Post: #1
Title: يا نديمي وزاد الشجون
Author: الجندرية
Date: 06-24-2004, 09:38 AM
تمبس
تنقو
سمبتيكو
ود العجمي ( مع لنك الحفظ )
راكوبة
ماو
ابو حسين
خالد الحاج
حنينة
راوية
رجاء
سكتاوية
زولة 123
لو ما نزلتوا/ن
الأغنتين ديل
بشكيكم/ن بين يدي المولى يوم الوقفة العظيمة
|
Post: #2
Title: Re: يا نديمي وزاد الشجون
Author: لؤى
Date: 06-24-2004, 09:51 AM
Parent: #1
.
|
Post: #3
Title: Re: يا نديمي وزاد الشجون
Author: Rawia
Date: 06-24-2004, 09:58 AM
Parent: #1
عذرا
|
Post: #4
Title: Re: يا نديمي وزاد الشجون
Author: Rawia
Date: 06-24-2004, 10:01 AM
Parent: #3
لؤى صباح الخير
على قول المصريين حنقطع على بعض(بيقولوها الحراميه لما واحد يعتدى على منطقه الاخر)
عموما شوف لينا طريقه فى حكايه الكود القلته ليك
راويه الحوار الغلب شيخه
|
Post: #5
Title: Re: يا نديمي وزاد الشجون
Author: لؤى
Date: 06-24-2004, 10:14 AM
Parent: #4
الأخت راوية ، تحية ..
انا آسف ياستى ، انا اهو سحبت الأغنية ومع شديد اعتذارى بس فى مشكلة صغيرة فى الأغنية اللى انتِ منزلاها هنا ، الأغنية فورمات الويندوزميديا وانا شايفك منزلاها بكود الريال بلاير وعشان كده ماحاتشتغل ، أعيدى المحاولة ، وحاأرسل ليك الكود اللى طلبتيه .
مع اعتذارى
|
Post: #6
Title: Re: يا نديمي وزاد الشجون
Author: Rawia
Date: 06-24-2004, 10:26 AM
Parent: #5
اسفه جدا مجرد هزار
انا الاغنيه بتاعتى شغاله معاى
لكن ممكن اسحبها هى رجع انت التانيه
المهم تشتغل
|
Post: #7
Title: Re: يا نديمي وزاد الشجون
Author: الجندرية
Date: 06-24-2004, 10:43 AM
Parent: #1
والله انا محظوظة
راوية ولؤي
شكراً ليكم
|
Post: #8
Title: Re: يا نديمي وزاد الشجون
Author: الجندرية
Date: 06-24-2004, 10:48 AM
Parent: #1
والله بالغتو
فتحت لقيت البوست عدمان التكتح
عليكم الله ختوهن الاتنين
مافي عوجة
كان اتصافت النية البوست بشيل مية اغنية
انتو الاتنين اجمل من بعض وانتو بتتعازموا كدا
محبة
|
Post: #9
Title: Re: يا نديمي وزاد الشجون
Author: الليندي
Date: 06-24-2004, 12:11 PM
Parent: #8
الجندرية بعد التعديل يبدو أنك السبب الفي حاصل ده من ما غيرت صورتك اتغيرت كودات الحفظ والله انا عندي كوم اغاني لكن الكود ما بشتغل كدي رجعت صورتك ام شلوخ يمكن الكود يشتغل
ويا لوي وراوية كدي رسلوا الكود الشاغل معاكم ده لو امكن
ولكم خالص الود
|
Post: #10
Title: Re: يا نديمي وزاد الشجون
Author: rani
Date: 06-24-2004, 12:19 PM
Parent: #9
سلام للجميع
راوية ربنا يوفقك مع اللنكـ..
.
ولو لميتو في الكود يا لندي وراوية ولؤي وباقي الشباب
عليكم الله رسلوهو لي انا كمان عندي اكوام من الغني (الغني)
بس خازلني الكود وشايفك بكري شال صفحة تحميل الاغاني ..دي مصيبة تانية كمان
.
.
علي اي حال انا منتظر منكم ايميل
[email protected]
ودي
|
Post: #17
Title: Re: يا نديمي وزاد الشجون
Author: الجندرية
Date: 06-25-2004, 06:00 AM
Parent: #9
اللندي
ازيك
حمد لله على السلامة غيبتك طولت
تعرف حكاية الصور دي ما خلاص رفعوا عننا القلم
يعني الا الزعيم برااااااااااه يغير
على فكرة رسلت ليه صورة الحاجة
وقلت الناس المعتصمة على باب ايميلي وبتطالب بعودة صورة الحاجة
حتبدأ تفلقني بعد دا
لكن وحياتك ما عبرني
الظاهر عليه مشغول
وما عارفه درب خالص عشان امشي اغيرها براي
غايتو معليش اتحملونا لحدي ما الزعيم يحن علينا
اها راوية وبقية الشباب ما قصروا انشاء الله يكون اشتغلوا معاك
|
Post: #12
Title: Re: يا نديمي وزاد الشجون
Author: Rawia
Date: 06-24-2004, 02:17 PM
Parent: #11
|
Post: #14
Title: Re: يا نديمي وزاد الشجون
Author: 3mk-Tango
Date: 06-24-2004, 10:40 PM
Parent: #1
الجندرية .. سلام
كل شئ ولا الشكية دي .. وخصوصا من زول مغرود ليهو في اغنية
يا نديمي او سوف ياتي
عليك الله ادعي لي
تنقو
ودا كود الحفظ
Save @ PC
|
Post: #15
Title: Re: يا نديمي وزاد الشجون
Author: مريم بنت الحسين
Date: 06-24-2004, 11:29 PM
Parent: #1
سوف يأتي باسم الثغر يلوح بالأماني..
يا أماني..
دي لو أنا متذكره الكلمات صح.. والأغنية الصاح.. الساعة عندي اثنين ونص صباحا.. وما شايفه زول قدامي.. لكن يا أماني.. الحاجة أم مريم .. أمي يعني.. بتسلم عليك.. أعتقد إنها بتعرفك.. لما قلت ليها إسمك الكامل.. وبتسلم عليك سلام شديد.. .والدتي اسمها علوية حسن سيد أحمد من ديم لطفي.. رفاعة.. التحايا أيضا من خالتو سمية محمود محمد طه.. يبدو أنها أيضا تعرفك.. والسلام إلى الأهل في أبروف والكلالكه صنقعة.. وأزهري.. الله يعينكم على المواصلات..
بنت الحسين
|
Post: #16
Title: Re: يا نديمي وزاد الشجون
Author: Raja
Date: 06-24-2004, 11:29 PM
Parent: #1
أماني يا راقية..
شكرا ليك وانتي خاتاني مع عمالقة جلب النغم للمنبر.. ياخي انا ما قدر ده..
طبعا لما جيت لقيت الموضوع جهز ومية فل واربعتاشر..
زاد الشجون دي حكاية..
|
Post: #18
Title: Re: يا نديمي وزاد الشجون
Author: ودقاسم
Date: 06-25-2004, 07:28 AM
Parent: #1
الاغنيتين مسجلين عندي على كاسيت ، وسي دي من شغل تمبس ،، والله ، وما طالباني حليفة يا جندرية ، أنا في الاسبوع الفات يمكن سمعتهم 50 مرة ،، ولمن قريت عنوان البوست قلت الجندرية دي عرفت كيف إني أنا أدمنت الأغنيتين ديل طيلة الأسبوع المنصرم ، المهم الأسبوع ده أنا مخصصو لي وردي ،، ما بسمع ولا حاجة غيرو ..
لك التحية ولأسرتك .
|
Post: #19
Title: Re: يا نديمي وزاد الشجون
Author: zola123
Date: 06-25-2004, 07:49 AM
Parent: #1
الجندرية الحبيبة
انا اسمي مكتوب؟ طيب
 
وحيث انك ذكرتيني اخر زول
ما انتبهت للبوست ده الا حسي
الجماعة ما قصروا ولخبطوا الدنيا
لمن تظبطوا الصوت والاضائة نادوني حفلتكم دي
تحياتي
زولة123
|
Post: #20
Title: Re: يا نديمي وزاد الشجون
Author: الجندرية
Date: 06-25-2004, 08:00 AM
Parent: #1
راني
سلام
عليك الله شيل قرعتك دي
واقيف في الشارع التاني دي منطقتي
لوووووووووووول
|
Post: #21
Title: Re: يا نديمي وزاد الشجون
Author: الجندرية
Date: 06-25-2004, 08:07 AM
Parent: #1
عادل عثمان
بدور القلعة
دي قلعت لي طرب السنين
طرب + ذكريات واشواق باعت فيني واشترت
طرب لو وزع على اهل الارض جميعاً
لملئوا /ن الدنيارقصاً لاعوامٍ قادمات
يا سلاااااااااااام ياخ
تقولوا / ن لي الست
دي سلطنة ملوك
لنك الحفظ يا اهل الخير
والبتطلبوه
|
Post: #22
Title: Re: يا نديمي وزاد الشجون
Author: الجندرية
Date: 06-25-2004, 09:02 AM
Parent: #1
راوية الغالية
الف شكر ، ربي يبهجك دايماً ويحقق امانيك
*****
معاوية كرفس
يا ولدي ما قلت ليك لنكك البتجيبو لي ملفلف متل قندول عيش الريف دا ما بعرف ليه
هسي قدر ما عافرت ما قدرت
جيبوا عدييييييييل بوش البيت الله يرضى عليك
خلينا نحفظ زاد الشجون
******
|
Post: #23
Title: Re: يا نديمي وزاد الشجون
Author: الجندرية
Date: 06-25-2004, 09:43 AM
Parent: #1
تنقو الغالي
تتبارك بركة تسري في عيضيماتك
داعية ليك من قلبي ومن غير وصية والله
****
مريوم العزيزة
صاح وعشرة على عشرة
بعدين تعالي هنا انت بت علوية بت ام روبه وداسى مني الزمن دا كله ؟
تعرفني شنو يا مريم
نحن اخوات عديل
تاني عاد لو ما قلتي لي يا خالتو لوم السنين عليك
سلاااام كتير لعلوية
والله زمن
بقى يقول ليها الحاجة ؟ !!
وسلااام واشواق للعزيزة سمية وكل الأهل طرفكم
****
رجويه الغالية
لسه في شغل لنكات الحفظ الما ظبط دا
جيتك خلتك البوست مية فل واربعة وعشرين كمان
زاد الشجون براها الحكاية
ودا اللمين كله حكايات
هي مدني هينة عشان ياليجي منها يكون ما حكاية
***
ود قاسم العزيز
عرفت كيف ؟
أسأل تمبس
نحن يا اخوي رداراتنا دي ما بتجلي اصلها
لوووووول
قلت سمعتهم 50 مرة
ينفعنك ان شاء الله
وفي اسبوع وردي اسمع لي معاك
يلا وتعال يلا
نكت اشرطتنا في البيت كله ما لقيتها
*****
زولة الظريفة
بركة الجيتي
تعرفي ايملك دا شفقنا
سعيدة بحضورك
شايفة الصوت ضبط
لكن شوفي لينا حكاية الضوء دي شان نضاير الصيوان ونقش اللنكات دي
والحفلة منورة بيك
|
Post: #24
Title: Re: يا نديمي وزاد الشجون
Author: لؤى
Date: 06-25-2004, 01:38 PM
Parent: #1
أختى أمانى ، إزيّك ..
أوّلاً انا آسف جدّاً على اللخبطة وسوء التفاهم اللى حصل ، طبعاً انا جيت أمبارح شايل الأغنيتين ونزّلتهم رغم انو اسمى ماكان فى القائمة الفوق دى ، لكن بعد شوية لقيت راوية أختى جاية شايلة عدتها ومخمخمة الساوند سيستيم بتاعها والسمّاعات فقمت احترمت روحى ولملمت حاجاتى ومرقت بى أدبى ، وتانى للأسف مادخلت عشان أشوف الحاصل شنو .. هسه جيت قلت احضر الحفلة لقيت الدنيا كانت مقلوبة باين ، فأعذرينى أختى ..
اها وردى ده بَقَىَ منطقتى بدون منازع وعشان ماتشكينى بين يدى الله يوم الموقف العظيم قلت اهديك يلاّ وتعال يلاّ المالقيتى شريطها دى ، وكمان أجدّ وآخر تسجيل ليها، بس دوسى سهم ال "PLAY" عشان تسمعيها ، اها قصّرتَ معاكى ؟؟
|
Post: #25
Title: Re: يا نديمي وزاد الشجون
Author: Rawia
Date: 06-25-2004, 02:33 PM
Parent: #24
| Quote: شوية لقيت راوية أختى جاية شايلة عدتها ومخمخمة الساوند سيستيم بتاعها والسمّاعات فقمت احترمت روحى ولملمت حاجاتى ومرقت بى أدبى ، وتانى للأسف مادخلت عشان أشوف الحاصل |
انا بعد ما سحبت الاغنيه للغلطه التكنيكيه الفيها
طلعت الشغل واتخيلتك برضو حتنزلها لكن حصلت دربكه ..وانا فى الشغل ماعندى ((عده)) لكن الله يبارك فى اولاد الحلال الرسلوا لى الكود فى ايميل قمت نزلتها تانى من غير حتى مااعرف انها شغاله ولا لا(( عملات دفن الليل اب كراعا بره))
اما يارانى اختك شغاله جربنديه او على راى زملاء هندسه(( بترس ))ومره تصيب ومره تصيب لكن يهمنى انقل ليك خبرتى احتمال تنفعك ......للموضوع دا وعشان رغبه فى تعارف وتواصل اكتر ايميلى فى البروفايل
لؤى احترامك واجب تجبرنا عليه بادبك الجم واحترامك لنفسك والغير ومساعدتك وافضالك التى لن ننساها
|
Post: #26
Title: Re: يا نديمي وزاد الشجون
Author: tmbis
Date: 06-26-2004, 08:33 AM
Parent: #25
اماني ..
سلاماتك ..
والناس الحلوين المعاك ديل كمان ..
وشكلي تاني مادي قرعتي معاك .. لي لؤي وراوية .
راوية..
شنو الخطورة دي ؟؟
|
Post: #27
Title: Re: يا نديمي وزاد الشجون
Author: Habib_bldo
Date: 06-26-2004, 10:07 AM
Parent: #26
أختي (أماني) الجندرية كما يحلو لك ولنا أيضاً
تحية كبيرة لك شخصيا اولا لإختيارك لروائع ود الامين وثانيا للناس السمحين الشاركوا في هذا البوست بطلب منك أو تعطفاً وتلطفاً منهم خاصة أخونا لؤي خبير الأغنيات الجميلة والمكتبة الغنائية المتحركة في هذا المنبر دون منازع.
كان لدي إقتراح سابق بإنتقاء أجمل الأغاني السودانية في بوست واحد والتعليق عليها ومفاضلتها وأختيار أجمل توب تن منها وإنزالها نصاً وسماعاً
أرجو أن يجد إقتراحي الترحيب والتشجيع وياريتك تتبنيه يا الجندرية
|
Post: #29
Title: Re: يا نديمي وزاد الشجون
Author: Rawia
Date: 06-26-2004, 11:27 AM
Parent: #26
Quote: راوية..
شنو الخطورة دي ؟؟ |
تلاميذك يا معلم
ليك وحشه قدر دا
|
Post: #28
Title: Re: يا نديمي وزاد الشجون
Author: صديق الموج
Date: 06-26-2004, 10:16 AM
Parent: #1
الجندرية...تسلمى..غايتو يوم بتكتلى ليك زول بى خيت،،
|
Post: #30
Title: Re: يا نديمي وزاد الشجون
Author: معاوية كرفس
Date: 06-26-2004, 02:07 PM
Parent: #28
والله لكن يا أماني حاسدك عديل كدة
أسع كل الناس الفوق ديل كلهم جو عشان يحققو ليك طلبك دا
وكمان في واحدين جابوا زيادة
غايتو مبروك عليك
ارجو مراجعة الهوت ميل
|
Post: #31
Title: Re: يا نديمي وزاد الشجون
Author: الجندرية
Date: 06-27-2004, 07:17 AM
Parent: #30
Save@Pc
اسمعن / وا
عشان ما في زول /ة يفتكرني بقيت شاطرة
وبعدين لو رجعت شحدت ما تتخلعوا / ن
دي بخرة
رسلوها لي كدا
ونزلتها زي ما الله خلقها
شكراً للظريف الشففنا دا
****
لؤي
شكراً ليك على يلا وتعال يلا
كلك ذوق
***
راوية العسل
تعرفي الحصل دا كله كان لصالح البوست
عشان يجر رجل جميلين زيك انت ولؤي للدخول اكتر من مرة
***
معاوية كرفس
صلي على النبي
اوعى تسحرني في أصاحبي وصاحباتي كمان
دا المرقنا بيه من الدنيا
شكراً على التصحيح
وتحية وتقدير لماو سيد الاسم
|
Post: #32
Title: Re: يا نديمي وزاد الشجون
Author: Dr. Faisal Mohamed
Date: 06-27-2004, 08:49 AM
Parent: #31
الاخت الجندريةوجميع الأخوة المتداخلين تحياتي الحارة
تاني جبتو سيرة الشجون
الآخ لؤى لك كل الشكر على اغنية يلا وتعال يلا. وانشاء الله يضمنا وطنا البسمو... كتبنا.. ورطنا قريبا.
لدي أقتراح وهو قريب من طريقة ود قاسم بان نخصص كل اسبوع لفنان. وكل واحد عنده اغنية لذلك الفنان يقوم بارسالها للاستماع والحفظ خلال الاسبوع.
مع خالص الود والاحترام
فيصل محمد
|
Post: #33
Title: Re: يا نديمي وزاد الشجون
Author: الجندرية
Date: 06-28-2004, 02:44 PM
Parent: #1
تمبس الغالي
شفت كيف حصصك نفعت
بس الا انا الكاتلاني البلادة
غايتو الله كريم علي
***
حبيب بلدو
اقتراح وجيه جداً
لكن عليك الله اعفيني
الايام دي بفتش على البتبناني خلي اتبنى لي اقتراح قدر دا
****
صديق الموج
كيفك
عليك الله ما ترموا بلاكم علينا
اكتل شنو ؟
الناس البتتهضب في البوستات الزي دي قاضية برااااها ولاحقه الصح
لووووووووووول
****
د . فيصل
شكراً للزيارة
لكن تعرف حكاية فنان كل اسبوع دي صعبة
خاصة للناس المزاجها بتغير بسرعة زينا كدي ما بتنفع الحكاية دي
يعني ممكن جداً نسمع يا نديمي
ونرجع نسمع هاجر كباشي
لووووووووووول
حتكون طريقتنا كيف يعني مع صيام الاسبوع كامل على صنف واحد
|
Post: #34
Title: Re: يا نديمي وزاد الشجون
Author: الجندرية
Date: 06-28-2004, 03:01 PM
Parent: #1
إلى تيسير النوراني وهي ترفل في ابتسامتها الوادعة
واثقة من أن ثوب حنانك سيدع توبتي عن ذاك العقوق تندس تحته من جديد
ونسمع هانئتان يا نديمي مرات ومرات
اعلم انك ربما لا ترتادين هذا الفضاء
لكنها احلامي
اطلقها هنا
عسى ان تحملها لك نقرة كيبورد ما
محبة يا صديقة الزمان الندي
|
Post: #35
Title: Re: يا نديمي وزاد الشجون
Author: قرشـــو
Date: 06-28-2004, 03:47 PM
Parent: #1
الجندرية
سلام يا ستى
حبيتى اقول سلام واسمع لكن ما سمعت حاجة تصدقى
راوية يرضيك بالله ؟؟
لك تحياتى جميعا
|
Post: #36
Title: Re: يا نديمي وزاد الشجون
Author: الجندرية
Date: 06-30-2004, 06:12 AM
Parent: #1
عمدتنا الغالي
الف مرحب
والله عاد لا برضي راوية ولا نحن انك ما تسمع
الغريبة عندي كله مسموع المشكلة في لكن الحفظ بس
|
|