى ... يستاهلو .. وغلطانين !!
|
Post: #29
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: خضر حسين خليل
Date: 04-09-2007, 11:01 AM
Parent: #28
أبو رزقة :
الله يشفيك يازول .
بعدين تعال إنت ما وريتني إنت حاسي بي شنو اليومين
الفاتو ديل يعني بتعاني من شنو بالضبط ؟ بعدين ياخينا
ياابورزقة نصحتك مليون مرة إنك لو عايز تناقش جيب ليك
جملتين مفيدات شرط يكونن ورا بعض . عشان ياخي مامعقولة
تجي تناقش في الحزب ده وتاريخو كلو بطريقة /5/4/1
وبالمناسبة يعني حاول شكل طريقة لعبك عشان ماتبقي
لينا وجع زي الكورة السودانية . بمعني حاول تغير
الخطة 5/4/1 الي 4/4/2 بالمناسبة دي طريقة بتاعت
لعب ممتازة وماعارف الهلال امس مالعب بيها لشنو
مع إنو ياابورزقة ريكاردو ده مدرب ممتاز وجاي من البرازيل .
ياخ السودان كلو بقو هلالاب ياخ شجع الكورة أخير ليك والله .
عالم عجيب
..........
الزول المحترم خالد العبيد :
إذيك ياترس
تخيل أبورزقة داير يعمل لينا آخر عمرو ناقد للتاريخ
وماتعرف شنو يعني دي بتجي ياخالد والله من يهن يسهل
الهوان عليه فعلاً .
تحياتي للوليدات مع الامنيات لك بالصبر الجميل لما
ابتلي به الرب هذا البوست
أبورزقة . أبو جاكومة
غايتو نقتي الفوق دي بتمروح بيك شهرين لي قدام
أهو الناس تكون عندها موضوع وتنبسط يلا فرفش وقرقش
.................
خضر
|
Post: #30
Title: Re: أضبط : الحزب الشيوعي يكشف تفاصيل أخطر وثيقة للجبهة الاسلامية لتزوير الانتخابات القادمة
Author: A.Razek Althalib
Date: 04-09-2007, 12:52 PM
Parent: #29
Quote: أبو رزقة :
الله يشفيك يازول . |
آمين يا صاحبي خضر والبورداب أجمعين..
وإنت ذاتكـ معانا..
Quote: عشان ياخي مامعقولة
تجي تناقش في الحزب ده وتاريخو كلو بطريقة /5/4/1 |
شوووووف إستهبال الزول ده..
ياخي معقول الجمل..
بعدين تاريخ شنو وخرابيط شنو ليكم كمان مع الأبطال كأطفال أنابيب لليهوديان كارل ماركس ولينين..
ياخي بطل لف ودوران وإثارة كتاحة إعتراضية لتاريخكم الكلو ملوث بألوان الدماء الغانية من كترة ولغكم فيه إخترتو اللون الأحمر شعار..
كده خليكـ من تاريخكم الغير مشرف ده ده..
وقول لخالد العبيد خلي ينزل وثيقة الكيزان دي إسكنر..
أفيد لنا وللقراء الحكم عشان منتظرين مصداقية حزبكم القاعدة كوادرو تقبض رواتبها من عرق الشعب الغلبان كموظفين من تحت قبلة البرلمان بالتعيين..
وبعدين بكشفكم لهذه الوثيقة..
يتبين عدد إشياء ودروس مستفادة..
بعد دآآآآكـ تعال نشوف حكاية هزيمة فريقي المريخ 1/0 والهلال 3/0 وأثر المدرب الممتاز الجابينو من البرازيل على المنتخب الوطني..
وتحديث الإستادات القائمة وكيفية إضافة واجهات جديدة للوطن تكون مشرفة..
| Quote: ياخ السودان كلو بقو هلالاب ياخ شجع الكورة أخير ليك والله . |
الجاآآآآآكـ..
تعرف يا صاحبي فعلاً العالم عجيب..
ياخي إنتو قاعدين بتقبضو رواتبكم من الكيزان العينوكم جوه في برلمانهم بعدد أكتر من نوابكم أيام خيارات الديمقراطية..
وجايين ناطين لينا هنا نبز وشتايم لكل زول خالفكم الرأي ووصمو بالكوز..
ياخي إنتو ديل عجيبين يا زول ولذيذين جنس لذة..
وطعلتو ذيل يهش ساكت....
| Quote: الزول المحترم خالد العبيد : |
غزل متبادل بين الطرفين وتطيب خاطر لهذه الفضيحة..
اللوووول..
والساقية لساع مدورة..
Quote: تخيل أبورزقة داير يعمل لينا آخر عمرو ناقد للتاريخ
وماتعرف شنو يعني دي بتجي ياخالد والله من يهن يسهل
الهوان عليه فعلاً . |
هو إنتو لساعكم بعد ما قُبرت النظرية الإشتراكية وكتب على شاهد قبرها غير صالحة للإستخدام الإنساني..
وبعد الإنهيارات المتتالية في كل من اليمن الجنوبي وأثيوبيا وغيرها لساعكم قاعدين تفرفرو بالهوان..
يا لهوانكم عند الناس..
Quote: تحياتي للوليدات مع الامنيات لك بالصبر الجميل لما
ابتلي به الرب هذا البوست |
تحياتي أنا ذاتي يا خالد وصلها معاكـ للوليدات..
وإن الله مع الصابرين إذا صبروا على بلواهم..
وزي ما شايف بلوتكـ إنكـ طبزت عين حزبكـ بكضبة الوثيقة..
| Quote: أبورزقة . أبو جاكومة |
اغتيال الشخصية في ممارسات الحزب الشيوعي السوداني
| Quote: غايتو نقتي الفوق دي بتمروح بيك شهرين لي قدام |
نقتكـ الفوق دي مفاتيح ومساكات لزنقتكـ..
كتر منها بس يا صاحبي في الجايات روابح..
وخليكـ من الرشاشات الكوابح..
| Quote: أهو الناس تكون عندها موضوع وتنبسط يلا فرفش وقرقش |
السعادة يا خضر هي قالوا عنها..
عبارة قارب [سفينة الإنقاذ الراكبنها دي] يبحر في إتجاه ملائم للريح..
(عدل بواسطة خضر حسين خليل on 09-04-2007, 11:10 ص)
قبل إضافة رد..
لزم التنويه..
|
Post: #31
Title: والميدان ستواصل كشف مخطط وألاعيب وتزييف وتزوير المؤتمر الوطني.
Author: A.Razek Althalib
Date: 04-09-2007, 01:10 PM
Parent: #1
| Quote: والميدان ستواصل كشف مخطط وألاعيب وتزييف وتزوير المؤتمر الوطني. |
حزب..
وجريدة..
وكوادر..
كلها على بعضها تعجز أن تنزل الوثيقة إسكنر..؟
لإثبات مصداقية الحزب..
حسب الطلب..
والله العظيم ده عيب كبير خلاص ده..
يعني..
فلاحة الكلام طلع فشوش ساآآآكت..
|
Post: #32
Title: Re: والميدان ستواصل كشف مخطط وألاعيب وتزييف وتزوير المؤتمر الوطني.
Author: hanadi yousif
Date: 04-09-2007, 03:08 PM
Parent: #31
[QUOTE]كلها على بعضها تعجز أن تنزل الوثيقة إسكنر..؟ |
ابورزقة يا اسكنر يا خطير,,
ازرق طيبة ما عندو كمبيوتر ولا الة طابعة ولا اسكنر,,
ود العبيد
تحياتي,,,
يا زميل اعمل واحد ورقة مروسة باسم المؤتمر الوطني مزورة رسلها في واحد اسكنر ونزلها في المنبروانا ح امضي ليك,,,
|
