الحـرييييييييييييييم

عن حبوبتي ست البنات رحمة الله عليها
عن الشيخ فرح ود تكتوك
أنه قـال

كل الحريم ما هن حرييييم
فيهـن حريييييييم
فيهـن نجريييييم - مع ادغام النون في الجيم
فيهـن كفوت
فيهـن لفوت
فيهن عقارب ساربات بالبيوت
لا تديك مقوت
ولا تخلي كلمةً تفوت

سنجاوي
ان كيدهن عظيم
والما عنده لسان فقري وفلسان
و
الشيخ فرح ده حبوبتي قالت هو جدا ليها ودفنوها جنبه

رمانة

تحلقيني وتنجديني

قلت ليك جدك ود تكتوك حلال المشبوك
وأنا أقول البركة دي كلها من وين

كدي اعملي لينا بوست منفصل عن ود تكتوك
والحكم التي تنسب إليه
وكل يدلي بدلوه حفظاً للتراث
وجريا وراء الحكمة

بت الخليل
لك ودي
عشمي في مشاركتك الكاربة
بحكم ود تكتوك
حاولي رفرشي الذاكرة واستعيني بصديق
وفرحي خلق الله واتجلي

تحياتي

أهــلاً بناس ود تكتوك
وعنه قيــل أيضاً في صدد الحـــريم
أُم خشـــماً خفيــف وأم ســاقاً رهيـــف
كان كتــــلك الزيــــف
فـــي خشُـــم بيتها ما تقيــــف

الأخ الكريم سنجاوي

سلام

الشيخ فرح ود تكتوك " إلحقنا وانجدنا " ولأنه ولي كامل ووريث محمدي أربأ بفييه ان يطلق مثل هذا الكلام الظالم ان تم تعمييمه على النساء .. ففي النساء عقارب كما في الرجال ثعابيين ..وهناك من الرجال من هو اكثر بخلاً وثرثرة من نساء كثيراً
هذا الكلام قادم من غياهب ثقافة اضطهاد النساء والزنوج .. ولا يمكن للأولياء العارفين مثل الشيخ فرح أن ينتجوا هذا الظلم ..
الشيخ فرح عبر عن الشعبي كثير لذا الصقت به كثير من المقولات مثل : لاتخاوي العب ولا تبول في الشق .. العب نساي والشق حساي .. " هل يمكن ان نصدق مثل هذا الكلام العنصر يصدر من رجل واصل مثل الشيخ فرح وهل يعقل ان يدين اهل التصوف المعروفون بتسامحهم اللامحدود شخص تم استرقاقه دون ذنب جناه .. أكاد اجزم بأن الشيخ فرح برئ برأة الذئب من دم ابن يعقوب من مثل هذا الكلام
من يريد عن يعبر عن عدواته للنساء وكراهيتة للناس (الذيين خلقهم الله سواسية ) بسبب لونهم او جنسهم او عرقهم او ..الخ فيقل ذلك دون ان يتطاول على الأولياء والصالحين ..
مع احترامي

لأعتراضي على مفردة حريم انظر / ي بوست الأخ ود عازة و بعنوان " لسه ما خلصنا من القمم الفاشلة جامؤتمر حريم الرؤساء "

الجندرية

كلامك سمح..فمن مأثورات فرح ودتكتوك تقديره للمرأة والتعامل معها بما يحفظ إنسانيتها..ويتجلي ذلك فيما يروى عنه أنه تزوج حديثا وبنى له قطية وجعل لها بابين وسأله المستغربون من فعله فقال لهم ما معناه لو كان معها زول يخرج من الباب التاني..وهذه الحكاية مغزاها أن الثقة في الزوجة هي صمام أمان لشركة الزواج..وكذلك قصته مع الأبريق الذي بكى عليه أمام أبنته التي كانت تطالب بالطلاق من زوجها وربما لأسباب غير مقنعة

الجندرية حركة إجتماعية وقد رفعت رايتها خفاقة في بوستك ياسنجاوي

أختي الفاضلة الجندرية

تحية واحترام

أبدأ بتقديم صادق أسفي لتأخر الرد إذ لم أطلع على مداخلتك ومداخلة الحبيب بناديها إلا اليوم

أظنك قرات الموضوع بعين السخط التي تبدي المساويء لذا انطلقت من هذا المنطلق .. معك أنا في أن الشيخ فرح شيخ فاضل من كبار أهل التصوف ولكن هل يمنعه ذلك من الإفصاح بأن الشر موجود والخير موجود وكذلك القبح والجمال ، والنقص والكمال ، فالقول المنسوب له ينصف الحريم إذ يفترض أن الأصل فيهن أنهن حريم وكلمة حريم هذه أرى أنها تكريم لجنس النساء بوضعهن في مقام الصون والتكريم . والنص محل نقاشنا يقر بأن الأصل أنهن حريم بصفاتهن المحمودة إلا أن فيهن نجرييييم وفيهن كفوت وفيهن لفوت وفيهن عقارب ساربات بالبيوت .. صدقيني كلما أتأمل في هذه الأوصاف أكاد أشير إلى نماذج بعينها وأقول أن النجرييييم فلانة والكفوت علانة واللفوت فرتكانة أما العقرب الساربة بالبيوت دي ما سبب الأذية شكيتها على الخلقها القصيرونة الفتنة الما عرفت الحكمة . أتفق معك أن في الرجال ثعابين وأفيال ظالمة ولكن هذا لايعني بالطبع أن الجنس اللطيف كله لطيف وهذا من المسلمات بالطبع . كما أتفق معك بأن الشيخ فرح نسب إليه الكثير مما لم يقل مثلما نسب إلى ود نفاش أو أبو داؤود أو غيرهم من الأعلام . ولكن هذا لا يصح دليلا ينفي نسبة النص موضوع حديثنا للشيخ

الحبيب بناديها
الشوق والريد
ياخي حكاية القطية ام بابين دي بمبرراتها هي التي لا يصح نسبتها للشيخ .. دي ثقة ولا سجم رماد ياخال
تحياتـي

أحبابنا أهل الهوى

خطر ببالي أن أحفظ كل المواضيع التي شاركت بها في منتداكم العامر في سي دي ولا أعرف طريقة أحفظ بها كل مشاركاتكم فيها إلا برفع الموضوع للصحفة الأولى ومن ثم فتحه وحفظه .. لذا أرجو عدم الانزعاج من رفع كل مواضيعي القديمة وسأفعل ذلك على فترات

تحياتي

والله يا سنجاوي
ما طالبني حليفة

خشيت هنا
قلتا أحذرك من العنوان دا
وكنتا عاوز أقول ليك

الجندرية بجي هنا تطعّنك
بتشديد العين

لكن لقيتا لمت فيك زعمطت ريشاتك

سلاااااام شديد للجندرية
وقد ولى عصر الجندرة
في وجود الوعي
الشيخ فرح مافوقو قول
لكن الشيخ فرح شيخ عصره
كان صادق ومصلح عظيم
نحنا ابناء عصر جديد
عصر مشايخ الروشنة

{لمَ تقولون مالا تفعلون}

صدق الله العظيم

تعرف ياود شاموق

زعميط ريشي دا أنا ماشفتو إلا بعد ما قريت كلامك دا
يعني قريت العام وما انتبهت للخاص
ولكن كلامي أنا المنسوب للشيخ خليهو
انت قولك شنو
ولا خائف علي رويشاتك
لوووووول

والله يا سنجاوي
انا ما قاعد أقول قول بعد قول شيخ فرح
النصيحة يا خوي مرة عملتا عملية زي عمليتك دي
أدوني درس في الأخلاق والجندرة
تاني الكلمة دي زاتا لمن بقيت القاها في حتة
بمشي أشوف القاموس عشان أعرف معناها

لولين

سنجاوي
ود شاموق كيفكم
والله مشتاقة ليكم ولي ناس البورد كلهم
بس اليومين دي شوية كدا في مشاكل فنية
مره في جهازنا
ومرة في النت
لكن ادوها صنه
وبرسل ليكم مخصوص باب الحريم اللامرئي لفاطمة المرنيسي من كتاب نساء على اجنحة الحلم
وربنا ما يجيب زمعطة بعدين هو انت عندكم شعر الشايفاهو دا يا ود شاموق مافيه مسكه لوووول

ود شاموق

تبقى لي حوالي خمسة دقائق في النت

كلمة الجندر دي اترددت كتير في الأيام الفاتو في البورد
عليك الله ريحني وبدد جهلي
إيه قصة الكلمة دي

وياريت يالجندرية
كان ساهمتي في تنويري حول هذه الكلمة

تحياتي

الجندرية

بسابق في النت قبل الانقطاع

معليش كنت بضرب في لقمة بي ملاح تقلية حااااااارة
جيت ورديت على ود شاموق من غير ما أشوف مداخلتك
في انتظار ما وعدتي به
وفي انتظار الجندر

تحياتي

سنجاوي الان رفعت بوست اسمه الجندر ما ادراك ما الجندر ادخل واقرأ
هنيئاً للتقلية
نحن يومها بكرة في الجدول

الجندرية

لقييييتتتتتتو .. شكراً

تحياتي