اي زول لمن جينا وقلنا ده شيوعي وده حزب امة وفصلناه ديل العندهم حق عندنا

اي زول لمن جينا وقلنا ده شيوعي وده حزب امة وفصلناه ديل العندهم حق عندنا

البشير في أخر تجلياته السياسية

الاحد24يونيو2007م



اعلن عن تجاوز الشريكين لتقرير خبراء ابيي

البشير: سنعالج قضية المفصولين لأسباب سياسية فقط

الخرطوم: ابوعبيدة عبدالله

قطع الرئيس عمر البشير بان اختراقاً كبيراً تم في قضية أبيي بتجاوز تقرير الخبراء والسعي للوصول الى حل سياسي بين الشريكين. وقال اذا وصلنا الى حل «اهلاً وسهلاً» واذا لم نصل سنعمل حلاً مؤقتاً.واضاف البشير في احتفال تدشين المؤتمر الوطني لاعياد الانقاذ ان المفصولين الذين فصلوا ظلماً سيجدون حقوقهم كاملة وقال: «اي زول لمن جينا وقلنا ده شيوعي وده حزب امة وفصلناه ديل العندهم حق عندنا». مشيراً الى ان اي مواطن تم فصله لاسباب سياسية سيجد حقه كاملاً غير منقوص. واكد البشير ان الكيد والتربص بالبلاد لم ينته. وسخر من الدول المتربصة بالسودان قائلاً : حينما وقعنا الدعم الثقيل «عملوا مناحة» في واشنطن «وفرشوا وبكوا» ودونما خجل اصدروا قرارات لمعاقبة السودان. واضاف: حينما نسمع انهم يريدون فرض عقوبات علينا نضحك عليهم لانهم يعتقدون ان الكون في يدهم. وقال ان دارفور الآن آمنة وكل الاحداث التي تقع «من حرامية وقطاع طرق».ولفت الى ان الطريق الى الجنينة آمن ويمكن السير فيه دونما حراسة. وقال ان السودان يسع الجميع وكل من يريد العمل السياسي له الحرية في ذلك، مشيراً الى ان الانتخابات قادمة، واوضح ان الشعب هو الذي يختار مبيناً انه «اي الشعب» اذا لم يختارهم لن يعارضوا الوطن وسندعم الذي يختاره الشعب وسنكون ضد كل ما من شأنه معارضة مصالح البلاد. وزاد : اذا جاء غزو للبلاد سيجدون «شبابنا قدام». واكد البشير عدم وجود اية اشكالية مع الامم المتحدة مبيناً ان السودان اعاد علاقاته مع تشاد والآن العلاقة «عسل على لبن» لافتاً الى ان الرئيس التشادي سيزور البلاد قريباً.واضاف البشير: اننا حققنا السلام رغم كيد المتآمرين مؤكداً السعي لاكمال السلام بدارفور. وعدم تسليم البلاد لاي اجنبي أو اممي أو اي جهة. واضاف سنجتهد لحلحلة المشاكل رغم محاولاتهم لايقاف مشروعات التنمية. واكد البشير ان الهدف هو دولة السودان العظمى وان كل الدول التي اصبحت كبرى ليست «ارجل مننا». ومن ناحيته سرد والي ولاية الخرطوم د.عبدالحليم اسماعيل المتعافي رئيس المؤتمر الوطني بالولاية انجازات المؤتمر الوطني بالولاية بالارقام وقال: هذه الارقام اذا تم تقديمها لقادة الاحزاب في الساحة السياسية اليوم «شهرين ما حيفهومها»



الرأي العام

الاعتراف بالذنب فضيله ردوا حقوق الناس

يا دومة يا أختي

دا ما اعتراف دي حقارة وقوة عين عديييل كدا

غايتوا الله يكون في عون المعارضة إن كان هناك شيء اسمه معارضة في الإنتخابات القادمة

18 سنة وزول قدر ياخد حقّو مافي

طيب اي زول لما جاء البشير وكتلو على اساس انو امة وشيوعي وغيروا ح يعمل فيها شنو دي؟

Quote: اي زول لمن جينا وقلنا ده شيوعي وده حزب امة وفصلناه ديل العندهم حق عندنا

حشرجات محتضر يقول جزء من الحقيقة

ومن الذي يعيد حقوق الذين فصلوا وماتوا بسبب هذا الظلم ؟ هل التعويضات المادية كافية ام ان
القصاص في مثل هذه الحالات واجب ؟

شكرا يا فرانكلي