ود شداد.....كافية

...صباح الخير

..ود شداد كافية يعود اليكم
بثوب جديد..اكثر اناقة..و ابتسامة دائمة على الشفاه من جورج. ..و مشرفات الخدمة البنات سابرينا..مايا..و كاثى....الاثيوبية المظ.. و اللبنانية دينا

اتكأة صباحية..دردشة مع فنجان قهوة..هترشة مع صحبان لذاذ
برمجة مع ناس عزاز..و مسائيات مفتوحة
واحة لكل ضهبان من حر السودان..برد اسكندنافيا ..و جوطة افغانستان

الكافية مفتوح 24 ساعة لكل رواد هذا المنتدى..دون تقييد لحرية الكلمة.. و موضوع النقاش..
فرصة لمشاركتنا دواخلكم بدون تعديل..او مكياج و رتوش

ود شداد يتمنى ان يجد كل الرواد أرقى مستوى للخدمة..فى الصالة الرئيسية او حتى الصالات الجانبية..و صالة المدخنين

بس ما تنسوا القنظب..قبل ما تمشوا..الما بيدفع حساب طلباتو ....أنا بداعيهو ساهى ..لكن جورج عندو كلام تانى

..... آخر حاجة
الراجل بتاع الطبلية الورا المحل..كان بتاع ملوص..و احتمال انو يبيع ممنوعات وارد....ادّوها جكة مع المرقة

يتبقى فقط ان نشكر الاخ بكرى على بادرته الكريمة و أعادة البوست الاصلى لافتتاح الكافية..

و الليلة طلباتكم كلها على حساب المحل...بس ما يسمعنى فرانكلى

ودشداد اذيك يا اخينا كيفنك كدا وماك طيب الاهل جت عليهم
اها قتلي الطلبات مجانيه وكدا ولا دي كشكره ساي نمرق وتدور دعوات غايتو النحدسك انا تربيه حبوبات عندي شوالات الات دعوات ودعوات علي كل الاصناف هندي باكستاني سرلانكي لحدي ماتصل اهلنا الغبش في جنوبنا الحبيب
صعبتها ..مش انا ذاتي قلتا كدا
اهلا بيك حبيبنا بس ما تنسي طلبي داك مــــــــــــــــــايا ما تقول لي اي حاجه تمام
واقعدو عافية

[fuchsia]طبعا يا ود شداد محلك ما فيهو كلام هلا بندور كرامة الافتتاح شنو طوالي جاري علي القنزب[/fuchsia]

انتا يا ذيكو يا خوي كنت لابت وين ولا بس مستني ودشداد ماكريمه منك والله نحنا مستنين الشواكيش ولا خلاص كملن وراح زمانم كلمنا قول لينا حاجه
رورورورررررررررررررك

انا استغربت قلت الحاصل شنو اتاريهو اب قريد عموما يا الخواض يا اخوي انا راسي ما فضل فيهو حتة الا وبها ضربة شاكوش بس انا مستني ناس البورد ديل يستقرو عشان ما كل مرة ننزل شئ نلقاهو مافي وما تخاف نحن اسي بنضرب في بيت البكا بوهية لزوم تحديثات البورد وحنفتح بيت بكا ينافس القهوة دي ومن اسي الدعوة موجهة لي كل البكايين والمشوكشين والشمشارين وفي انتظار بيت البكا الجديد

صبحكم الله بالخير كيفنكم
اها جيت مارا بالشارع قلت اندخل ننجم شوية و نشرب لينا شي يبرد جوفي

ود شداد
مبروك الكافييه
بالله طاولة ع الزاوية في ركن هادئ وإضاءة الخافتة ومزيكة ظريفة وبعدين نشوف جورج ح يجيب لينا إيه

يا شدو

شنو بالله ضارب الطناش وفاتح لينا كده، وين السلوك والهلوات الاتفقنا عليها
لى كم يوم ما كنت قادر ادخل على البورد، وخاتى يدى فى قلبى قلت خلى بالك الطبلية بتاعتى تكون اتلحست والقراميط بتاعين القهوة قامو بيها
المهم لو حصل أى شى انت المسئول، والطبلية امانة عندك، بس اوعى من الدين، إلا للجكس بس

اسمع بالليل وبعد ما تقفل رايك شنو نعمل لينا قدرة فول ونار سلات ومشاوى كده، إقتراح يعنى، لأنه ناس قرشو ديل انا عارف راسن بنقطع بالليل وعايزين العضات المظبطة، قهوتك وكيكك المعولق ده ما بنفع معاهم، والربح بالنص، ولا عايزه بالشنقيطى؟

hi wad shadda
naharak sa3eed
walahi da alaza cafe
والله يديمه لينا بس يبعد منه ناس ال.........
كنت اتمنى اكون اول زايرة
لكن الجايات اكتر من الرايحات
يلا سلام و شكرا لك كتييييييييييير

ياسلام على القهوه المظبوطه فى مقهى ود شداد وكمان الصادقو حلاها باختياراته الرائعه



رقصة بلا ساق وحدقة بلا وجه

ســـلام
مساء النور.. والكافيه أنيق وراقي زي سيدو، ويا كولا إنت الكولونيل

بالله ياود شداد حضر التلفزيون اليله لاعبين كورة مع السعودية اذا غلبنا الشاي علي حسابي لكل الشباب واذا السعودية فازت ابو امنة يعشي الجماعة رايكم شنو

إعلان هام لرواد الكافيه الأعزاء

قبل شوية كان معاى ود شداد عبر الهاتف، وهو بعتذر للجميع إنه مشغوووووول جدا جدا، لأنه عندهم نيو بروجيكت وهو مكتول عدييييل، عشان كده تم تعيين العبد لله مسئولا عن الكافيه بجميع محتوياتها، أكرر بجميع محتوياتها، عشان ما يجو العكاليت يقولو لى نحن عندنا دفتر دين هنا، ولا يقولو لى نحن بنعمل كده وبنعمل كده، المهم الكاشير قالو حتمسكو تغريد وأنا مسئول من الحاجات الباقية

صدر تحت توقيع ود شداد

معليش علي التاخير زحمة الشارع
لسة ما طلبت حاجة انا شخصيا عاوزة كباتشينو باللبن والغدا بعدين
مكائ رائع كيف اكتشفتو

صباح الخير يا جورج
شنو الراجل بتاع الطبلية دا قاعد هنا- شنو؟؟ زعلان منو يا جورج وعايز اليخارجو ليك - طيب

أب أمنة: أحسن ليك تتخارج، وتسيب اللبط البتعمل فيها دي، ود شداد قال هو ما قال ليك كده، وأنا هسه ح أضرب للبوليس عشان يجي يسوقك من هنا وتبرز الورقة القلت ود شداد رسلها لي هسي هنا

شدو: مساء الخير
اللعب نضيف والكافتيريا شديده - جايبين جكسينا وجايين

الرايق

لبط زى لبطك يعنى، أنا عرفك جاى تجغم ليك شاى وتلحس السعر يا قرموط، مافى كلام زى ده، وياها العرفها ود شداد قال لى العكاليت بجو بى جاى بعد شويه ويمارسو الهوايات الملحية، انا عندى توكيل موثق من شدو، وبعدين مالك ومال الطبيلية كمان، ده براهو وده براهو

كدى امشى اخد ليك قعدة جنب قدرة الفول البره دى، اعمل ليكم شنو بعد ده، اوعى تقولو لى عايزين كوارع كمان

انت لسه قاعد ما اتخارجت، اقعد اتعاور كده لحدى الطياره ما تفوتك

هوي يا أب أمنة
سيب حركات الجيش بتاعتك دي، ولملم الكرور بتاعك وإتخارج من هنا، خلاص الكافييه دا نحن ح نعملو ببطاقات عضوية يعني ممبر شب، أمششوف ليك حتة إتلم عليها

يا ود شداد
بالله تعال أحسم لينا الموضوع ا

ياشباب انتو القهوة دي موسمية ؟ وبعدين موضوع البروجكت بتاع الريس دة مكنات ساكت وانت يابو امنة ماشايف شغلك ايه الحكاية لو مافتحتو في المواعيد بنادي ليكم ناس الصحة

الصادق حبيبنا

كيفك يا فنان، والله ليك وحشه

تعرف ود شداد والله جد جد مشغول وما عنده قدره للكافيه الأيام دى، الشغل ماشى لكن ناس الرايق ديل ناس الملح والسلبطه عايزين يعملو مظاهرات عشان الموضوع يجوط، لكن نحن ناس مسك الملح السائل، دى على وزن بسط الأمن الشامل بتاعة الجماعة، واقفين ليهم بالمرصاد، تعرف الرايق لأنه حول قروشه كلها السودان لأنه ماشى، وما عايز يقول سلفونى، زمنى ده كله أنا بصرف عليهو

نجيب ليك شنو يا الصادق، الحساب على المحل طبعا، انت ما صاحب البطل، اخونا بكرى

اهلين ياابو امنة اولا ما قاعد تفتحو في المواعيد انا خايف تكونو بتبيعو تموين السكر في السوق الاسود وعايشين علي كدة دة اخر تحزير المرة الجاية حنسحب منكم الرخصة التجارية ههها انا مقدر ظروف الريس بس يعني حركو الشغل شوية عشان مايفلس ويقفل المحل ولا شنو كلامي انا عارف ناس الرايق عاوزين يضربو الملح بس حارسل ليكم اللوائح الجديدة وقائمة الاسعار ولا زم توضع في مكان بارز والله عاوز واحد شاي بنعناع وسكر زيادة والحساب علي المعلم

اصبحنا واصبح الملك لله

مسانا جميل وصباحكم زين
الناس الحلوه والرايقه وبرضو المضايقه
مشتاقين
وزعلانين
الكافتيرا دي الليله مافي اي زول فتحه
انتا يا لمسكوك المفتاح وين انتا ياخ مسجل غياب
ولا حارسه الطبليه وقافله الريئسيه
ماكريمه منك لاكن
شدو يلذيذ طولت الغيبه وتعبنا وراك
والد جورج ذاتو يقي بتاع زوغات
وشمار وحاجات غريبه جدا
والله تخلي اسبوع تاني منو العوض وعليه اهلو
Lo0o0o0o0L@اهل العوض
اه مادام فيها قهوه بنجيكوم مره تانيه
عوافيي

wiiin ya wd shdad
wiin ya firad
lkn alcafee ma 3indak ya inta
ana bss giet mashi bilshari3 sai oo 3agabtni albahraga di,lkn
bgi b3din m3a almagas _ag9od almdam _aha dair li bnbrin fi al9ala alganbia oo fi alrokon kda ,aiii 3ashan
al7anak ykon na9ia oo kda,wa alagnzb biali da ma ihimak ya
man,oo zi ma bigolo nas alsadeeg bta3in algraphics da
cash level number 1.. oo bil3arabi kda cash
promotion y3ni ma yihimak ya
man aii cashat.hasa amsik altips di l7di b3din.Aha bss bilai rasna da lano 9arfin 3aliho
groosh ma dairin ai go6a wala mo`6ahrat wala garami6!!smi7??aii oo
inta bilzat ya aboamna ya bta3 algo6a , 3li al6alag
loo ma almaz al7aftia di garibtak ana
kan writak liho oo gbta lik nas al9a7a yshilok ma3a krorak
da!!inta gaila soog algan9 wala shno??amshi 3amil
. rasak alzi maknat altalaga da.

ياناس ماقلتو لينا ناس البلديه قفلو الكافتيريا
معقولا لاكن

يا جماعة الكافيه دة ما فيهو قسم خاص للبنات

نحن ما بنحب الاختلاط

وانا مستعدة اشغل ليكم القسم النسائي

قلتوا شنو

miss_sudan

والله ناس البلدية سحبو الترخيص من ود شداد عشان ما ملتزم بالقانون اولا المواعيد ما مظبوطة وثانيا لم يبرر للبلدية اين استخدم حصة السكر في الفترة السابقة ويقال تامر ودشداد وابو امنة وباعوها في السوق الاسود وقد تطالهم يد القانون والان البلدية في صدد عرض المحل في المزاد العلني لسداد الخسائر الناجمة عن التقصير السالف ذكره كما تبحث البلدية عن متعهد جديد يستوفي كل الشروط الواردة في العطاء

ما دام القصة كدة

نشغلا برانا ويانا فيها

والله حنشغلها احسن منهم ولا بلدية ولا سف السكر

وحنعمل ليها كنترول وامن كمان

هوي يامس سودان
هو طوالي كف كرف لفحو
كدي صنقعي لي فوق وعاين في اول البوست وشوفي اول زول دخل الكافيه دا منو
يعني الشغلانه يابت الخال
اولويات النعم انو البجي اول بيالتباداي
بياخد التوكيل
فهمتي حاجه.......ولا انا

انا عارف ود شداد ده ما زول مسئولية

فى زول بفتح ليهو محل زى ده ويمشى يخليهو، هسه نقول للناس شنو؟ طيب شوف زول يأجرها منك ويشغلا، الله يشغلك فى قده يا ودشداد يا معولق يا مخولق، انا والله همى كله فى الطبلية بتاعتى العملتها جنب باب القهوة، الزبائن كلهم طفشو، لكن انا مفكر اتسلف لى قريشات واشترى القهوة كلها بعد كده، فى زول عنده قروش ما عايزها، يدينى ليها ونرجعها ليهو بالتقسيط

الله يجازى الكان السبب

ود شداد
يا خوي الشيشة حقتي وينا ؟؟؟

حال العدو يا يابا.. مالكم باني فوقكم العنكبوت؟
أب آمنة ..الراجل ما يغيب يومين دايرين تورثوه طوالي... شوف جورج و دينا ديل من غاب ودشداد وشهم ينعل قفاهم
شفت الوفاء كيف

شدو بالله واحد شيشة وخاتها جنب فضولى اصلى عندى
معاهو شمار تقييييييييل لى كم يوم ما شفتو
بسرعة

يا شدو

مشتاااااااقين

و عشان مشتاقين شديد خلى الخواجة بتاعك ده ينزّل واحد يانسون
وخليهو يخت لى الطلب جنب الفاضل عشان عندى معاهو ونسة دقاااااااااااقة
و كمان خلى الود اب آمنة يجى يمسح الطربيزة دى و يجهز فول مصلح من الطبلية عشان آخدو معاى و انا طالع
د.السارة و رحولة سلام

جمع من الناس يتحلقون حول الكافي يتسألون لماذا هذا الموقع الجميل مغلق اين صاحب هذه الدار الجميلة ماذا الم به ربنا يجيب العواقب سليمة ولا يكون اب امنة غدر بيهو ونط بالليل بعد الناس مشت عمل تلب شال الايراد كلو؟؟ مع انو الراجل كريم ما يستاهل اداهو حتة يخت فيها طبليتو 00 ولا يكون الراجل فتح الكافتريا دي شحتفة روح لينا وزاغ؟؟؟ والله لو كدة انا اول واحد يقود الناس المتجمهرة دي واهتف

كافيه شدو نحن نهدو
الله يكضب الشينة ويا شدو تعال لينا

انتو الزول دا مشي وين؟؟

???????