حلات بكرة بيهم / ن : مجدي عوض صديق يفوز بالذهبية

حلات بكرة بيهم / ن : مجدي عوض صديق يفوز بالذهبية


07-15-2004, 01:27 AM


  » http://sudaneseonline.com/cgi-bin/sdb/2bb.cgi?seq=msg&board=101&msg=1135821785&rn=0


Post: #1
Title: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-15-2004, 01:27 AM

كل يوم يزداد يقيني بشباب / شابات السودان وبجمال المستقبل

ها هو مجدي عوض صديق يحرز الجائزة الذهبية فى مهرجان القاهرة العاشر للاذاعة والتلفزيون بعمله ( سنوات الالم).
الاخراج والمونتاج مجدى عوض صديق .
السناريو للاستاذ الشفيع عبد العزيز.

العمل عبارة عن فلم ( تنويهي ) يحكي آلام النساء وهن يتعرضن للختان (ابشع انواع العنف الجسدي ) ويقدم برؤية جريئة تنهض على الرموز البصرية والموسيقى التصويرية .

لك احني قامتي يا فتي
وارمي بزهور التقدير تحت قدميك


مجدي عضو في هذا المنتدى
ليته يأتي ويحكينا عن هذا الابداع

Post: #2
Title: Re: حلات بكرة بيهم / ن : مجدي عوض صديق يفوز بالذهبية
Author: لؤى
Date: 07-15-2004, 01:41 AM
Parent: #1


أجمل الوُد والورد يامجدى
مبرووووووووووك

شكراً امانى

مجدى عوض صديق...ابن الممثل الراحل يفوز بجائزة عالمية فى انتاج برامج الاطفال


Post: #3
Title: Re: حلات بكرة بيهم / ن : مجدي عوض صديق يفوز بالذهبية
Author: عزيز
Date: 07-15-2004, 01:48 AM
Parent: #1

اليس إبن الوز عوام أختى الجندرية؟؟

لك التحية وانت تسعدينا بهذا الخبر الجميل

الاخ مجدى وأبناء دفعته منذ ايامهم الاولى بالمعهد كنا نرى فيهم مستقبل الحركة الفنية المسرحية والأذاعية والتلفزيونية والسينمائية.. كانوا شعله من النشاط والحركه وكانت عبقريتهم واضحه للعيان وهاهم يملأون السودان والمحافل الدولية إبداعا..

أحنى قامتى وأحمل قبعتى على يدى أمام قامتك التى طاولت بها السماء أخى مجدى
مزيدا من الابداع ومزيدا من شهادات التقدير ومزيدا النجاحات..

لك التحية اختى الجندرية والتحية للاخ مجدى
أخوكم عبدالعزيز خطاب

Post: #4
Title: Re: حلات بكرة بيهم / ن : مجدي عوض صديق يفوز بالذهبية
Author: قرشـــو
Date: 07-15-2004, 01:50 AM
Parent: #1


الأخت الجندرية

شكرا للتنويه بالامجاد التى تتحقق والرموز التى تولدت من رموز اقوى وحقا ان الشباب عزيزتى هم عماد المستقبل وليواصلوا الخطى على درب البطولات التى حققها اسلافهم ..

لى تحفظ على موضوع الفيلم وقد تناول ذات الموضوع بصورة توثيقية اسرة هئية الاذاعة البريطانية وكانت الصورة مسئية اكثر من انها توعية للاخرين ..
اظن ان الختان الفرعونى ممنوع فى السودان بواسطة وزارة الصحة منذ ثلاثون عاما ويمارس بالخفاء فلماذا نثير الموضوع وكاننا امة متخلفة ...

هل العرض فى الخارج يوعى الناس فى الداخل ام انها موجة ..

لك تحياتى


Post: #5
Title: Re: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-15-2004, 01:50 AM
Parent: #1

شفت يا لؤي
جماله باين من يومه
وتميزه واهتمامه بقطاعات المهمشين /ات
عمله الاول الذي حصد به الجائزة كان عن الاطفال
وهاهو بالنساء يحصد الثانية
وسيحصد السودان وعي ابناءه الجميل
فيا للفخر
ويا لجمال بكرة

شكراً لؤي على احضار اللنك

Post: #6
Title: Re: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-15-2004, 02:02 AM
Parent: #1

العزيز عبد العزيز

شكراً لحضورك
وصدقت ابن الوز عوام

**
اخونا العمد قرشو
مجدي لم يقدم فلم وثائقي هذا اولاً
ثانيا لا اتفق معك في ان دسسة الموضوع ستساهم في تحسين صورتنا
بالعكس ابانه مناهضتنا لهذا الفعل المجرم قانوناً هو ما يفعل
بعدين يا ود امي انت من زمن انه وزارة الصحةمنعته
دا الرئيس حقنا شخصياً قاد حملة ضد الجمعيات التي تتبنى مناهضته
ومفتي السلطة افتي بوجوبه وحرمة تركه ( حرمة عدييييل )
لكن خلينا من الحكاية دي هسي
خلينا نفرح بالوليد
ونفتح لينا بوست تاني مخصوص للظاهرة
ولا شنو ؟

Post: #8
Title: Re: حلات بكرة بيهم / ن : مجدي عوض صديق يفوز بالذهبية
Author: tmbis
Date: 07-15-2004, 02:22 AM
Parent: #6

حلات بكره يااماني بي جيل واعي .. زي مجدي ..

شوفيهم بقو يجو طاليعن كيف حلوين ..

ولسه كتار..


مبروك يامجدي

Post: #10
Title: Re: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-15-2004, 08:28 AM
Parent: #8

ربي يزيدهم / ن يا علاء

ويفرح بيهم / ن الوطن
شكراً لمرورك

Post: #7
Title: نقف ونظر ونتالم ونحس الالم من خلال احساسنا بالاخرين
Author: magdi siddig
Date: 07-15-2004, 02:20 AM
Parent: #1

التحيه لكي جندرية
و لكم اهل السودان الحبيب

فى مهرجان القاهرة للاذاعة والتلفزيون قدمنا عمل باسم ( سنوات الالم )

وقد احرز الجائزة الزهبية

ولكن الرهان الاساسي في هذا العمل هو اختزال الفكرة فى اقل زمن ممكن وبالتالى انصب

الجهد على حزف التفاصيل الثانوية والتركيز على العنصر الجوهري فى المشكله وهو عنصر الالم و

المعاناة خصوصا وان الشعار الذي انتظم المهرجان هذا العام هو ( حقوق الانسان ) و كان التناول

من الجانب الاجتماعى للعمل

و الاضافة التى حققها العمل هى الاختزال على مستوى اقتصاديات الصورة و تركيز الفعل الدرامي فى

تحقيق تصور يوصل المعلومه عن طريق الدهشة ...............................

التحية للتيم العامل بقناة النيل الازرق .................................

التحية للاخ الفنان الاستاذ الشفيع عبد العزيز .............................

وتحيتى الخاصة للاستاذ بابكر حنين مدير قناة النيل الازرق الذي يقف خلف كل ذلك.......


وهنا نقف ونظر ونتالم ونحس الالم من خلال احساسنا بالاخرين

Post: #11
Title: Re: نقف ونظر ونتالم ونحس الالم من خلال احساسنا بالاخرين
Author: الجندرية
Date: 07-15-2004, 10:22 AM
Parent: #7

العزيز مجدي

اول شي البورد نور
وسعيدة بان تكون المشاركة رقم (1) في بوست الاحتفال بحصولك على الجائزة الذهبية

اسمح لي
انتم لا تقفون
انتم تعيدون رسمها من جديد ـ هذه الدنيا ـ
ومن غيركم ؟؟ ( بالاذن من ود المكي )

ياخ الف شكر عشان خليت احساسنابالفخر يتصعد للسماء
وشكر بلا حدود لك ولابناء وبنات جيلك لانكم /ن تعيدون لنا الثقة بمستقبل السودان الذي نحلم

Post: #9
Title: Re: حلات بكرة بيهم / ن : مجدي عوض صديق يفوز بالذهبية
Author: Ibrahim Algrefwi
Date: 07-15-2004, 03:54 AM
Parent: #1

سلامكم

أنا ذاتو كان مافزت لي بجايزه الله يجازيني اصبري بس يااماني

انشاءالله تزغردي لي

واحترامي لمجدي

Post: #12
Title: Re: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-15-2004, 10:32 AM
Parent: #9

قرمبوز

تفوز وما تفوز لشنو؟
عيني باردة عليكم /ن
ربي يغطي عليكم/ ن من عين الحساد

وهو داب زغاريد
حتشوف بس

Post: #13
Title: Re: حلات بكرة بيهم / ن : مجدي عوض صديق يفوز بالذهبية
Author: ودالعباسية
Date: 07-15-2004, 03:11 PM
Parent: #1

هاهى تنجب احد المبدعين من جديد

1000 1000 مبروك لى ولدنا

ولد العباسية المقدام مجدي عوض صديق

Post: #14
Title: Re: حلات بكرة بيهم / ن : مجدي عوض صديق يفوز بالذهبية
Author: tabaldy
Date: 07-15-2004, 03:30 PM
Parent: #1

الزول لما يجي يرد عليك أختي الجندرية يتذكر كل دروس جمع المذكر السالم والمونث السالم ويختّه/ا في الواط/ه
اها حلا/ة بكرة بيهو مجدي الفايز وبيهن المثّلن معاهو في الفيلم لو النون راجعة ليهن , او ليهن هناك كلهن وامي حوة



أبنوسي

Post: #15
Title: Re: حلات بكرة بيهم / ن : مجدي عوض صديق يفوز بالذهبية
Author: طلال عفيفي
Date: 07-15-2004, 03:36 PM
Parent: #14

ألف مبروك لمجدي ..
لقد جبرت خاطرنا المحزون ..

...............
يا أماني ,
يبدو فعلا أن هذه البلاد لنا !
و أن بكره أجمل !
...............

طلال.

Post: #16
Title: Re: حلات بكرة بيهم / ن : مجدي عوض صديق يفوز بالذهبية
Author: Nagat Mohamed Ali
Date: 07-15-2004, 03:38 PM
Parent: #1

الإبن العزيز
الأستاذ مجدي عوض صديق
لك التحية وأنت تساهم بعملٍ فني نال هذا التقدير.
ولك التحية مرةً أخرى وأن تقدم عملك في إطار الدفاع عن حقوق الإنسان.
وتحية لكل المبدعين من ابناء جيلك.

شكراً للجندرية للفتهاالجميلة الواعية.

نجاة

Post: #17
Title: Re: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-15-2004, 10:37 PM
Parent: #1

ود العباسية

شكراً لمرورك

ومبروك للعباسية
وللسودان كله

****
ابنوسي
مرحب بيك

تذاكر التأنيث والتذكير مفرد وجمع
لوووووووووووووول

باقي لي الفلم مافيهو ممثلات
مدته كلها دقيقةونص شفت عظم التحدي ؟
يعني فيه ممثلة بس
ولا ما كدي يامجدي ؟

شكرًاً لمروك يا تبلدي
****
العزيز طلال
اثق من البلاد لكم /ن
ومن جمال بكرة بيكم /ن

لكني لا زلت تحت تأثير الدهشة من
ولادة الرماد لهذه البراكين ؟

لكم /ن المحبة والاحترام
وشكراً لحضورك

****
استاذة نجاة

تعرفي انا من فرحي
كان نفسي اشيل الخبر دا
وادق البوستات باب
واقول للناس البتشاكل وتشاكل دي
شوفوا / ن اولادنا وبناتنا بعلموا / ن في شنو
وانتو بتعملوا في شنو ؟
ربنا يهدي الاسرار ويصلح الاحوال

شكراً لجيتك

Post: #18
Title: Re: حلات بكرة بيهم / ن : مجدي عوض صديق يفوز بالذهبية
Author: لقمان حسن همام
Date: 07-16-2004, 06:17 AM
Parent: #17

في البدء شكرا الجندرية على تسليط الأضواء ..

ولربما من محاسن الصدف أن ألتقيك هاهنا مجدي لأبث أشواق الدواخل وتهاني القلب وأنت كما عودتنا دوما تتوسد أفق الإبداع ..

حصدك للجائزة تلو الأخرى ليس بمستبعدٍ عنك .. لا لأنك من أسرة استوطن الإبداع فيها .. بل لأن الذي يجالسك يلحظ العمق في حديثك .. الفن في تفاصيلك .. الذكاء في عينيك ..

أصفق باعجاب حينما أتابع برنامجا أو أغنية مصورة أو فيلما وثائقيا تكون أنت مهندسه وواضع لمساته ..

لك التحية والتهنئة أنت وبقية العقد النضيد في قناة النيل الأزرق .. بابكر حنين .. الشفيع عبد العزيز حسن .. لؤي بابكر صديق .. الشاذلي الريح .. سعد الدين حسن .. والبقية المبدعة الباقية وأنتم ترسمون لوحة أسهمت بالحق في تغيير الصورة النمطية لفضائناالتلفزيوني .

شكرا مجدي وأنت تتحدث باسم الإبداع السوداني ..

لقمان همـّـام

Post: #20
Title: Re: ( لقمان حسن همام ) حلات بكرة بيهم / ن : مجدي عوض صديق يفوز بالذهبية
Author: magdi siddig
Date: 07-17-2004, 02:28 AM
Parent: #18

يا سيدى الكريم

لقمان حسن همام ..........

لا املك ألا ان احييك وما عجيب على استاذ


نبيل زيك ان يقول مثل هذا الحديث


وهى صفة النبلاء ان يقولوا ويفعلوا الاشياء الجميلة

Post: #19
Title: Re: حلات بكرة بيهم / ن : مجدي عوض صديق يفوز بالذهبية
Author: magdi siddig
Date: 07-16-2004, 09:56 AM
Parent: #1

لؤي تحيات واشواقى

اشكرك كتير كتير


وزكرتني الجائزة الماضية التي لم اتزكرها وانا بينكم



وما تتصور كان احساسي كيف لما قرأت ما كتبته والله


ده احساس جميل جمال الله يحفظك ويخليك لينا


مجدي

Post: #21
Title: Re: حلات بكرة بيهم / ن : مجدي عوض صديق يفوز بالذهبية
Author: تاج السر حسن
Date: 07-17-2004, 03:42 AM
Parent: #1

هؤلاء هم العرب العنصريون الذين لا يحتفون بفنوننا!!!

الأنسان الحر الصادق هو الذى يفرض على الأخرين ان يحترموه

تماما مثل العمل الفنى الصادق، الذى يقف من خلفه مبدعون

عنصريون نحن الذين نريد أن نختزل كل هذا السودان فى أفريقيا

وان نقنع (الرشايدى) و(الزبيدى) ان يعترف بان جده ( جومو كنياتا).

يتساوى ذلك تماما لو أقنعنا (جون قرنق) بان جده (جابر الأنصارى).

هذا اسودان رضينا ام أبينا ورغم أنف الجميع يتكون من عرب خلص

قليلون، وافارقة خلص قليلون

وافارقة / عرب ، اكثريه

لن نستغفل لشطب هذه الهويه

حتى نجد أنفسنا تحت رحمة من لا يرحم!!!!

التحية والتقدير لكل مبدع

فبالأمس القريب أسرار بابكر، ذات الملامح الأفريقيه التى حصدت جائزة

أفضل اغنية عربيه (نصا ولحنا وأداءا)

واليوم (مجدى عوض) صديق.

Post: #22
Title: Re: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-21-2004, 11:46 PM
Parent: #1

نرفع البوست تحية لمجدي وجهوده
وشكر لكل المشاركين / ات بفرحته

Post: #23
Title: Re: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-24-2004, 10:25 AM
Parent: #1

إلى العلا
الى العلا

ترام ترام

بالمناسبة لشنو مافي واحد من الحروف الموسيقيةديك هنا زي الماسنجر

Post: #24
Title: Re: حلات بكرة بيهم / ن : مجدي عوض صديق يفوز بالذهبية
Author: صديق الموج
Date: 07-24-2004, 10:47 AM
Parent: #1

Quote: لكن خلينا من الحكاية دي هسي
خلينا نفرح بالوليد
ونفتح لينا بوست تاني مخصوص للظاهرة
ولا شنو ؟


اهل العقل ما يروحو ياجندرة....والبختفوا الفرحة من عويناتنا
ينختفوا،،

Post: #25
Title: Re: حلات بكرة بيهم / ن : مجدي عوض صديق يفوز بالذهبية
Author: معتصم دفع الله
Date: 07-24-2004, 12:19 PM
Parent: #24

التحية للأستاذ مجدي عوض صديق ونقول ليهو ألف مبروك ومزيد من النجاحات ..
ولك الشكر أختنا أماني ونتمنى أن نرى كل يوم وجه من بلادي يعلو إسمه ويرتفع ..

Post: #26
Title: Re: حلات بكرة بيهم / ن : مجدي عوض صديق يفوز بالذهبية
Author: تراث
Date: 07-24-2004, 12:38 PM
Parent: #24

مجدي عوض صديق . هذا المبدع الفذ ربما لم التقه شخصياً ، رغم معرفتي الوثيقة بابيه المبدع الكبير عوض صديق .
ولكن عرفت واحببت وصادقت مجدي من خلال اللقطات الحيوية الرائعة التي وقف خلفها كمخرج في قناة النيل الأزرق . حتى اصبحت اعرف لمساته الاخراجية واعرف انها صادرة منه ، دون أن اقراء اسمه في المادة المبثوثة , ومع تقدير تام لجيل المخرجين التلفزيونيين الذين سبقوا جيل مجدي . اقول بكل صدق انني اعتبرت منذ فترة ان من اعظم المخرجين التلفزيونيين الذين عرفهم تاريخ العمل التلفزيوني في السودان هو مجدي عوض صديق وآخرين من جيله ، اذكر منهم على سبيل المثال مجدي النور ولؤي بابكر صديق .
كل التهانئ لمبدعنا مجدي ، والتحايا لجيله من مبدعينا الشباب المخرجين
الفيلم الذي تحدثت عنه الجندرية قصير جداً ، فلماذا لا يعرضه لنا مجدي او أي عضو أخر لمشاهدته .
وشكرا جندرية

Post: #27
Title: Re: حلات بكرة بيهم / ن : مجدي عوض صديق يفوز بالذهبية
Author: Hadia Mohamed
Date: 07-24-2004, 03:19 PM
Parent: #1

الف مبروك يا مجدى الذهبيه وربنا اديكم العافيه يا شباب.
شكرا جندريه على وصول هذا الخبر الجميل الى منافينا البعيده فعلا بكره حيكون حلو
بس عايزه اعرف اوعه يكون مجدى من اولاد الصغار الدخله المعهد بعد ما نحن طلعناوالله ده عوجه عديل يا مخرجين السودان ده الكلام التمام والى الامام يا مجدى

اخى قرشو لاتطالب بدفن الروس فى الرمال هذا دور الفنان فى طرح القضايا ومحاوله ايجاد الحلول ومنع الحكومه لجريمه لايمنع من ان تتخز اجراءت قانونيه للحسم وهى تعرف نوع الاجراءات ان ارادت ذلك

Post: #28
Title: Re: حلات بكرة بيهم / ن : مجدي عوض صديق يفوز بالذهبية
Author: الجندرية
Date: 07-28-2004, 11:08 AM
Parent: #1

صديق الموج
معتصم دفع الله
تراث
هادية

شكراً لعبوركم /ن
ولمجدي التحية والتهنئة مجدداً