Post: #1
Title: جورج -- دى كفك ولا غيمه
Author: THE RAIN
Date: 04-10-2004, 08:36 PM
جورج بنيوتى، أو الزول البحر
دى كفك ولا غيمه
تلمس الطين ينتشى
يبقى الكلام
روح التراب
تبقى الحروف
معنى الوئام
الفرحة تسرج صهوتا
ونجيك على خيل السلام
وعليك محبة وليك سلام
دى كفك ولا غيمه
ريدتك تقوم
وسط الصحاب
نيمه وسبيل
فى إيدو مرتاح الحلم
فى عيونو قيّلت الجروف
ويضحك الطين ينتشى
عارف براك
ما بسوى شى
ريدتك تبتق
زى تراتيل النخيل
كفك تكب
طهر الغنا
وتصدح هديل
تفرهد الدعوات منى
وتزغرد اللحظة وتشيل
ونغنى بى حسك "نشيل"
معناك والود النبيل
ودى كفك ولا غيمه
تضحك الروح تنتشى
جنحات كلامك تبقى عِينه
ضى الحروف خد الرتينه
ورقصة الحب الرزينه
بى نشوة الريد تنتنى
ترقص حداك وليك تميل
وعطر الألق
كل القصائد والمواويل الحنينه
شبال على كتفك يسيل
وكفك تكب
طهر الغنا
وتصدح هديل
والفرحة زى ضحكة عطر
بسمة أريج
مضاريه فى توب النِسيمه
ودى كفك ولا غيمه
وبى الفينا
بى كل التواشيح القديمه
و كل ريده بتسقى
عطش الشوق حنينا
نهديك ورده ريد وسيمه
وساعة نجى
تحضن الخطوه المشى
نبقى معنى ونبقى قيمه
نرقص مع الطين ننتشى
ونهديك وردة ريد وسيمه
============================
|
Post: #2
Title: Re: جورج -- دى كفك ولا غيمه
Author: جورج بنيوتي
Date: 04-11-2004, 10:38 AM
Parent: #1
أبو ذر ...
كفك بشيل نون القلم
يرسم هوامش الليل نجوم
نسرح مع الباقي الفضّلْ
فضلك مطر أرضا يباب.
+++++
قالت : ما اسمك؟
قال : المطر
قالت : وهل يكون ؟
قال : جربيني .....
و....انهمر
- جَزعت إليه، وارتمت في حضنه: قصيدة..
لك ما يعتريني من فرح الدهشة والود..
وإلى حين أستوي عودا بقامتكم...عليك أن تنتظر
|
Post: #4
Title: Re: جورج -- دى كفك ولا غيمه
Author: شتات
Date: 04-11-2004, 01:36 PM
Parent: #2
أبوذر ..
سحابك شبك .. صيفك خريف ..
جيوب مليانة ريد ..
وانت الغمام والمطر ..
طلة الخير العميم ..
وللزول السمح .. كل السلام
والمكتوب قصيد ..
نحبك تنتشي الاحلام ..
نقابلك في جناين الشوق ..
نقادلك .. نفتح دفتر الايام ..
ونمشي بعيد ..
نخت البسمة في ايدو ..
ونصافح صباح العيد
نهدي ليهو القلوب والنيل ..
ريد اماتنا وحنان الصيد ..
ونتلاشي في صدر الزمن نيلين ..
تطير جنباتنا بالفرحة ..
ونغرق في عيون الليل
..
أبوذر .. جورج
ليكم عناقيد المحبة وشتول الريد .. والعذر كل العذر اذا تقاصرت الكلمات عن قاماتكم ..
صلاح / شتات
|
Post: #3
Title: Re: جورج -- دى كفك ولا غيمه
Author: THE RAIN
Date: 04-11-2004, 12:35 PM
Parent: #1
جورج الذاخر
تعرف، أنا قلت "أتسدّا" فيك
وبرضه ما قدرت
إعتبر دى "قولة خير" بس
وإنت برضه إنتظر
تعرف الكلام ده أنا جايبه ليك من ناس كتار
صلاح شتات
أبوجهينة
جبران
طيفور
الرحمابى
عالية
خالد الحاج
وناس تانى كتار بريدوك زى كده، من كل زول شلت لى "غصن" وقلنا نديك الشجرة كلها
والمعزة
|
Post: #5
Title: Re: جورج -- دى كفك ولا غيمه
Author: THE RAIN
Date: 04-11-2004, 05:20 PM
Parent: #1
يا شتات
الزول السمح ده
قلنا نحاول نرجع ليهو شويه من الخضرة والإرتواء الأدانا ليههو
بس برضه والله الكلام ما عايز قدره
كلمة نضمه
وكلمة نجمه
كون مزخرف بالأصاله
ولما عينيك تحتوينا
ينكتب معنى الرساله
ويا نداوة الكلمة عندك
يا حلاتا ويا جمالا
الزول ده يا شتات لسه باقى ليهو عندنا كتير
ولا شنو
|
Post: #7
Title: Re: جورج -- دى كفك ولا غيمه
Author: عشة بت فاطنة
Date: 04-11-2004, 05:42 PM
Parent: #5
يا اياها المسكون بسر الماء
امطرنا عذوبة وادفقنا بحارا
وارسل غيومك يا ندى
|
Post: #8
Title: Re: جورج -- دى كفك ولا غيمه
Author: THE RAIN
Date: 04-12-2004, 07:05 AM
Parent: #7
عشه العزيزة
يا حبابك والصباح موال أمل
ويا حباب كل العصافير
المشت فوق الحروف
نشوانه بالفرح الهطل
إحتفاءا بجورج بحر الندى، نقيم الآن مهرجان الموج
وكل النوارس دراويش لابسين الأخضر والأبيض والأزرق
سلمتى انشاء الله
|
Post: #6
Title: Re: جورج -- دى كفك ولا غيمه
Author: الجندرية
Date: 04-11-2004, 05:40 PM
Parent: #1
اشهد انك تنطق بلساني
المطر
جورج
شتات
يعطر ايامكم بالمحبة دايماً يارب
|
Post: #9
Title: Re: جورج -- دى كفك ولا غيمه
Author: THE RAIN
Date: 04-12-2004, 07:09 AM
Parent: #6
أمانى العزيزة
كيف الأحوال
الليلة كل الكلام جرتق عريس، معنكش بالنجوم، ومزين بالعديل والزين، للزول الزين، سيد الكلام وعالى المقام، جورج بحر الوئام
ومدد مدد، يا أهل الحضرة الزاهية
|
Post: #10
Title: Re: جورج -- دى كفك ولا غيمه
Author: ابو جهينة
Date: 04-12-2004, 08:46 AM
Parent: #9
يا لهذا الصباح الخريفي الماطر
سحب و غمامات ( جورج ) تلامسها كلمات أبا ذر كهبات نسيم بارد فتتساقط مطرا نديا يبعثرها ( شتات ) رذاذا على تربتنا العطشى لمثل هذه الزخات
تسلموا يا شباب
|
Post: #11
Title: Re: جورج -- دى كفك ولا غيمه
Author: عشة بت فاطنة
Date: 04-12-2004, 09:18 AM
Parent: #10
با مطر وقف هطولك
العريس حبران غلبو الدخول ، قال لوكان عارف ما كان كتر اكل الحلة ، وجورج حالف كانما وقفت الا يكحل ليك الكديسة .
|
Post: #12
Title: Re: جورج -- دى كفك ولا غيمه
Author: جورج بنيوتي
Date: 04-12-2004, 09:46 AM
Parent: #11
يا عشة يابت فاطنة
وحاتك جاي ... بس ... كايس أطول لي هذا المقام...
عبورك نيشان فرح ... والبداية:
شِدْ حبل العقيره
وغني يا قلب المحب
وعدَكْ بِكِرْ
ضُفرَكْ معَلَقْ في الجِلِدْ
جِلدَكْ معَسَّمْ في الهوى
قبلِيكْ على كل الجِهاتْ
شتات، أبو جهينة، جبران،طيفور، الرحمابي(الغائب ومشتاقين)، عالية،
خالد الحاج، عشة بت فاطنة.... يا نصاع هذا البورد ويا التماع صورته
حبابحب : قلبا نبكي لو يمنحنا طيف السر وما يتفتضه.
مليون وردة من جو صنعاء الجميل: مطر يداعب خصلة الزمن النضيف!!!
|
Post: #14
Title: Re: جورج -- دى كفك ولا غيمه
Author: شتات
Date: 04-12-2004, 01:19 PM
Parent: #10
أبوجهينة ..
ليك الغمام والابتسام ..
وحبات المطر درر منثورة فوق وردك سلام ..
وانت البحر ..
كرمك مطر .. والشوق سحاب ..
تحية للناس العزاز ..
والرزاز موكب خريف ..
فرحة تجتاح الصعاب ..
وللزول السمح كلمة منك ..
مختومة بي "سوط المطر" ..
مرسومة في لوح السماء ..
لوحة من أشواق صحـاب ..
وللمطر ياقوت الحروف ..
عيون المها وجدائل الريل ..
نديانة بالشوق والهيام ..
مكحَّلة بالليل والمنى ..
سارحة في وادي الغرام ..
وللجميع كرم الصباح ..
والريد وشاح ..
والكلمة غنوة ملونة ..
صلاح / شتات
|
Post: #13
Title: Re: جورج -- دى كفك ولا غيمه
Author: شتات
Date: 04-12-2004, 11:06 AM
Parent: #6
أماني الجندرية ..
مرحبتين حباب بت العز والأهل ..
والقومه للزول السمح ..
شال النوار والبرم ..
زرع الأمل ..
ونطَّ في فرس البروق ..
خطوة للغايبين هناك ..
غيمة للفرح الرَّحَـلْ ..
والتانية للمطر المسافر
في بوادي الشوق ..
محمَّل بالعديل والزين ..
مهاجر في سمـا الراحلين ..
مسافر للزول السمح ..
ملفَّح بي وشاح النيل ..
يلقاهو في سمـا الأعياد غمام ..
مليانة الدروب بالعيد ..
وللجميع ..
تتواصل خطى الأيام ..
صلاح / شتات
|
Post: #15
Title: Re: جورج -- دى كفك ولا غيمه
Author: خالد الحاج
Date: 04-12-2004, 01:38 PM
Parent: #13
أبوذر ..الخير..
صلاح شتات .. الجميل..
هذا بوست يحمل الحب فيضا وخضرة..
تعرف يا أباذر.. كانت النفس مظلمة والجرح غائر
أسأت الظن بجورج الجميل وحملت في نفسي حينا وتأبطت الحزن.
كنت قد كتبت لجورج مرة أن إسمه يحملني (دفرا) وشوقا نحو مشاركاته.
ورغم زعلتي كنت أسترق الخطو وأقرأ وأخرج دون أثر إلا ما حملته من رحيق
خطته يداه. اليوم أكتشف أن الحب لجورج هو ما أملك والحب فقط.. وهل جزاء الإحسان إلا الإحسان..
يمتعنا بكلمته سحرا وجمالا . وينثر الكلمة وردا وطيبا..
لك الحب والحب كله يا جورج..
وتسلم يا أباذر فبكم تطيب جراحنا.
|
Post: #16
Title: Re: جورج -- دى كفك ولا غيمه
Author: THE RAIN
Date: 04-12-2004, 03:37 PM
Parent: #1
الحبيب أبو جهينة
شفت كلام شتات ليك ده
خت فى جنبه اليمين شجرة ليمون، وخت فى الجنبه الشمال صباح خريفى نديان
خت من قدام أغنيات خضراء
وخت من ورا أعراس عصافير صبية وملونه
وفوق لى ده كله، رش ليك خُمرة محبة، وضريرة مودة
وإعتبر ده كله منى ليك
يا كامل الجلال
|
Post: #17
Title: Re: جورج -- دى كفك ولا غيمه
Author: THE RAIN
Date: 04-12-2004, 03:47 PM
Parent: #1
صلاح شتات
ناظم أطواق الوفاء
ومؤلف أرواح الصفاء
ريحة البلد
وكتين تهب
تطفى الوجع
أتكرفك زى التقول
ردة رويحة زول رجع
وياكا البلد والله يا شتات
بلد الحبان والخلان والصحاب والأهل، بلد السماحة الما ليها حد
تعرف مشتهى الرحمابى والله، الله يجيبه لينا راجع، الرحمابى المورق الجميل
ونتلاقى
|
Post: #18
Title: Re: جورج -- دى كفك ولا غيمه
Author: THE RAIN
Date: 04-12-2004, 03:56 PM
Parent: #1
الحبيب الخالد، خالد
المحبة بى كل فيضها الكريم، والخضرة بى كل عزتها النبيلة
تفوتك تمشى وين، يا سيد الأصفياء وعطر الأنقياء
جورج بحر الود المليان بالسمح وبالطيب من كل حاجة
ما عليك، اللخبطة بتحصل كتير، ومرات بتتشابك الحاجات وما بتبين كويس، لكن لما ترجع البصر كرتين وتلاتة وأربعة، بتبين عين "الشمش" وتجهر الحاجات الشنة كلها، وما بفضل فى مدى الرؤيا غير الحاجات الجميلة والأصيلة
ووين قبلت ألقاكن
تعدلو الميل
معانى الطيبة مالياكن
تشقو قساوة الشين
الكعب بالحيل
وفايضه وعامره دنياكن
جرارق الحاره وأهل الشيل
|
Post: #19
Title: Re: جورج -- دى كفك ولا غيمه
Author: نصار
Date: 04-12-2004, 03:59 PM
Parent: #1
المطر الهفيف
نحملك مسؤولية هذا الجمال
و نثبت عليك تبييت النية
و التحريض لاقواس العبق المبدع
ان تنطلق من الشتات
و تصيب قراب جورج المعبأة
بالفرح و الحرف التاسع و العشرين
امطروا علينا نحن من يكفينا منكم الرزاز
وظل الغيمة
|
Post: #21
Title: Re: جورج -- دى كفك ولا غيمه
Author: THE RAIN
Date: 04-12-2004, 04:11 PM
Parent: #19
الغالى نصار
وأنا أحملك مسئولية غيابك عن سماء، وأنت فيها القمر
مرت، وتمر علينا ها هنا يا نصار، أوقات حالكة المرارة، نستجدى فيها ايما بصيص وهج، لنضئ ساحات الصدق والجمال، فما بالك وأنت أحد الأقمار باهرة الجمال والضوء، وتغيب عنا، ونحن فى أقصى رهبة الحاجة للضياء
لك كل إنهمار المحبة، وعليك زذاذ الود
ودمت جميلا وطيبا وكريما
|
Post: #22
Title: Re: جورج -- دى كفك ولا غيمه
Author: شتات
Date: 04-12-2004, 04:58 PM
Parent: #21
خالد الحاج ..
سيف الكلمة .. ضو البيت ..
ضرا الحبان .. جضما معـوَّد على الكفيت ..
نشتهيك نماذج البسمة بالضحكة ..
نهاجر ليك ..
قلبا كبيييير .. يلم البعيد والجـار ..
يعانق لهفة الثوار ..
ويتمدد شرارة وخيط ..
يفيض حبك ..
يغمر بحر الزول السمح بالحيل ..
يهيج .. يشيل الموج سـدَّاري ..
يضـرَّع .. يصارع النيل ..
يتذكر "عزة" يطلع من عيونو شرار ..
يحلف وراك يا "عزة" .. حد القيف ..
نموت نحن .. تعيشي انتِ .. درقة وسيف ..
صفاك يا "عزة" .. شرفك وراهو رجال ..
دوابي الضلمة .. تزحف ليل ..
ورحيق للولد المطر .. دمع الفرح ..
مشتت في روابي الشوق ..
ضفاف بالخضرة نديانة ..
حروف بالعافية رويانة ..
صافية ومهجَّـنة بي غنا الأجيال ..
وللجميع ..
حب وسلام ..
أبوذر .. جورج
معليش يا شباب لو "كترتها" لأني والله "موجوع" .. خلوني اتفش فيكم .. وحقكم علي
صلاح / شتات
|
Post: #20
Title: Re: جورج -- دى كفك ولا غيمه
Author: مراويد
Date: 04-12-2004, 04:07 PM
Parent: #1
انا ماشي فى حر دنيا روحى وقحطها... شميت ريحة دعاش "مطر" صنقعت للسما سالمتها وسالتها.. من وين هابه الهمبريب قالتلى: يا غافل.. فى فريق قدامى نازل خير...غيمة استاذنت السكن جنبهم والناس جت عليها متلمه تضلل بالغيمه و يحضنوها... طمبروا و تمتموا زمبروا وطبولهم داقا لا حدى ده..انا سامعاها وبرقص دعاش و شمس...
قلت ليها:يا السما اديتيهم غيمه...جنا حشاك
قالت:ااى...السمح فيهم اسمو جورج..الحق يا غافل ما يفوتك الكرنفال
جريت قدر قدرتى...لحقت الدعاش...المطر..المهرجان... الغيمه
فجوا لى جنبكم بكان
|
Post: #24
Title: Re: جورج -- دى كفك ولا غيمه
Author: THE RAIN
Date: 04-12-2004, 05:26 PM
Parent: #20
مراويد
جاى وأفقك محتشد، بى عصافير عذبة الطلة، تغزل فساتين الصباحات، حدائق وطعم كلام يروى الواطا كلها، ويدفق
مراويدك تكحل جفون القعدة واللمه بى كحل زاهى، مراويدك تكتب غناوى الولف وتواريخ الناس الشاهقه فى معناها، وساميه فى جواها
نفج ليك وسط القلب، نضاريك فى ظلال الود، تعريشه هادئة ونادية، وياهو ده جنبك كوثر جورج البحر، عبى هينك واشرب، وبى جاى ليك حديقة شتات، حيث الورود عوالم من كلام، مافى أطعم منه، إلا قعدتك
ونوهطك بين الحنايا، وإسمك معلق فى هامة المحبة، عنوان للجمال
حبابك مطر
|
Post: #23
Title: Re: جورج -- دى كفك ولا غيمه
Author: zumrawi
Date: 04-12-2004, 05:21 PM
Parent: #1
المطر انت وجورج وصلاح شتات دوزنتم ايقاع يومى
سيكون صباحا هانئا ولاسعدن به...
كلماتكم بعمق الاحساس تفيض رقة وصفاء
كيف انتم وكيف حالكم ياابناء الرحيق
واضافة مراويد للاغنية اعطت الامر بعدا اضافيا
فشكرا له ايضا
|
Post: #25
Title: Re: جورج -- دى كفك ولا غيمه
Author: THE RAIN
Date: 04-12-2004, 05:31 PM
Parent: #1
شتات
حقل المسرات
وين لقيناك لامن نآباك
كلما تدفق سلسبيلك بالنضم، يتمد تانى حقل جديد، سنابله تميل مع كل هبة عطر جايبلو زول، يقالده، ويطايبه، ويدس فى إيدينه، بسمه، وفى يخت فى عينيه معنى
وين لقيناك لامن ناباك
وقد ثبتت فى القلب منك مودة
كما ثبتت فى الراحتين الأصابع
مع الإعتذار من بن الملوح، على التصرف فى البيت
انشاء الله تسعد يا شتات
|
Post: #26
Title: Re: جورج -- دى كفك ولا غيمه
Author: جورج بنيوتي
Date: 04-12-2004, 05:54 PM
Parent: #25
الجندرية، خالد، نصار ،مراويد، زمراوي ...
وعن أبو ذر أقول: ساعة تجو
تحضن الخطوة المشي
تبقى معنى وتبقى قيمة
نرقص مع الطين ننتشي.
وعن أبوذروعن شتات وعني : نزدان بإطلالتكم الحميمة.
|
Post: #28
Title: Re: جورج -- دى كفك ولا غيمه
Author: خالد الحاج
Date: 04-12-2004, 07:07 PM
Parent: #26
صلاح شتات...
(إن كان يجمعنا حبا لغرته*****فليت إنا بقدر الحب نقتسم)
بقدر ما كنت متكدر يا صديقي الجميل بقدر ما طابت نفسي
في هذا البوست شفاء للناس..
ولكل من كتب حرفا هنا حبا وكرامة..
وللصديق مراويد الفرح ..
ويا ريت أقرا لي رحمابي هنا فيكيف بالله يفوتك الفرح الجميل
ويا رحمابي تعال لنتعافي..
|
Post: #27
Title: Re: جورج -- دى كفك ولا غيمه
Author: صديق الموج
Date: 04-12-2004, 06:56 PM
Parent: #1
المطر...شتات...جورج
ده كلام سمح بلحيل..ولا يصدر الا من الذين ليست قلوبهم مضخات
صديئة..وينتصب فوق افقنا كقوس قزح...يستفزنا ..يجرنا..لنتسكع تحت
المطر.
وللحقيقه سطوة ترفض مجاملة الزيف ..وركوعا منى لسطوتها ساقول هذا
من اجمل ما قرأت فى البورد ...ساقول قولى هذا دون مجاملة ودون ان
اسبب بعض الالم للذين يطلعون عليه..فهو قطعا اقل من الاذى اللاحق
بكبدالحقيقة اذا سمحت لقلمى بمراعاة الخواطر..
للكلام العذب سحرا ابيض لا اسود يتحول فيه المرء الى رقعة ملساء
نقية تسمى الورقة وتخط الروح فيها رموز الصدق..وهى مشدودة الى
تقمص اللغة حتى البقاء....هذا ما كان ولا اجد له تفسير غير ذلك.
واصلوا انسكابكم..وانسيابكم..فلا شىء يبعث على الملل غير مداخلتى
هذه ولكنها ولدت قسرا فماذا انا فاعل......
|
Post: #29
Title: Re: جورج -- دى كفك ولا غيمه
Author: THE RAIN
Date: 04-13-2004, 07:02 AM
Parent: #1
زمراوى العزيز
لأننا وفى مقام أن نحتفى ونزدهى بجورج وكفه التى تهبنا الندى والسماحة والشعر، وأشياء لا تطاولها الأيادى، أزمعنا على أن نعزف سيمفونية الفرح به، وحين تدوزن اللحظة إيقاعها، يترتب وينتظم تناثر الدواخل، وينضم الى كورال الشدو العطر
وأنت أيضا يا زمراوى، وضعت ريشتك الفارهة، ألوانها على اللوحة الجورجية، ليكتمل الألق
وليك الود
|
Post: #32
Title: Re: جورج -- دى كفك ولا غيمه
Author: شتات
Date: 04-13-2004, 09:25 AM
Parent: #29
وهمسة ندسـها في منديل زول غشانا وفات ..
زي نغمة من مسدار بعيد ..
من سبأ هدهد جميل ..
قال تعثر .. خانتو الكلمات ..
غشانا وفات ..
فرحانين نحن بي جيتو ..
كفاية علينا قمـر طلَّ .. ضوى فينا شتات ..
غشانا وفات ..
ترك عطرا يعشرق ..
وريشة جميلة ذكرى للزول السمح ..
تديهـو الجمال والفال ..
وراحة البال ..
ودعوة لباب الكريم ..
شمس تشرق .. وغابة ظلييييييييلة ..
يجيها الولد المطر من ضهاري الشوق ..
يقدل بالفرح طربان ..
تتفجر سماهو .. يرويها ريد وكلام ..
ينفتح خاطر الزمن دوبيت ..
وتتواصل غناوي الريد أمـــل ..
وتتحدد ملامح الأيـــام ..
صلاح / شتات
|
Post: #30
Title: Re: جورج -- دى كفك ولا غيمه
Author: THE RAIN
Date: 04-13-2004, 07:09 AM
Parent: #1
العزيز صديق موج الصدق
بدءا، هاك الإمتنان كله وبما حمل، يأتيك مناغزيرا وكثيرا، مثل موج العميم والذى إنساب على ضفة الجروف الجورجية الندية، كما بشارات الخصب، ووعد الإيراق
ومثله التقدير والشكر لك، أن عطرت كلماتك الأرواح بسحرها الأبيض والأخضر، وطاب بأريجها المعنى
ونيابة عن كل هذا الحشد الملون الجميل، لك إنحناءة وبداخلها المعزة تنحنى أيضا، عرفانا وود
ودمت طيبا
|
Post: #31
Title: Re: جورج -- دى كفك ولا غيمه
Author: جورج بنيوتي
Date: 04-13-2004, 08:55 AM
Parent: #30
شد حبل العقيرة
وغني يا قلب المحب
وعدَكْ بِكر
ضُفرَكْ معَّلَقْ في الجِلِدْ
جلدك معَسَّمْ في الهوى
قِبلِيك على كل الجهات.
+++
نادرِكْ قياسْ كل المرابيع المطر
دواره في فلك الرضى
ونادِر جنياتك خلاص
نادِر بنياتك سبيل.
+++
من سلسبيل عِشقِكْ شِربنا
إتعكرنا شان تصفي
واتغربنا شان نرجع كبار
أقرينا في خط الأفق
سمينا " واحِدْ " في الكتاب
+++
مهرجانك ما عيالك
والنجوم العاكسه نورك , ديل بناتك
يا حياتنا ويا وحاتك
شالو ريدك زاد مسالك
شالو ريدك
زاد مسالك.
>>>> صديق الموج : لك من هدأة هذا العشق أرتالا وبعد...
|
Post: #33
Title: Re: جورج -- دى كفك ولا غيمه
Author: جورج بنيوتي
Date: 04-13-2004, 11:02 AM
Parent: #31
ياااااااا خالد الحاج.....
فووووووووووووووووووووووووووووووووووق .....
|
Post: #35
Title: Re: جورج -- دى كفك ولا غيمه
Author: خالد الحاج
Date: 04-13-2004, 01:42 PM
Parent: #33
صدقت أيها الإنسان الرائع جورج
فوووووووووووووووووووووووووووووووووووووووووووووووووووووووق
ففيه شفاء للناس.
|
Post: #34
Title: Re: جورج -- دى كفك ولا غيمه
Author: شتات
Date: 04-13-2004, 12:22 PM
Parent: #31
نصار .. مراويد
فارسين ..
فرسين ..
والخير معقود بنواصي الخيل ..
رسنين .. كلمة وذوق ..
والخطوة ساق الليل ..
في الساعة خمسة وعشرين ..
دعاشكم فاح .. رطَّب ليالي الصيف ..
لامس رموش الغيمة ..
داعب عيون القيف ..
وانتو غمام .. كلمة وفاء للزول السمح ..
همبريـبو سماح ..
يتهادى في شوارع النيل ..
ويتقسم .. يمين عشمانة باللقيا ..
وشمال مليانة بالأفراح ..
يدوَّر على الولد المطر ..
حادي النغمة .. فارس الجيل ..
يتلاقوا فوق للسماء .. "فرقد" معاهو "سهـيل" ..
نفرح نحن ننادي للقمرة ..
أماني عليك يا القمرة .. قطعة حشاك وولدك الويحيد ..
تدعي ليهم ..
تباركي في ايديهم ..
يصحو وينومو فرحانين ..
صلاح / شتات
|
Post: #36
Title: Re: جورج -- دى كفك ولا غيمه
Author: ملكة سبأ
Date: 04-13-2004, 02:57 PM
Parent: #1
ياناس المنبر عوووووووووك
انا مكتولة فوق حوش المطر !!
Quote: من سبأ هدهد جميل ..
قال تعثر .. خانتو الكلمات ..
غشانا وفات .. |
صلاح انا مافت بس (مشدوهة)، (مشدودة)، (ثملة) و(مسترخية) في البوست الهمبريبو سماح ..
ياشدو عصفور البسيط
كل الحلوق اتوكتك
ياروعتك
ياصاحنا فى الزمن الغلط
يالنغيم البقّ فينا .. وشد لوتر إنتباهنا
ياتباشر يابشارة
(يامطر) عز الحريق
يامصابيح الطريق
يالمراكبية البتجبد من فك الموج الغريق
يالجزائر النحتويبا .. لما اتشعوز بحرنا
يانشوق روحنا ودمرنا
يالمحطات الحنيني القصرت مشوار سفرنا
(جورج)
ياما شايك بيني حايم
ايوا شايلك بيني حايم
في الأرض تكون قضية .. فى السما الأحمر غمائم
بي برد نغم السلامي .. رطبت حلق الحمائم
طنبر النخل التبلدي .. راقص الأبنوس وصفق
لعبت الصقرية موجة
خلت النيل هاجلو هوجة
بشّر بالخير (منبرنا) شالت الشبال نسائم
فووووووق ياخال
|
Post: #37
Title: Re: جورج -- دى كفك ولا غيمه
Author: شتات
Date: 04-13-2004, 04:57 PM
Parent: #36
خالد الحاج .. كل يوم ريدك فينا يتجدد
زمراوي .. تواصل فينا واتمدد
صديق الموج .. بحر الدميرة الهــاج
بلقيس .. يا شــدونـا .. يا بخـتـنـــا .. يا ما حصل
..
كلامكم تميمة .. نلبسو في جيدنا حجاب ..
ونقدل في البلد .. نفاخر بيكم ..
ندق كل باب ..
وليكم مرتضى الأنســام ..
جمال الذكرى ورضا الأحباب ..
معاكم تتقارب جروف النيل ..
تخلط الخضرة بالضحكات ..
وتتورد خــدود عـزة .. تزغــرد ..
كلام الريدة من نغيمـه يســيل ..
يزيد جمالو شعــرا كاب من كتيفه ..
يحاكي ســود الليل ..
وعيون واسعة ضاوية من قمر مولَّـع في حشانا دليل ..
ونمشي معاكم غيمة فرحانة للزول السـمح ..
نلقاهو في شاطيء الزمن مغــروم ..
جوانبو تتحـتحـت شــوق ..
يلعب بي خيالو شــليل ..
ورسالة منو للولد المطـــر ..
الهائم في بحور الكلام محموم ..
يوزع في القصيد انغام ..
ينزف من قليبو غــنا ..
ويا عزة ليكِ سلام ..
صلاح / شتات
أبوذر : وينك .. الحقنا نفسنا انقطع ..
|
Post: #38
Title: Re: جورج -- دى كفك ولا غيمه
Author: THE RAIN
Date: 04-13-2004, 05:21 PM
Parent: #1
ملكة سبأ
حاشيتك النور والرحيق
قدامك الألق الطلع
ووراكى شلال البريق
وهج الكلام برقا شلع
نور شبابيك الفريق
وأنتِ معنا يا بلقيس سبأ، تتطاول بنا اللحظة، ونصير ملوكا على الفرح
جورج ملك الحديث النغم، وكل هذه القلائد، من أناس معجونين بضوء الصدق ومياه الطيبة، وتراب المودة، يزينون جيد القصيدة
وصلاح شتات
حارس العرش النبيل، ملؤه عذب الشعر، وكفه تنضح بالسقيا، لتروى ظمأ المحبة المقيم فينا، فهو المحبة، وله المحبة
عارفك يا شتات، قدر الكلام وطول المقام
إنشاء تسعد وتتهنا يا سمح
|
Post: #39
Title: Re: جورج -- دى كفك ولا غيمه
Author: يا بت يا نيل
Date: 04-13-2004, 10:30 PM
Parent: #1
الرائعين
جورج
the rain
شتات
ما كل هذة الروعة!!
تساقطي تساقطي
لعل اغنية تكتمل هذا المساء
لعلني انتشي فرحا
تلك المساحات الرائعة
مرارا عبرناها
كانها تبعث بشوقها لي..
كانه يتسلل الان في دواخلي
تساقطي تساقطي
هلا تحسه مثلي؟؟
تساقطي مثلما يتساقط الرذاذ
على وجهينا كي يكتسي بالحب
اريد المزيد
اريد ان اعيد من ذاكرتي
خطونا الضاحك في الطرقات
وشكل الابتسامة تلك
تاتيني الان تفجرني
تساقطي
تساقطي
|
Post: #53
Title: Re: جورج -- دى كفك ولا غيمه
Author: شتات
Date: 04-14-2004, 05:28 PM
Parent: #39
| Quote: البنت نيلية الحروف |
يا بت يا نيل ..
نيلك فينا جاري ..
في جروفنا .. في قلوبنا ..
في صباحنا .. وفي العصاري ..
وللقصيدة الفيك حقيقة ..
يا نغيمات القماري ..
ونحن بيك نديان طريقنا ..
نخلة عالية تتمايل ..
وزهرة يتقطر رحيقه ..
ومعاك خطوة ..
نمشي للزول السمح ..
يدينا الحان الخُـداري ..
يـبل باللهفة شوقــنا ..
يكتب افراح العصاري ..
معاهو نمشي للولد المطر ..
ننثر الاشواق قصيده ..
ترقص اللحظات معانا ..
تشهد الايام هنانـا ..
يا نيلنا .. يا منانا ..
ويا فرحنا الما نسانا ..
ليك قلوبنـا ..
وليك هوانا ..
صلاح شتات
|
Post: #40
Title: Re: جورج -- دى كفك ولا غيمه
Author: نصار
Date: 04-13-2004, 11:28 PM
Parent: #1
لو لم تأتى ابياتى الاولى عتابا
يقارب الهجاء و لا يستنكف صلة بالحطيئة
لكنت معكم هنا
فى وادى عبقركم
اجاريكم و اجود مثلكم
متن القصديق
بتيجوا الكلام دا من وين
بطريقتكم دى بتكتلوا ليكم زول لووووووول
لم ارى مثلكم من يحمل قريحته على اطراف انامله
استنفروا كل ما يهزم القبح
و داوموا
مثل ديمومة ودنا لكم
|
Post: #41
Title: Re: جورج -- دى كفك ولا غيمه
Author: ملكة سبأ
Date: 04-14-2004, 09:41 AM
Parent: #40
يـانيل مـدد
يـاغيث مـدد
مـدد
مـدد
هيـا يـامغنين الشعـر
ضـد هـا الزمـان وطبنجتـو
كـلام .. شعـر
شعـر ..
ايـوا ..
علينـا جـاي
تربت يداكـم ...
تربت يداكـم ...
حـوش (المطر)
مافي القدرك حتى الموت
حيّر قدرك هـادي الصـوت
حيـر صوتـك هـادي الـروح
عشـق الناس الويـن ماتـروحك
تـابي تفـوتك
مـن يتأمـل فيـك يتجمـل
مـن يتجمـل بيـك يتكمـل
سوّينابكـم باجـور .. وجنائـن
شيدنبكـم دور ومـدائن
حندكنابكـم حـز الريـح
حركنبابـم شوقنـا الكامـن
هيا انـزفوا
لمـا الشـوارع تكتـفي
وينهـض جـوادا المنكـفي
وتتكيفـوا
فووووووق ملوك الفـرح
|
Post: #45
Title: Re: جورج -- دى كفك ولا غيمه
Author: جورج بنيوتي
Date: 04-14-2004, 12:03 PM
Parent: #41
ملكة سبأ,
يابت يا نيل....
دخلتن إلينا..
تفتح الزهر :
وزهرتان بلون محبتنا..
( بنياتك دميرة ريد وقمريه
مواني رجوعنا لى جواكْ
بنياتك نهار ابداع وعيديه
وبين شطين: معَدِّيه
تشيل من ديل
تكب في ديل
أواصر ريده محرِيَّه.)
يزدان حوش المطر بيكن.
|
Post: #47
Title: Re: جورج -- دى كفك ولا غيمه
Author: mohamed elshiekh
Date: 04-14-2004, 03:43 PM
Parent: #40
لحظه..........
قادمٌ انا ..........
امهلونى حتى انتهى من التحديق
لكفٍ
غيمةٍ
مطر
لجوٍ رج فيا صمت السنوات
قادمٌ انا..............
بنونٍ جمعتنى لاصلاح شتات...
مهلا......
ايها المطر السعيد...
يا صانع الفرح المديد...
دعوا نونا تكمل ميلاد
قوس قزحٍ جديد..
هيا.......
جو
جو
رجֿ
رجََ
كفكَ
كفكَ
غيمك
غيمكَ
وتساقط ........تساقط..
حاءٌ
حب
حلو شفيف
ميم
مطر
مرح عفيف
صاد
صلاح
وصفاء لطيف
..............
والان........نون
مدى كفكى
وخذى دفقا رطبا
لميلاد النشيد
تقول نون .....
انتظرونى وواصلوا التحديق
قريبا ... قريبا ...
ومن شمالى......
سألون جنوبكم بطيف فريد
قريبا....قريبا ...
سيخرج اليكم مكتمل بأبهى حلة عيد
قريبا.......قريبا .....
سيصدح بالنغم المموسق والقصيد
.
.
.
سيعود البعيد
سيعود البعيد
سيعود البعيد
كفك...غيمك.....مطرك......رج فيا صمت السنوات.....
ـــــــــــــ
وللذين عبروا من هنا
عشه بت فاطنه...وضجيج من الود لو تسمعين
امانى الجندريه حضورك يحيل الامكنه الى كرنفالات من الفرح
ابوجهينه ....عندما ابحث عن الحب والصدق ...اقتفى اثرك
خالد.............لن اكمل الان.....ولكن يوما ما وعدا منى سأقف عند عتبات ابوابك مكتملا فى انتظار عطرك الفواح
نصـــــــــــــار...واقف انا على ارصفة الزمن فى انتظار عودة السمبر من هجرة الجنوب ليصحبنى الى الشمال حتما سنهبض على ضفافك للذاد
مراويد...هذى نسمات مملؤة بالود ...رطبات لعلها تصلك.
زمراوى.........وكفى ليتنى كنتك
الموج......الموج....الموج..وهل هنالك اجمل هذا؟
بلقيس...ايتها الملكه المبجله ....دعينى اقدم فروض الود
يابت يا نيل ..... لك الامنيات الطيبات والود الصافى
|
Post: #42
Title: Re: جورج -- دى كفك ولا غيمه
Author: THE RAIN
Date: 04-14-2004, 11:35 AM
Parent: #1
بنت ونيل
غالبا، بل مؤكد أن أهلها الحور، طالما أن النيل يسكنها، أو هى تسكنه، ومعا يصبحان من سلالة الفراديس، ومعا أيضا يعتليان أعلى ما فى المسير من النبل، وتتطوع الأملاك لحملهما فى جنة الخلد، أو كما قال شيخنا التجانى
وإن مر النيل وحيدا فى ديارنا، يصبح يوم مروره تاريخ ميلاد الروح فينا، فكيف إن مر ومعه البنت، نيلية الحروف
وأنا، وليس نيابة عن جورج وشتات، فهما أنا وهما أنا، نفتح لك يا بت يا نيل، كل أوردة الترحاب وكل شرايين الغبطة، لتنساب أمواهك عذبة فرات
والتقدير على كلامك المعسجد، والمعزة
|
Post: #43
Title: Re: جورج -- دى كفك ولا غيمه
Author: THE RAIN
Date: 04-14-2004, 11:39 AM
Parent: #1
نصار العزيز
أنت معنا وفينا ايضا
ما كان سخط الحطيئة إلا لأنه لم يقبل بالقبح مقابل أن يخلق الجمال
وأنت جميل والله يا نصار، شئت أم أبيت، ومترع بالعذوبة ايضا، وإن لم تجارينا، فأنت تجرى فينا، مع دم الود والمحبة
ودمت عذبا
|
Post: #44
Title: Re: جورج -- دى كفك ولا غيمه
Author: THE RAIN
Date: 04-14-2004, 11:46 AM
Parent: #1
الملكة
سيدة الجنتين
لما تجينا، نكون نحن الجينا لينا، وكان نحن ما وصلنا لينا، جيتك توصلنا ليك، يعنى لينا، ونغنى ليك
إنتى الملكة فوق جيلا
بس ياكى البغنيلا
جوهرة حيك
يا ريله مين زيك
دى غنية قديمة ومعتقة من ود اليمنى الغناى، ويا ريتنى لو بتذكرها كلها، كنت غنيتا ليك
وأشيل الصفقة والألحان
تخضر غنوة
تصبح منية
يبقالناالفرح عنوان
|
Post: #46
Title: Re: جورج -- دى كفك ولا غيمه
Author: معتصم دفع الله
Date: 04-14-2004, 12:14 PM
Parent: #44
المطر .. شتات .. جورج ..
يااااااااااااااااااه ..
كأني أشاهد في مباراة لمانشستر وريال مدريد ..
روعة .. إبداع .. فن ..
المطر يذكرني بلمسات زيدان السحرية ..
شتات بيكهام الفنان ..
وجورج بلويس فيقو ..
شكراً على هذه الدوحة الجميلة والغناء ..
وأنا والله كان كاتلني الشوق عديل كده ..
واها جيت عشان استريح عندكم ..
وما عايز أي حاجة الواطة مفرشة وجاهزة ..
وكان ما أخاف من الكضب اقول همبريب عديل كده ..
عشان كده بتلقوني في حتة تانية ..
بجيكم راجع
|
Post: #48
Title: Re: جورج -- دى كفك ولا غيمه
Author: خالد الحاج
Date: 04-14-2004, 04:07 PM
Parent: #46
فوووووووووووووووق
فيه شفاء..
|
Post: #50
Title: Re: جورج -- دى كفك ولا غيمه
Author: Ali Alhalawi
Date: 04-14-2004, 04:27 PM
Parent: #48
أبوذر ...
يا غـيمــة مـثقلــة بمطر الخــير .. ما أجمل الهدية .. الهادى و المهدى إليه
|
Post: #49
Title: Re: جورج -- دى كفك ولا غيمه
Author: THE RAIN
Date: 04-14-2004, 04:24 PM
Parent: #1
معتصم
المخضر دوما
إن صاحت الأشواق، وا معتصماه
تجيئنا حشود الفراش، تلون خدود المسافة، وتكتب بأجنحتها على جدران الود، أن المعتصم ها هنا، بينكم، قد جاءكم، فهزوا إليكم بكل جذوع الفرح، تتساقط النجمات بهاءا وحروفا شجية
ونحن والله يا معتصم "أشوق"
أشوق دى صيفة مبالغة جديدة للفعل "يشتاق"
يشتاق شوقا، فهو مشتاق، أو هو أشوق، ده لما تعربد به هاجسات الشوق ويطول النوى
نعمت وسعدت يا معتصم، ولك الحب الجزيل
|
Post: #51
Title: Re: جورج -- دى كفك ولا غيمه
Author: THE RAIN
Date: 04-14-2004, 04:39 PM
Parent: #1
محمد الشيخ
قال إسمه محمد
طلّ وهلّ
وزى ضلا
مرشوش بالريد
معطون بالعسجد
فرا جناحه الأخضر
وفينا اتمدد
جايب قدامه العيد
ووراهو الحرف الفرهد
قال إسمه محمد
يا جورج وشتات
تعالو وشوفو
الزول الغرد
فيا محمد الشيخ
لتدخل الآن الى حيث ينصب الإحتفاء، وتخير مقعدك، الذى سوف يعتمر الفرح وكامل النشوة، حين تأتيه، ولكن لا لتتفرج على عرس "جورج" وزفته الى مراتع السمو، ولكن
لنتوجك "شيخا" على طريقة الجمال وسحر الكلام
وها نحن "حيرانك" ومريدوك، تصفق فينا القلوب مع الأكف، ونرقص رقصة الزهو الملون، بك، شيخنا وحبيبنا
ولك المحبة وما حوت
يا جورج
يا شتات
تعالو ياخ على الزول ده، ما بقدر عليهو براى والله
ألحقونا
|
Post: #52
Title: Re: جورج -- دى كفك ولا غيمه
Author: THE RAIN
Date: 04-14-2004, 04:50 PM
Parent: #1
خالد الحبيب
إتا الفوق
عالى سماك
ما ملحوق
حلاة معناك
رقة وذوق
وإتا الفوق
أسعد والله يا خالد، سعادة حقيقية، لما أشوف الطلة الحديقة، مرقت علينا، والبسمة تبشر بحسن الفأل وطيبة الدنيا
انشاء الله تتهنا وتسعد وتلقى العافية يا خالد
|
Post: #54
Title: Re: جورج -- دى كفك ولا غيمه
Author: شتات
Date: 04-14-2004, 05:38 PM
Parent: #52
| Quote: لما تجينا، نكون نحن الجينا لينا، وكان نحن ما وصلنا لينا، جيتك توصلنا ليك، يعنى لينا، ونغنى ليك |
بلقيس ..
نواََّرة الفريق ..
يا فرح في قلوبنا كبَّ ..
يا نغم عالي العبارة ..
يا نسيم في ديارنا هبَّ ..
ليك مفروش الطريق ..
بالأماني وبالمحبه ..
ونحن فرحانين بيك وحاتك ..
يا قمر في سمانا شبَّ ..
يا ليالي طويلة حالمـه ..
ويا رحيق في روحنا صبَّ ..
ومعاكِ تاني ..
نمشي لي زولا سمح ..
نعزف الالحان أغاني ..
ندِّيهو من نيلنا البشارة ..
روعة الشوق والأماني ..
يدينا من كفُّـو الاشارة ..
تحية لمطر المعاني ..
الولد المبسوط قليبو ..
للحبايب ديمة داني ..
وتحية للبلد الراقـــد هناك ..
راقد هناك ..
مجروح وهانيء ..
صلاح / شتات
|
Post: #55
Title: Re: جورج -- دى كفك ولا غيمه
Author: شتات
Date: 04-14-2004, 06:24 PM
Parent: #54
| Quote: وإن لم تجارينا، فأنت تجرى فينا |
نصار .. معتصم
يا ليالي هاتي عطرك ..
يا قماري هاتي لحنك ..
يا حدائق هاتي وردك ..
يا معاني هاتي خمرك ..
للشباب يا اخونا حييَّوا ..
في حروفن تلقى انسك ..
في قصيدن تنسى نفسك ..
وتبكي أمســك ..
ليهم الود والرواية ..
وكل أشواقي المعايا ..
ويلا نمشى ..
كلنا نمشي ..
للزول السمح ..
بالقصيدة جناحو طاير ..
في الفيافي وفي البنادر ..
يرسم اللوحات نسايم ..
ينسج اشواق الحمايم ..
وللمطر توصل حروفو ..
الولد الصفحاتـو نسمة ..
نسمة هابة من قصيدة ..
فيها همسة ..
فيها بسمة ..
فيها ريدة ..
أصلو ما معروفات حدوده ..
صلاح / شتات
|
Post: #56
Title: Re: جورج -- دى كفك ولا غيمه
Author: شتات
Date: 04-14-2004, 06:39 PM
Parent: #55
أبوذر ..
الليلة والله يا ابوذر كنت عايز اقرا بس .. ردودك والله سكران منها أترنح .. وأهذي بما يفهم وما لايفهم.. ولا أعي ما أقول .. وانشاء الله سكرتي دي في راس معتصم .. بالغت .. بعدين المداخلات شي يبكي .. أي والله تبكي من حلاوة الكلام ..
أما محمد ود الشيخ كنت عايز اقول ليك يا أبوذر انت وجورج شوفو للزول طريقة انا والله لا بقدر عليهو ولا شي .. الزول دا انا يخيل لي جاي من مكان بعيد خلاص .. تعرف يكون ركب براق جبريل ومشى في رحلة ونزل في قصر في كوكب زحل بعد مشوار طوييييييييييل يكون عرج فيهو علي حدائق القمر المطلة علي شاطي العشاق في كوكب المريخ وجاء نازل بي بساط الريح الطاقم الفيهو بقيادة نون .. و للا امكن نون دي ذاتها سقتو محاية من موية عيونه .. المهم أنا حا اتصل باستعلامات الفندق في كوكب زحل واشوف الحكاية شنو وبجي بديك الخبر .. لكن انت والله اتحليت وما قصرت تب معاهو .. أنا البحلني شنو ..
الشيء الأخير عايزك تكلم اخونا البنريدو شديييييييييييييد خالد الحاج .. كلمو بي تحت تحت .. وقول ليهو صلاح بسلم عليك كثييييييير بس أنا طالع مشوار واليوم مزحوم جدا .. قول لي خالد الحاج والله بنكتبك بقلم الريد البشبهك بعد مانملاهو من موية العيون عشان نبقي قريب منك ونشوفك صاح ونقراك في لوح حيران حبهم في قلب شيخهم.. ونقش ليك يا خالد المكان بي رموش العين .. وبرضو ما كافي ..
صلاح / شتات
|
Post: #57
Title: Re: جورج -- دى كفك ولا غيمه
Author: ملكة سبأ
Date: 04-14-2004, 07:38 PM
Parent: #55
| Quote: لما تجينا، نكون نحن الجينا لينا، وكان نحن ما وصلنا لينا، جيتك توصلنا ليك، يعنى لينا، ونغنى ليك |
غنـوة تـدخل زي نسيمـة
زي شعـاع قمـرة ونجيمـة
لا خشـم بـاب تـدق ..
لا فـي إمضـاء رقيب غريب ..
لا تراويس لاختـم
غنـوة مـن بـق المغنـي
وفـي القلـوب بالفـال تـدق
وبي تـأني ..
واثقـة تفتـح فـي الـدروب
المارقـة منـك وداخلـة منـي
المارقـة فيـك وداخلـة فـىّ
الداخلـة فيـك ومارقـة منـي
وشايلـة حني ..
ضريـرة .. حُـق
سيـرة ..
دلوكـة وتـدق
وتنطلـق مـن بُـق لبُـق
وتنهـرد دارات تغنـي ..
* مســــاء العظمــة حــوش المطــر *
|
Post: #58
Title: Re: جورج -- دى كفك ولا غيمه
Author: THE RAIN
Date: 04-14-2004, 09:04 PM
Parent: #1
العزيز على الحلاوى
حلو الحروف وصاحب السرد الولوف
تعرف يا على
نحن هسه يا داب، عايزين نرد الهدية الأهدانا ليها جورج
وده الرد، ولسه ما جبنا ليهو هديتنا ليهو
جورج، حقل مليان سنابل مكتنزة بى حب الوفاء، ومليانة بى حٌب النقاء
وتحياتى ليك يا على العالى
|
Post: #59
Title: Re: جورج -- دى كفك ولا غيمه
Author: THE RAIN
Date: 04-14-2004, 09:05 PM
Parent: #1
معتصم و صلاح
وين ماشين وفايتنى براى، أنا قلت ليكم ما بحتمل كل الجمال البعشرق الروح ده
جورج النضر
شفت الناس دى بريدوك كيف
ما قلت ليك
|
Post: #60
Title: Re: جورج -- دى كفك ولا غيمه
Author: THE RAIN
Date: 04-14-2004, 09:13 PM
Parent: #1
الملكة
سبأية النفح والأريج
أما الجمال فهو الصدق
وأما الصدق فهو معنى الروح
وأنتِ تضوعين بعطر القصيد هنا، يفتح نسائم الود أحضانها لعطرك المدهش، ثم تسير وهى تبتسم، وتوزع القنانى، ممتلئة بفرح أخضر، على كل الساحات، فتستقى منها الدروب، ولا تملك بعدها سوى أن تنبت المودة أشجارا على وجه الفرح
ونتأبط فرحنا، نفرح بك، حتى نفرح بنا
ودمتِ يا مليكة
|
Post: #61
Title: Re: جورج -- دى كفك ولا غيمه
Author: نصار
Date: 04-15-2004, 01:26 AM
Parent: #1
|
Post: #63
Title: Re: جورج -- دى كفك ولا غيمه
Author: Tumadir
Date: 04-15-2004, 01:56 AM
Parent: #61
كنت قطرة.. فى خيال غيمة ..بتمر
واندلقت على سقف شوق انحدر
والعاشقين..نايمين على ضو القمر..
لمن وقعت على طرف توب البحر..
زاد احتمال زخ المطر..
وفضلت اكبر فى تجاويف التمرد ..والسفر
وحضنى موج من غير مفر..
ساهمت فى المد والجزر..
شلت هم الانسياب..والانهمار بين التواريخ..والقدر
وعزفت للينبوع ..مساربو..واغنياتو الفى السحر
واتنومست فكرة وجودى..البادية من زمن التبخر والتعلق فى نسيج ليف الشجر
شوفونى حسة بقيت شنو؟
انا كنت بس ...قطرة مطـــــــــــــــــــــــر
|
Post: #64
Title: Re: جورج -- دى كفك ولا غيمه
Author: شتات
Date: 04-15-2004, 12:47 PM
Parent: #63
Quote: نعم فيه شــفاء .. من الحقد والكراهية والغبـاء
مطر .. خير
غيمة .. ظليلة
كف .. بيضاء
..
جدة ..
الرياض ..
صنعـاء ..
مثلث قائم الـــزاوية ..
عفوا .. قائم المحبة ..
المطر ..
شتات ..
جورج ..
بفعل سحــر الكلمة ونبض المعنى .. تحول المثلث إلى دائرة .. يضيء مركزها من الخرطوم ..
ويمتد محيطها من كاليفورنيا إلى أتاوا .. هلسنكي .. طوكيو .. سدني ..
وبفعل لمسات الأصدقاء .. تحول هذا البوست إلى منبع يتدفق بحب الوطن ..
شكرا لكم ..
..
يا للروعة ..
يا لهذا الحب ..
ويا لهذا العطاء ..
· شتات .. لو قلت هذا الشعر لمحمد الحسن سالم حميد لصدَّقـتك .. ما شاء الله
الصادق عبدالقادر عثمان
الخرطوم / 14 أبريل 2005 |
تشكر يا فردة ..
بس ظلمت الرجل .. دا شاعر بقامة وطن .. وأصالة عن نفسي ونيابة عنك نعتذر لشاعر البلد محمد الحسن سالم حميد .. وله منا ألف تحية ..
يا اباذر .. يا جورج اتفاهموا مع الزول دا ..
صلاح / شتات
|
Post: #62
Title: Re: جورج -- دى كفك ولا غيمه
Author: مراويد
Date: 04-15-2004, 01:43 AM
Parent: #1
المطر
الليله النوم عز على....البال ملان و القليب حزنان والخاطر مكسور...الاحزان اليوميه البقت عاديه..الليله مرقت بب وصنقرت لى قدامى وقالت لى: تشرد منى وين؟؟؟ جربت حيلى الكتيره.. البقروها والبقولوها والبشربوها... وسايلى البسيطه لمواجهة الدنيا القاسيه دى.. وما نفع...المحن بقا عندها مناعه ضد حيلى... جات صورة كلامكم زى برق النجاه واسعاف روح بتلفظ فى النفس الاخير.. جيت حمت و اتمسحت بى زيت الحروف المدفق هنا..دلكت قليبي و عملت مساج للروح واخدت لى كاسين زياده من عرقيكم البلحو مشتول فوق رموش العين
تسلموا....انا حا اقدر انوم الليله وفى الخاطر حمامه
|
Post: #65
Title: Re: جورج -- دى كفك ولا غيمه
Author: شتات
Date: 04-15-2004, 01:10 PM
Parent: #62
محمد الشيخ ..
نون وما يشتهون ..
..
فوق براق الليل ..
اتحزمت واتوكيت ..
اتلفحت بي حنان نادر ..
فوق للشمس عـدَّيت ..
روح هايمة عطشانة ..
في نهر القمر ..
بسملت .. اتوضيت ..
صليت للأله صادق ..
يرعي السمحة ست البيت ..
بيتا كبييييييييير مفروش وساسو متين ..
موهط في جدار الروح .. ملوَّن بالعديل والزين ..
هناك ..
جاك طيف السمحة .. فوق ملكين ..
حلفت قسم .. وتاني يمين ..
وراك يا نجم السعد ..
للأبد تتشابك الايــدين ..
وكان الزمن لحظة فريدة في التاريخ ..
شربت من القمر لونو ..
وكان الشاهد المريخ ..
وهنا .. نحن برضو منتظرين ..
تجينا ملاك ..
نورو يضوي من قمرين ..
ونمشي للزول السمح ..
ود القافية نور العين ..
يقابل ريدنا بالترحاب ..
يسوقنا للولد المطر ..
نملا كاسنا من بحرين .. حرف موزون
ونغني نهتف ليك ..
يا ست الجمــال .. يا نــون
صلاح / شتات
|
Post: #66
Title: Re: جورج -- دى كفك ولا غيمه
Author: شتات
Date: 04-15-2004, 01:24 PM
Parent: #65
بلقيس ..
يا نون ..
نغني ليك ..
غنوة شايلاها الغمامة ..
مكتوبة بي موية العيون ..
مرسومة في صفحة قلوبنا ..
مدسوسة بي رمش الجفون ..
ومعاكي ننسى مشوار تعبنا ..
نمشي ليك يا أحلى لون ..
والزمان داسينو كلو ..
نهديهو ليك يا ست الشجون ..
لا فرح ندّخـرو منك ..
لا وجع .. لاهمسة حنين ..
كلو ملفوف ليك هدية ..
مختومة بي عطر السنين ..
تبقي عليهـا عشرة ..
والأمانة مكتوب الجبين ..
ومعاكي برضو ..
نمشى للزول السمح ..
نهديهو من مشوارنا وردة ..
نلقاهو في وادي الغمام ..
يختم المشوار ويبدا ..
وللولد المطر ..
نرسل الأشواق محبة ..
دا الولد المليان قطارو ..
بالقصائد والأحبة ..
ولي نيلنا الحبيب قلوبنا ..
كل دقة شوق ونبضـــه ..
صلاح / شتات
* وصباح الورد .. يا نون ..
|
Post: #67
Title: Re: جورج -- دى كفك ولا غيمه
Author: THE RAIN
Date: 04-15-2004, 02:16 PM
Parent: #1
تماضر
خنساءنا، وارفة ظلال الكلام
تنحنى المعزة إكراما لوجودك وسطنا، وها قد أخذت اللحظة الآن، بحضورك المضئ، أخذت شكل الزهو المتوهج، وسعدنا ايما سعادة بمشاركتك إيانا الإحتفال بجورج العزيز
وكما قالت خنساءهم، من قبل
إن جورج لتأتم الهداة به
كأنه علم فى رأسه نار
مع الإعتذار بالطبع لتماضر بنت عمرو بن الشريد، ولأخيها صخر الذى تأتم الهداة به، فقط نستلف منها عبقها الجميل، لنضعه على رأس "جورجنا" والذى يهتدى المحبون بنار شعره التى هى برد ووئام وصدق، فهو العلم فى سارية معزتنا وودنا له
ودمتى يا تماضر جميلة كما أنت
|
Post: #68
Title: Re: جورج -- دى كفك ولا غيمه
Author: THE RAIN
Date: 04-15-2004, 07:41 PM
Parent: #1
عزيزنا الصادق عبد القادر
والإسم يكفينا مشقة البحث عن وصف
ولكن رغما عن ذلك، لا نملك سوى أن نضع قطعة من القلب فى كل حرف يخط ها هنا، ونجعل الحروف تتحول الى يدين، يمنى ويسرى، ليكتمل فعل العناق، ولتنبع الفرحة من الأحداق، ونأتيك نحن، الى حيث أنت هناك، فى الخرطوم، موئل الأمل القديم وموطن الصدق العميم
ينبع الفرح لأن هناك من يقرأنا، وأن ما نسعى لأن "نشتله" من غرس محبة على قارعة الروح، نما واستطال
والعناق لأنك الصادق الصدوق، وها قد جئتنا يحمل بشارتك "صلاح" نيتنا ليلملم "شتات" الذى هناك بالذى هنا، لتنصهر مهج شغوفة بالود، وتحضر الدواخل، لتكون الوطن
وبإسم جورج البحر، أيضا، أسجل إسمى وإسمه على لوح المحبة، ونرسله لك ولهم، سِفرا من ود وإمتنان وتقدير
وعليك الطمأنينة والسلام والخير
|
Post: #69
Title: Re: جورج -- دى كفك ولا غيمه
Author: THE RAIN
Date: 04-15-2004, 08:02 PM
Parent: #1
مراويد العزيز
حروفك جيتك تكحل
أحداق الوقت
بى نضرة اللون الدفق
اللحظة تمسك فينا
ماليها العبق
ليلك يكون
عرس القمر
بياضه محلوب من ضياك
وسواده زى لون الضفيره
والزفة شلال من ألق
إسمك معانى الإلفة
يرسم وشيش الريده
والحب الشرق
تمرح خيوط الشوق
تنسج حكاياتنا السميره
وليلك يكون
قلب الوفا
عنوان صفا
زغرودة للبطنه الكبيره
جرتق عشق
حنة وضريرة
ويا مراويد، نكهة القرنفل وطعم الأغانى، هو كذلك أيضا ليلنا، سأم وأرق وإجترار أوجاع، وترنح آمال، ولا عليك، لنضع سأمنا مع سأمك، فقد يسأم أحدهم من الآخر، ويفارقاننا، ونكون نحن الفائزين
ومع كل ذلك، نحن أيضا قد فزنا بك، وبحروفك البهية زاهية اللون والمعنى
|
Post: #70
Title: Re: جورج -- دى كفك ولا غيمه
Author: dreams
Date: 04-15-2004, 11:53 PM
Parent: #69
هسسسسسسسسسسسسسسسسسس
الصمت هنا واجب .. والانصات متعة
نعم يا خال ... وياله من شفاء!
فووووووووووووووووووووق
فووووووووووووووووووووق
تسلمو كلكم
|
Post: #79
Title: Re: جورج -- دى كفك ولا غيمه
Author: عاصم الحزين
Date: 04-16-2004, 09:16 PM
Parent: #70
المطر
جورج
شتات
الايادي الطاعمه التي كتبت هنا
****************************
كيف لم تنتبه براحاتي لكل هذا الهطول ؟
تعافيتم هنا كقطيع من التخيّل الانيق يؤسس لانزلاقه في هذاالبوست.
شكراً لهكذا كتابه
و يبدو ان سأتسلل خلسة و ارتوي كلما تحاومت في شوارع النت هذه .
فقط اسمحوا لي ان اجلس في المقاعد الامامية اصفّق علي طريقتي التي احب و استمتع .
و
سلام حتي مطلع الامر
|
Post: #83
Title: Re: جورج -- دى كفك ولا غيمه
Author: شتات
Date: 04-17-2004, 03:40 PM
Parent: #79
دريمز ..
تجينا يا أحلام ..
نقابلك غيمة بين بحرين* ..
نفرش ليك قلوبنا بساط ..
ينوِّر ليك وِليد العين ..
نطير من الفرح نجري ..
نلاقيك بي حنان نيلين ..
نسير معاك مشوار ..
نَبِلْ أشواقنا بالضحكة ..
نهز أرواحنا بالفرحة ..
نهـوِّم في ديار سمحين ..
نشيل العمر غنوة ..
نقابل الوالدة بت الزين ..
تبوسنا وتدعو يا الصالحين ..
تباركوا في وليداتنا ..
يسافروا ويعودوا مبسوطين ..
ومعاك يا أحلام ..
نمشي للزول السمح ..
المفرهد في ربيعنا كلام ..
كلاما سمح منضوم ..
معسَّـل بي رحيق الشوق ..
معطر بي شذى الانسام ..
يسوقنا للولد المطر ..
المهاجر في سمانا غمام ..
تطيب أرواحنا باللقيا ..
وتتحقق الأحلام ..
صلاح / شتات
* يا أحلام "البحرين" اللفي بداية الكلام هم المطر وجورج
|
Post: #220
Title: Re: جورج -- دى كفك ولا غيمه
Author: خالد الحاج
Date: 05-04-2004, 08:17 AM
Parent: #79
|
Post: #183
Title: Re: جورج -- دى كفك ولا غيمه
Author: نجلاء التوم
Date: 04-29-2004, 00:11 AM
Parent: #70
يا شباب اتلومتو: كل المحبات دى وما بتعزمونا؟
جورج ومطر وشتات وخالد وامانى وبت النيل وتماضر ودريمز وما لا طاقة لى بعدهم: الله يسلم ايامكم
ويخلى القلوب على خضرتها. شكرن على الحب وكيمان النبل النادر.
فوق .
|
Post: #71
Title: Re: جورج -- دى كفك ولا غيمه
Author: THE RAIN
Date: 04-16-2004, 08:57 AM
Parent: #1
dreams
وإنتى عندك سر الشوف
وعندك سر الولوج لى عوالم الجمال
تسعدينا بحروفك المتوهجة والماسكة بين ايديها النجوم الملونة والأقمار الصديقة، شواهد الأحلام ولوحة الأيام
شكرا يا أحلام، وليك المنى الطيب
|
Post: #72
Title: Re: جورج -- دى كفك ولا غيمه
Author: THE RAIN
Date: 04-16-2004, 08:57 AM
Parent: #1
إلى الأحباب
مكامن الصدق ومنابع الود
هذا الإنسان الفريد، هذا الجورج الثمين، قد خصنا بفضله، لذا وجب حمدنا له بما أعطى، وقد أوليناه خاصة دواخلنا وأنزلناه عمق سرائرنا فطال به سرورنا
أهدانا جورج شعره، والشعر روح الإنسان، لذا فهو قد أهدانا روحه، وأطعمنا نعمة شدوه، فأشبع فينا نشوة الزهو، لذا فإنا بمدحه، نكون كمن يخبر الناس عن ضوء النهار الزاهر، وسنا القمر الباهر، الذى لا يخفى على كل ناظر، وهم ينظرون اليه، وهو شاخص اليهم، ونحن موقنون بأنه حيثما إنتهى بنا القول فى حقه، يكون منسوب الى العجز والتقصير عن غاية ما نريد، وإن أعجزنا الثناء، فلا مناص سوى الدعاء
الدعاء له بما يهوى ويتمنى ويشتهى، من جميل الأشياء
إنا لا نروم رد الهدية اليه، ولكنا، نتمنى أن نكتب محبتنا له على وجه الزمان، وبين أفياء المكان
أنا ومن معى من هؤلاء الناس الطيبين، صانعى الجمال فى كرم، ومشيدى صروح البهاء فى شمم
ولتظل شمس المحبة تسطع على أرضنا، نماءا وصفاءا ووفاءا
وليبارككم الخالق
|
Post: #73
Title: Re: جورج -- دى كفك ولا غيمه
Author: خالد الحاج
Date: 04-16-2004, 01:24 PM
Parent: #72
UP
|
Post: #74
Title: Re: جورج -- دى كفك ولا غيمه
Author: ملكة سبأ
Date: 04-16-2004, 01:56 PM
Parent: #72
وتظل (ياحوشنا) سيد الأمكنة
صـُرُف غلمـان ..
بنيات حـور ..
خمـور وقصـور ..
يشـب مـن تـل بخـور تيمان
دقـر ياعيـن
مطرنـا الزيـن
لاتنضـر..
لا تنعـاق
نظـل فـي (حـوشك) الماهـل
صحـاب مافـي بينـا فـراق
وديـل صحابـك ولامـوج؟!
دا حـوش ولا شـط ؟!
شتـات ..
ياروعتـك لمـن تجـادل كلمتـك
دائمـا تكـون فوق الشفـاة
مرحيبـة بالداخـل عليـك مـن دنيتـك
عبيـت مصابيـح الصبـاح
ووجّـت جنائـن غنوتـك
لمـا البلاد صادة الوخـم
صـار المضـاد الما اتلخـم
دغـم النغـم فـي حرفـو
اتفرطـق لغـم
ينسـف مطاميس الالـم ..
بسـن قلـم
يــا جــورج
ماجانـا عشقـك مـن فـراق
ولاهـم غنـوك عبـط
ويا ..
المغنـي الما نـدم
سلـم علـي (جـورج) وكفـى
وقـول ليـه مـن بعـد السـلام
طابـت عينيـك
والحـب عليـك
يبـراك وسـم
يكسيـك هـدم
ارقـد قفـا
وتسـلم روحـك
|
Post: #75
Title: Re: جورج -- دى كفك ولا غيمه
Author: ملكة سبأ
Date: 04-16-2004, 02:19 PM
Parent: #74
شايفين (شدرة) البرتكان الفوق (القيف) ديييييك اها انا ماشية عليها .. أقعد تحتها اعد نقط المطر .. واتمطق إحسـاس السحـاب بين لهفة الطين والشمس .. أطـرز المنديـل واخـيت طواقـي العيـد ..
اصلي خلاااص نفسي اتقطـع (وكرعـي) حفـن من (خمـج) دارة الفـرح على إيقـاع صفقـة الرائـع المطـر والـراس تِقـل (سكران) بخمرة الحـرف النغـم ..
وخلونـي اشكركـم شدييييييد علـي العافيـة (الشميتهـا) و (وخميتهـا) مـن هنـا دا ..
ومليـون فـرع ياسميـن أرسلـه عبركـم للسامـق (حُميـد) والـذي عرفـت كيـف أنـه شاعـر بحجـم وقامـة الوطـن ويقينـي انـه مرجـع كـل النغم .. وكـم انـا مندهشـة !! وأقـول ليـه اعفـي لـي علـى أى كلمـة (مطيتهـا) لتكـون مقـاس الفـرح ..
وكـم انـا سعيـدة وجزلـه بوجـودي بالقـرب مـن هـذا الألـق وهذا الحب ، ومنكم وهذا (الجـورج)
وقبل انتكي احب اقـول لشيخ الجمال( محمـد)
زي ماقال ليـه المطـر
| Quote: لـك المحبـة وماحـوت |
** ينصـر دينكـم ... **
|
Post: #76
Title: Re: جورج -- دى كفك ولا غيمه
Author: خالد الحاج
Date: 04-16-2004, 02:36 PM
Parent: #75
وينصر دينك يا الملكي..
يعلم الله لو أملك أسكن في البوست ده أسكن بي فرحة..
يا أخونا عقدتونا .. يعني جرعة جمال زي الفي البوست دي
بتكتل يا جماعة يعلم الله بتكتل.
|
Post: #77
Title: Re: جورج -- دى كفك ولا غيمه
Author: THE RAIN
Date: 04-16-2004, 06:28 PM
Parent: #1
الأحباب
خالد
و
الملكة
إسمحو لى، أن أغنى حضوركم، وقود المحبة الراسخة، من شيخى المعطاء، سند، سند الشعر والشعراء، فهو حين تخمد فينا جذوة الكلام، يهب لنجدة الحروف، تشرب من رياه فترتوى، وتتجدد شعلة الحياة والشعر فينا دوما، ومن شيخى سند أهديكم
أختار أن أجيئكم مع العطاء
كلما توهجت عيونكم
أشع روعة وكبرياء
اقول فى تدفقى الحميم نحوكم
أقول فى حلاوة اللقاء
لعل فى دماك ما يرن
حين يخطرون فى عيون الصحو
زينة ومهرجان
وراحة من العذاب
واحة ينام عندها
المسافرون والمشردون دونما هوية
ودونما مكان
أختار أن أجيئكم مع الدعاش
فى مواسم البذار
أصب فى شفاه طينها شقاى، لاهثا
أشمها
أضمها
أستريح فى ترابها المعطور بالحياة
أقيم عندها الصلاة
وأنا والله يا خالدا فى المهجة محبة، ويا بلقيس ملكة الشدو الملائكى، أرتاح فى ترابكم المعطور ودا، والمعطون معزة وسلام
وبكم أجمعين، يزدهى النشيد
ومجددا، نرفع رايات المحبة، تخفق فى سماء الصداقة والصدق، لجورج وصلاح وكل صحبتنا الكريمة هنا
|
Post: #78
Title: Re: جورج -- دى كفك ولا غيمه
Author: جورج بنيوتي
Date: 04-16-2004, 08:43 PM
Parent: #77
أولها:-
" يا الطالع الشجره "
" جيب لي معاك بقره "
تحلب وتسقي الناس
من روعة الإحساس.
ثانيها:-
نزل لون الشمس في نيل
نزل لون القمر في وِشْ
وشوش شدر ليمونك العنبه
قعد ضلك على الكنبه
سحابك رشرش الحيشان
الجوك ملوك..
وانا من بعيد
في جاه ملوكك، جيت ألوكْ .
أما بعد:-
ناديها..
مرَّتْ من هنا..
رمَّتْ السلام..
ردالا ضلِكْ في القلب
حزمة مشاعرك
ملفوفة في خاطر " المطر "
صالح " صلاح "
متخومه ريد في سرتك
وحبلك السري الممدد
من عيونك لى عيونم..
فرحتك متغطغطه
دفيانة بى رقة فصولك.
+++
سين...و...استجبنا
الحَارَّه حارَتْ فينا
باعَتْ ، واشترينا
أصيل أصولِكْ
لوني الفرح الجديد
راقصي عمرك في صدورنا
وختي صدرك فوق عيونا
... أقعدي عافية، ح تستريحي.
+++
ناديها...
مرَّتْ من هناك
قالت: بجي..
مختومه في هذا الصباح بالأوسمه
+++
تاوَّقتِ؟
دُخلي ..
الحب دا ليكي
أدُخلي فينا: ح تستريحي.
وأما بعد:-
... يامن زرعتم/ن نبتكم هناوفرشتم/ن الأرض
زهرا ...
أحبكم..
وآتيكم.
|
Post: #82
Title: Re: جورج -- دى كفك ولا غيمه
Author: شتات
Date: 04-17-2004, 03:27 PM
Parent: #78
تماضر ..
انت يا ست الأناقـه ..
الغيوم مسروقة منك ..
ولـي زهورك اشتياقـه ..
والجمال الفي حروفك ..
بقَّ نـورو .. ضوَّا طاقـه ..
والقومة ليك يا بت البلد ..
من شيوخا .. من بناتا ..
من جبالا .. من جمالا ..
من أُخُــوَّة ومن صداقـه ..
وليك تنساب المعاني ..
لا تملق .. لا لباقـه ..
والراجينو منك لسه أكثر ..
قافية تتلاحق رفاقــه ..
والأمل فيكِ باقي ..
الجعان تديهو لقمة ..
والجريح تديهو بسمة ..
والتائه في طريقو ..
يلقى عنوانك بطاقه ..
وانت برضو معانا تمشي ..
للزول السمح ..
من حضورك تديهو ضحكة ..
من ورودك نديهو باقـه ..
ونمشي للولد المطر ..
يهدينا من نفحاتو عنبر ..
يكتبنا في لوحاتو غيمة ..
نقرا في عيونها الحبيب ..
ويا نيلنا السلام ..
صلاح / شتات
|
Post: #80
Title: Re: جورج -- دى كفك ولا غيمه
Author: يا بت يا نيل
Date: 04-16-2004, 10:01 PM
Parent: #1
الرائعين
جورج
المطر
شتات
وكل من عبروا من هنا...
وكان الفرح يدق بابي لياخذني بعيدا الى حيث تنتمي النجوم
والى تلك المساحات الخضراء تعبق بالرياحين والياسمين
وكاني موعودة بهذا الفرح منذ الااف السنين
لكم كل الود...
|
Post: #81
Title: Re: جورج -- دى كفك ولا غيمه
Author: THE RAIN
Date: 04-17-2004, 03:15 PM
Parent: #1
عاصم الحزين
جاى
سايق وهجو قدامو
وفى وجه حزنه النبيل
قايم الفرح بستان
أعراس مودة وسلسبيل
تطرد مننا الأحزان
وتتشابا المهج وتسيل
شلال محبة وإمتنان
نشوانه بى عطرو وكلامو
حللت نخلا وجدولا يا عاصم، وأى مقعد هذا الذى يحتمل كل أن تحتويك دون أن ينال منه دوار الفرح ويغمره عميم الإبتهاج بمقدمك الخريف
أستجدى الكلمات الآن، أن تمدنى بما إختزنته من ضوء، ورد وحبات مطر صبية وزرقاء، وما هو مدخور فى حناياها العصية، لنكمل به تزيين شرفة الترحاب، وأنت تشاركنا بنفح وعبق حضورك الشهى، إبتهاجنا ب "جورج" الحبيب
ومجددا، حللت، عطرا
وعليك المحبة والود
|
Post: #84
Title: Re: جورج -- دى كفك ولا غيمه
Author: شتات
Date: 04-17-2004, 03:48 PM
Parent: #81
بلقيس ..
ايه اقـول يا أحلى زول ..
نغم حرفِك طلع مليان ..
هـزَّ في جوَّانا عيد ..
والحروف الجاية منك داخله فينا ..
ليها لهفة زول بعيد ..
فيها همـسـو وبسمتو ..
فيها فرحو ووجعتو ..
وكل ما قالـوه ريد ..
ايه اقـول يا أحلى زول ..
شَـتْـلَـتِـك مزروعة فينا ..
نسقيها بي دمع الفرح ..
دمعة .. دمعة ..
تبقى أكبر ..
قطرة .. قطرة ..
تنمو أكثر ..
والزمن راضي وشهيد ..
والبرتكانة الكنتِ فيها ..
تَعِــدِّى في حبات المطر ..
كُـنَّا فى أعلى الفروع ..
نزيد على الحبات درر ..
نراقب سحرك وروعتك ..
ننسج افراح العمر ..
والسحاب القدام عيونك ..
اديناهو من خاطرنا نسمة ..
والمنديل البـين أناملك ..
كل نظرة .. ليهو منك ..
كانت في عينينا بسمة ..
وليك يا شدو الأماني .. كل المشاعر العندنا ..
بس ختينا ريشة عندك .. سحابة تحلم بالهنا ..
ويلا نمشي للزول السمح ..
نلقاهو يكتب فى الغنا ..
ديمة مليانات ضفافو ..
بالرحيق والسوسنة ..
ونمشي للولد المطر ..
داعي الفرح .. صوت المئذنة ..
نديهو من خاطرنا ريد ..
ويا نيلنا السلام ..
صلاح / شتات
|
Post: #87
Title: Re: جورج -- دى كفك ولا غيمه
Author: شتات
Date: 04-17-2004, 04:01 PM
Parent: #84
Quote: فوووووووووووووووق
فيه شفاء.. |
رددها يا خالد ..
والله أحس معها بالطرب حد الانتشاء ..
أحس معها بالنشوة حتى الامتلاء ..
قولها تاني .. وتاني .. تاني
ثلاثة .. اربعة .. حتى الانتهاء ..
قولها تاني .. ونحن برضو قلوبنا صاغية ..
يا أباذر .. يا جورج .. يا شباب ..
كلنا لازم نقولها حتى نقضي على آخر ذرة من كراهية ..
وامسكوا لي عاصم الحزين دا ما يفوت لما اجيكم راجع ..
صلاح / شتات
|
Post: #93
Title: Re: جورج -- دى كفك ولا غيمه
Author: شتات
Date: 04-18-2004, 10:54 AM
Parent: #87
عاصم .. أيها الحزين ..
..
في موكب الترحاب ..
رصّـينَا ليك الشوق قوافل ..
وانت ضيف الشرف ..
في يوم تاريخي حافل ..
وزغرودة في دنيا الفرح ..
للصحة يا ورد المحافل ..
وانشاء الله ما تشوف كريه ..
وبالسلامة ديمـة قـادل ..
بس كمان عاتبين عليك ..
ليه الحزن عند شعــار ..
ما الحبايب ديمة جنبك ..
أنصب الأفراح جـدار ..
والعمر دايما قصير ..
ليه ترميهو في قفرا بوار ..
والأهل راجين الفرحة منك ..
يوم تجيهم الشمعات منار ..
..
عموما ألف مرحب ..
في مكان زولا سمح ..
يبسط البسمـات ديار ..
يكتب الأشواق غنا ..
يرسم اللوحات مدار ..
وفي يمينو الولد المطر ..
نغمة من عمق البحار ..
سفن بالحب تئن ..
مدن مسكونة بالتذكار ..
ويا نيلنا ليك سلام ..
صلاح / شتات
|
Post: #85
Title: Re: جورج -- دى كفك ولا غيمه
Author: THE RAIN
Date: 04-17-2004, 03:50 PM
Parent: #1
العزيزة
البت المحراب النيل سكونا
الحروف مضفورا بالموجات
والسماح مدفوق وجارى
جاى مارق يبشر الساحات
يرسم الايام حدائق
النهارات والأماسى
وكل عصافير العصارى
والسماح مدفوق وسارى
وأصله نابع من عيونا
يفيض نيل كرمك الوافر بالجمال، يا بت يا نيل، يا وطن ونخيل، لامن يزيد ونقسم منه للحبان، للجيران، وكل الناس الطيبين السمحين والزينين
وشكرا بلا حدود، عنى وعن جورج وصلاح
|
Post: #86
Title: Re: جورج -- دى كفك ولا غيمه
Author: AlRa7mabi
Date: 04-17-2004, 03:51 PM
Parent: #1
ليتني أجد لي وسط هذا الحضور البهئ مقعداً
فكلم جمال
وكلكم عشق
أ ياجورج .. لك الفرح بعاشقيك
ولكم جميعا المحبة
رحمابي
|
Post: #88
Title: Re: جورج -- دى كفك ولا غيمه
Author: ملكة سبأ
Date: 04-17-2004, 06:42 PM
Parent: #86
( )
|
Post: #95
Title: Re: جورج -- دى كفك ولا غيمه
Author: شتات
Date: 04-18-2004, 11:00 AM
Parent: #86
Quote: قل لى
كيف جئتنا وأنت فينا؟
وكيف ترحل
ونحن من خيوطك الحنينة
نغزل الأعراس والمساء
كيف نرقص
والجروف غنوة حزينة
وكيف نضحك
والخرطوم آهة دفينة
إن كنت قد نسيت وعدك
فنحن بعد ما نسينا
أبوذر (المطر).. |
الرحمابي ..
ومع المطر ..
نسافر ليك ..
نفج الدروب ..
نعبِّي الطريق بالريد ..
نطارد فيك السحاب والنيل ..
نوصل ليك ..
نلقاك في جوانا طيف ..
معشعش في جوف الوريد ..
صلاح / شتات
|
Post: #89
Title: Re: جورج -- دى كفك ولا غيمه
Author: صديق الموج
Date: 04-17-2004, 09:56 PM
Parent: #1
جورج...شتات....المطر
كلما حاولت ان اهرب من هنا اجدنى اهرب ... اليه... اعود وانا اكثر
ظماءاّ..وكلما خرجت متحايلا اشفاقا على منكم..كان الاحتيال يتهاوى
تحت شغفى بالرجوع..لاننا يمكن ان نخدع اى شىء ماعدا مشاعرنا
واحساسنا تجاه من نحب وما نود..لذا اجد نفسى معكم من جديد..
يوم ان قرأت هذا البوست واقرأه احس بشىء يشبه المطر فى حلقى..تصلنى
اصواتكم همسا كما الصلوات،وكم هو رائع ان اسمع عبركم صدى الهمس
رعدا يتنامى الى الحنايا يزلزل القلوب ....ينسرب الى بطينها..الى
اذينها..اليها كلها..
يا مجنونى الحبر,,,بوحكم معا هذا اقلاق لراحة الرياء وتعكير لصفو
نزعة التنصل من الصدق حين نعشق...حين نحب..حين نهمس....اقول لكم
واصلوا صبيبكم فنحن شعب يشتعل حبا ويزهو باوسمة البرم،والفل،ونوار
الطلح الاصفر على صدره وحرفه فلا تدعو الغرق المخيف فى اشغال لا نهاية
لها ان يسلبكم حقكم فى صدقكم..فبهذا تقطعون الايادى السكاكين التى
تمتد لتقص اغصان اى شجرة تومض فيها شرارات الحب..كى لا تضرم نار
العشق فى غابات القلوب المتعطشة الى حرية الضوء...التائهة امام
المعادلة المستحيلة كيف نضىء دون ان نحترق.
احترقوا فحديثكم بطعم البهار..وانا لو وضعوا اطلس الكون امامى لا
اختار الا حيث انتم واضرابكم..لانى احس اننى مطوق بكم وبالشوق
وبالدفء وساظل اضبط خطواتى وراءكم حتى لو كنتم هواء.
|
Post: #90
Title: Re: جورج -- دى كفك ولا غيمه
Author: Abir Abdulla
Date: 04-17-2004, 10:15 PM
Parent: #1
لم اعي باني احبس انفاسي وانا اقرأ..
فراشات ضوء تهطل أمامي..كل هذه الروعه في بوست واحد!!
شهيق..
ما اسعدنا...نرجوكم لا تتوقفوا
|
Post: #91
Title: Re: جورج -- دى كفك ولا غيمه
Author: معتصم دفع الله
Date: 04-17-2004, 11:27 PM
Parent: #90
يا ناس هوووووووووي ..
كلامكم السمح دا خطيييييييير مررررررررررره ..
بيكتل ليهو زول عديل كده ..
دا كان ما كتلو وودر روحو كله كله ..
في حضرة الناس السمحين ..
يغلبني الكلام ..
يجن صمت الليل ..
يحرق حشا المغبون ..
يتوسد ضفائر الفال ..
أجيكم بالعديل والزين ..
أمد إيديا لي إيديكم ..
وللنيل الهناك طربان ..
تفيض روحه وتديكم ..
وللقمر البتاوق من هناك ..
يشع نوره ضواً يكفيكم ..
وللناس الحلوين ..
أبداً ما مفارقين دياركم ..
ما أصلنو نحن منكم وفيكم ..
جورج بنيوتي .. الزول السمح ..
أبا ذر .. الولد المطر ..
صلاح .. شتاتك والغيمة ..
ليكم مليون حب وسلام ..
|
Post: #92
Title: Re: جورج -- دى كفك ولا غيمه
Author: dreams
Date: 04-17-2004, 11:27 PM
Parent: #90
فيه شفاااااااااااء
|
Post: #94
Title: Re: جورج -- دى كفك ولا غيمه
Author: جورج بنيوتي
Date: 04-18-2004, 10:56 AM
Parent: #92
وحاة عمرك
مأصَّل فيكي لامينا
ومأصَّل فينا جاييكي
عايني وشِك في الكتابه
( أمسكي الخشبه )
وأرُقصي
عيدِك إنتِ وريد محبه
وحبه
حبه
قومي في لحظة كمالك, دخلينا و أدخلينا
واقري إسمك :
......
أبو ذر
صلاح
عشة بت فاطنة
أماني
أبو جهينة
خالد
نصار
مراويد
صديق الموج
زمراوي
بلقيس
يا بت يا نيل
معتصم
علي
محمد الشيخ
تماضر
الصادق
أحلام
عاصم
الرحمابي
عبير
جورج
.... ولسه ياما ..
|
Post: #96
Title: Re: جورج -- دى كفك ولا غيمه
Author: THE RAIN
Date: 04-18-2004, 01:56 PM
Parent: #1
جورج
يا الطالع الشجرة
جيب لى معاكا عمر
أديهو للأحباب
اللحظة سمحة تمر
والريدة تبقى الباب
روح المودة أجر
والود مصفى شراب
تتبادل الأرواح
معنى اوفا الأنخاب
يا الطالع القمرا
قوليها زولنا بدر
قاعد مع الشعرا
شايل المحبة نضُر
يا ساكن الأرواح
هاك الكلام مصباح
يديكا باقة نور
يديكا ريد وسماح
جورج سيد السماح، ووقود الأرواح، والله لن يمس النعاس طرف حلم من شهرزاد القصيدة، وإنا مقيمون، إقامة معزتك فينا
|
Post: #97
Title: Re: جورج -- دى كفك ولا غيمه
Author: THE RAIN
Date: 04-18-2004, 02:16 PM
Parent: #1
شتات
شفتك هنا، شفتك هناك
عينيكا
شرفات الوفا
وإيديكا
تغزل فى الكلام
تعدل وهج كل القصايد
بى سناك
تدينا من نضمك وسايد
يرتاح عليها الليل
وقمراتو تغرينا السلام
يدفق النيل الصفا
نرجاك هنا، نرجاك هناك
ضو الحروف الما انطفا
يهدي الخطاوى
تمش عليك
ونلقاك هنا، نلقاك هناك
|
Post: #98
Title: Re: جورج -- دى كفك ولا غيمه
Author: THE RAIN
Date: 04-18-2004, 02:37 PM
Parent: #1
الرحمابى
جانا الخبر، ومن فرحته، مره يشيلو النسيم، ومرة هو يشيل النسيم، والإتنين جونا شالين الفرح، قالو الولد رجع البلد
وا، ولد
تندهش كل الحروف
وتغنى لى جية الولوف
ووسط الفريق
مرقن بنيات الفرح
يتهامسن
رجع الولد
ضوا البلد
والحله عماها البريق
رقصت شتيلات الجروف
فرحانه بى جية الولد
وداير يا الرحمابى تكوس مكان؟
حتى لو لقيت ليك محل فاضى، المهج الجوه كلها ما بتفكك، عشان تقعد وتتوهط بعيد منها، مكانك ساكن فينا، وإنت ساكن فى مكانك، ومكانك وأنت، الإتنين قاعدين بين جنبات الروح
|
Post: #99
Title: Re: جورج -- دى كفك ولا غيمه
Author: THE RAIN
Date: 04-18-2004, 02:51 PM
Parent: #1
صديق الموج
كيف الحال ايها الرحب
أيها المحتشد بكل جلال الماء، وكمال السنا
كلما أتيتنا، ينبئنا الغيم، أن النهر بكل هيبته قد دلف عبر بوابة المحبة، فأعدوا له ما استطعتم من محبة ومن ورود الود، ترهبون به هذا الهجير
وكلما أتيتنا، نتوضأ من عبقك الذى تسبقك به النسائم الصديقة وتحمله الينا قبل وصولك، نتوضأ من صدأ الأرواح، ونتعطر بماء الفرح، ونكون نحن وكل بهجة الدنيا، لك إنتظار
ها هو "جورج" مثل جذورة منيرة فى وسط السهل، تأتيها فراشات النشيد حاملة اللون والصدق والأغنيات، كرما وإلفة، نتحولق جميعنا حوله، ونرتل أناشيد المحبة، له، للناس أجمعين، للأرض وللسماء
وتبتسم الأملاك حتى تظهر نواجذ فرحها، تتباهى بكم وتدعو من معها، أن هلموا تعالوا وشاهدوا، وأفتونى، هل ما نراهم أمامنا، بشر؟
نعم هم البشر حين تأتلف القلوب وتضوع أنفاس الصدق والود بين أرواحهم، نعم هم البشر حين يدركون أنهم بشر حقا، وهكذا يجب أن يكونوا
أدامك المولى جميلا وساميا وصديقا، وموجا يمسح بنداه وطيبه، كل سواحل المحبة
|
Post: #100
Title: Re: جورج -- دى كفك ولا غيمه
Author: THE RAIN
Date: 04-18-2004, 02:58 PM
Parent: #1
عبير عبد الله
بل ما أسعدنا نحن بمجيئك إلينا
وللحظة، أعلنت اللحظة إنتباهها، وضج المكان بعبير يسوق أريجه معه فأنصتت فينا جميع الحواس وبدأت طقوس ترحابها بك، ولا تزال
ومع كل لحظة، تزداد السعادة، وردا وحروف
شكرا "عبيرا" لك
|
Post: #101
Title: Re: جورج -- دى كفك ولا غيمه
Author: THE RAIN
Date: 04-18-2004, 03:06 PM
Parent: #1
معتصم
الزول الإنسان
والإنسان الفنان
إنت ما سمعت أبو صلاح قال شنو
كلما اتأملت حسنك يا جميل
ألقى آية، تضاهى آية
وإنت يا معتصم مليان بى آيات الجمال والبهاء
وأول آية، شوفتك المبهجة، وحروفك السمحات، وكلماتك "الشمعات"
بالشوفه ينبل الشوق ويخضر ساق الود، وبالحروف يطرب الدم فى الوريد ويواصل جريانه لحدى مصبك، وبالكلمات المضيئة، تنزاح العتمة، ونشوف وشك وسط الناس، هالة ود وباقة إلفة مضيئة
|
Post: #102
Title: Re: جورج -- دى كفك ولا غيمه
Author: THE RAIN
Date: 04-18-2004, 03:09 PM
Parent: #1
dreams
أحلامنا الوارفة السماح
انشاء الله يتعلا قدرك
ويسعد عمرك
وليك المنى الطيب، يا نبيلة ويا أصيلة
|
Post: #103
Title: Re: جورج -- دى كفك ولا غيمه
Author: شتات
Date: 04-18-2004, 03:54 PM
Parent: #102
عبير ..
ليك الشهيق ..
نسمتك ..
لطَّفت صيف الطريق ..
لاَمَستْ بالود وجِـيهـْنَا ..
بلَّلَت جوانا رِيق ..
والفَـرَاش نهديهو ليك ..
بي فضاهو ..
بي زهورو ..
وكل ما قطَّـر رحيق ..
ومعانا تمشي ..
لي زولا سمح ..
يضوي كالنجمات ألق ..
يهدي لي كل الحبايب ..
لوحة من شاطي البريق ..
ونمشي للولد المطر ..
شادي الغمام .. ضو البروق
نلقاهو في عيون السحاب ..
رُشاش يطفي الحريق ..
ويا نيلنا ليك سلام ..
صلاح / شتات
|
Post: #104
Title: Re: جورج -- دى كفك ولا غيمه
Author: شتات
Date: 04-18-2004, 04:05 PM
Parent: #103
Quote: صديق .. أيها المــــوج ..
يا ســيل ..
بحرك دميرة .. تمساحك عشاري ..
ضفافك خير .. جزايرك ريد ..
أيها البحر السلسبيل ..
صلاح / شتات |
الموج ..
أتَحْمُلُ كل هذا الألق ولا ندري ..
ونحن الذين مذ عرفناك نهدر ما منحتنا من وقت فيما قلَّ معناه ..
لمَ لمْ تدلنا على الحديقة الخلفية لنرتاح حينا تحت ظلالها الوريفـــة ..
يا لكَ من ضنين ..
| Quote: فنحن شعب يشتعل حبا ويزهو باوسمة البرم،والفل،ونوار الطلح الاصفر على صدره وحرفه فلا تدعو الغرق المخيف فى اشغال لا نهاية لها ان يسلبكم حقكم فى صدقكم .. |
انها دائرة الشوق .. تتسع أقطارها ليحتوي حنانها كل الراحلين عن حياض النيل .. لن تستطيع الهروب .. فجاذبيتها المغنطيسية تنهار أمام مجالها قوى التمرد الهاربة .. وهي حلقة الحب المفقودة فيما تشتت من حياتنا .. نبحث عنها وان نأت في حواصل الطير .. نمضي اليها وان تعلقت في مخالب النسور ..
| Quote: التائهة امام المعادلة المستحيلة كيف نضىء دون ان نحترق .. |
ليتنا يا موج .. نحترق ونضيء .. وهج التضحية .. كالسواقي تفنى فدى النهر العظيم .. ولتختل المعادلة فربما اختلال واعٍ أبقي من توازن جهول ..
نور الإيثار ..
ليتنا نكون من الذين يؤثرون ..
وأقول كما يقول صديقي أبوذر ..
لك المحبة وما حوت ..
لك النيل ..
*حاولت أن يكون ردي اليك هكذا .. لظني أنه ما ينال رضاؤك .. وعاجزا أحاول أن أقدم للضيوف ..
أحلي ما يشتهونه من أطباق ..
صلاح / شتات
أبوذر .. دا كلو أنا .. ؟
والله كنت عايز اقول ليك يا ابوذر انا قايم سايرين وما عارف ماشي شرق وللا غرب .. واذا كلامي أشتر وقِّـفني .. وخليني اقعد واسمع بي أدب .. عشان ما أضيع زمنكم وباندوث بكري ..
|
Post: #105
Title: Re: جورج -- دى كفك ولا غيمه
Author: THE RAIN
Date: 04-18-2004, 04:36 PM
Parent: #1
شتات
صلاح الأرواح
والله كان إنت، وكان الزول افسمه جورج ده، لى هسه ما لقيت الكلام البفشنى فيكم
تهبش الأبجدية كلها، تتدنى ليها وتحنسا عشان تديك نضمى يليقك بيكم، برضه تقصر وتنقص، وهى معذورة، يمكن ما عارفانى أنا داير اشحد حروفها دى لى منو
بس هى كان ما عارفة التعرف من هسه
يا ابجدية السجم
حروفك دى، أنا دايرا لى ناس اتنين
واحداً اسمه صلاح
لامن رهق وجع السنين
يكبر يزيد
يضارى بى ريحته العمر
ورا الضرا
وحتما أكيد
بلقى الفرح
يلقاهو زول
سامى وأمين
بلقى السماح
بلقى الصدق
ممدود براح
مليان معزة وانشراح
وده بس صلاح
|
Post: #107
Title: Re: جورج -- دى كفك ولا غيمه
Author: جورج بنيوتي
Date: 04-19-2004, 11:28 AM
Parent: #105
(1) أبو ذر
فوق الكلام سِكَنَتْ عِظَه
تحت الكلام سكنت حروف الموعِظَه
سيد الكلام إنتَ وكفى
نشرب عصير الود
نتَكي ونرقد قفا.
حلم الطيره حبه
تشيلا تمشي وتنتشي
حلم الطيره قشه
وتبني عِشَه.
***
فرهَد الزرع الإشاره
خانه في دفتر مطر
لو كنتِ شاطره ح تعرِفيها
أقري بس أول سطورو
واتوضي بى آخر عِبارَه.
*********
|
Post: #106
Title: Re: جورج -- دى كفك ولا غيمه
Author: THE RAIN
Date: 04-19-2004, 11:19 AM
Parent: #1
على النجيله جلسنا
طربنا واتآنسنا
وعن الهوى "اتحادسنا"
جورج
شتات
والأعزاء عقد الورد الملائكى
لا أدرِ، لم يتراءى لى أبوداود وهو يشدو ويشجو، وبجواره برعى يحتضن العود، ونحن من حولهما، نحتضن الكون كله، لا أعرف لم أرى هذا المشهد البهائى كلما دلفت الروح الى هنا، لأداء فرض الود ونوافل المحبة العامرة بكم
وليشع بين الناس الصفاء والوداد، فالحياة لا تحتمل أكثر مما فيها من خصام وتنافر وكراهية، ليخضر الهواء ويتعطر بأنفاس المودة بين الناس
وحينها، سيرضى الخالق عنا/عنكم/عنهم، وتضحك الأملاك ملء فرحها وفخرها بالبشر
|
Post: #108
Title: Re: جورج -- دى كفك ولا غيمه
Author: شتات
Date: 04-19-2004, 05:28 PM
Parent: #106
كتبت يوما ..
Quote: يسكننى دائما شوق قلق .. ورغبة متلهفة لسماع حديث الأصدقاء .. أخبارهم تحيط نفسي بالفرح الطاغي .. والدهشة الشفيفة .. لا تأتي الا وتسبقها بشاراتها الخضر .. ووعودها البيضاء .. تتنزل علينا هكذا .. نادرة .. مستحيلة .. لتوقف صرير الروتين .. وتصد جيوش السهد الباغية .. وتشك عين الفتور بالصحو .. وتحمل أيامنا الباردة على أكف الهناء والوضوح .. فنبحر معها بضوء البنفسج نحو أحضان الخليج .. ويرتخي وتر الصراع قليلا .. وتتيه قوافل الذكرى بنا سنينا .. ونطوف بجميع سوالف الخير والنعيم .. فتبتسم قلوبنا المهترئة وتتعبأ بالوسن .. وتتخدر أطراف العذاب بالسكر اللذيذ .. نذهب معكم عميقا .. عميقا .. للحد الذي يوصلنا لحافة السؤال .. ثم نصحو من الأحلام وفي مياسمنا تاج الأماني ..
ملامح الصحو في اليقظة ..
وروعة المدي في الرؤية ..
وفي الخاطر تتمدد الأشياء ..
وتمضي لما يستحق الغناء .. أو لما يستحق البكاء
..
صلاح / شتات |
ولعلي لكم اليوم أكتب ..
إلى جورج .. كوكب الود
إلى المطر .. قمر الزمان
إلى الأصدقاء .. مواكب الضياء
إليها .. نجمة الحــب والبريـق
لكم في فضاءاتكم .. قناديل الشوق وأناقة الذكرى
صلاح / شتات
|
Post: #109
Title: Re: جورج -- دى كفك ولا غيمه
Author: ملكة سبأ
Date: 04-19-2004, 06:38 PM
Parent: #108
يااااا مطـر عـز الشدائــد
حوشــه غيمـة ... شديـرة ... خيمـة ... حوشــه جاهنـا
والتقـا الطلقـت وشينـا ... فرقـت غمـة جباهنـا
***
حضنـا كيـف
مـن شـر الصيـف
والشتـاء ضـاراي .. ضـاراي
عليكـم بـه... فإنـه تريـاق هـذا الزمـن الكئيـب
عليكم بـه ... ففيه شفاء للناس وربهــم ...
فوووووووووووووق
لاداء
| Quote: فرض الود ونوافل المحبة العامرة بكم |
|
Post: #110
Title: Re: جورج -- دى كفك ولا غيمه
Author: عاصم الحزين
Date: 04-19-2004, 07:36 PM
Parent: #109
شتات
اشتّت في الكلام جوّاي
يتاوق للحلم حبّه
اشوف بين ملتقي الريدين
حنين ضوّاي
اقول يمكن يكون دفّاهو صوت الناي
غناي يلكزني شوف قدّام
واشوف بي لهفه شوقي التام
وقف في النص
لدي قلبك
شتات قلبك وطن للحرف
و حرفك سنّ حبرو هفيف
رهيف الشط
اذا ما الموجه ندهتلك
تزح زيف المكان و تخط
مع الاصحاب
كلام طاعم يبل ريقي
و يغالطني الحزن فيني
و يقول فرحان
معاكم انا .
المطر
ابيض
ابيض
ابيض
و كان في الليل معاي قمر
و كم دفتر
اسطّر للمطر غنوه
بيد افتح الي آخر الفتر لوني
و اشيل بي يد وهج كونك
يفر حزني
و يرك عصفور
يغنّيك .
جورج
اتخيّلت لمّا الغيم يكون كفّك
اكيد وكت الهطول بنخت
ايادينا علي قلبك
لأن الواطه في جوّاك مليون ريد
و يدّك غيمه تسقي الشوق
توّري الضيف سرير نومو حدا عينيك
تفر رمشك و تغشي النيل
تقول للقيف
انا مرتاح لهذا البوست
وانا مرتاح يكون في البورد زول زيّك .
|
Post: #111
Title: Re: جورج -- دى كفك ولا غيمه
Author: ملكة سبأ
Date: 04-19-2004, 10:21 PM
Parent: #110
لمن قمت من تحت (البرتكاناية) قلت أدخل اقول حباب .. او .. قول سلام ، نـاديت (عين الشمس) تخلـى بالهـا مـن (البكـان) ...
(كوركتلا) وهـزيت طـرف خـيت ضوها (المحشـور) وسـط خيـوط طواقـي العيـد ... وصيـت لهـا مرسالـها - القمـر- لقيتو حيـران... يفرّز بيـن مابيـن حزمـة ضياءها وبيـن سنـاكم ... يفتـش عـن نفسـه ! وكـان فـي بهاكـم (غطـس) مابـان ...
شلـة نجـوم مـن حلتـه إتقالـدن وإتقـاودن وإترصرصن فـي طـرف المنـديـل .. طبقتـه (دقاااااق) ودخلتـه يـدي دسيتـو وقلـت اجـي انشـرو فـوق حـوش (المطـر) ... خجـلت وإتـرددت (وكـت) لقيـت الحـوش (يلصـف) مطـرز بالحـرف ... وشميـت ريحـة الدعـاش وكـان الزول الوريـف (عاصـم) حضـور ...
ومـع هطـول (المطـر) سابـق شعـاع (شتـات) الشمـس ليلـون المكـان بذلـك الإنكسـار الجميـل (قـوس قـزح) ...
شكـرا ... شكـرا ... شكـرا الجميـل (جـورج) وفـي حضرتـك (يتلقّـط) الغيـم ...(إتلقّـط) و (نقّـط) ....
وكـدي يامطـر خلينـي المـرة دي أنـا أسـال الـزول دا ... يا جورج : دا انـت ولا خريـف عدييييل كـدا !! خريـف فـي شكـل ربيـع ... يـا زول فـي شكـل وردة ...
ماقلـت ليكـم النهـار دا انا (مسطـولة) ؟ وقـدر شنو ؟؟ أسألـوا الحـرف (المعتـق) ...
*** تصبحـوا ونصبـح عليـكم ***
|
Post: #112
Title: Re: جورج -- دى كفك ولا غيمه
Author: THE RAIN
Date: 04-20-2004, 07:12 AM
Parent: #1
عاصم الحزين
صباحات الندى
مكتوبة بى طيبة العيون
همس الورد
وشوش بدا
فتّح حروف ريدو السكون
ضج المكان
هتف المدى
يا عاصم الأرواح
حباب
يا منتهى الأفراح
رضاب
نهر العطر فواح
تساب
نحضن بريقك
شان نكون
نتمدّ فوق أرض الكلام
والدنيا تتمد بالسماح
رؤيا وحلم
يصحا الصباح
يتوسدا
|
Post: #113
Title: Re: جورج -- دى كفك ولا غيمه
Author: THE RAIN
Date: 04-20-2004, 07:22 AM
Parent: #1
جورج
البشارة
والإشارة
والأمارة
تحت الكلام
مسكت جذور ودك
أبد
فوق الكلام
طرحت جروف حبك
وعد
جنب الكلام
قامت عوالمك إنتشا
لا ضلّمت
لا ضو حقيقتك
انخمد
وجوه الكلام
أعلن سماك
موسم وئام
زرعنا طيبة وإنسجام
عم البلد
عم البلد
عم البلد
|
Post: #114
Title: Re: جورج -- دى كفك ولا غيمه
Author: ودقاسم
Date: 04-20-2004, 08:18 AM
Parent: #1
سكارى
حيارى
مجانين
كلكم
رجال
نسوان
أولاد
بنات
أنالا أدخل هنا إلا خلسة
هذا البوست مسكر للغاية
وكلو من كف جورج
وهطول المطر
ودموع صلاح المشتت
وجات الملكة
ضربت السكليب
والبكا والنويح
وسمعها عاصم
جاب أحزانو
جاب كل المحن
وطلعتوا كلكم بكايين
خالد الحاج يبكي
وصديق الموج ملتاع
والرحمابي داك ياهو طبعو
ويا بت يا نيل
جرى دمعها سيل
ووليدي المعتصم
بلّ الوسادة
يا أخوانا والله دي ما حالة
تعرفوا الحل شنو
بس السودان يرجع زي ما كان
ونرجع كلنا زي ما كنا
نرّجع الكان قبيل
ونغسل قلوبنا من الشقا
ومن عذابات الزمن
ومن جراح الاغتراب
ومن كل الحزن
كل المحن
ونتلمّ تاني في بيت كبير
نحلم بالزفاف
وبالعفاف
ونطرد السم الزعاف
ونكوي أوردة الرعاف
ونقعد القعدة اللي كانت
ونشرب القهوة التكية
وناكل اللقمة الهنية
ونلبس حريرة فوق ضريرة
ويرشوا فوقنا الصندلية
ويبشروا الجنيات عشية
ويجينا شبّال البنية
زي نسمة دعاش
والغيم رشاش
والعين يفارقها الطشاش
تسافر في المسافات البعيدة
وتستلهم الزمن اللي جاي
|
Post: #116
Title: Re: جورج -- دى كفك ولا غيمه
Author: شتات
Date: 04-20-2004, 02:36 PM
Parent: #114
تسلم يا خال ..
ديوانك كبير مفتوح ..
رايك سديد ..
نسيما هاب يرد الروح ..
نجيك داب وردة ..
صبيانا سلاحا يلوح ..
وانت لينا بحر ..
ضفاف بالخضرة شبعانة ..
جروف بالعزة رويانة ..
صباح ماطر .. سواقي تنوح ..
نشيل من عافيتك سيف وقلم ..
وعند الحارة نتحزم أسد مجروح ..
وللسمحة جوانا قلبا كبير ..
وردا شـذاه يفــوح ..
تبين في سمانا زي قمرا بعيد ..
نلامسو بي ايدا قصيرة ..
وفرع من ريد طويل ..
حروفو تسيل ..
تمد ايديها تاخدنا ..
تَط’ـول ايدينا .. نقبض نجوم السماء المفتوح
نجيك يا خال .. ريدة تتدفق
انا والمطر وزولا سمح ..
نجيك كلنا ..
مطر وغمام .. كفوف بيضا .. قلوب خضرا ..
وتغني ليك بلابل الدوح ..
ويا نيلنا ..
ليك سلام ..
|
Post: #115
Title: Re: جورج -- دى كفك ولا غيمه
Author: THE RAIN
Date: 04-20-2004, 12:27 PM
Parent: #1
بلقيس
ملكة سبأ
هدهد بهاك
جاب النبأ
قال الألق عم الأرض
وزع ضياكِ على الملأ
والعرش يا بلقيس، عرشك الذى تحيط بجوانبه مصابيح الشدو المتوهجة وتحلق فوق أرجاءه طيور المسرات المتشحة بالألوان، تروح جيئة وذهابا، تحمل عطر المودة وترشه فوق سماءنا التى تهبط الى أرضك الندية، تتطيب منها بفأل الحروف وطعم الجروف، ثم تتبرع نفس الأطيار بحمل السماء، سماءنا، وقبل ذلك ، نكون على وعد جديد بالإرتواء
ويا حاشية الجمال والوفاء
جورج وشتات وبقية أمراء الكلام والبهاء، عليكم المحبة، خضراء، حيثما نما حرف وأورق حديث، وعليكم المودة، بيضاء، حيثما خطت أنامل الصدق فيكم بمدادها الرحيق، وحيثما أضاءت أرواحكم بجذوة البريق
|
Post: #117
Title: Re: جورج -- دى كفك ولا غيمه
Author: شتات
Date: 04-20-2004, 03:19 PM
Parent: #115
عاصم .. أيها الفرح
أتيتنا كشمس .. بأشعة حانية .. يغسل شعاعها زبد السواحل .. وإلفة معجونة بخبز التعارف ..
وحديقة يجلس الحب في شرفاتها أنيقــا يناجي الظلال ..
لك في القلب معزة يا عاصم .. ادَّخرناها طويلا ..
ونلاقيك الآن بحفنة خجولة من ضوء .. جمعناها من نور الروح ..
وسوف نستعير من جنانك .. بحر ونخيل وسيمفونية تعزفها عصافيرك المغردة .. منك ولك ..
لك منا ودا رقيقا كقلبك ..
لك المحبة وما حوَت ..
ودمت مغرِّدا ..
صلاح / شتات
|
Post: #118
Title: Re: جورج -- دى كفك ولا غيمه
Author: شتات
Date: 04-20-2004, 03:24 PM
Parent: #117
حنانك يا البرتكانة
القايمه لينا ..
ريدك فينا يتحكَّر ..
انت يا روعة هوانا ..
رحيقك فينا يتقطَّر ..
عيونك بالفرح تلمع ..
صباحك فينا يتعطَّر ..
حروفك للأمل تجمع ..
جمالا لينا يتسطَّر ..
نهاجر ليك ..
نغازل فيك عيون الصيد ..
نمسك القمرة بي ايدنا ..
نهز شعاع العيد ..
نخطف الصباح نجري ..
نختو في ايديك ..
ننادي الزمن يسمع ..
مواسم الريدة تتفجـَّر ..
قناديلك نورا يسحر ..
مناديلك فيها نتبـحَّر ..
نخت عينينا جوَّاها ..
عشان بالفرحة ترعاها ..
تنوم بالعافية والأحلام ..
ونشيل الغنوة خطوة ..
ندِّيها للزول السمح ..
يدَّيها للولد المطر ..
يغنوها ود وسلام ..
صلاح / شتات
|
Post: #119
Title: Re: جورج -- دى كفك ولا غيمه
Author: THE RAIN
Date: 04-20-2004, 10:13 PM
Parent: #1
ود قاسم العزيز
سلمت وطبت وسعدت
بمثل ما سعد وطاب هذا الملتقى المخضر، بملامسة كلماتك لجسد اللحظات المؤتلفة فيه
صعدنا محاولين الإرتقاء الى حيث المقام "الجورجى" باهى السنا، لنضع قلائد الفرح والفخر به وله، حول جيد القصائد عنده، ولننحت أسم المعزة عميقا فى خد الجمال لديه، ولنكرس معنى الإنسان مجسدا فى جورج الإنسان
وها قد صار المقام "الجورجى" الآن، ملتقى للود والإلفة تأتيه القلوب من كل فج عميق
وها أنت الساعة، تنضم إلينا حاملا مصباح صدقك المنير، لترتقى قافلة المحبة، نحو آفاق البشر جميعا، بدءا بوطننا الصغير شاسع الأرجاء هنا، وإندياحا الى خارجه، نحمل مشاعل الود منارات على الأيدى والقلوب، ننادى ونهتف فى الناس
أن تعالوا الى محبة سوا، هلموا الى كرنفال البهاء، ولتمسك أصابع الأرواح [اطراف المواسم السخية، وتبسطها حقولا تعج بالجمال، جمال الأرواح
ومجددا ، سعدت وطبت وسلمت يا ود قاسم
ولك كل ترانيم المساء الشجية
|
Post: #120
Title: Re: جورج -- دى كفك ولا غيمه
Author: Alia awadelkareem
Date: 04-20-2004, 11:20 PM
Parent: #119
اشهدها الحروف ان توسلت العناق قبل مني
لكل هذا الحب وساحات الاكتمال
الجميل....
وتحيتي محنية الهامة الي كل موقعين
الجمال اعلاة
مع حبي
|
Post: #125
Title: Re: جورج -- دى كفك ولا غيمه
Author: THE RAIN
Date: 04-21-2004, 03:47 PM
Parent: #120
عالية عوض الكريم
سلام أيتها العالية
شاهقة الأريج وأريجية الحضور
ونحن نشهد اللحظات، انا سألناها وأطلنا الوقوف ببابها، نستجدى الأمكنة أن تحتفظ بآثار الروعة الكامنة بين ثنايا الحروف العالية، وأن تهديها إلينا، "فكة ريق" يعقب إنتظار الكلام لسيدة الكلام البهى
حللت حديقة ونضرة يا عالية
ومرحى مرحى بك فى كرنفال الوفاء والنقاء
|
Post: #121
Title: Re: جورج -- دى كفك ولا غيمه
Author: hala guta
Date: 04-20-2004, 11:35 PM
Parent: #1
الصمت فى حرم الجمال جمال
اشهد الا الله الا الله
|
Post: #126
Title: Re: جورج -- دى كفك ولا غيمه
Author: THE RAIN
Date: 04-21-2004, 03:48 PM
Parent: #121
هالة
لك التحايا يا وردة الضوء الملون وهالته
وصمتك هدير المعنى فى أجلى صوره الزاهية
|
Post: #122
Title: Re: جورج -- دى كفك ولا غيمه
Author: مراويد
Date: 04-20-2004, 11:40 PM
Parent: #1
هلموا نحرق تلك القمامه...
لماذا يطغى القبح هكذا؟؟؟
من المعتوه...انتم؟؟هم؟؟انا؟؟نحن؟؟؟
I have seen many minds of my generation
destroyed by madness
let us get mad
Iam mad
mad
mad
جنننننون.....خير من بؤس الروححححححح و نضوب الخيال
ج....ن....و..ن وعبث
|
Post: #123
Title: Re: جورج -- دى كفك ولا غيمه
Author: haneena
Date: 04-21-2004, 01:21 AM
Parent: #122
يا لهذا الجمال
|
Post: #124
Title: Re: جورج -- دى كفك ولا غيمه
Author: garjah
Date: 04-21-2004, 08:37 AM
Parent: #123
المطر
سلسبيل نضمك معلق على راكوبة البورد قرب
نظيم فكرك مشربك في ضلام الليل برق
جر نضمك في رفيقك
والله صدقناك
|
Post: #128
Title: Re: جورج -- دى كفك ولا غيمه
Author: شتات
Date: 04-21-2004, 03:53 PM
Parent: #124
عالية .. هالة .. حنينة
..
مرحب بنات النيل ..
أخوات عزة .. عِـزَّ الجيل ..
ليكم غالي الحروف انسام ..
صدى الكلمة وجمال الليل ..
وبيكم تتكامل اللوحة ..
تهش أرواحنا بالفرحة ..
تتالَّـق شروق وأصيل ..
ومعاكم تتوهَّج الأيام ..
حادي الزمن يسجع ..
غناهو يســــيل ..
ونمشي لي كسلا ..
نشوف تاجوج ..
نحييِّ التاكا ..
نشرب من مياه توتيل ..
ومعانا تمشو لي زولا سمح ..
نلقاهو فوق هام النخيل ..
يزرع في الحروف أنغام ..
حديثا سمح نسيمو عليل ..
ونمشي للولد المطر ..
نلقاهو في جزاير الفرح اكليل ..
يغني طرب .. يحاكي خليل ..
ويا نيلنا ..
ألف سلام ..
صلاح / شتات
|
Post: #131
Title: Re: جورج -- دى كفك ولا غيمه
Author: THE RAIN
Date: 04-21-2004, 04:05 PM
Parent: #124
العزيز الصديق
قرجة الصدوق
طلع كوكب سناك
نور من معزة
وود نبيل
جهر برقك سماك
ضوا الدرب
شان نمشى
بى نورك معاك
وكل زول بحب
وصله الخبر
قصا الأتر
وسمع نداك
|
Post: #129
Title: Re: جورج -- دى كفك ولا غيمه
Author: THE RAIN
Date: 04-21-2004, 03:54 PM
Parent: #123
العزيزة حنينة
يا صاحبة الكرم الدافق
بدءا، فرحت وأنا أجد وقع حروفك هنا معنا، وذلك حتى أتقدم لك بالكثير الكثير من الشكر والتقدير، أن وضعت عنوان ملتقانا الندى هذا، هناك ضمن المواضيع الموسومة بالجمال، فلك وبإسم كل الأحباب هنا، كل عطر الثناء والود
ودمتِ طيبة
|
Post: #127
Title: Re: جورج -- دى كفك ولا غيمه
Author: THE RAIN
Date: 04-21-2004, 03:50 PM
Parent: #122
مراويد
يا رفيق كحل الصدق الناصع
لندع القبح يزوى وحده، فما به من قبح يحرق حتى ذاته
ويتلاشى
وبمثلك، تنتفض كل براعم الجمال وتتعالى رؤوسها، سعيا نحو شمس الجمال
|
Post: #130
Title: Re: جورج -- دى كفك ولا غيمه
Author: شتات
Date: 04-21-2004, 03:58 PM
Parent: #127
Quote: تلاتة بالله العظيم يا قرجة، وما طالبنى حليفة، زى ما طالبنى المحبة كلها، أنا جنس الكلام ده قاعد اتضارى منه، ودائما بفضل ابقى غنوة فى الزفة بدل ما أكون العريس، نغنى للعرسان وننشد للحبان
المطر ابوذر .. |
يا سلام يا مطر ..
يا قرجة .. لا تجرح هذا الكبرياء
انه تواضع العارفين عن الأضواء .. لك التحية
مراويد ..
جنونك فنون .. خليك جنون .. وانت فعلا مجنون .. ولك المحبة
صلاح / شتات
|
Post: #132
Title: Re: جورج -- دى كفك ولا غيمه
Author: جورج بنيوتي
Date: 04-21-2004, 05:14 PM
Parent: #130
رحلت وجيت
في بعدك لقيت
كل الأرض منفى...
يا هذا الزخم الحبيب : سجم اليرحل تاني.
|
Post: #133
Title: Re: جورج -- دى كفك ولا غيمه
Author: ابو جهينة
Date: 04-21-2004, 06:07 PM
Parent: #132
كانت الفصول أربعة ( صيف و شتاء و خريف و ربيع )
فإذا هي تصير الآن ثلاثة فصول و لكن بمناخ واحد ( فصل مليء برذاذأبي ذر و كف جورج الأخضر و بروق شتات ) ، فصل واحد بمطر مستمر طيلة العام. فلتتبلل تربتنا و تتغير بيئتنا و تنمو أشجار غير أشجارنا التي ألفناها و لتطرح ثمارا غير التي تذوقناها.
أيها الناس ، إني أرى شموسا قد أشرقت و حان دفئها ،، فأخرجوا لتنالوا الدفء.
من ليست لديه نية الذهاب للسودان هذا الخريف للسودان ، فليقبع في هذا البوست و يطل من نافذته ، فسيرى يوميا ألوان قوس قزح ، و سيسمع حبات المطر تنقر على زجاج نافذته و تسيل مياهها و كأنها تكتب على سطحها الأملس بخط متعرج ( مطر ، جورج ، شتات )
فقط أصيخوا السمع ، أغمضوا عيونكم و خذوا نفسا عميقا ،، ثم أفتحوا أعينكم و أقرءوا هذا السفر المتدفق كالشلال.
|
Post: #134
Title: Re: جورج -- دى كفك ولا غيمه
Author: Elmosley
Date: 04-22-2004, 00:34 AM
Parent: #1
وجع
علي حد تغبير الراحل الغريد ابراهيم موسي ابا
كلما يستمع الي شيئ جميل
|
Post: #135
Title: Re: جورج -- دى كفك ولا غيمه
Author: جورج بنيوتي
Date: 04-22-2004, 01:19 PM
Parent: #134
(2) صلاح شتات
مارقات على الصوره
شايلات في القلب صوره
ناحتات فوق الجبل سوره
لو طالعه لى بره
إتنسمي الفطره
وانختي في الجواني كم فكره
لو داخله لى جوه
دستور وبسمله
وأمسكي الشاي
من يدو لى يدك
ورد الولد خدِك
خد الولد عِزَّه
يا أمو ياعَزَّه
++++
تسلم صلاح ليها ولينا
يا أسمح من الزول السمح
...سَمِحْ ؟
****** بمشي وبجيكم صاد يا عناقيد السِبحَه.
|
Post: #136
Title: Re: جورج -- دى كفك ولا غيمه
Author: شتات
Date: 04-22-2004, 01:22 PM
Parent: #134
موصلي .. يا كروان
تجينا يجينا نغم دافئ ..
يغنينا وتر نشوان ..
ونرقص..
فصول وحقول ..
نخيل وجبال ..
ونيل يردد فرح طربان ..
تجينا يجينا زول انسان ..
قلبو ربيع ..
عيونو رزاز ..
يوزع في ربوع الليل رسائل شوق ..
تكسر سطوة الأحزان ..
ونمشي معاك بعيد ..
نسرح في جزايرنا ..
رمال حلتنا وغدايرنا ..
نخيل نيلنا وضفايرنا ..
تعيد في ليلنا زمنا فات وعمرا كان ..
تجينا .. نصب اللهفة والعبرات ..
نتذكر حنان الوالدة والسمحات ..
حلاوة الريدة والهمسـات ..
نضيع في كف الزمن ريدين ..
نضيف في عمر الزمن أزمـان ..
تجينا يجينا زولا سمح ..
شايل ليك المحبة غصن ..
يفرش دربك غنا وألحان ..
يجي الولد المطر ..
يخت القصيدة في طَرفَك ..
تفرهد بي جمال صوتك ..
تحلق في سمانا ريد وحنان ..
ويا نيلنا ليك سلام ..
صلاح / شتات
|
Post: #137
Title: Re: جورج -- دى كفك ولا غيمه
Author: شتات
Date: 04-22-2004, 01:32 PM
Parent: #136
أبوجهينة ..
ليطير الفرح حمامات بيضاء ترفرف للشمس تنشدها الرسائل فيعود الغـد مكتملا بالنقاء ..
لـيَلْبَس جيد اليوم قلائد النيل .. أقدام في الطين ورأس في الغيوم ..
لتتبادل العصافير تفاصيل الوجد وترتدي الأيام فساتين الزفاف ..
ليضع المهاجرون حقائب السفر ويعتزلوا مواني الرحيل ..
لنفرش شراشف العيد ..
لنغني للنيل .. للنخيل .. للشروق .. للأصيل ..
لنتدثر بالفرح .. والحب .. والذكريات ..
لنركب أرجوحة تتهادي بين النيل والنيل ..
أبوجهينة ..
لك صباح الأماني ..
ونلقاك ..
صلاح / شتات
جورج .. تشكر على القطرات العسل .. بس الزول السمح يكفينا نكون معاهو .. تحياتي
|
Post: #138
Title: Re: جورج -- دى كفك ولا غيمه
Author: شتات
Date: 04-22-2004, 01:38 PM
Parent: #137
رجاء .. راوية
جمال الضفة والنخلات ..
حلاوة الطيبة والإلفة ..
شربن من النيل أصلوا ..
عمق الفكرة ما صدفة ..
فروع بالعزَّة تتعالي ..
قلوب بالطِيبة ملتفة ..
نشيل السلام هالات ..
ورود الفرحة واللهفة ..
نرحب بيهن شديد بالحيل ..
نرش الساحة بالنفحات ..
نهز سعف النخيل ..
ونفرح نقول يا ليل ..
نقيف احترام ..
تطيب أرواحنا بالوقفة ..
يجونا هنا ..
يجينا زولا سمح ..
معاهو الولد المطر ..
كفوف طربانة غنا ..
بحر هادر ..
خريف ماطر ..
عسل بالريدة يتصفَّى ..
ويا نيلنا ..
ألف سلام ..
يا مطر في ضراك ..
يا جورج في حواك ..
يا موصلي تلحقنا وتنجدنا ..
يا اخوانا الجماعة ديل زعلانين منى اظن ..
كان زعلانين .. ابقوا جودية ..
وكان ما زعلانين .. دي منى هـــدية ..
وانشاء الله يكون ما بيناتنا حساب
وتسلموا ..
صلاح / شتات
|
Post: #139
Title: Re: جورج -- دى كفك ولا غيمه
Author: Elmosley
Date: 04-22-2004, 02:38 PM
Parent: #136
مرحب ياشتات
دي المحريه فيك
فيك اجمل صفات
كيف مانصطفيك
هات ياعالي هات
يالعاشق المطر
جيب الجورجيات
وانسام السحر
شيل ياراقي شيل
كل الشوق عديل
بي احساس جميل
ليك يابت يانيل
اهاقلنا نعبر معاكم شويه ونستخدم سلطان الموسيقي شعرا
من اجل بوستكم الرائع
|
Post: #140
Title: Re: جورج -- دى كفك ولا غيمه
Author: ملكة سبأ
Date: 04-22-2004, 09:22 PM
Parent: #1
Quote: فوووووووووووووق
لاداء
فرض الود ونوافل المحبة العامرة بكم |
|
Post: #219
Title: Re: جورج -- دى كفك ولا غيمه
Author: خالد الحاج
Date: 05-04-2004, 08:15 AM
Parent: #140
|
Post: #141
Title: Re: جورج -- دى كفك ولا غيمه
Author: Raja
Date: 04-22-2004, 09:33 PM
Parent: #1
|
Post: #142
Title: Re: جورج -- دى كفك ولا غيمه
Author: lowmamba
Date: 04-22-2004, 11:09 PM
Parent: #141
الأساتذة
المطر
جورج
صلاح
والأستاذة الملكة
هذا والله سحر وابداع
|
Post: #160
Title: Re: جورج -- دى كفك ولا غيمه
Author: Rawia
Date: 04-25-2004, 04:57 PM
Parent: #141
اخاف ان افسد روعه هذا المكان ,لذا سادخل خلسه
تسلم صلاح .تسلم ابوذر.نستاهل اكتر من كدا يا جورج
|
Post: #143
Title: Re: جورج -- دى كفك ولا غيمه
Author: THE RAIN
Date: 04-24-2004, 07:01 AM
Parent: #1
الأحباب
يا ساكنين جوه الجوه فينا
أسياد الدار والنوار
جورج وشتات
هاكم الصباح
هاكم الأشواق
هاكم الروح بالفيها
تعرف يا شتات بعد كده، طوالى تلملم الحدائق الزرعتها دى، وتعمل لينا ديوان براهو يكون "فارز عيشتو" نسميهو "ديوان المحبة للناس الأحبة" عشان النضم الأخضر ده ما يروح ساى
بتكلم معاك جدوالله، مش كده بالله يا جورج
آخد جولة وسط "فرقان" الحلة دى وأجيكم تانى
والمعزة "متلببا" الأشواق ليكم
|
Post: #144
Title: Re: جورج -- دى كفك ولا غيمه
Author: THE RAIN
Date: 04-24-2004, 07:09 AM
Parent: #1
الأعزاء السمحين حد الفرح
الموصلى - الزول النغم
رجاء - سفيرتنا الى البهاء
لوممبا - إستوائى الحضور والنكهة الخضراء
استاذنا الموصلى
جيتنا وفيك، مش ملامحنا وبس، جيتنا وفيك نحن كلنا، بكل الريده الجوانا ليك
الحمد لله شتات قام باللازم وزيادة، وبرضه ما بنقدر نرجع ليك شويه من الأديتنا ليهو من ألق وجمال، بيك وبى جيتك البيهيجة
رجاء العزيزة
نورتى الحلة والله، وفرحتى الواطا والسما، يا حبابك إيتسام وسلام وفرحة ووئام
بعدين يا شتات بنات العباسى مش ما بزعلو من زول وبس، هن أصلا ما بعرفوا الزعل كيف، أسألنى أنا، مش بنات شيخى عبد الحميد ولا غيرن
عزيزى لوممبا
مقدر ومشكور والله على زيارتك الجميلة وحروفك الخميلة، ودمت إنت جميل وطيب
|
Post: #145
Title: Re: جورج -- دى كفك ولا غيمه
Author: شتات
Date: 04-24-2004, 03:37 PM
Parent: #144
Quote: الدنيا يا قرجة، كلها لحظات شحيحة العطاء لدرجة كبيرة، وفى غمضة عين ورفة رمش بس، تنتهى، اذن ليه ما نعتصر كل ما فيها من رحيق الجمال الفيها، ونزح "دراب" القباحة بعيد مننا، ولو "الدراب" براهو جانا مدردق علينا، نضاير ليهو شوية ونخليهو يمر ..
أبوذر المطر |
Quote: يحكى أنه، وفى سالف الأحزان
كان هناك وطن، بنى عشه على قمة أغنية
نازعته أجناس الغربان والعقبان عليه، فاستمات فى الدعاء، ولم يبك، فقد كان البكاء مسرّحا حينها من فيالق الحزن، معفيا من خدمة البؤساء، لم يجد سبيلا غير الشكوى الى النهر ..
أبوذر المطر |
فوووووووووووووووق ..
فوق هام السحب ..
تشكر يا مطر .. (رغم انو الحالة واحدة ما بينا شكر) .. لكن حكاية ديوان دي كثيرة جدا .. مش لما نقدر في الأول نقول دا شعر .. وزي ما تفضلت انت نسمي أي شي الا شعر وشاعر و .....
وتاني سامحونا أنا الأيام دي ما لاقي فرصة أطلع من البوست دا وازور الناس في بوستاتهم وأشاركهم افراحهم والله اشتقت لـ "للملامح" و"المحراب" و .. ولكم المعذرة
سلّم لي على جورج يا مطر ..
صلاح / شتات
|
Post: #146
Title: Re: جورج -- دى كفك ولا غيمه
Author: شتات
Date: 04-24-2004, 03:47 PM
Parent: #145
لوممبا ..
سعيك لينا مشكورا ..
نقيف ليك صفوف ..
حروف بالفرحة منثوره ..
تجينا يجينا لوممبا ..
عهد الثورة والثوار ..
عبق الحرية واحرارا ..
تجينا يجينا جيفارا ..
نقابل مانديلا في قصرو ..
نصافح غاندي في قبروا ..
نلامس الحرية واوتارا ..
نغني غناوى الثورة ..
مواكب الشهداء والأبطال ..
نشوف روح اجدادنا وانوارا ..
ديل عطَّروا التاريخ ..
دماهم لسه فينا تسيل ..
تملا بحارنا وانهارا ..
نسالمك نحييِّ بلادنا ..
تاريخ اجدادنا واسفارا ..
روابينا .. بوادينا ..
محافلنا .. نوادينا ..
رمال ساحاتنا وازهارا ..
تجينا يجينا زولا سمح ..
معاهو الولد المطر ..
فوارس كلمة ..
تغني في صحاري الليل ..
تصحِّي فينا النيل ..
مواسم الريده واشعارا ..
ويا نيلنا ..
ألف سلام
صلاح / شتات
|
Post: #147
Title: Re: جورج -- دى كفك ولا غيمه
Author: شتات
Date: 04-24-2004, 03:52 PM
Parent: #146
موصلي ..
يتزيَّن هذا المكان ليحتفي بك ..
تجري قصائده طفلات بيضاء يقدمن ورد القوافي .. ويجلسن على يديك بابتسامة البراءة ..
وسط موسيقى الاحتفال وأضواء وزغاريد الفرح ..
فتنفتح النوافذ تطل على فضاء الجمال ..
لك المحبة وما حوت ..
رجاء ..
راء .. و .. راء ..
في أبجدية العباسي .. رددناها بالنشوة صغارا ..
ونرددها اليوم بالفخر كبارا ..
لكم أغلى ما يمكن أن تشكَّله الحروف من كلمات ..
صلاح / شتات
|
Post: #148
Title: Re: جورج -- دى كفك ولا غيمه
Author: شتات
Date: 04-24-2004, 04:01 PM
Parent: #147
| Quote: Quote فوووووووووووووق |
فوق نجم بعيد ..
ضفايرو نيلية ..
فوق قمر منوِّر ..
خدودو ورديِّة ..
فوق بحر هادر ..
جواهو حوريَّة ..
فوق .. الفوق ..
جوة .. الجوه ..
تلقينا غيمة شوق ..
تسافر ليك ..
لهفة صباح وعصريِّة ..
نسافر ليك ..
نشيل الزاد من جمال روحك ..
نشيل النور من بريق عينيك ..
نودع روحنا نعبر ليك ..
ونحلف أصلو ما نرجع ..
نهاجر في رحلة أبديَّة ..
وليك يا شوق ..
تتقطع أرواحنا عطش ..
وما نشرب ..
تتجمد مفاصلنا تعب ..
وما نتعب ..
وللنوق العصافير شايلانا زنديَّة ..
وليك يا شوق ..
عيون الغيمة والريدَه ..
جمال اللحظة ومواعيدَه ..
نهيم في بوادينا ..
نعيد بالفرحة ترديدَه .. مواسمنا الخريفية
وليك يا شوق ..
طريقنا الما مشيناهو ..
غنانا الما لقيناهو ..
جداولنا ومشاتلنا ..
قليبنا البكر نديان .. مشاعرنا الربيعية ..
وليك يا شوق ..
خطاوينا المسافرة لي زولا سمح ..
ينفض من رموشا غبار ..
يبارك روعة المشوار ..
يديها للولد المطر ..
يزرع في دروبه غيم ومطر ..
شعاع الفرح والنور ..
وتتبعثر أروحنا عيديَّة ..
ويا نيلنا ..
ألف سلام
صلاح / شتات
|
Post: #149
Title: Re: جورج -- دى كفك ولا غيمه
Author: THE RAIN
Date: 04-24-2004, 04:06 PM
Parent: #145
التيجان ليست هي التي تجعلنا ملوكا.. بل قلوبنا المليئة بالحب
صلاح
يا جامع أشتات الود، ويا مصلح الأرواح، برياك كوثرى الدفق
أجزم أنا الآن، وأستطيع أن أهتف بأعلى صوت فى الروح، أنى
قد صرت ملكا
نعم أنا ملك
أما كيف أنى قد صرت هذا الملك، سوف أحكى لك حكاية صغيرة هنا، وبعدها ستعرف ذلك
جاء رجل ذات يوم وإستأذن للدخول على كسرى عظيم الفرس وسيد عرش الطاووس، وأظن أنه المنذر بن ماء السماء، أبو النعمان،
لا، لم يكن المنذر، رجعت قبل قليل للعقد الفريد لإبن عبد ربه الأندلسى، لكى أتأكد من إسم الشخص، ووجدت أنه "حاجب بن زرارة" التميمى، وليس المنذر، ربما إختلط الأمر على نسبة لكثرة قصص وروايات المنذر وإبنه النعمان، ملوك الحيرة، مع أكاسرة فارس، لذا وجب التعديل
ولما وقف رسول كسرى بين يديه، وأخبره بقدوم وافد على القصر، طلب منه كسرى، أن إذهب وإسأل هذا الرجل، أسيد العرب هو!
ذهب الحاجب ورجع وأخبر كسرى أن الضيف يقول له، لا أنه ليس سيد العرب
ثم بعثه ثانية وطلب منه أن يسأله، هل هو سيد قبيلته(مضر - تميم)
ورجع بالإجابة نفيا أيضا
الى أن وصل الحال به لأن يسأله، أهو سيد عشيرته
وأيضا جاءت الإجابة بالنفى
ثم سمح له كسرى بالمثول بين يديه، وغبتدره سائلا
أسيد العرب أنت؟
وأجاب حاجب بن زرارة بدون أدنى تردد
نعم، أنا سيد العرب جميعا
قال كسرى، ألم أبعث لك بالحاجب يسألك اسيد العرب أنت أم لا، فقلت أنك لست يسيد العرب
أجل، أجاب بن زرارة، حتى تلك اللحظة، لم أكن سيدا العرب
ولكنى الآن وحين مثلت بين يديك، أصبحت حقا سيد العرب
فطرب كسرى، وصاح، زه زه زه
إملأوا فمه درا وياقوت
إنتهت الرواية يا صلاح
هل عرفت كيف أنى قد اصبحت ملكا الآن، أنظر الى توقيعك ذى الوقع الساحر أولا
أصبحت ملكا ليس لسبب سوى أن محبتكم قد غمرت أصقاع الروح وفاضت فوق سهول القلب
إمتلآت بالمحبة حتى أخمص العشق، ألست بملك
وأى تاج أزهى وأنضر من المحبة يا شتات
أنا مثلك ايضا أفتقد الحضرة "الجورجية" السامية العطرة، وسوف يأت حتما، والى حين وصوله، دعنا نزين الساحة بورد الإشتياق ورياحين المودة، التى إستعرناها منه، ونضئ كل مشاعل الفرح إنتظارا لمقدمه الجميل
|
Post: #150
Title: Re: جورج -- دى كفك ولا غيمه
Author: ملكة سبأ
Date: 04-24-2004, 05:58 PM
Parent: #149
Quote: هل عرفت كيف أنى قد اصبحت ملكا الآن، أنظر الى توقيعك ذى الوقع الساحر أولا
أصبحت ملكا ليس لسبب سوى أن محبتكم قد غمرت أصقاع الروح وفاضت فوق سهول القلب
إمتلآت بالمحبة حتى أخمص العشق، ألست بملك
وأى تاج أزهى وأنضر من المحبة يا شتات |
نتقدم بطلب رسمي للجـوء بتلك المملكة جلالة المطر
نحن حاشيتكم سيدي شتات وخدمكم
هيـا تفضلوا وأملأونـا بالـدر والياقـوت ..
Quote: تعرف يا شتات بعد كده، طوالى تلملم الحدائق الزرعتها دى، وتعمل لينا ديوان براهو يكون "فارز عيشتو" نسميهو "ديوان المحبة للناس الأحبة" عشان النضم الأخضر ده ما يروح ساى
بتكلم معاك جدوالله، مش كده بالله يا جورج |
كدا ونص وعشرة .. مش كدا يا جـورج ؟!
وبتكلم انا جد زاتي .. وزاتي غاطسي في فريق الدهشة دا
اها لمن اجي ...
|
Post: #151
Title: Re: جورج -- دى كفك ولا غيمه
Author: جورج بنيوتي
Date: 04-24-2004, 08:16 PM
Parent: #150
معذرة أحبائي
تغيبني ظروف تتمادى فى جعلي قارئا مستمتعا بهذا الزخم الوهاب :
المطر ... شتات ...الملكة... والأحباء ( عناقيد السبحه)..
أدخل في بيات الذات بحثا عن الكلمه التي تماثلكم قدرا وتوفيكم
ولو نصف حق من الود...
لحين تنفك عقدة هذا الصمت الجميل في حرمكم الجميل هذا .. رجاءا
غردوا غردوا أنا أرقص طربا كلما سنحت لي سانحة التصفح...
ويا صلاح ديوِنها وقد كتبناها والآخرون في عمقٍ لا تطاله فتنة النسيان
إنها المحبة....
لي فوق حتى تأتلق بينناومنا إليهم..
|
Post: #152
Title: Re: جورج -- دى كفك ولا غيمه
Author: Raja
Date: 04-24-2004, 11:38 PM
Parent: #1
الثلاثي البديع..
مطرنا وجورج وشتات..
أرفعه لمزيد من الجمال..
|
Post: #155
Title: Re: جورج -- دى كفك ولا غيمه
Author: جورج بنيوتي
Date: 04-25-2004, 08:37 AM
Parent: #152
رجاء..
لمساتك "الهامسه"
ترفعناإلى حيث يتلاقى الأبيض بالأبيض وتتخلق الألوان جميعا...
محبة وأماني إخضرار : منهم ومني.
|
Post: #153
Title: Re: جورج -- دى كفك ولا غيمه
Author: مراويد
Date: 04-24-2004, 11:53 PM
Parent: #1
انا سعيد
هذا المساء
"ركت" القمريه فوق قلبى
قوقت..... هدلت عيونى....دميعات فرح
طارت تانى
لى حدود الخيال و رويحتى جنبها
وجات راجعه
همست لى بغنج و دلال يشبهها وحدها
انا بعشقك يا غافل
يا غافل
افتح القلب ... زح الجريحات
خلينى اتوهط
اهاتيهن و اداويهن
دقات القلب ايقاعى انوم عليه
اتوسد الشرايين
واسوى البطين مخده
يا غافل
انا سعيد
جنب القمريه
|
Post: #154
Title: Re: جورج -- دى كفك ولا غيمه
Author: جورج بنيوتي
Date: 04-25-2004, 08:29 AM
Parent: #153
مراويد:
أنا فاتح طاقة تحت القَمَرِيَه
أتصنت لى غناك
بجيك صاد..
أوعك تغفل!!! ياغااااااا
حباومودة
|
Post: #156
Title: Re: جورج -- دى كفك ولا غيمه
Author: د.كرار التهامي
Date: 04-25-2004, 02:06 PM
Parent: #154
غبت عن المكان
كان وقتها يعج بالغبار
شغلتني عنه أحداث صغار
ولما عدت وجدته مليئاً بالنيروز والمطر
وصلاح شتات وخالد الحاج
لله ما اجمل الحياة
كم فيها من أناس رائعين
يشدونك نحو نورها
رغم سجف الدجى
ويسوقونك اليها
رغم قساوة المشوار
والحياة بينهم رحبة مثل
كف جورج ممدودة بالمحبة
بيضاء من غير سوء او تعالي
تأخذ من كنز الزمان
تنثر على الارض اليباب
فتستحيل بحراً من اللآلئ
لم يخاصم قلبي المكان
لكنها تصاريف الزمان
وكان يا مكان
أن هاتفني الرائع شتات
قال لي ان هنالك حورية ترقص في الجوار
وان البدر يداعب شعرها
كخصل الليل
وان قلوب العاشقين تكاد تتخطفها
وعيونهم مسمرة
في غصنها المياد
وانهم يتبركون
باقدامها ويمسحون
حبات الرمل الذهبي
من سيقانها المرمرية
وان لاشئ سوى المطر
لا شئ سوى المطر
وان القمر يغسل الليل بنوره
وان الاحزان تتلاشى مع ضوع الاقاحي
لله دركم ايها المسكونين بالجمال
وابناء الارض والبحر
ما اوفر اصالتكم
وما ارجح جزالتكم
طاب نشركم فملأ الارض اليباب
وضاع رياكم فلم يبق كلام او كتاب
كل العاشقين مروا من هنا
غنوا . . رقصوا . . رسموا بالكلمات
جورج بنيوتي. . يابت يا نيل . . نصار . . ملكة سبأ
محمد الشيخ. . معتصم. . الموج. . الموصلي . .مروايد
أبو جهينة . . رجاء . . زمراوي . . علاء . . الجندرية
وغيرهم من الاحباب
هاموا بوادي عبقر
ثم دلفوا للمطر
المطر المدرار المطر الوابل الهطال
شكرا يا صلاح
( عسل انت وبسكويت)
وشكراً على همسك الجميل
وسلامي لكل اخوان الصفا
(روّاق) المحبة
الذين يغسلون القلوب
من طين الكراهية والحسد
والعاقبة عندكم في المسرات
|
Post: #159
Title: Re: جورج -- دى كفك ولا غيمه
Author: جورج بنيوتي
Date: 04-25-2004, 03:57 PM
Parent: #156
شايل الكلام شكل المطر
معناهو من أول، غزير
فحواهو في التاني، الصلاح
راجياهو تربه كما الرجا...
دكتور: كرار
سُرَّتْ بك الدار وأهلها
|
Post: #157
Title: Re: جورج -- دى كفك ولا غيمه
Author: شتات
Date: 04-25-2004, 03:40 PM
Parent: #154
تعرف يا مطر .. زي كلامك الجميل دا .. إلا أبقي المتنبي في بادية الشام .. او أمشي وادي عبقر .. أو أبقي العباسي في بادية الكبابيش حتى اقدر أرد عليهو .. والله يا مطر ما تتصور معزتك كيف ومعتصم دايما بقول لي انا عايز تلفون أبوذر .. ايميل ابوذر .. عنوان ابوذر .. كنت بقول ليهو ولا تلفون ولا غيرو .. ابوذر دا أنا ما عايز ارسل ليهو ولا ايميل ولا مسينجر ولا شي .. عايز مساحة الشوق تكبر .. وتكبر .. وتكبر .. وفجأة يوم يلقاني قدامو بي شوق العمر كلو .. وانشاء الله قريب جدا
رجاء ..
| Quote: أرفعه لمزيد من الجمال.. |
هذا الجمال يزداد جمـالا بتوقيعك واطلالتك الجمالية .. تحياتي
مراويد ..
| Quote: القمريه فوق قلبى قوقت .. |
التحية ليك ولكل القمـاري
صلاح / شتات
|
Post: #158
Title: Re: جورج -- دى كفك ولا غيمه
Author: شتات
Date: 04-25-2004, 03:46 PM
Parent: #157
| Quote: .. .. لا يفهـم غيـر التسـامح |
نسامحك مرتين ..
كيف الملكة تبقى حاشية ؟
وكيف "نعم" تبقى "لا" الناهية ؟
وانت "ألف" الحروف ..
"ضاد" اللغات ونون القافية ..
نسامحك ..
نسامحك ونحن طالبين السماح ..
نفرش ليك فراش الروح ..
نقابلك ديمة بالأفراح ..
نشيل حبات المطر منك ..
نفرد بيها رمش العين ..
تنزل من عينينا دمعة فرح صدَّاح ..
نغسل بيها لوح حِيران ..
نشرب محاية العافية والطِيبة ..
بركة الله والصُلَّاح ..
وعندنا ما بنكسر ليك خاطر ..
نشيلك دورق عطر فوَّاح ..
ونفرح لي يوم لسة ما جانا ..
بس ليالي العيد دليلا صباح ..
مكانك في الفؤاد محفوظ ..
طيفك غيمة في العيون ترتاح ..
نسامحك ..
ونحن أصلنا ما بنشيل الشين ..
قلوب طريِّة من كريم فتَّاح ..
شالت من الزول السمح طيبة ..
ومن المطر رِقِّة برِق لوَّاح ..
ويا نيلنا ليك سلام ..
صلاح / شتات
|
Post: #161
Title: Re: جورج -- دى كفك ولا غيمه
Author: THE RAIN
Date: 04-25-2004, 05:25 PM
Parent: #1
الأحباب
يا حدائق الحروف الموشاة بالضوء، المسقية برحيق الود
رجاء العباسى
صفاء الحضور، وحضور الأملاك
مراويد
الحرف حين يصبح ألقا
والألق حين يستحيل إنسانا زاهيا
بلقيس
يا سباية الشدو الملكى
راوية
إرتواء اللحظة بزهوها، بفرحنا، حتى ثمالة الطرب
ليت الأمنيات تطيع الكلمات، لكنت نحت لكم هذه الأحرف على صحاف القلب، مجذوبكم العاشق، ووضعت حولها إطارا آخذه من وهج الصدق والإلفة فيكم، ثم لكنت علقتها على أستار هذه الشرفة المضاءة بزنابق المحبة والقائمة على أعمدة المودة
وليت الفضاء ينطق، لكان هتافا يصل إلى أعالى مجرات الزهو، رسولا منى ليخبر السماء، أنى أحبكم
شيخاى
جورج وشتات
فى حضرة كل هذا الإخضرار العميم، أسجى الروح فوق سجادتكم المغزولة بخيوط الجمال وروعة المقال، وأطأطئ الدم، عرفانا وشغفا وخشوعا
ولن أقول أحبكما
فما عاد فى أبجدية الإحساس ما يستطيع حمل، ماأحمله، ولو جئت بمثلها عددا ومددا
ومدد مدد مدد
يا حقول النقاء وشموس الوفاء
|
Post: #162
Title: Re: جورج -- دى كفك ولا غيمه
Author: THE RAIN
Date: 04-25-2004, 05:40 PM
Parent: #1
عزيزنا
د. التهامى
يغرورق الفرح، بنشوته
وبكل ما يفيض من اللحظة إبتهاج
تأتلف أكف القلوب، وتصفق
حتى ضفائر الكلمات، تنسال وتصطف
ترحيبا وتهليلا
وقد حللت فينا نهرا، سهلا، وعطرا
نسجنا هذا القصر، من قصب العاشقين
تلاقت أصابع الندى الكريم، لتهش ايما قبح، أمسى وأصبح يعربد وسط أبدية التوق المقيم، للإلفة، للصفاء، لإمكانية أن نكون جديرين بأن نوصف بأننا "بشر" ولتصحو المعانى من نومة الوهن المعيب فينا، معلنة إنتفاض الدم، إتحاده مع مجارى كل أنهار الود الأصيل، ليصب معها، فى بحر الصدق
لنبدأ الهتاف، ليبدأ النشيد
الصدق أكبر
الود أنضر
ظهر العشق وزهق القبح
نلتقيك يا عزيزنا، على صهوات المحبة، رافعين بيارق الترحيب خضراء الملامح، مثل الأرض، وزرقاء الضحكات مثل السماء
ونقول أهلا بك
ولك التجلة والتقدير
ولنا السرور، بك
|
Post: #163
Title: Re: جورج -- دى كفك ولا غيمه
Author: ابو نور
Date: 04-26-2004, 09:48 AM
Parent: #1
تحياتي وشكري لمن سطر هذه الاحرف
بحق شقيقي جورج..
كلام جميل واسلوب راقي ومعاني مطابقه
لجورج اخي الحبيب..
الكلام لجوزفين بنيوتي
ونحن بدورنا نضم صوتنا لصوتها وصوت المطر ونقول:
أمامك جورج تؤول كل اللغات الي صفر من الوجد القصي..
ويبقي الانحناء..
ابونور
|
Post: #164
Title: Re: جورج -- دى كفك ولا غيمه
Author: THE RAIN
Date: 04-26-2004, 12:21 PM
Parent: #163
عزيزى أبو نور
وعليك الود والنور وعاطر التحايا
بإسمى ونيابة عن كل الأحبة هنا، والذين يسطرون أحرف الوفاء والمحبة، بمداد من دم العشق النبيل، أرحب بك وبالعزيزة
جوزفين بنيوتى
وبمثل ما أن أخاها، يستوطن مهج الأرواح فينا، ويقيم سيدا عليها، يتشرف المدى كله بها الآن، وتسعد اللحظات بكل ما لديها من طاقة تستمدها من ضياء الأخيار الطيبين، مثلها ومثل أخيهاجورج، البحر العذب الفرات، والذى يهب دون منِ موجه وكرمه وريه ورياه، الذى يهب اللون والمعنى والطعم
فهنيئا لها به من أخ، وهنيئا لنا نحن به من أخ وصديق ورفيق، نطاول به هامات الفخر والإعتزاز
فلك التحية والترحيب مجددا أخانا أبو نور، ولأختنا السامية جوزفين
ولكما أطيب المنى وأخيره
|
Post: #165
Title: Re: جورج -- دى كفك ولا غيمه
Author: يا بت يا نيل
Date: 04-26-2004, 12:30 PM
Parent: #1
و..
اعود
لارى فرحا يمتد...
سماء....
سنابل من قمح...
وحقول ياسمين..
ومطر...
الملم اوراقي ...
وحبري .. المرهق بذبذبات بالكتابة...
وادخل....
هنا موكبا من فرح
يحمل ترانيم ونغم
ياتي الفرح مغنيا
مطر..مطر..مطر
ياتي الفرح اخضرا..
يكتسي بلون العشب...
ياتي الفرح
حيث مساحات من العشق
تمتد
ياتي الفرح نديا...
زخات مطر...
......
جورج
دي غييمة ام سماء؟؟؟
سماؤك امتداد العشب العاشق للمطر
المطر
فرح..مطر..فرح..مطر
تساقط حتى الارتواء
او نرتوي؟؟؟؟
ام يزيد الاشتياق
للحرف البهي
شتات
نغم دافىء؟
ام تراتيل عشاق
نيل وليل وقمر..
.........
هنا يطيب لي البقاء
بعض الفرح
بعض الحب
بعض الارتواء
.....
للملكة
وكل العابرين
والعاشقين
مساحات من الود
|
Post: #166
Title: Re: جورج -- دى كفك ولا غيمه
Author: جورج بنيوتي
Date: 04-26-2004, 02:38 PM
Parent: #165
أبو نور ...
جوزفين ....
شكرا على هذا الدخول:-
أخجلني المطر ومازلت.
اخجلني شتات ومازلت.
هما معدنين من تربة الجنه
وها أنت يا أبونور وأنتِ ياأخيتي : أخجلتماني أيضا
أنتما معدن من تربةالوفاء
أنا معدن من قشرة القلق..!
لأربعتكم حبامن تربة الذهب.
|
Post: #167
Title: Re: جورج -- دى كفك ولا غيمه
Author: شتات
Date: 04-26-2004, 04:48 PM
Parent: #166
راوية ..
تنفتح النوافذ .. تكشف عن حضور جميل ..
ها أنتم ..
يرتعش الصدى ..
وتضي قناديل الليل ..
..
رطّب الله أيامك بالسعادة ..
وتفتحت أكاليل الرضا على يديك ..
ولكم منا الأمنيات والقصائد والمواويل الأثيرة ..
وكل الود ..
صلاح / شتات
|
Post: #168
Title: Re: جورج -- دى كفك ولا غيمه
Author: شتات
Date: 04-26-2004, 04:54 PM
Parent: #167
د.كرار
مرحب .. ألف مرحب ..
مرحب بحر القلم والنور ..
فرعا كابِّي .. خيرا هابِّي ..
قنديل يسطع يضوي نور في نور ..
تجينا يصحا فينا شادي الحور ..
نغوص في لجة بحر حالي ..
نملا طرفنا در ولآلي ..
نختو في صحن الكلام مـوَّال ..
ونتعلق في كتف الخيال ..
نسافر في جروف الليل ..
نحييِّ الريل نعانق الفرحة والآمال ..
ونمشي في شواطي النيل ..
نجمع البركاوي والقنديل ..
تشبع عيونا من جمالا
أصلو ما معقول ..
ونصرخ لي حنان امَّاتنا زي أطفال ..
تجينا ننتظرك ..
ونرمي اللهفة في صدرك ..
تبين الضحكة في ثغرك ..
نطير فرح .. نهز فروع النخل والنال ..
ونهمس ليك يا خال ..
متين وادينا يجمعنا ..
متين حادينا يسمعنا ..
تقول هانت خلاص ..
مصير الحي يعود .. يعود الحال ..
تجينا يجينا زولا سمح ..
معاهو الولد المطر ..
صبيان بحر تريان يشدَّو الحيل ..
يطاولوا النيل ..
تشوف في مداهم سماحة الأجيال ..
ويا نيلنا ..
ألف سلام ..
صلاح / شتات
|
Post: #169
Title: Re: جورج -- دى كفك ولا غيمه
Author: شتات
Date: 04-26-2004, 04:58 PM
Parent: #168
أبونور ..
جورج ..
جوزفين ..
بيننا صبح مسجى برحيق الرغبة والتواصل ..
وخطى باركتها معالم الطريق والقمر ..
بيننا العمر يزدهر ..
يزهو موكب الأيام ..
يقوى معنى الوجود يكــبر ..
بيننا النيل والتراب والنخيل ..
الأرض والانسان ..
بيننا كل التاريخ وقافلة الأزمان ..
ولكم عميق الحب
صلاح / شتات
المطر .. جورج
لكم الظل والسرى والشروق ..
|
Post: #170
Title: Re: جورج -- دى كفك ولا غيمه
Author: شتات
Date: 04-26-2004, 05:00 PM
Parent: #169
يا بت يا نيل ..
مننا ليك رقة مشاعرك .. نغمة كلامك ..
صفوة محاسنك .. منحة يديك ..
مننا ليك موكب سعادتنا الزايدة بيك
خضرة ضفافنا .. نسمة ديارنا الهابة ليك ..
مننا ليك كل الشفنا فيك ..
مشهد ربيع .. منظر خريف .. مقطع غنا ..
مننا ليك كل المنى ..
والدنيا بيك شلال مشاعر .. ينبوع حنان .. فلتة زمن ..
طلعة شروق .. هجرة غروب .. مشوار فرح ..
ونحن بيك الفرح لما يجينا من لحظات عدم .
صلاح / شتات
|
Post: #171
Title: Re: جورج -- دى كفك ولا غيمه
Author: شتات
Date: 04-26-2004, 05:14 PM
Parent: #170
Quote: يبقي عيدك
لم تلقى انسان يريدك
تبقى عايش فى دواخلو
ويبقى مشتول في وريدك |
تبقى كلمة في بريدو ..
يبقي مقطع في قصيدك
تبقى نظرة في عيونو
يبقى لمسة في خدودك ..
خصلة تايهه في خيالو ..
غطَّاها فرحة بي ورودك ..
بسمة مرسومة في مدارو
لفتة تلمع من شرودك
نغمة مكتوبة في نشيدو
غنوة جاية من حدودك
انت يا وجد الأماسي ..
ضي عيونك لينا مرسى
فيهو نصبح .. بيهو نمسى
ليهو نفرح .. ليهو نأسى
بيهو نبقي ممكن في جوف المستحيل ..
ليهو نركب أمواج الأصيل ..
نسير في ظلمة حالكة ..
أصلو ما برهبنا ليل ..
نلقاك في دنيانا قمر ..
موشَّح بي جروف النيل ..
يصب في عينينا نور ..
نشوف الجنة .. نسكن الفردوس ..
نقول يا الله يا قدُّوس ..
يا الله ترعانا ..
وتحفظ قمر دورين ..
وهناك ..
يجينا الزول السمح ..
معاهو الولد المطر ..
يملوا الساحة بالأفراح ..
ننوم بالعافية مسرورين ..
ويا نيلنا ..
ألف سلام ..
صلاح / شتات
|
Post: #172
Title: Re: جورج -- دى كفك ولا غيمه
Author: Raja
Date: 04-26-2004, 06:11 PM
Parent: #1
المطر.. شتات.. جورج وضيوفهم المنتقين..
| Quote: جورج -- دى كفك ولا غيمه |
دي روعة..
|
Post: #173
Title: Re: جورج -- دى كفك ولا غيمه
Author: THE RAIN
Date: 04-27-2004, 10:22 AM
Parent: #1
الصباحات الغنا
الإبتسام
ضو الكلام
معنى الوئام
كل الخواطر والمنى
تملا حيشان الولف
تملا وتزيد
لامن تفيض بهجة وهنا
وأفرح أنا
ساعة الملم
كل فتافيت العنا
أركع هنا
أسجد هنا
ألقى الحرف
غزل المقاطع بالسنا
وأفرح أنا
الأحبة
يا بت يا نيل، طعم الموج اللازوردى، والرحيق الوردى
رجاء سوسنة الحضور
سيخاى
جورج وشتات
صاحبى الجلال والسمو والعذوبة
شديت رحل مركب صباى
ودفرت تالاكم دعاى
والريدة هبت وانتشت
دفرت صوارى الشوق معاى
ومحل يا تكونو، بجيكم، اتدفا بالضو الحنين، واتعطر بريحة الإلفة الساكنة فيكم
وابارك لى روحى، روحها اللقتا، واتحمدل ليها لقيان فرحها، الرايح من زمن
وليكم ما تشتهو وتتمنو
|
Post: #174
Title: Re: جورج -- دى كفك ولا غيمه
Author: شتات
Date: 04-27-2004, 04:21 PM
Parent: #173
Quote: ماعارفـة اقـول شنـو ولا شنـو
انا ممنونـة لك |
ما تقولي شي ..
أنا ليك اقول ..
أصلو الكلام حقك ..
ما انت ست القول ..
اهاجر لي جذر الكلام ..
اجيب حرف يشبهك ..
كلاما أصلو ما إتقال ..
ليك اقول ..
حروف نبعت من بريقك ..
شربت من رحيقك ..
فيها من معلوم ومن مجهول ..
ايه أقول ..
"ممنونة لك"
دا كلام؟
ممنونة لي ..
والله ما ممكن ولا معقول ..
ويا ريت لو أقدر ..
أسافر لي بحور الحور
أهاجر في مرامي الطير ..
أو أتلاشي في شواطي النور ..
واجيك شعاع ينوِّر ليك ..
ويتمدد في عينيك فصول وحقول ..
ايه أقول ..
قولي ..
قولي لو جاني عيد ..
طاف العمر .. والزمان
أهداني ريد ..
ما بنسى زول ..
ادَّاني من جواهو زول ..
فرهد كِبر زهور وشتول ..
ايه أقول ..
قولي ..
قولي لي زولا سمح ..
قولي للولد المطر ..
قولي لي كل زول ..
لما تحضني المعاني ..
لما تنسجني الأماني ..
واتلفَّح المجهول ..
يجيني خيالو ياخدني ..
لي عالم اكسجينو هواي ..
مداه صداي ..
صداه غناي ..
وممدد في سواحل العين
رؤياهو من رؤياي ..
ويا نيلنا ..
ألف سلام
صلاح / شتات
|
Post: #175
Title: Re: جورج -- دى كفك ولا غيمه
Author: THE RAIN
Date: 04-28-2004, 08:24 AM
Parent: #1
هدية
مغلفة بطل هذاالصباح، ومعطرة بعبق المودة
للأعزاء، سنابل هذا الحقل الودود
وهى كل ما تبقى لى من غنيمة، من ليل الأمس، من معركتى الخاسرة، مع الأشواق ووجع المسافات
ذكرتكِ
هممتُ بفتحِ بوابة البكاءْ
فى مدائنِ الورودْ
فى موسمِ المواجعِ الطويل
هممتُ بدعوةِ المسافة
أن شاركينا نخبَ يُتْمِنا
فاليومَ
إما أن نصادقَ العويل
أو نعود
سكبَ المساءُ أنينَ بوحِهِ
على ملاءةِ القمرْ
وهمّ بى
حينها
سحبتُ شوقىَ الصهيلْ
من جلبابه القديم
طرحته على موائدِ السهر
تأوهت عواجلُ الحنين شهقةً
يا قلبهَا الحجرْ
ذكرتكِ
فى ليلتى
ثملَ الضياءُ وانكسرْ
تدبُ فى الدماءِ خمرةُ الشقاءْ
وفى القلوبِ
دربها قدرْ
هىَ ذا جحافلُ الدموعِ والضجرْ
غزتْ مرابعِ الصباحْ
واجتاحَ حقلَ حلمىَّ الغيوب
ذكرتك
اِستحيتُ أن أنادىَ الفراغ
مددت ظلَ روحىَّ المباح
وهمّ بى
ومن علٍ نادى صياحىَ المطر
هرب الغناءُ من نوافذِ المنى
جاء العناءُ من مداخلٍ أُخرْ
ذكرتكِ
هممتُ دونِ أن أعى
بأن اسابقِ الكلامِ والجراح
أغادرُ انبهارى الكفيف
أشيّد المساءَ
عالماً مموسقا وغنوةً
يرسلها الشتاء
فوقَ صهوةِ الخريف
لى ضفافِ وجهكِ الوريف
ذكرتكِ
تعسجدِ المساءُ حينها
خبأت حرائقُ النزيف
|
Post: #176
Title: Re: جورج -- دى كفك ولا غيمه
Author: إيمان أحمد
Date: 04-28-2004, 11:40 AM
Parent: #175
يا لغفلتي!!!
|
Post: #177
Title: Re: جورج -- دى كفك ولا غيمه
Author: شتات
Date: 04-28-2004, 12:10 PM
Parent: #175
يا اخوانا نيابة عن المطر حا أقوم بتوزيع في شكل عزف منفرد للقصيدة .. عفوا هذا الرحيق المختوم .. بس أول شي يا ريت لو تعيدو قراءتها كلها لتتنسموا العطر من دعاش المطر .. دا مضروب في عدد حبات المطر في موسم الخريف هدية لي أبوذر مع نسمات الأحبة .. | Quote: ومن علٍ نادى صياحىَ المطر .. |
دا متوالية هندسية أساسها المطر مع غالي المعزة للعزيز خالد الحاج ..| Quote: تأوهت عواجلُ الحنين شهقةً .. |
دا مقسوم على اثنين بيني وبين الملكة مع عطر الأشواق ..Quote: سكبَ المساءُ أنينَ بوحِهِ
على ملاءةِ القمرْ
وهمّ بى .. |
دا مرفوع للقوة ثلاثة لجورج مع شهيق اللهفة ..Quote: أشيّد المساءَ
عالماً مموسقا وغنوةً .. |
دا مقسوم على صفر (طبعا النتيجة ما لا نهاية) مع صافي المحبة لكل الأحباب في البورد ..
ولكم تحياتي ..
صلاح / شتات
|
Post: #178
Title: Re: جورج -- دى كفك ولا غيمه
Author: جورج بنيوتي
Date: 04-28-2004, 01:40 PM
Parent: #177
المطر ....شتات: هوي يا شباب خلوني شوية عندي ديون أسددا:-
عشة بت فاطنه
Quote:
يامطر وقف هطولك، العريس حيران غلبو الدخول، قال لو كان
عارف ماكان كتر أكل الحله, وجورج حالف كأنما وقفت إلا يكحل
ليك الكديسه. |
دحين يا عشه
من غياب في سكة الدهشه
ورحيل في موجه غرقانه
شايله الخوف فرِد قشه
قلبت الفوقا تحتاني
قريت في لونكم الإلفه
واريتني قِيفْ ، في فَصلِك، " الألفَه "
........
الجندرية
Quote:
يعطر أيامكم بالمحبه دايما يا رب |
ينكتب قول القلب بالليد
ينشال عطر الولف في جيد
جيد البلد إنتن
والباقي براني.
|
Post: #179
Title: Re: جورج -- دى كفك ولا غيمه
Author: ملكة سبأ
Date: 04-28-2004, 03:59 PM
Parent: #178
|
Post: #180
Title: Re: جورج -- دى كفك ولا غيمه
Author: جورج بنيوتي
Date: 04-28-2004, 04:32 PM
Parent: #179
خالد الحاج
Quote:
هذا بوست يحمل الحب فيضا وخضره |
يفيض منك ، يكب فينا
يجيك من خطوتك سرك
يبِرَّكْ بالذي يوفيك
*******
نصار
Quote:
أمطروا علينا نحن من يكفينا منكم الرزاز |
جميل في مدخل الأولى
Quote:
حضني موج من غير مفر
..ساهمت في المد والجزر |
رحيق في جيتك التانيه.
|
Post: #181
Title: Re: جورج -- دى كفك ولا غيمه
Author: جورج بنيوتي
Date: 04-28-2004, 04:34 PM
Parent: #179
خالد الحاج
Quote:
هذا بوست يحمل الحب فيضا وخضره |
يفيض منك ، يكب فينا
يجيك من خطوتك سرك
يبِرَّكْ بالذي يوفيك
*******
نصار
Quote:
أمطروا علينا نحن من يكفينا منكم الرزاز |
جميل في مدخل الأولى
Quote:
حضني موج من غير مفر
..ساهمت في المد والجزر |
رحيق في جيتك التانيه.
|
Post: #182
Title: Re: جورج -- دى كفك ولا غيمه
Author: جورج بنيوتي
Date: 04-28-2004, 06:42 PM
Parent: #181
أبو جهينة:
Quote:
...تلامسها كلمات أباذر كهبات نسيم بارد يبعثرها
شتات رذاذا على تربتنا العطشى لمثل هذه الزخات. |
عطشانه تربتنا
وترياقه موية ود
إت عندك المويه
أسقينا نطول ليك
يمكن نجيب الحد.
*******
مراويد:
Quote:
... جريت قدر قدرتي..لحقت الدعاش
المطر.. المهرجان..الغيمه.. فجو لي جنبكم بكان |
مجلس على كف الورد راجيك
راجيك على كفك
كاس الجمال الفيك.
|
Post: #184
Title: Re: جورج -- دى كفك ولا غيمه
Author: مراويد
Date: 04-29-2004, 00:35 AM
Parent: #1
سلام..
جيت ازور
اطوف بمسيدى... واطلب العفو واتمنالكم العافيه يا زاد الروح وكسرة بطن القلب المصارينا تولول وتطلب لقمة حب و جغيمة الفه و جبنة صدق وصداق ساي فى الله ...
ما بسالكم و لا استاذن ... مليت بطنى...الروح انتعشت و قليبي فرهد شتلة منقه وغصين ياسمين ...
ماشي لقدام ادى الصندل والياسمين لمداين وحلال محتاجه لريحه تخالف ريحة قبر العقل وتعاند عطن الزمن الاشتر ...
بالتاكيد بجيكم راجع
بالتاكيد
|
Post: #185
Title: Re: جورج -- دى كفك ولا غيمه
Author: إيمان أحمد
Date: 04-29-2004, 01:28 AM
Parent: #184
ناموس الحب يتوالد...يتوالد، مالي لا أسمع حديثه؟؟؟
فانوس الحب يضيء.. يضيء، مالي لا أري نوره؟؟
أتعلمون!
ظلت فتاتي شاردةً حتي قذفتني حبيبتي الحنينة بحفنةِ ضوءٍ لتبريء جسدي.
فيا شيخ المطر، بالله عليك أقرأ عَلَيَّ تعاويذا من قرآن الحب هذا عله يبرئ جسدي..
و(فِجُّوا/ن) لي مكان وسطكم/ن لأدخل في حلقةِ الحب-الذكّارة..
جورج...دي كفك ولا غيمة!
ده نورك.. ولا طمي النيل!
دي خصوبة كلماتك.. أم مرتع للمُحبين/ات!!
شتات!
تشتت علينا رذاذا عَفِّيا.. لننثره سُكرا فوق روح الدُني، بيرق الكلمات الألِق!
وأظل أدور .. أدور.. محبةً، ويردد كابلي:
(حدقت بلا وجهٍ
ورقصت بلا ساقْ..)
أما أنا فحدقت بروحي، ورقصت بقلبي ثم جلست علي مهلٍ فوق (نَجِيلكم/ن) هذا، مفروشا بالقلوب الوارفةِ الطاعِمة!
(كالدرويش المتعلق في قدمي مولاه أنا)
أتقلب في تراب حبكم/ن هذا ذات اليمين وذات السماء
ذات النحول وذات التدفق والارتواء.
خالد قال: (فيه شفاء للناس).......... فهو شهدٌ إذن!!
الملكة أطربتنا..... وانتظم الجميع في صلاة!!
المطر قال: (النار بتاكل روحها)......... ولتخمد – رمادْ!!
والأرواح تتشابي محبة
.
.
.
.
.
.
الآن عرفت كم كان غزال الروح شاردا!
لكم/ن جميعا محبتي، علي أضيف قطرة للنهر الجاري والبحر الما بينضب!
إيمان
|
Post: #186
Title: Re: جورج -- دى كفك ولا غيمه
Author: شتات
Date: 04-29-2004, 11:01 AM
Parent: #185
إيمان ..
من زمن ..
أتمنى الحظ يصْحَـا تجمعنا الصدف ..
نلاقيك اختا عزيزة
شايلانا اللهفة ليها من أزمـان ..
نلاقيك مطرا هطل ..
شوقا عصف ..
نقابلك في ديار ناسا حُــنَان ..
يهاجروا لي وادي القمر ..
يعودوا للأحباب هلالا هلّ ..َ نورا كَشَف
نلاقيك والزمن نديان ..
يلاقيك زولا سمح ..
شايلاهو قمرية تقوقي أسف ..
على دارا هناك رَقَد حــزنان ..
يتشابا للراحلين يعودو ..تعود مواضي زمان ..
نلاقيك فرح ..
دموعنا تجف ..
تعبنا يخـف ..
يلاقيك الولد المطر ..
قليب ينزف ..
حروف تهتف ..
تصحِّـي الغفلة والنسيان ..
ويا عزة ليك سلام ..
ويا نيلنا ألف سلام ..
صلاح / شتات
رجاء ..
نلاقيك والصباح باسم .. نلاقيك في زمن طري ونديان ..
كل المعاني ..
مراويد .. مسيدك وانت سيدو .. أملا الساحة والألواح.. تسلم
بلقيس ..
في ربوة تشرب من حنانك ..
ظَالِّيها الغمام ..
راوْيـَاها حبات المطر ..
والربوة في كفين حُنَان ..
ترقد في سكون ..
|
Post: #187
Title: Re: جورج -- دى كفك ولا غيمه
Author: THE RAIN
Date: 04-30-2004, 09:16 AM
Parent: #1
جورج
وكيف لنا نحن أن نسدد لك ما علينا من ديون، نسعد بها ونرجوا تراكمها
شتات
تيجان القصائد على رأس نبلك، يفيض منها خشوع الكلام، وسمو المحبة الناصعة، وكل الناس ملوك، كلهم ملوك والله، طالما أن هاماتهم تعنمر هكذا كلام
|
Post: #188
Title: Re: جورج -- دى كفك ولا غيمه
Author: THE RAIN
Date: 04-30-2004, 09:23 AM
Parent: #1
أيمان أحمد
والحضور أحمد
وهاهو الحقل، يشع بالإيمان ويعمر به
الإيمان تربة الصدق، والمحبة مطره المدرار، والود شمسه السخية
وهاهى السنابل، تستطيل، تتلفت فى فضاءات البها، يمنة ويسرى، وحيثما يممت روحهاأى شطر، فهى واجدة الأحباب والصحاب
هنيئا للحقل بك يا إيمان، سنبلة وشجرة تهب الظل والندى، الثمر والصدق
سنقرأ لك، وبك، كل ألواح الجمال، ووصايا الألهة
ولك التقدير والود
|
Post: #189
Title: Re: جورج -- دى كفك ولا غيمه
Author: THE RAIN
Date: 04-30-2004, 05:52 PM
Parent: #1
مسدار الوفا
مرقت من صباكن
شقت طشاش الشوف
ضوت قلوبنا معاكن
طردت ضلام الخوف
نضيمةً جايه من تالاكن
وِلفاً بالفرح ملفوف
مرسفه بالصفا الضماكن
ميقن ريدا مو ملهوف
نضيمةً فى الدواخل
بالسعد متسارحه
مرسومة فى روح المنازل
رتعت فى دعاشن مارحه
نضيمةً خدرا
طربان فيها الحرف ولاف
لا مردود
ولا مهدود
ولا مقدود
حاشا وكلا مو معيوف
جاهرات المحاسن جمله
مكسيات سماح وعفاف
مرقت من صباكن
نضيمةً ساتره
خاتيا الشك
ريدةً عامرة
محمداك يا المك
سماحة وافره
بى حيرانا
ما بتتفك
جورج وصلاح
أسياد السماحه الزايده
جورج وصلاح
معنى المودة السايده
جورج وصلاح
شدرات المعزه المايده
جورج وصلاح
سكان القلوب الرايده
جورج وصلاح
بشارات المواسم عايده
ومرقت من صباكن
فى المحافل نور
دخلت فى قلوب الناس
بقت القلوب الدار
والإلفة بقت السور
نضيمةً ذاخرة بالإحساس
فوق ساحاتا
مدفوق الصدق منشور
|
Post: #190
Title: Re: جورج -- دى كفك ولا غيمه
Author: ملكة سبأ
Date: 04-30-2004, 06:14 PM
Parent: #189
جورج وصلاح
Quote: أسياد السماحه الزايده
جورج وصلاح
معنى المودة السايده
جورج وصلاح
شدرات المعزه المايده
جورج وصلاح
سكان القلوب الرايده
جورج وصلاح
بشارات المواسم عايده |
وانت على راس القايـدة
مطر .. انـت رائع بالجـد
|
Post: #194
Title: Re: جورج -- دى كفك ولا غيمه
Author: THE RAIN
Date: 05-01-2004, 05:18 PM
Parent: #190
يا بلقيسنا
فى أوان وحين
يأتينا هدهد البشارات المؤتلقة
حاملا عبير الشدو، فى الجناح الأيمن
ومسرات الحضور، فى الجناح الأيسر
وبين رفرفة الجناحين
تنهض أكوان من الجمال السبأى النضر
بس لكين يا ملكة النسألك سؤال
عليك الله الروعة تفوتك إتى تمش وين
|
Post: #191
Title: Re: جورج -- دى كفك ولا غيمه
Author: طيفور
Date: 04-30-2004, 06:56 PM
Parent: #1
أول الحكي...
اجيئكم كل يوم
على استحياء
استظل بغيمتكم
كلما تشققت الروح بالجفاف
واخرج مليئا بكم حتى يغازلني
الناس في الشوارع
كما قال بشرى الفاضل
آخر الكلام...
احبكم.. واقوى بكم على احتمال
السخف اليومي
|
Post: #192
Title: Re: جورج -- دى كفك ولا غيمه
Author: شتات
Date: 05-01-2004, 03:55 PM
Parent: #191
نجلاء ..
لي قمر غائب في الجذر ..
أسجى الضفائر واتوسدا ..
تاوق من علاك ..
عزف الأغــاني ورددا ..
لي زول هناك .. لي زول هنا ..
لي نغمة زارت حيَّـنا ..
لي ضوء الهي في حضرة ملاك ..
كحل العيون .. شال ضياها وجـددا ..
لي نسمة باردة ومنعشة ..
لي زهرة نادية مفرهِـدا ..
لي كل الحروف الضاوية ترقص في المدى ..
ليك يا مدى ..
لون المسا .. وكل أشواق الحصى ..
نعاين ليك ..
نلقاك في جوف السما ..
عصفورة طايرة مغرِّدا ..
أخدت من كل بيت ضحكة فرح ..
مزجت كل الفرح بي لون الصباح ..
طارت بعيد ..
طافت جروف الريد ..
غنَّاها زول ممدَّد في المنى ..
شال من صفاها .. داعب رباها وهَدْهَدَا ..
ليك يا مدى ..
ولي زول سمح .. طاف البلد ..
جمَّـع قلوبنا .. ووحَّـدا ..
ولي الولد المطر ..
كل القصيد ..
ويا عزة ليك سلام ..
ويا نيلنا ألف سلام ..
صلاح / شتات
طيفور ..
تداخل وتمهل ..
ظل .. اضافة للظلال ..
محفل ..
يزدهي أكثر ..
مقل ..
تحتويك ..
شعل ..
من نبل ..
تتوهج ..
تلاقيك ..
اضاءة ..
أمل ..
ألف مرحب
جورج .. أبوذر
نجلاء التوم في الغرفة الثانية .. أقصد الصفحة الثانية
حبي وأشواقي ..
ونلتقي ..
|
Post: #193
Title: Re: جورج -- دى كفك ولا غيمه
Author: شتات
Date: 05-01-2004, 04:09 PM
Parent: #192
قطرات تجمعت في زمن الخريف ..
غنت للمطر ..
أبوذر ..
لطالما حدثنا عنك المطــر
حين يغسل دمعة النهار ..
حين يرخي الليل ستائر الشوق
ينتحب على صدر القمر ..
وحين نجلس على صخرة الرياح أول النوى ..
نناجي آخر الجذر المسوَّرة خلف آفاق الصباح ..
في عيون المدى أنت ..
تحتضن السحاب ..
وترسم البسمة على شفاه القصيدة ..
فنحلم بالإياب ..
تغيب ..
ننصب مصائد الرفاق ..
نسأل الفراش ..
نرسم وجهك في لوحات الحدود ..
نعلن عنك في دائرة البروق ..
نقتفي عطرك في صفحات الورود ..
يلمع الندى ..
تصفق الأوراق ..
نلقاك في الربى ..
قافية تعانق المدى ..
والشمس حريرة في معصم الضفاف
..
من ملامحك الندية .. دعني أستعير ظلا
من كلماتك الشجية .. دعني أتوسد حرفا
من الأيام الماضية دون التفاته ..
من أثير النداء ..
من فجرك ..
دعني أحيي نجمة .. تغسل صيف المسافة ..
وتسدل شعرها في وسادة الليل .. تضاحك القمر
فترتاح المدينة في ضيافة المســاء ..
وسنمضي ..
لميناء الشمس .. عند منابع الشروق ..
سنمضي لن نفقد الرفيق ..
ملامحنا أنت ..
شواهدنا المطر .. ومدارج الغيوم ..
لعرس النور أسرجنا جناح الفجر ..
لغابة النجوم .. عند الأفق .. على سواحل الربيع ..
لن نلتفت ..
عزمنا الإمكان ..
نورنا شعاع الروح ..
خاصرتنا نهر الكوثر العتيق ..
سنمضي ..
حتى ملتقى الأحلام ..
صلاح / شتات
|
Post: #196
Title: Re: جورج -- دى كفك ولا غيمه
Author: THE RAIN
Date: 05-01-2004, 05:29 PM
Parent: #192
نجلاء تجيئ
نجلاء تضيئ
هذا هو شعار القصيدة، حين يستبد بها الفرح، فتتحول الكلمات الى حدائق
أجل والله يا صلاح، هى هنا معنا
لعله فى غفلة من حراس الروح، اشرقت نجمة الزهو مرتدية كل ثياب قوس قزحها الصبى، ونحن غافلون
نجلاء، هى حمالة العبير، فى جيدها حبل من حرير، عبير القصائد، وحرير الجمال شهى التفاصيل
ولتفتح كل الشرفات عيونها، ولتجلس النجلاء على أحداق الترحاب
|
Post: #195
Title: Re: جورج -- دى كفك ولا غيمه
Author: THE RAIN
Date: 05-01-2004, 05:22 PM
Parent: #191
طيفور
رأيت الساحة تضج بنور أزرق زاهى
فأدركت بأن "طيف النور" قد مر من هنا، وترك خلفه سماءا هو فيها الشمس، فى نهار الكلام العذب، وقمرا فى أمسيات الشدو الحرير
نحن من نسعد بلقياك الحبيبة، وحتما تزدان الساحة وتتعطر بأريج حروفك الندية
|
Post: #197
Title: Re: جورج -- دى كفك ولا غيمه
Author: حبيب نورة
Date: 05-01-2004, 06:34 PM
Parent: #195
المطررررررررررررررر
أخخخ انا
دقيقة بس !!!!!!!!! هسـّة بجي
!
|
Post: #198
Title: Re: جورج -- دى كفك ولا غيمه
Author: حبيب نورة
Date: 05-01-2004, 06:46 PM
Parent: #197
عارف يا أبو زر ؟؟
انا كنت مع هشام شيخ الدين في المكتب... الذي أطمعتني
صقيعية تكييفـهُ في براد شاي حاااار .... فبخل به الاستاذ!!
والله ما رضيت لكن ما كنت عارف انو يازول منع عني كباية الشاي
لكي يجود بالغيمة !!! وحقيقة المطرة العليــا خير من الكباية
السفلي.... ألا تتفق معي يا حبيب في هميم كرم هشام؟؟؟؟
وبيني وبينك انا أصلاً المطرة فايتاني وين؟! من تبـّيت وقمت !
لقيت عيوني أستوائية وقلمي خط المطر... يعني مافي ايي فاصل
مداري بيني وبينك وبين حنيني وحنينك... أها يا أبوزر أمطر حيث
شئت !! فأن خراجك سيعود لي...
والله هبشت جواي عتاميراً ما غشاها خريف... يابسة في جوف النشاف
ما ضاق شفاها نيل لا سمعت خبر عن الضفاف... وهسة!! تبارك الله
أهتـزّت وربت!!!!
أسمع ... دي نقناقة بسيطة قلت أرشرش بيها الواطة لحدي ما تجي
يعني لا بتغلّط عليك لا بتوسخ رجليك... لكن عارف لو لقيت لي كباية
شاي حمررررا ومعاها سجارة من نفس اللون  والله حالف قسم ألا
تجي تلقي البلد خمجانة تحلف تقول فيضان تمانية وتمانين.
|
Post: #199
Title: Re: جورج -- دى كفك ولا غيمه
Author: حبيب نورة
Date: 05-01-2004, 07:14 PM
Parent: #198
حبايبي الحلوين
المطرررررررررررررر
جورج مطروتي
ممكن اتكلم خارج النص شوية
من حقي أحلم بيها
صاح؟
اها خلوني أتدّفق شوية كدي
عيناكي لا تمهلُ خطواتي ألا قليلاً ... فهي تفاجأني بأصدار أمر بالبقاء...
أحبو أليهما ..فتجريان .. َأضحكُ فتبكيان.. أما انا فعلي حد السني أمهلتُ
سيفي. وخضعتُ لشريعةِ الضياء
توجعينني في منتهي الامتاع.... وتتناثر أحرفي في المدي البعيد.. لتجتمع
عن عينيك جملةً عاشقة.... أقولُ فيها سارقاً لسان العملاق مصطفي سند
يا صندل الليل المضاء
أفرد قميص الشوق حين تطلُّ سيدة النساء
فالمجدُ جــاء
لو زندها أحتمل الندي
لكسوتُ زندها ما تشاء
ثوبٌ من العشبِ الطرير و أبرتان من العبير
وخيط مـاء
ومع ذلك تتقاصر دونك أشعارهم.. وتشرق في حضرتك كل الشموس دون أن تحتال
عليها غيمةً لئيمة... او يسطو علي بريقها مساءٍ جائر..
ولم أدري هل يسكنُ وجهكِ الصباح, الذي داعب وجنتيه القمر الحنون؟ أم تري
تخيّر الظلام شعركِ توقيتاً للمساء؟؟ فلم أعرف في حياتي وجهٌ يصيب اليوم بالدوار
كما فعلتِ... ووجدتني أغني ...
عزة في هواك عزة نحن النبال
دعيني أحبك...
دعيني احبك حتي أؤكّـد وجودي... و أجدّد أنتمائي لنفسي... العشقُ بطاقة هوية
لانسان بلا شهادة ميلاد !!!
يكفيني كل هذا التشرّد بين أزقّة المشاعر و ملاجئ العواطف...اّن الأوان لكي أطلب
حق اللجؤ العاطفي.. و أرشّح موانيك مراسي لموجـي.. لقد سئمتُ هذا المد والجزر
لم أقصد في حياتي بحرٌ بلا تيار.... ولكني لا أريد دوامةً تجرفني لغيرك.. ولا مجدافاً
يأخذُ قاربي بعيداً عن المياه الاقليمية.... أنتهي عصر التسوّل.. واليد العليا خير
من اليد السفلي .. و لكن دعيني أحبك!!!!.
يغتصبني حنينكِ بشرف ! ويعيد ألي طهري حين يربطني بحبل الشوق السري تسعة شهور و زهرة
فلم تخيرتي فطامي و انتي تدري بأن فصالهُ في عامين !؟!؟
أحييك انا عندما تقررين اعادة تهجين الغيوم.. وتحسن نسل المطر..فيأتي الهطول وهويهزُّ
أليهِ بجزعِ العطـأءِ العريض...فأنثي السماء هنالك كائن ولود وغيمها لا يستعمل الواقي
المطري.. وبطنها منتفخة بالخضار.
أحييك و أنت تقتليني لتحييني... أحييك و أنت تكويني و أحييك و أنت تكونيني.........
دعيني أحبك
بكل تفاصيلك ........ بكل حكاياتك و رواياتك.... وبكامل تأريخك ونزيفك و حريقك
وهزيمتك و انتصارك.... دعيني دعيني دعيني
دعيني أقولها لكِ......
|
Post: #200
Title: Re: جورج -- دى كفك ولا غيمه
Author: hala guta
Date: 05-02-2004, 02:58 AM
Parent: #1
مررت من هنا...
هالة
|
Post: #201
Title: Re: جورج -- دى كفك ولا غيمه
Author: جورج بنيوتي
Date: 05-02-2004, 09:32 AM
Parent: #200
إيمان..
حبيب نورة
هالة قوتة...
.... كم هو مؤلم: قصر القامة هذا.. آليت على نفسي ردا منفصلا لكل
هذا الزخم.. وسأعود...إن هي إلا ظروف أقصى من تجاوزهابنسيانها..
الإلفة خوض في لا منتهى ..
المطر .. شتات ..مااااااااااااااااذا أقول لقامتين
كمثلما....؟؟
القيد يفلح في الجسد، لكنها الروح الطليقة تحتوينا...
راجع, راجع, راجع...
أباذر : داير تتسدا أكتر من كده...تعمل فوقي شنو يعني؟؟؟؟؟
|
Post: #202
Title: Re: جورج -- دى كفك ولا غيمه
Author: lowmamba
Date: 05-02-2004, 10:33 AM
Parent: #201
لهذا البوست جاذبية ساحرة لا تملك إلا أن تدخل
وبالقدم اليمني وهنا لا تحتاج البسملة إلا تيمنآ
ما أجمل الرفقة الطيبة والكلمة الطيبة
جورج والمطر وشتات والملكة والزوار الجايبهم الحن
ألف سلام ألف سلام ألف سلام
|
Post: #209
Title: Re: جورج -- دى كفك ولا غيمه
Author: شتات
Date: 05-02-2004, 04:11 PM
Parent: #200
هالة قوتة ..
أولا دا جزء من رد سابق ..
Quote: عالية .. هالة .. حنينة
..
مرحب بنات النيل ..
أخوات عزة .. عِـزَّ الجيل ..
ليكم غالي الحروف انسام ..
صدى الكلمة وجمال الليل ..
شتات |
ثانيا ..
مرحب بيك مطر يجينا كل يوم ..
وربيع مقيم ..
ثالثا ..
ننتظر ثالثا ورابعا وخامسا وعلى طول .. عندنا زيك كم ..
وتسلمي
|
Post: #203
Title: Re: جورج -- دى كفك ولا غيمه
Author: THE RAIN
Date: 05-02-2004, 11:38 AM
Parent: #1
حبيب نوره
وحبيبنا
يا صندل الليل المضاء
أفرد قميص الشوق حين تطلُّ سيدة النساء
فالمجدُ جــاء
لو زندها أحتمل الندي
لكسوتُ زندها ما تشاء
ثوبٌ من العشبِ الطرير و أبرتان من العبير
وخيط مـاء
من كل ما قاله شيخى سند من كلام، فإن لهذا المقطع تحديدا، معنى المعنى المطلق، فى ما ظللت أبحث عنه من معان شاردة، تمر أمام القلب وتعجز العينان من الإمساك بها، ربما لأنها تمتطى براق الجلال الذى لا يطال، لذا فنحن، وبعد أن تفتر محاولات الركوب معها، لنعرج الى أعلى المعنى، لا نملك سوى أن نتبرك بما تركته من أثر على تراب العشق
هشام شيخ الدين
هذا يا حبيب نوره، عالم يحتشد بأشياء لا يعرفها إلا من يجيد الغوص فى منابع السماحة والجمال، هو كون من مجرات ملونة، تراها قريبة وهى بعيدة، مثل كل الأمنيات الشهية، لكن يصيبك منها الألق والضوء والدفء والضحكات قمرية الدفق
جلسنا معك فى حضن حلمك البهى، وسنعتبره "عَدَلك" أو ال "شيرنغ" خاصتك، للإسهام معنا فى الكرنفال الجورجى، فهو إحتفاء، ما أتينا ونصبنا خيماته هنا، إلا بعد أن فاضت بها جنبات الروح ولم يعد ثمة متسع "يشيل" كل فرحنا وزهونا بجورج
وها أنذا ومعى هارون أخى "شتات" نتناوب على حمل العرش الجورجى، ونحرسه، وننتبرك به
ولك الود الكثير
|
Post: #204
Title: Re: جورج -- دى كفك ولا غيمه
Author: THE RAIN
Date: 05-02-2004, 11:41 AM
Parent: #1
هالة قوتة
العزيزة
أجل، رأينا "هالة" الضياء يرف ألقها، فعرفنا أنك قد مررت من هنا
ووصلنا عبير الحضور الأخاذ، عم كل أرياف وحضر الإلفة الساكنة هنا، فأدركنا أنك قد تفتحتى هنا، وردة مضيئة، وهالة وردية
لك الود
|
Post: #205
Title: Re: جورج -- دى كفك ولا غيمه
Author: THE RAIN
Date: 05-02-2004, 11:43 AM
Parent: #1
لوممبا
كيف حالك أيها الكريم
كيفما دخلت، فأنت والج الى سوح الترحاب بك، تتلقفك العيون والقلوب قبل الأكف، ونسعد بحضورك الطيب
فلك الأمنيات الطيبة، وخالص التقدير وكل الثناء على ما تهبنا من عذب كلماتك الندية
|
Post: #206
Title: Re: جورج -- دى كفك ولا غيمه
Author: THE RAIN
Date: 05-02-2004, 11:49 AM
Parent: #1
جورج الخريف
طيف حالك يا سيد الجمال
"أنا إتسديت، بس لسه ما اتفشيت"
وكلما قنع القلب بقليل من معاقرة الود فيك، هتفت الروح، هل من مزيد
هل مزيد
"لسه ما اتفشيت"
هسه يا جورج، أنا وشتات قاعدين نقسم فى حلاوتك للناس
مش إنت العيد؟
وحلاوتك دى ما اظنها تكمل، لأنه العيد لا بكمل ولا بنتهى
ولا شنو يا شتات
|
Post: #207
Title: Re: جورج -- دى كفك ولا غيمه
Author: ملكة سبأ
Date: 05-02-2004, 12:22 PM
Parent: #206
Quote: هتفت الروح ، هل من مزيد
هل مزيد
ولا شنو يا شتات |
ولا شنو يامطـور هتكـت سمانـا وسيلـت ملـت المـزراع
التجـدد بخـة الـدم فـي عروقنـا
وبيـن ضلوعنـا
تطـرد الهـم مـن جموعنـا
غنـوا لجـورج الاناشيـد اليشتهنـو فـي سبـق
المنـاديل التـلوح والطـرح
البنفسـج والبراسيـم التراقـص فـي مـرح
العصافيـر الملونـة فـي مرايـات الفضـاالمتكابـي تألاه قـوس قـزح
*** يانـاس الحـوش سـلام هـى ***
|
Post: #208
Title: Re: جورج -- دى كفك ولا غيمه
Author: DKEEN
Date: 05-02-2004, 02:14 PM
Parent: #1
دي كفك ولا غيمة
المطر
ياخي عاجزين عن رد الياسمين البتشتتو لينا ده ..
عنوان بوستك بقى لي نشيد
دي كفك ولا غيمة ...
اجمل من كده بلاهي في
|
Post: #210
Title: Re: جورج -- دى كفك ولا غيمه
Author: شتات
Date: 05-02-2004, 04:27 PM
Parent: #208
لوممبا ..
مرحب بيك .. انشاء الله
تتوضا بالعافية .. تصلي العيد .. وتدعو بالربيع لكل من عبر ومن لم يعبر من هنا ..
والود موصول ..
دكين .. يا جـن
متين حا نجي نزور والدتك .. ما جايين عشانك .. عشان والدتنا يا نمرود ..
تحياتي ..
جورج .. أبوذر
Quote: مش إنت العيد؟
وحلاوتك دى ما اظنها تكمل، لأنه العيد لا بكمل ولا بنتهى
ولا شنو يا شتات |
متى توقف المطر عن الهطول ..
وهل توقفت الشمس عن الضياء ؟
هل رحلت ليالي العيد ..
في كل عام ..
وفي كل يوم نحتقل بها من جديد ..
ألست العيد؟
تسلم يا أبا ذر ..
وانشاء الله كل أيامنا عيد
بعدين الحقونا .. قرجة دا ما بهدلنا ..
صلاح / شتات
|
Post: #211
Title: Re: جورج -- دى كفك ولا غيمه
Author: شتات
Date: 05-02-2004, 04:46 PM
Parent: #210
Quote: لا تزالين : ترتيبة في عز الصباح...
جايييييييييييك : مملوكا ومالكا لهذا الفرح...
جورج بنيوتي .. |
رحلة اليك ..
Quote: نعزِّك في السمح والشين ..
نجيك جارين ..
نلقاك فراشة بين فرعين ..
تداعب في رحيق وردة ..
شربت من ربانا حنين ..
نشيلك خاطرة ترعانا ..
يطول بالفرحة لقيانا ..
نعيش الماضي والجايي ..
يزيد عمرنا سنين وسنين .. |
ألا ترتاح في مكانها بين رفيقاتها هناك ؟
Quote: لي ضوء الهي في حضرة ملاك ..
كحل العيون .. شال ضياها وجـددا ..
لي نسمة باردة ومنعشة ..
لي زهرة نادية مفرهِـدا .. |
صفوة عيونك ..
Quote: عصفورة طايرة مغرِّدا ..
أخدت من كل بيت ضحكة فرح ..
مزجت كل الفرح بي لون الصباح ..
طارت بعيد ..
طافت جروف الريد ..
غنَّاها زول ممدَّد في المنى ..
شال من صفاها .. داعب رباها وهَدْهَدَا ..
نلتقيها .. |
ونلتقيك ..
في تقاطع أشعة العيون ..
عند تعامد شمس الرؤية في خط الروح الاستوائي ..
في جنوب الكون ..
عندما ترتاح الشمس في القطب الشمالي ..
في مقرن النيلين ..
نتكئ على خط الطول العابر لمدينة الخرطوم ..
عند مطلع الفجر ..
بعد قراءة الفاتحة وسورة يس ..
في بريق الضحي ..
وقبل زوال اليقين ..
عندما تختفي الشمس في برج الحنين ..
في هدأة الليل ..
وعندما نغفو في سكون ..
نلتقيك ..
في كل حين ..
صلاح / شتات
|
Post: #212
Title: Re: جورج -- دى كفك ولا غيمه
Author: ملكة سبأ
Date: 05-02-2004, 07:50 PM
Parent: #211
| Quote: وهل توقفت الشمس عن الضياء |
وانت قايل القاسم المشترك في الشيـن دا صدفـة ؟؟
** جيـت ابـارك ليكم الحـوش الرابع .. ياناس الحـوش هى عوافـي **
|
Post: #213
Title: Re: جورج -- دى كفك ولا غيمه
Author: شتات
Date: 05-03-2004, 03:52 PM
Parent: #212
أنت ..
البيت الأول ..
القلب الثاني ..
سكن ..
العين الثالثة ..
الحوش الرابع ..
عندما نضيع في متاهة المدن ..
البعد الرابع في نسبية الزمن ..
فصلنا الخامس ..
عندما ينتهي عطاء الحقول ..
الوتر الثامن في أنغام السفن ..
أنت الميم .. السين والشين ..
أنت العين ..
مدى الرؤية .. بُعدنا العاشر
في جوف الأمان ..
وعندما يرمينا المكان ..
في بحر الجنون ..
نقول يا نون ..
أنت التوازن ..
عقلنا المفتون ..
لحظتنا الخرافية ..
نهرنا الجاري في جنات عدن ..
غاباتنا المدارية ..
نراك ..
صلاح / شتات
الضمير "نا" جوه ضميرنا ..
مبني للمعلوم ..
مرفوع بثبوت النون .. في نسيج العين ..
ونلقاك ..
يا جورج .. يا مطر ..
وينكم .. ما معقول تسيبونا للوحدة .. نعاني ..
|
Post: #217
Title: Re: جورج -- دى كفك ولا غيمه
Author: THE RAIN
Date: 05-03-2004, 09:04 PM
Parent: #208
دكين
كيف حالك أيها البديع
مر وقت طويل والله ولم أنعم واسعد بعناق حروفك التى ترتدى ثوب قوس قزح
أما عن سؤالك "اجمل من كده بلاهي في "
الإجابة نعم، أجمل من ذلك هو هذا الدكين الجميل، كله غير منقوص
ولك من الود، كل ما فيه من ود ومحبة يا دكين
|
Post: #214
Title: Re: جورج -- دى كفك ولا غيمه
Author: shatat
Date: 05-03-2004, 08:47 PM
Parent: #1
العزيز وغالي ...المطر
..حينما يصيبها الظما..قوافلي..اجمع..شتاتي..اتوسد..الغيمه
..وأنادي ..المطر..المطر..المطر
....في حضرة جلالكم يطيب الجلوس..
....اكتفي بالدهشه..والصمت..فهي ايضًا..ملامح.
لك وللأحبه في ملتقاك عاطر الود
وكثير احترام.
SHATAT
.......اتابع الدهشه.
|
Post: #224
Title: Re: جورج -- دى كفك ولا غيمه
Author: THE RAIN
Date: 05-05-2004, 07:21 AM
Parent: #214
Shatat
العزيز
يا رائحة الأيام الندية، ويا ذكرى اللحظات الشجية
أى رياح تلك التى ابعدتك عنا، وأى الأماكن تلك التى سعدت بإحتضانك، ونحن لك ذاكرون
شتات هنا، وشتات هناك، ونحن بينهما نتفيأ ظلال الجمال ونتذوق طعم حقيقة أنه ما من شتات، إلا وخضرة الدنيا كلها، تجتمع فيه، وتفيض منه لتغمرنا نحن بطعمها ونورها الأخضر، فيخضر يباسنا، وتدب فى أغصاننا "الناشفة" حياة خضراء
لك الود وكل عطر التحية
|
Post: #215
Title: Re: جورج -- دى كفك ولا غيمه
Author: THE RAIN
Date: 05-03-2004, 08:50 PM
Parent: #1
الأحبة
رفاق الضوء المطرب، والنغم المضئ
جورج مخضر الكلمات
ومن حوله بلقيس وشتات
أمست الآن الساحة، وكأن "الجهات الأربع" قد حطت بهاءها فيها، أبت هذى الجهات إلا أن تضع حديقة فى كل زاوية، أربع حدائق عالية، معلقة كما حدائق بابل، الفارق الوحيد هى أنها معلقة على أرواحنا، تمددت فيها شرايين المحبة لتسقى أيما غرسه صبية، وتوزعت فيها أوردة الإلفة لتغذى جسد اللحظة الذى تعافى بكم/بنا/بهم
أو
لكأنى بالفصول الأربعة، تضع كل شبابها فى سلة أنيقة، وتأتيكم تتهادى فرحة بلقياكم
أتى الخريف، ليقدم قرابين الوفاء، مطرا وغيمة و "همبريب"
وجاء الشتاء، يلف هداياه يفوح منها الدفء، ويأخذ كل فرد هنا الأحضان
وجاء الصيف، وقد وضع شمسه العروس، فى إطار من ندى، كرما ومعزة لكم
أما الربيع، فقد حضر وهو يزمع الإقامة، فى دواخل عمق مسام المودة فيكم
وأنا أزدهى، متوجا ب "تاج شتات" الذى ليس كمثله شئ، وهو البهيج الجميل
وأنا أزدهى، متوشحا ب "جمال جورج" الذى ليس كمثله شء، وهو البهى النضير
توحد الفرح مع الدم، ولم يعد ثمة فرق، فكلاهما يجريان من عمق القلب صعودا وهبوطا الى كل طرقات وساحات الروح
وأنتم فيه
|
Post: #216
Title: Re: جورج -- دى كفك ولا غيمه
Author: THE RAIN
Date: 05-03-2004, 08:58 PM
Parent: #1
بمناسبة "الحوش" الرابع، كما قالت ملكتنا الغالية
كنت أتمنى والله، لو أنى أعرف أو لى قليل دراية بكيفية وضع الأعمال الموسيقية هنا، لكنت وضعت لكم هنا، وإحتفاءا وبهجة بجلال تشييد رابع "الحيشان" هذا، سيمفونية "الفصول الأربعة" أشهى وأعذب ما ألفه فيفالدى الإيطالى، ولكن إن جاء حبيبنا "خالد الحاج" هنا، فسوف نرجوه أن يعطر أرواحنا وآذاننا بها، حتى وإن لم تتوفر لديه، فهذا العمل حتما متوفر فى كل محلات البيع، وليت خالد يزورنا اليوم أو بعده
وأهديها لكم جميعا، مقدما، حتى وإن لم نستمتع بها، فهى فعلا عمل جدير بالإستماع، وتليق حقا بالمناسبة
وتظلون أنتم، سيمفونيتى المفضلة
|
Post: #218
Title: Re: جورج -- دى كفك ولا غيمه
Author: خالد الحاج
Date: 05-04-2004, 08:10 AM
Parent: #216
|
Post: #221
Title: Re: جورج -- دى كفك ولا غيمه
Author: معتصم دفع الله
Date: 05-04-2004, 11:26 AM
Parent: #218
يا رباطية الشعر سلام ..
يا سادات البهجة سلام ..
يا ناس المحبة سلام ..
يا أصحاب المعالي والملوك سلام ..
أنا كان غبت منكم الشوق بجيبني ليكم ..
بس أوعه يكون في واحد شال عنقريبي من تحت شجرة البرتكان ..
أنا أصلو المره دي جائي وعايز أخد لي فيهو تكية طويلة ..
بالله عليكم واحد يصحيني من غفوتي دي مافي ..
لأني أخدت جرعة كبيرة والرأس لسه مدور وأظنها تكون قاتلة ..
والله يا المطر أخوي كنت مجهز ليكم مزيكة حلوة كنت ناوي أنزله ..
لكن الخال خالد الحاج ما قصر وبالمرة نقول ليهو حمداً لله على السلامة ..
بركة الشفناك طيب ويا دوب البوست دا شم ريحة العافية " فيه شفـــــــاء "
|
Post: #222
Title: Re: جورج -- دى كفك ولا غيمه
Author: شتات
Date: 05-04-2004, 03:22 PM
Parent: #221
يا سلام يا مطــر ..
نصاب بعطش مزمن .. لا نرتوي أبدا .. إذ كيف لا تهفو الأرض للسماء ..
وأنت تأتينا دوما بكل نفحات الفصول ..
برزاز المطر .. مقاطع موسيقية
بدفء الشمس .. نرتاح في مرافئها الشتائية
بضوء القمر .. استراحة صيف ورمال ..
بسحر الندى .. في موسم الربيع ..
بخضرة الضفاف .. بروعة الشروق .. وشفق الأصيل ..
تأتينا بجورج الجميل ..
بالأصدقاء فراشات الرحيق .. يتألقون في حواشي النيل ..
تلتقي كل الطيور .. وتجمع كل ما عزفته من ألحان في مواسم الرحيل ..
تومي Shatat .. أبحث عنه .. عصاي أتوكأ عليها وأهش بها على حروفي لتسرح في سهول الأصدقاء .. وكف بيضاء من غير سوء تسر الناظرين ..
ويأتي الغالي خالد الحاج .. من جروف المحبة .. بالمواويل والموشحات والأغاني ..
"بالفصول الأربعة" و"سوناتا ضوء القمر" و"الخامسة" فيفالدي وبتهوفون وموتسارت وشوبان ..
تتقاطر عصافير الفرح وتنسى كل ما كتبته في دفاتر الأماسي من أشجان ..
ثم تأتي الملكة فينفتح صالون الحياة على نافذة يطل منها قمر استمد ضياءه من سدرة منتهى الأحلام ..
فتتلاقي وشائج الأرواح .. ونداعب جدائل الأشعار المتهدلة في كتف المعاني ..
نقبل خدود القصيدة .. وننام في نهدي المنى .. ببراءة الأطفال ..
ياتون كالنخيل .. كالزيتون ..
فنردد مع غادة السمان :
أراقب محبرتي بذهول ..
ومطر دافي يهطل داخلها ..
يرى الحبر يتحول إلى بحر .. وأصابعي إلى قوس قزح ..
وأحزاني إلى عصافير .. وقلمي إلى غصن زيتون ..
وورقتى إلى فضاء ..
وجسدي إلى سحابة ..
..
من الحبر ..
قطرة واحدة تركض طويلا على البياض ..
من العود ..
صرت وترا وتركت عاصفتك تعزفني ..
من النوارس..
أعيد كتابة الأفق بأجنحة الرحيل خلف الضوء ..
من النملة ..
حبة قمح اسطورية حتى الرمق الأخير نلاحقها ..
من العصفور الدوري ..
سعيد بشجرتك ..
سعيد بشهية التحليق .. (وأعتذر للشاعرة عن بعض التعديل)
..
جورج .. أبوذر ..
تلتقط الآفاق غيمات الصباح .. يذوب الضوء في وجنات التلاقي ..
تجن الريح بالنخل حضورا والتفاتا ..
تتلاحق الظلال ويضيء ألق العيون .. تنتحي المسافة ..
تمددوا في وديان الأحبة .. حمِّلوا الحمائم الرسائل .. تجدوني خلفكم صبيا يسعد بالوفاء لشيوخه ..
أملأوا حضن القصيدة بالدرر ..
فجِّروا ينابيع الرحيق .. يأتيكم الأصدقاء من كل فج عميق ..
كم عبروا في ظلالكم حيث التداخل ..
واعتمروا الأوجه النيرات ..
جاوزوا اليكم المساء ..
وطافوا بقلبكم ..
ألقوا اليكم النداء وعذب الحكايا .. شدَّوا اليكم الوعود البيضاء ..
شيء من الود ..
شيء من الدفء ..
هديل حمامة ورقـاء ..
وألقاكم ..
صلاح / شتات
|
Post: #227
Title: Re: جورج -- دى كفك ولا غيمه
Author: THE RAIN
Date: 05-05-2004, 12:48 PM
Parent: #221
معتصم
يا أجمل الحلوين
نشتاق ليك وإنت معانا
ووين ما تمشى وتغيب، برضه الأشواق فى بعدك تفتش ليك وتشتهيك ونشتهيك
ومهدى ليك، بعد السلام والأشواق، عدد تلاتة باقات ورد انجليزى أحمر، وباقتين فل أبيض، وباقة تالتة ملفوف جواها الريد
والود كيمان
|
Post: #223
Title: Re: جورج -- دى كفك ولا غيمه
Author: يا بت يا نيل
Date: 05-04-2004, 07:03 PM
Parent: #1
قال الوردالعاشق
للمطر
امكث ها هنا...
افتح لك مساماتي ..
عشق متناهي للتجدد...
رد المطر
او يستوي
وحقول الياسمين..
وسنابل القمح..
والعشب خالص الصفاء..
او يستوي
قال الورد
بغيابك كيف ارتوي..
ونبضي..
وتلك المساحات..
اعبرها
وتعال ها هنا..
حرر النبض من الارض
اصعد اليك حيث تنتمي...
المطر
جورج
شتات
و كل الرائعين
كل الود
|
Post: #225
Title: Re: جورج -- دى كفك ولا غيمه
Author: mohamed elshiekh
Date: 05-05-2004, 08:01 AM
Parent: #223
مررت لاتعطر هذه المرة
|
Post: #228
Title: Re: جورج -- دى كفك ولا غيمه
Author: THE RAIN
Date: 05-05-2004, 12:51 PM
Parent: #225
الحبيب
محمد الشيخ
العطر المالى المكان هنا، فيهو كتير من باقى عطرك الدفقته لينا هنا
وكل يوم والله، نعاين جيهة الشرق، نتلفت ونحن حاضنين المودة، وحاضنا الشوق، مستنين شروقك المضئ
تسلم وتطيب وتسعد انشاء الله
|
Post: #226
Title: Re: جورج -- دى كفك ولا غيمه
Author: THE RAIN
Date: 05-05-2004, 08:53 AM
Parent: #223
يا بت يا سنبلة النيل
يا زرقة الموجات الصديقة
نبض الأرض، موصول بحبل قدسى، مع روح السماء
والمطر رسول المحبة للأرض
وقوس قزح، شاهد على إكتمال طقوس الحياة
شاهد على الحياة
ولك يا بت يا نيل، كل أغنيات الورد
ورقصات الموجات، وهى تبلل خدود الصباح
والأمنيات العذبة
|
Post: #229
Title: Re: جورج -- دى كفك ولا غيمه
Author: شتات
Date: 05-05-2004, 05:03 PM
Parent: #226
محمد الشيخ ..
مكانك هنا ..
محجوز دوام بي جنبنا ..
كل خطوة مننا ..
تمشي ليك ..
لازم تجي ..
نشيل حروفك ..
غناوي حلوة ندندنا ..
ندِّيها لي كل الحنان ..
هدية منك ..
كلمة لينا ..
مكتوبة بي حبر المنى ..
كل الحب ..
وتسلم يا أنيق..
صلاح / شتات
|
Post: #230
Title: Re: جورج -- دى كفك ولا غيمه
Author: شتات
Date: 05-05-2004, 05:14 PM
Parent: #229
لي قمر غائب ..
نتحسسك ..
نسأل فيك المكان .. نتجسسك ..
صوتك هنا ..
يتنفسك ..
نبضك هناك ..
مسموع هنا ..
عطرك ..
زهورك ..
وبهجتك ..
وكل نظرة حانية تركتها ..
نامية فينا تأسسك ..
انت يا نور عيونا ..
كيف نشوف الدنيا بعدك ..
كيف يشرق صباح ..
تتوه خطانا .. تتلمسك ..
وينك انت .. وين جروفك ..
وينك انت .. وين حروفك ..
ليه تسيبنا نتوجسك ..
نتوه في ظنونا .. نحسبا ..
نلوم حروفنا .. نعاتبا ..
واذا كان كدا ..
نشيلا كلمة تنصفك ..
نختها دمعة تتأسفك ..
ارجع تعال ..
لي ناس حنان ..
راجين عيونك وطلتك ..
راجين عيونك .. شان عيونا ..
راجين صباحك وفرحتك ..
ارجع تعال ..
صلاح / شتات
يا مطر .. وين جورج؟
يا جورج .. وينك انت .. طال غيابك؟
|
Post: #231
Title: Re: جورج -- دى كفك ولا غيمه
Author: شتات
Date: 05-05-2004, 05:23 PM
Parent: #223
يا بت يا نيل ..
نذوب .. نتلاشي
في ضوء القمر ..
قال المطر ..
استجمع جهدي .. ألملم قطراتي ..
أهديها عبراتي ..
قاصدا عهدي ..
قدري بين الجو والوردِ .. ولا أحذر ..
تلك المسافات .. أعبرها ..
سفرا ..
خطرا ..
جسرا ..
وهذه الفضاءات أنظرها ..
عمرا ..
فجرا ..
سحرا ..
وعلى صفحة الورد ..
أضع بصماتي .. أترك ذاتي ..
وأكسب هويتى ..
كل الود ..
يا بت يانيل .. يا روائع
صلاح / شتات
|
Post: #232
Title: Re: جورج -- دى كفك ولا غيمه
Author: THE RAIN
Date: 05-05-2004, 05:49 PM
Parent: #1
شجن من عمق خزانة العشق
مهدى إلى جورج، وهو يتأبط الغياب
إلى شتات، وهو يتوسد الأمنيات، ويهدينا رحيق الكلمات
وإهداء، إليها، حيثما إحتوتها أمكنة، حتما تسعد بها
بين عينيك وبينى
أينع المدى
امتد جسرُ الشوقِ
موكبا و كرنفالْ
يزفُ طيفكِ الشهى
للهفتى اليتيمة
بينى وبينكِ
زهوُ النداءِِ
انتشاءةُ الصدى
قصيدةُ الليلِِ الموشّى
بصندلِِ الوصالْ
وأحرفُ الرسائل
الحميمة
بينى وبينك
تفتح الخريفِ
ووعدُ غيمةِ ضنينة
لهاثُ مهجتى
على مداخلِ الندى
فى مسامِ صبوتى
وفى دمى
أراك حولها
وريفةً مضيئة
أستدينُ منكِ أنجمى
وتستعيرُ من ضياءك المدينةْ
وحين جمرُ العشق
تحت الريحِ ينسينا
مرافئ الوصولِ و الإيابْ
تزورنى مواسمُ الصبابةِ الطوالْ
شهقةٌ الحنين فى جزائر السراب
أرتوى بسحر مقلتيكِ
أعب من نواهلِ الخيالْ
إغفاءةُ الأحلامِ
فى وسائدِ السهاد
عيناكِ
يا حجوةً قمريةً البهاء
تزيدنى إندهاشا
وتزداد بعمق سحرها
إندهاشة الضياء
عيناكِ تضئُ
وحشة المدارْ
واللقاء قد بدا
بنفسجاً يغازلُ الندى
يلونُ النهارْ
ويحَ درب سندباد
من خطىً تهيم فى دوارْ
ينامُ فى عروقها الكفافْ
ويح دربه الخواء
ضجةٌ تضيعُ وسطَ صمته الهتافْ
تستقرُ فى دمى
ولوعتى الأليمة
بين عينيكِ وبينى
خضرة الديار
نشوةُ الحقولِ
فى مواسمِ القطاف
رقصة النهرِ المغنى
وقبلةُ المياهِ للضفافْ
وحضنُ موجةٍ رحيمة
بينى وبينكِ
معارجُ البكاءِ
رحلةُ البراقْ
صوبَ وجهكِ المزارْ
بينى وبين منيتى
توسلٌ يؤججُ الشغافْ
يصلبُ الجوابَ
فوق شرفةِ المحالْ
تموت فى رؤاى شهقةُ السؤالْ
بينى وبين منيتى الأفولْ
دهراً شرقتُ بالغناءِ بالنشيد
خذنا يا ليلُ
نحو عشقهِا الهطولْ
خذنا يا ليلُ
نحو وعدنا الوصولْ
فأنا ووجدى الشريد
فى ترقبٍ نرتّب الفصولْ
فى انتظارِ مطلعِ السناء
انبلاجِ فجرها الصفاء
ووعدنا مسمر
على مسارح الذهول
معلقٌ على شواهدِ البكاء
|
Post: #233
Title: Re: جورج -- دى كفك ولا غيمه
Author: شتات
Date: 05-06-2004, 03:46 PM
Parent: #232
في درج الانتظار ..
تتوافد قافية السكون ..
تتوشح اللحظةَ العطشى ..
تمسح الآفاق ..
ترنو لهمس الريح ..
تعانق المدار ..
ينفتح الجدار ..
لقوارب الخيال ..
تتهادى بين أبيض العين ..
وحبة السواد ..
بين عمق المدى ..
وزرقة الأنهار ..
مغروسة في عمق الروح ..
سارية الجنون ..
ترفرف بشهيق اللهفة ..
ارتجاف اللفتةِ ..
وارتعاشة الظنون ..
لا ..
ستعود ريحانة القلب ..
إلى أريكة الملك .. تتنهد الأشواق ..
وتنفخ اكسير البداية .. ينتفض الكنار ..
ستعود ..
من شوارد الوجد ..
من فواصل الغياب ..
ستعود كما يعود بعد ليله النهار ..
ربما كانت في ضفاف التلاقي ..
تجمع حبات الذكري والصدى ..
وتكحل عينيها بذلك السحاب والمدى ..
وتردد مع المدى ما ترددا ..
ربما كانت تنسج مناديل العيد ..
لكنها حتما ستعود ..
صلاح / شتات
يا جورج .. يا مطر
لكم هذه القافية .. تفيئوا ظلالها .. وأنا سأنتظر تحت الشمس ..
وتشكر يا مطر على القصيدة البديعة .. والمذهلة ..
|
Post: #234
Title: Re: جورج -- دى كفك ولا غيمه
Author: شتات
Date: 05-06-2004, 04:03 PM
Parent: #233
Quote: لو أوصفوك بالبدر .. أو بالزهر ..
هم ما أنصفوك .. |
ياااااااااااااااااااااااااااااه ..
يا لفرحتي ..
ويا لتعاستي ..
كل هذا الجمال ..
كل هذا الرحيق ..
من أين لي؟
من أين لي حرف يأوينى؟
من أين لي قافية تحميني؟
من أين لي جبل يعصمني من هذه الأمواج .. هذا الهديل؟
يا ملائكتي .. ويا شياطيني ..
يا فرحي .. ويا جنوني .. أسعفوني ..
بكم أستجير ..
وأنا .. أحتمي بك منك ..
من ضيائك .. أتدثر بنور عينيك ..
وليتني آتيك في صهوة شعاع ..
أو قطرة ندى ..
أو عصفور يهبط بين يديك ..
ليتني كنت الصدى .. أتردد أغنية في أذنيك ..
أو قافلة من ربيع ترسو في شاطئيك ..
راحل أنا منك .. إليك ..
مكتوب في صفحة النيل .. أتهادى في مياه الرحيل ..
تحملنا نسماتك حمامة تهفو للضفاف ..
آتيك من فجر العصور السومرية ..
من روابي الحدائق البابلية ..
من عيون القصائد "العبقرية" ..
أسافر بلهيب الشوق .. ونداوة الذكري ..
أعبر جسدي وما وراءه من فكرة ..
أتلفَّـح المدى ..
وفي يميني غمامة لهفى ..
ونسمة صديقة ..
قادم اليك ..
رحلة من أزمان سحيقة ..
وحتما سألقاك ..
صلاح / شتات
|
Post: #235
Title: Re: جورج -- دى كفك ولا غيمه
Author: ملكة سبأ
Date: 05-07-2004, 10:50 PM
Parent: #234
فـي إسبـوع الحـب
فووووووق
وعوافـي اهـل الحـوش
الضـوا فـي كـل النفـوس
حُـب تحـت كـل الشرائـع والشعائـر والطقـوس
الوجـود قدامـو رائـع
خالـي مـن صرمـة وفجائـع
العصافيـر التطالـع فـي كتـاب الصبـح طالـع
النـدي فـي سرابـو ناقـع .. الزهـر يادابـو فاقـع
إنطلـق للحلـة شافـع شـال بشـارة يـوم جميـل
الفراشـات للأصيـل ... والبنفسـج للشفـق
أملـو عينيكـم غميـد .. ضمـو لـى ليلـكم شديـد
ضمـو بي عـد ماوسـق
لا تجموهـا (الحـروف) لا ترمـوه (الـورق)
المطيـرة الفـي وشيكـم .. هـبّ نسّامـا وبـرق
يامطـر ياغيـم حبابـك
خـدّر (البـورد) المعوبـس بـلّل التعـب التشابـك
روحنـا شبـت بالمحبـة وتاوقـت برقـك سحابـك
ايـوة يامطـر المحبـة الديمـة كايسيـن لترابـك
** وسلامـات سيـدي مُحمـدالحسـن ود سالـم ***
** وسلامـات ياناسـا بطاقتـي عويناتـا **
|
Post: #236
Title: Re: جورج -- دى كفك ولا غيمه
Author: صديق الموج
Date: 05-07-2004, 11:22 PM
Parent: #235
جورج..المطر..شتات..ملكة سبأ..خالد..معتصم..واخرون
حروفكم صارت وردا نلوكه بعد كل صلاة....فهاتوا اورادكم انى شئتم
كيفما شئتم...وحيثما شئتم.. ونحن هارون الرشيد ياتينا خراجكم
متى هطلتم ايها الناس السحاب... وليفعل بنا ما يفعل هذا الصبيب!!
فنحن ليس باحسن حالا من ودالرضى حين قال:
غور يا جرح ان شاء الله ما بريتا،،،،
|
Post: #237
Title: Re: جورج -- دى كفك ولا غيمه
Author: شتات
Date: 05-08-2004, 04:57 PM
Parent: #236
ليه كدة ؟
عصافيرك عصافيرى ..
لما يتلاشى المكان ..
شالت من عينينا حبة ..
أخدت من قلبينا دمعة ..
هبت من روحينا هبَّه ..
مزروعة في شاطيء الأمان ..
أماني في أمانا ..
حياتي في حياتا ..
مماتي في سكونا ..
شتلة الشوق والحنان ..
كلمتنى عنو ..
كلمتني عنك ..
عن روحنا البقت في جناح عصفور ..
فارَّة منى وفارَّة منك ..
ما في واحد يقدر يجيبا ..
أو يناور أو يسيبا ..
حتى لو حفَّـاهو جـان ..
وبرضو تسألي عن أمان ..
عن مدارنا هل تنكر ..
جافَـى مرة أو مرة خان؟
وعن عيوني المهاجرة ..
راحلة بالشوق اليك ..
فيها قلبي .. فيها قلبك ..
عصفورين من زمن ..
بره أسوار الزمان ..
وبرضو تسألي عن أمان ؟
لو فرَّ قلبك .. فرَّ لي ..
لو فرَّ قلبي .. فرَّ ليك ..
عيشو بيهو انت لي ..
وأعيش بيهو أنا ليك ..
نحيا في صدر الموجة شهقة ..
أو نموت في قاع الجنان ..
وبرضو تسألي عن أمان ؟
ليه كدة ؟
صلاح / شتات
جورج .. المطر .. تحياتي وراجعين انشاء الله
صديق الموج .. أشرب موية واجيك ..
|
Post: #243
Title: Re: جورج -- دى كفك ولا غيمه
Author: THE RAIN
Date: 05-09-2004, 07:00 AM
Parent: #236
صديق الموج
كيف الحال ايها الإنسان الحقل، يا من تهب النماء والخضرة والجمال
يأتينا غيثك على حين إنتظار منا، فتبتل العروق وتسيل جداولا من إلفة طيبة، كما طيبك أنت، فلا تطل غيابك عن أرضنا، فكل هذا الجدب ينادى وينتظر عميم دفقك النمير
سلمت يا موج السماحة الكريم
|
Post: #242
Title: Re: جورج -- دى كفك ولا غيمه
Author: THE RAIN
Date: 05-09-2004, 06:57 AM
Parent: #235
بلقيس
سلام عليك يا عالية العروش والمقام
ولتعذرى تقصيرنا فى أداء فروض الحضور، وتقديم قرابين الإحترام والتقدير لمقدمك البهى
فقد كانت الأشواق فينا، تقاوم كدر الوقت وغبن الفرح الذى يتم إغتياله نهارا هنا فى صحن المنبر الجليل
ولكن تأبى النفس إلا أن تعاود مقاومتها لقوى القبح
وأنتِ تقودين جيشنا، ملكة وقائدة وسيدة على وجه أرض الجمال
ومرة أخرى سلام وود إليك
|
Post: #238
Title: Re: جورج -- دى كفك ولا غيمه
Author: THE RAIN
Date: 05-08-2004, 05:49 PM
Parent: #1
الأحباب الأعزاء
سلام عليكم يا رفقاء النقاء، ويا ضوء المحبة
أحاول أن أتوكأ على عذرى، أو إعتذارى، لآتيكم مطأطأ القلب وخامد الروح، أحاول الهروب الى داخل مسام الإنزواء، هربا منى ومن هذا القبح الذى نشر جناحيه فوق ساحتنا الزاهية، وها قد عاد "المنبر" سيرته الأولى، تلطخ وجهه بكدمات السباب، وفقئت عيناه بأصابع الكراهية البغيضة
ها هم "إخوة يوسف" قد عادوا، وقد دفنوا صفاء النفوس مع "يوسفنا" فى قلب جب التباغض والتنافر ومر الكلام
سعيت جاهدا طيلة يومين أو أكثر، أن ألج الى أى مكان هنا فى "المنبر" فلم تطاوعنى اللحظة، وتعثرت الكلمات وسط جلاميد مسننة الحواف، كلما حاول الحرف المرور عبرها، إنغرز فى جسده رأس رمح مسموم
أظن أنه ولنفس السبب، غاب كثيرون من على شرفات الجمال وإنزوت وجوه ناصعة الطيبة الى ما وراء كواليس الحزن، وأطن أيضا أنه ولنفس السبب غاب عنا وعنهم وعنه، الحبيب "جورج" وآثر البعد أو الإبتعاد
ما بال هؤلاء القوم يعفرون القلوب برغام القبح هكذا، الم يعد ثمة متسع لكلمة خضراء فى دواخلهم، بل كيف تتجرأ الروح فيهم على أن تصيغ أو تلفظ مثل هاتيك الكلمات الأشواك؟
ولله فى خلقه شئون
سوف أعود، محملا بكل ورود الإلفة، ومتشحا ببردة الجمال التى ألبستمونا إياها، وستتحد كل الحواس والدواخل، تقف صفا مرصوصا وقويا لصد الوجع والحزن عن النفوس، ولغرس شتلات الود والطيبة السمحة المخضرة وسط الناس
فهيا هيا، لا تدعوا جحافل ظلام القبح والبغضاء تجتاح أرض المحبة، وليعد راس المنبر مزينا بتاج المحبة، مرفوع الهامة فوق ذرى الجمال والإنسانية الحقيقية
عجبى لهؤلاء الناس
حتى حين يكرهون، لا يجيدون ذلك
|
Post: #239
Title: Re: جورج -- دى كفك ولا غيمه
Author: يا بت يا نيل
Date: 05-08-2004, 06:09 PM
Parent: #1
المطر:
(ذكرتكِ
هممتُ بفتحِ بوابة البكاءْ
فى مدائنِ الورودْ
فى موسمِ المواجعِ الطويل
هممتُ بدعوةِ المسافة
أن شاركينا نخبَ يُتْمِنا
فاليومَ
إما أن نصادقَ العويل
أو نعود
سكبَ المساءُ أنينَ بوحِهِ
على ملاءةِ القمرْ
وهمّ بى
حينها
سحبتُ شوقىَ الصهيلْ
من جلبابه القديم
طرحته على موائدِ السهر
تأوهت عواجلُ الحنين شهقةً
يا قلبهَا الحجرْ)
شتات
وجورج
كل عام وانتم الحب
|
Post: #240
Title: Re: جورج -- دى كفك ولا غيمه
Author: يا بت يا نيل
Date: 05-08-2004, 06:17 PM
Parent: #1
ذكرتك
أنات المساء....
وبكاء المطر...
على ملاءة القمر...
ذكرتك
موائد السهر...
شهقة الحنين ...
من جمرة الشقاء..
وقلبها الحجر....
ذكرتك...
مدد ظلال روحك ....
في الصباح المباح..
نادي الفراغ..
اسكب هاهنا..
موسم الوجع الطويل..
والصياح....
اسكبه هاهنا....
ضجيج الغناء..
ميت الروح و المنى..
يدخل اليك..
صافي الغناء..
من فرح الياسمينة والسوسنة
|
Post: #241
Title: Re: جورج -- دى كفك ولا غيمه
Author: جورج بنيوتي
Date: 05-08-2004, 09:05 PM
Parent: #240
يتها الياسمينات : بيضاء وبضَّه..
طبع الفيروس قبلتان وعشره على خد جهازي
وأنامه خدرا طويلا ..
أعود من طرف قوس قزح وعلى راحلة من مطر القيام
وأكتمل حرفا في هذا الزخم..
المطر : أمت فيا قهر السنون وأعدتني ناضجاكما الزهرات
الأولى في كتاب الأرض ..
شتات : أمنت لي نورا به تستهدي الحروف ويعلق في مسام النظر
الملكة: تقاسمت معي شكل الضياء وعطرتيني بماء وردة تنبت في
سماوات الملوك...
الآخرون : الأولون في سبق الكلام، قواسم النضرة والبهاء..زنابق
من عيون الملائكة...
وثمة بوحٍ وبوح...
رويدا، رويدا، ينصلح الحال وأعود مواكبا هذه البهجة... وفي
زي العذارى.
|
Post: #245
Title: Re: جورج -- دى كفك ولا غيمه
Author: THE RAIN
Date: 05-09-2004, 07:25 AM
Parent: #241
جورج
عاد الحبيب، فعاد الإيراق الى أوراق شجرة الود، إنتشت الأغصان، وغنت النسمات لحن الفرحة الأولى، رقص القلب، رقصت اللحظات
خفنا، ليس عليك، بل علينا، فأنت لا خوف عليك، فأنت مقيم "إقامة عسيب" داخل حصون المحبة الراسخة فينا، خفنا علينا أن يطول الغياب، فتتراكم وحشة المكان وإبتئاس الزمان، فأنت الضوء، والعطر والمعنى ، أنت الصدق ووعد الخصب وكرنفال التفتح العميم، لكل مواسمنا المجدبة
شتات
يا تاج المحبة المرصع بنضارة السمو
يا ايها المنساب عبر سهول العشق، نهرا يهب طمى الحياة وهواء النفوس، يمنح عذوبة المعانى، فيتحول أجاج الملح فى شرايينا الى كوثر دفاق
"قول لى معتصم، الصورة نزلناها خلاص، خليهو يعمل منها نسخ، ويبيع منها فى البطحا"
|
Post: #244
Title: Re: جورج -- دى كفك ولا غيمه
Author: THE RAIN
Date: 05-09-2004, 07:12 AM
Parent: #240
البنت
كتاب أناشيد النيل
ضفة تحوى صفحات الفرح الأزرق
يا من يعيد فينا كتابة كل تواريخ الأشواق، وكل المعانى
عليك صباح وردة صبية بيضاء، ترتاح على خدها، حبة طل وندى ويتلوان معا، ترتيل الإشراق
تبتل الشهقة، ويذوب حزنها، حين القمر يسكب رحيق ضوءه حروفا
وجمرة الشقاء تستحيل باقة من برد وسلام وعشق، حين تتراءى لها أطراف أجنحة طائر، جاء ليحمل موقد الشوق، ويطير به الى حيث جنات الوعد النبيل، والفرح السلسبيل
ويختلط الغناء مع البكاء، ولن يبين حزن المطر، فكل إنهمار هو دمع، تتشابك فيه خيوط الفرح مع معاناة المسافة والإنتظار، فالمسافة تتراءى بعيدة وقاسية، بين حضن السحابة، ووجه الأرض الندى
لكن، دوما ينزل المطر، ينسكب مداده الإلهى على خدود الأرض، ويعم الإخضرار فى مساكن الدم
|
Post: #246
Title: Re: جورج -- دى كفك ولا غيمه
Author: Frankly
Date: 05-09-2004, 11:24 AM
Parent: #244
لكم الشكر .....فوق
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #247
Title: Re: جورج -- دى كفك ولا غيمه
Author: Frankly
Date: 05-09-2004, 02:49 PM
Parent: #246
وكمان .....فوق
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #253
Title: Re: جورج -- دى كفك ولا غيمه
Author: THE RAIN
Date: 05-11-2004, 06:56 AM
Parent: #247
أخانا العزيز
فرانكلى
لك التقدير الكثير والإمتنان، وسعداء نحن بأريحيتك الفياضة، ونرجو دائما أن نكون أهل لمعروفك الجميل
أدامك الله طيبا وكريما
|
Post: #248
Title: Re: جورج -- دى كفك ولا غيمه
Author: شتات
Date: 05-09-2004, 04:25 PM
Parent: #244
| Quote: صديق الموج .. أشرب موية واجيك .. |
تعرف يا موج ..
أنا مشيت أجيب الموية من وين؟
مشيت بحيرة الذكريات .. في الربع الخالي من الأشجان .. وجبت ليك معاي كاس موية تعرف ليه؟ لانو اذا شربتها لن تظمأ بعدها أبدا .. انا دايما بمشي هناك لما تعطش الروح .. لما الموية العادية ما تروي .. ولانو هناك النسيم هابي من سواحل الريد والعصافير جايبا من مهاجر الرحيل كل سيمفونيات الدنيا ..
تعرف يا موج لما أمشى هناك الدنيا بتبقي معنى وطيف فوق فيزيائية الجسد وقوانين الطبيعة والواحد بيبقى اثنين والاثنين بتبقى واحد والخيال يبقي حقيقة والحقيقة بتاخد اجازة وممكن تكون اجازة ابدية .. وهناك بتبقي قريب جدا من سرية الحياة واسرار الطبيعة .. قريب من أعماق الحقيقة الربانية العظمي ..
المهم مشيت هناك لقيت جورج يفتل في حبال الشوق عشان يربطنا بيها .. جورج دا عامل فينا عمائل عجيبة جدا! .. تعرف يا موج وانت رجل بتعشق الحقيبة .. جورج دا بذكرني أبيات أغنية الحقيبة البقولوا فيها :
يا مداعب الغصن الرطيب ببنانك ازدهت الزهور
زادت جمال ونضــــار وطيب ..
دنت الثريا بقت قريب بين السلوك في تاني دور
والقصة دي الظاهر كانت يوم الكريسماس وتاني دور دا أعتقد كان في حي الزهور زمان .. والملهمة صاحبة القصة أعتقد انها قبطية .. من النوع اللي بيذوب الشمس .. دا جورج يا موج ..
طبعا مشيت هناك لقيت ليك المطر .. وطبعا تلاحظ انو في علاقة ازلية بين الموج والمطر .. زي علاقة الموج وضفة النهر . المطر دا يا موج .. قطرات اتجمعت من الشوق و المحبة والري والريد وبقت سحاب لونو ابيض زي قلوب الامهات والأطفال والاصدقاء والعشاق والمحبين .. سحاب أبيض زي عيون الريل والمها وبنات النيل .. ولما يصب في البحيرة بينزل رزاز منعش .. رزاز من صفاء ونقاء ودعوة لي كل معاني الحياة .. عشان كدة الناس بتحب المطر ..
جلست هناك .. في تل الأماني زي عصفور من زمن خرافي .. أو زي اسطورة من ليالي شهرزاد والف ليلة وليلة .. أو تتذكر المسـلسـل بتاع Beauty and the Beast (فينسـنت وكاثرين) أو (Linda Hamilton and Ron perlman ) .. تعرف ليه؟ لانو هناك موعود بي "حبات المطر" وبى فراشة .. لما جات اتجمعت حوالينا كل جحافل الأصيل وبقى لون البحيرة زي موكب زفاف .. وتسابقت حبات المطر على ميناء الزمن الزجاجي .. فازدوجت الرؤية وتوحدت زاوية الإبصار .. تعرف يا موج .. الفراشة دي أنا مكتوب في جناحا .. وهي ساكنة في تل المنى في أعلي جبال الروح .. والمدهش انو اللوحات الإلهية الجميلة دي "بتجسدنا" .. جسدتك يا أناقة التلاقي .. يا روعة التذكار .. جسدتك الأماني في حواشي الغيمة وظللتك غيوم العافية وغردتك عصافير السعادة ..
وهناك يا موج .. برضو جات البت يا نيل .. نسمة الأمواج الرقيقة .. ترتدى وشاح المساء المطرز بنجوم الهدى في صحاري الليل .. فتوهجت الساحة بسحر اللقاء ..
هذه هي البحيرة ..
ينبع منها نهر التصافي قبل أن يصب في بحر الذكري المتوسط ..
ويحتضن جزائر الوجد ..
فتتساقط شلالات الخيال ..
وتنمو في الشواطي نخلات الفرح الطوال ..
وتترامى في الأطراف رمال الإلفة ..
فترى تبر العشق الأبدي ..
يتلالأ في مقرن الأرواح ..
يا أيتها البحيرة ..
يا حفيدة الشوق الطويل ..
يا طيف المعاني الرحيب ..
من ينابيعك يحيا الأمس ..
يتوهج اليوم .. تلوح بشائر الغد ..
ينتفض الزمن كعصفور بلَّله الندى ..
إرتعاشة بعيد في دهشة حبيب ..
نأتيك كلما اتسعت الخطوة ..
وتقاصر المشوار ..
كلما فاض اللحن ..
ولم تحتويه ضفة الكنار ..
يا أيتها البحيرة ..
تمددي .. لا تترددي ..
أنت من يحيَّينا ..
ونحن نحييِّ من اصطفاك ..
يا موج .. تلك هي البحيرة ..
كل هؤلاء كانوا هناك ..
وتصور كيف يكون الحال؟
صلاح / شتات
|
Post: #249
Title: Re: جورج -- دى كفك ولا غيمه
Author: Abd-Elrhman sorkati
Date: 05-10-2004, 12:44 PM
Parent: #1
يامطـر ياغيـم حبابـك
خـدّر (البـورد) المعوبـس بـلّل التعـب التشابـك
روحنـا شبـت بالمحبـة وتاوقـت برقـك سحابـك
ايـوة يامطـر المحبـة الديمـة كايسيـن لترابـك
يا لهذا الالق0000
انها أنشودة المطر000 مرة أخري
وبوست القرن
سلمتوا جميعا
|
Post: #250
Title: Re: جورج -- دى كفك ولا غيمه
Author: جورج بنيوتي
Date: 05-10-2004, 12:54 PM
Parent: #249
Frankly
وعبد الرحمن سوركتي ...
أمطرا، يتنادى الهمس فيناللصياح..
شكرا لما اندلق من كأس المحبة هاهنا..
هاهو ذا المطر
وها هو ذا " صلاح " الأمكنه.
عنهما: ودا ومحبة إلى أن يجيئا.
|
Post: #251
Title: Re: جورج -- دى كفك ولا غيمه
Author: Tumadir
Date: 05-10-2004, 03:12 PM
Parent: #250
كلما اعبر من هنا
احس برزاز العافية
والعيون الدافية
امطرونا عطرا
ولا تنقطوا.....
|
Post: #255
Title: Re: جورج -- دى كفك ولا غيمه
Author: THE RAIN
Date: 05-11-2004, 07:10 AM
Parent: #251
تماضر
يا سفيرتنا المزينة بالإبداع وأناقة اليراع
كيف الأحوال
إفتقدناك والله الأيام الفاتت، وزى ما غنى ابراهيم عوض، نشتاق ليك وإنتى معانا، فكيف بالله لما تغيبى من المنبر ومننا
وكلما جيتى مارنا بى بيتنا، تتشابا الورود فوق الحيطة تستناك، ونحن بى جوا، تلقينا قاعدين فارشين ليك رمل المودة، مرشوش بى بالترحاب والفرح الجميل، زيك
|
Post: #254
Title: Re: جورج -- دى كفك ولا غيمه
Author: THE RAIN
Date: 05-11-2004, 07:06 AM
Parent: #249
العزيز
عبد الرحمن سوركتى
والإسم يشى طبعا بعبق نخيلى، مثل ذاك النابت على جداول الشمال الطيبة، لك التحية والود الأخضر
سوركتى طعم النيل شمال
طامح تسابك
جيت ياالمبوبح زى نخيلنا
وبالكرم تريان سرابك
جاى زى فيض الخريف
برقك خبت والقبلى جابك
ابقنا ألف مرحب
عبى هينك وهاك شرابك
|
Post: #252
Title: Re: جورج -- دى كفك ولا غيمه
Author: يا بت يا نيل
Date: 05-10-2004, 06:20 PM
Parent: #1
الرائع the rain
وان بقرى وبحاول الملم الفاتني وقفت على دكرتك..
وفضلت القصيدة في بالي فترة..ولانو بتفوت علي حاجات كتيرة...
ببدا اقرى واقرى في نهم..
بفتح البوست ...
يا جورج دي كفك ولا غيمة..
يا جورج دي غيمة ام سماء..
....
وبجيني شتات بتوقف هنا
اقرا واستغرب وارجع
تاني للكلمات
نتحسسك ..
نسأل فيك المكان ..
نتجسسك ..
صوتك هنا ..
يتنفسك ..
نبضك هناك ..
مسموع هنا ..
.......
زي مانو زول في اعلى التل بينادي ويرج الصدى...
وقلت لي غناي خلاص....
يا سلام
شتات انا كنت فعلا معاكم ...
كانت الصحرى جنائن
وكل الناس المعانا ..
كانوا ملوك للفرح...
كانو والصفاء...
نجوم منتقاة...
|
Post: #256
Title: Re: جورج -- دى كفك ولا غيمه
Author: THE RAIN
Date: 05-11-2004, 07:19 AM
Parent: #252
يا بت/نا يا نيل/نا
إنتى فينا وديما معانا
نيمة حوشناالنديانه
ألق الفرحة المزدانه
ضو للخطوة الضهبانه
نغمة بهجة نشيل الحانا
وبيك تكتمل اللوحة، وتتوهج ألوان الحديقة، ويكبر فرحنا
|
Post: #257
Title: Re: جورج -- دى كفك ولا غيمه
Author: شتات
Date: 05-11-2004, 06:06 PM
Parent: #252
قلت ((((زي مانو زول في اعلى التل بينادي ويرج الصدى...))))
يا بت يا نيل ..
تعرفي "يرج الصدى" دا تعبير في منتهى البلاغة والشاعرية .. معناها نجيب ذكرياتنا .. مشاعرنا .. ريدنا .. حبنا وننفخ فيها من روحنا وتتشتت في جزيرة في وسط النيل .. ونبدا نلقطها حبه .. حبه .. ممكن نلقاها وممكن لا .. والرحلة بتكون طويلة .. موج و بحر .. ريح وشراع .. تتذكري همنجواي "العجوز والبحر" والصراع الطويل .. أو هيرمان ميلفيل "موبي ديك" وقوة العزيمة .. وممكن نصل الجزيرة وما نلقي أي شي .. لكن نلقي زول واحد عندو كل الأشياء الضائعة زي ابن الطفيل في "جزيرة الحقيقة" أو حي بن يقظان تتذكري لقي مين هناك .. وجد الله تعالى متجليا في الجزيرة .. ممكن تلقى زول يعطي الحياة معنى وقيمة .. زول واحد خليط .. شايل من المطر عطاءه ومن جورج سماحتو ومن الملكة نداها ومن يا بت يا نيل رقتها .. زول بتكوين وروعة هذا المشوار .. زول فيهو كل الدنيا .. بحارها .. انهارها .. فضاها .. صحاريها .. سحرها .. ضياها .. جبالها .. غاباتها .. زهورها .. وبراعمها المتفتحة دوما على مناخات الحياة الأربعة .. نتعلم منه كيف نرى القطرة بحر .. وكيف نغسل الروح بالدموع .. وكيف نعبر الجسر في شعاع .. وعندما يغيب ربما نذهب في بيات شتوي أو صيفي .. أو ربما في اجازة عن الحياة .. حتى يعود ..
حتى يعود .. حتى يعود ..
يعود من وراء الرؤى والضباب ..
روحا تسعى بالحنين ..
تقفز اللحظات .. ترقص سنابل النور ..
يعود بالود القديم .. بالشوق الجديد ..
بسنا الفجر العائد من استدارة الغروب ..
بكل ما تهوى الأماني المترفة ..
بكل ما أبقى القلق الصديق ..
يعود وفي وجهه ملامح ملاك من جنان البحر ..
يعود .. يهتز المدى ..
هذا أوانك يا ضفائر الشوق ..
بعثريها يا رياح ..
ارسليها وارسلينى .. واعبثي ..
يفيض الشرق .. والصباح قصيدة يتيمة الضحى ..
يرحل الغرب .. والمساء طائر كسير الجناح ..
يتساقط المساء في جروف السكون ..
نداعب الذكري .. طفلة في أصابع الميعاد ..
تتراكم الغيوم في موكب الغياب ..
تطوف جحافل الضجيج في صمتنا الهزيل ..
كم طائر غرد باسمه ..
كم وردة ألقت بالندى ..
وكم شمعة أنارت ضوءه المفقود ..
أي الأماني نكتبها؟
أي الأماني نقرأها؟
وها نحن ..
نجلس مع الأحلام في شواطئ المطر ..
عند ملتقانا الحزين ..
نرسم السحاب .. نناجي النسيم ..
نحِنُّ لعروس البحر ..
نلبس تاج الضفاف ..
يتمدد الفراغ .. يحاصرنا الدوار ..
لكنَّ طرفك المضيء .. الباقي في عيون الورود ..
ينبئنا بعودة الربيع ..
ولما يعود يا بت يا نيل .. نزرع كل يوم غياب بذرة في تراب الجزيرة .. ولما تقوم الشتول كل واحدة تبقي نبتة حضور .. ويتحول كل الانقطاع لتواصل .. وتبقى الجزيرة تذكار جميل .. ولما نرجع نلقى المطر جمَّع كل السحاب عشان يعزف لينا "أغنية الخريف" ..
أفردنا للسحاب ذراع ..
حقلا من رجاء ..
جادته الغيوم بوابل من مطر ..
هبَّته السماء .. بنفحة من رضا ..
تزحف الأرض باللقاء ..
تنفتح ينابيع الحضور ..
يتقاطر المسـاء ..
في عينيك يكبر الرجاء ..
وفي عينينا يرتج "الصدى"
..
أليس كذلك ؟
ونلتقي ..
صلاح / شتات
|
Post: #258
Title: Re: جورج -- دى كفك ولا غيمه
Author: THE RAIN
Date: 05-12-2004, 09:04 AM
Parent: #1
شتات
وكل مريدى الحضرة الجورجية البهية
ومع سريان نسمات الصباح الصديق
نتأبط الأشواق رفقة وأمنيات، ونأتيكم، يزهو فينا صبا اللحظة وتتقافز عصافير السرور، تغنى مقاطع اللقاء، يدوزن وقعها همسات الورود، وتنضم الحروف لموكب السنا، وتصبح ورودا، ونصبح نحن كما الأشجار، حلقة وصل بين أرض مترعة بخير النفوس، وسماء محتشدة بأطياف المحبة
فضاء ملون بوجوه تحمل قسماتها ضوءا سماويا زاهيا، وحيث تلفتت العيون، تجد وعدها الخصيب جالسا متربعا فوق ساحة زرقاء، غستعارت اللون من سماء الصدق الثامنة، إكراما لجلال الوجوه وعظمة اللقيا
مع سريان نسمات الصباح الرفيق
ترتدى الكلمات حلة عيدها اليومى، تدخل القلوب، بيتا بيتا، وتمر على مدن الروح، شارعا شارعا، تأخذ هذا بالأحضان، تلوح لذاك بأكف البهجة، تجلس مع هؤلاء لتحتسى بعض أقداح من قهوة المودة، وتدخن الأغنيات لفافات من تبغ الطرب، وينتشى الوقت، يوقف كل ثوانيه المتلهفة لإضافة الخصم اليومى من حبات مسبحة العمر، إكراما لحضرتكم الطيبة
مع سريان نسمات الصباح الوريق
أكتب الأسماء على لوح من طين الجسد، وأعلقها على غيمة مسافرة عبر شرايين المحبة، لتهب الناس تلكم المحبة، تهطل حيثما تلاقت أرواح وسمت، وارتقت الى مصاف الأملاك
|
Post: #259
Title: Re: جورج -- دى كفك ولا غيمه
Author: معتصم دفع الله
Date: 05-12-2004, 12:03 PM
Parent: #258
المطـــــر ..
كأسين .. الشوق والحب ..
|
Post: #260
Title: Re: جورج -- دى كفك ولا غيمه
Author: THE RAIN
Date: 05-12-2004, 02:51 PM
Parent: #259
معتصم
كاس مليانة مودة
إسمك وطعمك
ونور معناك
كاس فى رقة وردة
شايله عبيرا
سماحة وفيره
بتتمناك
كاس منك تتمدا
دفقت ريد الناس الكبا
جايبة الطيبا
غرست فينا محنة
وشتلك فى جوانا محبه
ده الكلام الكان هناك فى حديقة المحبة والأشواق بتاعتك
أما كلامنا هنا
كاسين إتنين
والمعنى الكامل
دائما اتنين
جنة ونار
اتنين
ليل ونهار
اتنين
غنا وأوتار
اتنين
الريد الواصل
بين قلبين
المطر الهاطل
وديمه حزين
شايل مرسال الفرحة
عديله وزين
من السما للواطا
ربط الإلفة
بين الإتنين
أجمل ما فى اللوحة يا معتصم، أناقتها المفرطة حد الطرب، ولا يعيبها سوى ذلك الوجه البائس والحزين، القابع بين جنبات الإطار الشاعرى
دعه يستجم هناك لديك، فلعل قليلا من الفرح الحقيقى، يتسرب الى مسامه
فيبتسم
وعاجز عن الشكر والله لتجميلك حياتنا بإبداعاتك الحلوة
دائما اتنين
عيون الناس الحلوه
اتنين
|
Post: #261
Title: Re: جورج -- دى كفك ولا غيمه
Author: THE RAIN
Date: 05-12-2004, 02:56 PM
Parent: #1
ساحات "الحيشان" بدت عابسة وبدأ الإخضرار يضمر قليلا فيها، أو أحس بها وقد بدت عطشى وظمآنة للإرتواء من أكف الأحباب الأعزاء
جورج البحر
وملكة سبأ، بلقيسنا الحديقة
آمل أن يكونا كما نتمنى لهما، من عافية عميمة وسعادة فياضة
وحقا نفتقدهما وتفتقد الكلمات نضارتها وعذوبتها التى تسيل من دفقهما النمير الجميل
ونحن، ومعنا الأشواق، نصلى ونبتهل، نرجو عودتهما، ليتواصل مسير النهر، وصولا حتى قمم وذرى الجمال اللانهائى المطلق
ولهما المحبة والمعزة والتقدير كله
|
Post: #262
Title: Re: جورج -- دى كفك ولا غيمه
Author: شتات
Date: 05-12-2004, 04:59 PM
Parent: #261
رباها .. يا طريق ..
مداها .. يا سماء ..
نلقي الرمل ..
ننثر الرؤية ..
في مدى الأمس ..
وذات اليوم ..
في مدارج الرجاء ..
نراها ..
قافلة من سنين ..
تعود ..
بعد ارتحال الصحاري ..
وعندما تؤوب الرياح ..
لأحضانها الأم ..
تعود باللقاء ..
نراها ..
في نبض الحياة ..
وفي ظلال الأشياء ..
في بريق اللهفة ..
في وقار الشجن ..
نراها ..
غادة ..
في خطوط الآفاق ..
في مربع النجوم ..
وفي دوائر الصدى ..
نراها ..
هل ..
كيف ..
ومتى ..
وكما تشاء ..
يا غصنا تأود وانثنى ..
مالت بهيبته الرؤى ..
ثم انحنى ..
ليكتبنا في الفراغ اسما ومعنى ..
ينادينا صبحا ويهدينا الضحى ..
ويا قمرا دنا وتدلى ..
ثم ألقى إليَّ وشاحا من بهاء ..
مفتاحا للصباح .. وخاتما للمساء ..
وكما تشاء ..
نبقى أو نرحل ..
نزرع المنى أو ندفن الضياء ..
نطير في العلا ..
نعانق التلال ..
أو نغوص في البحار ..
في لجة سـوداء ...
لك الخيار ..
وكما تشاء ..
صلاح / شتات
|
Post: #263
Title: Re: جورج -- دى كفك ولا غيمه
Author: Nada Amin
Date: 05-12-2004, 06:41 PM
Parent: #1
كل يوم أجي أقرأ البوست ده و تتفجر أكوام سنابل روحي المحروقة حقولا خضراء!
و بقيت ماشه و أقول براي جورج دي كفك و لا غيمه
سلام و مودة لمطر الخير و جورج و شتات و ملكة سبأ و كل سكان هذا الكوخ الدافئ الآمن.
|
Post: #264
Title: Re: جورج -- دى كفك ولا غيمه
Author: حبيب نورة
Date: 05-12-2004, 10:31 PM
Parent: #263
فوق
|
Post: #268
Title: Re: جورج -- دى كفك ولا غيمه
Author: شتات
Date: 05-13-2004, 03:01 PM
Parent: #264
حبيب نورة ..
فوق ..
فوق نجما بعيد ضوَّاي ..
نتاوق ليك ..
فوق فرسا أصيل جرَّاى ..
نسافر ليك .
نشيل الخطوة مشوار ريد ..
تفرح بيك ..
نلاقي السمحة نور عينيك ..
تدينا ليك همسة ..
نفتش ليك ..
نلقاك في الفيافي .. رحيل
نخت الفرحة بين يديك ..
نخت الهمسة ..
همسة شوق ..
تطير انت تزيد في النم ..
غناوى اللهفة والنوناى ..
عميق الود
صلاح / شتات
|
Post: #274
Title: Re: جورج -- دى كفك ولا غيمه
Author: THE RAIN
Date: 05-13-2004, 09:29 PM
Parent: #264
حبيب نوره
وحبيبنا
إنشاء الله إنت تتعلا ما تتدلا
ودائما إسمك ومعناك وروحك، فوق، يا زول يا ذوق
تسعد انشاء الله
|
Post: #266
Title: Re: جورج -- دى كفك ولا غيمه
Author: شتات
Date: 05-13-2004, 02:42 PM
Parent: #263
ندى ..
المدى يسبقنا إليك والندى ..
والشوق نسوقه عبقا ..
ما جادت الجنوب أو هبت الصبا ..
ما تاق حرف أو تردد الصدى ..
كله إليك يهفو ..
تحمله الحمائم والقماري والقطا ..
إليك يا ندى ..
تحتفل الخمائل والجداول والربى ..
نسرق العبير من الزهور ..
نرش الساحات بالرحيق والشذى ..
ثم تأتي أنت في موكب الأفراح ..
كميلاد الفجر في الدجى ..
ينطلق الصباح ..
تجرى يارا وريلا ورؤى ..
تأتي "شـذى" ..
تأتي يا ندى ..
تأتي الأفكار والنور والهدى ..
تأتي بنات الثورة ..
ينفتح الحوار ..
ينكسر الحصار ..
تسقط أصنام الخرافة والهوى ..
إليك يا ندى ..
فروض الودِّ ونوافل الرضا ..
إليك حجيج المشاعر ترتدى إحرام اللهفة موعدا ..
ونلتقيك ..
في سحر الربيع ..
في عيون الينابيع ..
في هدأة الليل وفي الصبح اذا بدا ..
والتحية لك ..
في المنتهى والمبتدأ ..
ويا عزة سلام ..
ويا نيلنا ألف سلام ..
صلاح / شتات
|
Post: #267
Title: Re: جورج -- دى كفك ولا غيمه
Author: شتات
Date: 05-13-2004, 02:50 PM
Parent: #263
الغالية ندى ..
تعرفي يا ندى هذا البوست يذكرني برواية شيكوف "الاخوة كرومازوف" ..
يذكرني .. "وداعـا أيها الحزن" وفرانسوا ساغان ..
الكلمة "مبتدأ" .. خبره صدق وإخلاص ووفاء .. خطوط في لوحة .. ملحمة من نقاء ..
والمحبة جملة اعتراضيه في نصوص التناقض والكراهية والغباء ..
يقولون " الحياة محزنة وأفضل طريقة لقضائها التأمل فيها" وأقول أيضا أن الحياة فرح ككنز مفقود مغطي بأكوام ضبابية من الأحزان أو كلآلئ في أصداف .. سهل الوصول كعبير يدلنا شذاها ..
يا سائق السيارة العجوز ..
قف .. المنزل الثالث بعد المنحنى ..
لكنها يا صاحبي لم تعد هنا ..
حيث البيوت دونما عنوان ..
أوغل بنا في رحلة السراب ..
لا تسأل الحادين عن وجهتها .. عن المآب ..
هم هناك يرغبون أصبع النجوم ..
ضاعت معالم الطريق في الضباب ..
حبيبتي لابد أنها هناك ..
تسأل عن رواحل ارتدت من الغروب ..
لا ترتبك .. فقد يضيع العمر في هنيهة ارتباك ..
حبيبتي لابد أنها هناك ..
ها هو أمل دنقل يبحث عنها "حبيبته" .. وجدها هناك .. وحبيبته .. هي الحياة .. هي الفرح المفقود والسر الموجود .. موجود في لهيب الشوق .. في قطرات الحنين .. في ذكريات الأهل .. في الأمل النابض بالحياة .. في خطوط الصباح .. وتفاصيل المساء .. في الطموح .. في النجاح .. في الفشل .. في المعاناة ..
في هذا العالم السايبيري وسط هذه الكوكبة من الأضواء ..
في هذه الحضرة الجورجية المزدانه بوجودك ورزاز المطر .. أرجو أن ترددي معي ومع شوشة .. نردد له:
يكبر في عيوننا شعاع طلعتك ..
يمتد في عروقنا نداؤك السخي بالوعود ..
يوقظنا .. يشعل رغائب الانتظار ..
تفيض أيام اللقاء ..واحة ندية الوئام ..
وأنت مثلما أبحرت في دمائنا ..
سارٍ لشاطئ وغاية ..
مسافر على جناح حبنا المديد ..
تصنع من نجومه حكاية منمنمة .. عميقة بلا نهاية ..
نتكئ على مرافئ التذكر البعيد ..
وأنت كنزنا الفريد .. ضوؤنا في قتامة الأيام ..
هي الأيام يا ندى .. تفيض بالندى .. وهؤلاء هم أصدقاء التلاقي (وأنت أوَّلُـهم) .. هم كالعصافير في فضاءاتها الفسيحة .. توجههم بوصلات المحبة وخرائط الود الصافي .. يجمعون عيدان الأخوة قشة .. قشة ليبنون عالما من جمال .. يحلقون وفي أجنحتهم ترفرف أضواء الأمل والحياة .. يحلقون بعيدا في البحار والصحاري والجذر .. في الصباح والضحى .. يناجون الليل .. يضاحكون القمر .. يكتبون على صفحات الماء .. يسبحون ويلتصقون بالسماء كالنجوم .. نورا يهدى الدليل .. ليلا للعاشق والمفتون .. محرابا للعارفين والعابدين .. لوحة للمتأمل والمحروم .. فيتلألأ عالم من أساطير ..
إليهم جميعــا ..
إلى صالون المحبة .. وصولجان الأحبة .. جورج بنيوتي ..
إلى تراتيل الحب وعواصف الخريف .. أبوذر المطر ..
إلى وردتَـي الضفة .. قطرات الرحيق .. بلقيس ويا بت يا نيل ..
إلى ندى .. ضوءنا المنير في دياجير البعاد ..
إلى كل الذين يرمون بنا في أحضان القيم النبيلة ..
الذين أضاءوا الخيال بنور الجنون ..
المتمددون في القوافي المستطيلة .. في مربعات المعاني .. ومثلث التكوين .. جسدا وقلبا وروح ..
إليكم ..
من القلب ينبوع حب ..
وردة تلاقي ..
وقوافل من حروف ..
ونلتقي ..
صلاح / شتات
|
Post: #273
Title: Re: جورج -- دى كفك ولا غيمه
Author: THE RAIN
Date: 05-13-2004, 09:28 PM
Parent: #263
العزيزة ندى
ليك كل ندى التحايا وكل عطر السلام
حقيقة بنسعد بى جيتك والله ونزداد فرح، وتزداد الساحة بالندى الجميل
شكرا عبيرا
|
Post: #265
Title: Re: جورج -- دى كفك ولا غيمه
Author: Abd-Elrhman sorkati
Date: 05-13-2004, 01:51 AM
Parent: #1
الحلوين0000
كنا غلابة وليل وربابة 000
متلمين فوق قوز ونغني 000
قلنا الصحراء تبتق غابة000
حلم قريب وما هو تمني0000
تنسف فجأة القوز دبابة وفينا غنانا يصن فد صني000
الرائع كما انتم
حميد
|
Post: #269
Title: Re: جورج -- دى كفك ولا غيمه
Author: شتات
Date: 05-13-2004, 03:11 PM
Parent: #265
عبد الرحمن سوركتى ..
غلابة ..
ليل وربابة ..
قوز ونغنى ..
يا سلام ..
يا سلام على حميد ..
يا سلام عليك يا عبدالرحمن .. أيها الإنسان ..
ريشة ..
ضمير ..
وكمان ..
انت والحبان ..
جلسة ونيمة ..
وضحكة شاي ..
ومعاك اللحظة تطول ..
كل الشكر يا عبد الرحمن ..
صلاح / شتات
|
Post: #270
Title: Re: جورج -- دى كفك ولا غيمه
Author: معتصم دفع الله
Date: 05-13-2004, 07:38 PM
Parent: #269
صلاح ..
كاسين .. شتات و غيمة
|
Post: #271
Title: Re: جورج -- دى كفك ولا غيمه
Author: خالد الحاج
Date: 05-13-2004, 09:09 PM
Parent: #270
سلام للناس الحلوة
لقيت ليك (Four Sesons)كاملة يا أباذر المشكلة ننزلها كيف كبيرة السمفونية.
وفووق...
|
Post: #277
Title: Re: جورج -- دى كفك ولا غيمه
Author: THE RAIN
Date: 05-13-2004, 09:35 PM
Parent: #270
معتصم الحبيب
البهيج
نحن لسه ما خلصنا من حلاوة الكلمات وصوت الحروف المدهشة والمطربة عند صلاح
عايز كمان تبوظ طبعنا نهائى بالطلعة المبهجة
وعاجزين عن الشكر على لمساتك البديعة يا معتصم، ولا يأت الجمال إلا من أصحابه فعلا
|
Post: #275
Title: Re: جورج -- دى كفك ولا غيمه
Author: THE RAIN
Date: 05-13-2004, 09:32 PM
Parent: #265
سوركتى
شكرا ليك بقدر عذوبة هداياك الحلوة
وتحايا قدر محبتنا واعجابنا ب "حميد" البديع، وبيك إنت حامل مسك الشعر المعطر بسحر الكلام
وأخجلت تواضعنا ياخى بتشريفنا بى وضع الكلمات القلناها فى حقك وهى والله قليلة فى حقك وإنت أكبر منها كتير، مشكور يا عبد الرحمن
|
Post: #280
Title: Re: جورج -- دى كفك ولا غيمه
Author: Abd-Elrhman sorkati
Date: 05-14-2004, 01:27 AM
Parent: #275
المطر لك المحبة
يامطر 000عز الحريق 00
يا مصابيح 000 الطريق0000
ويا صلاح لي كل حياتنا000
من شتات 000هذا الصقيع000
انتوا 000 نور لي كل حياتنا00
و000واصلوا في هذا الطريق0000
محبتي الاكيدة لكم جميعا
المطر 000 شتات0000 جورج0000
|
Post: #287
Title: Re: جورج -- دى كفك ولا غيمه
Author: THE RAIN
Date: 05-14-2004, 10:08 PM
Parent: #280
سوركتى العزيز
تسلم يا بديع، وكلماتك النخلات، قايمة وسامقة بين جداول الحقل، وفيها ترك كل طيور المحبة والجمال
ودمت جميل يا عبد الرحمن
|
Post: #297
Title: Re: جورج -- دى كفك ولا غيمه
Author: شتات
Date: 05-17-2004, 04:22 PM
Parent: #280
الأخ عبدالرحمن ..
لك المطر .. حقول القوافي .. وأشجار المحبة ..
لكم دائما نهفو ..
كعيون الأرض لغيوم السماء ..
في هامات الود ..
في تيجان الوفاء أنتم ..
ونحن بكم ومنكم ..
وفي مراعي الأشواق نلتقي ..
وكل الود
صلاح / شتات
|
Post: #272
Title: Re: جورج -- دى كفك ولا غيمه
Author: THE RAIN
Date: 05-13-2004, 09:26 PM
Parent: #1
خالد الحبيب
كفاية إنك إنت نغم السيمفونية، وإنت نداوة كل الفصول
فى السى دى يا خالد، بتلقى كل فصل معمول منفصل، أنا طبعا ما عندى فكرة تماما عن طريقة التنزيل، لكن اذا فى امكانية، ممكن تنزل كل فصل لحاله، بى شكل منفصل يعنى
الربيع، الصيف، الشتاء ، الخريف
والله يا خالد لو ما قدرت تنزل أى حاجة، إعتبرنا سمعناها وإستمتعنا بيها، ووجودك كفاية والله العظيم، وانشاء الله ما نعدمك أبدا يا أصيل ويا جميل
وليك المحبة والتقدير، منى ومن كل الناس الحلوين الهنا
|
Post: #276
Title: Re: جورج -- دى كفك ولا غيمه
Author: خالد الحاج
Date: 05-13-2004, 09:34 PM
Parent: #272
أبشر بالخير في الويك إند ننزلها في البوست الرائع ده
وليك من العيون الحدق والله.
وبالمناسبة لو رجعت للصفحات 2 و3 حاتلقي أنا منزل الصيف والخريف
والجزء الفي الصفحة دي هو الربيع وإن لم يكونوا كاملين يا أباذر
كنت بسمع براي مرات تحت تحت كده كلاسيك ميوزيك وتعجبني أعمال موتزارت جدا
لكن لو زول سألني كنت بنكر يعني يا أباذر يا أخوي من النعام ومحمد كرم الله
فرد تليبة لي باخ وموتزارت كتيرة شوية مش كده والجماعة حيقولوا الشايقي (خرب)
لكن العمل بتاع الفصول الأربعة إبداع والله بالجد إبداع.
الله يديك العافية
ممكن أعلن هنا؟؟
في أسبوع الحب والشوق (حوار مع الشاعر عصام عيسي رجب) أجراه عبد المنعم / نصار
|
Post: #278
Title: Re: جورج -- دى كفك ولا غيمه
Author: Nada Amin
Date: 05-13-2004, 10:10 PM
Parent: #1
يا سلام يا شتات كلماتك حية كفصيلة قائمة بذاتها!
جعلتني امتهن الدهشة و احترف الفرح و أنا أقرأ أسماء عزيزة علي قلبي أتقاسم معها خصوصية دفق الذكريات شذى أختى و بناتها يارا ريلا، و رواء كم أشتاقهن و أنظر من خلف ستائر غربتي فأراهن باسمات مشرقات في حديقة قلبي و مقاعد ذاكرتي المحزونة
المطر و معتصم و جورج وبلقيس و يا بت يا نيل
دعوا هذا البوست عاليا و دعونا نصر على التقاط حبة قمح واحدة من بين أكوام السنابل المحروقة و نزرعها من أجل جيل جديد من الحقول الخضر
و يا جورج دي كفك و لاغيمة؟
|
Post: #288
Title: Re: جورج -- دى كفك ولا غيمه
Author: THE RAIN
Date: 05-14-2004, 10:11 PM
Parent: #278
شكرا يا ندى
يا سيدة الندى
وبكم تعلو كل المعانى، تصل الى ذرى الصدق الزاهى، وهى ممسكة بكل بذرات الجمال والسماحة، تنثرها فى فضاء الإلفة، لتنمو وتخضر فى ايما ساحة
وتقديرى لك يا مضيئة
|
Post: #298
Title: Re: جورج -- دى كفك ولا غيمه
Author: شتات
Date: 05-17-2004, 04:33 PM
Parent: #278
كتب تمبس (قال القصب : ما كنت أحسب أن في الجوف ناي .. .. ..)
ندى ..
بعض الرحيق نحن والبرتقالة أنتم ..
بعض الكلام نحن والمقالة أنتم ..
بعض الورود نحن والحديقة أنتم ..
عميق الشكر ..
وكل الود ..
صلاح / شتات
|
Post: #279
Title: Re: جورج -- دى كفك ولا غيمه
Author: ملكة سبأ
Date: 05-14-2004, 00:59 AM
Parent: #1
مطر .. صلاح .. جورج وكل نـاس الحـوش بلا فرز
مساكم زين ..
ويامطر تسأل عنك العافية وانت ياصلاح
ومعكم بالجمال الى لا منتاهه
قبل امشى عشان اجى بالمهلة اقول ان كان هناك ظمأ فهى نفوسنا التي بات لا يرويها الا ان تنهل من فيضكم صباح مساء ..
وفعلا بهجة لا اول لها ولا اخر مايفعله معتصم ويجلبه الخال ومداخلات الأعزاء الاصدقاء ..
اما انتم ثلاثى الدهشة فتقبلوا ودي وتقديري وإعجابي الا متناهي ..
وجاياكم بالروقـة ..
|
Post: #281
Title: Re: جورج -- دى كفك ولا غيمه
Author: جورج بنيوتي
Date: 05-14-2004, 08:42 AM
Parent: #279
الحاضرون بكل أوردة البقاء:-
....
بَرِّد جوف العطش الأول
خت في المويه السُكَرْ
واملا الكاس
خلي عصارة الريد تتحلل
جوه وريد الناس
لملم تعب الوحدة الكاتل
نوم متفاءل
واحلم بالترتيل القايل:
دي الحولية
وداك الشيخ
وبت الشيخ الفي الطابونه
عجينة اللادن ، وَدْ مرتاح !!
صحي صباح الجمعه الفال
كبر وسَلِمْ
حمِل شوقك للمرسال
يلقى "المطر" الطالع لون
القلم الحفز نون النسوه
وزي الغيمه الكف نديان
برَّق القِبلي
نهار الطيبه
"عشا البايتات"
سفير الورده
ونيل العافيه الفي الخرتوم
مطر المن النازل
روح الكلمه تبتق زول
وعد الحاضر من مَلَكاتْ القول
وكل الما مذكور في الصفحه
أَقِلبَ الصفحه وجيب من أول:
خَدَر الكلمه وسَكْرَة ( يني )
بنات بتغني
وخاله السُرَه عجينة الصابر
قارية الفاتحة وداخله عليك
كما التنزيل في ليل العُهدَه
النور والنار
وقاطع الدابر
شال من زادك لي يوم باكر
حَنَّنْ قدم الخير لي رجعه
سنين الوجعه
بِرَّتْ بالحيل.
....ولكم العتبى حتى ترضوا: الفايروسات هي السبب.
وجمعه مباركه للكل.
راجعييييييييييييييييييييين.
|
Post: #282
Title: Re: جورج -- دى كفك ولا غيمه
Author: خالد الحاج
Date: 05-14-2004, 09:50 AM
Parent: #281
Quote: واملا الكاس
خلي عصارة الريد تتحلل
جوه وريد الناس |
كفارة جورج وحمدآ لله علي السلامة
وما تطول الغياب جنس كلامك ده ما تحرمنا منو
وبرضو فوووووق
|
Post: #285
Title: Re: جورج -- دى كفك ولا غيمه
Author: ملكة سبأ
Date: 05-14-2004, 03:47 PM
Parent: #281
Quote: بَرِّد جوف العطش الأول
خت في المويه السُكَرْ
واملا الكاس
خلي عصارة الريد تتحلل |
ودخلـة مباركـة علـى الكــل
منتظـرييييييين جـورج
|
Post: #284
Title: Re: جورج -- دى كفك ولا غيمه
Author: ملكة سبأ
Date: 05-14-2004, 03:16 PM
Parent: #279
الشوق من حاصف لقاصف
خامـس أرض
يا متكا الحبان ومركز دورة الإنسان
من حوش لحوش يابكرة ياريت غنواتنا طٌعم
والعالم خيط والقابض كان ذات مرة حلم
والرامي إنسان ما اتيقن شان الدنيا زمان قالتلو ابيت
وياعالم كون بالود مسكون .. كون حُرمة بيت
رتّاي وحنون
حوشنا ملاذنا رغم البين هى الأشواق
حنينا إليك يازين يظل دفّاق
رنة فرحك ..
صنة ترحك ..
وين ما اروح ياني بروحك
ضلك ملاذ
ناسك عزاز
البينا وبينو من الإلفة
مابين الأرض وطورية
احساس رواسي لقى الضفة
عاذب فى الجنة وحورية
مابين مخرج الشوق من حشايا ومدخلك كوركلتلك :
ياجمة حشا المغبون .. فى الزمان الهلاك منجا
تكون حانت مواعيدك .. يكون وقت المطر قد جا
شرق ضوا البلد عيدك ..وطابت نسمتو العرجا
نكون (ياارضنا) تمينا وبدينا ولفنا غنينا الغنا الراجا
وبدت كاس المودة تلف .. عشق من حلفا لراجا
أغاني عز صفّت عكر نهر العيون
فضحت فحيح ليل المجون
عافية ومحبة لكل زول
**وأخصكم وحميد**
** مبرووووك السكن الخامس **
|
Post: #289
Title: Re: جورج -- دى كفك ولا غيمه
Author: THE RAIN
Date: 05-14-2004, 10:16 PM
Parent: #279
ملكتنا
يا بلقيس صاحبة السمو
لننشد الآن مواويل "حلاوة العودة" "زى ما بغنى أبو اللمين" ونغنى إيابك للحقول التى ما برحت تشتهى حضورك الذى يدفق فى شرايينها ماء الجمال ورحيق الألق السبأى
خقا والله إفتقدنا وقع حروفك النضيرة فى اليومين الماضيين، فأهلا وسلام، وهاهو الضوء الملكى يغمر جنبات الحقول مجددا
|
Post: #299
Title: Re: جورج -- دى كفك ولا غيمه
Author: شتات
Date: 05-17-2004, 04:44 PM
Parent: #289
هناك ..
على ..
بيد ..
طوال ..
هناك على بيدٍ طوال ..
تاهت ركابي سنينا في توالى ..
والرمال تمتد غضبا تواصل في رحال ..
وهناك في أفقٍ ترامى .. بانت في زوال ..
دوحة في طريقي الذي لم يعرف دوحاً ولا ظلال ..
فقلت للذي جاء في دربي ..
ما هذا إلا خيال في خيال ..
حتى أتيناك والعمر بقية في انتقال ..
وقلنا يا هذه هل لنا في أرضكم من مقام قبل ارتحال ..؟
فأجابتنا ظلالك الوريفة .. مرحبا .. مرحبا ..
أقمتم كل مقام وطابت بكم الديار دهرا أو ليالى ..
وقلنا يا لوحة الأزل المقدّس .. حياك الربيع ..
وجادك الله من كل غـالى ..
أتينا يحملنا الطريق .. لم نكن نأمل في مقام أو وصال ..
غير أن ذات البين أقوى منا .. ومن كل احتمال ..
فعفوا أن اقتحمنا الباب دون إذن أو سؤال ..
كيف لا ..؟ وأنت أنشودة العمر ..
روح السنين ..
وآية الحسن المثال ..
أتيناك .. ألقينا الرحال ..
ونسينا وإياك كل أحزان الطريق ومشقة الترحال ..
وأيقنا أن الدرب أنت .. كل التفاؤل والآمال ..
واستلقينا في رباك و تركنا الدنيا وما فيها من جمال ..
لا نرى إلا أنت والغيم والظلال ..
لا ..
نرى ..
إلا ..
أنت ..
والغيم ..
والظلال ..
صلاح / شتات
|
Post: #283
Title: Re: جورج -- دى كفك ولا غيمه
Author: essam&amal
Date: 05-14-2004, 02:00 PM
Parent: #1
حمِل شوقك للمرسال
يلقى "المطر" الطالع لون
القلم الحفز نون النسوه
وزي الغيمه الكف نديان
دة شنو يا شباب 0000 ؟
يديكم الف عافية000نحن كنا ويين من دة كله
والله دي حلاوة ما حصلت00000
ايوة طلعونا لي افاق 00 ومساحات 000 سامية 000كسمووكم
أمال
أم وضاح
|
Post: #294
Title: Re: جورج -- دى كفك ولا غيمه
Author: THE RAIN
Date: 05-17-2004, 10:03 AM
Parent: #283
العزيزة آمال
سعداء بك والله، ونتمنى أن تخضر الآمال دائما بك ومعك
وأن تسعدى بمثل ما أسعدنا حضورك البهى، وكل المنى الطيب لك ولوضاح الحبيب
|
Post: #286
Title: Re: جورج -- دى كفك ولا غيمه
Author: THE RAIN
Date: 05-14-2004, 10:05 PM
Parent: #1
عرس الحقول - رقيص السنابل
بمناسبة تيراب الحقل الخامس
خمسة حقول
والدنيا خريف
ألق مشتول
رويان بالطيف
خمسة حقول
الضل إتمدا
وشرا وَريف
عمران بالعرض
نديان بالطول
عدمان الشينه
وخاتى الزيف
خمسة حقول
إتلمو الناس
والشوق موصول
دفقو الإحساس
راسى وممهول
إنشرت "غيمة"
وصبت إيناس
خمسة حقول
بِرت الآهات
لا غشاها الهم
لا جاها نزيف
خمسة حقول
بتق فى شتلاتا الريد
نشوان وعفيف
إتجيه فيهاالقول
يانع وأليف
خمسة حقول
كان درت توصف
كان درت تقول
ما اظنه يكفى
الطرب إنكبا
المطر الصبا
العين تتشابا
وما بتطول
وما اظنه يكفى
ودى حال الزول
وكتين الريد
يمسك فى الروح
الكلمة محبه
حروف تتربا
وتبقى صروح
النضمه الورده
المعنى مودة
تداوى وتشفى
ومهما قلت
برضه مقصر
والكلمة الليكم
ما اظن بتكفى
ما أظن بتكفى
|
Post: #293
Title: Re: جورج -- دى كفك ولا غيمه
Author: خالد الحاج
Date: 05-15-2004, 11:41 AM
Parent: #286
Quote:
خمسة حقول
كان درت توصف
كان درت تقول
ما اظنه يكفى
الطرب إنكبا
المطر الصبا
العين تتشابا
وما بتطول
وما اظنه يكفى
ودى حال الزول
وكتين الريد
يمسك فى الروح
الكلمة محبه
حروف تتربا
وتبقى صروح
النضمه الورده
المعنى مودة
تداوى وتشفى
|
الله الله ..الله يا أباذر ..إنت موجوع وبتوجع أخوك
وحقيقي ..حقيقي تداوي وتشفي
|
Post: #295
Title: Re: جورج -- دى كفك ولا غيمه
Author: THE RAIN
Date: 05-17-2004, 10:11 AM
Parent: #293
خالد الحبيب
إنت شفانا وإنت البلسم
إنت الغاية وإنت المغنم
فى حضرة جيتك نسعد
الفرحة تبهرج وتتجدد
لا بنشقى معاك لا بنتألم
نقراها معانى الإلفة حداك
تخضر لحظاتنا وتتمدد
ومن لوح الطيبة الفيك
نقرأ الكلمات، منك نتعلم
|
Post: #290
Title: Re: جورج -- دى كفك ولا غيمه
Author: مراويد
Date: 05-14-2004, 11:24 PM
Parent: #1
ا ححححححححى
يا رحيم .... ارحم
دى... يا جورج ...
حاله دى ... و لا
اقوم اسا
انا بقدر ... لو بقدر كنتا ... كنتا قبلت نجمة صباحى
و بكيت فوق سديرا .... و قلت ليها انى ما قادر .... عاجز و خايف... و .. و .... و
ما قادر على....
الدنيا
اطفى نجمه انطفت قبل زمن
ولا .... ولا ....
هل من مجيب out there
|
Post: #300
Title: Re: جورج -- دى كفك ولا غيمه
Author: شتات
Date: 05-17-2004, 04:53 PM
Parent: #290
| Quote: هل من مجيب out there |
It’s not to make reply It’s not to reason why It’s just to do and die .. No .. No.. There she blows There she blows Just to answer your call .. to reason why
|
Post: #310
Title: Re: جورج -- دى كفك ولا غيمه
Author: THE RAIN
Date: 05-19-2004, 10:28 AM
Parent: #300
شتات
الحبيب
انشاء الله تسعد وتتهنا، شايل حمل الجمال، وماسك ابواب الوصال
ومعاك المشاوير تاخد لون "قوس قزح" وطعم النهارات النديانة بى دفق الخريف
وتلقى العافية
|
Post: #309
Title: Re: جورج -- دى كفك ولا غيمه
Author: THE RAIN
Date: 05-19-2004, 10:25 AM
Parent: #290
مراويدنا
كيفك يا أجمل الحلوين
فاقدين بهاك
وطيب القعدة معاك، تحت ضلك، وفوق لينا الحروف، عصافير ملونة
ما تطول مننا عليك الله
|
Post: #291
Title: Re: جورج -- دى كفك ولا غيمه
Author: essam&amal
Date: 05-15-2004, 05:58 AM
Parent: #1
الحقل الخامس
انها اتكاءة على صدق الحروف والمعانى
حتى تستفيق النجمة النيرة من صخب الرعود والنيازك
وتعود الغيمة الشاردة بالخير والرجاء والامل
المطر
جورج
شتات
انتم وعد الغيمة فينا
تجود الغيمة بالخير
وتجودون انتم بالفرح... بالحب.. بالامل.. بنثر الرياحين..
وهو عرفان بالجميل
ورد بالوفاء لاهل العطاء
مزيدا بالفرح يا كل الفرح
انا
كنت مشدوهة
طيلة الاربعة حقول
ولم ينطلق اليراع الا فى الحقل الخامس
سبحان الله !!!!!!!!!!!!!!
ومعكم للفرح فى كل ثانية
ودمتم
ولكم كل الحب
ام وضاح
|
Post: #301
Title: Re: جورج -- دى كفك ولا غيمه
Author: شتات
Date: 05-17-2004, 04:57 PM
Parent: #291
آمال أم وضاح ..
مع بتهوفن نعزف السيمفونية الخامسة ..
نكتب ألحانكم في نوتة الأعزاء الموسيقية ..
ننساب أفقيا ورأسيا مع الهارموني والميلودي الإنساني .. نتردد بين المونوفونيك والبوليفونيك .. تتعدد الأصوات الموسيقية بين الدويتو والكونشيرتو والعزف المنفرد ..
نعزف موسيقى كل العصور ..
تأتي النجوم ..
تتجمع الغيوم ..
يهطل المطر في الربي ..
يتساقط الندى بالتلاقي ..
تحلق الفراشات بالمواسم ..
تغرد العصافير بالمنى ..
نلقاكم مشهد تاريخي حافل ..
كل الود أم وضاح ..
وعميق الشكر ..
صلاح / شتات
|
Post: #311
Title: Re: جورج -- دى كفك ولا غيمه
Author: THE RAIN
Date: 05-19-2004, 10:51 AM
Parent: #291
العزيزة آمال
بيكى تزدان الحقول
تتفر مباسم اللقيا
تتبهرج فصول
وحتى الفرح يضحك يقول
أهلا حباب الطيبة جات
والشوق رسول
|
Post: #292
Title: Re: جورج -- دى كفك ولا غيمه
Author: hala guta
Date: 05-15-2004, 06:06 AM
Parent: #1
يا رحيم
امنحنى القدرة على احتمال هذا الجمال.....
|
Post: #296
Title: Re: جورج -- دى كفك ولا غيمه
Author: خالد الحاج
Date: 05-17-2004, 10:56 AM
Parent: #292
|
Post: #303
Title: Re: جورج -- دى كفك ولا غيمه
Author: شتات
Date: 05-17-2004, 05:05 PM
Parent: #296
الغالي خالد الحاج ..
والشمس في راحتيك ..
تنفجر الفصول ..
تمتد الجداول ..
وفي الدروب أنت واحة ..
يتطاول النخل ..
يصد الريح العواتي ..
يصفَّى النسيم للرائحين والغادين ..
تنفتح المجاهل ..
يحتفل الطريق ..
نمتطي الخيول الصافنات ..
تتدلي قناديل الليل ..
يجتمع الصحاب في استراحة المدى ..
يبنون عالما من فجر ..
ينبسط الصباح ..
يهطل الأمل ..
..
تمدد أيها القادم ..
من جذور الميعاد ..
قمحا ..
ووعدا ..
وتمني ..
ونلتقيك ..
صلاح / شتات
|
Post: #313
Title: Re: جورج -- دى كفك ولا غيمه
Author: THE RAIN
Date: 05-19-2004, 10:54 AM
Parent: #303
خالد الحاج العذب
شفت كلام شتات ده، مرفوع للقوة مليون، وبعد داك نرشه ليك بى رحيق المحبة، وعطر الخوة، ونجيبه ليك، راكعين، نهتف بى أصالتك وطيب معناك
يا زول يا ما عادى
|
Post: #302
Title: Re: جورج -- دى كفك ولا غيمه
Author: شتات
Date: 05-17-2004, 05:01 PM
Parent: #292
هالة قوتة ..
من حرير الليل ننسج بساطـا مضمخا بعبير الفل والنارنج ..
نستدعي نسمات النيل وعبق الطين والجروف ..
ندعو كل الناس .. أنْ تعالوا ..
هنا يجمع الأصدقاء من ترابكم طينة ..
مأخوذة من أثر كل خطوة مشت في أرض النيل .. معجونة بماء المحبة وأصالة التراب ..
يبنون مدينة من ظلالكم ..
معروشة بأعمدة الشعر ونسيج الأغاني ..
يلتقطون كل قطرات النيل التى تبخرت في زمن الجفاف ..
ويعودون بكل أسراب الطيور التي هجرت الضفاف ..
كل الشكر يا هالة ..
وبنا وبكم يتمدد رمل التلاقي ..
صلاح / شتات
|
Post: #304
Title: Re: جورج -- دى كفك ولا غيمه
Author: شتات
Date: 05-17-2004, 05:10 PM
Parent: #302
بلقيســنا ..
نورنا في الوادي المقدس ..
دمعتنا لما نشتاق البكـاء ..
نجمتنا لما يتوه الدليل ..
جناحنا لما يسكنَّا المدى ..
هويتنا .. معنى الانتماء ..
بلقيسنا ..
محتوانـا في بحر الفراغ ..
ذكرانا ..
لما ينسانا الزمن ..
ربيعنا ..
في فصل الشتاء ..
في جنانك نولد مرتين ..
مرة في الأمس المضاع ..
مرة في العهد الجديد ..
نور صباحك يبقي دنيا ..
يرسمنا في دنيا الإله ..
نبقى ومضة في ألق الضحى ..
نسمة في درج المسـاء ..
نظرة ننساها في عيونك ..
تبقى مشهد في طريقنا ..
شعاع بالفرحة نـوَّر ..
خريطة في درب السمـاء ..
في جنة الفردوس مقامك ..
ونحن في جنانك ..
ملائكة تسعد بالوفــاء ..
والدنيا تبقى ذكرى ..
معمورة بالود والصفاء ..
قافية في شاطئ الحقيقة ..
منظومة في تاريخ عيونك ..
مكتوبة بالشوق والضـياء ..
ونلتقيك ..
صلاح / شتات
|
Post: #312
Title: Re: جورج -- دى كفك ولا غيمه
Author: THE RAIN
Date: 05-19-2004, 10:52 AM
Parent: #292
هالة الضوء البهية
يتكامل الجمال والله بى جيتك المفرحة، وتضوى كل الساحة وتضج بالطرب المعطر بحروفك الرياحين
تسعدى انشاء الله
|
Post: #305
Title: Re: جورج -- دى كفك ولا غيمه
Author: يا بت يا نيل
Date: 05-17-2004, 06:54 PM
Parent: #1
و...
اعود..
لاجد حدائق البنفسج تزهو....
القا وجمالا..
بقدوم المطر....
تعلن عن اكتمال الفصول..
ما بين الربيع والخريف...
هنا ياتي فصل جديد..
يفترش العشق العشب..
ويفترش العشق النهار...
وهنا..
كل التألف ..
الحضور..
انتقاء
جورج,شتات,المطر...
بحضوركم تزدهر كل الفصول
الرائعين
الملكة,خالد الحاج, ندى امين,امأل,مراويد,هالة قوتة,..
كل الود ..
|
Post: #306
Title: Re: جورج -- دى كفك ولا غيمه
Author: خالد الحاج
Date: 05-18-2004, 01:06 PM
Parent: #305
**
|
Post: #323
Title: Re: جورج -- دى كفك ولا غيمه
Author: شتات
Date: 05-20-2004, 02:13 PM
Parent: #306
خالد الحاج ..
فوق السماء ..
وقباب الليل ..
أيها القنديل ..
تضوى صيف وشتاء ..
تنوِّر ضواحي النيل ..
تشد الحيل ..
بالهموم مسكون ..
تزرع في العافية لي غيرك ..
وتتوسد قليب موجوع ..
لا أنَّـة ..
لا شكوى ..
لا جزاءا ..
لا شكورا ..
صبرا طويل ويطول ..
صلاح / شتات
|
Post: #307
Title: Re: جورج -- دى كفك ولا غيمه
Author: معتصم دفع الله
Date: 05-18-2004, 01:11 PM
Parent: #305
يا جماعة هوي ضهري دا قرب ينكسر ..
اليوم والتاني عنقريبي دا محولو من مكان لي مكان ..
لامن وصل الحوش الخامس أها أسي نسوي شنو ولا نقول شنو ..
الولد السمح ..
الولد المطر ..
الولد شـتات ..
وكل حبان الغيمة ..
نقول سلام ونقول حباب الناس الحلوة ..
المليانة حب وحنان ..
أبداً ما تسيبوا المكان ..
خليكم قاعدين بيكم كتير مزدان ..
تسلموا كلكم/ن ..
|
Post: #308
Title: Re: جورج -- دى كفك ولا غيمه
Author: ملكة سبأ
Date: 05-18-2004, 04:34 PM
Parent: #307
تعرف يامعتصم انا زاتي الليلة كنت جاية اكب الجرسة
واقول ياجماعة الداير يفكنها من شبكة كلامكم دا شنو ؟؟
والله الواحد بقى هضربتو كلها (جورج دي كفك ولاغيمة)
والبورد دا لمن راح قربو يودونا الحوادث والسبب إدمان الحوش دا
ياجماعة دي حقول شنو دي .. كدي اعترفوا الله يدينا ويهديكم
صلاح .. مطر .. جورج - مثلث الجمال
عاد بقدر اقول شي ؟
وانا مازى معتصم عنقريبي محرسة عين الشمس تحت البرتكانة وراكبة لي في (ضهر) غمامة ومتابعاكم ..وبجيكم ..
والود كله لرواد الحوش واحبابه
ويابكري ود ابو بكر حلك شنو مع الحيشان ديل ؟؟ وارشيف وين البشيلن ليك ؟؟
يا اجاويد ماتجو معانــا !!!
|
Post: #316
Title: Re: جورج -- دى كفك ولا غيمه
Author: THE RAIN
Date: 05-19-2004, 11:04 AM
Parent: #308
بلقيسنا
الملكة ست الجيل
يا الليكى مافى مثيل
نحن لمن المنبر اتقفل، متنا عديل كده، وأنا حالتى يمكن شويه أحسن من حالة أخوى الكاشف، داك قالو لى مات ودفنوه كمان، وتانى جا مارق بعد ما شم ريحة الحبايب والناس الحلوة
تسلمو كلكم انشاء الله وتسعدو، يا أصفياء ويا أنقياء
|
Post: #315
Title: Re: جورج -- دى كفك ولا غيمه
Author: THE RAIN
Date: 05-19-2004, 11:01 AM
Parent: #307
معتصم الحبيب
وأنا جنب عنقريبك، وجنبنا بلقيسنا الملكة
بفرش لى نجيلة وأتحكر، عشان يطول عمرى وأسعد بلقياكم الحبيبة
معليش يا حلوين، أعذرونى بالله عشان لى يومين ما سعدت بى شوفتكم، كنت حاضن الوجع وملازم تباريح الحنين
|
Post: #324
Title: Re: جورج -- دى كفك ولا غيمه
Author: شتات
Date: 05-20-2004, 02:17 PM
Parent: #307
معتصم ..
ايها النغم ..
نعتصم في جوارك ..
نحلم في مدارك ..
ننظم ..
نرسم ..
في جدارك ..
فجرك ..
نسمع لحنك ..
وترك ..
همسك ..
ننتظرك ..
شتولك تزهر ..
تثمر ..
تعبر ..
فرحك جسرك ..
توصل ..
نلقاك ..
كف ..
غيوم..
نجوم .. سماء .. ومطر ..
صلاح / شتات
|
Post: #314
Title: Re: جورج -- دى كفك ولا غيمه
Author: THE RAIN
Date: 05-19-2004, 10:59 AM
Parent: #305
يا بت يا نيل
ونحن نعود إلينا، لنجدك متربعة على شواهق الود فينا
نلتقيك ونحن أسعد ما يكون
نرتجيك ونحن أزهى ما نكون
وكيفما نكون، حتما تنبع شلالات كينونتنا من بحيرات حروفك المترعة بألق المعانى والمتوهجة بنور الصدق
لك الود وما حوى
|
Post: #322
Title: Re: جورج -- دى كفك ولا غيمه
Author: شتات
Date: 05-20-2004, 02:08 PM
Parent: #305
كمزارع البنفسج ..
كاحتفال الخريف ..
كعصافير الفصول ..
كالعشب يبسط كفا للتلاقي ..
كالتآلف والوصول ..
تأتي يا بت يا نيل ..
كأيادي الصباح تلامس الندى ..
"يرتج الصدى" ..
يحتوينا ..
يناديك ..
ونلتقيك ..
صلاح / شتات
|
Post: #317
Title: Re: جورج -- دى كفك ولا غيمه
Author: THE RAIN
Date: 05-19-2004, 11:16 AM
Parent: #1
لكل الناس الهداهم تعب الحنين، ومكابرة الأشواق وعنادها
صهل وجع الحنين فينا
صحا المناحات التعب
ذرفت مدامع الليل أنينا
حزن القمر فيها انسكب
وغرقت مشارق الضو
فى ضلمة الوجع اللهب
قالتلى إيه بتسو
قت ليها راجى سفينه
تكسح تعاند النو
تفتح شراع الروح
يحضن فيافى الجو
تبرا الهزيمه تروح
قالتلى إيه بتسو
قت ليها راجى سفينه
وصهل وجع الحنين فينا
مرقت قوافل الشوق
ويا داب ما مشت بينا
عتم دروبا أنين
عارفه الفرح ممحوق
جهر برق البعاد عينا
فتّح شبابيك الأسى
والذكرى وردة سجينه
جوه انكسارات السنين
شافت وجيهك، و المسا
جاب سيرة الفرح الحزين
يا ريته بس لو لامسا
وفى عتمة الوعد الضنين
وعد الخيارات إنكتب
حزنك قعد
فرحك هرب
لوح الخيارات إنكتب
يا دربك المليان قسا
يا حرقة الشوق المكين
يا حلمك المليان وجع
يا صحوك المعطون فزع
ووين فرحتك، وينا
وصهل وجع الحنين فينا
قدرك محطات الغياب
مرات مشتت فى الرهاب
مرات مدينة ومره مينا
دمعك على الخد إنصلب
ولوح الخيارات إنكتب
يا فجرك الغائب طلع
يا قدرك السادر رجع
يملا كاساتك سكينه
وصهل وجع الحنين فينا
|
Post: #318
Title: Re: جورج -- دى كفك ولا غيمه
Author: ملكة سبأ
Date: 05-19-2004, 07:08 PM
Parent: #317
Quote: قالتلى إيه بتسو
قت ليها راجى سفينه
تكسح تعاند النو
تفتح شراع الروح
يحضن فيافى الجو
تبرا الهزيمه تروح
قالتلى إيه بتسو
قت ليها راجى سفينه
وصهل وجع الحنين فينا
مرقت قوافل الشوق
ويا داب ما مشت بينا |
فووووووووووووق
|
Post: #325
Title: Re: جورج -- دى كفك ولا غيمه
Author: شتات
Date: 05-20-2004, 02:24 PM
Parent: #318
تعرفي يا بلقيس ونحن في كف جورج .. هذه الندية .. وفي خريف المطر .. زي بنطلع برة الدنيا كدة ونبقي حاجة تانية خالص .. برة حقيقتنا وبرة خيالنا .. نمشي بعيد .. بعيد جدا .. نحلق كالعصافير في فضاء الحرية .. نبقي لوحة من لوحات ليونارد دافنشي أو نتجرد مع سلفادور دالي والسيريالية والتكعيبية والتجريدية ... تعرفي المشوار دا بيذكرني كل اصدقاي العرفتهم في مسيرة الحياة .. كل الوجوه الجميلة اللي شوفتها .. كل فيلم رائع حضرتو .. كل اغنية سمعتها .. كل لوحة جميلة .. كل مدينة خلابة زرتها ..
بيذكرني "الثلاثية" ونجيب محفوظ وصالون الأربعاء ..
أتذكر جبران .. ميخائيل نعيمة .. أحمد شوقي .. مي زيادة .. روعة الإنسان وسحر البيان .. ومي دي طبعا قصة تانية خالص أو اسطورة من الأساطير زي ديانا ومارلين مونرو .. مى كانت عالم مجرد كالسماء بدت واستعصمت .. فجَّـرت كل المعاني والحروف والقلوب .. أضاءت وألهمت ..
امرأة شبه محال ..
غيمة ..
همس روحي ..
ضوء ..
بعث وحياة ..
كون .. غرس ونبات ..
كل الأشياء ..
ألقٌ وضياء ..
من معطى الخيال ..
كالبرتقال ..
شبه محال ..
لا تشبه هذا العالم ..
لهفة .. دفء ..
رعشة .. لحظة دهشة ..
ذاتية ذات ..
جمع وشتات ..
لا أنسى ..
أتساءل في سري ..
لا أدري ..
هي ..
بعث الروح على الأموات ..
من خيط النور الرباني ..
من فوق الأفق الإنساني ..
شىء آت ..
..
مش كدة؟
وتسألي عن الشوق؟ زي ما بنعطش للموية يا بلقيس .. بنعطش للأشواق .. أو حقيقة بنرتوي بماء الأشواق من عطش الغياب .. تصوري لو ما بنشتاق! .. نبقي جماد .. خلينا نشتاق .. ونشتاق .. بلا حدود .. بلا قيود .. بلا شروط .. "الشروط" دي كلمة رسمية جدا تذكرني بعقود العمل والعلاقات التجارية ولا تصلح اطلاقا للتعامل الإنساني .. لأنو بتنتفي معها الشفافية والتلقائية والدفع الذاتي .. عشان كدة علاقات الصداقة والأخوة لا تعرف هذا المصطح لانها قيم مطلقة وحتى الحب اذا دخله داء الشروط خلاص ما عاد حب .. عشان كدة الزيجات بتفشل كثير لانو كل واحد بيفتكر انو له حق على الأخر وهنا بجي الملل والاحساس بالعبودية .. خليك من الكلام دا وخلينا نشتاق لحنان أهلنا .. لعيون حبايبنا .. عشان ما نقيد اللحظة .. ونكبل اليوم .. ونعتقل يوم بكره خارج الحدود ..
لما نشتاق تسمو الدواخل .. يزيد العطاء والقدره على إضافة شي جميل .. ولما نضيف شي جميل بكون لي حياتنا معنى ولي مماتنا قيمة .. تتذكري "تايتانك" .. "دي كابريو" كان يتمتع بالصحة والوسامة والوقت .. بس كلو كان ضائع في الحانات وصالات القمار وما كان عندو معنى .. ولما دخل السفينة وتعرف على "كيت ونسليت" .. بقت عندو قضية ناضل .. كافح .. شاجر .. تعذَّب لكنه كان سعيدا .. مات متجمدا وأصبح من شخصيات التاريخ ..
نشتاق ..
نجمع الغيوم ..
في سلة الرفاق ..
لعينيك ..
للشمس التي أشرقت ..
للبريق ..
لمن لاح في جوف الطريق ..
لأوراق الورد نجمعها ..
لك ..
لمن أنار وتوهج واحترق ..
ونلقاك ..
نحلق في ضفاف النسيم ..
نرتع في مواسم النجوم ..
نلمس الآفاق ..
..
صفو المحبة ..
رحيق الود ..
ونلتقي ..
صلاح / شتات
|
Post: #336
Title: Re: جورج -- دى كفك ولا غيمه
Author: THE RAIN
Date: 05-22-2004, 05:25 PM
Parent: #325
صلاح الحبيب
أنا متكل عليك والله، خلينى الندافر الأحزان دى، وبقدر ليك عليها
إنت بس خليك ماسك الجداول، أروى كل حيضان البهاء الهنا دى، واسقى كل السنابل بى مويتك الفراتية، وبالمره برضه افتح ليك جدول فينى عليك الله، يمكن اليباس الجواى ده ينبل شويه ويمكن الموات الأصابنى ده يفرهد
زولك ممكون مكنة عجيبة خلاص
|
Post: #335
Title: Re: جورج -- دى كفك ولا غيمه
Author: THE RAIN
Date: 05-22-2004, 05:22 PM
Parent: #318
بلقيسنا
تأتين والفرح، على قلته فينا، يأت أيضا، تبشر بحضورك اللحظات وتخبرنا بأنا لا نزال نحيا
ولتعذرى خوار اللغة فينا فى هذه الأيام الكالحة، أو ربما هو بوار الإحساس بالأشياء، لكنها واحدة من المعارك اليومية، ولكن يبدو أن الهجوم على الدواخل هذه المرة قد شحذ كل أسلحته وصمم على إكمال غزوه
لكنا سنصمد حتى آخر رمق فى العشق
|
Post: #334
Title: Re: جورج -- دى كفك ولا غيمه
Author: THE RAIN
Date: 05-22-2004, 05:17 PM
Parent: #317
Quote: يا فجرك الغائب طلع
يا قدرك السادر رجع
|
السماح يا أحباب
أعذرونا على الغياب الما بالليد، لأنه العراك مع الأشجان والأوجاع ما زال مستمر، ويا أنا، ياهم، والمشكلة إنه لا طلع الفجر، ولا رجع القدر من الماسك فيهو
أها نسوى شنو بالله؟
|
Post: #319
Title: Re: جورج -- دى كفك ولا غيمه
Author: hala guta
Date: 05-20-2004, 08:06 AM
Parent: #1
صباح الخير
|
Post: #320
Title: Re: جورج -- دى كفك ولا غيمه
Author: جورج بنيوتي
Date: 05-20-2004, 11:54 AM
Parent: #319
صباح النور يا.. هاله
وبس
نهار الجَيَّه الطيبه محال
يندس
ما أصلو الزين بالعين
ينْحَسْ ..
|
Post: #321
Title: Re: جورج -- دى كفك ولا غيمه
Author: haneena
Date: 05-20-2004, 12:36 PM
Parent: #320
سلام علي كل الجميلين الذين أثروا البوست من الجنسين
آتي دائمآ.... معكم كل يوم
اصل حد الدهشة مما اقرأ
ثم انسل بهدوء مخافة إزعاج الرهيفين هنا
واصلوا إدهاشنا و إرواء ظمأنا لهذا الجمال
|
Post: #338
Title: Re: جورج -- دى كفك ولا غيمه
Author: THE RAIN
Date: 05-22-2004, 05:32 PM
Parent: #321
حنينة
والسلام ليك يا حنينه
وبحضوركم الحنين، يزيد إخضرار الحقول، تضحك السنابل، وتشر بسماتها بين جداول الحروف والكلمات
شكرا ليك بقدر جيتك المفرحة
|
Post: #326
Title: Re: جورج -- دى كفك ولا غيمه
Author: شتات
Date: 05-20-2004, 02:35 PM
Parent: #320
Quote: وممكن يدخل في حياتك زول يطوِّل عمرك ..
وممكن تتدخل في حياة زول تقصّر عمرو .. |
زول أمانة عمرك وذمَّـتك ..
أرضك ..
بحرك وجوَّك ..
والبصمة الفي إيـديك ..
معاك ..
عمرو يزيد ..
عمرك يزيد ..
تتوهَّـج الأيام ..
تنور مقلتك ..
يا نظرتك ..
يا نسمة من الجنة هبَّـت ..
يا كوثر ..
يا نهر جاري ..
يا كناري ..
يا نفحتك ..
العيون الشافتك ..
القلوب العرفتك ..
دايخــه ..
تقاوم سحرك وروعتك ..
ونحن بين عيونك وخطوتك ..
تلقانا ومضة ..
تمهِّـد مَـشْـيَـتَـك ..
..
نتصورك ..
وفي مشاويرك ..
تتحدد ملامحنا ..
قوافينا ..
جوانحنا ..
نسوق الريد قوافل ..
..
نتخيلك ..
وفي مساديرك ..
حروفنا تتجمـل وتتكامل ..
ترسم حرفك الأول ..
تكتب حرفنا التاني ..
سين وصاد ..
وجملة ريدة تتواصل ..
نلقاك في قلوبنا كتاب ..
نقراهو صباح ومسا ..
ننسى عيونا ما ننساك ..
نرحل ..
نهاجر ليك ..
ترحب بينا ..
نوصل ليك ..
تفج فؤادنـا .. وفيهو تتأصـل
صلاح / شتات
|
Post: #327
Title: Re: جورج -- دى كفك ولا غيمه
Author: جورج بنيوتي
Date: 05-20-2004, 03:22 PM
Parent: #326
سلام على الحنينه لابسا التوب وجايانا :
حنينه وزي لهَف والدين على الجنيات
مراحب دخلتك في صمت
وصمتك في العيون كلمات..
|
Post: #328
Title: Re: جورج -- دى كفك ولا غيمه
Author: جورج بنيوتي
Date: 05-20-2004, 03:40 PM
Parent: #327
ترجع مراكب الريح
_._._._.
بكره الصباح
يملا الجراح
نور الغُنا
وترجع مراكب الريح
محموله في كف الأمل تنداح
مليانه بالناس السنا
ويا إنتِ يا أنا
فتحنا باب دخول
* *
مرَّتْ عليك هنا
لاقت عينيك وانا
عينيك تكب في النيل
دمع الفرح جينات
ترجع مراكب الريح
داخل القلوب تمتَدْ
**
طامنت بيكي الظن
طمي الأرِضْ مليان
نبت البروق الوعد
وعد المطر رويان
شتت على الحيشان
خامس بنود الود
ترجع مراكب الريح
والنِيَّه ما بتنهَدْ
**
العقبى في الجايات
شمسا صباحا السعد
بين الوجع والطلق
موية الجنين آيات
صَلَّنْ على المولود
رجعن مراكب الريح
شانِنْ يهون الجهد.
**
شوقَك على شوقا
وصلك إذا صحَّاكْ
طالت سنابل الريد
ريدك إذا ناداك
طلَّتْ عناقيدك
رجعن مراكب الريح
ريحة البخور والنَّدْ .
**
فرهَدْ فريع الورد
حامَنْ فراشاتِنْ
نطفة سرير الليل
حلمك على إيدَكْ
رشَّنْ نداواتِنْ
طلعَنْ على جيدك
مَسَّنْ شغاف الروح
رجعت مراكب الريح
حلَّنْ مواعيدن.
**
شايلك مكانة الحظ
حظي المعاك لحظه
لحاظك بشتَنَنْ حالي
رجعن مراكب الريح
واريت بى حظهن أحظى !!!
|
Post: #329
Title: Re: جورج -- دى كفك ولا غيمه
Author: Rawia
Date: 05-21-2004, 01:26 AM
Parent: #328
يا مطر في ضراك ..
يا جورج في حواك ..
ويا شتات طبنا..
وجورج دى كفك-- ولا غيمه
و اجمل غيمه
|
Post: #330
Title: Re: جورج -- دى كفك ولا غيمه
Author: جورج بنيوتي
Date: 05-21-2004, 07:34 AM
Parent: #329
راويه:
أسعد صباح رسمك
وقال:
فال الصباح يبداهو ريق
زهره، وعلى خده الرحيق.
|
Post: #331
Title: Re: جورج -- دى كفك ولا غيمه
Author: ملكة سبأ
Date: 05-21-2004, 01:30 PM
Parent: #330
| Quote: فال الصباح يبداهو ريق |
طيـب ..
المابجـي ويتباخـت بيكـم كـل صبـاح
ذنبـو وين ؟
على جنبـو ..
** سلام الصباح دا لجورج وبي فـرز **
|
Post: #332
Title: Re: جورج -- دى كفك ولا غيمه
Author: Areej
Date: 05-21-2004, 01:54 PM
Parent: #331
وسط هذا الجمال
يفضحنى شديد الاندهاش
واظل بينكم
احبكم
|
Post: #342
Title: Re: جورج -- دى كفك ولا غيمه
Author: THE RAIN
Date: 05-22-2004, 05:49 PM
Parent: #332
أريج
آلاف المراحب بيك، عمانا أريج جيتك المعطر، ومع الحروف، يرقص الفرح طربان بى جيتك الحلوة، نزهو بيك ومعاك، ونتعطر بى أريجك الفواح، وتنتشى اللحظات معاك ترتاح، ونحن برضه نرتاح ونسعد والله
دمتى
|
Post: #341
Title: Re: جورج -- دى كفك ولا غيمه
Author: THE RAIN
Date: 05-22-2004, 05:46 PM
Parent: #331
بلقيسنا
سيدة الجنان والحروف
ونحن بنجى كل مساء، نتزود بالألق المبهول من حضورك وسايل على أطراف عرشك، نشيل منه ما تيسر، ونتزود بيهو عشان ينور لينا الدروب، وتنبل عروق الفرح
|
Post: #340
Title: Re: جورج -- دى كفك ولا غيمه
Author: THE RAIN
Date: 05-22-2004, 05:44 PM
Parent: #329
راوية الغالية
يا مساءات السنا
ويا صباحات المنى
الحقول ترقص تزغرد
وكل عصافيرنا الحنينه
بى لقاك تضحك تغرد
|
Post: #339
Title: Re: جورج -- دى كفك ولا غيمه
Author: THE RAIN
Date: 05-22-2004, 05:39 PM
Parent: #328
Quote: شوقَك على شوقا
وصلك إذا صحَّاكْ
طالت سنابل الريد
ريدك إذا ناداك
طلَّتْ عناقيدك
رجعن مراكب الريح
ريحة البخور والنَّدْ .
|
مدد يا شخى يا سيد الكلام
مدد يا ساكن الروح والحشا
مدد يا نضمتك، عنوان وئام
مدد من كفك الغيم المشا
أخوك والله يا جورج اليومين دى مسكون بى وجع ما معروف سببه ذاته شنو
اللغة مخاصمانى والكلام صارى وشه، إلا عارفهم قليبن رهيف وتانى بنتصالح
|
Post: #337
Title: Re: جورج -- دى كفك ولا غيمه
Author: THE RAIN
Date: 05-22-2004, 05:28 PM
Parent: #319
هالة الصديقة
صباحاتك كلها ندى وضوء وإخضرار
تمشى وتجينا انشاء الله وإنتى أبهى وأنضر، ويجعل ليك فى كل رمشة وخطوة سلامة وأمان
|
Post: #333
Title: Re: جورج -- دى كفك ولا غيمه
Author: Abd-Elrhman sorkati
Date: 05-21-2004, 03:16 PM
Parent: #1
Quote: ويابكري ود ابو بكر حلك شنو مع الحيشان ديل ؟؟ وارشيف وين البشيلن ليك ؟؟
يا اجاويد ماتجو معانــا !!! |
--------------------------------------------------------------------------------
العزيزة (الملكي) 000 كما يحلوا للحبيب خالد الحاج ان يناديك
اسمحي لي ان اخاطبك كما خالد الحاج000 وان أؤيدك لان ما دار في خاطري هو هل سيبعث بهذا البوست الي الارشيف000
أتمني ان يترك أخي الحبيب بكري هذا البوست دون أرشفة بأعتبار
ان فيه 000 حياتنا 00أحلامنا 000 بوحنا 000 وبه شباب مثل جورج
وصلاح (شتات)00 والمطر 00 ويابت يا نيل 0000 وكل الحلوين00000
وفيه كل هذه القيم الادبية00000 بكري ود أبو بكر أرجوك أبقيه
ولا تبعثه الي خانة الارشيف لانه لم ولن يكتمل مع هؤلاء00 الحلوين
ودمتم
أخوكم
عبد الرحمن سوركتي
|
Post: #343
Title: Re: جورج -- دى كفك ولا غيمه
Author: THE RAIN
Date: 05-22-2004, 05:52 PM
Parent: #333
سوركتى العزيز
ولا يهمك يا جميل، وين ما مشى الكلام، برضه حنظل ماسكين إيد الفرح وماشين معاه بين حقول الجمال
ووسط كل الحقول، تظل إنت سنديانه وافره الظل وعميمة الخضرة، وكل عصافير السماحة راكا فوق ليك، ووين ما نمشى ووين ما تمشى بنتلاقى، وحنروى كل الحقول بدم المحبة ونسقيها بى شعاع الصدق الفيكم
دمت طيب انشاء الله
|
Post: #344
Title: Re: جورج -- دى كفك ولا غيمه
Author: جورج بنيوتي
Date: 05-22-2004, 09:34 PM
Parent: #343
بلقيس :
بس الصباح ؟:
ليك الخمسه ونوافلا ..
ليك المسا وضحك النجوم
وكتين علي النيل عيونا ذاتا تغازلا.!!!
دمت نوارة هذا الحوش الأربعه في واحد.
|
Post: #345
Title: Re: جورج -- دى كفك ولا غيمه
Author: جورج بنيوتي
Date: 05-22-2004, 09:39 PM
Parent: #343
أريج :
مرحب بيكي طقسامدهشايزيد الأربعة الفصول ربيعاإضافيا
معجنا بالأريج الطيب.
|
Post: #346
Title: Re: جورج -- دى كفك ولا غيمه
Author: جورج بنيوتي
Date: 05-22-2004, 09:44 PM
Parent: #343
سوركتي الأخضر
لنا في الأمكنة دوام الوصل.. إن دهلزونا ننهض في
صباح الممكنات من الكلام ونلتقي فبيوت العز عامرة
بكم وبهم وبنا.. ثمة غيم في صلاح الأمكنة وثمة مطر
يلثم ثغر الأرض بألف قبله.
لك التحاياوالود.
|
Post: #347
Title: Re: جورج -- دى كفك ولا غيمه
Author: جورج بنيوتي
Date: 05-22-2004, 11:21 PM
Parent: #346
ندى أمين:
لولالالالالالالالاكي..
نسمة صباح الحوش الرابع ..
صباحات الندى وغيم الوداد...
عذرا: ختام الكلام المسك ..
وتصبحون على خير..
وراجعيييييييين.
مودة وفرح هذه الزيارات + الإيد الملانه.
|
Post: #348
Title: Re: جورج -- دى كفك ولا غيمه
Author: حبيب نورة
Date: 05-23-2004, 00:13 AM
Parent: #347
لا حولة لا قوة
انتوا لسة المطرة دي صابة؟؟
كان كدة ما البلد مخرفة !!!
أجيد ليكم بالمطر 
|
Post: #349
Title: Re: جورج -- دى كفك ولا غيمه
Author: THE RAIN
Date: 05-23-2004, 08:43 AM
Parent: #348
نوره وحبيبا الحبيب
لماالأرض تنده تعال
راجياكا
يا حلمى العتيق
يبدا المطر
يسرج ضهور الليل طريق
وعليها يدّفق وصال
وعلى الأرض
عرس النهر
طعم الخيال
فرح الطريق
خد الجمال
ضِحك القمر
معنى السؤال
ويجى المطر
وتطفى واطاتنا
الحريق
|
Post: #350
Title: Re: جورج -- دى كفك ولا غيمه
Author: THE RAIN
Date: 05-23-2004, 08:54 AM
Parent: #1
وين يا صلاح
طعم اللقا
وفرح الصباح
ليل العيون
ساعة يجى
وساعة يرص نجماته
جنب قمره الحنون
تلقانا نسعد وننتشى
لا هم يشوفنا ولا جراح
ساعة يجى
يلقانا، تلقانا، ونكون
وين يا صلاح
وين العيون
|
Post: #351
Title: Re: جورج -- دى كفك ولا غيمه
Author: THE RAIN
Date: 05-23-2004, 08:59 AM
Parent: #1
هل أتانى هاتف الأشواق؟
هل أتاكِ أنين البعاد؟
هل كان يا ترى
وشاية الظن فى أذن اليقين
أم تناوم الحلم عن يقظة العشق
مالى أرى القصيدة
تلتحف برد الهمس
تزيح أصابعها
عن ندى الشمس
البوح
هذا الصباح قصير
مثل أحلام العاشقين
ولا شئ فى المدى
بطوله يفاخر
إلا هم التلاقى
هى تذكارات البكاء
بين أحضان الطين القديم
أو ما كتبته أقلام الليل
على لوح قمر يتيم
|
Post: #354
Title: Re: جورج -- دى كفك ولا غيمه
Author: شتات
Date: 05-23-2004, 03:47 PM
Parent: #351
(هاتف الأشواق .. أنين البعاد
أذن اليقين ..
وجدان العشق ..
قصيدة تزيح أصابعها ندى الشمس
صباح قصير.. مثل أحلام العاشقين
هم التلاقى ..
تذكارات البكاء ..
أحضان الطين القديم ..
أقلام الليل .. لوح قمر يتيم)
.
..
مطر .. يا مطر
والله كأنها قطع من اللؤلؤ تتساقط من برج القمــر ..
على طاولة حضورنا وصحن أشواقنا .. فنتلألآ نحن بالضياء ..
كحديقة من البلَّـور ..
كل الحب يا ود يا عسل ..
صلاح / شتات
|
Post: #355
Title: Re: جورج -- دى كفك ولا غيمه
Author: شتات
Date: 05-23-2004, 03:51 PM
Parent: #354
هالة قوته ..
صباح الإحساس والطيبة ..
صباح القبلي والسحاب الشابك ..
صباح الضحكة ورحيق الشاي ..
صباحك ..
صباح النيل ..
صباح الدوائر الهادرة بضجيج الأهل وعيون الأطفال ..
صباح الخير يا هالة .. ومساء النور ..
صلاح / شتات
|
Post: #356
Title: Re: جورج -- دى كفك ولا غيمه
Author: شتات
Date: 05-23-2004, 03:53 PM
Parent: #355
الغالية حنينة ..
معكم نفتح نافذة في جدار الليل ..
يتسلل الصباح ..
نزرع شتلات الأمل في حقول الضياء ..
نترقب غيوم الدهشة ..
ضحى الأماني واحتفالية الرجاء ..
نعتصر الممكنات المشحونة بالظلال ..
نفرش سجادة المساء ..
نرفع أكف الدعاء ..
لنحتمي من طول التمدد في أرياف الغياب ..
..
لكم يا حنينة ..
صفو الأماسي .. وألق الصباح
ونلتقي ..
صلاح / شتات
|
Post: #357
Title: Re: جورج -- دى كفك ولا غيمه
Author: شتات
Date: 05-23-2004, 03:56 PM
Parent: #356
راوية ..
راويتنا وروابينا ..
نمد أغصانا كفوف ..
والشوق الساحل عابر ليك ..
جسور الطيبة وعمق الود ..
نلقاك ..
حمامة .. هديل انسان ..
غمامة ترحب بيك ..
مطر حاني .. وكف نديان ..
نجيك أزمان ..
تجينا حنان ..
تطيب أرواحنا باللقيا ..
ومعاك يتواصل المشوار ..
كل الشكر يا راوية ..
عميق الود ..
ونلتقي ..
|
Post: #358
Title: Re: جورج -- دى كفك ولا غيمه
Author: شتات
Date: 05-23-2004, 03:59 PM
Parent: #357
أريج
ونحن نحبك يا أريج ..
بأريحية هذا المشوار ..
ومرحبا بك في أعشاش العصافير ..
على أشجار التصافي والود ..
تتمايل الأغصان أغنية ..
يوشوش النسيم قصيدة ..
تهش جداول اللقاء بالفرحة ..
عميق الشكر .. وكل الود
صلاح / شتات
|
Post: #359
Title: Re: جورج -- دى كفك ولا غيمه
Author: شتات
Date: 05-23-2004, 04:01 PM
Parent: #358
عبدالرحمن سوركتي ..
انشاء الله سيظل هذا البوست ..
حلما .. بوحا .. وحياة ..
سيبقى ..
في الخاطر .. في البال .. في الذكرى
سيبقي بكم ..
كف بيضاء .. رشاش مطر .. غيمة رجاء ..
سيبقي .. ساحة للقــاء ..
ونلتقي ..
|
Post: #360
Title: Re: جورج -- دى كفك ولا غيمه
Author: شتات
Date: 05-23-2004, 04:10 PM
Parent: #359
ثلاثة شلوخ ..
فخر اللمة .. أصالة الطين ..
انسان وشلة ضوء ..
وساقية حنين ..
قمر قاعد في قوز الرملة ..
النجم الضاوي حنانك ..
والليل الساكن ..
شايقي وما محسوب ..
طنبورو يغني ..
يناجي النيل ..
ينادى عليك ..
الشوق الكامن ..
وجروف العافية ..
الفرح الأخضر ..
توشوش ليك ..
الريد استوطن ..
سماك السافر فينا ..
حروف نديانة محنة ..
عافية وقافية ..
أمان وسكن ..
الطيف الراحل ..
نازل في كفينا ..
شايل لون البهجة ..
سحاب عينيك ..
غطى الساحة غمامة ..
وفينا أتمكَّن ..
وطيرنا الهاجر صيف ..
النخل العالي ..
عناق الريح ..
جزاير الوردة ..
البحر الآمن ..
نهاجر ليك ..
نشيل الغيمة والتذكار ..
نطاول الليل ..
دليلنا عيون ..
وعيونا الراحن في المشوار ..
دموعنا الكبَّن ..
فرحة ولهفة ..
ونوصل ليك ..
..
هين هينين ..
والود موصول ..
جزيرة هنا .. جزيرة هناك ..
نيل .. نيلين ..
والقافية تطول ..
نخيل الفرحة .. جروف الليل ..
مسدار الطيبة ..
حكاوي تقول ..
تغنى حنان الضفة ..
معاني اللهفة .. وعمق البين ..
الرهو الراحل ..
رمش العين ..
رسائل الشوق ..
والجو الحاضن ..
ريد اتنين ..
ونتلاقي غزال ورهيد ..
شجرة ظليلة .. وعصفورين ..
كنارنا يدندن ..
والود موصول ..
صلاح / شتات
|
Post: #352
Title: Re: جورج -- دى كفك ولا غيمه
Author: essam&amal
Date: 05-23-2004, 09:12 AM
Parent: #1
المطر
شتات
جورج
انا
اغنيكم فرحة
نشيلها نشيد
تكون عنوانا
وميم معنانا
وليل مغنانا
دليل تأكيدنا
وشأو ثباتنا
يجينا صداها
وفوح شذاها
طعم رضابها
وبوح سناها
نمة صوتها
وراية لوحة
جلال الروعة
وصدق الرغبة
العشق الوطن
اللون الطعم
الصورة الاصل
الغاية القصد
نغمة فاها
دلال ممزوج بى حال دنياها
وغالى مناها
وغالى مناها
وغالى مناها
ام وضاح
يا الغاليين الفوق كلكم
القومة ليكم
وانا احبكم
ام وضاح
|
Post: #353
Title: Re: جورج -- دى كفك ولا غيمه
Author: abuguta
Date: 05-23-2004, 09:54 AM
Parent: #352
دى كفك ولا غيمة
منسابة فينى زى نغيمة
طفلا صغيرا فى مشيمة
منتظراه الداية حليمة
شوقتونى لامى نعيمة
ولى جلسة فى ضل النيمة
ولطفة مولودة يتيمة
لابسة طرقة وكمان هديمة
وحكامنا عاملين جريمة
وكراسيهم مستديمة
احبك ياسودانى مهيما
من نيمولى الى حلفا دغيمة
يامطر العز العليما
جورج كفك ولا غيمة
شتات خطير زى الشيمة
اشعاره كتيرة وعظيمة
المطر اسف دخلت متاخر ووجدت
ينابع متدفقة احترت من اى عين
اشرب...فجلست فى كرسى الاندهاش
اراغب سرعة الانبلاج وامتع ناظرى
بالوان قوس قزح...فياله من منظر
مع شمس الاصيل وهى تعلن لحظات الوداع
شكرا شكرا
لكم
|
Post: #364
Title: Re: جورج -- دى كفك ولا غيمه
Author: THE RAIN
Date: 05-25-2004, 10:09 AM
Parent: #353
أبوقوتة العذب
أجمل المناهل
نابعه منك
وأحلى الشراب
أحرف نداوتك
ماليا دنك
وساعة تفتح وردتك
تطلق عبيرك للصحاب
تورينا عنك
نقعد حداك
نكرف عبق طيبة لماك
ونقول حباب
مرحب حباب
|
Post: #380
Title: Re: جورج -- دى كفك ولا غيمه
Author: شتات
Date: 05-27-2004, 04:57 PM
Parent: #353
ابوقوتة ..
غيمة رقيقة ..
تعبر صيفك .. تهمس ليك ..
وطفلة وديعة ..
في كف بسمة .. تجري وراك ..
الدنيا الغائمة ..
مسارح وعدك ..
فرح الليل الهائل .. يستناك ..
نور الصبح الباسم ..
يغطي مداك ..
يشيل من صدرك ..
هم الوجع الطوَّل ..
حنان الوالدة الراقدة هناك ..
دعوة وراك .. وخطوة أمامك ..
تحفظ دربك ..
سبحة طويل بينك وبينا ..
حبات بركة ..
من روح والدين ..
ينادوا عليك ..
قول آمين ..
قول آمين يا ابوحميد .. وشاكرين على الحضور الزاهي ..
تحياتي .. ونلتقي ..
صلاح / شتات
|
Post: #363
Title: Re: جورج -- دى كفك ولا غيمه
Author: THE RAIN
Date: 05-25-2004, 10:03 AM
Parent: #352
العزيزة آمال
نشيد جيتك ملون بالسماح
مليان مودة وطيب معانى وانشراح
ترحابنا ليك موال طويل
وفرحنا بيك
طار وانتشى وفرا الجناح
|
Post: #379
Title: Re: جورج -- دى كفك ولا غيمه
Author: شتات
Date: 05-27-2004, 04:52 PM
Parent: #352
أمال أم وضاح ..
نشيل الفرحة .. غناوي اللقيا
نضوِّي الساحة ..
ننادي سماك ..
نرسم لحن الدنيا ..
الشفق الغادي ..
مصافي الرؤية ..
وطيب ريَّاك ..
الحرف الطائل ..
لون البهجة ..
المعنى السامي ..
دار النجوى ..
رقيق معناك ..
نلقاك ..
نهز القافية ..
شجر الكلمة ..
كتاب العافية الأخضر ..
يكتب نيلنا ..
يرسم ورق الصبح الأبيض ..
يناجي رباك ..
شكرا يا أمال على الهمسة الرقيقة الرائعة والكلمات المعبرة ..
عميق الشكر .. كل الود ..
صلاح / شتات
|
Post: #361
Title: Re: جورج -- دى كفك ولا غيمه
Author: ملكة سبأ
Date: 05-23-2004, 09:15 PM
Parent: #1
مطـر .. زهـر
(الغيـث النافـع اينماهطـل اينعـت الزهـور وتفتحـت)
جمـال .. جـلال
(حيـث يتمـدد جـورج حقـول وورد وعبيـر ينشـم)
صـلاح .. صبـاح
(صباح الإشراق ، صبـاح العيـد ، صبـاح الفـال واى صبـاح جميل)
ستة مترادفات .. تنفـح عبيـر ، تعبـق شـذي ، تفتّـح زهـور الأقحـوان ،
فـوق عيــون الليـل نجيهـا نتباهـي فـوق صـدر الزمـان ..
مطر فارس الكلمة
جورج سيدهـا
والسلطان صلاح
وكـل أحبـاب الحضـر الجورجيـة
وأخـص خـال الكـل خالـد..
ياسحـــاب ياقبلــي بـــارق
تحية معجونـة برحيـق الـود ،،
ومستوية بـدفء الأخـوة والمحبـة الخالصـة ..
ستـة حيشـان كأنهـا ستـة أعـوام
كرنفـلات .. محبـة وأعيـاد
نعمنـا بصحبتـكم .. وطربنـا بالحـرف الساحـر ، والنغـم الآثـر
وكـان ان اهـدتنـا مغـارة علـي بابـا كنـز معرفتـكم ومتابعتكـم
وكـان ذلـك الإدمـان اللذيـذ ..
ومـازال سحابكـم المـزن يهمـي بالمسـكر الحـلال .. نصـل حـد الثمالـة وماتـزال النـفوس تهتـف هـل مـن مزيـد !!
شوفوا .. انـا لو قعـدت إتكلـم مـن هنـا لبعـد باكـر ماحيكـفـي !!
المهم الـود أضعـاف .. والشكـر الآف ليـوم الوقـاف ..
وخلـوا بالكـم مـن المملكـة دي ..
ويمكـن اجـي القـى (دهلزونـا)
وإذا حصـل :
لنا في الأمكنة دوام الوصل.. وننهض في صباح الممكنات من الكلام ونلتقي في بيوت العز عامرة بكم وبهم وبنا.. ثمة غيم في صلاح الأمكنة وثمة مطر يلثم ثغر الأرض بألف قبله.
** كـدا صـاح شيخـي ياجـورج **
ولا يهمنـا وين ما مشى الكلام، برضه حنظل ماسكين إيد الفرح وماشين معاه بين حقول الجمال
** دا الكـلام يـامطـور هتكـت سمانـا وسيـلت ملـت الحقـول **
انشاء الله سيظل هذا البوست ..
حلما .. بوحا .. وحياة ..
سيبقى .. في الخاطر .. في البال .. في الذكرى
** ونلتقـي يا صـلاح **
وخلونـي معاكـم لمـن اجـي
جورج دى كفك ولا غيمه
تلمس الطين ينتشى
يبقى الكلام
روح التراب
تبقى الحروف
معنى الوئام
الفرحة تسرج صهوتا
ونجيك على خيل السلام
وعليك محبة وليك سلام
** وعليكم محبة وليكم سلام**
|
Post: #368
Title: Re: جورج -- دى كفك ولا غيمه
Author: THE RAIN
Date: 05-25-2004, 12:02 PM
Parent: #361
Quote: وخلـوا بالكـم مـن المملكـة دي ..
ويمكـن اجـي القـى (دهلزونـا)
وإذا حصـل :
|
وإذا حصل برضه يا بلقيسنا حنكون قاعدين فوق قيف الإنتظار، نستنى موجات الجمال ونسائم الإلفة، ونعمر الحيشان من أول جديد
ما دام كف جورج تنضح بالندى، وما دام شتات شايل بذور المحبة والطيبة ويزرع فيها جوه تقانت المودة والحضور الأخضر، وما دام كلنا مستظلين باعرش البلقيسى السبأى الفخم، ومعانا كل الحبان الجميلين، كلهم وبدون فرز
حتلقينا قاعدين ومستننك، قدام باب المحبة
|
Post: #362
Title: Re: جورج -- دى كفك ولا غيمه
Author: أبو ساندرا
Date: 05-24-2004, 11:50 AM
Parent: #1
..... ونلتقي ......
حينها يهدل الحمام
ويهمي الغمام
ويغني النعام
ونشلخ ليك الولد تمام التمام
والشهود ودقاسم وشيخك جورج
والمأذون ود الأمام
|
Post: #365
Title: Re: جورج -- دى كفك ولا غيمه
Author: خالد الحاج
Date: 05-25-2004, 10:22 AM
Parent: #362
|
Post: #372
Title: Re: جورج -- دى كفك ولا غيمه
Author: THE RAIN
Date: 05-25-2004, 05:20 PM
Parent: #365
خالد حبيب القسا
ما سامعين حاجة المرة دى
تكون الكهربا قاطعة ولا شنو
كدى خلينا نجرب فى البيت
ومهما يكون، برضه الشكر آلاف وأجناس وأصناف
|
Post: #383
Title: Re: جورج -- دى كفك ولا غيمه
Author: شتات
Date: 05-27-2004, 05:23 PM
Parent: #365
الغالي خالد الحاج .. يا ربيع المواسم
انت منك كل آهة ..
لم تبلغ فيك مداها ..
ترسى في حزنك متاهة ..
وتبقى قانون انتصارك ..
..
غرِّد .. غنِّى
لك الورود .. والشوك للمدن القبيحة
صلاح / شتات
|
Post: #367
Title: Re: جورج -- دى كفك ولا غيمه
Author: ودقاسم
Date: 05-25-2004, 10:41 AM
Parent: #362
أبوساندرا وكيل الحلوة
وودقاسم كفه في كفك
والمأذون يهمهم بالغنوة
وتنهال التهاني
وتنساب الأغاني
وتتحقق أماني
أرقصوا يا بنات
وغرد يا شتات
سيرتنا جات
سواقنا زينة
وحالف ما يدلينا
وجورج يجينا
وبالطلاق يحلف علينا
والمطر الهطل
عم الجهات
الملكة جات
زغردوا يا بنات
وحنينة فينا
منسابة ورزينة
تتلقانا راوية
بي إكرامنا ناوية
دقت طبول
صوتا سمح
صوتا هدير
إعلان صريح
الهم يطير
يغشانا ريد
عاشق فريد
ونعزف نشيد
ونتلمّ فوق
ونقعد نروق
تضوي البروق
تغشانا زينة
تنفش غبينة
ونبقى فوق
نبقى فوق
شباب دي خرمجة ساكت ( خرمجة أون لاين ) ، أنا طولت من البوست ده ، وجيت الليلة قريت وقلت خليني أخرمج شوية ،، فكانت هذه الخرمجة ،، ولا تفهموها إلا أنها خرمجة ،،
|
Post: #370
Title: Re: جورج -- دى كفك ولا غيمه
Author: THE RAIN
Date: 05-25-2004, 12:08 PM
Parent: #367
ود قاسم الحبيب
يا ريت الخرمجة كلها لو كده
خرمجه طاعمه وشهية ومليانة والله بالصدق المضوى بين الكلمات
ويا ريت كل يوم تخرمج لينا كده، ونحن نسعد ونفرح بيك وتطول هاماتنا بى جيتك الندية
|
Post: #382
Title: Re: جورج -- دى كفك ولا غيمه
Author: شتات
Date: 05-27-2004, 05:12 PM
Parent: #367
تعرف يا خال ونحن في هذه المدارات والمسارات الفلكية مع الكواكب والنجوم .. انت كدة زي الأرض وجورج والمطر زي زحل وعطارد .. وأنا كوكب تايه بلا سماء .. يبحث عن مدار .. لا يهم ذلك كثيرا .. المهم انو موجود مجازا أو حقيقة .. هذه الاجرام تدور في أفلاكها منذ آلاف السنين .. تؤدي رسالتها بقناعة ويقين .. تشكل المواسم والفصول .. تزين السماء .. تمنحنا الخيال والسحر والالهام .. هي في السماء نجوم .. وهنَّ في الأرض نجوم .. هي في السماء كواكب وليتنا نحن نكون في الأرض كواكب لهذه النجوم .. العلاقة بين الكواكب والنجوم في السماء هي علاقة الوجود والبقاء .. طبعا النجوم مضيئة ذاتيا .. والكواكب تستمد ضياءها من النجوم .. من الشمس مثلا .. والشمس نجم .. أما العلاقة بين نجوم وكواكب الأرض هي سر الأزل .. معنى العطاء .. معنى الانتماء .. .. نجوم الأرض تمنحنا الحياة والجمال والأسرار والغموض .. ونحن يجب أن نمنحها الوفاء والصدق والعطاء الخالص .. عندما تختفي نجوم السماء تصاب الأرض بالظلام .. وعندما تختفي نجوم الأرض نصاب بالجفاف والتعب والانحسار .. .. تدور نجوم وكواكب السماء في مداراتها .. لا تتوه .. وندور نحن في مساراتنا الأرضية .. نتوه .. نضل .. نتخبط .. نتعثر .. نصل .. ننجح .. نفشل .. ونظل نبحث عن الضوء في محاجر النجوم ..
أنت ..
في السماء نجمة ..
للكواكب الضياء ..
في الأرض نجمة ..
للقلوب الحياة ..
نحبك ..
تنكشف قارة الأرض ..
عن جُذر جديدة ..
بحار ..
أنهار ..
شلالات ..
بحيرات ..
براكين ..
زلازل ..
كون آخر ..
نغوص للكمات التى لم يقلها البحر ..
للنظرات التي ابتلعها النهر ..
نناجي بحيرة التذكار ..
نرسل شلال المنى آهة من روح اللقاء ...
نثور ..
ننفجر ..
ننهمر ..
في حمم الاشتياق ..
نموت ونبعث من جديد ..
كطائر الفينيق ..
تعرف يا خال هذا الفريق (هذه الكواكب والنجوم) .. زي الرياح تتحرك من مناطق الضغط الجوى العالي إلى الضغط المنخفض .. فعندما ترتفع درجة حرارة المزاج النفسي أو العاطفي في مكان ما تصبح منطقة ضغط وجداني منخفض وهنا تتحرك هذه الرياح بجحافل النسيم والغمام والمطر .. تمتد يدا بيضاء من غير سوء .. والمطر أينما حل أنبت الزهرا .. وهذه اليد البيضاء سحرية اللمسة .. انغمست يوما ما في بحيرة النور المقدسة فمنحتها بركة الشفاء .. وبقية الكواكب تنضح بالجمال .. أما النجمات فهن عند الدوائر والمنحنيات .. عندما تزيد قوة الطرد المركزية هن جاذبية المركز التي تمسك بنا من الانفلات .. هن زهرات القمر .. النور الإلهي .. يلبسن الصبح وشاحا وأوراق الورد أكماما .. يطرِّزن النسيم مناديلا .. من بين أناملهن ينساب الندى جداولا يحكي عذوبة اللقاء .. فتتكئ الشمس حياءا .. هن أنوار الطريق .. في قمة عرش الذكرى .. رواية مكتوبة في شواطي العصافير .. جزيرة من نور .. .. نحج اليها فريضة في العام مرتين .. كالأعياد .. عيد للخريف وعيد للربيع ..
ولما تجي انت يا خال ومعاك أبوساندرا .. نجمع كل هذه الأعياد .. كل القوافي ما مضى منها وما سيعود وبشائر ما هو آتٍ .. تأتي كل هذه الكواكب والنجوم .. ننسج الأرض بحرير المعاني والتلاقي .. تحتفل النجوم .. يرقص القمر في زفاف الأرض ..
يا أيتها الجداول المنسابة في خواطري ..
تبعثري ..
وتمددي بمشاعري ..
غرِّدى لحني ..
نسِّقي وتناسقي ..
أنا في مجدك الملكي ..
حصن ..
أنا في فرعك الذهبي ..
غصن ..
أنا و أنت ..
لا تسألي ..
جدِّدي وتجدَّدى ..
ثم أرسلي واسترسلي ..
هزِّي بجزع الود ..
يتساقط موعدي ..
ثمرا في مواسم الشهد والرطب ..
ألقاك تومض مهجتي ..
أشعلي ناري والهبي ..
أحرقي وجد فواصلي ..
وامنحينا الوجود ..
..
كل الود يا خال .. ونلتقي ..
صلاح / شتات
|
Post: #369
Title: Re: جورج -- دى كفك ولا غيمه
Author: THE RAIN
Date: 05-25-2004, 12:05 PM
Parent: #362
العزيز أبو ساندرا
والله العظيم شرفت الدار وزاد الإخضرار
وآلاف المراحب بيك وبحضورك المفرح، وابقا لا جوه، اتوهط بينات الناس الحلوين ديل، عشان بيك تزيد حلاوة المكان ونشوة الزمان
|
Post: #381
Title: Re: جورج -- دى كفك ولا غيمه
Author: شتات
Date: 05-27-2004, 05:05 PM
Parent: #362
أبوساندرا ..
نلتقي في نهر الفجر .. في بحر الأصيل ..
في قوافل الليل .. في ضجيج الصباح ..
في موجة هواء يحضنها شراع ..
في السفر الطويل ..
في صحاري الوجد ..
في جاذبية الأشياء ..
نلتقي ..
في تحية الأرض للسماء ..
في محاور الرجاء ..
في قبلة الورد والندى ..
في منظومة الذات .. في حمى التفاصيل ..
نلتقي ..
في موجات الضوء .. في ذبذبات الأثير..
في فرحة اللقاء ..
في دمعة الرحيل ..
في الأماني الطفلة .. في انفلات الذكريات ..
في حركة الخطوط .. في تموج الألوان ..
في نخيل العمر ..
في هامة المدى ..
فيك .. فيَّ .. فيهم ..
في ضمير الحروف .. في مجاز المعاني ..
في بيان اللغات ..
نلتقي ..
في استراحة قصيدة ..
في ضفة أغنية ..
في خصل القلب ..
في لفتة الروح ..
في عيون الأرض .. في أجنحة السماء ..
نلتقي ..
انسان وظل ..
عمر وأجل ..
وريد ودماء ..
نلتقي .. ونلتقي ..
وهل افترقــنا ؟
نلتقي يا أبوساندرا .. في دار أبوساندرا العامرة .. في ضيافة رشيدة وساندرا وماهي وكل الاسرة الكريمة .. نشرب قهوة الصباح ونقطع في الخال ودقاسم ..
عميق شكري ..
كل الود ..
ونلتقي ..
صلاح / شتات
|
Post: #366
Title: Re: جورج -- دى كفك ولا غيمه
Author: ميادة
Date: 05-25-2004, 10:27 AM
Parent: #1
إيها الصبح الغائم...
لكم تذكرني بوجه حبيبتي!!!
تبعث في شعورا غريباً...
كيف يسعد الإنسان حين يتذكر الأحزان!!!
أم ان المحبين يعشقون الأحزان؟؟؟
الغيمة تتشح بالسواد...
تبكي..فترتعش لبكائها الأزهار والحشائش...
ترتعش الاغصان...
ويرتعش قلبي بردا ... وخوفاً...ً
يا لهذا البرد وهذه السماء الباكية...
التي تثري في نفسي احساس الوحشة...
اريدك جدا واحبك جدا...
اسكني قلبي واشعلي فيه نارك...
واطفئ شوقا حل بي...
حين يلتقي ماء السماء...
بماء بالحور...
أحبك أكثر...
أحب أن ألتقي بك...
وإن لم يكن...
فأنني أحب أن انظم إلى لقاء المياه...
في الشتاء ألقاك كثيرا...
ونختلف كثيرا...
واحبك بجنون...
في الصيف تبعدنا الاسفار...
وتلتهب الاشواق...
احادثك عبر الهاتف كثيرا...
واحبك أكثر...
ياإبنة العشرين...
احبك..أعشقك...
فلما لا تبادلي الحب الكبير بمثله...
ابخيلة انت؟؟؟
ام هو الكبرياء؟؟؟
|
Post: #371
Title: Re: جورج -- دى كفك ولا غيمه
Author: THE RAIN
Date: 05-25-2004, 12:17 PM
Parent: #366
ميادة
كيفك يا ست البنيات كلهن
ومشكورة على النضم الزاهى الجميل
تسلمى انشاء الله
|
Post: #384
Title: Re: جورج -- دى كفك ولا غيمه
Author: شتات
Date: 05-27-2004, 05:28 PM
Parent: #366
يا عصفور الصباحات النجلاء ..
لكم توقظ جراحات الرحيل ..
يسقط المدى ..
سحابة قتلى في دكة الأحزان ..
كيف تنسى العصافير نوتة الألحان ..؟
أم أن الألحان هي قافية الشجن؟
أتجف الغيوم في سماواتها ..؟
أيمتلئ الفراغ ..؟
أيبتلع البحر الصدى ..؟
لا ..
هي مهاوي التوازن ..
ظلال الليل واشتياق الردى ..
هي احتفال الغيوب .. وارتحال النداء ..
..
في عجاج الأشواق ..
نراك..
نحتفي بك ..
وفي غرف القلب نضيء شموع اللقاء ..
ونار الوحشة برد وسلام ..
وبين قطرات السماء وماء البحر ..
ملح الوفاء ..
وبين الأرض والبحر معنى الالتقاء ..
نشتاقك ..
في محارق الصيف ..
في أصقاع الشتاء ..
في ربيع القوافي .. في استراحة الأصدقاء ..
يا هودج المدن الصحاري ..
يا ابنة النسيم ..
عودا حميدا ميادة ..
ومرحبا بك في ضيافة جورج والمطر .. وكل الأعزاء ..
وهذه الرحلة الفضائية ..
صلاح / شتات
|
Post: #373
Title: Re: جورج -- دى كفك ولا غيمه
Author: مراويد
Date: 05-26-2004, 03:47 PM
Parent: #1
UP TO THE FRONT
WE NEED YOU
|
Post: #374
Title: Re: جورج -- دى كفك ولا غيمه
Author: THE RAIN
Date: 05-26-2004, 04:46 PM
Parent: #373
مراويد الكحل
رسمت بلد
فوق العيون
جنب الرموش
شفنا الفرح
إنشرا ضُل
فوقو الوداد
نشوان قعد
وشفنا السماح
مفروش بروش
لون الصفا
عطر الوفا
صبغ الرياح
بالريدة
والحزن انمسح
شكرا ليك يا مراويد يا معطر، يا حامل مسك الحضور العبق
|
Post: #385
Title: Re: جورج -- دى كفك ولا غيمه
Author: شتات
Date: 05-27-2004, 05:31 PM
Parent: #373
مراويد ..
انت العالي ..
عالي .. عالي ..
وصوتك عالي النبرة ..
في الرواكيب المنافي ..
في المطامير الفيافي ..
وحتى ألوان الفراغ ..
..
منوِّر دائما يا مراويد ..
كل الشكر .. كل الود
صلاح / شتات
|
Post: #375
Title: Re: جورج -- دى كفك ولا غيمه
Author: THE RAIN
Date: 05-26-2004, 04:51 PM
Parent: #1
تعرف يا مراويد
كلما ألقاك، بتخيل العيون الحلوة، الواسعة زى إشتهاءتنا المقيمة، وبالمناسبة دى اتذكرت قصيدة، للرموش والعيون العاجبا سيدا، وتعرف نفسى فى شنو
نفسى والله تعجب الزول السمح "حمزة سليمان" ويشوفها كان عجبته، يمكن يلقى فيها طريقة موسقة
كدى شوفها إنت أول شى سمحة ولا ما نافعة، ونهديها لأسياد العيون الحلوة كلهم
مدى ضل رمشك مرافى
لونى شعاع الأمانى
عشان اجيك
استقبلى الشوق الهدير
اندهاش اللحظة بى شوفة عينيك
وانبهار اللقيا بالريد الخرافى
ومدى ضل رمشك مرافى
جاييك على ضو الأغانى
متوهط الوجع الكبير
رهق المسافات والمنافى
مشدود متل وتر المعانى
خطوة فى الزمن الودار
فكرة فى الخاطر الكسير
دمعة فوق خد القوافى
نجمة دساها النهار
انشده وأنا جاى ليك
وينقطع نفس الثوانى
وأجيكى حافى
ومدى ضل رمشك مرافى
جاى ليك ارسم ملامحك
ارتعاشات فى الحروف
تنتهى الضلمة وتفوت
وابداكى تانى
يتلاشى وجع الليل يموت
وابداكى تانى
ارسم ملامحك
طيبة زى فجر الجروف
نفحة من طيب البيوت
وابداكى تانى
ينهزم هم التجافى
ومدى ضل رمشك مرافى
دوى صمت الليل هواجس
شال كلامى
وفتح أبواب السكوت
ضج ضيك فى مسامى
زغردت قمراة نشيدنا
وفرهد الفرح البموت
خليهو حزنك
لا تهمى ولا تخافى
بس مدى ضل رمشك مرافى
|
Post: #376
Title: Re: جورج -- دى كفك ولا غيمه
Author: Abd-Elrhman sorkati
Date: 05-27-2004, 01:02 AM
Parent: #1
مطر الغيث 00 متمننك
أهطل بل ارواحنا النشفت
شوف اطفالنا المستننك
انزل خضر كل واطاطتنا
كريم جواد 00 ياك اظنك
بدل حال الجدب الفينا
خلى دعاشك 00 يعبر عنك
تلاقت الارواح 00 هطلت السكبنة
كهطول المطر 00
تلاشت الرؤى الشائهة
( لا يصح الا الصحيح ) 00
ولا يبقى الا الجمال 00
جمال الخريف 00
لا خلاص الا الصلاح 00
صلاح النفوس والامكنة 00
مدد 0000يا جورج
دى كفك ولا غيمة
المطر ( دة بوستك ولا 0000حب )
حبى لكم
ع/ سوركتى
|
Post: #377
Title: Re: جورج -- دى كفك ولا غيمه
Author: جورج بنيوتي
Date: 05-27-2004, 02:55 PM
Parent: #376
* * * *
UP
|
Post: #378
Title: Re: جورج -- دى كفك ولا غيمه
Author: حبيب نورة
Date: 05-27-2004, 03:03 PM
Parent: #377
تثائبت الشمس في هذا اليوم كـسلي, علي غير العـادة , تطـرد عنها
طيوف النعـــاس , وتمسح النوم عن أجفـانها , ورغم ذلك لم ألمح في
هذا الصبـاح العصـافير وهي تؤكد اكتمال ميكانيـكية الـشروق , وحتي
هذا الشعاع القادم منها , مالي أراه بلون الضـباب ؟ تري من الـذي
أقتلع من هذه الشمـــس المسكينة لون البريق ؟ أحـس ان هذه القمرية
التي كانت تغنيني كل يوم لـحن هذا الصبــاح انها اليوم تبكــيني و
تعـزيني في فقدي الكبـير , أحــسّ أنها تعـلن للنــاس جميـعا , ان
حلمــي الـذي نـام في الفــردوس , أنتبهت أليه مقـلة الشــــجون ,
بعـد ان كانت غافـلة عنه لسـويـعات , ويحك يا طــائري !!! لمــاذا
تـلـملم عني بـاقي أملي , وتنـصـب ســرادق العــزاء ؟؟ أواه يـا
حلــمي !!!! أواه يـا نبـض الامنـــية فيني الذي توقف عن العــــزف
, وتقــطّعت أوتــاره في صبـــاح بكــائية اللاامل ,,أوااااه أوااااه
جورج المطرة دي حدّها النخرة واللا شنو ؟؟؟
ياخي زهجان شديد والكلام الفوق دة ما ليه أيي علاقة بي مطرتكم دي
لكن ممكن تقول دي الزنقة البعد السحاب يتلملم فوق قلب السماء
شكلها كدة قوية يا حبيب... وبعدين وين الزول دة غاطس ؟؟؟؟؟
|
Post: #386
Title: Re: جورج -- دى كفك ولا غيمه
Author: شتات
Date: 05-27-2004, 05:34 PM
Parent: #376
عبدالرحمن سوركتي ..
نحن .. وأنت .. وهم
هنا في الساحل المشرق للصباح ..
نقف .. ننتظم ..
ننتهز فرصة من المتاح ..
نعبر تضاريس القبح ..
نزرع الطريق ضحكة ونغمة ..
نبلل منديل اللقاء ..
بعطر الأحبة ..
كل الحب ..
ونلتقي ..
صلاح / شتات
|
Post: #387
Title: Re: جورج -- دى كفك ولا غيمه
Author: singawi
Date: 05-28-2004, 01:36 AM
Parent: #1
إعتـراف
حبيبي المطر
قبل أن ترسل هذا البوست كنت قد بهرتني بأكثر من قصيدة وكتبت حينها أبدي إعجابي الشديد بما تكتب ، ثم لفت نظري عنوان هذا البوست فدخلت ووجدته نوعا من الإخوانيات ولم أشأ المشاركة حتى لا أكرر ما سبق شرحه . ولظروفي الخاصة انقطعت رجلي عن البورد إلا عن طلات خاطفات . أخيرا لفت نظري عدد المشاركات وعدد الزائرين لهذا البوست فدخلته للمرة الثانية بالأمس وليتني ما دخلت .. والله فاتني الكثير .. ومنذ قطار مام لم أشهد تجمعاً لمثل هذه النفوس الطاهرة ، وهذه القلوب التي تسع الناس برحابتها . أكتب الآن قبل دخول البوست للأرشيف لأتشرف بفبار خطاكم إن فاتتني خطواتكم .
عاطر الود والعرفان لكل من شارك بحرف في هذا الكنز
الحبيب شتات
كل يوم ازداد بك تعلقاً وإلفة
لك الود أيها الجميل النبيل
لك الود أيها الفارس الأخير
تحياتي
|
Post: #388
Title: Re: جورج -- دى كفك ولا غيمه
Author: ودرملية
Date: 05-28-2004, 01:42 AM
Parent: #387
نحبكم
جورج دى كفك ولا غيمه
نحبكم
سنفتقدكم كثيرا
نحبكم نعم
|
Post: #389
Title: Re: جورج -- دى كفك ولا غيمه
Author: essam&amal
Date: 05-28-2004, 02:04 AM
Parent: #1
أبقوا معنا000000 بكري أبقيهم معنا
دة بوست بي كل البورد000000000
عدة أسئلة 00
جورج 00 دة كفك ولا غيمة؟
المطر0000 دي قصايدك ولا متعة 000
شتات 0000 دة كلامك ولا درر0000000
ملكة سبأ000000000 أحبك0000
يابت يانيل 000 ادفقي كما النيل
هالة قوتة 000يارحيم أرحمنا سوا00000
حنينا000 نبع الحنان00000
يا شباب يلا كلكم0000
هل مثل هذه البوستات يذهب للارشيف0000
أرجوا الا يتم ذلك0000
يا بكري دة موقعك ولا وطن
يا بكري دة موقعك ولا وطن
يا بكري ة موقعك و لا وطن
أم وضاح
امال
|
|
